រាជធានីភ្នំពេញទទួលបានគម្រោងសាងសង់ថ្មីចំនួន១.០៣០គម្រោង លើផ្ទៃក្រឡាសំណង់សរុប៦,៦លានម៉ែត្រក្រឡា

ដោយ វុត្ថា

ភ្នំពេញ: មន្ត្រីជាន់ខ្ពស់សាលារាជធានីភ្នំពេញឪ្យដឹងថា បច្ចុប្បន្ននេះកម្ពុជាមានសំណង់បុរី និងបណ្តុំផ្ទះល្វែងចំនួន២៣៧ កន្លែង និងមានអគារខ្ពស់ៗចំនួន១.២៤៧អគារ ហើយក្នុង ឆ្នាំ២០១៩នេះយើងទទួលបានគម្រោងសាងសង់ថ្មីចំនួន ១.០៣០គម្រោង លើផ្ទៃក្រឡា សំណង់សរុបជាង ៦,៦លានម៉ែត្រក្រឡា ដែលមានទំហំទុនវិនិយោគប៉ាន់ស្មានជាង៣,៤ ពាន់លានដុល្លាអាម៉េរិកបន្ថែមទៀត។

លោកមាន ចាន់យ៉ាដា អភិបាលរងរាជធានីភ្នំពេញ នៅក្នុងពិធីបើកសម្ពោធក្រុមហ៊ុនចិនកាលពីពេលថ្មីៗនេះឪ្យដឹងថា ចំនួនគំរោងសាងសង់ទាំងនេះ នឹងធ្វើឱ្យរាជធានីភ្នំពេញកាន់តែមានភាព ស្រស់បំព្រង មិនចាញ់បណ្តាទីក្រុង នៃប្រទេសក្បែរខាង និងក្នុងតំបន់អាស៊ានឡើយ។

លោកបន្តថា “កត្តារីកចម្រើននេះ អាស្រ័យដោយសន្តិភាព គឺមានតម្លៃមិនអាចកាត់ថ្លៃបាន ដែលយើងទាំងអស់គ្នាត្រូវរួប រួមគ្នាដើម្បីការពារសន្តិភាព ស្ថិរភាពនយោបាយសន្តិសុខ សណ្តាប់ធ្នាប់ និងសមិទ្ធផលនានា ដែលប្រមុខរាជរដ្ឋាភិបាលកម្ពុជាយើងបានខិតខំពុះពារជម្នះរាល់ការលំបាកខ្លាំងណាស់ ទម្រាំដណ្តើមបានសន្តិភាព និងផ្តល់ការអភិវឌ្ឍរីកចម្រើនលើគ្រប់វិស័យ ដូចសព្វថ្ងៃនេះ”។

លោកច្រឹក សុខនីម ប្រធានសមាគមភ្នាក់ងារ និងអ្នកវាយតម្លៃអចលនវត្ថុកម្ពុជា ធ្លាប់បានឪ្យដឹងថា វិស័យអចនទ្រព្យនៅក្នុងប្រទេសកម្ពុជា ទាំងការទិញលំនៅឋាន ដីឡូត៍ និងការវិនិយោគលើអគារផ្សេងៗ ពុំមានសញ្ញាណាធ្លាក់ចុះនោះទេសម្រាប់ឆ្នាំ២០១៩នេះ ព្រោះតម្រូវការនៅតែមាន។

លោកបន្តថា “តម្រូវការលើវិស័យអចលនទ្រព្យភាគច្រើន គឺជាវ័យក្មេង ជាពិសេសអ្នកដែលទើបរៀបការហើយថ្មីថ្មោង ។ លោកថា តម្រូវការនេះនឹងនៅតែបន្តការកើនឡើង សម្រាប់ឆ្នាំទៅមុខៗទៀត”។

លោកបន្ថែមថា ជាការពិតណាស់ សេដ្ឋកិច្ចកម្ពុជានៅមានសក្តានុពលរីកលូត លាស់ខ្ពស់ និងមានកាលានុវត្តភាពក្នុងការធ្វើពិពិធកម្មលើវិស័យជាច្រើន ដែលយើងអាច និយាយបានថា ប្រទេសកម្ពុជានៅមានលំហ សម្រាប់ធ្វើការវិនិយោគក្នុងចំនួនដ៏ច្រើននា ពេលខាងមុខ។ បច្ចុប្បន្នវិស័យអចលនទ្រព្យ គឺជាជន្ទល់ដ៏សំខាន់មួយ នៃកំណើនសេដ្ឋកិច្ច របស់កម្ពុជា។

យោងតាមការវិភាគ លើទិន្នន័យ ដែលប្រើប្រាស់ជាមធ្យោបាយវាស់វែង ពីសុខុមាលភាព វិស័យអចលនទ្រព្យរបស់អ្នក ជំ នាញអលចនទ្រព្យនៅកម្ពុជាបានបង្ហាញឡើងកាលពីពេលថ្មីៗនេះដែរ ថាវិស័យអចលនទ្រព្យកម្ពុជា នៅបន្តភាពរឹងមាំ និង មានភាពធន់ខ្ពស់នៅ ឆ្នាំ ២០១៩នេះ ហើយនឹងបន្តកើនឡើង ចន្លោះ ពី ១០ ភាគរយ ទៅ ១៥ ភាគរយក្នុងមួយឆ្នាំ ដែល ជាអត្រាកំណើនល្អមួយ ហើយ ប្រជាពលរដ្ឋ កម្ពុជានៅតែ មានឱកាសល្អក្នុងការវិនិយោគ ដើម្បីទទួលបានផលចំណេញ ពីការរីកចម្រើននេះ៕

ចំណេះដឹង! តើអ្វីជាសិទ្ធិកាន់កាប់អចលនវត្ថុ?

ដោយ វុត្ថា

ភ្នំពេញ: កម្មសិទ្ធិឯកជននៅក្នុងប្រទេសកម្ពុជា ទើបតែត្រូវបាន ទទួលស្គាល់ជាបណ្ដើរៗ ក្នុងកំឡុងឆ្នាំ១៩៨៩និងក្រោយមកទៀត កាន់តែមានលក្ខណៈទូលំទូលាយច្រើនពេលដែលច្បាប់ភូមិបាលឆ្នាំ ២០០១ ត្រូវបានអនុម័តដាក់ឲ្យប្រើប្រាស់។

ច្បាប់ភូមិបានបានកំណត់ច្បាស់លាស់អំពីលក្ខណៈ នៃកម្មសិទ្ធិក្នុងព្រះរាជាណាចក្រកម្ពុជា ក៏ដូចជាសិទ្ធិមួយចំនួនទៀត របស់អ្នកដែលនឹងក្លាយជាកម្មសិទ្ធិករ។

លើសពីនេះពេលដែល ក្រមរដ្ឋប្បវេណីត្រូវបាន ដាក់ឲ្យប្រើប្រាស់បញ្ញត្តិពាក់ព័ន្ធនឹងសិទ្ធិលើកម្មសិទ្ធិ នៅកម្ពុជាកាន់តែមានភាពច្បាស់លាស់ហើយលក្ខណៈ នៃកម្មសិទ្ធិមួយចំនួនទៀតក៏កាន់តែមានភាពល្អ ប្រសើរដល់អ្នកដែលនឹង ទទួលបានសិទ្ធិ ជាកម្មសិទ្ធិករ។

ជាទូទៅទម្រង់នៃកម្មសិទ្ធិត្រូវបានបែងចែកជាច្រើនប្រភេទ ដែលមានដូចខាងក្រោម៖

១. កម្មសិទ្ធិឯកជន៖ សំដៅលើសិទ្ធិជាម្ចាស់កម្មសិទ្ធិ លើអចលនវត្ថុទូទៅ ជាម្ចាស់កម្មសិទ្ធិពេញលេញតាមផ្លូវច្បាប់ (កម្មសិទ្ធិករ) ដែលស្ដែងឡើងតាមរយៈប័ណ្ណកម្មសិទ្ធិលើអចលនវត្ថុនោះ។ កម្មសិទ្ធិករមានសិទ្ធិប្រើប្រាស់ អាស្រ័យផល និងចាត់ចែងទ្រព្យរបស់ខ្លួន ផ្ដាច់មុខ និងទូលំទូលាយ លើកលែងតែកម្មសិទ្ធិករប្រើប្រាស់ទ្រព្យ ដើម្បីព្យាបាទ ឬរំខានត តិយជន និងអ្នកជិតខាង។ កម្មសិទ្ធិករអាចដាំដុះ សាងសង់រៀបចំឬកែប្រែគាស់កកាយកាប់ព្រៃជីករូង ចាក់បំពេញដី ឈូសឆាយ រៀបចំដីធ្វើកសិកម្ម ឧស្សាហកម្ម និងរោងចក្រ។

២. កម្មសិទ្ធិសមូហភាព៖ ត្រូវបានបែងចែកជាពីរ៖ ទីមួយសំដៅលើអចលនវត្ថុរបស់វត្ត ដែលមានដូចជាដី និងសំណង់ផ្សេងៗទាំងក្នុង និងក្រៅបរិវេនវត្តអារាមនៃព្រះពុទ្ធសាសនា ដែលជាធម្មតា ត្រូវតែ មានចុះបញ្ជីទ្រព្យដោយវត្ត ដោយគណៈក ម្មការវត្ត និងទទួលស្គាល់ ដោយក្រសួងធម្មការ និងសាសនា។ ជាទូទៅ អចលនវត្ថុរបស់វ ត្តមិនអាចលក់ដូរ ឬធ្វើអំណោយទៅអ្ន កណាម្នាក់បានឡើយ ហើយក៏គ្មានអាយុកា លដែរ ក៏ ប៉ុន្តែអាចយ កទៅជួល ឬប្រវាស់ បានដើ ម្បីរកចំណូល ទ្រទ្រង់ កិច្ចការក្នុងព្រះពុទ្ធសាសនា។

ចំណែកឯទី២នោះ គឺអចលនវត្ថុរ បស់សហគមន៍ជនជាតិដើមភាគ តិច ដែលសំដៅ លើដីសង់និវេ សដ្ឋាន និងដីប្រកបរបរជាប្រពៃ ណី ដែលជាទូទៅរដ្ឋក៏បានផ្ដល់ជូ ននូវ ប័ណ្ណកម្ម សិទ្ធិដល់ពួក គាត់ផង ដែរ។ ដីប្រភេទនេះមិនអាចយក ទៅចែកឲ្យទៅបុគ្គល ឬក្រុមណាមួយបានឡើយ គឺសំរាប់តែ សមាជិកនៃសហគ មន៍នោះប៉ុណ្ណោះទើប អាចទទួលបា នសិទ្ធិលើ អចលន វត្ថុនោះ។

៣. កម្មសិទ្ធិអវិភាគ៖ សំដៅដល់កម្មសិទ្ធិលើទ្រព្យមួយ ដែលជារបស់បុគ្គលច្រើននាក់ ដោយម្នាក់ៗមានចំណែករបស់ខ្លួន នៅក្នុងទ្រព្យនោះ ដោយមិ នអាចពុះចែកគ្នាបានដែលបុគ្គលទាំងនោះ ត្រូវបានគេហៅថា កម្មសិទ្ធិករអ វិភាគ ។ នៅក្នុង កំឡុងពេលនៃការគ្រប់ គ្រង ទ្រព្យរបស់ កម្មសិទ្ធិករអវិភាគទាំងអស់ រាល់ការចំណាយ ការជួសជុល លើទ្រព្យ គឺជាបន្ទុករបស់ក ម្មសិទ្ធិករអវិភា ពនីមួយៗ ដែលត្រូវចំនាយ ទៅតាមសមា មាត្រនៃចំណែករបស់ ខ្លួនលើទ្រព្យ ឬតាមការព្រ មព្រៀងជាក់ ស្ដែង។ កម្មសិ ទ្ធិអវិភាគ នឹងត្រូវបានបញ្ចប់ នៅពេល ដែលទ្រព្យ នោះត្រូវបានលក់ ហើយ បែងចែកគ្នា។

៤. សហកម្មសិទ្ធិ៖ គឺជាកម្មសិទ្ធិលើទ្រព្យជាអចលនវត្ថុ របស់បុគ្គលច្រើននាក់ បែងចែកតា មឡូតិ៍ ដែលម្នាក់ៗទទួលបា នចំណែ កពីរ មួយជា ចំណែក ឯកជនរៀងៗ ខ្លួនដែល ត្រូវមាន សិទ្ធិពេញលេ ញជាម្ចាស់ចំណែក និងមួយទៀតជាចំណែករួម ដែលត្រូវមានសិទ្ធិ ប្រើប្រាស់ ជាសមូហភាព។

៥. កម្មសិទ្ធិសាធារណៈរបស់រដ្ឋ៖ សំដៅលើទ្រ ព្យសាធារណៈដែលត្រូវ រក្សា រូបភាពធម្មជាតិរ បស់វាឲ្យបាន គង់វ ង្ស ដើម្បីរក្សាទុ កឲ្យអ្នករួ មសង្គម ប្រើប្រាស់បានជាយូរអង្វែ ងតទៅ។ ទ្រព្យនេះមិនអាចល ក់ដូរបានឡើយ ហើយ កម្មសិទ្ធិនៃទ្រ ព្យនេះក៏ មិនអាចកំ ណត់អា យុកា លបា នដែរ។ ទ្រព្យទាំ ងនោះ មានដូចជា៖ ព្រៃឈើ ទន្លេ កំពង់ផែ ផ្លូវដែក ព្រលានយន្តហោះ ផ្លូវថ្នល់ សួនច្បារ ឧទ្យាន សាលារៀន មន្ទីរពេទ្យ -ល- ។

៦. កម្មសិទ្ធិ ឯកជនរបស់រដ្ឋ៖ ជាទ្រព្យឯកជនរបស់រដ្ឋ ឬទ្រព្យរបស់នី តិបុគ្គលសាធារណៈ ឬជាទ្រព្យដែល បានបំលែងចេញមកពីទ្រព្យសា ធារណៈរបស់រដ្ឋ។ ទ្រព្យឯកជនរបស់រដ្ឋអាចយ កទៅលក់ដូរ បែងចែក ឬផ្ទេរ សិទ្ធិតាមការកំណ ត់ដោយច្បាប់ ហើយចាំបាច់ត្រូវតែ ធ្វើឡើងតាមរយៈ អនុក្រឹត្យ បើពុំនោះទេ នឹងត្រូវ ចាត់ទុកថារំ លោភច្បាប់។ លើស ពីនេះ រដ្ឋអាចយក ទ្រព្យឯកជន របស់រដ្ឋនោះ ទៅធ្វើសម្បទានបានផងដែរ៕

អ្នកជំនាញ៖ទីផ្សារអចលនទ្រព្យនឹងរីកចម្រើនខ្លាំងនៅតំបន់ឆ្នេរនាឆ្នាំ២០២០ខាងមុខ

ដោយៈ រ៉ាណេត

ភ្នំពេញៈ អ្នកជំនាញអចលនទ្រព្យបានអះអាងថា ការវិនិយោគ និងតម្លៃអចលនទ្រព្យនៅតាមបណ្តាខេត្ត ជាប់តំបន់ឆ្នេរទាំង៤របស់កម្ពុជា នឹងផ្លាស់ប្ដូរទៅរកភាពល្អប្រសើរវិញនៅឆ្នាំ២០២០ខាងមុខ។

ខេត្តទាំង៤ ដែលស្ថិតនៅជាប់តំបន់ឆ្នេរ និងសមុទ្រ រួមមាន ខេត្តព្រះសីហនុ កំពត កែប និងកោះកុង សុទ្ធតែជាតំបន់ដែលមានសក្ដានុពលខ្លាំងលើវិស័យទេសចរណ៍ និងពាណិជ្ជកម្ម និងស្ថិតនៅក្នុងគម្រោងអភិវឌ្ឍន៍ជាច្រើនគម្រោង ដែលក្នុងនោះរួមមានទាំងវិស័យរដ្ឋាភិបាល និងវិស័យឯកជនផងដែរ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម បានមានប្រសាសន៍ប្រាប់តាមទូរស័ព្ទកាលពីថ្ងៃទី២៤ ខែធ្នូ ឆ្នាំ២០១៩កន្លងមកថា ផ្អែកតាមភាពជាក់ស្ដែង និងការមើលឃើញរបស់លោក តម្រូវការទីផ្សារអចលនទ្រព្យនៅក្នុងខេត្តទាំង៤ខាងលើនេះ ហាក់មិនមានអ្វីប្រែប្រួលឬធ្លាក់ចុះនោះទេ។

លោកបានបញ្ជាក់ថា “ភាគច្រើនគេនិយាយថា តម្រូវការទីផ្សារអចលនទ្រព្យនៅក្នុងទាំង៤ខាងលើគឺមានការធ្លាក់ចុះខ្លាំង ជាពិសេសខេត្តព្រះសីហនុ ប៉ុន្តែបើតាមមើលឃើញ គឺមិនដូចគេលើកឡើងនោះទេ”។ លោកបន្តថា “តម្រូវការទីផ្សារគឺនៅតែបន្តមាន ទាស់ត្រង់តម្លៃ ដែលស្ថិតនៅក្នុងការចរចាគ្នារវាងអ្នកលក់ និងអ្នកទិញតែប៉ុណ្ណោះ”។

លោកច្រឹក សុខនីម បានបន្តទៀតថា សម្រាប់ឆ្នាំ២០២០ ខាងមុខនេះ តម្រូវការនៃទីផ្សារអចលនទ្រព្យ ជាពិសេសវិស័យដីធ្លីនៅក្នុងខេត្តជាប់សមុទ្រទាំង៤ នឹងបន្តកើនឡើងខ្លាំង ដែលក្នុងខេត្តព្រះសីហនុ ស្ថិតនៅលំដាប់កំពូល ខេត្តកំពត និងកែប មានតម្រូវការប្រហាក់ហែលគ្នា បន្ទាប់ពីខេត្តព្រះសីហនុ ហើយខេត្តកោះកុងហាក់នៅឆ្ងាយពីគេបន្តិច។

ជាហេតុផលអំណះអំណាងនូវការព្យាករណ៍ខាងលើ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជារូបនេះបានលើកឡើងថា ខេត្តព្រះសីហនុនឹងលេចចេញនូវវត្តមានសំណង់ព្រោងព្រាតជាច្រើន ដែលក្នុងនោះសំណង់អគារមួយចំនួន ជាគម្រោងដែលបន្សល់ពីឆ្នាំចាស់ ហើយគម្រោងខ្លះទៀតជាការបណ្តាក់ទុនវិនិយោគថ្មី នៅក្នុងឆ្នាំ២០២០ខាងមុខនេះ ។

;លោកបញ្ជាក់ថា“សម្រាប់ឆ្នាំ២០២០ខាងមុខនេះ សន្ទុះនៃតម្រូវការទីផ្សារអចលនទ្រព្យនៅក្នុងខេត្តទាំង៤ខាងលើនេះ នឹងកាន់តែមានភាពល្អប្រសើរជាងឆ្នាំ២០១៩”។

អគ្គនាយកក្រុមហ៊ុនអចលនទ្រព្យអន្តរជាតិ Century21 Advance Property លោកឡុង គឹមសួគ៌ បានលើកឡើងស្រដៀងគ្នាផងដែរថា សម្រាប់ឆ្នាំ២០២០ តម្រូវការទីផ្សារអចលនទ្រព្យនៅក្នុងខេត្តទាំង៤ នឹងមានភាពល្អប្រសើរជាងឆ្នាំ២០១៩យ៉ាងពិតប្រាកដ។

លោកបន្តថា “ខេត្តព្រះសីហនុ នៅតែស្ថិតនៅលំដាប់កំពូល ក្រោមការចូលរួមក្នុងការអភិវឌ្ឍយ៉ាងខ្លាំងក្លា ជាពិសេសទៅលើប្រព័ន្ធហេដ្ឋារចនាសម័ន្ធនានា នៅទូទាំងខេត្ត ដែលកាន់តែទាក់ទាញដល់ការវិនិយោគ”។លោកបានបញ្ជាក់ថា “ព្រះសីហនុមានសក្ដានុពលខ្លាំងក្លារួចទៅហើយទៅ និងមានភាពអំណោយផលយ៉ាងច្រើន ទៅលើវិស័យពាណិជ្ជកម្មចំរុះ ដែលស្ថិតនៅក្នុងគោលបមណងរបស់រដ្ឋាភិបាល ក្នុងការរៀបចំជាមណ្ឌលហិរញ្ញវត្ថុបន្ទាប់ពីរាជធានីភ្នំពេញ”។

សម្រាប់ខេត្តជាប់តំបន់ឆ្នេរចំនួន២ទៀត រួមមាន ខេត្តកំពត និងកែប គឺមានភាពល្អប្រសើរដំណាលគ្នា ដោយសារតែខេត្តទាំង២នេះ មានអំណោយផលលើវិស័យទេសចរណ៍ដូចគ្នា ប៉ុន្តែវិសាលភាពគឺនៅឆ្ងាយពីខេត្តព្រះសីហនុ។

ដោយឡែកចំពោះសក្ដានុពលរបស់ខេត្តកោះកុង នឹងបង្ហាញនៅក្នុងរយៈពេលខ្លីខាងមុខនេះ ដោយសារតែខេត្តនេះ បច្ចុប្បន្នចំនួនប្រជាសាស្ត្រនៅមានកម្រិត ហើយនៅមិនទាន់មានគម្រោងអភិវឌ្ឍន៍ធំៗច្រើននោះទេ ប៉ុន្តែសម្រាប់ថ្ងៃអនាគតនឹងមានសន្ទុះអភិវឌ្ឍន៍ទៅលើវិស័យទេសចរណ៍ ក៏ដូចជាវិស័យពាណិជ្ជកម្មផងដែរ ដោយសារតែកោះកុងមានព្រលានយន្តចំនួន២ ដែលអនុគ្រោះដល់ការដឹកជញ្ជូន ជាពិសេសមានច្រកព្រំដែនជាមួយប្រទេសថៃ៕

ក្រុមហ៊ុនផលិតយន្តហោះធំជាងគេបំផុតបណ្តេញនាយកប្រតិបត្តិ បន្ទាប់ពីយន្តហោះពីរបានធ្លាក់

ដោយ Donald Lee

ភ្នំពេញ៖ ក្រុមហ៊ុន Boeing ដែលមានមូលដ្ឋាននៅអាមេរិក និងជាក្រុមហ៊ុនផលិតយន្តហោះធំជាងគេបំផុតនៅលើពិភពលោក និងជាក្រុមហ៊ុននាំចេញផលិតកម្មធំជាងគេរបស់សហរដ្ឋអាមេរិកបានបណ្តេញនាយកប្រតិបត្តិរបស់ខ្លួនចេញ បន្ទាប់ពីយន្តហោះថ្មី ២ គ្រឿងរបស់ខ្លួនបានធ្លាក់ពីលើមេឃដោយសម្លាប់មនុស្ស ៣៤៦ នាក់នៅចុងឆ្នាំ ២០១៨ និងដើមឆ្នាំនេះ។

យន្តហោះទាំងនេះត្រូវបានរំពឹងថានឹងវិលត្រឡប់ទៅធ្វើប្រតិបត្តិការហោះហើរវិញនៅខែនេះ ប៉ុន្តែនិយតករអាមេរិកបាននិយាយថា ការបញ្ជាក់ឡើងវិញនូវយន្តហោះទាំងនោះនឹងរង់ចាំរហូតដល់ឆ្នាំក្រោយ។

នាយកប្រតិបត្តិលោក Dennis Muilenburg បានលាឈប់ពីតំណែង បន្ទាប់ពីមន្រ្តីអាមេរិករក្សាទុកយន្តហោះ Boeing 737 Max ថ្មីកាលពីខែ មីនា ហើយបានបញ្ជាឱ្យក្រុមហ៊ុនធ្វើការផ្លាស់ប្តូរដើម្បីធ្វើឱ្យយន្តហោះមានសុវត្ថិភាព បន្ទាប់ពីយន្តហោះថ្មីនេះបានធ្លាក់នៅឥណ្ឌូនេស៊ីកាលពីខែ តុលា ឆ្នាំ ២០១៨ និងនៅប្រទេសអេត្យូពីនៅខែ មីនា។

ម៉ូឌែលដែលសន្សំសំចៃប្រេងថ្មីមានប្រជាប្រិយភាពខ្លាំង ប៉ុន្តែរក្សាយន្តហោះថ្មីទាំងនេះដោយរដ្ឋបាលអាកាសចរណ៍សហព័ន្ធសហព័ន្ធអាមេរិក (FAA) បានធ្វើឱ្យក្រុមហ៊ុនខាតបង់ប្រាក់ចំណូលរាប់លានដុល្លារ។

FAA បានបង្ហាញជាសាធារណៈនូវភាពមិនសប្បាយចិត្តរបស់ខ្លួនចំពោះការប្រញាប់ប្រញាល់របស់ក្រុមហ៊ុន Boeing ដើម្បីឱ្យយន្តហោះ 737 Max ឡើងលើអាកាស និងដាក់សម្ពាធដល់ទីភ្នាក់ងាររដ្ឋាភិបាល។

នៅក្នុងកិច្ចប្រជុំជាមួយសមាជិកសភាអាមេរិកកាលពីដើមខែនេះ អតីតអ្នកគ្រប់គ្រងរោងចក្រ Boeing បាននិយាយថា កន្លែងធ្វើការដែលមិនមានជំនាញវិជ្ជាជីវៈនៅក្នុងរោងចក្រ Boeing ប្រហែលជាបានរួមចំណែកដល់សមាសធាតុមិនដំណើរការនៅក្នុងយន្តហោះដែលបានបណ្តាលឱ្យធ្លាក់ពីលើមេឃ។

លោក Ed Pierson អតីតប្រធានគ្រប់គ្រងរោងចក្រនៅក្រុមហ៊ុន Boeing បាននិយាយថា “វាគួរឱ្យព្រួយបារម្ភណាស់ដែលឧបករណ៍ចាប់សញ្ញាទាំងនេះបានបរាជ័យក្នុងការហោះហើរជាច្រើនខែ បន្ទាប់ពីយន្តហោះបានផលិតនៅក្នុងរោងចក្រដែលមានបញ្ហាខ្សែភ្លើងញឹកញាប់ និងបញ្ហាតេស្តិ៍មុខងារ”។

លោក Pierson បានបន្ថែមថា “ខ្ញុំបានឃើញរោងចក្រមួយនៅក្នុងភាពច្របូកច្របល់”។ការធ្លាក់យន្ដហោះបានបំផ្លាញទំនាក់ទំនងជាមួយក្រុមហ៊ុនអាកាសចរណ៍។ អ្នកបើកយន្តហោះ អ្នកបម្រើតាមយន្តហោះ និងសមាជិកនាវិកជាច្រើនបានចូលរួមតវ៉ាប្រឆាំងនឹងការដាក់ឱ្យដំណើរការឡើងវិញរបស់យន្តហោះ 737 Max។

អ្នកបម្រើការហោះហើររបស់ក្រុមហ៊ុនអាកាសចរណ៍អាមេរិក បាននិយាយថា ពួកគេខ្លាចហោះហើរលើយន្តហោះនេះ។ សមាគមអ្នកចូលរួមការហោះហើរអាជីពបានសរសេរលិខិតមួយទៅក្រុមហ៊ុនផលិតយន្ដហោះ Boeing អំពីការព្រួយបារម្ភអំពីការធ្វើការលើយន្តហោះ 737 Max ។

លោក Lori Bassani ប្រធានសមាគមអ្នកបើកយន្តហោះអាជីព បានសរសេរទៅកាន់ក្រុមហ៊ុនអាកាសចរណ៍អាមេរិចថា “អ្នកបម្រើការលើយន្តហោះចំនួន ២៨,០០០ នាក់ដែលធ្វើការឱ្យក្រុមហ៊ុនអាកាសចរណ៍អាមេរិកបដិសេធមិនធ្វើការលើយន្ដហោះដែលមិនមានសុវត្ថិភាព ហើយកំពុងអំពាវនាវឱ្យមានស្តង់ដារសុវត្ថិភាពខ្ពស់បំផុតដើម្បីចៀសវាងសោកនាដកម្មមួយផ្សេងទៀតដូចកាលពីខែមុន”។

រដ្ឋាភិបាលអាមេរិកបានធ្វើសកម្មភាពក្នុងការព្យាយាមការពារក្រុមហ៊ុនដែលមានអាយុជាង ១០០ ឆ្នាំដែលមានតម្លៃជាង ១០០ ពាន់លានដុល្លារ និងឧស្សាហកម្មអាកាសចរណ៍របស់ប្រទេសនេះ។ ប្រធានាធិបតីអាមេរិកលោក Donald Trump មានជម្លោះជាមួយសហភាពអឺរ៉ុបជុំវិញការឧបត្ថម្ភធនពន្ធដែលបានផ្តល់ឱ្យក្រុមហ៊ុន ដែលជាគូប្រជែងរបស់ក្រុមហ៊ុន Boeing នៅឆ្នាំនេះ។

រដ្ឋបាល Trump បានដាក់ពន្ធ ១០០ ភាគរយលើផលិតផលរបស់ក្រុមអឺរ៉ុបមួយដែលមានតម្លៃ ១១,២ ពាន់លានដុល្លារលើសហភាពអឺរ៉ុបដែលផ្តល់ជំនួយឥតសំណងរដ្ឋដល់ក្រុមហ៊ុនផលិតយន្តហោះ Airbus របស់អឺរ៉ុបដែលផ្តល់ឱ្យក្រុមហ៊ុននូវអត្ថប្រយោជន៍អយុត្តិធម៌ជាងក្រុមហ៊ុន Boeing៕

អាជ្ញាធរខេត្តសៀមរាបនឹងជ្រើសរើសយកភូមិព្រះដាក់ ជាភូមិទី១ សម្រាប់ការសាកល្បងនៃយុទ្ធនាការ «ផ្ទះមួយ អំពូលមួយ»

ដោយ វុត្ថា

សៀមរាប៖ តាមបណ្ដាញទំនាក់ទំនងសង្គម ហ្វេសប៊ុក ផ្លូវការរបស់លោក ឃឹម ហ្វីណង់ អភិបាលស្រុកបន្ទាយស្រី បានបញ្ជាក់ថា យោងទៅលើកត្តាអំណោយផលនៃទីតាំងភូមិសាស្ត្រ ប្រជាសាស្ត្រ និងដើម្បីជំរុញគម្រោងសាកល្បងមានសន្ទុះលឿន រដ្ឋបាលស្រុកបន្ទាយស្រី បានសម្រេចជ្រើសរើសយកភូមិព្រះដាក់ ជាភូមិទី១ សម្រាប់ការសាកល្បងនៃយុទ្ធនាការ ផ្ទះមួយ អំពូលមួយ។

យុទ្ធនាការ ផ្ទះមួយ អំពូលមួយ គឺត្រូវធ្វើការដាក់បំពាក់អំពូលសូឡាប្រើប្រាស់ដោយពន្លឺព្រះអាទិត្យចំនួន ៥១៤ឈុត នៅតាមផ្ទះទាំង ៥១៤ខ្នង នៅក្នុងភូមិព្រះដាក់ទាំងមូល ក្រោមការឧបត្ថម្ភទាំងស្រុងពីសប្បុរសជនដំបូង ដែលគាំទ្រនិងឲ្យតម្លៃទៅលើយុទ្ធនាការនេះ។

លោក ឃឹម ហ្វីណង់ បញ្ជាក់ទៀតថា នាព្រឹកថ្ងៃទី២៦ ខែធ្នូ ឆ្នាំ២០១៩ ខាងមុខនេះ រដ្ឋបាលស្រុក នឹងរៀបចំពិធីប្រកាសភូមិដំបូង នៃដំណើរការសាកល្បងយុទ្ធនាការ ផ្ទះមួយ អំពូលមួយ ដោយមានការចូលរួមពីតំណាងនៃគ្រួសារនិមួយៗ ទាំង៥១៤គ្រួការនៅក្នុងភូមិព្រះដាក់ រួមទាំងតំណាងសប្បុរសជនផងដែរ។

ពិធីនេះ គ្រោងនឹងរៀបចំប្រារព្ធឡើង នៅក្នុងបរិវេណវត្តព្រះដាក់ស្ថិតក្នុងភូមិព្រះដាក់ ឃុំព្រះដាក់ ស្រុកបន្ទាយស្រី ខេត្តសៀមរាប ។

លោក ឃឹម ហ្វីណង់ បញ្ជាក់បន្ថែមទៀតថា ដោយគម្រោងនេះស្ថិតនៅក្នុងដំណាក់កាលសាកល្បង និងដើម្បីជំរុញឲ្យបានដំណើរការលឿន ការរៀបចំជាថវិកាបដិភាគ ដូចបានលើកជាយោបល់ពីសាធារណៈជន មានលក្ខណៈស្មុគស្មាញ និងប្រើពេលយូរ តែក្រុមការងារជឿជាក់ថា វានៅតែជារូបមន្តដ៏សំខាន់ដើម្បីធានាការចូលរួមភាពជាម្ចាស់ និងការសម្រេចបាន១០០ភាគរយនៃយុទ្ធនាការនេះ ខណៈដែលក្រុមការងារ នឹងពិចារណារូបមន្តបដិភាគនៅដំណាក់កាលក្រោយៗទៀត ៕

សហរដ្ឋអាមេរិកគាំទ្រ និងសាទរចំពោះកិច្ចខិតខំអភិវឌ្ឍរបស់កម្ពុជា

ដោយៈ រ៉ាណេត

ភ្នំពេញៈ ឯកអគ្គរដ្ឋទូតសហរដ្ឋអាមេរិកប្រចាំកម្ពុជា បានបង្ហាញពីការគាំទ្រ និងសាទរ ចំពោះកិច្ចខិតខំអភិវឌ្ឍន៍របស់ប្រទេសកម្ពុជា រួមជាមួយនឹងការសន្យាជួយជំរុញកមណើនសេដ្ឋកិច្ចកម្ពុជា តាមរយៈទាក់ទាញក្រុមហ៊ុនវិនិយោគអាមេរិក មកកាន់កម្ពុជាបន្ថែមទៀត។

ក្នុងឱកាសអនុញ្ញាត្តឲ្យលោក W.Patric Murphy ឯកអគ្គរដ្ឋទូតសហរដ្ឋអាមេរិប្រចាំកម្ពុជា លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបង្ហាញពីការស្វាគមន៍យ៉ាងកក់ក្ដៅចំពោះ វត្តមានរបស់លោក Patric Murphy ដែលបានមកបំពេញភារកិច្ច នៅព្រះរាជាណាច្រកម្ពុជា ហើយសង្ឃឹមថាដំណើរការនេះនឹងទទួលបានលទ្ធផលផ្លែផ្លា និងនាំមកនូវកិច្ចទំនាក់ទំនង់ល្អរវាងកម្ពុជា និងសហរដ្ឋអាមេរិក ។

លោកឧបនាយករដ្ឋមន្ត្រីបានលើកឡើងថា ពាក់ព័ន្ធជាមួយនឹងក្រសួងរៀបចំដែនដី នគរូបនីយកម្ម និងសំណង់ គឺសព្វថ្ងៃនេះ គឺបាននិងកំពុងខិតខំប្រឹងប្រែង ដើម្បីធ្វើការចុះបញ្ជីដីធ្លីជូនប្រជាពលរដ្ឋនៅទូទាំងប្រទេស ដែលមកដល់ពេលនេះសំរេចបានប្រមាណ៨០ភាគរយហើយ ដែលសំដៅធានាបាននៅរបៀបរៀបរយ និងសុវត្ដិភាពក្នុងការកាន់កាប់ដីធ្លីជូនប្រជាពលរដ្ឋ។

ក្រសួងបានរៀបយន្តការ៣ប្រភេទ ដើម្បីរៀបចំដោះស្រាយលើកាងារចុះបញ្ចីដីធ្លី ការរៀបចំប្លង់គោលប្រើប្រាប់ដីធ្លីនិង ការរៀបចំប្លង់គោលប្រើប្រាប់ដីធ្លីនៅតាម ឃុំសង្កាត់ ដើម្បីអោយអភិវឌ្ឍប្រកបដោយចីរភាព។ អំពីការចុះបញ្ជីដីសហគមន៍ជនជាតិដើមភាគតិច ក៏ក្រសួងបានសំរេចការងារនេះជាបណ្ដើរៗរួចខ្លះ មកហើយ ដើម្បីធានាសុវត្តិភាពក្នុងការកាន់កាប់ដីធ្លីជូនពួកគាត់។

លោក Patric Murphy បានឱ្យលើកឡើងថា ទំនាក់ទំនង់រវាងសហរដ្ឋអាមេរិក និងកម្ពុជា គឺមានលក្ខណៈប្រសើរជាងមុន ហើយនឹងព្យាយាមពាំនាំនូវភាពវិជ្ជមានអំពីទំនាក់ទំនងល្អរវាងប្រទេសកម្ពុជា ព្រមទាំងបន្តការពិភាក្សា ដើម្បីពង្រឹងទំនាក់ទំនងនេះឱ្យកាន់តែល្អថែមទៀត។

លោកបានបន្ដថា “ប្រធានាធិបតីសហរដ្ឋអាមេរិក មានបំណងលើកម្ពស់ទំនាក់ទំនង់រវាងសហរដ្ឋអាមេរិក និងអាស៊ាន ហើយនឹងពង្រឹងលើកកម្ពស់កិច្ចប្រជុំកំពូលអាមេរិក និងអាស៊ានផងដែរ”។

លោកបានលើកឡើងថា កិច្ចប្រជុំកំពូលអាមេរិក និងអាស៊ាន (US.ASEAN SUMMIT) នេះនិងកើតមានឡើង ប៉ុន្ដែយើង និងកំពុងរង់ចាំព័ត៌មានបន្ថែមទាក់ទង់ នឹងការកំណត់ពេលវេលា និងទីកន្លែងច្បាស់លាស់។ ថ្មីៗនេះមានរឿងល្អកើតឡើងជាច្រើន ហើយចំពោះកិច្ចពិភាក្សារជាមួយមន្ត្រីផ្សេងៗ នោះពិតជាទទួលបានលទ្ធផលវិជ្ជមាន ។

លោកបន្តថា ដោយឡែកទាក់ទិន នឹងការងារអភិវឌ្ឍទីក្រុង ដែលក្រសួងរៀបចំដែនដី នគរូបនីយកម្ម និងសំណង់បានធ្វើនោះគឺ លោកបានកត់សំគាល់នូវការរីកចម្រើនមួយចំនួន ដូចជានៅ ខេត្តសៀមរាម បាត់ដំបង ក្រុងព្រះសីហនុ និងព្រែវែង។

បើក្រលេកទៅមើលគំរោងធំៗគឺ ខាងសហរដ្ឋអាម៉េរិក មានផ្ដល់ជាជំនួយបច្ចេកទេសក្នុងការសិក្សារលើគំរោងទាំងនោះ ធ្វើយ៉ាងណាកុំអោយគំរោង ទាំងនោះមានបំណុលធ្ងន់ធ្ងរពេក រឺក៏អាចមានបញ្ហាទាក់ទង់នឹងបរិស្ថានោះ ពីព្រោះនៅប្រទេសមួយចំនួន ដែលសហរដ្ឋអាមេរិកបានផ្ដល់ជំនួយលើគំរោង យើងសង្កេតឃើញថាទទួលបានលទ្ធផលល្អ៕

ក្រុមហ៊ុនចិនចំនួនពីរបោះទុន ១០លានដុល្លារដើម្បីវិនិយោគលើអាជីវកម្មពាក់ព័ន្ធវិស័យសំណង់នៅកម្ពុជា

ដោយ វុត្ថា

ភ្នំពេញ៖ វិនិយោគិនចិនបានសម្រេចបោះទុនប្រមាណ ១០លានដុល្លារអាម៉េរិក ដើម្បីបង្កើតក្រុមហ៊ុនចំនួន២ នៅកម្ពុជាគឺ King Shore Construction Cambodia Ltd និងក្រុមហ៊ុន King Shore Glass (Cambodia ) Co., Ltd. ក្នុងគោលបំណងវិនិយោគ និងធ្វើអាជីវកម្មលើវិស័យសំណង់ និងការឌីហ្សាញ តុបតែង។

លោក ជាំង តាយអ៊ីន នាយកប្រតិបត្តិក្រុមហ៊ុន King Shore Construction បានថ្លែងក្នុងពិធីបើកសម្ពោធដាក់ឪ្យដំណើរក្រុមហ៊ុនទាំង២កាលពីពេលថ្មីៗនេះថា កម្ពុជា និងចិនមានទំនាក់ទំនងល្អ និងជិតស្និទ្ធ កម្ពុជាមានសុខសន្តិភាព កំណើនសេដ្ឋកិច្ចថេរ និង មានសក្តានុពលផ្នែកវិស័យសំណង់ ។ទាំងនេះជាមូលហេតុដែលលោកបានចូលមកវិនិយោគនៅកម្ពុជា ។

លោកបន្តថា ឃីង ស ខន់ស្រ្តាក់សិន នឹងនាំមកនូវវិស័យសំណង់ និងការតុបតែងដែលល្អ មានគុណភាពខ្ពស់ និងស្តង់ដារអន្តរជាតិ មកជួយអភិវឌ្ឍកម្ពុជា ជាពិសេសចូលរួមចំណែកធ្វើឱ្យវិស័យសំណង់នៅកម្ពុជាកាន់តែរីកចម្រើន ។

លោក ជួង ហួយហ័រ ប្រធានក្រុមប្រឹក្សាភិបាល King Shore Construction បានបញ្ជាក់ថា ការចូលមកវិនិយោគនៅកម្ពុជារបស់ក្រុមហ៊ុន គឺជាសមិទ្ធផលមួយនៃគំនិតផ្តួចផ្តើមផ្លូវមួយខ្សែក្រវាត់មួយ លោកថា នឹងខិតខំដើម្បីជួយអភិវឌ្ឍនិងជំរុញសេដ្ឋកិច្ចប្រទេសកម្ពុជា ដោយឈរលើផលប្រយោជន៍រួម ។

លោកបានឱ្យដឹងដែរថា គោលដៅរបស់លោកគឺចង់ធ្វើឱ្យ King Shore Construction ក្លាយជាសហគ្រាសខាងតុបតែងស្ថាបត្យកម្មលំដាប់លេខ១នៅកម្ពុជា នៅក្នុងរយៈពេល៣ទៅ៥ឆ្នាំខាងមុខ និង ពង្រីកទៅទីផ្សារអាស៊ានដោយយកកម្ពុជាជាទីផ្សារមូលដ្ឋានយុទ្ធសាស្ត្រ ។

លោក មាន ចាន់យ៉ាដា អភិបាលរងរាជធានីភ្នំពេញបានសម្តែងនូវការស្វាគម និងអបអរសាទរចំពោះការសម្រេចចិត្តដ៏ត្រឹមត្រូវរបស់ក្រុមហ៊ុន King Shore Construction ដែលជាបុត្រសម្ព័ន្ធរបស់ក្រុមហ៊ុនសាជីវកម្មចិន ដែលបានបើកដំណើរអាជីវកម្មរបស់ខ្លួននៅកម្ពុជា លើវិស័យឧស្សាហកម្មសំណង់ និងឌេគ័រសំណង់អគារ ។

លោកថា តាមរយៈវត្តមានរបស់ក្រុមហ៊ុន King Shore Construction នឹងរួមចំណែកធ្វើឱ្យការតុបតែងលម្អសំណង់អគារទាំងក្នុងមូលដ្ឋានរាជធានីភ្នំពេញ និង តាមបណ្តាខេត្តនានា កាន់តែមានវឌ្ឍនភាព គុណភាព និងប្រណីតភាព តាមរយៈការរួមបញ្ចូលនៃគំនិតស្ថាបត្យកម្មថ្មីៗជាមួយនឹងស្ថាបត្យកម្មក្នុងស្រុក បង្កើតបានជារចនាបទនៃសំណង់ទំនើប ទាន់សម័យ និងនៅតែរក្សាបាននូវអត្តសញ្ញាណជាតិខ្មែរ ។

លោកឱ្យដឹងទៀតថា នេះមិនត្រឹមតែជាសក្ខីភាពបញ្ជាក់ឃើញនូវការចូលរួមអបអរសាទរ និងគាំទ្រចំពោះការវិនិយោគរបស់ក្រុមហ៊ុនបរទេស ក្នុងភាពជាដៃគូជាមួយនិងក្រុមហ៊ុនក្នុងស្រុកប៉ុណ្ណោះទេ ប៉ុន្តែថែមទាំងបានឆ្លុះបញ្ចាំងឱ្យឃើញនូវភាពជោគ ជ័យថ្មីមួយទៀត នៃការអនុវត្តគោលនយោបាយរបស់រាជរដ្ឋាភិបាលកម្ពុជា ដែលបានខិតខំទាក់ទាញការវិនិយោគទាំងក្នុង និងក្រៅប្រទេស ពិសេសគឺការខិតខំបង្កើននូវទំនុកចិត្ត និងជំនឿជឿជាក់ជូនដល់វិនិយោគិន-ធុរជន ។

លោអភិបាលរងបន្ថែមទៀតថា វិស័យអចលនទ្រព្យ គឺជាជន្ទល់ដ៏សំខាន់មួយ នៃកំណើនសេដ្ឋកិច្ចរបស់កម្ពុជា ម៉្លោះហើយការសម្រេចចិត្តវិនិយោគក្នុងវិស័យឧស្សាហកម្មសំណង់ និងដេគ័រសំណង់អគារ ពិតជាមានតម្រូវការក្នុងអត្រាខ្ពស់ និងនៅមានភាពទូលំទូលាយ ដើម្បីគាំទ្រដល់ការលូតលាស់ផ្នែកអចលនទ្រព្យ និងដើម្បីបង្កើនភាពធន់នៃវិស័យឯកជន ដែលត្រូវបានរាជរដ្ឋាភិបាលចាត់ទុកថា ជាកម្លាំងចលករនៃការអភិវឌ្ឍ និងជាក្បាលម៉ាស៊ីនជំរុញកំណើនសេដ្ឋកិច្ចជាតិ ៕

ក្រុមហ៊ុនអាកាសចរណ៍ចំនួន ២ ពង្រីកការតភ្ជាប់ផ្លូវហោះហើរថ្មីពីកម្ពុជាទៅកាន់ប្រទេសចិន

ដោយ ប៊ី

ភ្នំពេញ៖ ក្រុមហ៊ុនអាកាសចរណ៍ដែលបានចុះបញ្ជីនៅកម្ពុជាចំនួន ២ បានប្រកាសពីផ្លូវហោះហើរថ្មីតភ្ជាប់ពីរាជធានីភ្នំពេញទៅកាន់គោលដៅនានាក្នុងប្រទេសចិន។ នេះបើយោងតាមកាសែតភាសាអង់គ្លេសមួយចុះផ្សាយកាលពីម្សិលមិញ។

ក្រុមហ៊ុនអាកាសចរណ៍ខេមបូឌាអ៊ែរវ៉េនឹងចាប់ផ្តើមជើងហោះហើររវាងភ្នំពេញ និងសិនជិននៅភាគអាគ្នេយ៍ប្រទេសចិននៅថ្ងៃទី ២៧ ខែ ធ្នូ។ក្រុមហ៊ុននេះនឹងចាប់ផ្តើមហោះហើរពីរាជធានីភ្នំពេញនៅថ្ងៃទី ២ ខែ មករា ទៅកាន់តំបន់ Chengdu ដែលជារដ្ឋធានីនៃខេត្តស៊ីឈួនភាគនិរតីប្រទេសចិន ។

ទីក្រុងសិនជិន និងទីក្រុងឆេងឌូគឺជាមជ្ឈមណ្ឌលដឹកជញ្ជូនសំខាន់។ក្រុមហ៊ុនបានថ្លែងនៅក្នុងសេចក្តីថ្លែងការណ៍ថា “ផ្លូវថ្មីនឹងធ្វើឱ្យការធ្វើដំណើររវាងទីក្រុងទាំងបី កាន់តែមានភាពងាយស្រួល និងផ្តល់ជម្រើសកាន់តែច្រើនដល់អ្នកដំណើរ”។

សេចក្តីរាយការណ៍បានបន្ថែមថា “យើងបានទន្ទឹងរងចាំការបើកដំណើរការផ្លូវទាំងពីរនេះជាយូរមកហើយ ហើយយើងរំពឹងថានឹងជំរុញពាណិជ្ជកម្ម និងកិច្ចសហប្រតិបត្តិការរវាងប្រទេសទាំងពីរ”។

ក្រុមហ៊ុន JC Airlines នឹងចាប់ផ្តើមហោះហើរពីភ្នំពេញទៅតំបន់ Guiyang នៅថ្ងៃទី ២៩ ខែ ធ្នូ។ តំបន់ Guiyang គឺជារដ្ឋធានីនៃខេត្តគួយចូវនៅភាគនិរតីប្រទេសចិន។ ចំនួនជើងហោះហើរត្រង់ជាមួយចិនបាននិងកំពុងកើនឡើងយ៉ាងខ្លាំង។

អាកាសយានដ្ឋានកម្ពុជាបច្ចុប្បន្នមានជើងហោះហើរប្រមាណ ៥០០ ជើងទៅនិងមកពីគោលដៅនានាក្នុងប្រទេសចិនជារៀងរាល់សប្តាហ៍។ នេះបើយោងតាមរបាយការណ៍ពីលេខាធិការដ្ឋានអាកាសចរណ៍ស៊ីវិល (SSCA) ។លេខាធិការដ្ឋានអាកាសចរណ៍ស៊ីវិល បានឱ្យដឹងថា ភ្នំពេញត្រូវបានតភ្ជាប់ជាមួយទីក្រុងចំនួន ២៣ នៅក្នុងប្រទេសចិនតាមរយៈអាកាសចរណ៍ ខណៈខេត្តសៀមរាបត្រូវបានភ្ជាប់ទៅនឹងទិសដៅចំនួន ២៣ និងខេត្តព្រះសីហនុ ភ្ជាប់ទៅនឹងទិសដៅចំនួន ១៥ នៅក្នុងប្រទេសចិន។

ក្រុមហ៊ុនអាកាសចរណ៍ចំនួន ១៩ ប្រតិបត្តិការផ្លូវហោះហើររវាងប្រទេសទាំងពីរ។ លេខាធិការដ្ឋានអាកាសចរណ៍ស៊ីវិល បានបន្ថែមថា ក្រុមហ៊ុនអាកាសចរណ៍ចំនួន ១៤ ក្នុងចំណោមក្រុមហ៊ុនអាកាសចរណ៍ទាំងនេះគឺមកពីចិន និងនៅសល់គឺជាក្រុមហ៊ុនក្នុងស្រុក។ចិននៅតែបន្តជាប្រភពទេសចរណ៍ធំបំផុតសម្រាប់ប្រទេសកម្ពុជា។

យោងតាមរបាយការណ៍ចុងក្រោយរបស់ក្រសួងទេសចរណ៍ កម្ពុជាបានស្វាគមន៍ភ្ញៀវទេសចរចិនជាង ២ លាននាក់ក្នុងរយៈពេល ១០ ខែឆ្នាំ ២០១៩ កើនឡើង ២៤,៤ ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន។

ជនជាតិចិនតំណាងឱ្យ ៣៨ ភាគរយនៃចំនួនភ្ញៀវទេសចរបរទេសទាំងអស់។ក្រសួងមានគោលបំណងស្វាគមន៍ភ្ញៀវទេសចរចិន ៣ លាននាក់ក្នុងមួយឆ្នាំនៅឆ្នាំ ២០២០ ចំនួន ៥ លាននាក់នៅឆ្នាំ ២០២៥ និង ៨ លាននាក់នៅឆ្នាំ ២០៣០៕

ជប៉ុនបើកដាក់ឱ្យដំណើរការក្រុមហ៊ុនឡូជីស្ទិកដ៏ធំមួយនៅភាគខាងលិចក្រុងភ្នំពេញ

ដោយ ៖ វុត្ថា

ភ្នំពេញ ៖ កម្ពុជា និងជប៉ុន បានរួមគ្នាសម្ពោធដាក់ឱ្យដំណើរការផែស្ងួត និងមជ្ឈមណ្ឌលភស្តុភារកម្មនៅក្នុងរាជធានីភ្នំពេញ ដើម្បីសម្រួលដល់ការធ្វើពាណិជ្ជកម្ម។

ផែស្ងួត មជ្ឈមណ្ឌលភស្តុភារកម្មនេះ បង្កើតឡើងដោយក្រុមហ៊ុនដ៏ធំរបស់ជប៉ុន ឈ្មោះ នីបផន អេចប្រេស (ខេមបូឌា) ខូអិលធីឌី -NIPPON EXPRESS (CAMBODIA) CO., LTD. មានទីតាំងក្នុងតំបន់សេដ្ឋកិច្ចពិសេសភ្នំពេញ ស្ថិតនៅតាមបណ្តោយផ្លូវជាតិលេខ៤ ក្នុងខណ្ឌកំបូល រាជធានីភ្នំពេញ។

លោក គុណ ញឹម ទទួកបន្ទុកអគ្គនាយកនៃអគ្គនាយកដ្ឋានគយ និងរដ្ឋាករ នៅក្នុងពិធីសម្ពោធកាលពីពេលថ្មីៗនេះអោយដឹងថា នេះគឺជាក្រុមហ៊ុនឡូជីស្ទិកដ៏ធំមួយរបស់ជប៉ុន ដែលបានដាក់ទុនវិនិយោគបង្កើតសន្និធិគយ និងមជ្ឈមណ្ឌលពាណិជ្ជកម្ម នៅក្នុងព្រះរាជាណាចក្រកម្ពុជា ក្រោមជំនឿចិត្តលើសក្តានុពលនៅកម្ពុជា។

លោកបញ្ជាក់ថា “អង្គការJICA កំពុងតែរៀបចំផែនការមេថ្នាក់ជាតិស្តីពីវិស័យដឹកជញ្ជូនពហុមធ្យោបាយ និងភស្តុភារកម្ម ដើម្បីធ្វើឱ្យប្រសើរឡើងនូវប្រព័ន្ធដឹកជញ្ជូនជាតិ និងជំរុញការតភ្ជាប់សេដ្ឋកិច្ចកម្ពុជា ទៅនឹងសេដ្ឋកិច្ចតំបន់ និងអន្តរជាតិ”។

លោកសង្ឃឹមថា សន្និធិគយបណ្តោះអាសន្ន និងមជ្ឈមណ្ឌលនេះភស្តុភារកម្មនេះ នឹងដើរតួសំខាន់ក្នុងការតភ្ជាប់ខ្សែក្រវាត់ផ្គត់ផ្គង់ការវិនិយោគសេវាកម្ម និងពាណិជ្ជកម្មទាំងក្នុងក្របខណ្ឌតំបន់ និងអន្តរជាតិ។

លោក សំ ពូក អនុប្រធានក្រុមហ៊ុន នីបផន អេចប្រេស (ខេមបូឌា) ខូអិលធីឌី ប្រាប់ក្រុមអ្នកកាសែតថា ការវិនិយោគផែស្ងួតផ្តល់ផលប្រយោជន៍យ៉ាងច្រើន ចំពោះប្រទេសជាតិ ក៏ដូចជាប្រជាជនកម្ពុជា ដោយសម្រួលបែបបទផ្នែកភស្តុភារកម្មទៅឱ្យអ្នកវិនិយោគទាំងអស់ ក៏ដូចជាអ្នកវិនិយោគផ្សេងៗទៀត ក៏ដូចជាអ្នកវិនិយោគខ្មែរ ដែលត្រូវការសេវាភស្តុភារកម្ម រាប់ទាំងការដឹកជញ្ជូនតាមផ្លូវអាកាស ផ្លូវទឹក និងតាមផ្លូវគោកផង។

លោកបន្តថា លោកជឿជាក់លើធនធានមនុស្សរបស់កម្ពុជា ទើបលោកមកបណ្តាក់ទុនលើវិស័យមួយនេះ។ ជាពិសេសនោះ គឺកម្ពុជាសំបូរដោយក្រុមយុវជន ដែលមានសម្ថភាព ក្នុងការបំពេញការងារ ប្រកបដោយប្រសិទ្ធភាព។

នៅក្នុងតំបន់សេដ្ឋកិច្ចពិសេសភ្នំពេញ មានក្រុមហ៊ុនជប៉ុនចំនួយ៤៣ កំពុងដំណើរឈានមុខគេក្នុងការផលិត និងនាំចេញនូវផលិតផលអាហារ សម្លៀកបំពាក់ ស្បែកជើង បង្គុំខ្សែភ្លើង គ្រឿងបន្លាស់យានយន្ត និងគ្រឿងអេឡិចត្រូនិចជាច្រើនទៀត៕

បុរី ខេស៊ីតម្លៃសមរម្យ ទីតាំងអាចប្រកបអាជីវកម្មបានផ្តល់ជូនពិសេសសំរាប់អតិថិជន

ដោយៈ រ៉ាណេត

ភ្នំពេញៈ ជាការឆ្លើយតបទៅនឹងតម្រូវការ ក៏ដូចជាជួយសម្រួលដល់អតិថិជន បុរី ខេ ស៊ី មានទីតាំងស្ថិតក្បែរផ្សារព្រែកព្នៅ ជាទីតាំងអាចប្រកបអាជីវកម្មបាន បាននិងកំពុងផ្តល់តម្លៃពិសេសដល់អតិថិជន ជាមួយនឹងតម្លៃសមរម្យ។

បុរីនេះមានទីតាំងល្អ អំណោយផលដល់ការរស់នៅ និងប្រកអាជីវកម្មគ្រប់ប្រភេទ ដោយសារតែស្ថិតនៅជាប់ផ្លូវធំទំហំ៣០ម៉ែត្រ ជាផ្លូវតភ្ជាប់រវាងផ្លូវជាតិលេខ៥ និងមហាវិថី ឈ្នះ ឈ្នះ នៃទីក្រុងមរតកសម្ដេចតេជោ ឆ្ពោះទៅកាន់ផ្លូវជាតិលេខ៤។

ទីតាំងរបស់បុរី ខេ ស៊ី ហ៊ុព័ទ្ធទៅដោយទីប្រជុំជនជាច្រើន ដូចជា ខាងក្រោយមានផ្សារព្រែកព្នៅចាស់ នៅខាងមុខជាប់ផ្លូវ មានផ្សារព្រែកព្នៅ សាលារៀនរដ្ឋ និងឯកជន មណ្ឌលសុខភាព គ្លីនិកឯកជន និងបណ្តាញហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងជាច្រើន បន្ថែមដោយគម្រោងអភិវឌ្ឍបឹងតាម៉ោក និងតំបន់អភិវឌ្ឍរមណីយដ្ឋានគំរូនៅតំបន់ជាយក្រុងនៃភ្នំប្រសិទ្ធិ ដែលជាគម្រោងអាទិភាពរបស់រដ្ឋបាលរាជធានីភ្នំពេញផងដែរ។

ចំពោះលក្ខខណ្ឌនៃការក្លាយខ្លួន ជាម្ចាស់លំនៅដ្ឋាននៅក្នុងបុរី ខេ ស៊ី គឺមានភាពងាយស្រួលបំផុត ដោយលោក អ្នកគ្រាន់តែមានប្រាក់ដំបូងត្រឹមតែ១០០០ដុល្លារ តែប៉ុណ្ណោះ រួមជាមួយនឹងការបង់បណ្តាក់ក្នុងរូបភាពជាបង់រំលស់ ជាបន្តបន្ទាប់ស្របទៅតាមគោលការណ៍ ដែលបានកំណត់ដោយក្រុមហ៊ុនអភិវឌ្ឍលំនៅដ្ឋានតែប៉ុណ្ណោះ។

បច្ចុប្បន្ននេះ គម្រោងសំណង់លំនៅដ្ឋានបែបទំនើប និងទាន់សម័យនៅក្នុងបុរីដែលកំពុងតែមានភាពទាក់ទាញមួយនេះ បាននិងកំពុងតែសម្រុកសាងសង់យ៉ាងមមាញឹក ដើម្បីបញ្ចប់ទៅតាមគម្រោងទាំងស្រុងនៅត្រឹមឆ្នាំ២០២១ ។ រាល់បច្ចេកទេសសាងសង់ត្រូវបានធ្វើឡើងយ៉ាងយកចិត្តទុកដាក់ទៅគុណភាព ការរចនាម៉ូដបែបទាន់សម័យ និងស៊ីវិល័យនៅក្នុងសង្គមនាពេលបច្ចុប្បន្ន និងបន្តទៅអនាគត។

ជាមួយនឹងការគិតពីផាសុខភាពដល់អ្នករស់នៅ ម្ចាស់បុរីនេះបានផ្តោតលើសំណង់់បែបបៃតង ដែលជាសន្សំសំចៃថាមពលអគ្គិសនី ដោយធ្វើឲ្យលំនៅដ្ឋានក្នុងគំរោងនេះទទួលពន្លឺ និងខ្យល់ធម្មជាតិចេញចូលគ្រប់គ្រាន់ រួមជាមួយនឹងការដាំដើមឈើបៃតងលម្អនៅពីមុខផ្ទះ ដែលកាន់តែជួយបន្ថែមភាពត្រជាក់ដល់លំនៅដ្ឋាន។

នៅក្នុងគម្រោងបុរីKC ត្រូវបានរៀបចំនូវហេដ្ឋារចនាសម្ព័ន្ធ ស្របតាមស្ដង់ដារសំណង់ ដូចជាផ្លូវបេតុងមេមានទំហំ១២ម៉ែត្រ ផ្លូវតូចមានទំហំ៨ម៉ែត្រ មានប្រព័ន្ធទឹកស្អាត និងបណ្តាញរំដោះទឹកយ៉ាងត្រឹមត្រូវ និងមានការរៀបចំសាងសង់ជាទីធ្លាសម្រាប់អង្គុយកម្សាន្ត ហាត់ប្រាណសាធារណៈ និងសួនច្បារ ដែលបំពាក់ទៅដោយចង្កៀងអគ្គិសនី LED យ៉ាងភ្លឺច្បាស់ត្រជាក់ភ្នែកផងដែរ។

លំនៅដ្ឋាននៅក្នុង ខេស៊ី ត្រូវបានសាងសង់ឡើងជា៣ប្រភេទ រួមមានប្រភេទ Link House, Shop House និងប្រភេទ Twin Villa ដែលសុទ្ធតែសមស្របទៅនឹងការរស់នៅដែលពោរពេញទៅដោយផាសុកភាពខ្ពស់ទាំងអស់។

ប្រភេទលំនៅដ្ឋាន Link House មានទំហំ ៥ X ៩,៥០ ម៉ែត្រ (Eo, E1) មានបន្ទប់គេងចំនួន២ បន្ទប់ទឹកចំនួន៣ ទីធ្លាក្នុងផ្ទះធំទូលាយ នៅសល់ទីធ្លាខាងមុខ៥ម៉ែត្រ និងខាងក្រោយផ្ទះសល់ ២ម៉ែត្រ ។ ប្រភេទលំនៅដ្ឋាន Shop House មានទំហំ៥ X ១៥ ម៉ែត្រ ក្នុងនោះរួមមានបន្ទប់គេងចំនួន៤ ទីធ្លាក្នុងផ្ទះធំទូលាយ នៅសល់ទីធ្លាខាងមុខ ៧ម៉ែត្រ និងខាងក្រោយផ្ទះសល់ ៣ម៉ែត្រ ។

ប្រភេទលំនៅដ្ឋាន Twin Valla មានទំហំ ៦ X ១២ ម៉ែត្រ មានបន្ទប់គេងចំនួន៤ បន្ទប់ទឹកចំនួន៥ ទីធ្លាក្នុងផ្ទះធំទូលាយ ជាមួយនឹងការរចនាម៉ូដយ៉ាងល្អវិចិត្រ ហើយនៅសល់ទីធ្លាខាងមុខ៥ម៉ែត្រ និងខាងក្រោយផ្ទះសល់ ២ម៉ែត្រ ។

សម្រាប់ព័ត៌មានបន្ថែម លោកអ្នកអាចទំនាក់ទំនងបានតាមរយៈទូរស័ព្ទលេខ ៖ 078959567 / 086485566 / 089 787 721៕