ដោយវុត្ថា

ខេត្តកណ្តាល ៖ អភិបាលខេត្តកណ្តាល បានលើកបានលើកទឹកចិត្តអោយវិនិយោគិននានា មកបោះទុនរកស៊ី ក្នុងភូមិសាស្ត្រខេត្តកណ្តាល អោយកាន់តែច្រើនន ពីព្រោះខេត្តកណ្តាល នាពេលបច្ចុប្បន្ននេះ បាននឹងកំពុងមានសក្តានុពលលើវិស័យសេដ្ឋកិច្ច និងដឹកជញ្ជូន។

លោក គង់ សោភណ្ឌ័ អភិបាលខេត្តកណ្តាល នៅក្នុងជំនួពិភាក្សា ការងារ ជាមួយ លោក ឌិន សុមេធារិទ្ធិ ស្ថាបនិក រមណីយដ្ឋានភូមិផ្កាត្រកួន និងសហការី ចូលជួបសម្តែងការគួរសម ដើម្បីបង្ហាញអំពីវឌ្ឍនភាព និងសុំការគាំទ្រនូវផែនការ វិនិយោគវិសយ័ទេសចរណ៍របស់ខ្លូនដែលបោះទីតាំង ក្នុងភូមិសាស្ត្រ ស្រុកស្អាង ខេត្តកណ្តាល កាលពីថ្ងៃទី១២ ខែសីហា ឆ្នាំ២០២០។

លោកគង់ សោភ័ណ្ឌ ឱ្យដឹងថា ខេត្តកណ្ដាលគឺ មានសក្កានពលធនធានធម្មជាតិជាច្រើន ដែលបំរើឱ្យ វិសយ័កសិកម្ម វិសយ័ទេសចរណ៍ និងរមណីយដ្ឋាន វប្បធម៏ប្រវត្តិសាស្ត្រ ដែលកត្តាទាំងនេះហើយដែលធ្វើឲ្យអ្នកវិនិយោគទុនទាំងអស់ កាន់តែមានភាពងាយស្រួលក្នុងការមកបណ្ដាក់ទុនរកស៊ី។

លោកបន្តថា រដ្ឋបាលខេត្តសូមស្វាគមន៍រាល់គម្រោងវិនិយោគទាំងអស់ដែលចូលបណ្តាក់ទុនរកស៊ីនៅក្នុងខេត្តទាំងមូល និងគាំទ្រយ៉ាងពេញទំហឹង ចំពោះការវិនិយោគ លើវិស័យទេសចរណ៍ រមណីយដ្ឋានធម្មជាតិបែប គឺមិនគ្រាន់តែបានបង្កើតបានការងារជាច្រើនដល់ប្រជាពលរដ្ឋនៅតំបន់នោះ ប៉ុណ្ណោះទេ ប៉ុន្តែវាបានផ្តល់នូវការទាក់ទាញភ្ញៀវជាតិ អន្តរជាតិចូលមកលំហែកំសាន្ត ជាច្រើនទៀតផង។

យោងតាមរបាយារណ៍បង្ហាញថា ខេត្តកណ្តាលគឺជាខេត្តដែលមានសក្តានុពលខ្ពស់លើវិស័យសេដ្ឋកិច្ច ដោយក្នុងនោះ សម្រាប់ទិន្នផលសរុបរបស់ខេត្តនាឆ្នាំ២០១៨ មានប្រមាណ ៩.៤៩៤.៧៩៥ លានរៀល (ប្រាំបួនពាន់បួនរយកៅសិបបួនប៊ីលាន ប្រាំពីររយកៅសិបប្រាំលានរៀល) គិតជាដុល្លារប្រហែល ២ ៣៤៤ លានដុល្លារ(ពីរពាន់បីរយសែសិបបួនលាន)។

ខេត្តកណ្តាលមានភូមិសាស្ត្រល្អ គឺហ៊ុព័ទ្ធជុំវិញរាជធានីភ្នំពេញ មានរោងចក្រសហគ្រាសជាង៤៧០ ក្នុងនោះ មានរោងចក្រកាត់ដេសំលៀកបំពាក់ និងដេរស្បែកជើងចំនួន១៨៣រោងចក្រ មានកម្មករជាង១៦ម៉ឺននាក់ រកចំនូលបាន៣៧លាន$ក្នុងខែៗ ហើយជារៀងរាល់ឆ្នាំ ខេត្តកណ្តាលសល់ស្បៀងគិតជាអង្កជាង៥ម៉ឺនតោនសម្រាប់ការនាំចេញ។

តាមការចុះផ្សាយរបស់គេហទំព័រ ខេត្តកណ្តាលបង្ហាញថា សក្ដានុពលរបស់ខេត្តកណ្ដាល មានដូចជា វិស័យ កសិកម្ម ឧស្សាហកម្ម និង ទេសចរណ៍ ជា វិស័យ គោលក្នុងការអភិវឌ្ឍសេដ្ឋកិច្ចខេត្ត។ សម្រាប់ប្រព័ន្ធហេដ្ឋារចនាសម្ព័ន្ធ ក្នុងខេត្តកណ្ដាល គឺខេត្តមានផ្លូវជាតិធំសំខាន់ៗជាច្រើន សម្រាប់តភ្ជាប់ទៅកាន់បណ្ដាខេត្តនានា ដូចជាផ្លូវជាតិលេខ ១ លេខ ២ លេខ ៣ លេខ ៤ លេខ ៥ លេខ ៦ លេខ ៨ លេខ ១១ លេខ ២១ និងលេខ៥១ ។

ជាពិសេសខេត្តកណ្ដាលឆាប់ៗខាងមុខនេះ នឹងមានព្រលានយន្តហោះកម្រិតអន្តរជាតិមួយ១កន្លែង ដែលបានចំណាយទឹកប្រាក់វិនិយោគប្រមាណ១៥០០លានដុល្លារ ដោយសាងសង់លើទំហំផ្ទៃដីជាង២៦០០ហិកតា។ ខេត្តកណ្ដាលជាខេត្តមួយ ដែលមានកក្កានុពលល្អ សម្រាប់ក្រុមហ៊ុន នានា ចូលមកវិនិយោគនាថ្ងៃខាងមុខ៕

ដោយ៖ ប៊ី
ភ្នំពេញ៖ ការប្រយុទ្ធប្រឆាំងនឹងកម្មវិធីទូរស័ព្ទដៃចិន TikTok របស់ប្រធានាធិបតី ដូណាល់ ត្រាំ កំពុងក្លាយជាជំពូកមួយដែលគួរឱ្យចង់ដឹងបំផុតនៅក្នុងសង្គ្រាមត្រជាក់របស់អាមេរិកជាមួយចិន។ កាលពីដើមសប្តាហ៍នេះលោក Trump បានចេញបទបញ្ជាប្រតិបត្តិមួយ ដែលបានផ្តល់ឱ្យប្រព័ន្ធផ្សព្វផ្សាយសង្គមចិនដ៏ធំមួយនេះរហូតដល់ពាក់កណ្តាលខែកញ្ញា ដើម្បីស្វែងរកអ្នកទិញជនជាតិអាមេរិកម្នាក់ ឬត្រូវបានហាមឃាត់នៅក្នុងប្រទេសអាមេរិក។ លោកក៏បានចេញបទបញ្ជាស្រដៀងគ្នាសម្រាប់ កម្មវិធីសេវាកម្មផ្ញើសារចិន WeChat ផងដែរ។

សាច់រឿងនេះមានការពាក់ព័ន្ធជាច្រើនជាមួយគ្នា។ ក្រុមហ៊ុន Microsoft ត្រៀមចំណាយប្រហែល ៥០ ពាន់ដលានដុល្លារ សម្រាប់កម្មវិធីមួយនេះ ដែលត្រូវបានប្រើដើម្បីមើលវីដេអូខ្លីៗ កំប្លែង ដែលបង្កើតឡើងដោយអ្នកប្រើប្រាស់ផ្សេងទៀត។ បច្ចុប្បន្ន កម្មវិធីនេះមានអ្នកប្រើប្រាស់អាមេរិក ១០០ លាននាក់ និងអ្នកវិភាគជឿជាក់ថា វាអាចរីកចម្រើនយ៉ាងឆាប់រហ័ស ដូច្នេះឆាប់ៗនេះវានឹងមានតម្លៃ ២០០ ពាន់លានដុល្លារ។ រដ្ឋបាល Trump ចង់ហាមឃាត់កម្មវិធីនេះ ព្រោះវាជឿជាក់ថា ម្ចាស់ជនជាតិចិនរបស់កម្មវិធីអាចនឹងសហការជាមួយរដ្ឋាភិបាលចិន ដែលអាចប្រើវេទិកានេះសម្រាប់ចារកម្ម ឬផ្សព្វផ្សាយព័ត៌មានមិនពិត ដែលគំរាមកំហែងដល់សន្តិសុខជាតិ។ ប្រសិនបើក្រុមហ៊ុន Microsoft និង TikTok មិនអាចបើកចរចាទិញលក់នេះបានទេនៅពាក់កណ្តាលខែកញ្ញា ប៉ុន្តែ Trump ចង់ឱ្យមានការទិញលក់កម្មវិធីនេះក្នុងពេលឆាប់ៗ។

វាជាការបត់បែនដែលមិនអាចប្រកែកបាននៅក្នុងចន្លោះការទូតរយៈពេលបួនឆ្នាំរបស់រដ្ឋបាល Trump ជាមួយទីក្រុងប៉េកាំង ហើយលោក Trump បានដាក់សម្ពាធដល់ប្រទេសដទៃទៀតក្នុងការរាប់អានជាមួយប្រទេសចិន។
ទោះយ៉ាងណា ក្រុមអ្នករិះគន់បារម្ភថា ការប៉ុនប៉ងចុងក្រោយរបស់លោក Trump ក្នុងការបង្កជម្លោះជាមួយប្រទេសចិន អាចបង្កើតនូវគំរូគ្រោះថ្នាក់ និងប្រឆាំងនឹងលទ្ធិប្រជាធិបតេយ្យក្នុងរបៀប ដែលរដ្ឋាភិបាលព្យាយាមគ្រប់គ្រងការប្រើប្រាស់ Internet របស់ពលរដ្ឋ ដែលនឹងត្រូវបានអបអរសាទរដោយមេដឹកនាំនៃប្រទេស ដែលប្រជាធិបតេយ្យកំពុងដើរថយក្រោយ។

លោក Nanjala Nyabola អ្នកនិពន្ធ និងជាអ្នកវិភាគនយោបាយជំនាញខាងនយោបាយក្នុងយុគសម័យឌីជីថល បាននិយាយថា “ការរឹតត្បិត Internet និងការជ្រៀតជ្រែក ប្រជាជនក្នុងការរិះគន់រដ្ឋាភិបាល ធ្លាប់កើតឡើងក្នុងប្រទេសជាច្រើននៅលើពិភពលោកទេ។ វាបានកើតឡើងនៅក្នុងប្រទេសឥណ្ឌា អ៊ីរ៉ង់ និងនៅតំបន់ផ្សេងៗគ្នានៃទ្វីបអាហ្វ្រិក។ អ្វី ដែលប្រជាជនកំពុងតស៊ូដើម្បីការពិត កំពុងកើតឡើងនៅសហរដ្ឋអាមេរិក។ នៅពេលប្រទេសមួយ ដូចជាសហរដ្ឋអាមេរិកចាប់ផ្តើមធ្វើឱ្យគំនិតលទ្ធិប្រជាធិបតេយ្យបាត់បង់ វានឹងបើកទ្វារឱ្យប្រទេសដទៃទៀតធ្វើដូចគ្នា”។

នេះមើលទៅដូចជាការវិភាគលទ្ធិប្រជាធិតេត្យយ៉ាងខ្លាំដំបូង ដែលបានផ្តល់ឱ្យការប្រៀបធៀបនៅក្នុងប្រទេសអ៊ីរ៉ង់ និងអាហ្រ្វិកដែលជាកន្លែងដែលមនុស្សត្រូវបានចាប់ខ្លួនពីបទបង្ហាញការប្រឆាំងតាម Internet។ អ្វី ដែលលោកTrump កំពុងនិយាយគឺការដកវេទិកាជាក់លាក់ចេញពី Internet របស់អាមេរិក។វាជាការពិតដែលថា រឿងនេះកំពុងកើតឡើងនៅក្នុងប្រទេសប្រជាធិបតេយ្យ ដែលវិធានការណ៍របស់លោក Trump កំពុងធ្វើឱ្យមនុស្សលើពិភពចាប់អារម្មណ៍។ លោក Nic Cheeseman សាស្រ្តាចារ្យខាងលទ្ធិប្រជាធិបតេយ្យនៅសាកលវិទ្យាល័យ Birmingham បានមានប្រសាសន៍ថា “រាល់ពេលដែលមេដឹកនាំលោកខាងលិចកាត់បន្ថយការបញ្ចេញមតិដោយសេរី និងភាពគ្មានហេតុផលកើតឡើង បុព្វហេតុនៃសេរីភាពស៊ីវិលត្រូវបានបំផ្លាញ។ វាធ្វើឱ្យមានភាពងាយស្រួលសម្រាប់រដ្ឋាភិបាលដែលកំពុងស្វែងរកការរឹតត្បិតលើបណ្តាញសង្គមនៅក្នុងប្រទេសអ៊ីរ៉ង់ ទួរគី និងតង់ហ្សានី ដើម្បីបិទសំលេងរិះគន់។

ថាតើលោក Trump មានហេតុផលល្អ ឬអត់ ខណ៖ Cheeseman វិភាគថា TikTok បើកចំហដើម្បីជជែកវែកញែក។ TikTok ជាកម្មសិទ្ធិរបស់ក្រុមហ៊ុនឯកជនចិនមួយ ដែលមានឈ្មោះថា ByteDance។ TikTok មិនដំណើរការនៅក្នុងប្រទេសចិនទេ ហើយក្នុងករណីអាមេរិក TikTok នៅតែអះអាងថា ទិន្នន័យរបស់អ្នកប្រើប្រាស់ត្រូវបានរក្សាទុកនៅលើម៉ាស៊ីនមេនៅខាងក្នុងសហរដ្ឋអាមេរិក។
លោក Nyabola ជឿជាក់ថា បញ្ហាលើកម្មវិធី TikTok និងផលវិបាកនេះ វាអាចមានចំពោះលទ្ធិប្រជាធិបតេយ្យអាមេរិក ក្នុងបរិបទនៃការកាន់តំណែងរបស់លោក Trump បួនឆ្នាំ។ “ក្នុងអំឡុងពេលនៃការគ្រប់គ្រងរបស់ Trump អ្វីដែលធ្លាប់ត្រូវបានហាមឃាត់បានក្លាយជារឿងធម្មតា។ វាបានជ្រៀតជ្រែកជាមួយស្ថាប័ន ដូចជាការិយាល័យអគ្គរដ្ឋអាជ្ញាទាក់ទងនឹងការស៊ើបអង្កេតលើប្រធានាធិបតី។ តើអ្វីដែលមើលទៅប្រទេសដែលចង់បំបិទមាត់អ្នករិះគន់ ដើម្បីបិទការរិះគន់រដ្ឋាភិបាល៕

ដោយវុត្ថា

ភ្នំពេញ៖ គណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា និងក្រសួងទេសចរណ៍ បានចាប់ផ្តើមពិភាក្សាស្វែងរកដំណោះស្រាយរួមគ្នាចំពោះវិស័យទេសចរណ៍ក្នុងវិបត្តិជំងឺ Covid-19 ខណៈដែលវិស័យទ្រទ្រងសេដ្ឋកិច្ចជាតិមួយនេះ បានទទួលរងនូវផលប៉ះពាល់យ៉ាងធ្ងន់ធ្ងរ។

កិច្ចពិភាក្សារួមគ្នា ស្តីពីវិធានការជាដំណោះស្រាយចំពោះវិស័យទេសចរណ៍ក្នុងបរិបទកូវីដ-១៩ត្រូវបានធ្វើឡើងក្រោមអធិបតីភាព លោក ហ៊ុន ម៉ានី ប្រធានគណ:កម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា និង លោក ថោង ខុន រដ្ឋមន្រ្តីក្រសួងទេសចរណ៍នៅថ្ងៃទី ១៣ ខែសីហា ឆ្នាំ ២០២០នេះ។

គណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា បានឱ្យដឹងថា ដោយផ្អែកលើស្ថានភាពការវិវត្តថ្មីៗ និងឥតឈប់ឈរនៃការរីករាលដាលជំងឺកូវីដ១៩ ដែលបាន និងកំពុងបន្តជះឥទ្ធិពលអវិជ្ជមានដល់វិស័យទេសចរណ៍ មិនថាការប្រឈមលើវិស័យទាំងមូល និងការលំបាកនានារបស់ប្រតិបត្តិករក្នុងឧស្សាហកម្មនេះ ។

គណៈកម្មការទី៧ ក្នុងនាមជាសេនាធិការជូនរដ្ឋសភា ដែលទទួលបន្ទុកលើវិស័យទេសចរណ៍ផ្ទាល់ មានការយកចិត្តទុកដាក់ តាមដាន ពិនិត្យលើសកម្មភាពនានាដែលក្រសួងទេសចរណ៍បាន និងកំពុងអនុវត្ត ហើយឈានដល់ការជួបប្រជុំរវាងគណៈកម្មការទី៧ និងក្រសួងទេសចរណ៍ នាព្រឹកថ្ងៃនេះ ដើម្បីពិនិត្យ ពិភាក្សារួមគ្នាអំពីវិធានការជាដំណោះស្រាយចំពោះវិស័យទេសចរណ៍ក្នុងបរិបទកូវីដ១៩ និងក្រោយកូវីដ១៩ ព្រមទាំងការពិនិត្យលទ្ធភាពបង្កើនសកម្មភាពទេសចរណ៍ក្នុងប្រទេសកម្ពុជា។

យោងតាមរបាយការណ៍របស់ធនាគារពិភពលោក បានឱ្យដឹងថា វិបត្តិសេដ្ឋកិច្ច និងរោគរាតត្បាតទូទាំងសកលលោកដោយសារមកពីជំងឺកូវីដ-១៩ បានបង្កការគំរាមកំហែងយ៉ាងខ្លាំងមកលើការអភិវឌ្ឍដែលកម្ពុជាសម្រេចបានក្នុងរយៈពេល៣០ឆ្នាំចុងក្រោយនេះ នៃប្រវត្តិសាស្ត្ររបស់ខ្លួន។

វិស័យបីដែលរងការប៉ះទង្គិចខ្លាំងជាងគេ គឺគឺវិស័យទេសចរណ៍ ឧស្សាហកម្មផលិតសម្រាប់នាំចេញ និងវិស័យសំណង់ មានចំណែកជាង ៧០ភាគរយនៃកំណើនសេដ្ឋកិច្ច និងផ្តល់ការងារមានកម្រៃចំនួន ៣៩,៤ភាគរយ នៃការងារសរុប នៅក្នុងឆ្នាំ២០១៩។

ក្នុងឆ្នាំ២០២០ សេដ្ឋកិច្ចរបស់កម្ពុជាទំនងជានឹងថមថយកំណើនខ្លាំងមែនទែនដែលមិនធ្លាប់មានតាំងពីឆ្នាំ១៩៩៤មក ដោយវានឹងថមថយខ្លាំងធ្លាក់រហូតដល់កម្រិតរវាង -១ភាគរយ ក្នុងសេណារីយោគោល និង -២,៩ ភាគរយ ក្នុងសេណារីយោដែលទាបបំផុត។

ភាពក្រីក្រអាចនឹងកើនឡើងពី ៣ ទៅ ១១ភាគរយ ពិសេសក្នុងចំណោមក្រុមគ្រួសារដែលប្រឡូកពាក់ព័ន្ធក្នុងវិស័យទេសចរណ៍, ការទិញលក់ដុំនិងរាយ, វិស័យកាត់ដេរ, ផ្នែកសំណង់, ពាណិជ្ជកម្ម, ឬ ក្នុងឧស្សាហកម្មផលិត ក្នុងករណីបើពួកគាត់បាត់បង់ចំណូលអស់ ៥០ភាគរយ ក្នុងរយៈពេលប្រាំមួយខែជាប់គ្នា៕

ដោយ ៖ វុត្ថា

កែប ៖ ប្រធានមន្ទីរទេសចរណ៍ខេត្តកែបបានអះអងថា មានតម្រូវការខ្ពស់លើសពីការរំពឹងទុក សម្រាប់ការផ្គត់ផ្គង់សេវាស្នាក់នៅរយៈពេលខ្លីរបស់បណ្តាសណ្ឋាគារ ផ្ទះសំណាក់ បឹងហ្គាឡូ នានានៅទូទាំងខេត្តកែប ដែលគិតនៅត្រឹមរសៀលថ្ងៃទី១២ ខែសីហា ឆ្នាំ២០២០នេះ ត្រូវបានទទួលការកក់ទុកពីសំណាក់ក្រុមហ៊ុនភ្នាក់ងារទេសចរណ៍ ក៏ដូចជាលក្ខណៈឯកជនអស់ទាំងស្រុងសម្រាប់ថ្ងៃឈប់សម្រាក់ខាងមុខនេះ។

ប្រធានមន្ទីរទេសចរណ៍ខេត្តកែប លោក សោម ចិន្តា បានប្រាប់ឱ្យដឹងកាលពីថ្ងៃទី១២ ខែសីហា ឆ្នាំ ២០២០ម្សិលមិញនេះថា ផ្ទះសំណាក់ សណ្ឋាគារ និងបឹងកាឡូផ្សេងៗ នៅក្នុងខេត្តជាប់តំបន់ឆ្នេរមួយនេះ ត្រូវភ្ញៀវកក់បន្ទប់ពេញអស់ហើយ សម្រាប់ឱកាសថ្ងៃឈប់សម្រាកជំនួសបុណ្យចូលឆ្នាំប្រពៃណីជាតិនៅចុងសប្ដាហ៍នេះ។

លោកបានបញ្ជាក់ថា “ខេត្តកែបមានផ្ទះសំណាក់ និងសណ្ឋាគារជាង ៩០កន្លែង សរុបបន្ទប់ទាំងអស់មានជាង ១៣០០បន្ទប់។ បច្ចុប្បន្នបន្ទប់ដែលថ្លៃបំផុតត្រឹមជាង ២០០ដុល្លារក្នុងមួយបន្ទប់ និងទាបបំផុតចន្លោះពី ១០ទៅ ១៥ដុល្លារ អាស្រ័យលើប្រភេទបន្ទប់ ដែលខុសពីឆ្នាំមុន បន្ទប់ថ្លៃបំផុតរហូតដល់ជាង ៥០០ដុល្លារ ក្នុងមួយបន្ទប់។
លោកបន្តថា ការចុះថ្លៃនេះក៏ដោយសារការណែនាំរបស់មន្ទីរពាក់ព័ន្ធដោយសម្រួលឱ្យម្ចាស់ផ្ទះសំណាក់ និងសណ្ឋាគារទាំងនោះ ចុះថ្លៃបន្ទប់ក្នុងសម័យកូវីដនេះ”។

លោកបានមានប្រសាសន៍បន្តទៀតថា “ពាក់ព័ន្ធទៅនឹងការបម្រើសេវាកម្មលើផ្នែកចំណីអាហារ អាជ្ញាធរពាក់ព័ន្ធ ជាពិសេសមន្ទីរទេសចរណ៍បានចុះទៅណែនាំឱ្យម្ចាស់ហាង ដែលកំពុងប្រកបអាជីវកម្មត្រូវរៀបចំបញ្ហាអនាម័យក្នុងហាងឱ្យមានរបៀបរៀបរយ ដូចជាតម្រូវឱ្យទឹកអាល់កុល និងជែល សម្រាប់ភ្ញៀវលាងសម្អាតដៃ និងបញ្ហាតម្លៃម្ហូបអាហារ ដោយធ្វើយ៉ាងណាត្រូវមានសៀវភៅរាយមុខម្ហូប ដោយបញ្ជាក់ឱ្យច្បាស់ជាមួយតម្លៃចៀសវាងការកើតទំនាស់ផ្សេងៗជាមួយភ្ញៀវ”។

យ៉ាងណាក៏ដោយ លោក សោម ចិន្តា ប្រធានមន្ទីរទេសចរណ៍ខេត្តកែបក៏បានលើកឡើងផងដែរថា ចំពោះប្រជាពលរដ្ឋដែលមានបំណងមកសម្រាកលេងកម្សាន្តនៅខេត្តកែប នៅសប្តាហ៍ក្រោយនេះ នៅតែមានកន្លែងសម្រាប់ស្នាក់នៅដែរ ដោយរដ្ឋបាលខេត្តបានផ្តល់ទីតាំងសាធារណៈធំៗជាច្រើនកន្លែង សម្រាប់ឱ្យប្រជាពលរដ្ឋបោះតង់ស្នាក់នៅដោយមិនមានការគិតប្រាក់ឡើយ ជាមួយនឹងការធានាបាននូវសន្តិសុខ និងសុវត្ថិភាពខ្ពស់៕

ដោយ ៖ វុត្ថា

ភ្នំពេញ ៖ សមាគមរោងចក្រកាត់ដេរកម្ពុជា (GMAC) បានណែនាំឱ្យសមាជិកខ្លួន និងអ្នកបញ្ជាទិញអន្តរជាតិដែលទទួលបានផលប្រយោជន៍ពីប្រព័ន្ធអនុគ្រោះពន្ធលើគ្រប់មុខទំនិញលើកលែងតែសព្វាវុធ (EBA)ត្រូវរៀបចំផលិតផលឡើងវិញ បន្ទាប់សហភាពអឺរ៉ុបសម្រេចដកផ្នែកខ្លះនៃប្រព័ន្ធនេះចាប់ពីថ្ងៃទី១២ ខែសីហា ឆ្នាំ២០២០នេះតទៅ។

GMAC បានសរសេរនៅក្នុងសេចក្តីណែនាំចេញផ្សាយនៅថ្ងៃទី ១២ ខែសីហា ឆ្នាំ ២០២០នេះថា សេចក្តីសម្រេចរបស់សហភាពអឺរ៉ុបស្តីពីការដកផ្នែកខ្លះនៃប្រព័ន្ធអនុគ្រោះពន្ធលើគ្រប់មុខទំនិញលើកលែងតែគ្រឿងសព្វាវុធ (EBA) សម្រាប់ផលិតផលសម្លៀកបំពាក់ ស្បែកជើង និងផលិតផលធ្វើដំណើរមួយចំនួនពីកម្ពុជានឹងចូលជាធរមានចាប់ពីថ្ងៃទី១២ ខែសីហា ឆ្នាំ២០២០។

GMAC ថា ការរៀបចំឡើងវិញនេះ ដើម្បីផ្តល់ភាពច្បាស់លាស់អំពីខ្សែបន្ទាត់ពន្ធលើផលិតផលដែលបាត់អត្ថប្រយោជន៍ EBA និងខ្សែបន្ទាត់ពន្ធលើផលិតផលដែលបន្តទទួលបានអត្ថប្រយោជន៍ពីការមិនយកពន្ធ និងមិនមានកូតាសម្រាប់ការនាំចូលទៅកាន់ទីផ្សារសហភាពអឺរ៉ុប។

GMAC បញ្ជាក់ថា សេចក្តីសម្រេចរបស់គណៈកម្មការកាលពីថ្ងៃទី១១ ខែកុម្ភៈ ឆ្នាំ ២០២០ កន្លងមកនេះ បានដកអត្ថប្រយោជន៍សម្រាប់បន្ទាត់ពន្ធសរុបចំនួន ៤០ (ខ្សែបន្ទាត់ពន្ធលើស្ករចំនួន ១ ខ្សែ បន្ទាត់ពន្ធលើផលិតផលធ្វើដំណើរចំនួន ៥ ខ្សែបន្ទាត់ពន្ធលើផលិតផលសម្លៀកបំពាក់ចំនួន ២៥ និងខ្សែបន្ទាត់ពន្ធលើផលិតផលស្បែកជើងចំនួន ៩) នៅកម្រិត៤ និង ៦ខ្ទង់ ដែលជាធរមានចាប់ពីថ្ងៃទី ១២ ខែសីហា ឆ្នាំ២០២០ ។

GMAC បន្ថែមថា សម្រាប់ខ្សែបន្ទាត់ពន្ធនៅសល់ដទៃទៀតនៅកម្រិត ៦ ខ្ទង់នៅតែទទួលបានអត្ថប្រយោជន៍រួចពន្ធ និងគ្មានកូតាក្រោមកម្មវិធី EBA ដដែលសម្រាប់ការនាំចេញពីកម្ពុជា ។

គណកម្មការសភាពអឺរ៉ុបនៅថ្ងៃទី១២ ខែសីហា ឆ្នាំ២០២០នេះ បានចេញសេចក្តីសម្រេចជាផ្លូវការដកប្រព័ន្ធអនុគ្រោះអន្ធ EBA ពីកម្ពុជា បន្ទាប់ពីទុកពេលឱ្យកម្ពុជាពិចារណាអស់រយៈពេលជាច្រើនខែកន្លងមកនេះ។ តែយ៉ាងណាក៏សភាពអឺរ៉ុបថ្លែងថា ការសម្រេចមកនេះ មានចំនួនតែ ២០ភាគរយដែលបាននាំទំនិញទៅកាន់ទីផ្សារសហភាពអឺរ៉ុប តែយ៉ាងកម្ពុជានៅតែអាចនាចេញទៅកាន់ទីផ្សារអឺរ៉ុបក្រោមរូបភាពបង់ពន្ធ។

តែសម្រាប់មុខទំនិញចំនួន ៨០ ភាគរយទៀត របស់កម្ពុជាដែលនាំចេញទៅកាន់ទីផ្សារអឺរ៉ុបនៅតែអាចទទួលបានអនុគ្រោះពន្ធ EBA ដដែល ៕