អ្នកជំនាញអះអាងថា ទីផ្សារដីធ្លីអាចរងផលប៉ះពាល់ពីគ្រោះទឹកជំនន់ក្នុងរយៈពេលខ្លីតែប៉ុណ្ណោះ

ដោយ ៖ រ៉ាណេត

ភ្នំពេញ ៖ ចាប់តាំងពីដើមខែតុលា ឆ្នាំ២០២០រហូតមកដល់ចុងសប្ដាហ៍នេះ គ្រោះជំនន់ដោយទឹកភ្លៀងបានជន់លិចនៅតាមបណ្តាខេត្តក្រុងនានាស្ទើរទូទាំងប្រទេស ដែលបង្កជាឧបសគ្គចម្បងក្នុងការទិញ-ដីធ្លី នៅគ្រប់តំបន់។

យ៉ាងណាស់ផ្លូវថ្នល់សរុបជាង៩០ ខ្សែ ស្មើនឹងជាង២២០កំណាក់ ត្រូវបានជន់លិច និងប្រកាសផ្អាកចរាចរណ៍ជាបណ្តោះអាសន្ន ហើយអ្នកប្រតិបត្តិក្នុងវិស័យដីធ្លីក៏ត្រូវបានផ្អាកសកម្មភាពរបស់ខ្លួន ដែលវាជះឥទ្ធិពលមួយចំណែកដល់ការទិញ-លក់ផងដែរ។

អគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ Century21 Fortuna Investment លោក វ៉ា វីរៈ បានមានប្រសាសន៍នៅព្រឹកថ្ងៃទី១៧ ខែតុលា ឆ្នាំ២០២០នេះថា បញ្ហាជំនន់ដែលកំពុងកើតមាននៅពេលនេះ មិនមែនជាឧបសគ្គធំនៅក្នុងទីផ្សាររួមនៃវិស័យអចលនទ្រព្យនោះទេ ដែលវាគ្រាន់តែជាចំណែកមួយតូចតែប៉ុណ្ណោះ ដែលបង្កឡោះងដោយធម្មជាតិ ហើយវឹនឹងផុតរលត់ទៅវិញក្នុងរយៈពេលដ៏ខ្លី។

លោក វ៉ា វីរៈ បានបញ្ជាក់ថា “ជំនន់ទាំងនេះ ច្បាស់ណាស់ថា បានបង្កកចលនានៃការទិញ-លក់ ដីធ្លីនៅតាមតំបន់ជុំវិញក្រុង ក៏ដូចជាតាមបណ្តាខេត្តនានា ប៉ុន្តែវាមិនមែនជាបញ្ហាធំធ្ងន់ធ្ងដែលជះឥទ្ធិពលអាក្រក់ដូចការរាតត្បាតនៃជំងឺឆ្លងនោះទេ។ វាជាគ្រោះធម្មជាតិ ដែលកើតមានហើយផុតរលត់បាត់ទៅវិញ”។ លោកបញ្ជាក់ថា “យើងទទួលស្គាល់ថា នៅពេលមានគ្រោះជំនន់ ការទិញលក់ដីធ្លីមានការធ្លាក់ចុះ ប៉ុន្តែភាគច្រើនប៉ះពាល់ទៅលើគម្រោងដីឡូតិ៍ប៉ុណ្ណោះ ដោយសារពួកគាត់ភាគច្រើនជាភ្នាក់ងារលក់ដែលត្រូវការលក់ចេញជាប្រចាំ លុះនៅពេលលិចទឹក ភ្ញៀវក៏មិនទៅមើលដែរ ប៉ុន្តែសម្រាប់ការទិញលក់ដីដែលមានទំហំធំហាក់ដូចជាមិនប៉ះពាល់នោះទេ”។

ជាមួយនឹងការលើកឡើងខាងលើនេះ លោក វ៉ា វីរៈ បានរំលឹកថា សម្រាប់បណ្តាភ្នាក់ងារ ដែលមិនអាចនាំភ្ញៀវចុះមើលគម្រោងដីឡូតិ៍បាននៅពេលនេះ គួរឆ្លៀតពេលសាងបណ្តាញ និងទំនាក់ទំនងជាមួយអតិថិជនគោលឱ្យបានច្រើនទុកជាមុន សម្រាប់ត្រៀមនៅពេលរួចផុតពីការជន់លិច អាចនឹងមានឱកាសទទួលបានចំណែកទីផ្សារកាន់តែច្រើន៕

គម្រោងធ្វើឱ្យប្រសើរឡើងផ្លូវជាតិលេខ ៤១ នឹង ចាប់ផ្តើមបើការដ្ឋានស្ថានបនានៅឆ្នាំក្រោយនេះ

ដោយវុត្ថា

ភ្នំពេញ៖ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានអះអាងថា គម្រោងធ្វើឱ្យប្រសើរឡើងនូវផ្លូវជាតិលេខ ៤១ នឹងចាប់ផ្តើមបើកការដ្ឋានស្ថាបនាជាផ្លូវការនៅក្នុងឆ្នាំ២០២១ ខាងមុខនេះ ដើម្បីដោះស្រាយលើបញ្ហារងគ្រោះ និងបង្ករឡើងដោយគ្រោះទឹកជំនន់។

លោកទេសរដ្ឋមន្ត្រី ស៊ុន ចាន់ថុល ក្នុងពិធីចុះត្រួតពិនិត្យស្ថានភាពផ្លូវជាតិលេខ ៤១ ដែលកំពុងដែលលិចលង់ដោយទឹកជំនន់កាលពីម្សិលមិញនេះ ឱ្យដឹងថា រដ្ឋនឹងបើកការដ្ឋានលើកកម្ពស់ផ្លូវជាតិលេខ៤១នេះ នៅឆ្នាំក្រោយ ដោយក្រាលជាកៅស៊ូ AC រួមជាមួយនឹងការដាក់ប្រឡាយឱ្យធំជាងមុន។

លោកថ្លែងថា “ដូច្នេះឆ្នាំក្រោយលែងលិចហើយ។ ហើយចំពោះផ្លូវផ្សេងទៀត យើងកំពុងដោះស្រាយបញ្ហាចំពោះមុខ ដូចជាទប់មិនឱ្យទឹកហូរកាត់ផ្លូវ ហើយផ្លូវដែលដាច់យើងនឹងចុះវាយតម្លៃជាថ្មី និងជួសជុល ដើម្បីធ្វើឱ្យលែងលិចនៅឆ្នាំក្រោយ”។

សម្តេចតេជោ ហ៊ុន សែន នាយករដ្ឋមន្ត្រីកនៃកម្ពុជា កាលពីពេលថ្មីៗនេះ បានសម្រេចឱ្យសាងសង់ និងលើកកម្ពស់ផ្លូវជាតិចំនួន៣គម្រោងទៀត រួមមាន ផ្លូវលេខ៤១ តភ្ជាប់ពីផ្លូវលេខ៤ ទៅកំពត, ផ្លូវលេខ៣១ និងផ្លូវលេខ៣៣ នៅខេត្តកំពតផងដែរ។ សម្តេចតេជោបញ្ជាក់ថា គម្រោងទាំងនេះ នឹងសុំខ្ចីថវិកាពីរដ្ឋាភិបាលចិន។

បើតាមគម្រោង រដ្ឋាភិបាលកម្ពុជា នឹងចុះហត្ថលេខាលើគម្រោងកម្ចីថវិការពីរដ្ឋាភិបាលចិនអាចនឹងចាប់ផ្តើមនៅចុងឆ្នាំ២០២០នេះ។ ប៉ុន្តែទោះជាយ៉ាងក៏ដោយ គេមិនទាន់ដឹងពីទំហំថវិកាដែលនឹងត្រូវផ្តល់ឱ្យកម្ពុជាពីសំណាក់ភាគីចិននៅឡើយនោះទេ៕

កំពូល App លេខ១ ទិញទំនិញ បោះដុំ លក់រាយ ពីប្រទេសចិន និងដឹកជញ្ជូនមកកាន់កម្ពុជាយ៉ាងមានប្រសិទ្ធភាព

ដោយ ៖ រ៉ាណេត

ភ្នំពេញ ៖ រឹតតែអស្ចារ្យបំផុតសម្រាប់បងប្អូនប្រជាជនកម្ពុជា ជាពិសេស ម្ចាស់អាជីវកម្មតូចធំដែលកំពុងដំណើរការលក់ផលិតផលនានា នាំចូលពីប្រទេសចិន ពេលនេះកាន់តែមានភាពងាយស្រួល និងទទួលបានផលចំណេញច្រើនទ្វេដងជាមួយ Youngsia Purchase App ដែលកំពុងដាក់ដំណើរការយ៉ាងមានប្រជាប្រិយភាពនាពេលបច្ចុប្បន្ន។

“Youngsia Purchase”App គឺជាភ្នាក់ងារទីផ្សារលំដាប់អន្តរជាតិ និងជាAppលេខមួយនៅប្រទេសកម្ពុជានាពេលបច្ចុបន្ប ដែលមានវិសាលភាពដ៏ធំទូលាយក្នុងការបង្ហាញនូវរាល់បណ្តាផលិតផល សម្ភារៈប្រើប្រាស់ និងមុខទំនិញយ៉ាងសម្បូរបែបរាប់លានប្រភេទនៅក្នុងប្រទេសចិន ហើយក៏អាចអនុញ្ញាតឱ្យលោកអ្នកបញ្ជាទិញដោយផ្ទាល់ជាមួយនឹងតម្លៃទាបបំផុត (ថោកជាងតម្លៃនៅលើទីផ្សារកម្ពុជា ២-៣ ដង) ជាមួយនឹងការផ្តល់នូវទំនុកទុកចិត្តខ្ពស់ ធានាដល់សុវត្ថិភាពផលិតផល ជាពិសេសការដឹកជញ្ជូនទំនិញពីប្រទេសចិនមកកាន់កម្ពុជាក្នុងរយៈពេលដ៏ខ្លីបំផុត។

ជាមួយនឹងការបញ្ជាទិញនូវរាល់បណ្តាផលិតផល និងទំនិញគ្រប់ប្រភេទពីទីផ្សារ ឬពីរោងចក្រដើមនៅក្នុងប្រទេសចិន ទោះជាលោកអ្នកមិនចេះភាសាចិន មិនមានរូបិយបណ្ណ ឬលុយចិនកដោយ តាមរយៈ Youngsia Purchase App លោកអ្នកក៏អាចទិញបានគ្រប់ផលិតផលទាំងអស់ ជាពិសេសទទួលបាននូវតម្លៃទាបជាងទីផ្សារដែលត្រូវបានដាក់លក់នៅលើទីផ្សារកម្ពុជាថែមទៀតផង។ មានន័យថា នៅពេលលោកអ្នកមាន Youngsia Purchase App នៅក្នុងដៃ គឺលោកអ្នកមានគ្រប់អ្វីៗយ៉ាងទាំងអស់។

អ្វីដែលកាន់តែពិសេសជាងនេះ និងមានទំនុកចិត្តកាន់តែខ្លាំង រាល់ការបញ្ជាទិញទំនិញ ឬផលិតផលនានា តាមរយៈ Youngsia Purchase App លោកអ្នកអាចពិនិត្យ និងតាមដានដឹងពីដំណើរនៃការដឹកជញ្ជូនទំនិញរបស់អ្នកបានយ៉ាងច្បាស់ ចាប់តាំងពីទំនិញចូលឃ្លាំនៅប្រទេសចិនរហូតទំនិញដឹកមកដល់ប្រទេសកម្ពុជាដោយគ្មានក្ដីព្រួយបារម្ភពីសុវត្ថិភាព ឬការបាត់បង់ទំនិញ ឬការប្រឈមនឹងហានិភ័យនៃការបង់ប្រាក់របស់លោកអ្នកទៅលើការទិញទំនិញនោះឡើយ។

ចង់ទិញទំនិញមកពីប្រទេសចិនក្នុងតម្លៃថោក ចំណាយពេលតិច ចំណេញបានច្រើន គឺត្រូវតែមាន Youngsia Purchase App នៅក្នុងដៃ ដោយលោកអ្នកគ្រាន់តែធ្វើការ Download កម្មវិធីតាមការណែនាំដូចខាងក្រោមនេះជាការស្រេច។
សូមចុចលើ link ខាងក្រោមនេះ ដើម្បីទាញយកកម្មវិធី Youngsia Purchase App.
– សម្រាប់ទូរស័ព្ទដៃប្រភេទ IOS: https://apps.apple.com/kh/app/youngsia-purchase/id1535156887
– សម្រាប់ទូរស័ព្ទដៃប្រភេទ Android : https://play.google.com/store/apps/details?id=com.youngsiaapp

អ្នកជំនាញ​និយាយ​ពី​ផលចំណេញ​លើ​ការវិនិយោគ​ក្នុង​វិស័យ​អចលនទ្រព្យផ្សេងៗគ្នា

­ដោយ ៖ រ៉ា​ណេ​ត

ភ្នំពេញ ៖ រាល់​ការបណ្តាក់ទុន​វិនិយោគ​ទៅលើ​អ្វីមួយ​គឺ​សុទ្ធតែ​សម្លឹង​ឃើញ​ពី​ឱកាស​ដែល​អាច​ទទួលបាន​ចំណេញ​ដូចគ្នា ជាពិសេស​ការវិនិយោគ​នៅក្នុង​វិស័យ​អចលនទ្រព្យ​ដែល​កំពុងមាន​ប្រជាប្រិយ​ភាពខ្លាំង។ ជាមួយនឹង​ការទទួលបាន​ផលចំណេញ​ពី​ការវិនិយោគ​នៅក្នុង​វិស័យនេះ​ត្រូវបាន​អ្នកជំនាញ និង​កំពុង​ប្រឡូក​យ៉ាងសកម្ម​បាន​អះអាង​ពី​ឱកាស​ទទួលបាន​ប្រាក់ចំណេញផ្សេងៗពីគ្នា។

លោក ច្រឹ​ក សុខ​នី​ម ប្រធាន​សមាគម​អ្នកវាយតម្លៃ និង​ភ្នាក់ងារ​អចលនទ្រព្យ បាន​មានប្រសាសន៍​ដោយ​បង្ហើប​ពី​គន្លឹះ​នៃ​ការវិនិយោគ​នៅក្នុង​វិស័យ​អចលនទ្រព្យ​ដែល​មានឱកាស​ទទួលបាន​ភាពជោគជ័យ​ខ្ពស់​ថា ការវិនិយោគ​នៅក្នុង​វិស័យ​មួយ​នេះ មាន​ច្រើន​ទម្រង់ និង​ច្រើន​ផ្នែក ដែល​វា​អាស្រ័យ​ទៅតាម​ធនធាន និង​ចរន្ត​សាច់ប្រាក់​របស់​អ្នកវិនិយោគ។

លោក​បាន​បញ្ជាក់ថា “បើ​សម្រាប់​អ្នកមាន​ដើមទុន​គ្រប់គ្រាន់​គេ​ចូលចិត្ត​វិនិយោគ​ទៅលើ​អចលនវត្ថុ ឬ​ដីធ្លី​ទាំងឡាយណា​ដែលមាន​ទំហំ​ធំ ហើយ​អាច​ទិញ​រក្សាទុក​ក្នុង​រយៈពេល​យូរ​ឆ្នាំ​ទម្រាំ​ទទួលបាន​ចំណេញ​ខ្ពស់​ទើប​លក់​ចេញ។ ប៉ុន្តែ​សម្រាប់​អ្នក​ដែលមាន​ដើមទុន​តិចតួច ពួកគេ​ចូលចិត្ត​វិនិយោគ​ទៅលើ​អចលនវត្ថុ​ដែលមាន​ទំហំ​តូច និង​ងាយ​សលក់​ចេញ ទោះ​ទទួលបាន​ចំណេញ​តិច​ក៏ដោយ។ ជា​យោបល់​ខ្ញុំ មិន​ថា​ចំពោះ​អ្នកមាន​ធនធាន​ច្រើន ឬ​តិច​នោះទេ ឱកាស​នៃ​ការទទួលបាន​ផលចំណេញ​មាន​ដូចគ្នា ប៉ុន្តែ​អត្រា​តិច ឬ​ច្រើន គឺ​អាស្រ័យទៅលើ​ទំហំ​នៃ​ការវិនិយោគ ប៉ុន្តែ​អ្វីដែល​សំខាន់ និង​ត្រូវ​យកចិត្តទុកដាក់​នោះ គឺ​ភាពប្រាកដប្រជា និង​ការ​ស្គាល់​ពី​ប្រភេទ​អចលនទ្រព្យ និង​តម្រូវការ​ជាក់ស្ដែង ដើម្បី​គេចចេញ​ឱ្យ​ផុតពី​ហានិភ័យ” ។

អគ្គនាយក​ក្រុមហ៊ុន Premium Group លោក ម៉ាន់ ច័ន្ទ​ឌី ដែលជា​អ្នកវិនិយោគ​ក្នុង​វិស័យ​ដីធ្លី និង​ជា​អ្នក​អភិវឌ្ឍន៍​ក្នុង​វិស័យ​លំនៅដ្ឋាន​តាម​តំបន់​ជាយក្រុង​ផងដែរ​នោះបាន​បញ្ចេញ​ទស្សនៈ​ផ្ទាល់ខ្លួន​ថា “គ្រប់ការ​វិនិយោគ​ទាំងអស់ គឺ​សុទ្ធតែ​អាច​ទទួលបាន​ប្រាក់ចំណេញ​ដូចគ្នា សំខាន់​ត្រង់​ថា តើ​គួរ​វិនិយោគ​លើ​ផ្នែក​អី ដែល​គ្មាន​ហានិភ័យ និង​អាច​ចំណេញ​បាន​ច្រើន ហើយ​ចំណាយពេល​តិច” ។

លោក​បាន​បន្តថា “ជាទូទៅ​គេ​តែង​និយាយថា ការទិញ​ផ្ទះ​សម្រាប់​វិនិយោគ​គឺ​មិនសូវមាន​ហានិភ័យ​នោះទេ ដោយហេតុថា ផ្ទះ​មាន​អត្រា​ឡើងថ្លៃ​ជា​រៀងរាល់ឆ្នាំ ហើយ​មនុស្ស​ក៏ត្រូវ​ការ​ផ្ទះ​សម្រាប់​ស្នាក់ បើ​មិនអាច​លក់​ចេញ​ក្នុងពេល​ដ៏​ខ្លី ក៏​ម្ចាស់ផ្ទះ​អាច​ជួល​ទទួលយក​ប្រាក់​ប្រចាំខែ​បានដែរ។ ការលើកឡើង​បែបនេះ ខ្ញុំ​មិនឱ្យ​ខុស​ទេ គឺ​ពិតជា​ត្រឹមត្រូវ ហើយ​ត្រូវ​សម្រាប់​ការគិត​របស់​ពួកគាត់” ។

លោក​បញ្ជាក់ថា “បើទោះជា​ខ្ញុំ​ជា​អ្នក​អភិវឌ្ឍន៍​លំនៅដ្ឋាន ប៉ុន្តែ​បើជា​ទស្សនៈ​ផ្ទាល់​របស់ខ្ញុំ គឺ​ខ្ញុំ​គិតថា ការទិញ​ផ្ទះ​ទុក​វិនិយោគ​យកចំណេញ គឺមាន​ឱកាស​តិច​ណាស់ បើ​ប្រៀប​ជាមួយនឹង​ការទិញ​ដី​សម្រាប់​វិនិយោគ។ ដី​ដែល​ស្ថិតនៅ​ទីតាំង​ល្អ មាន​សក្ដានុពល ជាពិសេស​ក្នុង​តំបន់​ដែលមាន​ចរន្ត​វិស័យ​ឧស្សាហកម្ម ទោះ​យើង​មិន​លក់ ក៏​យើ​អាច​ទទួលបាន​ផលចំណេញ​ពី​ដី ហើយ​ចំណេញ​បាន២ក្នុងពេល​តែមួយ។ បើ​យើង​មិន​លក់​ក្នុងតម្លៃ​ទាប គឺ​យើង​អាច​ជួល​ទទួលយក​ចំណូល​ប្រចាំខែ ប្រចាំឆ្នាំ ហើយ​ក្រៅពី​ចំណូល​ជួល តម្លៃ​ដី​ក៏​ឡើងថ្លៃ កាន់តែ​យូរ កាន់តែ​ថ្លៃ ដូច្នេះ​ខ្ញុំ​នៅតែ​មានជំនឿថា ការវិនិយោគ​ដី គឺ​នៅតែ​មានឱកាស​ទទួលបាន​ចំណេញ​ច្រើន” ។

ដោយឡែក លោក ឡុង គឹមសួគ៌ អគ្គនាយក​ក្រុមហ៊ុន​ភ្នា​កើ​ងារ​អចលនទ្រព្យ Century21 Advance បាន​មានប្រសាសន៍ថា មិន​ថា​ការវិនិយោគ​ទៅលើ​ដីធ្លី ឬ​ការវិនិយោគ​ទៅ​លំនៅដ្ឋាន​នោះទេ គឺ​សុទ្ធតែ​មានឱកាស​ចំណេញ​ខ្ពស់​ដូចគ្នា។ លោក​បញ្ជាក់ថា “ឱ្យតែ​ស្ថិតនៅក្នុង​តំបន់​ដែលមាន​សក្ដានុពល ទាំង​ការវិនិយោគ​ដីធ្លី ទាំង​ការវិនិយោគ​លំនៅដ្ឋាន​គឺអាច​ទទួលបាន​ចំណេញ ហើយ​ចំណេញ​រហ័ស​ទៀត អ្វីដែល​សំខាន់​គឺ​គ្រប់​ប្រភេទ​អចលនវត្ថុ​ដែល​ពួកគាត់​បាន​ទិញ ត្រូវ​ប្រាកដថា ជា​ទ្រព្យ​ស្របច្បាប់ មាន​ឯកសារ​បញ្ជាក់​ពី​កម្មសិទ្ធិ​ត្រឹមត្រូវ បានការ​ទ​ទួ​ស្គាល់​ពី​អជ្ញាធរ និង​មិន​ជាប់​ពាក់ព័ន្ធ​ទៅនឹង​រឿង​វិវាទ​ដែល​មិនទាន់បាន​ដោះស្រាយ” ៕

វិភាគ៖ តើ​បណ្តា​ប្រទេស​សមាជិក​អាស៊ាន​បានទទួល​ផលប្រយោជន៍​អ្វីខ្លះ​ពី​កិច្ចព្រមព្រៀង​សេដ្ឋកិច្ច​ដ៏​ធំ​នៅក្នុង​ពិភពលោក?

ដោយៈ​សាវុធ

ភ្នំពេញៈ​កិច្ចព្រមព្រៀង​ពាណិជ្ជកម្ម​ភាព ជា​ដៃគូ​សេដ្ឋកិច្ច​គ្រប់​ជ្រុងជ្រោយ​ក្នុង​តំបន់ (RCEP) ដែល​នឹង​ចុះហត្ថលេខា​នៅពេល​ខាងមុខ នឹង​ដើរតួ​ជា​និមិត្តរូប​ដ៏​មាន​អត្ថន័យ​នៃ​សេរីភាវូបនីយកម្ម​ពាណិជ្ជកម្ម និង​ពហុភាគី ដែល​មិន​ត្រឹមតែ​នៅក្នុង​តំបន់​ប៉ុណ្ណោះ​ទេ ថែមទាំង​នៅលើ​ពិភពលោក​ផងដែរ។


ការរីកចម្រើន​នាពេល​បច្ចុប្បន្ន នៃ​ការជំរុញ​ឱ្យមាន​កិច្ចព្រមព្រៀង​ពាណិជ្ជកម្ម​សេរី​ដ៏​ធំ បានបង្ហាញ​ពី​ការប្តេជ្ញាចិត្ត​យ៉ាង​មុតមាំ របស់​សមាគម​ប្រជាជាតិ​អាស៊ីអាគ្នេយ៍ (អាស៊ាន) និង​ដៃគូ​របស់ខ្លួន ប្រកាន់ខ្ជាប់​នូវ​ប្រព័ន្ធ​ពាណិជ្ជកម្ម​ពហុភាគី​បើកចំហ ដែល​ប្រកបដោយ​បរិ​យា​ប័ន្ន និង​ផ្អែកលើ​ច្បាប់។

យោងតាម​សេចក្តីថ្លែងការណ៍ របស់​ប្រធាន​កិច្ចប្រជុំ​កំពូល​អាស៊ាន លើក​ទី៣៦ បានឱ្យដឹងថា មេដឹកនាំ​នៃ​ប្រទេស​ជា​សមាជិក បាន​ស្វាគមន៍​ចំពោះ​ការរីកចម្រើន ដែល​បានធ្វើ​សម្រាប់​ការបញ្ចប់​កិច្ចចរចា RCEP ពេញលេញ ហើយ​ទន្ទឹងរង់ចាំ​ការចុះហត្ថលេខា​លើ​កិច្ចព្រមព្រៀង​នេះ​នៅ​ចុងឆ្នាំ ២០២០ ។

កាល​ព្រឹក​ថ្ងៃទី២៣ ខែមិថុនា ឆ្នាំ២០២០ រដ្ឋមន្ត្រី​សេដ្ឋកិច្ច​នៃ​ប្រទេស​ជា​សមាជិក​អាស៊ាន​ទាំង១០ ក៏ដូចជា ចិន ជប៉ុន កូរ៉េខាងត្បូង អូស្ត្រាលី និង​ណូ​វែ​ល​សេ​ឡង់​បានបញ្ជាក់​ជាថ្មី​ពី​ការប្តេជ្ញាចិត្ត ក្នុងការ​ចុះហត្ថលេខា​លើ​កិច្ចព្រមព្រៀង​នេះ​នៅ​ឆ្នាំនេះ។

កិច្ចព្រមព្រៀង​នេះ នឹង​ត្រូវបាន​ចុះហត្ថលេខា​នៅ​ចុង​ឆ្នាំនេះ ដោយសារ​ការប្តេជ្ញាចិត្ត​របស់​ប្រទេស​ដែល​ចូលរួម។ កិច្ចព្រមព្រៀង RCEP ដែល​បាន​ផ្តួចផ្តើម​គំនិត​ដោយ​អាស៊ាន​ក្នុង​ឆ្នាំ២០១២ គឺជា​កិច្ចព្រមព្រៀង​ពាណិជ្ជកម្ម​សេរី ដែល​បានស្នើ​ឡើង​រវាង​រដ្ឋ​ជា​សមាជិក​ទាំង១០ និង​ដៃគូ FTA ចំនួន៦ របស់ខ្លួន​គឺ ចិន ជប៉ុន កូរ៉េខាងត្បូង អូស្ត្រាលី ណូ​វែ​ល​សេ​ឡង់ និង​ឥណ្ឌា (ដកខ្លួន​ចេញពី​កិច្ចព្រមព្រៀង​នេះ) ។

កិច្ច​ចុះហត្ថលេខា​លើ​កិច្ចព្រមព្រៀង RCEP នឹងមាន​អត្ថន័យ​ជាពិសេស ដោយសារ​បរិបទ ដែល​និយម​គាំពារ​ពាណិជ្ជកម្ម បាន​កើនឡើង​ក្នុង​រយៈពេល៥ឆ្នាំ​កន្លងមកនេះ ដែល​ផ្ទុយ​នឹង​និន្នាការ នៃ​សេរីភាវូបនីយកម្ម​ពាណិជ្ជកម្ម និង​សាកលភាវូបនីយកម្ម។ វា​នឹង​ដើរតួ​ជាការ​បង្ហាញ មួយ​ដោយ​មិន​គិតពី​ការលំបាក និង​ការអភិវឌ្ឍ​ស្មុគស្មាញ​នោះទេ ប្រទេស​ដែល​ចូលរួម RCEP នៅតែ​រក្សា​ជំនឿ​លើ​ពាណិជ្ជកម្ម​សេរី ការគាំទ្រ និង​ដំណើរការ ដោយ​សុទិដ្ឋិនិយម ហើយ​ការតភ្ជាប់​កាន់តែ​ស៊ីជម្រៅ នៅតែ​ជា​និន្នាការ​សំខាន់​នៅក្នុង​តំបន់ និង​ពិភពលោក។

ក្នុងនាម​ជា​កិច្ចព្រមព្រៀង​ពាណិជ្ជកម្ម​សេរី RCEP នឹង​ផ្តោតលើ​របៀប​ដែល​វា​ធ្វើ​សម​កាល​កម្ម (synchronize) វឌ្ឍនភាព​នៃ​សមាហរណកម្ម និង​ការអភិវឌ្ឍ​នៅ​អាស៊ី​ប៉ាស៊ីហ្វិក ដែលជា​ជំហាន​ឆ្ពោះទៅ​ការបង្កើត តំបន់​ពាណិជ្ជកម្ម​សេរី​នៃ​អាស៊ី​ប៉ាស៊ីហ្វិក (FTAAP) ។

នៅក្នុង​សេចក្តីថ្លែងការណ៍ របស់​ប្រធាន​កិច្ចប្រជុំ​កំពូល​អាស៊ាន​លើក​ទី៣៦ ដែល​ទើបនឹង​ចេញថ្មីៗ មេដឹកនាំ​បាន​គូសបញ្ជាក់​ពី​សារៈសំខាន់ នៃ​កិច្ចព្រមព្រៀង​ពាណិជ្ជកម្ម​សេរី ដូចជា RCEP ក្នុងការ​ប្រែក្លាយ​តំបន់​នេះ ឱ្យទៅជា​អាស៊ាន​ពិភពលោក លើ​ការរួមចំណែក​ដល់​ការ​ស្ទុះ​ងើបឡើង​វិញ ពី​ជំងឺ​រាតត្បាត និង​ក្នុងការ​បង្កើត​បណ្តាញ​ផ្គត់ផ្គង់​ដែលមាន​ភាព​ធន់។ ដោយមាន​បញ្ហា​ប្រឈម ដែល​មិន​ធ្លាប់មាន​ពីមុន ដោយ​ការរីក​រាលដាល​នៃ​ជំងឺ​រាតត្បាត​ទី​កូ​វីដ១៩ កិច្ចព្រមព្រៀង​ពាណិជ្ជកម្ម​សេរី​នេះ ត្រូវបាន​គេ​រំពឹងថា​នឹង​ជម្រុញ​កំណើនសេដ្ឋកិច្ច ពាណិជ្ជកម្ម និង​វិនិយោគ​របស់​ប្រទេស​ចូលរួម និង​ក្នុងចំណោម​ប្រទេស​ដទៃទៀត។

នៅពេលដែល​បាន​ចុះហត្ថលេខា​រួច កិច្ចព្រមព្រៀង RCEP នឹង​ក្លាយជា​ប្លុក​ពាណិជ្ជកម្ម​សេរី​ធំ​បំផុត​របស់​ពិភពលោក ដែលមាន​ចំនួន ៤៥ភាគរយ នៃ​ចំនួន​ប្រជាជន​ពិភពលោក និង៤០ភាគរយ​នៃ​ពាណិជ្ជកម្ម​ពិភពលោក និង​ប្រហែល​មួយ​ភាគបី​នៃ​ផលិតផល​ក្នុងស្រុក​សរុប​របស់​ពិភពលោក។

ទំហំ​ទីផ្សារ​ដ៏​ធំ​របស់ RCEP និង​ទំនាក់ទំនង​ពាណិជ្ជកម្ម និង​ការវិនិយោគ​ដ៏​រឹងមាំ​រវាង​អាស៊ាន និង​ដៃគូ​សន្ទនា​បាន​លើកឡើងថា ការកាត់បន្ថយ​របាំង​ពាណិជ្ជកម្ម​តូចតាច ដែល​កិច្ចព្រមព្រៀង​ផ្តោតលើ នឹង​បង្កើន​ផលប្រយោជន៍​ពាណិជ្ជកម្ម​យ៉ាងសំខាន់។

អត្ថប្រយោជន៍​ទាំងនេះ នឹង​ផ្លាស់ប្តូរ​ទៅជា​ការបង្កើត​ចំនួន ការងារ​កាន់តែច្រើន ដូច្នេះ​នឹង​នាំឱ្យមាន​ការកើនឡើង GDP និង​ការកាត់បន្ថយ​ភាពក្រីក្រ នៅក្នុង​សេដ្ឋកិច្ច​អាស៊ាន ដែល​កំពុង​រីកចម្រើន​ដូចជា​ប្រទេស​កម្ពុជា ឡាវ និង​មី​យ៉ាន់​ម៉ា។

ដោយសារ​របាំង​ពាណិជ្ជកម្ម​ធ្លាក់ចុះ ហើយ​ការចូល​ទីផ្សារ​ទំនិញ និង​សេវាកម្ម​ត្រូវបាន​ធ្វើឱ្យ​ប្រសើរឡើង អាស៊ាន​នឹង​កាន់តែ​ទាក់ទាញ ដល់​ក្រុមហ៊ុន​បរទេស ដែល​ចង់​ចូលរួម​នៅក្នុង​តំបន់ ដែលមាន​សមាហរណកម្ម​កាន់តែច្រើន។ នេះ​នឹង​ជួយ​លើកកម្ពស់​តម្លាភាព​ក្នុង​ពាណិជ្ជកម្ម និង​ការវិនិយោគ ក៏ដូចជា​ជួយ​សម្រួល​ដល់​អាជីវកម្ម​ខ្នាតតូច និង​មធ្យម​របស់​អាស៊ាន ដើម្បី​ចូលរួម​ក្នុង​ខ្សែសង្វាក់​ផ្គត់ផ្គង់​សាកល និង​តំបន់” ។

តាមរយៈ​ការអនុវត្ត​របស់ RCEP អាស៊ាន​អាចជួយ​ភ្ជាប់​បណ្តាញ​ផ្គត់ផ្គង់ ក្នុង​តំបន់ និង​ពិភពលោក ដែល​ត្រូវបាន​រំខាន​ដោយ​ជំងឺ​រាតត្បាត​កូ​វីដ១៩ ដែល​ប្លុក​នេះ​អាច​បញ្ជាក់​ពី​តួនាទី​របស់ខ្លួន នៅក្នុង​សេដ្ឋកិច្ច​តំបន់​និង​ពិភពលោក។ នាម​ជា​ប្រធាន​អាស៊ាន ២០២០ និង​ជា​អ្នកតស៊ូ​មតិ​យ៉ាងខ្លាំង ចំពោះ​កិច្ចព្រមព្រៀង​ពាណិជ្ជកម្ម​សេរី នោះ​ប្រទេស​វៀតណាម ពិតជា​នឹង​ទទួលបាន​ផលប្រយោជន៍​ពី​វា ជាមួយនឹង​ផលប៉ះពាល់ភ្លាម។

RCEP នឹង​ផ្តល់ឱ្យ​សហគ្រាស​នៅ​អាស៊ាន​នូវ​ឱកាស ដើម្បី​ជំរុញ​ការនាំចេញ​ចូលរួម​ក្នុង​ខ្សែសង្វាក់​តម្លៃ​ថ្មី និង​ទាក់ទាញ​ការវិនិយោគ​បរទេស​បន្ថែមទៀត។ ការកាត់បន្ថយ​ពន្ធ​នាំចូល​នឹង​បើកឱកាស​ថ្មី សម្រាប់​ផលិតផល​ពី​វិស័យ​លេចធ្លោ ដូចជា​ទូរគមនាគមន៍ បច្ចេកវិទ្យា​ព័ត៌មាន វាយ​ន​ភណ្ឌ និង​ស្បែកជើង និង​កសិកម្ម។

ការចូលរួម RCEP នឹង​ជំរុញ​ឱ្យ​បណ្តា​ប្រទេស​អាស៊ាន បង្កើន​ការកែទម្រង់ និង​ការបង្កើត​ថ្មី ក៏ដូចជា​ការកែលម្អ​បរិយាកាស​វិនិយោគ និង​អាជីវកម្ម។ លោក​ក៏បាន​និយាយ​ផងដែរ​ថា ប្រទេស​ចិន​បាន​លេចធ្លោ ជា​ដៃគូ​ពាណិជ្ជកម្ម​ដ៏​សំខាន់​របស់​អាស៊ាន និង​ជា​អ្នកដើរ​តួនាទី​យ៉ាង​មុតមាំ​ក្នុង​ការជំរុញ​ការចរចា។

រួមគ្នា​ជាមួយ​តួនាទី​របស់​អាស៊ាន ក្នុង​ការកសាង​មូលដ្ឋាន​ស្ថាប័ន សហប្រតិបត្តិការ​តួនាទី​របស់​ចិន គឺមាន​សារៈសំខាន់​ណាស់​ក្នុងការ​ចុះហត្ថលេខា និង​អនុវត្ត RCEP៕

សេដ្ឋកិច្ច​ប្រទេស​សិង្ហ​បុរី​ចាប់ផ្តើម​ហក់​ឡើងវិញ​នៅ​ត្រីមាស​ទី៤

ដោយ ហ្សូ​លី

សិង្ហ​បុរីៈ​ការកែលម្អ​សេដ្ឋកិច្ច​នេះ​បានកើត​ឡើង បន្ទាប់ពី​ការបើក​ដំណើរការ​សេដ្ឋកិច្ច​ជា​បន្ត​បន្ទាប់ពី ដែល​ត្រូវបាន​អនុ​វ​ចាប់តាំងពី​នៅ​ចន្លោះ​ថ្ងៃទី៧ ខែមេសា​ដល់​ថ្ងៃទី ១ ខែមិថុនា​ឆ្នាំ២០២០ ។

ផលិតផល​ក្នុងស្រុក​សរុប​របស់​សិ​ង្ហ​បុរី នៅ​ត្រីមាស​ទី៣ ឆ្នាំ២០២០ បាន​កើនឡើង ៧,៩ភាគរយ បើ​ប្រៀបធៀប​ទៅនឹង​ត្រីមាស​មុន ដោយ​ផ្អែកលើ​ការប៉ាន់ស្មាន​ជាមុន​ដែល​ចេញផ្សាយ ដោយ​ក្រសួងពាណិជ្ជកម្ម​និង​ឧស្សាហកម្ម(MTI)។

ផ្អែកលើ​មូលដ្ឋាន​ប្រចាំឆ្នាំ ពីមួយ​ឆ្នាំទៅ​មួយឆ្នាំ​សេដ្ឋកិច្ច សិង្ហ​បុរី​បាន​ធ្លាក់ចុះ៧ភាគរយ​តែប៉ុណ្ណោះ ដែលជា​ការប្រសើរ​ឡើង​ពី​ការធ្លាក់ចុះ១៣,៣ ភាគរយ​នៅក្នុង​ត្រីមាស​ទី២ ដែលជា​ត្រីមាស​អាក្រក់​បំផុត​ក្នុង​ប្រវត្តិសាស្ត្រ។

ក្រសួង​មិនបាន​ពិនិត្យឡើងវិញ នូវ​ចក្ខុវិស័យ​ផលិតផល​ក្នុងស្រុក សរុប​ពេញ​មួយឆ្នាំ​របស់​ប្រទេស​ខ្លួន ដែល​ព្យាករណ៍​ពី​ការធ្លាក់ចុះ ជារួម​ពី៥ទៅ៧ភាគរយ​នោះឡើយ។

វិស័យ​សំណង់​នៅ​ទូទាំងប្រទេស​សិង្ហ​បុរី បាន​កើនឡើង៣៨,៧ភាគរយ ពី​ត្រីមាស​មុន ប៉ុន្តែ​នៅតែ​ធ្លាក់ចុះ៤៤,៧ភាគរយ។  តំរូវការ​ពី​ខាងក្រៅ ការ​រឹតត្បិត​ការធ្វើដំណើរ​និង​តម្រូវការ​ធ្វើដំណើរយឺតៗ បានរួម​ចំណែក​ដល់​ការធ្លាក់ចុះ៨ភាគរយ នៅក្នុង​ឧស្សាហកម្ម​ផលិតកម្ម សេវាកម្ម។ យ៉ាងណាមិញ វា​នៅតែ​ជាការ​ប្រសើរឡើង​ពី​ការធ្លាក់ចុះ ១៣,៦ ភាគរយ នៅក្នុង​ត្រីមាស​មុន។

វិស័យ​ផលិតកម្ម​បាន​បញ្ច្រាស​កា​រ​ធ្លាក់ចុះ០,៨ ភាគរយ​របស់ខ្លួន​នៅក្នុង​ត្រីមាស​ទី ២ ឆ្នាំ២០២០ ដើម្បី​កើនឡើង២ភាគរយ​នៅ​ត្រីមាស​ទី។  ក្នុង​ត្រីមាស​នេះ វិស័យ​ផលិត​កម្មបាន​កើនឡើង៣,៩ភាគរយ ដែល​គាំទ្រ​ដោយ​កំណើន​ផលិតកម្ម​អេ​ឡិច​ត្រូ​និ​ច និង​ភាពជាក់លាក់​នៃ​វិស្វកម្ម ដែល​ត្រូវបាន​ជំរុញ​ដោយ​តំរូវការ​សកល ដ៏​រឹងមាំ​សម្រាប់​ឧបករណ៍​អេឡិចត្រូនិក និង​ឧបករណ៍​ផលិត​អេឡិចត្រូនិក។

លោក Ravi Menon នាយក​ប្រតិបត្តិ​នៃ​អាជ្ញាធរ​រូបិយវត្ថុ​សិង្ហ​បុរី បាន​និយាយថា រហូតដល់២០ភាគរយ​នៃ​សេដ្ឋកិច្ច ដែល​ពឹង​ផ្អែកលើ​ពាណិជ្ជកម្ម​របស់​ទីក្រុង​នេះ ប្រឈម​នឹង“ ស្លាកស្នាម​ជ្រៅ” ដែល​បណ្តាលមកពី​ជំងឺ​រាតត្បាត Covid-19 ហើយ​វា​បានបង្ហាញ​ការ​ជះ​ត​ទ្ធិ​ពល​អាក្រក់ ពី​ឧស្សាហកម្ម​អាកាសចរណ៍​និង​ទេសចរណ៍។

លោក Menon បាន​និយាយថា “ទំហំ​ពេញលេញ​នៃ​វិបត្តិ​នេះ មិនទាន់​ត្រូវបាន​គេ​មើលឃើញ​នៅឡើយ​ទេ ដោយ​កត់សម្គាល់ថា ប្រាក់កម្ចី​ធនាគារ និង​ការ​ក្ស័យធន​កាន់តែច្រើន​ត្រូវបាន​គេ​រំពឹងទុក ហើយ​ដើមទុន​នឹង​កាន់តែ​ពិបាក ក្នុងការ​ប្រមូលផ្តុំ​នៅក្នុង​បរិយាកាស​នេះ។

លោក Menon បាន​និយាយថា នៅក្នុង​របៀប​កំប្លែង​គួរឱ្យ​អស់សំណើច​ថា ជំងឺ​រាតត្បាត បានធ្វើឱ្យ​យើងទាំងអស់គ្នា កាន់តែ​មាន​ភាព​រសើប​និង​ជីវិត និង​ដឹងថា តើ​មនុស្ស​ងាយ​រងគ្រោះ​របស់​កម្លាំង នៃ​ធម្មជាតិ​បាន​ដោយ​កម្រិតណា៕ Asia times

តើ​ផ្នែក​ណាខ្លះ​នៅក្នុង​វិស័យ​អចលនទ្រព្យ​ដែល​នឹងមាន​សន្ទុះ​នៅក្នុងឆ្នាំ២០២១ខាងមុខ?

ដោយ ​វុត្ថា

ភ្នំពេញៈ វិស័យ​អចលនទ្រព្យ​ស្ទើរ​គ្រប់ផ្នែក​នៅក្នុង​ឆ្នាំ ២០២០នេះ បានទទួល​រង​នូវ​ផលប៉ះពាល់​យ៉ាងធ្ងន់ធ្ងរ ពី​ការរីក​រាលដាល​ពី​ជំងឺ​កូ​វីដ១៩ ប៉ុន្តែ​អ្ន​ជំនាញ​មើលឃើញថា មាន​វិស័យ​មួយចំនួន​នៅក្នុង​ផ្នែក​នេះ នឹងមាន​សន្ទុះ​ឡើងវិញ​នៅ​ឆ្នាំ២០២១ខាងមុខ។

លោកស្រី​អាន សុ​ធិ​តា នាយិកា​ក្រុម CBRE Cambodia  នៅក្នុង​កិច្ច​សម្ភាស​ពិសេស​ជាមួយនឹង​គេហទំព័រ​Propertyarea.asia កាលពីពេលថ្មីៗនេះ​ឱ្យដឹងថា មាន​វិស័យ​មួយចំនួន នៅក្នុង​វិស័យ​អចលនទ្រព្យ នៅក្នុង​ប្រទេស​កម្ពុជា  នឹង​បន្ត​ទាក់ទាញ​ការវិនិយោគ​ជាតិ​ង​អន្តរជាតិ នៅក្នុង​ឆ្នាំ​ក្រោយនេះ។

លោកស្រី​ថ្លែងថា “បើ​និយាយ​ពី​ផ្នែក​នៃ​វិស័យ​អចលនទ្រព្យ ដូចជា ផ្នែក​លំនៅឋាន ដីធ្លី  ការិយាល័យ ទីផ្សារ​លក់រាយ ឃ្លាំង  និង​ទីផ្សារ​ទេសចរណ៍  ហើយ​អ្វីដែល​ខ្ញុំ​មើលឃើញ​នៅក្នុង​ឆ្នាំ២០២១ ខាងមុខនេះ ទីផ្សារ​លំនៅឋាន​នឹងមាន​ភាពល្អប្រសើរ បន្ទាប់មក គឺ​ផ្នែក​ឧស្សាហកម្ម ដែល​ភាគច្រើន​រង​ផលប៉ះពាល់ ពី​បណ្តា​ប្រទេសផ្សេងៗ ដែល​នឹង​ទាក់ទាញ​វិនិយោគ​នៅក្នុង​ប្រទេស​កម្ពុជា” ។

លោកស្រី​បន្តថា នៅក្នុង​ឆ្នាំ ២០២១ ខាងមុខនេះ ទីផ្សារ​ការិយាល័យ សម្រាប់ កម្រិត B និង C នៅតែមាន ការគាំទ្រ​ពី​អតិថិជន​ជួល និង​មួយវិញទៀត គឺ​ទីផ្សារ​លក់រាយ​ដែល​នឹង​ត្រឡប់ ដូច​ភាព​ដើម​វិញ​ជា​បណ្តើរ​នៅ​ឆ្នាំ​ក្រោយនេះ ហើយ​អ្វីដែល​ទទួលរ​នូវ​ផ​ប៉ះពាល់​ខ្លាំង គឺ​វិស័យ​សណ្ឋាគារ។

ចំណែក លោក​ច្រឹ​ក សុខ​នី​ម  ប្រធាន​សមាគម​ភ្នាក់ងារ និង​វាយតម្លៃ​អចលវត្ថុ​កម្ពុជា​បានឱ្យដឹង​ដែរ​ថា លោក​មិនទាន់​ហ៊ាន​ធ្វើការ​ព្យាករណ៍ ចំពោះ​វិស័យ​អចលនទ្រព្យ​របស់​កម្ពុ​ជា​នឹង​ទៅជា​យ៉ាងណា​នោះទេ ខណៈដែល​ពិភពលោក មិនទាន់បាន​រកឃើញ​នូវ​វ៉ាក់សាំង​សម្រាប់​ព្យាបាល​ជំងឺ​កូ​វី១៩ឱ្យមាន​ភាពប្រាកដប្រជា។

លោក​ថ្លែងថា “យើង​មិនដឹងថា​ត្រូវ​ប្រើប្រាស់​ពេល អស់​រយៈពេល​ប៉ុន្មាន​ទៀត​នោះទេ ក្នុងការ​ស្វែងរក​វ៉ាក់សាំង​យកមក​ព្យាបាល​បា​នោះទេ បេសកម្ម​ភា​នៃ​កា​ទិញ​លក់​លើ​វិស័យ​អចលនទ្រព្យ នៅក្នុង​ប្រទេស​នៅតែ​មា​សកម្មភាព​ធម្មតា ប៉ុន្តែ​កំណើន​វិញ​គឺ​មិនមាន​ទេ ” ៕

កម្ពុជា-ថៃ​សម្រេច​ដាក់ឱ្យ​ដំណើរការ​សេវា​ប្រឹក្សា​យោបល់ និង​គាំពារ​ផ្លូវច្បាប់លើ​ការធ្វើ​ធុរកិច្ច និង​ពាណិជ្ជកម្ម

ដោយ ​វុត្ថា

ភ្នំពេញៈ ស្ថានទូត​របស់​ប្រទេស​កម្ពុជា និង​ក្រុមហ៊ុន ILAWASIA Co.,Ltd បាន​ចុះហត្ថលេខា លើ​អនុស្សារណៈ​យោគយល់​គ្នា (MOU) ដាក់ឱ្យ​ដំណើរការ​ជា​ផ្លូវការ សេវា​ប្រឹក្សា​យោបល់  និង​គាំពារ​ផ្លូវច្បាប់​ទាក់ទង​នឹង​ការធ្វើ​ធុរកិច្ច-ពាណិជ្ជកម្ម និង​ពលករ។

យោងតាម​សេចក្តីប្រកាស​ព័ត៌មាន របស់​ស្ថានទូត​កម្ពុជា​ប្រចាំ​នៅក្នុង​ប្រទេស​ថៃ  បានឱ្យដឹងថា ពិធី​ចុះ​ហត្ថ​ល​លើ​អនុស្សារណៈ​យោគយល់​គ្នា(MOU)នេះ ត្រូវបាន​ធ្វើឡើង នៅ​ថ្ងៃទី១៦ ខែតុលា ឆ្នាំ ២០២០ ក្រោម​អធិបតីភាព​លោក  លោក អ៊ូ​ក សោភ័ណ ឯកអគ្គរាជទូត​កម្ពុ​ជាប្រចាំ​នៅក្នុង​ប្រទេស​ថៃ។

សេចក្តីប្រកាស​ព័ត៌មាន​ដដែល​បន្តថា គោលបំណង​សំខាន់​នៃ​ការចុះ​អនុស្សារណៈ​នេះ គឺ​ដើម្បី​ជួយ​ជំរុញ​អនុវត្ត​កា​ទូត​សេដ្ឋកិច្ច ដែល​ផ្តោត​សំខាន់​លើ​ពាណិច្ជកម្ម ទេសចរណ៍ និង​វប្បធម៌ តាមរយៈ​ការពង្រីក​លទ្ធភាព ជូន​ដល់​វិស័យ​ឯកជន​កម្ពុជា និង​ថៃ​ទទួលបាន​សេវា​ប្រឹក្សា​យោបល់ និង​គាំពារ​ផ្នែក​ច្បាប់​នៅក្នុង​ជំ​ម្លោះ​ធុរកិច្ច-ពាណិជ្ជកម្ម  និង​ពលករ​កម្ពុជា ដែល​កំពុង​បំរើ​ការងារ​នៅក្នុង​ប្រទេស​ថៃ។

លោក​បានឱ្យដឹង​ដែរ​ថា  ការចុះ​អនុស្សារណៈ​នៅថ្ងៃនេះ  គឺជា​ការបើក​ទំព័រ​ថ្មី​មួយទៀត សម្រាប់​ការពង្រឹង​កិច្ចសហប្រតិបត្តិការ លើ​វិស័យ​ពាណិជ្ជកម្ម និង​វិស័យ​ការងារ​ទ្វេភាគី​កម្ពុជា-ថៃ  ព្រមទាំង បង្កើន​ទំនុកចិត្ត​រវាង​សហគមន៍​ធុរកិច្ច នៃ​ប្រទេស​ទាំងពីរ ស្របតាម​គោលនយោបាយ​របស់​រាជ​រដ្ឋាភិបាល​កម្ពុជា។

លោក អ៊ូ​ក សោភ័ណ ក៏បាន​លើកទឹកចិត្ត​ដល់​ធុរជន ពាណិជ្ជករ និង​វិនិយោគិន​កម្ពុជា-ថៃ ដែលមាន​បំណង ចាប់​ដៃគូ​ធ្វើ​ធុរកិច្ច និង​ពាំ​ណិ​ជ្ជ​កម្ម​ជាមួយគ្នា  សូម​មក​ធ្វើការ​ពិគ្រោះ​យោបល់ នៅ​ការិយាល័យ​អនុព័ន្ធពាណិជ្ជកម្ម នៃ​ស្ថានទូត​កម្ពុជា​នៅ​ទីក្រុង​បាងកក ដើម្បី​ជៀសវាង​កើតមាន​វិវាទ​នឹង​គ្នា​នៅ​ថ្ងៃក្រោយ ដែលនាំឱ្យ​ប៉ះពាល់​ដល់​ទំនាក់ទំនង​ពាណិជ្ជកម្ម​ទ្វេភាគី​កម្ពុជា-ថៃ៕

ផ្លូវថ្នល់ប្រមាណ៩០ខ្សែ កំពុងរងគ្រោះដោយសារទឹកជំនន់

ដោយ ៖ រ៉ាណេត

ភ្នំពេញ ៖ ស្ថិតនៅក្នុងស្ថានភាពដែលកំពុងបន្តប្រឈមទៅនឹងគ្រោះជំនន់ដោយទឹកភ្លៀង ជាពិសេស ការទទួលរងនូវសម្ពាធទាបពីព្យុះទី១៧ ដែលនឹងបោកបក់មកដល់ទឹកដីប្រទេសកម្ពុជានៅចុងសប្ដាហ៍ខាងមុខនេះ យ៉ាងហោចណាស់មានផ្លូវថ្នល់ទូទាំងប្រទេសប្រមាណ៩០ខ្សែដែលកំពុងតែទទួលរងនូវការខូចខាត ហើយមួយចំនួនធំត្រូវបានផ្អាកចរាចរណ៍ជាបណ្តោះអាសន្ន។

បន្ថែមពីលើចំនួនប្រជាពលរដ្ឋដែលកំពុងរងផលប៉ះពាល់ និងរងគ្រោះពីជំនន់ទឹកភ្លៀងជិត២១គ្រួសារ នៅ១៩ខេត្តក្រុងទូទាំងប្រទេសកម្ពុជា គិតត្រឹមថ្ងៃទី១៦ ខែតុលា ឆ្នាំ២០២០នេះ ផ្លូវថ្នល់សរុបប្រមាណ៩០ខ្សែ ស្មើនឹងជាង២០០កំណាត់ ក៏កំពុងទទួលរងនូវការខូចខាតផងដែរ។ នេះបើយោងតាមរបាយការណ៍របស់ក្រសួងសាធារណៈការ និងដឹកជញ្ជូន។

អ្នកនាំពាក្យក្រសួងសាធារណៈការ និងដឹកជញ្ជូន លោក ហ៊ាង សុទ្ធាយុត្តិ បានមានប្រសាសន៍ថា តាមទិន្នន័យបច្ចេកទេសរបស់ក្រសួងបានបង្ហាញថា ផ្លូវដែលទទួលរងនូវការខូចខាតដោយជំនន់ទឹកភ្លៀងនេះ សរុបប្រមាណ៣០០គីឡូម៉ែត្រ ដែលនេះគ្រាន់តែជាទិន្នន័យបច្ចេកទេសរបស់ក្រសួងតែប៉ុណ្ណោះ ខណៈដែល មន្ទីរនៅតាមខេត្តនីមួយៗកំពុងបន្តរាយការណ៍។

នៅក្នុងចំណោមបណ្តាផ្លូវដែលកំពុងទទួលទទួលរងនូវការជនន់លិចខាងលើនេះ សម្រាប់តែនៅក្នុងខេត្តកណ្តាលត្រូវបានប្រកាសផ្អាកចរាចរណ៍ជាបណ្តោះអាសន្ននៅតាមផ្លូវថ្នល់សំខាន់ចំនួន៩ខ្សែ ខណៈដែលរាជធានីភ្នំពេញ ក៏បានប្រកាសផ្អាកចរាចរណ៍នៅលើកំណាត់ផ្លូវជាតិលេខ៤ ក្នុងខណ្ឌកំបូលផងដែរ។ ដោយឡែកផ្លូវជាតិលេខ៥ ស្ថិតនៅក្នុងខេត្តពោធិ៍សាត់ ក៏ត្រូវបានផ្អាកចរចារណ៍ជាបណ្តោះអាសន្នផងដែរ ក្រោមក្ដីបារម្ភពីសុខសុវត្ថិភាពប្រជាពលរដ្ឋក្នុងពេលធ្វើធ្វើដំណើរ និងជៀសវាងខូចខាតផ្លូវថ្នល់ធ្ងន់ធ្ងរ។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា “រដ្ឋាភិបាល ក្រោមការណែនាំរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់ថា ក្រោយការឆ្លងផុតពីគ្រោះទឹកជំនន់ ក្រសួងសាធារណការ នឹងដឹកជញ្ជូន នឹងជម្រុញឱ្យមន្ត្រីចុះសិក្សាលម្អិតពីផលខូចខាត ដើម្បីធ្វើការជួសជុលកែលម្អជាបន្ទាន់ ដើម្បីធ្វើយ៉ាងណាសម្រួលដល់ការធ្វើដំណើររបស់ប្រជាពលរដ្ឋនៅទូទាំងប្រទេស”៕

ទីផ្សារជួលការិយាលធ្លាក់ចុះនៅក្នុងត្រីមាសទី ៣នេះ

ដោយវុត្ថា

ភ្នំពេញ៖ ទីផ្សារជួលការិយាលនៅក្នុងប្រទេសកម្ពុជាមានការធ្លាក់ចុះនៅក្នុងត្រីមាសទី ៣ នៃឆ្នាំនេះ ដោយសារមានការអូសបន្លាយយូនៃការរាតត្បាតនៃជំងឺកូវីដ ១៩ បើធៀបទៅនឹងរយៈពេលដូចគ្នាកាលពីឆ្នាំមុន។

យោងតាមរបាយការណ៍របស់ក្រុមហ៊ុន CBRE Cambodia បង្ហាញថា ចំនួននៃការជួលអគារប្រភេទ B បានធ្លាក់ចុះ ប្រមាណ -៦.៣ ភាគរយ និង -៩.៤ភាគរយ នៅក្នុងតំបន់ពាណិជ្ជកម្ម និងមិនមែនតំបន់ពាណិជ្ជកម្ម (CBD and Non-CBD) នៅក្នុងត្រីមាសទី ៣នេះ ។

របាយការណ៍ដដែលបន្តថា “សម្រាប់ការិយាល័យប្រភេទ C នៅក្នុងតំបន់មិនមែនពាណិជ្ជកម្ម ក៏ត្រូវបានគេកត់សម្គាល់ឃើញដែរថាមានភាពអវិជ្ជមាន ដោយធ្លាក់មក -៤.២ ភាគរយ ខណៈប្រភេទ C នៅក្នុងតំបន់ពាណិជ្ជកម្ម ត្រូវបានគេកត់សម្គាល់នូវការកើនឡើង ២.៦ ភាគរយ នៅក្នុងត្រីមាសនេះ”។

របាយការណ៍បញ្ជាក់ទៀតថា “ម្ចាស់អគារ បានបន្តកាត់បន្ថយបរិមាណ និង ផ្តល់នូវលក្ខខណ្ឌពិសេសដល់ក្រុមហ៊ុនជួល និងចរចាលើកិច្ចសន្យាថ្មី ដើម្បីរក្សាបាននូវកំណើនជួលរបស់ពួកគេ”។

នៅក្នុងអំឡុងពេលត្រីមាសទី ៣នេះ គេឃើញនូវ គម្រោងការិយាល័យចំនួន ៣ ត្រូវបានបញ្ចប់ការសាងសង់ រួមមាន គម្រោងអគារការិយាល័យ TK Central គម្រោងអគារការិយាល័ The Point និង គម្រោងអគារការិយាល័យ Sayon Phnom Penh ។ គម្រោងអគារការិយាល័យបញ្ចប់ថ្មីនេះ នឹងបន្ថែមដល់ការផ្គត់ផ្គង់ទាំងអស់ ចំនួន ៣០,០០៧ ម៉ែត្រការ៉េ។

នៅបំណាច់ឆ្នាំនេះ អត្រានៃការកាន់កាប់ទៅលើទីផ្សារជួលការិយាល័ទាំងអស់ មានការកើនឡើងខ្ពស់ចាប់តាំងពីឆ្នាំ ២០១១ ប៉ុន្តែ នៅក្នុងត្រីមាសទី ៣នេះ អាត្រាកាន់កាប់អគារិយាល័យមានចំនួន ៧៤. ៧ភាគយ ជាមួយនឹងក្តីរំពឹងថានឹងបញ្ចប់គម្រោងថែមទៀតនៅឆ្នាំ ២០២០នេះ ហើយជំនួននេះទំនងជានឹងធ្លាក់ចុះបន្ថែម។

តាមផែនការ មានគម្រោងការិយាល័យចំនួន ៨ ដែលនឹងត្រូវបញ្ចប់នៅក្នុងឆ្នាំ នេះ ដែលនឹងធ្វើឱ្យទំហំនឹងមានការកើនឡើង ប៉ុន្តែ ការអភិវឌ្ឍន៍គម្រោងត្រូវបានពន្យាពេល (៥០០០០ ម៉ែត្រការ៉េ) ហើយនឹងបញ្ចប់នៅពាក់កណ្តាលឆ្នាំ ២០២១ខាងមុខនេះ ៕