ដោយវុត្ថា
ភ្នំពេញៈ សមាគមអ្នកវាយតម្លៃ និង ភ្នាក់ងារអចលវត្ថុកម្ពុជា (CVEA) នឹងបើក ឪកាសឱ្យដល់បុគ្គល ដែលរកស៊ីវិស័យអចលនទ្រព្យ ក្លាយជាសមាជិកនៅក្នុងឆ្នាំ ២០២០នេះ ដើម្បីទទួលបានបណ្តុះបណ្តាល និងចែករំលែកបទពិសោធន៍ប្រកបដោយវិជ្ជាជីវៈ និងក្រមសីលធម៌។
ប្រធានសមាគមអ្នកវាយតម្លៃ និង ភ្នាក់ងារអចលវត្ថុកម្ពុជា លោក ច្រឹក សុនីម បានឱ្យដឹងតាមទូរស័ព្ទនៅថ្ងៃទី ២៨ ខែមករា ឆ្នាំ ២០២០កន្លងមកថា សមាគមCVEA កំពុងរៀបចំកម្មវិធីឱ្យបុគ្គលណា ដែលមានបំណងរកស៊ីវិស័យអចលនទ្រព្យ ឬកំពុងរកស៊ីរួចហើយដោយមិនមែនជាម្ចាស់ក្រុមហ៊ុន តែជាបុគ្គលអាចចូលរួមជាសមាជិករបស់សមាគមដោយស្របច្បាប់។
លោកបន្តថា “នេះជាការបើកឪកាសថ្មីមួយទៀត ឱ្យពួកគេទទួលបានការបណ្តុះបណ្តាល និងចែករំលែកបទពិសោធន៍នានា ដើម្បីឱ្យមានជំនាញប្រកបដោយវិជ្ជាជីវៈ និងក្រមសីលធម៌ យកទៅរកស៊ីក្នុងវិស័យអចលនទ្រព្យ”។ លោកបន្តថា “យ៉ាងក៏ដោយ សមាគមក៏ត្រូវត្រួតពិនិត្យមើលលើលក្ខណ្ឌមួយចំនួន ចំពោះបុគ្គលដែលចង់ក្លាយជាសជិករបស់សមគមនោះថា ជាលក្ខណៈធ្វើការក្រៅម៉ោង ឬចង់់សហការជាមួយសមាគម”។
លោកច្រឹក សុខនីមបានបន្តថា តាមផែនការ ការរៀបចំឱ្យបុគ្គលមិនមែនជាប់ពាក់ព័ន្ធនឹងក្រុមហ៊ុននេះ ឱ្យក្លាយជាសមាជិកនេះ នឹងចាប់ផ្តើមនៅដើមខែមីនា ឆ្នាំ២០២០ នេះ ក្នុងគោលបំណងប្រមូលផ្តុំពួកគេឱ្យនៅមួយដុំជុំគ្នា និងចែករំលែកចំណេះដឹង និងវិជ្ជាជីវៈដល់ពួកគេ។
លោកបន្ថែមទៀត នៅពេលដែលពួកគាត់ទទួលបានចំណេះដឹង ពួកគេនឹងយកចំណេះដឹងទាំងនោះ ទៅប្រកបមុខរបរប្រកបដោយវិជ្ជាជីវៈ និងប្រកបដោយសីលធម៌ និងធ្វើតែរឿងល្អៗដើម្បីជួយសង្គមជាតិ ជាពិសេសជួយឱ្យវិស័យអលចនទ្រព្យ ឲ្យកាន់តែរីកចំរើនថែមទៀត។
លោកបន្ថែមទៀតថា កន្លងមកមានបុគ្គលមួយចំនួន ដែលគ្មានចំណេះដឹងខាងរកស៊ីក្នុងវិស័យអលចនទ្រព្យ តែងតែប្រព្រឹត្តនូវទង្វើរមិនគាប់បី ដែលទង្វើខ្លះគេអត់ឪន និងទង្វើខ្លះគេមិនអត់ឪន រហូតដល់មានការចាប់ដាក់ពន្ឋនាគារជាដើម។ ផ្ទុយទៅវិញនៅពេលដេលពួកគេមានចំណេះដឹងច្បាស់លាស់ហើយនោះ អ្នកដែលទទួលសេវាពីពួកគាត់ក៏មិនសូវពិបាកដែរ៕
ប្រធានសមាគមអ្នកវាយតម្លៃ និង ភ្នាក់ងារអចលវត្ថុកម្ពុជា លោក ច្រឹក សុនីម បានឱ្យដឹងតាមទូរស័ព្ទនៅថ្ងៃទី ២៨ ខែមករា ឆ្នាំ ២០២០ នេះ
