ដោយ ៖ វុត្ថា
ភ្នំពេញ ៖ ចាប់ពីឆ្នាំ១៩៩២ រហូតមកដល់ឆ្នាំ ២០១៩ កន្លងមកនេះ រដ្ឋាភិបាលនៃប្រទេសអូស្ត្រាលីបានផ្តល់ហិរញ្ញប្បទានឥតសំណងប្រមាណ ១.០៣៩លានដុល្លារអាមេរិកដល់ការអភិវឌ្ឍប្រទេសកម្ពុជាដោយផ្តោតលើវិស័យអាទិភាពចំនួន ៤ គឺកសិកម្ម ហេដ្ឋារចនាសម្ព័ន្ធ អប់រំ និងសុខាភិបាល និងអភិបាលកិច្ច។
នៅក្នុងសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជាដែលទទួលបាននៅថ្ងៃទី៤ ខែសីហា ២០២០ឱ្យដឹងថាក្រៅពីនេះ រដ្ឋាភិបាលអូស្ត្រាលី បច្ចុប្បន្នបាន និងកំពុងអនុវត្តគម្រោង/កម្មវិធីសំខាន់ៗចំនួន៩ ដើម្បីចូលរួមអភិវឌ្ឍនៅកម្ពុជា ដែលមានទំហំថវិកាចំនួនជាង ២៥៧លានដុល្លារ។
គម្រោង/កម្មវិធីសំខាន់ៗទាំងនោះរួមមាន ៖ ១.កម្មវិធីខ្សែច្រវ៉ាក់តម្លៃកសិកម្មដំណាក់កាលទី២ មានទំហំហិរញ្ញប្បទាន ៨៤លានដុល្លារអូស្ត្រាលី, ២.កម្មវិធីវិនិយោគក្នុងវិស័យហេដ្ឋារចនាសម្ព័ន្ធ មានទំហំហិរញ្ញប្បទាន ៤៩លានដុល្លារអូស្ត្រាលី, ៣. គម្រោងលើកកម្ពស់គុណភាព និងសមភាពសុខាភិបាល មានទំហំហិរញ្ញប្បទាន ៥០លានដុល្លារអូស្ត្រាលី, ៤. គម្រោងកែលម្អផ្លូវជនបទ ដំណាក់កាលទី២ មានទំហំហិរញ្ញប្បទាន ២២,៦លានដុល្លារអូស្ត្រាលី, ៥. កម្មវិធីបោសសំអាតមីន ដើម្បីលទ្ធផលដំណាក់កាលទី៣ មានទំហំហិរញ្ញប្បទាន ៩លានដុល្លារអូស្ត្រាលី, ៦. កម្មវិធីអត្តសញ្ញណកម្មគ្រួសារក្រីក្រ មានទំហំហិរញ្ញប្បទាន ៧.៣៣លានដុល្លារអូស្ត្រាលី, ៧. គម្រោងអភិវឌ្ឍន៍ធនធានមនុស្សសិក្សានៅប្រទេសអូស្រ្តាលី ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតប្រមាណ ៥០នាក់ក្នុងមួយឆ្នាំ និងវគ្គសិក្សាខ្លី មានទំហំហិរញ្ញប្បទាន ១៨លានដុល្លារអូស្ត្រាលី, ៨.គម្រោងពន្លកចំណេះ មានទំហំហិរញ្ញប្បទាន ២,៩លានដុល្លារអូស្ត្រាលី និង៩.កម្មវិធីសេវាប្រកបដោយសមធម៌ និងនិរន្តភាព មានទំហំហិរញ្ញប្បទាន ១៥លានដុល្លារអូស្ត្រាលី៕
សូមបញ្ជាក់ផងដែរថា តំបន់នៅតាមបណ្តោយ មហាវិថីសម្ដេចតេជោ ហ៊ុន សែន (ផ្លូវ ៦០ម៉ែត្រ) ភាគខាងត្បូងរាជធានីភ្នំពេញ កំពុងតែវិវដ្តខ្លួន ទៅជាទីក្រុងរណបក្នុងពេលឆាប់ៗនេះ ដោយសារតែសន្ទុះនៃការអភិវឌ្ឍន៍ខ្លាំងក្លា ដែលរួមមាន សាលាអន្តរជាតិ ផ្សារទំនើប មជ្ឈមណ្ឌលពាណិជ្ជកម្ម ខុនដូ គម្រោងលំនៅដ្ឋាន តួយ៉ាងដូចជាគម្រោងផ្សារទំនើបដ៏ល្បីរបស់ជប៉ុន និងមន្ទីរពេទ្យអន្តរជាតិមួយ ក៏បានប្រកាសវត្តមានជាផ្លូវការក្នុងតំបន់នេះផងដែរ។ ចំណែកឯផ្លូវក្រវ៉ាត់ក្រុងទី២ (ផ្លូវ៥០ម៉ែត្រ) ក្បែរមហាវិថីសម្តេចតេជោ (ផ្លូវ៦០ម៉ែត្រ) ក៏ទទួលបានការអភិវឌ្ឍ គួរអោយកត់សំគាល់ ជាពិសេសេតំបន់នេះ ជាច្រកសេដ្ឋកិច្ចដ៏សំខាន់ សម្រាប់តភ្ជាប់ពីផ្លូវជាតិលេខ១ លេខ២ លេខ៣ និងលេខ៤ ទៅកាន់បណ្តាខេត្តនានា ព្រមទាំងមានទីតាំងនៅជិត ព្រលានយន្តហោះអន្តរជាតិថ្មី ត្រូវសាងសង់នៅលើផ្ទៃដីរហូតដល់ ២៦០០ហិចតា មិនឆ្ងាយប៉ុន្មានឡើយពីរាជធានីភ្នំពេញ ធ្វើអោយតំបន់នេះមានដីធំទូលាយច្រើន ដែលនេះគឺជាកត្តាធ្វើឲ្យដីនៅតំបន់នេះ ឡើងថ្លៃខ្លាំងផងដែរ។
