ការនាំចូលសម្ភារៈសំណង់នៅកម្ពុជាបានធ្លាក់ចុះនិងបញ្ជាក់ពីសុខភាពវិស័យ អចលនទ្រព្យកម្ពុជា

ដោយៈ ប៊ី

ភ្នំពេញៈ វិស័យសំណង់ និងអចលនទ្រព្យនៅកម្ពុជា មិនសូវទទួលរងនូវផលប៉ះពាល់ខ្លាំងក្លា ទោះបីជាស្ថានភាពការរីករាលដាលនៃជំងឺកូវីដ១៩ សកលនៅមិនទាន់មានធូរស្បើយនៅឡើយក៏ដោយ។

យោងតាមរបាយការណ៍៍របស់អគ្គនាយកដ្ឋានគយ និងរដ្ឋាករបានបង្ហាញថា កម្ពុជាបាននាំចូ​ល​​សម្ភារៈសំណង់ (Construction Equipments) ដែក និងស៊ីម៉ងត៍នៅក្នុងតម្លៃសរុប ៥៦៥,៩១លានដុល្លារក្នុងឆមាសទី១ ឆ្នាំ២០២០ ខណៈការនាំចូលផលិតផលទាំងអស់នេះ ក្នុងរយៈពេលពេញ១ឆ្នាំ២០១៩ មានតម្លៃរហូតដល់១៥០៦,៥៥លានដុល្លារ។ នេះបើយោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជា។

ទិន្នន័យដដែលបានឱ្យដឹងថា កម្ពុជានាំចូលសម្ភារៈសំណង់ក្នុងទំហំទឹកប្រាក់ជាង៣៨១លានដុល្លារ ស្មើនឹង៦៧២, ៧៨៥តោន ដែកតម្លៃ១៤០,៨លានដុល្លារក្នុងបរិមា ណ២១៧,១៥១តោន និងស៊ីម៉ងត៍តម្លៃ៤៣,២៧លានដុល្លារ ស្មើនឹង៦៨១,៨១៧ តោនចាប់ពីខែមករា ដល់ខែមិថុនា ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម ធ្លាប់បានគេទំព័រ Propertyarea.asia ថា នៅក្នុងឆ្នាំ២០២០នេះ សកម្មភាពវិនិយោគក្នុងវិស័យសំណង់ ភាគច្រើនជាសកម្មភាពរបស់អ្នកក្នុងស្រុក ដោយឡែកសម្រាប់លំហូរទុនចូលពីក្រៅស្រុកគឺមានតិចតួចបំផុត។

លោកបានបន្តថា “វិបត្តិសេដ្ឋកិច្ច ដែលកំពុងកើតមាននៅពេលនេះ បានជះឥទ្ធិពលគ្រប់ប្រទេស ដែលបណ្តាលឱ្យប៉ះពាល់ដល់គម្រោងវិនិយោគទាំងអស់”។លោក បានបន្តថា “ប៉ុន្តែក្រោយពេលវិបត្តិនេះត្រូវបានទប់ស្កាត់ គម្រោងវិនិយោគនានានឹងចាប់ផ្តើមរៀបចំឡើងវិញ ហើយតាមខ្ញុំគិត ប្រសិនបើវិបត្តិជំងឺដែលកំពុងរាលដាលនេះ ត្រូវបានបញ្ចប់នៅត្រឹមចុងឆ្នាំនេះ នោះសកម្មភាពវិនិយោគ នៅក្នុងវិស័យសំណង់អាចនឹងចាប់ផ្តើមនៅពាក់កណ្តាលឆ្នាំបន្ទាប់”។

លោកស្រីអាន សុធីតា នាយិកាប្រចាំប្រទេសនៃក្រុមហ៊ុនCBRE Cambodia បានថ្លែងថា ប្រសិនបើបញ្ហានៃការរីករាលដាល នៃជំងឺឆ្លងត្រូវបានធ្វើការទប់ស្កាត់ យ៉ាងហោចណាស់អាចពន្យាពេលរហូត ដល់ពាក់កណ្តាលឆ្នាំក្រោយ ទើបសកម្មភា​ពវិនិយោគទៅលើគម្រោងថ្មីចាប់ផ្តើមមាននៅកម្ពុជាឡើងវិញ។

លោកស្រីថា “ទាំងអស់នេះភាគច្រើនជាគម្រោង និងទុនវិនិយោគដែលបានស្នើចូលមកកាន់កម្ពុជាតាំងពីឆ្នាំចាស់ ដែលមិនមែនទើបតែកើតមាន នៅក្នុងឆ្នាំ២០២០នោះទេ”៕

 

លោក​ស៊ុន ចាន់ថុល លើកទឹកចិត្ត​ក្រុមហ៊ុន​ចិន CRBC វិនិយោគ​លើ​វិ​ស័​ហេដ្ឋារចនាសម្ព័ន្ធ នៅ​កម្ពុជា​បន្ថែមទៀត

ដោយ ​វុត្ថា

ភ្នំពេញៈ លោក​ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន បាន​ជំរុញ​លើកទឹកចិត្ត​ដល់​ក្រុមហ៊ុន​ចិន China Road and Bridge Corporation  ប្រចាំ​នៅ​កម្ពុជា បន្ត​វិនិយោគ​នូវ​វិស័យ​ហេដ្ឋារចនាសម្ព័ន្ធ​នានា នៅក្នុង​ប្រទេស​កម្ពុជា​ប​ន្ថែ​ម​ទៀត។

ក្នុង​ឱ​កាស​អនុ​ញ្ញា​ត្ត​ឲ្យ​លោក Zhou Yong ដែល​ទើប​ទទួល​ការតែងតាំង​ជា​អគ្គនាយក​ក្រុមហ៊ុន​សាជីវកម្ម​ស្ពាន​ថ្នល់​ចិន (CRBC) ប្រចាំ​កម្ពុជា​ជំនួស​លោក Zhan Jisheng នៅ​ថ្ងៃទី១៣ ខែសីហា ឆ្នាំ២០២០នេះ លោក​ស៊ុន ចាន់ថុល​បាន​មានប្រសាសន៍ថា កិច្ចសហការ​និង​ទំនាក់ទំនង​ល្អ ជាមួយ​ក្រសួង​ក៏ដូចជា​រាជរដ្ឋាភិបាល និង​បង្កើន​ការវិនិយោគ​បន្ថែមទៀត ដើម្បី​អភិវឌ្ឍ​ហេដ្ឋារចនាសម្ព័ន្ធ​ផ្លូវថ្នល់​កម្ពុជា ឱ្យមាន​ការរីកចម្រើន​ថែម​មួយកម្រិត​ទៀត ពិតជា​សំដៅ​ចូលរួមចំណែក​កាត់បន្ថយ​ភាពក្រីក្រ និង​លើកកម្ពស់​ជីវភាព​រស់​នៅ​ប្រជាជន​កម្ពុជា​ឱ្យ​សំបូរ​សប្បាយ។

លោក Zhou Yong ដែល​ទើប​ទទួល​ការតែងតាំង ជា​អគ្គនាយក​ក្រុមហ៊ុន​សាជីវកម្ម​ស្ពាន​ថ្នល់​ចិន (CRBC) ប្រចាំ​កម្ពុជា​បាន​ប្តេជ្ញា និង​បន្ត​វិនិយោគ​បន្ថែមទៀត​នៅក្នុង​ប្រទេស​កម្ពុជា ព្រមទាំង​ធ្វើយ៉ាងណា​បានផ្តល់​ការគាំទ្រ និង​កិច្ចសហការ​យ៉ាង​ជិតស្និទ្ធ ដើម្បីឱ្យ​គម្រោង​សាងសង់​ទាំងឡាយ សម្រេចបាន​ជោគជ័យ​តាម​ផែនការ ដែល​បាន​គ្រោងទុក។

លោក វ៉ា​ស៊ីម សុរិយា អ្នកនាំពាក្យ​ក្រសួង​សាធារណការ និង​ដឹកជញ្ជូន​ឱ្យដឹង​ផងដែរ​ថា ក្រុមហ៊ុន China Road and Bridge Corporation (CRBC) ក្នុងចំណោម​ក្រុមហ៊ុន​ផ្សេង​ទៀ​របស់​ចិន ជា​ក្រុមហ៊ុន​ធំជាងគេ ដែល​ទទួលបាន​គម្រោង​សិក្សា និង​សាងសង​ហេដ្ឋារចនាសម្ព័ន្ធ​នៅ​ទូទាំងប្រទេស​កម្ពុជា។

លោក​បន្តថា “ក្រុមហ៊ុន​នេះ​បានទទួល​ការសិក្សា និង​សាងសង់​លើ​គម្រោង​ផ្លូវជាតិ ផ្លូវ​ល្បឿន ផ្លូវ​ខេត្តធំៗ និង ស្ពាន​នៅ​ទូទាំងប្រទេស។ តែ​យ៉ាងណា​ក៏​ក្រុមហ៊ុន​ទាំងពីរ​នេះ មិន​ទទួលបាន​គម្រោង​សាងសង់​ផ្លូវដែក កំពង់ផែ និង​អាកាសយានដ្ឋាន​នោះទេ” ។ លោក បន្ថែមទៀតថា “ក្រុមហ៊ុន​ចិន ដែល​ទទួលបាន​គម្រោង​សាងសង់​នៅ​កម្ពុជា មាន​ស្ថានភាព​លឿន ដោយ​សារបាន​សិក្សា​ពី​តម្លៃ និង​គម្រោង​ចំណាយ​នានា​មាន​ភាពច្បាស់លាស់​ត្រឹមត្រូវ” ៕

ការ​នាំចូល​សម្ភារៈ​សំណង់​នៅ​កម្ពុជា​បាន​ធ្លាក់ចុះ និង​បញ្ជាក់​ពី​សុខភាព​វិស័យអចលនទ្រព្យ​កម្ពុជា

ដោយៈ ប៊ី

ភ្នំពេញៈ វិស័យ​សំណង់ និង​អចលនទ្រព្យ​នៅ​កម្ពុជា មិនសូវ​ទទួលរង​នូវ​ផលប៉ះពាល់​ខ្លាំងក្លា ទោះបីជា​ស្ថានភាព​ការរីក​រាលដាល​នៃ​ជំងឺ​កូ​វីដ១៩ សកល​នៅ​មិនទាន់មាន​ធូរស្បើយ​នៅឡើយ​ក៏ដោយ។

យោងតាម​របាយការណ៍៍​របស់​អគ្គនាយកដ្ឋាន​គយ និង​រដ្ឋាករ​បានបង្ហាញ​ថា កម្ពុជា​បាន​នាំចូល​សម្ភារៈ​សំណង់ (Construction Equipments) ដែក និង​ស៊ីម៉ងត៍​នៅក្នុង​តម្លៃ​សរុប ៥៦៥,៩១លាន​ដុល្លារ​ក្នុង​ឆមាស​ទី១ ឆ្នាំ២០២០ ខណៈ​ការ​នាំចូល​ផលិតផល​ទាំងអស់នេះ ក្នុង​រយៈពេល​ពេញ១ឆ្នាំ២០១៩ មានតម្លៃ​រហូតដល់១៥០៦,៥៥លាន​ដុល្លារ។ នេះ​បើ​យោងតាម​ទិន្នន័យ​ពី​អគ្គនាយកដ្ឋាន​គយ និង​រដ្ឋាករ​កម្ពុជា។

ទិន្នន័យ​ដដែល​បានឱ្យដឹងថា កម្ពុជា​នាំចូល​សម្ភារៈ​សំណង់​ក្នុង​ទំហំ​ទឹកប្រាក់​ជាង៣៨១លាន​ដុល្លារ ស្មើនឹង៦៧២, ៧៨៥តោន ដែក​តម្លៃ១៤០,៨លាន​ដុល្លារ​ក្នុង​បរិ​មា ណ២១៧,១៥១តោន និង​ស៊ីម៉ងត៍​តម្លៃ៤៣,២៧លាន​ដុល្លារ ស្មើនឹង៦៨១,៨១៧ តោន​ចាប់ពី​ខែមករា ដល់​ខែមិថុនា ។

ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា លោក ច្រឹ​ក សុខ​នី​ម ធ្លាប់បាន​គេ​ទំព័រ Propertyarea.asia ថា នៅក្នុង​ឆ្នាំ២០២០នេះ សកម្មភាព​វិនិយោគ​ក្នុង​វិស័យ​សំណង់ ភាគច្រើន​ជា​សកម្មភាព​របស់​អ្នក​ក្នុងស្រុក ដោយឡែក​សម្រាប់​លំហូរ​ទុន​ចូល​ពី​ក្រៅ​ស្រុក​គឺមាន​តិចតួច​បំផុត។

លោក​បាន​បន្តថា “វិបត្តិ​សេដ្ឋកិច្ច ដែល​កំពុង​កើតមាន​នៅពេលនេះ បាន​ជះឥទ្ធិពល​គ្រប់​ប្រទេស ដែល​បណ្តាលឱ្យ​ប៉ះពាល់​ដល់​គម្រោង​វិនិយោគ​ទាំងអស់។លោក បាន​បន្តថា “ប៉ុន្តែ​ក្រោយពេល​វិបត្តិ​នេះ​ត្រូវបាន​ទប់ស្កាត់ គម្រោង​វិនិយោគ​នានា​នឹង​ចាប់ផ្តើម​រៀបចំ​ឡើងវិញ ហើយ​តាម​ខ្ញុំ​គិត ប្រសិនបើ​វិបត្តិ​ជំងឺ​ដែល​កំពុង​រាលដាល​នេះ ត្រូវបាន​បញ្ចប់​នៅត្រឹម​ចុងឆ្នាំ​នេះ នោះ​សកម្មភាព​វិនិយោគ នៅក្នុង​វិស័យ​សំណង់​អាច​នឹង​ចាប់ផ្តើម​នៅ​ពាក់កណ្តាល​ឆ្នាំ​បន្ទាប់” ។

លោកស្រី​អាន សុធី​តា នាយិកា​ប្រចាំ​ប្រទេស​នៃ​ក្រុមហ៊ុន​CBRE Cambodia បាន​ថ្លែងថា ប្រសិនបើ​បញ្ហា​នៃ​ការរីក​រាលដាល នៃ​ជំងឺឆ្លង​ត្រូវបានធ្វើ​ការទប់ស្កាត់ យ៉ាងហោចណាស់​អាច​ពន្យា​ពេល​រហូត ដល់​ពាក់កណ្តាល​ឆ្នាំក្រោយ ទើប​សកម្មភាព​វិនិយោគ​ទៅលើ​គម្រោង​ថ្មី​ចាប់ផ្តើម​មាននៅ​កម្ពុជា​ឡើងវិញ។

លោកស្រី​ថា “ទាំងអស់នេះ​ភាគច្រើន​ជា​គម្រោង និង​ទុនវិនិយោគ​ដែល​បានស្នើ​ចូលមក​កាន់​កម្ពុជា​តាំងពី​ឆ្នាំ​ចាស់ ដែល​មិនមែន​ទើបតែ​កើតមាន នៅក្នុង​ឆ្នាំ២០២០នោះទេ” ៕

FMO គ្រោង​ផ្តល់​មូលនិធិ ១,៤លាន​ដុល្លារ​ដល់​ប្រទេស​កម្ពុជា និង​ប្រទេស​ក្នុង​តំបន់

ដោយ​វុត្ថា

ភ្នំពេញៈ ធនាគារ​អភិវឌ្ឍន៍​ហុ​ល្លង់ (FMO) គ្រោង​នឹង​ទំលាក់​មូលនិធិ​លើក​ទី២ប្រមាណ១,៤ ដុល្លារ​អាមេរិក​បន្ថែម​ទៀត នៅក្នុង​កម្ពុជា​និង​ប្រទេស​ពីរ​ផ្សេងទៀត​ក្នុង​តំបន់​សម្រាប់​គម្រោង Emerging Markets Investment Advisers ក្នុង​ចលនា​ដើម្បី​ពង្រីក​ផលប័ត្រ​របស់ខ្លួន នៅ​ចំពោះមុខ​ក្នុង​ក្របខ័ណ្ឌ​ដំណាក់កាល​ទី៤ ។

តាម​ការចុះផ្សាយ​របស់​សារព័ត៌មាន NIKEI បានឱ្យដឹងថា  ធនាគារ FMO រំពឹងថា ការដំឡើង​មូលនិធិ​នេះ នឹង​ជួយ​ដល់​ការ​ស្រង​ស្រង​ដើមទុន​នាពេលខាងមុខ លើ​ប្រតិបត្តិការ​ការងារ​នៅក្នុង​អំឡុងពេល​មាន​វិបត្តិ​សេដ្ឋកិច្ច​សកល។

ប្រភពពី​ធនាគារ FMO ឱ្យដឹងថា ដើមទុន​នេះ​ត្រូវបាន​គេ​រំពឹងថា នឹង​គាំទ្រ​ដល់​ក្រុមហ៊ុន​ផលប័ត្រ​ចំនួន១៣ របស់​នៅក្នុង​បណ្តា​ប្រ​ទស​សមាជិក CLMDFII  ក្នុងអំឡុងពេល និង​ក្រោយពេល​មាន​វិបត្តិ​សេដ្ឋកិច្ច។ ធនាគារ FMO បាន​បន្ថែមថា “ការកើនឡើង​នូវ​ការ ប្តេជ្ញា​ចិត្តនឹង​ជួយ​ឱ្យ​មូលនិធិ សម្រេច​នូវ​គោលបំណង​បង្កើត​តម្លៃ និង​គាំទ្រ​ដល់​វិនិយោគិន ក្នុងការ​សម្រេច​គោលដៅ​កំណើន​ដំបូង​របស់ខ្លួន។

កន្លងមក FMO បាន​សន្យា​ផ្តល់ប្រាក់១០០លាន​ដុល្លារ ដល់​ការបិទទ្វារ​លើកដំបូង​ដល់ CLMDF II នៅ​ឆ្នាំ២០១៥ ។ មូលនិធិ​នេះ​បាន​បិទ​នៅត្រឹម ៦៤.៥ លាន​ដុល្លារ​ជាមួយនឹង​ការវិនិយោគ​នៅក្នុង​ក្រុមហ៊ុន​ចំនួន ១៣ ដែល​ភាគច្រើន​នៅ​កម្ពុជា។ ក្រុមហ៊ុន​ចំនួន ៤ នៅ​ប្រទេស​មី​យ៉ាន់​ម៉ា និង៣ក្រុមហ៊ុន​នៅ​ប្រទេស​ឡាវ​ក៏បាន​ទទួល​ថវិកា​ផងដែរ។

លោក Joshua Morris នាយក​ប្រតិបត្តិ​គម្រោង Emerging Markets Investment Advisers  បានឱ្យដឹងថា គម្រោង​នេះ​នឹង​គ្របដណ្តប់​លើ​ទំហំ​វិនិយោគ យ៉ាង​ទូលំទូលាយ​នៅក្នុង​មូលនិធិ​ថ្មី ខណៈពេលដែល​យើង​ទុក​ប្រាក់​បម្រុង​បន្ត ដើម្បី​គាំទ្រ​កំណើន​បន្ទាប់ពី​ការវិនិយោគ​ដំបូង​របស់​យើង។

លោក​បន្តថា ដៃគូ​មានកំណត់​នៅក្នុង​មូលនិធិ​របស់ EMIA ក៏​រួមបញ្ចូល​ផងដែរ​នូវ​សាជីវកម្ម​ហិរញ្ញវត្ថុ​អន្តរជាតិ និង​ស្ថាប័ន​អភិវឌ្ឍន៍​អឺរ៉ុប​ផ្សេងទៀត​ដូចជា Norfund, Finnfund និង​មូលនិធិ​វិនិយោគ​របស់​ប្រទេស​ស្វី​ស។

នាយក​ប្រតិបត្តិ​រូបនេះ បានឱ្យដឹង​ទៀតថា​មូលនិធិ​ដំបូង១៩,៦៥លាន​ដុល្លារ​របស់ EMIA ត្រូវបាន​វិនិយោគ​តែ​នៅក្នុង​ប្រទេស​កម្ពុជា និង​ឡាវ​ប៉ុណ្ណោះ ប៉ុន្តែ​ក្រោយមក​បាន​បោះទុន​វិនិយោគ​ពី​ប្រទេស​ទាំងពីរ​ទៀត៕

អ្នកជំនាញ​និយាយ​ពី​ឱកាស​ចំណេញ​ពី​ការវិនិយោគ​ក្នុង​វិស័យ​លំនៅដ្ឋានលំហែរ​កាយ

ដោយៈ រ៉ា​ណេ​ត

ភ្នំពេញៈ ស្រដៀង​គ្នា​ទៅនឹង​ទីផ្សារ​លំនៅដ្ឋាន​ស្នាក់នៅ​អចិន្ត្រៃយ៍ បច្ចុប្បន្ន​សន្ទុះ​នៃ​ការវិនិយោគ និង​អភិវឌ្ឍន៍​លើ​វិស័យ​លំនៅដ្ឋាន​លំហែរ​កាយ កំពុងតែ​មានការ​កើនឡើង​ស្ទើរ​គ្រប់​ខេត្ត ជាពិសេស​នៅ​តំបន់​ទេសចរណ៍​បែប​ធម្មជាតិ ជាមួយនឹង​ការ​សម្លឹង​ឃើញ​ពី​ឱកាស​នៃ​ការទទួលបាន​ចំណេញ​យ៉ាងច្រើន។

លោក​ឧកញ៉ា តេង រិទ្ធី អគ្គនាយក​ក្រុមហ៊ុន​អចលនទ្រព្យ R Investment Group ដែល​អ្នកវិនិយោគ និង​អភិវឌ្ឍន៍​ទៅលើ​ប្រភេទ​លំនៅដ្ឋាន បែប​លំហែរ​កាយ​បាន​មានប្រសាសន៍​នា​ល្ងាច​ថ្ងៃទី១៣ ខែសីហា ឆ្នាំ២០២០ថា បច្ចុប្បន្ននេះ ឱកាស​ដែល​អាច​ទទួលបាន​ផលចំណេញ ពី​ការបណ្តាក់ទុន​អភិវឌ្ឍន៍ ក្នុង​វិស័យ​មួយ​នេះ​នៅមាន​ច្រើន ខណៈពេលដែល​រាជរដ្ឋាភិបាល​ក៏​កំពុង​ពង្រឹង និង​ពង្រីក​ទីផ្សារ​វិស័យ​ទេសចរណ៍ ឱ្យ​កាន់តែ​ទូលាយ​នៅ​ទូទាំងប្រទេស។

លោក​បន្តថា “ការវិនិយោគ​ទៅលើ​វិស័យ​លំនៅដ្ឋាន បែប​លំហែរ​កាយ​នៅពេលនេះ គឺមាន​ឱកាស​ទទួលបាន​ផលចំណេញ​ច្រើន ហើយ​ផលចំណេញ​ទាំងនេះ​នឹង​នៅ​បន្ត​ក្នុង​រយៈពេល​វែង​ទៅមុខទៀត” ។ លោក​បន្តថា “ការវិនិយោគ និង​អភិវឌ្ឍន៍​លំនៅដ្ឋាន​ប្រភេទ​នេះ មាន​ភាពងាយស្រួល​ជាង​ការអភិវឌ្ឍន៍ លំនៅដ្ឋាន​ស្នាក់នៅ​អចិន្ត្រៃយ៍ ដោយសារតែ​ភាគច្រើន យើង​ធ្វើការ​អភិវឌ្ឍ​តែ​នៅ​តំបន់​ធម្មជាតិ តម្លៃ​ដី​នៅ​ទាប​មិនមែនជា​តំបន់​ទីប្រជុំជន​ដែល​តម្លៃ​ដី​ថ្លៃ​នោះទេ” ។

លោក​តេង រិ​ទ្ឋី​បាន​បន្តទៀតថា មាន​ភាពងាយស្រួល ហើយ​ក៏មាន​ចំណុច​លំបាក​ដែរ។ ងាយស្រួល​ត្រង់​ថា មិនសូវ​ណាយ​ទុន​ច្រើន ងាយស្រួល​អភិវឌ្ឍន៍ និង​អាច​ទទួលបាន​ផលចំណេញ​យូរ តាមរយៈ​ការជួល​បន្ទាប់ពី​បញ្ចប់​ការសាងសង់។ ដោយឡែក​ចំណុច​លំបាក​ត្រង់​ថា ត្រូវមាន​ទុនបម្រុង​ទាំងស្រុង​ទៅលើ​ការវិនិយោគ មានន័យថា​ទាល់តែ​បញ្ចប់​ការសាងសង់​រួចរាល់​ទាំងស្រុង ទើប​អាច​ទទួលបាន​ចំណូល​ត្រឡប់មកវិញ ខុសពី​ការអភិវឌ្ឍ​លំនៅដ្ឋាន​អចិន្ត្រៃយ៍ ដែល​អាច​ទទួលបាន​ចំណូល ពី​ការវិនិយោគ​តាំង​ពេល​មិនទាន់​សាងសង់​គម្រោង។

លោក​ឧកញ៉ា តេង រិទ្ធី បាន​មានប្រសាសន៍ប្រាប់​ឱ្យ​ថា បច្ចុប្បន្ននេះ អ្នក​អភិវឌ្ឍន៍​វិស័យ​លំនៅដ្ឋាន​មួយចំនួន​ដែលមាន​ទុនបម្រុង​គ្រប់គ្រាន់ គឺ​បាន​បង្វែរ​គោលដៅ​របស់​ខ្លួន​ពី​ការអភិវឌ្ឍន៍​លំនៅដ្ឋាន​អចិន្ត្រៃយ៍ មក​វិនិយោគ និង​អភិវឌ្ឍន៍​លំនៅដ្ឋាន​បែប​លំហែរ​កាយ​នៅតាម​តំបន់​កម្សាន្ត និង​ទេសចរណ៍​នានា ដោយសារតែ​សំលឹង​ឃើញ ពី​ផលប្រយោជន៍​ដែល​អាច​ទទួល​បានយូរ​អង្វែង។

កំពត​បាននិងកំពុង​ក្លាយជា​ខេត្ត​នាំមុខគេ លើ​ការវិនិយោគ​លំនៅដ្ឋាន​លំហែរ​កាយ ដោយសារ​លក្ខ​ខ័​ណ្ឌ​អំណោយផល​ជាច្រើន។

ជាក់ស្តែង​គំរោង​លំនៅដ្ឋាន​លំហែរ​កាយ បែប​ប្រណីត Forest Hamony បាននិងកំពុង​ទទួល​ជោគជ័យ​លើ​ការលក់​យ៉ាងខ្លាំង ដោយ​បច្ចុប្បន្ន​ផ្ទះ​វីឡា​លំហែរ ដែល​សាងសង់​នៅ​ប្រប​នឹង​ជើងភ្នំតូចៗ ជាមួយ​ទេសភាព​ស្រស់បំព្រង​នេះ កំពុង​ត្រៀម​ពង្រីក​ការសាងសង់​ដំណាក់កាល​ទី២ផងដែរ។

លោក SERAJ Sutton នាយក​ប្រតិបត្តិ​នៃ​ក្រុមហ៊ុន  Century 21 Zillions Holding Cambodia បាន​មានប្រសាសន៍ថា ខេត្តកំពត​កំពុងមាន​ការរីកចម្រើន​ខ្លាំង និង​មាន​សក្តានុពល​ជាច្រើន សំរាប់​ការអភិវឌ្ឍ​លើ​វិស័យ​សំណង់ និង​អចលនទ្រព្យ ដោយសារ​ខេត្ត​នេះ​មាន​ភាព​អំណោយផល​មួយចំនួន​ដូចជា មាន​ចម្ងាយ​ជិត​នឹង​រាជធានី​ភ្នំពេញ មានការ​កសាង​ហេ​ដ្ឋា​រចនា​ស​ម្ព័​ន្ឋ​ល្អប្រសើរ មានការ​សាងសង់​កំពង់ផែ​ទឹក​ជ្រៅ​ធំ​មួយ ដែលជា​កំពង់ផែ​ធំ​មួយ​បន្ទាប់ពី​ក្រុងព្រះសីហនុ។

ចំណែក​លោក​ច្រឹ​ក សុខ​នី​ម ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា “នេះ​ជា​គំរោង​ប្រវត្តិសាស្ត្រ​សំរាប់​ខេត្ត ដែល​នឹង​ជួយ​លើក​កំពស់​ការអភិវឌ្ឍ ក៏ដូចជា​ជំរុញ​ឲ្យ​ខេត្ត​កាន់តែ​មាន​ភាព​ទាក់ទាញ ដោយសារ​គំរោង FOREST HAMONY សាងសង់ឡើង​ប្រកបដោយ​បទដ្ឋាន​អន្តរជាតិ និង​ផ្តោតលើ​ការរស់នៅ​ប្រកបដោយ​ភាព​បៃតង និង​ការ​លំហែរ​ប្រកបដោយ​ស្តង់ដា​អន្តរជាតិ” ៕

ចំណេះដឹង! ដូចម្តេច​ដែល​ហៅថា​អាករ​លើ​តម្លៃបន្ថែម?

ដោយ ​វុត្ថា

ភ្នំពេញៈ អាករ​លើ​តម្លៃបន្ថែម គឺជា​អាករ​កំណត់​ទៅលើ​ការចំណាយ​ទិញ​របស់​អ្នកប្រើប្រាស់ អាករ​នេះ​ត្រូវ​ប្រមូល​ពី​ការ ប្រកប​អាជីវកម្ម និង​ការ​នាំចូល។ការប្រកប​អាជីវកម្ម​ភាគច្រើន​ទាក់ទិន​ទៅ​និង​ការផ្គត់ផ្គង់​ទំនិញ​ឬ​សេវា។

ការប្រកប​អាជីវកម្ម​ទាំងនោះ ត្រូវ​ជាប់ អាករ​លើ​តម្លៃបន្ថែម​ប្រសិនបើ​ការផ្គត់ផ្គង់ៈ

– ធ្វើឡើង​ក្នុង​ព្រះរាជាណាចក្រ​កម្ពុជា

– ធ្វើឡើង​ដោយ​បុគ្គល​ជាប់​អាករ

– ធ្វើឡើង​ក្នុងដំណាក់កាល​ប្រកប​អាជីវកម្ម ឬ​ដំណាក់កាល​ពង្រីក​អាជីវកម្ម

– គ្មាន​ការបញ្ជាក់​ច្បាស់លាស់​ថា មិន​ជាប់​អាករ ឬ​ជាប់​អាករ​តាម​អត្រា០%

ការផ្គត់ផ្គង់ ធ្វើឡើង​ដោយ​បុគ្គល​ជាប់​អាករ នៅក្នុង​ព្រះរាជាណាចក្រ​កម្ពុជា ដែល​មិនមែន ជាការ​ផ្គត់ផ្គង់​មិន ជាប់​អាករ​ហៅថា​ការផ្គត់ផ្គង់​ជាប់​អាករ។

បុគ្គល​ជាប់​អាករ​គឺជា រូបវ័ន្ត​បុគ្គល ក្រុមហ៊ុនសហកម្មសិទ្ធិ ក្រុមហ៊ុន​មហាជន​ឬ​បុគ្គល​ណាមួយ​ដែលមាន ផលរបរ​បានមកពី​ការផ្គត់ផ្គង់​ជាប់​អាករ លើសពី​កំរិត​អប្បបរមា​នៃ​ផលរបរ​ត្រូវ​ចុះបញ្ជី ត្រូវ​ទៅ​ចុះបញ្ជី​អាករ​លើ​តម្លៃបន្ថែម។

ការផ្គត់ផ្គង់​ត្រូវ​នៅក្រៅ​ដែន​អនុវត្តន៍​អាករ​លើ​តម្លៃបន្ថែម ប្រសិនបើ​ការផ្គត់ផ្គង់​នោះ ធ្វើឡើង​ដោយ​បុគ្គល ដែល​មិនមែនជា​បុគ្គល​ជាប់​អាករ ឬ​មិន​ធ្វើឡើង​ក្នុងដំណាក់កាល​ប្រកប​អាជីវកម្ម ឬ​ដំណាក់កាល​ពង្រីក​អាជីវកម្ម៕

លោកហ៊ុន ម៉ានីៈក្នុងដំណាក់កាលនេះការបង្កើតបរិយាកាសទេសចរណ៍ដែលគួរ ឲ្យទុកចិត្តជាកត្តាសំខាន់

        ដោយគង់ ម៉ាលីន

        ភ្នំពេញៈ តំណាងរាស្រ្តខេត្តកំពង់ស្ពឺ លោកហ៊ុន ម៉ានីបានថ្លែងថា ក្នុងដំណាក់កាលនេះ ការបង្កើនបរិយាកាសទេសចរណ៍ ដែលគួរអោយទុកចិត្ត និងដោយមានសុវត្ថិភាពពីជំងឺកូវីដ១៩ ព្រមទាំងការធានាស្តង់ដានៃការការពារ មើលថែប្រកបដោយការយកចិត្តទុកដាក់ គឺជាកត្តាសំខាន់។

លោកបានមានប្រសាសន៍ក្នុងកិច្ចប្រជុំជាមួយលោកថោង ខុនរដ្ឋមន្រ្តីក្រសួងទេស​ចរណ៍នាព្រឹកថ្ងៃទី១៣ សីហានេះថា ទន្ទឹមនេះ ក្រសួងគួរបន្តកិច្ចសហការយ៉ាងជិតស្និតជាមួយអន្តរជាតិ ជាពិសេសប្រទេសក្នុងតំបន់អាស៊ាន ដើម្បីចូលរួមជំរុញចលនាទេស​ចរណ៍ផ្ទៃក្នុងអាស៊ាន (intra-ASEAN) នៅក្នុងដំណាក់កាលសមស្របណាមួយ ដែលចរន្ត និងលំហូរទេសចរណ៍ផ្ទៃក្នុងតំបន់អាចដំណើរការវិញបាន។

ក្នុងកិច្ចប្រជុំ អង្គប្រជុំបានកត់សម្គាល់ថា ឈរលើស្មារតី “ប្រែក្លាយបញ្ហាប្រឈមជាឱកាស”  វិបត្តិជំងឺកូវីដ-១៩ នេះ ក៏ជាឱកាសមួយសម្រាប់ការពង្រឹងគុណភាព គោលដៅកម្ពុជា ជាគោលដៅដ៏ល្អ ប្រកបដោយភាពទាក់ទាញ តាមរយៈការពង្រឹងកិច្ចសហការរវាង រដ្ឋ-ឯកជន និងភាគីពាក់ព័ន្ធ ក្នុងការចាប់យកឌីជីថលរូបនីយកម្ម (Digitalization) ក្នុងវិស័យទេសចរណ៍កម្ពុជា ស្របតាមតម្រូវការជាក់ស្តែងក្នុងបរិបទឧស្សាហកម្ម ៤.០។

ឆ្លៀតក្នុងឱកាសនេះ គណៈកម្មការទី៧ នៃរដ្ឋសភា សូមថ្លែងអំណរគុណចំពោះកិច្ចខិតខំប្រឹងប្រែងរបស់ថ្នាក់ដឹកនាំក្រសួង និងមន្ត្រីទេសចរណ៍ទាំងអស់ ដែលបានរួមគ្នាគិតគូរលើកកម្ពស់វិស័យទេសចរណ៍ និងការស្តារឧស្សាហកម្មទេសចរណ៍ឱ្យដំណើរការជាបណ្តើរៗឡើងវិញ។

ជាមួយគ្នានេះ គណៈកម្មការ ក៏សូមថ្លែងអំណរគុណចំពោះ ប្រតិបត្តិករ និងអាជីវករក្នុងឧស្សាហកម្មទេសចរណ៍ទាំងអស់ ដែលបានចូលរួមអនុវត្តតាមការណែនាំរបស់រាជរដ្ឋាភិបាល និងការអនុវត្តអាជីវកម្មរបស់ខ្លួន ដោយប្រកាន់យ៉ាងខ្ជាប់ខ្ជួននូវវិធានសុវត្ថិភាពទេសចរណ៍របស់ក្រសួងទេសចរណ៍ និងក្រសួងសុខាភិបាល។

លោកហ៊ុន ម៉ានី ដែលជាប្រធានគណៈកម្មការអប់រ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា បានវាយតម្លៃខ្ពស់ចំពោះកិច្ចប្រជុំជាមួយក្រសួងទេសចរណ៍ ហើយបានចាត់ទុកថាកិច្ចប្រជុំនេះ ជាវេទិកាដ៏មានប្រសិទ្ធភាពមួយក្នុងស្មារតីរួបរួម សហការ និងជំរុញការអនុវត្តការងារ ក្នុងវិស័យទេសចរណ៍នៅក្នុងនីតិកាលទី៦ ជាពិសេសក្នុងបរិបទកូវីដ១៩នេះ ឱ្យទទួលបានលទ្ធផលជាក់ស្តែងជូនដល់ប្រជាជាតិខ្មែរ។

វិបត្តិជំងឺCovid-19 បានបណ្តាលឲ្យអាជីវកម្មទេសចរណ៍ ជាង៣០០០ទីតាំងរងផលប៉ះពាល់ ក្នុងនោះបុគ្គលិកពាក់ព័ន្ឋជាង៥០,០០០នាក់ បានបាត់បង់ការងារនិងប៉ះពាល់ប្រាក់ចំណូល៕

ក្រសួងដែនដីច្រានចោលសំណើរប្រជាពលរដ្ឋ១២៨គ្រួសារលើការទាមទារដីកម្មសិទ្ធិ

ដោយៈ រ៉ាណេត

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់ បានសម្រេចច្រានចោលនូវសំណើរបស់ប្រជាពលរដ្ឋចំនួន១២៨គ្រួសារ លើការទាមទារដីជាកម្មសិទ្ធិ ស្ថិតនៅក្នុងឃុំត្រពាំងព្រីង ស្រុកតំបែរ ខេត្តត្បូងឃ្មុំ។

ការច្រានចោលនូវសំណើរបស់ប្រជាពលរដ្ឋ ទាំង១២៨គ្រួសារខាងលើនេះ ត្រូវបាន​ធ្វើឡើង តាមរយៈលិខិតជូនដំណឹងជាផ្លូវការរបស់ក្រសួងរៀបចំដែនដី នគរូបនីយកម្ម និងសំណង់កាលពីថ្ងៃទី១៣ ខែសីហា ឆ្នាំ២០២០ បន្ទាប់ពីបានធ្វើការសិក្សា ស្រា​វជ្រាវ និងពិនិត្យយ៉ាងយកចិត្តទុកដាក់ ពីសំណាក់ក្រុមមន្ត្រីជំនាញដែនដីរបស់ក្រសួង។

យោងតាមលិខិតផ្លូវការបានបញ្ជាក់ថា គ្រួសារទាំង១២៨ ខាងលើនេះបានដាក់ពាក្យសុំអន្តរាគមន៍ មកកាន់ក្រសួងរៀបចំដែន នគរូបនីយកម្ម និងសំណង់ ដើម្បីទាមទារដីព្រៃសហគមន៍ទំហំ១២៣០ហិកតា ស្ថិតនៅក្នុងភូមិស្រែប្រាំង ភូមិបុស្សស្នោរ ឃុំត្រពាំងព្រីង ស្រុកដំបែរ ខេត្តត្បូងឃ្មុំ ដែលធ្លាប់បានលក់ទៅឱ្យក្រុមហ៊ុនឯកជន តាំងពីអំឡុងឆ្នាំ២០១១-២០១២។

ក្រសួងរៀបចំដែនដី នគរូបនីយកម្ម និងសំណង់ បានពិនិត្យឃើញថា ក្នុងអំឡុងឆ្នាំ២០១១-២០១២ ប្រជាពលរដ្ឋចំនួន២១៣គ្រួសារ រស់នៅភូមិស្រែប្រាំង និងចំនួន៧៨គ្រួសារផ្សេងទៀត រស់នៅភូមិបុស្សស្នោរ ឃុំត្រពាំងព្រីង ស្រុកតំបែរ ខេត្តត្បូងឃ្មុំ បានព្រមព្រៀងលក់ដីក្នុងតំបន់ទីតាំងខាងលើ ទៅឱ្យក្រុមហ៊ុន ហាមីនី អ៊ីនវេសមេន ដោយមានការបញ្ជាក់ និងទទួលស្គាល់ពីអជ្ញាធរភូមិ-ឃុំ យ៉ាងពិតប្រាកដ។

ដោយឡែក ក្នុងកំឡុងពេលដែលក្រសួងអនុវត្តន៍ បទបញ្ជាលេខ០១បប រាជរដ្ឋាភិបាលបានសម្រេចចុះបញ្ជី ចេញប័ណ្ណកម្មសិទ្ធិដីធ្លីជូនប្រជាពលរដ្ឋ ដែលមិនបានលក់ដីឱ្យក្រុមហ៊ុនចំនួន៤៨៣គ្រួសារ ស្មើនឹង១៥៥១ក្បាលដី មានទំហំសរុបចំនួន២៥៦៣ហិកតា ក៏ស្រាប់តែមានតំណាងគ្រួសារទាំង១២៨ខាងលើ ដាក់លិខិតសុំអន្តរាគមន៍ទាមទារសុំចុះបញ្ជីដីកម្មសិទ្ធិដោយគ្មានមូលដ្ឋាន និងធ្វើឡើងតាមការញុះញង់ បំផុសបំផុលរបស់ជនខិលខូច ធ្វើឱ្យប៉ះពាល់ដល់សន្តិសុខ និងសណ្តាប់ធ្នាប់សាធារណៈ៕

ក្រុមហ៊ុនអាកាសចរណ៍ជប៉ុនANA ស្វែងរកកម្ចី៤,៦ពាន់លានដុល្លារកំឡុងពេល វិបត្តិសេដ្ឋកិច្ចនេះ

ដោយៈប៊ី

ភ្នំពេញៈ ក្រុមហ៊ុនដឹកជញ្ជួនផ្លូវអាកាស ANA Holdings របស់ជប៉ុន កំពុងពិភាក្សាជាមួយនឹងធនាគារអភិវឌ្ឍន៍ជប៉ុន និងស្ថាប័នហិរញ្ញវត្ថុឯកជន ដើម្បីទទួលបានផ្តល់ហិ​រញ្ញប្បទានគិតជាទឹកប្រាក់ចំនួន៥០០ពាន់លានយ៉េន (៤,៦ ពាន់លានដុល្លារ)។

ក្រុមហ៊ុនអាកាសចរណ៍ជប៉ុន ដែលមានជើងហោះហើរកាន់កម្ពុជាផងដែរនោះ កំពុ​ងស្នើសុំ ធនាគារ DBJ ធនាគារ MUFG ធនាគារ Sumitomo Mitsui Banking Corp និង Mizuho Bank ដើម្បីទទួលបានកម្ចី។ ក្រុមហ៊ុន ANA Holdings កំពុងស្វែងរកការបង្កើនប្រាក់ជិត៤០០ពាន់លានយ៉េន ដល់៥០០ពាន់លានយ៉េន ដែលប្រាក់កម្ចីបន្ទាប់បន្សំ។

ជាមួយនឹងប្រាក់កម្ចីបន្ទាប់បន្សំនេះ ប្រសិនបើក្រុមហ៊ុនមួយប្រឈមនឹងការក្ស័យធុន បំណុលនេះផ្តល់អាទិភាព សម្រាប់ការសងប្រាក់អត្រាទាបជាងបំណុលផ្សេងទៀត។ លើសពីនេះទៀត នៅពេលដែលក្រុមហ៊ុន ទទួលបានប្រាក់កម្ចីបន្ទាប់បន្សំ ស្ថានភាពហិរញ្ញវត្ថុរបស់ក្រុមហ៊ុន ត្រូវបានចាត់ទុកថាមានភាពប្រសើរឡើង។ នេះផ្តល់ឱ្យក្រុមហ៊ុននូវសមត្ថភាពកាន់តែច្រើនក្នុងការខ្ចីប្រាក់ពីធនាគារ។

ក្រុមហ៊ុន ANA Holdings បានទទួលប្រាក់កម្ចី និងបណ្តាញឥណទានប្រហែល១ ទ្រីលានយ៉េននៅត្រឹមខែមិថុនា។ ក្រុមហ៊ុនអាកាសចរណ៍នេះ ចំណាយប្រាក់ប្រមាណ ១០០ពាន់លានយ៉េនរៀងរាល់ខែ ដើម្បីជួលយន្តហោះ និងទូទាត់ការប្រាក់។ ក្រុមហ៊ុនរំពឹងថា នឹងមានថវិកាប្រតិបត្តិការគ្រប់គ្រាន់សម្រាប់ប្រហែលមួយឆ្នាំ។

ទោះយ៉ាងណាក៏ដោយ ប្រសិនបើចំនួនអ្នកដំណើរនៅតែបន្តធ្លាក់ចុះ ក្នុងពេលមានជំងឺរាតត្បាត ស្ថានភាពហិរញ្ញវត្ថុរបស់ក្រុមហ៊ុនអាកាសចរណ៍នេះ នឹងកាន់តែយ៉ាប់យ៉ឺន ដែលអាចនឹងធ្វើឱ្យការចំណាយកើនឡើង នៅពេលដែលវាចេញមូលបត្របំណុលក្រុមហ៊ុន និងខ្ចីប្រាក់ពីធនាគារ។

ក្រុមហ៊ុនANA Holdings សង្ឃឹមថា នឹងមានស្ថានការណ៍ល្អនាពេលខាងមុខ ជាមួ​យនឹងហិរញ្ញប្បទានដែលខ្លួនកំពុងស្វែងរក។

នៅជុំវិញពិភពលោក ក្រុមហ៊ុនអាកាសចរណ៍ កំពុងស្ថិតនៅក្នុងស្ថានភាពរង្គោះរ  ង្គើ។ នៅខែមិថុនា ក្រុមហ៊ុនអាកាសចរណ៍Aeromexico បានប្រកាសក្ស័យធននៅសហរដ្ឋអាមេរិក។ ក្រុមហ៊ុនអាកាសចរណ៍ថៃអ៊ែរវ៉េ និងវឺដ្យីនអូស្រ្តាលី ក៏ជិតក្ស័យធនដែរ។

ក្រុមហ៊ុន ANA Holdings បានចាត់វិធានការជាច្រើន ដើម្បីការពារការប្រព័ន្ធហិរញ្ញវត្ថុខ្លួន។ ក្នុងមួយជំហាន ក្រុមហ៊ុនបានផ្អាកការងាររបស់បុគ្គលិក៤៣.៥០០ នាក់៕

ប្រទេសចិនបង្ហាញមហិច្ឆិតាសាងសង់ផ្លូវដែកដ៏ទំនើបបំផុតនៅលើពិភពលោក

ដោយវុត្ថា

ភ្នំពេញៈ រដ្ឋាភិបាលចិនបានបង្ហាញមហិច្ឆិតារបស់ខ្លួន ក្នុងការសាងសង់ផ្លូវដែកដ៏ទំនើប និងគ្រប់ដណ្តប់នៅទូទាំងប្រទេស ដោយឆ្លងកាត់ក្រុងដែលមានប្រជាពលរដ្ឋរស់នៅប្រមាណចាប់ពី៥សែននាក់ឡើង និងតភ្ជាប់គ្នាដោយផ្លូវដែកល្បឿនលឿន។

យោងតាមសេចក្តីណែនំា របស់ក្រុមហ៊ុនសាងសងផ្លូវដែករបស់រដ្ឋាភិបាលចិនបា​នចេញផ្សាយនៅថ្ងៃទី១៣ ខែសីហា ឆ្នាំ ២០២០នេះបានអោយដឹងថា ផ្លូវដែកដ៏ទំនើបនេះ និងត្រូវសាងសង់អោយចប់រួចរាល់នៅឆ្នាំ២០៣០ ខាងមុខនេះ ឆ្លងកាត់ទីក្រុងដែលមានប្រជាជនច្រើនលើសពី៥សែននាក់ឡើង។

ក្រុមហ៊ុនផ្លូវដែកជាតិចិនបានឲ្យដឹងថា  គម្រោងសាងសង់បណ្តាញផ្លូវដែកយុគសម័​យថ្មី  រដ្ឋាភិបាលនឹងសាងសង់រួចរាល់នៅឆ្នាំ២០៣០ នូវបណ្តាញផ្លូវដែកទំនើប ដែលគ្របដណ្តប់ទូទាំងប្រទេស អាចផ្តល់សេវាកម្មដឹកជញ្ជូន ប្រកបដោយគុណភាពខ្ពស់មា​ន​សុវត្ថិភាពអាចទុកចិត្តបានពោលគឺឈរនៅលំដាប់ ឈានមុខគេនៅលើឆាកអន្តរជាតិ។

ប្រទេសចិនរំពឹងថា នៅពេលសាងសង់ផ្លូវដែកនេះ រួចរាល់នៅក្នុងឆ្នាំ២០៣០ ខាងមុខនេះ បណ្តាញផ្លូវដែករបស់ចិនសរុប នឹងកើនដល់២០ម៉ឺនគីឡូម៉ែត្រ ក្នុងនោះផ្លូវដែកល្បឿនលឿនមានប្រវែងប្រហែល៧ម៉ឺនគីឡូម៉ែត្រ។

រដ្ឋាភិបាលចិនបញ្ជាក់ទៀតថា  ទីក្រុងដែលមានចំនួនប្រជាជនលើសពី២សែននាក់ នឹងត្រូវតភ្ជាប់ដោយផ្លូវដែកទាំងអស់ ខណៈទីក្រុងដែលមានមនុស្សលើសកន្លះលាននាក់ នឹងតភ្ជាប់ដោយផ្លូវដែកល្បឿនលឿន ។ ជាមួយគ្នានេះរដ្ឋាភិបាលចិនបានប្តេ ជ្ញាថា នឹងផលិតរថភ្លើងល្បឿនលឿនឆ្លាតវៃមុនគេផងដែរ។

ចំពោះការធ្វើដំណើរតាមរថភ្លើងល្បឿនលឿនវិញ គ្រោងចំណាយពេលក្នុងរង្វង់ពេលតែ១-២-៣ម៉ោងប៉ុណ្ណោះ ហើយចំចំណែកការដឹកជញ្ជូនទំនិញវិញ នឹងត្រូវចំណាយត្រឹមតែ១-២-៣ថ្ងៃប៉ុណ្ណោះ នៅពេលសាងសង់បញ្ច