ដោយ ៖ រ៉ាណេត
ភ្នំពេញៈ ស្របពេលទៅនឹងកិច្ចដំណើរការ នៃគម្រោងអភិវឌ្ឍន៍សាងសង់ព្រលានយន្តហោះអន្តរជាតិភ្នំពេញថ្មី ដែលស្ថិតនៅស្រុកកណ្តាលស្ទឹង ខេត្តកណ្តាល ទទួលបានលទ្ធផលប្រមាណ៣០ភាគរយ អ្នកជំនាញនៅក្នុងវិស័យអចលនទ្រព្យ បានលើកឡើងពីការប្រែប្រួលទីផ្សារដីធ្លីនៅជុំវិញតំបន់នេះ។
មានប្រសាសន៍ប្រាប់តាមទូរស័ព្ទកាលពីល្ងាចថ្ងៃទី១៤ ខែឧសភា ឆ្នាំ២០២០កន្លងមកនេះ លោកស្រី តាំង ហួរ នាយិកាក្រុមហ៊ុនអចលនទ្រព្យ AMATAK Property Serviceបានលើកឡើងថា ស្របទៅនឹងសកម្មភាពនៃការឈូសឆាយដី និងកំណត់ទីតាំងសាងសង់ព្រលានយន្តហោះអន្តរជាតិភ្នំពេញថ្មី នៃស្រុកកណ្តាលស្ទឹង ខេត្តកណ្តាល បានជះឥទ្ធិពលល្អដល់វិស័យដីធ្លីដែលស្ថិតនៅតំបន់ជុំវិញ។
លោកស្រីបានបន្តថា “ជាក់ស្ដែង នៅតំបន់ជុំវិញគម្រោងអភិវឌ្ឍន៍ព្រលានយន្តហោះថ្មី របស់រារដ្ឋាភិបាលកម្ពុជានៅពេលនេះ ហាក់មិនទាន់មានសកម្មភាពផុសផុលខ្លាំងនៅឡើងនោះទេ ប៉ុន្តែសម្រាប់២-៣ឆ្នាំទៅមុខទៀត អាចមានភាពពុះកញ្ជ្រោល ជាពិសេសក្រោយពេលមានគម្រោងអភិវឌ្ឍន៍ធំៗ ចូលទៅកាន់តំបន់នេះ ដូចជាគម្រោងអភិវឌ្ឍន៍លំនៅដ្ឋាន មជ្ឈមណ្ឌលពាណិជ្ជកម្មជាដើម” ។
លោកស្រី តាំង ហួរ បានមានប្រសាសន៍បន្តទៀតថា ពេលនេះគម្រោងពង្រីកផ្លូវជាតិលេខ២ ត្រូវបានរាជរដ្ឋាភិបាលសម្ពោធបើកការដ្ឋានសាងសង់ និងពង្រីកឱ្យធំ ហើយបើតាមខ្ញុំដឹងក៏មានក្រុមហ៊ុនអភិវឌ្ឍន៍បុរី និងបណ្តុំសំណង់លំនៅដ្ឋានធំៗមួយចំនួន បានទិញដីទុកសម្រាប់អភិវឌ្ឍន៍រួចជាស្រេច គ្រាន់ពេលនេះពួកគេនៅមិនទាន់ចាប់ផ្តើមសកម្មភាព ដោយរង់ចាំមើលពីចរន្ត និងតម្រូវការពិតប្រាកដជាមុនសិន” ។
ជាមួយនឹងការប្រាប់ពីបច្ចុប្បន្នភាព នៃតម្រូវការទីផ្សារដីធ្លីខាងលើនេះ លោកស្រីក៏បានបង្ហើបពីតម្លៃផងដែរថា ដីដែលស្ថិតនៅជាប់ផ្លូវធំ សម្រាប់លំនៅដ្ឋាន មានតម្លៃចន្លោះជាង២០០ដុល្លារក្នុងមួយម៉ែត្រការ៉េ ហើយដីដែលមានទំហំធំ អាចមានតម្លៃចាប់ពី១០០ដុល្លារឡើងទៅ។ ដោយឡែកដីដែលស្ថិតនៅផ្លូវខាងក្នុង ឬដីភូមិ អាចមានតម្លៃ៦០ដុល្លារចុះក្រោមក្នុងមួយការ៉េ ហើយបើចូលក្នុងកាន់តែឆ្ងាយពីផ្លូវជាតិ ឬផ្លូវធំកាន់តែមានតម្លៃទាបជាង៤០ដុល្លារចុះក្រោម។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានមានប្រសាសន៍ផងដែរថា សម្រាប់ការនៃការប្រើប្រាស់ដី ក៏ដូចជាសកម្មភាពនៃការអភិវឌ្ឍវិស័យអចលនទ្រព្យ ក៏ដូចជាលំនៅដ្ឋានផ្សេងៗនៅតំបន់ជុំវិញ គម្រោងព្រលានយន្តហោះអន្តរជាតិភ្នំពេញថ្មីនេះ គឺត្រូវការពេលវេលាយូរទៀត។
លោកបានបញ្ជាក់ថា “វាត្រូវការពេលវេលាយូរទៀត ដែលយ៉ាងហោចណាស់៣-៥ឆ្នាំ ទើបអាចមានសកម្មភាពសាងសង់សំណង់ផ្សេងៗ ពោលគឺក្រោយពេលគ្រោងសំណង់នៃគម្រោងព្រលានមួយនេះចេញជារូបរាង។ លោកបន្តទៀតថា “ធម្មតា បើតំបន់ណាមួយ នៅមិនទាន់មានហេដ្ឋារចនាសម្ព័ន្ធត្រឹមត្រូវ សមស្របទៅនឹងការរស់នៅនោះទេ តម្រូវការនៃការប្រើប្រាស់ដី សម្រាប់អភិវឌ្ឍន៍លើវិស័យដទៃទៀត ក៏នៅមិនទាន់នោះដែរ ហើយតម្លៃដីក៏នៅមានកម្រិតដែរ” ។
ប៉ុន្តែនៅពេលដែលតំបន់ខាងលើនេះ នៅមិនទាន់មានការអភិវឌ្ឍខ្លាំង វាក៏ជាឱកាសសម្រាប់អ្នក ដែលមានធនធានគ្រប់គ្រាន់ ដែលចង់ទិញដីទុកវិនិយោគបន្តយកចំណេញ ដោយសារតែតម្លៃដីនៅទាបនៅឡើយ” ។
អ្នកនាំពាក្យរដ្ឋលេខាធិការដ្ឋានអាកាសចរស៊ីវិលកម្ពុជា លោក ស៊ិន ចាន់សេរីវុត្ថា បានមានប្រសាសន៍ នៅក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងាររដ្ឋលេខាធិការដ្ឋានអាកាសចរស៊ីវិល នៅទីស្ដីការគណៈរដ្ឋមន្ត្រីកាលពីពេលថ្មីៗនេះថា រហូតមកដល់ពេលនេះ វឌ្ឍនភាពនៃការសាងសង់អាកាសយានដ្ឋានអន្តរជាតិភ្នំពេញថ្មី ដែលស្ថិតនៅក្នុងស្រុកកណ្តាលស្ទឹង ខេត្តកណ្តាល គឺកំពុងតែមានដំណើរការធម្មតា និងសម្រេចបានលទ្ធផលប្រមាណ៣០ភាគរយ។
លោកបានមានប្រសាសន៍បន្តទៀតថា “រដ្ឋាភិបាលកម្ពុជាបាន និងកំពុងមានការយកចិត្តទុកដាក់ក្នុងការអភិវឌ្ឍប្រទេសជាតិ តាមរយៈវិស័យសំខាន់ៗជាច្រើន ដែលក្នុងនោះ វិស័យអាកាសចរណ៍ស៊ីវិល ក៏ស្ថិតនៅក្នុងវិស័យអាទិភាពផងដែរ” ។
លោកស៊ិន ចាន់សិរីវុត្ថាបានបញ្ជាក់ថា បើយើងមើលពីក្រៅអ្វីៗ ដូចជាមិនមានសកកម្មភាពនោះទេ ប៉ុន្តែបើមើលពលើអាកាសចុះក្រោម នោះនឹងឃើញទិដ្ឋភាពនៃការសាងសង់ព្រលានយន្តហោះអន្តរជាតិ-ភ្នំពេញ ដែលមកដល់ពេលនេះសម្រេចបានលទ្ធផលប្រមាណ៣០ភាគរយ” ៕
បន្ថែមពីនេះ ដើម្បីបង្កើនភាពទាក់ទាញ និងបង្កើនសេវាទេសចរណ៍នៅក្នុងតំបន់ឱ្យកាន់តែមានភាពទាក់ទាញ នៅក្នុងពេលឆាប់ៗខាងមុខនេះ ផ្សារទំនើប FURI Times Square នឹងនាំមកជូនលោកអ្នក ក៏ដូចជាអតិជនទូទៅជាមួយនឹងវត្តមានថ្មីនៃរោងភាពយន្តបែបទំនើបនាសម័យចុងក្រោយ ដែលស្ថិតនៅជាន់ទី៤នៃផ្សារទំនើបមួយនេះតែម្ដង។
កញ្ញាបានបញ្ជាក់ថា “តាមគម្រោង រោងភាពយន្តមួយនេះនឹងដាក់ដំណើរការក្នុងពេលឆាប់ៗនេះ ដោយការនាំមកជូននូវផ្ទាំងទស្សនីយភាពដ៏អស្ចារ្យជាមួយការប្រើប្រាស់បច្ចេកវិទ្យាបែបទំនើប ជាពិសេសគ្រប់ខ្សែភាពយន្តទាំងអស់សុទ្ធតែជាប់ចំណាត់ថ្នាក់កំពូល និងល្បីល្បាញលំដាប់អន្តរជាតិ ជាប្រភេទ 2D និងប្រភេទ 3D ផ្តល់រូបភាពកាន់តែច្បាស់ ត្រជាក់ភ្នែក ហាក់បីដូចជាស្ថិតនៅក្នុងពិភពពិតនៃសាច់រឿងយ៉ាងដូច្នោះ”។
ក្រុមហ៊ុនដែលកំពុងប្រតិបត្តិការ និងទទួលបានការគាំទ្រច្រើនពីអិតិថិជន រួមមានដូចជាក្រុមហ៊ុន KFC , ក្រុមហ៊ុន Starbucks , ក្រុមហ៊ុន Amazone Café ,ក្រុមហ៊ុន KOI , ក្រុមហ៊ុន Dakasi Tea , ហាងអាហារមកពីសាំងហ្គាពួរ ក្រុមហ៊ុនលក់សម្លៀកបំពាក់ LEVI’s , ក្រុមហ៊ុន NIKE ក្រុមហ៊ុន Samsonite , ក្រុមហ៊ុននាឡិកាដ៏ល្បីឈ្មោះ G-Shock ក្រុមហ៊ុនលក់រថយន្ត HGB Group ក្រុមហ៊ុនសេវាទូរស័ព្ទចល័ត Smart ក្រុមហ៊ុន Park Café ក្រុមហ៊ុនដ៏ល្បីរបស់ចិន Hauwei ក្រុមហ៊ុន BURGER KING ក្រុមហ៊ុន ARROW រួមជាមួយក្រុមហ៊ុនល្បីៗជាច្រើនទៀត ដោយរាប់បញ្ចូលទាំងគ្រឿងសំអាងផងដែរ៕
លោក Rishi Sunak អធិការបតីអង់គ្លេស បានប្រាប់ BBCក្នុងសប្តាហ៍នេះថា គ្រាន់តែប៉ុន្មានថ្ងៃនៃផលប៉ះពាល់ពីជំងឺនេះ កាលពីខែមីនាបានជំរុញឱ្យសេដ្ឋកិច្ចធ្លាក់ចុះ។
ការធ្លាក់ចុះប្រចាំត្រីមាសដំបូង ត្រូវបានជំរុញដោយការធ្លាក់ចុះ នៃទិន្នផលសេដ្ឋកិច្ចកាលពីខែមីនា និងបន្ទាប់ពីសេដ្ឋកិច្ចបានធ្លាក់ចុះ នៅត្រីមាសចុងក្រោយនៃឆ្នាំ ២០១៩។
សហគ្រាសខ្មែរ គឺជាអង្គភាពអនុវត្តន៍ នៃមូលនិធិអភិវឌ្ឍន៍សហគ្រិនភាព ដែលបង្កើតឡើងដោយក្រសួងសេដ្ឋកិច្ច និងហិរញ្ញវត្ថុ។
លោក Nick Beresford អ្នកតំណាងឱ្យUNDPបានមានប្រសាសន៍ថា “UNDP មានសេចក្តីរីករាយណាស់ ដែលបានចាប់ដៃគូជាមួយសហគ្រាសខ្មែរ ដើម្បីបង្កើតឱកាស និងផ្តល់ការបណ្តុះបណ្តាល និងការគាំទ្រដើម្បីជួយដល់សហគ្រិន និងអ្នកជំនាញវ័យក្មេងជំនាន់ក្រោយឱ្យរីកចម្រើន”។លោកបានបន្ថែមថា “វាមានសារៈសំខាន់ណាស់ ក្នុងការវិនិយោគលើយុវជន និងទេពកោសល្យ និងថាមពលរបស់ពួកគេ នៅពេលដែលយើងរកវិធីដើម្បីគ្រប់គ្រង និងងើបឡើងវិញពីវិបត្តិ Covid-19 ”។
លោកស្រីបានបន្តថា “ថ្វីត្បិតស្ថិតនៅក្នុងខណ្ឌបឹងកេងកងតែ១ ប៉ុន្តែកម្រិតនៃតម្លៃគឺមានភាពខុសគ្នារាប់ពាន់ដុល្លារក្នុងមួយម៉ែត្រការ៉េ។ នៅក្នុងសង្កាត់បឹងកេងកង១ គឺជាបណ្តុំសំណង់អគារខ្ពស់ៗ ដែលបម្រើសេវាជាអគារពាណិជ្ជកម្ម ជាលំនៅដ្ឋានសហកម្មសិទ្ធិ ឬខុនដូ និងជាអាផាតមិនដែលមានតម្លៃកម្រិតខ្ពស់”។ លោកស្រីបន្ថែមថា “នៅតំបន់នេះ ចន្លោះផ្លូវត្រសក់ផ្អែម ផ្លូវប៉ាស្ទ័រ រហូតជិតដល់តំបន់ផ្សារបឹងកេងកង អាចមានតម្លៃចាប់ពី ៦០០០ដុល្លារក្នុងមួយម៉ែត្រការ៉េ ប៉ុន្តែក្រៅពីតំបន់នេះ អាចមានតម្លៃទាបជាងឬខ្ពស់ជាង”។
លោកឧកញ៉ា តេង ឬទ្ធី អគ្គនាយកក្រុមហ៊ុន R Investment Group បានប្រាប់គេហទំព័រ propertyarea.asia នៅថ្ងៃទី១៤ ខែឧសភា ឆ្នាំ ២០២០ នេះឱ្យដឹងថា អ្នកវិនិយោគ ក្នុងវិស័យដីធ្លីត្រូវបានបែកចែកជា២ក្រុមសំខាន់ៗ ដែលបានចុះទៅធ្វើសកម្មភាពនៅតាមបណ្តាខេត្តនាពេលនេះ ។
អ្នកវិនិយោគមួយប្រភេទទៀត គឺចុះស្វែងរកដីទុកសម្រាប់ធ្វើការវិនិយោគបន្ត ដើម្បីយកចំណេញ ឬពុះដីឡូត៍លក់នៅតាមខេត្តនានា និងធ្វើកសិកម្មដូចជានៅខេត្តពោធិសាត់ បាត់ដំបង និងខេត្តដែលមានសក្តានុពលផ្សេងទៀត។
ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានព្យាករណ៍កាលពីកន្លងកមនេះថា នៅពេលមានភាពស្រាលនៃជំងឺ Covid-19 វិស័យអចលនទ្រព្យជាពិសេសដីធ្លី នឹងងើបឡើងវិញក្នុងស្ថានភាពល្អប្រសើរ។
អភិបាលខេត្តបាត់ដំបង លោក ងួន រតនៈ បានមានប្រសាសន៍នៅក្នុងសន្និសីទសារព័ត៌មាននៅទីស្ដីការគណៈរដ្ឋមន្ត្រីកាលពីពីថ្ងៃទី១៣ ខែឧសភា ឆ្នាំ២០២០ ថា ដើម្បីធានាបាននូវប្រសិទ្ធភាព និងការបន្ថយនូវបញ្ហាប្រឈមនានា ទាក់ទងនឹងដីធ្លី រដ្ឋបាលខេត្តបានដាក់ចេញ ផែនការគ្រប់គ្រងដីធ្លី ដូចជាការរៀបចំប្លង់គោលស្រុក និងផែនការប្រើប្រាស់ដីថ្នាក់ឃុំសង្កាត់។
លោកអភិបាលខេត្ត បានបន្តទៀតថា “គិតមកទល់ពេលនេះ ខេត្តបានធ្វើការប្រមូល និងបញ្ចូលទិន្នន័យបានចំនួន ៣៧២ ៨១៥ ក្បាលដី និងចែកបណ្ណកម្មសិទ្ធិជូនដល់ប្រជាពលរដ្ឋចំនួន ៣៤៥ ៦៩៤ ក្បាលដី ដែលបាន និងកំពុងដំណើរការអនុវត្តនៅក្នុងភូមិចំនួន១១ ឃុំ៥ និងស្រុកចំនួន៤ ។ ជារួមតាំងពីចាប់ផ្ដើមគឺអនុវត្តបាន ៣៩៥ភូមិ ៦៦ឃុំ សង្កាត់និង១០ក្រុងស្រុក។ ចំណែកគណៈកម្មការសុរិយោដីបានទទួលករណីវិវាទចំនួន១៩ករណី ដោះស្រាយបញ្ចប់៤ករណី និងករណីវិវាទដែលកំពុងបន្តដោះស្រាយមានចំនួន៥០ករណី”។
នេះបើយោងតាមកិច្ចប្រជុំពិភាក្សាអំពីវឌ្ឍនភាព នៃការសាងសង់ផ្លូវល្បឿនលឿនភ្នំពេញ-ខេត្តព្រះសីហនុ កាលពីថ្ងៃទី ១៣ ខែឧសភា ឆ្នាំ ២០២០ ក្រោមការ ចូលរួមពីមន្ត្រីពាក់ព័ន្ធ និងតំណាងក្រុមហ៊ុនសាងសង់ផ្លូវល្បឿនលឿន ដែលដឹកនាំដោយលោក គួច ចំរើន អភិបាលខេត្តព្រះសីហនុ។
គិតមកដល់ត្រីមាសទី១ ឆ្នាំ ២០២០ កន្លងមកនេះ ការសាងសង់ផ្លូវល្បឿនលឿនភ្នំពេញ-ព្រះសីហនុ ដែលជាផ្លូវល្បឿនលឿនដំបូងគេនៅកម្ពុជានោះ សម្រេចបានជាង២០ភាគរយ ហើយគ្រោងនឹងបញ្ចប់នៅចុងឆ្នាំ២០២២ខាងមុខ ។ ផ្លូវនេះ ត្រូវបានសម្តេចតេជោ ហ៊ុន សែន អញ្ជើញបើកការដ្ឋានសាងសង់ជាផ្លូវការកាលពីថ្ងៃទី២២ ខែមីនា ឆ្នាំ២០១៩កន្លងទៅនេះ។
បន្ទាប់ទទួលបានផ្លែផ្កាលើកិច្ចចរចាបង្កើតកិច្ចសន្យាព្រមព្រៀងពាណិជ្ជកម្មសេរីជាមួយប្រទេសចិន កាលពីពេលថ្មីៗនេះ នៅថ្ងៃទី ១៣ ខែឧសភា ឆ្នាំ២០២០ រដ្ឋមន្ត្រី ក្រសួងពាណិជ្ជកម្ម លោក ប៉ាន សូរស័ក្តិ បានដឹកនាំកិច្ចប្រជុំក្រុមការងាររៀបចំគោលនយោបាយ និងយុទ្ធសាស្ត្រចរចាថ្មី និងដើម្បីពិនិត្យ និងតាមដានវឌ្ឍនភាពការងារនៃក្រុមការងារនីមួយលើការរៀបចំគោលនយោបាយ និងយុទ្ធសាស្ត្រចរចាបង្កើតកិច្ចព្រមព្រៀងពាណិជ្ជកម្មសេរី។
ជាមួយគ្នានេះ លោកក៏ បានសម្តែងនូវសេចក្ដីរីករាយដែលបានឃើញការងារចរចា និងការសិក្សាមួយចំនួន ដែលបានចាប់ផ្ដើមរួចហើយបានទទួលនូវផ្លែផ្កាជាទីគាប់ចិត្ត រួមមានការចរចាកិច្ចព្រមព្រៀងពាណិជ្ជកម្មសេរីកម្ពុជា-ចិន ការសិក្សារួមលើលទ្ធភាពបង្កើតកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងការពិភាក្សាជាមួយនឹងសហភាពសេដ្ឋកិច្ចអឺរ៉ាស៊ី។ ចំពោះក្រុមការងារដែលមិនទាន់បានចាប់ផ្ដើមការងាររបស់ខ្លួននៅឡើយ លោករដ្ឋមន្ត្រី បានលើកទឹកចិត្តឱ្យចាប់ផ្ដើមការងាររបស់ខ្លួនឱ្យបានឆាប់រហ័សតាមដែលអាចធ្វើទៅបាន ដោយគិតគូរ និងរៀបចំផែនការសកម្មភាពរបស់ខ្លួនឱ្យបានច្បាស់លាស់។
