ដោយវុត្ថា
ភ្នំពេញ៖ សកម្មភាពអាជីវកម្មនៅកំពង់ផែស្វយ័តក្រុងព្រះសីហនុនៅតែរក្សាបាននិរន្តរភាព ដោយសារតែសេវាកម្មសំខាន់ៗ គឺកុងតឺណ័រ គឺមានទំហំជាង ៩០ ភាគរយ ហើយសេវាកម្ម ផ្សេងគឺបន្ទាប់បន្សំ ខណៈ អំឡុងពេលនេះ កំពុងតែ បន្តនិរន្តភាព និងនៅតែរក្សាបានដដែល ហើយនិងការប្តេជ្ញាចិត្តនឹងបន្តកិច្ចខិតខំ បន្ថែមទៀតនា ឆ្នាំ ២០២០នេះ ។

លោក ថៃ ឫទ្ធី អគ្គនាយករងអាជីវកម្មនៃកំពង់ស្វយ័តក្រុងព្រះសីហនុ ឱ្យដឹងកាលពេលថ្មីៗនេះថា សកម្មភាពអាជីវកម្មរបស់កំពង់ផែ មានសកម្មភាពកើនឡើង និងមមាញឹកខ្លាំងគឺចាប់ពីខែ កក្កដា ដោយការ សកម្មភាពនាំចេញខ្លាំងហើយតម្រូវការនៅទីផ្សារអឺរូប និង អាមេរិកកើន ខ្លាំង ប៉ុន្តែ ខែ មិថុនា និង ខែ កក្កដា នៅក្នុងឆ្នាំនេះ គឺសកម្មភាពហាក់នៅរក្សាសេ្ថរភាពដោយនៅមួយសប្តាហ៍ គឺមាន ប្រមាណជា ៧០០០ ទូ ឫ ១១.០០០ TEU។

លោកបានបន្តថា “ជាធម្មតាចាប់ពីខែ កក្កដាទៅសកម្មភាពវាមមាញឹកខ្លាំងមែន ទែន ប៉ុន្តែដោយសារតែកូវីដ១៩ នៅក្នុងរយៈពេល ខែកក្កដា និង សីហា ៨ ឆ្នាំនេះ យើងអត់សង្ឃឹមថា យើងនឹងទទួលបានកំណើនទេ ហើយវាអាចនឹងធ្លាក់ចុះខ្លះ តែទោះបីជាយ៉ាងណាក៏ដោយក៏យើងសង្ឃឹមថា សកម្មភាពអាជីវកម្មរបស់កំពង់ ផែនៅតែរឹងមាំ”។

លោកបន្ថែមថា “នៅឆ្នាំ២០២០ យើងរំពឹងថា យើងអាចមិនទទួលបានកំណើនទេ ហើយអាចនឹង ចុះ បន្តិចបន្តួច ប៉ុន្តែយើងអាចរក្សាបាននូវសកម្មភាពអាជីវកម្ម ហើយក៏មិនមានការកាត់បន្ថយបុគ្គលិក ឡើយ” ។

លោកបានបន្តទៀតថា សម្រាប់ឆ្នាំ២០២០ និង ២០២១ ខាងមុខបើកុំតែកូវីដ១៩ យើងអត់មានការ បារម្ភ រឿង EBA អ្វីឡើយ ពីព្រោះថា សកម្មភាពនៅកំពុងផែ គឺសំខាន់ដៃគូជាពិសេសគឺក្រុមហ៊ុនកប៉ាល់់គេទុកចិត្តទេ សេវារបស់យើង ដូច្នេះបើសេវារបស់យើងគេទទួលយកបាន ហើយក្រុមហ៊ុនកប៉ាល់នៅតែស្មោះ ស្ម័គ្រនឹងយើង ។

លោកបានបន្តទៀតថា សកម្មភាពកំពុងផែគេនិយាយតែពីរឿងគុណភាពសេវាកម្ម ពោលគឺនៅពេលដែល នាវាមកគឺត្រូវតែមានចំណតចូលចត ហើយអាចចំណាយពេលប៉ុន្មានទើបកប៉ាល់អាចចាកចេញវិញបាន ។
រហូតមកដល់ ពេលនេះកំពង់ផែស្វយ័តក្រុងព្រះសីហនុមានក្រុមហ៊ុនក៉ប៉ាលប្រមាណជា ១០ ក្រុមហ៊ុន ហើយសម្រាប់នាវាចេញចូល គឺប្រមាណជា ១៥ គ្រឿង នៅក្នុងមួយសប្តាហ៍ រីឯក្រុមហ៊ុនដឹក ជញ្ជូនក្នុងស្រុកប្រមាណជាពី៤០ ទៅ ៥០ ក្រុមហ៊ុន ។

កំពង់ផែស្វយ័តក្រុងព្រះសីហនុគឺជាមាត់ច្រកដ៏សំខាន់សម្រាប់ប្រទេស ពោលគឺជាកំពង់ផែទឹកជ្រៅតែមួយគត់ ដែលភ្ជាប់ក្រុងព្រះសីហនុទៅបណ្តាខេត្តនិងរាជធានីតាមរយៈ ផ្លូវជាតិលេខ ៤ លេខ៣ និង ផ្លូវរថភ្លើង ។ បច្ចុប្បន្ននេះបរិមាណទំនិញ ស្ទើរតែជាង ៧០ ភាគរយបាននាំចេញពីកម្ពុជានិងនាំចូល កម្ពុជាគឺឆ្លងកាត់កំពង់ផែនេះ ក្រៅពីនោះគឺឆ្លងកាត់តាមកំពង់ផែស្វយ័តភ្នំពេញ និង តាមច្រកព្រំដែន ។

អាជីវកម្មចំបងរបស់ កំពង់ផែនេះ គឺការលើកដាក់ទំនិញនាំចេញនាំចូល សេវាកម្មបម្រើតំបន់សេដ្ឋកិច្ចពិសេស និង ភស្តុភាកម្មដំណើរឲ្យការរុករកប្រេង ដោយឡែក គ្រឿងបង្គុំរោងចក្រ និង ផលិតផល សំខាន់ៗទៀតក៏ឆ្លងកាត់កំពង់ផែនេះផងដែរ៕

ដោយ៖ ប៊ី
ភ្នំពេញ៖ ក្រុមហ៊ុន NagaCorp ទទួលបានការយល់ព្រមពីអាជ្ញាធរកម្ពុជា ដើម្បីបើកអាជីវកម្មកាស៊ីណូរបស់ខ្លួនឡើងវិញនៅក្នុងប្រទេសកម្ពុជា។ នេះបើយោងតាមលើកឡើងរបស់ ក្រុមហ៊ុនដែលបានចេញមូលបត្របំណុលនៅផ្សារហ៊ុនសឹង្ហបុរីក្នុងឯកសារផ្សារហ៊ុនកាលពីថ្ងៃអាទិត្យកន្លងមក។

ដោយបានចុះបញ្ជីនៅហុងកុង ក្រុមហ៊ុន NagaCorp ប្រតិបត្តិការណាហ្គាវើល ដែលមានសណ្ឋាគារ កន្លែងកម្សាន្ត អជីវកម្មល្បែងនៅក្នុងរាជធានីភ្នំពេញនៃប្រទេសកម្ពុជា។

កាលពីថ្ងៃទី ១៨ ខែកក្កដា ក្រុមហ៊ុនបានទទួលការជូនដំណឹងពីក្រសួងសុខាភិបាលកម្ពុជាថា ខ្លួនគ្មានការជំទាស់នឹងក្រុមហ៊ុន NagaCorp ដែលបន្តអាជីវកម្មកាស៊ីណូទាំងអស់របស់ខ្លួននៅក្នុងរាជធានីភ្នំពេញ ដែលរួមមានទីផ្សាធំៗ វីអាយភី និងម៉ាស៊ីនហ្គេម។

កាលពីដើមខែកក្កដា រដ្ឋាភិបាលកម្ពុជាបានប្រកាសថានឹងអនុញ្ញាតឱ្យកាស៊ីណូទាំងអស់នៅក្នុងប្រទេស បើកដំណើរការឡើងវិញ ដោយម្ចាស់កាស៊ីណូតម្រូវឱ្យចុះកិច្ចព្រមព្រៀងឬអនុស្សរណៈនៃការយោគយល់ (MOU) គ្នាជាមួយក្រសួងសុខាភិបាលកម្ពុជា។ ក្រុមហ៊ុន NagaCorp បានចុះ MOU ជាមួយក្រសួងនៅថ្ងៃទី ៥ ខែកក្កដា។

ភាគហ៊ុនរបស់ក្រុមហ៊ុន NagaCorp នៅហុងកុងបានបិទក្នុងតម្លៃ ៩,១៤ ដុល្លារហុងកុងកាលពីថ្ងៃសុក្រ កើនឡើង ២,០១ ភាគរយ៕ Business Times

ដោយ ៖ វុត្ថា

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញអនុក្រឹត្យស្តីពីចំណាត់ថ្នាក់សំណង់ និងគោលដៅដែលតម្រូវឱ្យមានប្លង់ប្រព័ន្ធ បង្ការ និងពន្លត់អគ្គីភ័យ ដើម្បីការពារទប់ស្កាត់គ្រោះថ្នាក់អគ្គីភ័យឆាបឆេះ។

យោងតាមអនុក្រឹត្យដែលចុះហត្ថលេខាកាលពីថ្ងៃទី២៥ ខែមិថុនា ឆ្នាំ ២០២០ ដោយសម្តេចតេជោ ហ៊ុន សែន នាយកដ្ឋមន្ត្រីនៃកម្ពុជា បានឱ្យដឹងថា អនុក្រឹត្យនេះ មានគោលដៅកំណត់អំពីសមត្ថកិច្ចគ្រប់គ្រង ត្រួតពិនិត្យលើប្លង់ប្រព័ន្ធបង្ការ និងពន្លត់អគ្គីភ័យនៃសំណង់ និងគោលដៅដើម្បីបង្ការ និងការពារអាយុជីវិត ទ្រព្យសម្បត្តិ បរិស្ថាន សន្តិសុខ សណ្តាប់ធ្លាប់សាធារណៈ និងសុវត្ថិភាពសង្គមពីគ្រោះថ្នាក់អគ្គីភ័យ។

ជំពូកទី៣ នៃអនុក្រឹត្យនេះ បានកំណត់ចំពោះសំណង់ និងគោលដៅដែលតម្រូវឱ្យមានប្លង់ប្រព័ន្ធបង្ការ និងពន្លត់អគ្គីភ័យរួមមាន ៖
ក) ចំណាត់ថ្នាក់ទី១ សំណង់ ឬគោលដៅពាណិជ្ជកម្មទាក់ទងនឹការផលិត ការលក់ ការកែច្នៃ ការស្តុកស្ថានីយប្រេង និងការប្រើប្រាស់ឧស្ម័នចំហេះ សារធាតុងាយឆេះ និងងាយផ្ទុះឆេះ។

ខ) ចំណាត់ថ្នាក់ទី២ ក្រសួង ស្ថាប័ន មន្ទីរ អង្គភាពរបស់រដ្ឋ គ្រឹះស្ថានសាធារណៈ និងឯកជន។

គ) ចំណាត់ថ្នាក់ថ្នាក់ទី ៣ សំណង់ ឬ គោលដៅនៃទីប្រជុំជនដែលមានប្រជាជនរស់នៅច្រើនកោះករ អគារសហកម្មសិទ្ធិ បុរីលំនៅឋាន ឬលំនៅឋានមាលក្ខណៈបុរី បណ្តុំអគារពាណិជ្ជកម្មធំៗ រោងភាពយន្ត រោងមហាស្រព សារពមន្ទីរជាតិ បណ្ណាល័យជាតិ ទីកន្លែងសប្បាយ ក្លឹបកំសាន្ត ស្ថានីយវិទ្យុ ស្ថានីយទូរទស្សន៍ ស្ថានីយទូរគមនាគមន៍ ក្រុមហ៊ុនគោលដៅស្រាវជ្រាវវិទ្យាសាស្ត្រ អាកាសយានដ្ឋាន ស្ថានីយរាជាយស្ម័យយាន កំពង់ផែ យានដ្ឋាន និងចំណតយានយន្ត។

ឃ) ចំណាត់ថ្នាក់ទី ៤ សំណង់ ឬគោលដៅដែលស្ថិតនៅតំបន់ភ្នំ តំបន់ព្រៃ តំបន់អភិរក្ស រមណីយដ្ឋាន ស្ថានីយ វារីអគ្គិសនី រោងចក្រ សហគ្រាស ឧស្សាហកម្ម សិប្បកម្ម និងការដ្ឋានរ៉ែ។

ង) ចំណាត់ថ្នាក់ទី ៥ អគារពាំណិជ្ជកម្មខ្នាតូច និងផ្សារ។

មានត្រា១៣ ចែងថា សំណង់ និងគោលដៅដែលតម្រូវឱ្យមានប្លង់ប្រព័ន្ធបង្ការ និងពន្លត់អគ្គិភ័យ ស្ថិតក្រោមសមត្ថកិច្ចរបស់អគ្គស្នងការដ្ឋាននគរបាលជាតិ៖

ក) សំណង និងគោលដៅ ទាំងឡាយណាដែលមានផ្ទៃក្រឡាកម្រាលចាប់ពី ៣០០០ ម៉ែត្រក្រឡា និង/ឬ មានកម្ពស់ចាប់ពី ៥ ជាន់ឡើង ដោយរាប់បញ្ចូលទាំងជាន់ក្រោមដី និង/ឬ ផ្ទុកចំនួនមនុស្សចាប់ពី២០០នាក់ និង/ឬ ចំនួនបន្ទប់ចាប់ពី ២៥ បន្ទប់ និង/ឬ ចំណតរថយន្តចាប់ពី១០០ គ្រឿង។

ខ) ស្ថានីប្រេងឥន្ធនៈ ដេប៉ូប្រេង ពោងស្តុកប្រេងឥន្ធនៈ ទីតាំងលល់ចំហេះ និងគោលដៅប្រផលិតកែច្នៃសារធាតុងាយផ្ទុះ ងាយឆេះ និងងាយផ្ទុះឆេះ គ្រប់ប្រភេទ ចំណុះចាប់ពី ១ ម៉ឺនលីត្រ និង ៥ ពាន់គីឡូក្រាមឡើង។

គ) សំណង់សំខាន់ៗ ក្នុងតំបន់ការពារបរិស្ថានធម្មជាតិ បេតិកភណ្ឌវប្បធម៌ប្រវត្តិសាស្ត្រ រមណីយដ្ឋានទេសចរណ៍ និងសាសនា៕

ដោយ៖ ប៊ី

ភ្នំពេញ៖ អាស៊ាននឹងនៅតែជាស្នូលនៃទំនាក់ទំនងការទូតសហរដ្ឋអាមេរិក-អាស៊ាន ខណៈសហរដ្ឋអាមេរិកសម្លឹងរកសម្ព័ន្ធភាព និងភាពជាដៃគូកាន់តែរឹងមាំជាងមុន ជាមួយប្រទេសនានាក្នុងតំបន់នេះ ក្រោមយុទ្ធសាស្ត្រសេរី និងបើកទូលាយនៅឥណ្ឌូប៉ាស៊ីហ្វិក។

ឧបការីរដ្ឋមន្រ្តីក្រសួងការពារជាតិអាមេរិក លោក Reed Werner បាននិយាយថា ឯកសារដែលសង្កត់ធ្ងន់លើវិបុលភាពរួមគ្នា ស្ថេរភាព សន្តិភាព និងអធិបតេយ្យភាពរបស់ប្រជាជាតិនានានៅក្នុងតំបន់ឥណ្ឌូប៉ាស៊ីហ្វិក គឺជា “ពន្លឺដឹកនាំ” អំពីទស្សនៈរបស់សហរដ្ឋអាមេរិក និងខិតជិតអាស៊ាន។

លោកបានថ្លែងថា “វាជាឯកសារសំខាន់សម្រាប់យើង និងរបៀបដែលយើងមើលតំបន់ ហើយវាបង្ហាញពីវិធីសាស្រ្តរបស់រដ្ឋាភិបាលទាំងមូលទៅកាន់អាស៊ីអាគ្នេយ៍។ ដូច្នេះ សម្ព័ន្ធភាពដៃគូនានាលេចឡើងនៅក្នុងយុទ្ធសាស្ត្រនោះ រួមមានភាពជាដៃគូពហុភាគីជាមួយអាស៊ាន។ ចក្ខុវិស័យសេរី និងបើកចំហរបស់យើងគឺជាចក្ខុវិស័យមួយ ដែលផ្អែកលើគោលការណ៍នៃកិច្ចសហប្រតិបត្តិការ ការបញ្ចូលគ្នា និងគោលការណ៍មួយចំនួនទៀត ។ នេះក៏ជាពន្លឺដឹកនាំសម្រាប់វិធីដែលយើងដោះស្រាយបញ្ហាសមុទ្រចិនខាងត្បូងផងដែរ”។

លោកបានមានប្រសាសន៍ថា ក្រោមយុទ្ធសាស្ត្រនេះ ក្រសួងការពារជាតិអាមេរិកនឹងបន្តផ្តោតការយកចិត្តទុកដាក់លើការបង្កើនការវិនិយោគ និងកិច្ចសហប្រតិបត្តិការការពារជាតិជាមួយអាស៊ាន ក្នុងការពង្រឹងសមត្ថភាពតាមរយៈកម្មវិធីផ្សេងៗ ពីលើការបណ្តុះបណ្តាល និងសមយុទ្ធទ្វេភាគី និងពហុភាគី។
ក្នុងចំណោមនោះមានគំនិតផ្តួចផ្តើមសន្តិសុខដែនសមុទ្រឥណ្ឌូប៉ាស៊ីហ្វិក ក៏ដូចជាមូលនិធិ Section 333 ដែលផ្តោតលើការកសាងភាពជាដៃគូក្នុងការការពារសន្តិសុខដែនសមុទ្រ និងការយល់ដឹងអំពីដែនជាមួយបណ្តាប្រទេសក្នុងតំបន់ឥណ្ឌូប៉ាស៊ីហ្វិក រួមមានប្រទេសម៉ាឡេស៊ី ហ្វីលីពីន ឥណ្ឌូនេស៊ី វៀតណាម ថៃ ស្រីលង្កា និងបង់ក្លាដែស។

យោងតាមឯកសារយុទ្ធសាស្រ្តសេរី និងបើកទូលាយឥណ្ឌូប៉ាស៊ីហ្វិករបស់សហរដ្ឋអាមេរិកដែលបានចេញផ្សាយកាលពីខែវិច្ឆិកាឆ្នាំមុន ចាប់តាំងពីការចាប់ផ្តើមរដ្ឋបាល Trump រដ្ឋាភិបាលអាមេរិកតាមរយៈគំនិតផ្តួចផ្តើមទាំងពីរបានផ្តល់ថវិកាជិត ២៥០ លានដុល្លារសម្រាប់សន្តិសុខដែនសមុទ្រនៅក្នុងតំបន់ឥណ្ឌូប៉ាស៊ីហ្វិក ដើម្បីលើកកម្ពស់ការចែករំលែកព័ត៌មាន អន្តរប្រតិបត្តិការ និងកិច្ចសហប្រតិបត្តិការលើសមុទ្រពហុជាតិ។

លោក Werner មានប្រសាសន៍ថា “តាមទស្សនៈរបស់ក្រសួងការពារជាតិយើងបានព្យាយាមធ្វើឱ្យចក្ខុវិស័យយុទ្ធសាស្ត្រនេះក្លាយជាការពិតដោយផ្អែកលើសសរស្តម្ភចំនួន៣”។
លោកបាននិយាយថា សសរស្តម្ភទាំង៣ គឺជាការត្រៀមលក្ខណៈដើម្បីឆ្លើយតបទៅនឹងវិបត្តិមួយ ដែលជំរុញសម្ព័ន្ធភាព និងភាពជាដៃគូ និងដើម្បីលើកកម្ពស់កម្លាំងនៅក្នុងសម្ព័ន្ធភាពនេះ៕