ដោយគង់ សូរិយា
ភ្នំពេញៈ ការរៀបចំហេដ្ឋារចនាសម្ព័ន្ឋទីក្រុងថ្មីកោះនរា ដែលបាននិងកំពុងចាក់ខ្សាច់ និងថ្មដើម្បីបំពេញគ្រឹះរបស់ទីក្រុងនេះ សម្រេចបានចន្លោះ៣០ទៅ៣៥ភាគរយហើយ។

អគ្គនាយករងក្រុមហ៊ុនOCICលោកទូច សំណាងបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី១២ វិច្ឆិកានេះថា សកម្មភាពកសាងមូលដ្ឋានគ្រឹះនៃហេដ្ឋារចនាសម្ព័ន្ឋនានាសំរាប់ទីក្រុងកោះនរា កំពុងឆ្ពោះទៅមុខយ៉ាងសកម្ម ដោយមិនមានចំណុចណារអាក់រអួលនោះទេ ដោយគិតពីពេលចាប់ផ្តើមរហូតមកទល់ពេលនេះ ការសាងសង់ហេដ្ឋារចនាសម្ព័ន្ឋបានសម្រេចតាមផែនការ។
លោកបន្តថា “ផែនការមេនៃការអភិវឌ្ឍទីក្រុងនេះបាន និងកំពុងដំណើរការ តាមផែនការ ប៉ុន្តែដោយសារវិបត្តិនៃជំងឺCovid-19បានធ្វើឲ្យអ្នកវិនិយោគជាតិ អន្តរជាតិកំពុងផ្អាកសកម្មភាពេរបស់ពួកគេ”។ លោកបន្តថា “ទស្សនទាននៃការអភិវឌ្ឍទីក្រុងកោះនរា មានភាពស្រដៀងគ្នា នឹងទីក្រុងកោះពេជ្រនាពេលបច្ចុប្បន្ននេះ ដោយវានឹងក្លាយជាទីក្រុងរណបមួយ ដែលនឹងរួចចំណែកអភិវឌ្ឍន៍សេដ្ឋកិច្ចកម្ពុជា”។
ក្នុងកំឡុងពិធីបើកការដ្ឋានសម្ភោធការដ្ឋាន សាងសង់ស្ពានតភ្ជាប់ពីទីក្រុងកោះពេជ្រ និងទីក្រុងកោះនរា និងស្ពានតភ្ជាប់ជាមួយផ្លូវជាតិលេខ១ អ្នកឧកញ៉ាពុង ឃាវសែប្រធានក្រុមប្រឹក្សាភិបាល ក្រុមហ៊ុនOCICបានមានប្រសាសន៍ថា ការអភិវឌ្ឍទីក្រុងកោះនរា នឹងផ្តល់ចំណូលចូលដល់សេដ្ឋកិច្ចជាតិជាង២០០លានដុល្លារ សហរដ្ឋអាមេរិកក្នុងមួយឆ្នាំៗ៕






















លោកស្រី តាំង ហួរ នាយិកាក្រុមហ៊ុន Amatak Property Service បានប្រាប់គេហទំព័រ propertyrea.asia កាលពីថ្ងៃទី ១១ ខែវិច្ឆិកា ម្សិលមិញនេះថា អ្នករកស៊ីក្នុងវិស័យអចលទ្រព្យមួយចំនួនហាក់លមានអារម្មណ៍ភ័យព្រួយចំពោះអាជីវកម្ម ខណៈដែលរាជរដ្ឋាភិបាលកម្ពុជា បាននឹងកំពុងប្រយុទ្ធប្រឆាំងទៅនឹងជំងឺកូវីដ ១៩ ។



