ដោយៈ រ៉ាណេត
ភ្នំពេញៈ ក្រសួងសេដ្ឋកិច្ច និងហិរញ្ញវត្ថុ បានសម្រេចដាក់ឱ្យប្រើសប្រាស់នូវគម្រោងហិរញ្ញប្បទាន ដែលមានទំហំ១០០លានដុល្លារ ដើម្បីជម្រុញកិច្ចអភិវឌ្ឍន៍ និងទ្រទ្រង់សហគ្រាសធុនតូច និងមធ្យម (SME) នៅកម្ពុជាក្នុងគ្រាកំពុងជួបបញ្ហាប្រឈម។
យោងតាមសេចក្ដីប្រកាសព័ត៌មានរបស់ ក្រសួងសេដ្ឋកិច្ចនិងហិរញ្ញវត្ថុស្ដីពី ការដាក់ឲ្យដំណើរការ “គម្រោងសហហិរញ្ញប្បទាន ទ្រទ្រង់សហគ្រាសធុនតូចនិងមធ្យម” នៅថ្ងៃទី៣ ខែមេសា ឆ្នាំ២០២០ បានឱ្យដឹងថា មូលនិធិក្រោមគម្រោង សហហិរញ្ញប្បទាននេះ មានទំហំទឹកប្រាក់១០០លានដុល្លារ ដែលជាការផ្ដល់សហហិរញ្ញប្បទានបដិភាគស្មើគ្នារវាងធនាគារសហគ្រាស ធុនតូចនិងមធ្យមនៅកម្ពុជា (ធ.ស.ក) និងគ្រឹះស្ថានធនាគារ និងមីក្រូហិរញ្ញវត្ថុ (គ្រឹះស្ថានហិរញ្ញវត្ថុចូលរួម)។
នៅក្នុងសេចក្ដីប្រកាសដដែលបានបញ្ជក់ថា ក្រសួងសេដ្ឋកិច្ចនិងហិរញ្ញវត្ថុ នឹងចាប់ផ្ដើមដាក់ដំណើរការ “គម្រោងសហហិរញ្ញប្បទាន ទ្រទ្រង់សហគ្រាសធុនតូចនិងមធ្យម” ចាប់ពីថ្ងៃនេះតទៅ ដោយការផ្ដល់ឥណទានមានការប្រាក់ទាប ដើម្បជំរុញការអភិវឌ្ឍសហគ្រាសធុនតូច និងមធ្យម ក្នុងវិស័យអាទិភាព ដូចជា ផ្នែកកម្មន្ដសាល និងសិប្បកម្ម សម្រាប់ជំនួស ឲ្យការនាំចូលបម្រើសេចក្ដីត្រូវការក្នុងស្រុក ឬបម្រើជាធាតុចូលនៅក្នុងផលិតរបស់ក្រុមហ៊ុនធំៗជាដើម។
គ្រឹះស្ថានហិរញ្ញវត្ថុចូលរួម នៃគម្រោងសហហិរញ្ញប្បទាននេះមានចំនួន៣៣ ដោយក្នុងនោះ មានធនាគារពាណិជ្ជចំនួន២៣ ធនាគារឯកទេសចំនួន២ គ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើចំនួន៥ និងគ្រឹះស្ថានហិរញ្ញវត្ថុមានចំនួន២ផងដែរ។
ដោយឡែកសម្រាប់សហគ្រាសធុនតូច និងមធ្យម ដែលមានតម្រូវការឥណទាន អាចធ្វើការដាក់ពាក្យស្នើសុំឥណទាន ក្រោមគម្រោងសហហិរញ្ញប្បទាននេះបាន នៅតាមគ្រឹះស្ថានហិរញ្ញវត្ថុចូលរួមណាមួយ ដោយគោរពតាមលក្ខខណ្ឌ របស់គម្រោងសហហិរញ្ញប្បទាន និងលក្ខខណ្ឌផ្ដល់ឥណទាន របស់គ្រឹះស្ថានហិរញ្ញវត្ថុចូលរួម៕
លោកឧបនាយកដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ មានប្រសាសន៍ក្នុងពិធីទទួលមូលនិធិចិនដើម្បីសន្តិភាព និងការអភិវឌ្ឍបានផ្តល់ជំនួយឧបត្ថម្ភក្រោមក្របខណ្ឌអង្គការសង្គមស៊ីវិលសម្រាប់ការពារសុខភាពប្រឆាំងជំងឺកូវីដ១៩នៅថ្ងៃទី ៣ ខែមេសា នេះ ឱ្យដឹងថា ក្នុងអំឡុងពេលផ្ទុះវីរុសCOVID-19 នៅកម្ពុជា ក្រុមហ៊ុនBlue Sky Rescue ហៅកាត់ BSR របស់ចិនគ្រោងនឹងបញ្ជូនគ្រូពេទ្យស្ម័គ្រចិត្តមកកម្ពុជាចំនួន១៣នាក់ ដោយមកជួយកម្ពុជា រយៈពេល១៥ថ្ងៃ។
លោកបន្តថា សារៈសំខាន់ខ្លាំងចំពោះកម្ពុជាដែលយើងកំពុងត្រូវការគឺសំភារៈ បរិក្ខារពេទ្យដើម្បីប្រយុទ្ធប្រឆាំងនឹងការរីករាលដាលនៃជំងឺCOVID-19 ក្នុងនោះ ជំនួយចិននៅពេលនេះ ជាកាយវិការដ៏សប្បុរសឆ្លុះបញ្ចាំងយ៉ាងច្បាស់ពីចំណងមិត្តភាពរវាងប្រទេសនិងប្រជាជនទាំងពីរ ស្របពេលប្រទេសទាំង២ តែងតែមានកាយវិការជាគាំទ្រ និងលើកកម្ពស់កិច្ចសហប្រតិបត្តិលើគ្រប់វិស័យ។
ក្រសួងសុខាភិបាល នៅព្រឹកថ្ងៃទី៣ ខែមេសា ឆ្នាំ២០២០បានរកឃើញអ្នកឆ្លងមេរោគកូវីដ១៩ (COVID-19) ថ្មីចំនួន ៤នាក់បន្ថែមទៀត ធ្វើឱ្យអ្នកឆ្លងជំងឺកូវីដ១៩ នៅក្នុងប្រទេសកម្ពុជា បានឡើងដល់ ១១៤នាក់។
សេចក្តីរាយការណ៍ដដែលបន្តថា នៅបរិវេណច្រកព្រំដែនអន្ថរជាតិប៉ោយប៉ែត ខេត្តបន្ទាយមានជ័យ នៅមានជនជាតិថៃដែលធ្វើការនៅកាស៊ីណូចំនួន៤០១នាក់ ក្រោយពីមានការត្រួតពិនិត្យឯកសារ ត្រឹមត្រូវហើយ រួចមក សមត្ថកិច្ចអាជ្ញាធរថៃ បានយករថយន្តរបស់ទាហាន មកដឹកពួកគេទៅសាលារៀន មួយកន្លែងនៅក្នុងស្រុកអារញ្ញ ដើម្បីពិនិត្យសុខភាព ម្ដងទៀត ដោយនឹងបំបែកគ្នាតាមខេត្តនិមួយៗ តាមស្រុកដែលពួកគេរស់នៅ។
យ៉ាងណាក៏ដោយ ជនជាតិថៃដែលវិលចូលប្រទេសខ្លួនវិញចាប់ពីថ្ងៃទី៣១ ខែមិនា មកទល់ពេលនេះសរុបមានជិត១,០០០នាក់ហើយ ខណៈដែលពលរដ្ឋខ្មែរដែលធ្វើការនៅក្នុងប្រទេសថៃរប់ម៉ឺននាក់បានវិលត្រឡប់មកកម្ពុជាវិញផងដែរ ដោយសារមានការបារម្ភពីហានីភ័យនៃការឆ្លងរីករាលដាលនៃជំងឺកូវីដ ១៩។
អភិបាលខេត្តកណ្តល លោក គង់ សោភ័ណ្ឌ បានមានប្រសាសន៍ប្រាប់តាមទូរស័ព្ទកាលពីព្រឹកថ្ងៃទី៣ ខែមេសា ឆ្នាំ២០២០នេះថា ក្នុងនាមលោកជាអាជ្ញាធរខេត្ត សូមបង្ហាញពីការកិច្ចស្វាគមន៍ និងរីករាយទទួលវត្តមានថ្មីៗនៃគម្រោងវិនិយោគគ្រប់វិស័យមកកាន់ខេត្តកណ្តាល ដែលជាតំបន់ដែលមានសក្ដានុពលទៅលើវិស័យឧស្សាហកម្ម និងកសិកម្មកម្រិតខ្ពស់។
សេចក្តីប្រកាសព័ត៌មាន បានឱ្យដឹងថា កិច្ចព្រមព្រៀងផ្តល់ប្រាក់កម្ចីនេះ ធ្វើឡើងដើម្បីផ្តល់មូលនិធិគាំទ្រដល់សហគ្រាសខ្នាតតូចបំផុត ខ្នាតតូច និងមធ្យម នៅតាមបណ្តាតំបន់នានាក្នុងប្រទេស។ កិច្ចព្រមព្រៀងផ្តល់ប្រាក់កម្ចីនេះ គឺបានបង្ហាញពីទំនុកចិត្តខ្ពស់ និងភាពជឿជាក់មកលើភាពរឹងមាំរបស់ ហត្ថាកសិករ លីមីតធីត ក្នុងការរួមចំណែកយ៉ាងសំខាន់ក្នុងការផ្តល់ ប្រាក់កម្ចីដល់សហគ្រាសខ្នាតតូចបំផុត ខ្នាតតូច និងមធ្យម នៅតាមទីជនបទឲ្យកាន់តែមានភាពទូលំទូលាយជាងមុន។
