ដោយ ៖ រ៉ាណេត
ភ្នំពេញ ៖ រដ្ឋបាលរាជធានីភ្នំពេញ គ្រោងនឹងផ្លាស់ប្តូរទីលានចាក់សំរាមពីទីតាំងចាស់នៅខណ្ឌដង្កោ ទៅដាក់នៅតាមបណ្ដោយផ្លូវលេខ៥១ ក្នុងស្រុកអង្គស្នួល ខេត្តកណ្ដាលវិញ លើផ្ទៃដីទំហំជិត៥០ហិកតា។ នេះបើផ្អែកតាមការបញ្ជាក់របស់លោក ឃួង ស្រេង អភិបាលរាជធានីភ្នំពេញ។
នៅក្នុងកិច្ចប្រជុំសាមញ្ញលើកទី១៣ របស់ក្រុមប្រឹក្សារាជធានីភ្នំពេញ នាថ្ងៃទី១១ ខែមិថុនា ឆ្នាំ២០២០ នៅសាលារាជធានីភ្នំពេញ លោក ឃួង ស្រេង បានលើកឡើងថា អាជ្ញាធររាជធានីភ្នំពេញ គ្រោងនឹងផ្លាស់ប្តូរទីលានចាក់សំរាមពីខណ្ឌដង្កោ ទៅនៅតាម បណ្ដោយផ្លូវលេខ៥១ ក្នុងស្រុកអង្គស្នួល ខេត្តកណ្ដាលវិញ ដែលមានទំហំផ្ទៃដីប្រមាណពី២០ ទៅ ៥០ហិកតា ហើយទីតាំងចាក់សំរាមនៅក្នុងខណ្ឌដង្កោបច្ចុប្បន្ន និងរក្សាទុកជាទីតាំងសម្រាប់ផ្ទេរសំរាមវិញ។
លោកបញ្ជាក់ថា “នៅពេលដែលយើងផ្ទេរទៅកាន់ទីលានចាក់សំរាមថ្មីហើយនោះ ទីតាំងចាក់សំរាមចាស់ក្នុងខណ្ឌដង្កោនឹងទុកជាកន្លែងផ្ទេរសំរាម។ ក្រៅពីនេះយើងក៏បានជ្រើសរើសយកទីតាំងផ្ទេរសម្រាមចំនួនបីផ្សេងទៀតនៅជាយរាជធានីភ្នំពេញ ដែលក្នុងនោះនៅខណ្ឌព្រែកព្នៅមាន២ទីតាំង ខណ្ឌសែនសុខមាន១ទីតាំង និងនៅខណ្ឌពោធិ៍សែនជ័យមាន១ទីតាំង។ ដោយសារ៣ទីតាំងនេះ ក៏កំពុងមានហានិភ័យ ដោយទីតាំងនីមួយៗមានសំរាមពេញហៀរ។
រដ្ឋបាលរាជធានីភ្នំពេញ បានដាក់ដេញថ្លៃក្រុមហ៊ុនដឹកជញ្ជូនសំរាមចំនួន៣រួចហើយ ហើយក្រោយពីក្រុមហ៊ុនទាំង៣បានអនុវត្តន៍ការងាររបស់ខ្លួនហើយនោះ រដ្ឋបាលរាជធានីភ្នំពេញនឹងមានវិធានការក្តៅ ហើយចំពោះអ្នកដែលមិនបានបង់ថ្លៃសំរាម នឹងមានវិធានការចំពោះអ្នកទុកដាក់ សំរាមអនាធិបតេយ្យផងដែរ៕
គម្រោងថ្មី អ័រគីដេ ដឹពោធិ៍ចិនតុង ដែលបានបើកលក់កាលពីព្រឹកថ្ងៃទី៨ ខែមិថុនា ឆ្នាំ២០២០ មានអតិថិជនយ៉ាងច្រើនកុះករបានចូលរួម ព្រមទាំងធ្វើការទិញ និងកក់ភ្លាមៗ ដែលត្រឹមតែថ្ងៃដំបូងនៃការបើកលក់ជាផ្លូវការ គម្រោងនេះលក់អស់ក្នុងដំណាក់កាលទី១ ហើយបានបន្តបើកលក់ដំណាក់កាលទី២ជាបន្តបន្ទាប់។
កម្មវិធីដ៏អធិកអធមនេះ នឹងប្រព្រឹត្តទៅនៅទីតាំងគម្រោង តាមបណ្តោយផ្លូវ105K (ផ្លូវវត្តតាំងកសាង) សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (ច្រកចូលតាមផ្លូវរថភ្លើងមុខព្រលានយន្តហោះ)។
គម្រោងនេះនឹងត្រូវរៀបចំឆ្នេរខ្សាច់ ស្អាតពីរកន្លែងដើម្បីប្រើប្រាស់ជាសាធារណៈ សម្រាប់ការអភិវឌ្ឍនៅតំបន់នោះផង ក៏ដូចជាសាធារណជន ចេញចូលប្រើប្រាស់ តំបន់នោះដែលបច្ចុប្បន្នមិនទាន់មានឆ្នេរខ្សាច់សស្អាតនៅឡើយ។
នេះបើយោងតាមលទ្ធផល ក្នុងដំណើរចុះពិនិត្យវឌ្ឍនភាពនៃការសាសង់ផ្សារទំនើប Prince Mall របស់ លោក គួច ចំរើន អភិបាលខេត្តព្រះសីហនុ កាលពីថ្ងៃទី ១១ ខែមិថុនា ឆ្នាំ ២០២០ ម្សិលមិញនេះ។
លោកគួច ចំរើន អភិបាលខេត្តព្រះសីហនុបានគាំទ្រ និងលើកទឹកចិត្តដល់សកម្មភាពវិនិយោគ សំណង់ផ្សារទំនើបមួយនេះ បានចំណាយពេលសាងសង់រយះពេល៤ឆ្នាំ លើផ្ទៃដី២២,០០០ម៉ែត្រការ៉េ រួមបញ្ចូលទាំងអគារខុនដូ សណ្ឋាគារផងដែរ ដែលវិនិយោគដោយ ក្រុមហ៊ុន Prince Huan Yu Real Estate Group Co., Ltd។
អ្នកចាត់ការទូទៅរបស់ផ្សារទំនើប Prince Mall បានឱ្យដឹងថា ស្តង់ ហាងប្រមាណ ៧០០កន្លែង ត្រូវបានអាជីវករជាវសម្រាប់ដំណើរការអាជីវកម្ម មានដូចជា: ធនាគារ មជ្ឈមណ្ឌលពាណិជ្ជកម្ម កាហ្វេស្តាបាក់ កាហ្វេអាម៉ាស្សូន ភេសជ្ជខយ រោងភាពយន្តទំនើប សំលៀកសំភារកីឡាម៉ាកអាឌីដាស សំលៀកបំពាក់ម៉ាកភេដដ្រូ ។ ល។ លើគម្រោងជាច្រើនទៀតដែលនឹងត្រូវបញ្ចប់នាឆ្នាំ២០២២ ខាងមុខ៕
ស្ថិតនៅតំបន់ដែលមានអំណោយផលពីធម្មជាតិ ដីមានជីវជាតិល្អ អាស្រ័យផលដល់ដំណាំគ្រប់ប្រភេទ ដែលកំពុងមានភាពទាក់ទាញនៅពេលនេះ គម្រោងអភិវឌ្ឍន៍ដីឡូតិ៍ចំការដូងក្រអូប តម្លៃសមរម្យ បានចាប់ផ្តើមប្រកាសលក់ក្នុងដំណាក់កាលទី៣ ជាផ្លូវការហើយ ជាមួយការផ្តល់ជាកញ្ចប់យ៉ាងពិសេសដល់អតិថិជន ចំណេញបានទាំងលុយ ចំណេញបានទាំងផលដំណាំ និងមានរមណីយដ្ឋានលំហែរជាលក្ខណៈឯកជនថែមទៀតផង។
គ្រប់ដីឡូតិ៍ទាំងអស់ ក្រុមហ៊ុនបានរៀបចំសាងសងរបងឥដ្ឋ ព័ទ្ធលួសជុំវិញព្រុំដី មានទ្វារដែកធំ ហើយថែមទាំងផ្តល់ជូននូវខ្យុសទំហំ៤ម៉ែត្រ សម្រាប់អង្គុយជួបជុំគ្នា។ នៅក្នុងគម្រោងមានធ្វើផ្លូវធំៗ ចំនួន៤ខ្សែ ដោយមួយខ្សែៗជាប្រភេទផ្លូវភ្លោះ ភ្ជាប់ជាមួយផ្លូវរដ្ឋទំហំ១៥ម៉ែត្រ មានទទឹង១២ ម៉ែត្រ មានសួនច្បារនៅកណ្តាល ដាំលម្អដោយដើមក្ងោក រួមជាមួយនឹងការបំពាក់អំពូលសូឡាផងដែរ។ កាន់តែពិសេសជាងនេះទៅទៀត ខាងផ្នែកក្រោយគម្រោងមានស្ទឹង និងព្រែក ដែលនឹងមានគម្រោងអភិវឌ្ឍជាតំបន់ទេសចណ៍ធម្មជាតិ (Resort) ដូចជាកន្លែងជិះទូកកម្សាន្ត កន្លែងស្ទូចត្រី និងធ្វើផ្ទះទឹកលំហែរកាយជាដើម។
សម្រាប់អ្នកដែលមិនមានលទ្ធភាពទិញដីឡូតិ៍ នៅក្នុងគម្រោងចំការដូងក្រអូបទាំងស្រុង ក៏អាចសហការជាមួយមិត្តភ័ក្ដ ឬញាតិមិត្ត ដើម្បីទិញ ដោយសារតែដីឡូតិ៍នៅក្នុងគម្រោងមួយនេះ មានទំហំធំរហូតដល់៤០ x៤០ ម៉ែត្រ ស្មើនឹង ១៦០០ ម៉ែត្រការ៉េ ងាយស្រួលបែងចែកទៅតាមលទ្ធភាពបានយ៉ាងងាយស្រួល។
គ្រប់អតិថិជនទាំងអស់នឹងទទួលបានការរៀបចំឯកសារ រត់ការកាត់ប្លង់ បង់ពន្ធប្រថាប់ត្រា ដែលជាការចំណាយរបស់ក្រុមហ៊ុនផ្ទាល់ ដើម្បីបង្កើនទំនុកចិត្តកាន់តែខ្ពស់។ ទាំងអស់អសនេះគឺជាការផ្តល់ជូនយ៉ាងពិសេសសម្រាប់អតិថិជនដែលប្រាថ្នាចង់បានដីចំការដំណាំផ្ទាល់ខ្លួន ក៏ដូចជាសម្រាប់ក្រុមគ្រួសារផងដែរ។ រួសរាន់ឡើង ដីឡូតិ៍ដែលមានទីតាំងល្អ និងពោរពេញទៅដោយសក្ដានុពល ចំនួនមានកំណត់។
គម្រោងដីឡូតិ៍ចំការដូងក្រអូប ដែលរៀបចំអភិវឌ្ឍដោយក្រុមហ៊ុន Hin Ruos Real Estate Co,Ltd មានទំហំសរុបជិត៣០ហិកតា ស្ថិតនៅភូមិស្ពានដែក ឃុំធ្លកវៀន ស្រុកសាមគ្គីមានជ័យ ខេត្តកំពង់ឆ្នាំ ដែលមានចម្ងាយប្រមាណ៤៩ គីឡូម៉ែត្រពីរាជធានីភ្នំពេញ និងមានផ្សារចំនួន៤ស្ថិតនៅក្បែរ ដូចជា ផ្សារឧត្ដុង្គ ផ្សារត្រាច ផ្សារលង្វែក និងផ្សារសាលាលេខ៥ ដែលស្ថិតនៅជិតព្រលានយន្តហោះឧត្ដុង្គ ចុះពីផ្លូវជាតិលេខ៥ ចម្ងាយប្រមាណ៥គីឡូម៉ែត្រ ដែលគ្រោងនឹងចាក់កៅស៊ូនៅឆ្នាំ២០២០ខាងមុខនេះ ហើយនៅទល់មុខ គឺជាទីតាំងគម្រោងបង្កើតតំបន់សេដ្ឋកិច្ចពិសេស។
