នាយករដ្ឋមន្ត្រីចិនអះអាងថា ចិនបានប្តេជ្ញាចិត្តក្នុងការអភិវឌ្ឍបណ្តាប្រទេសនានាក្នុងតំបន់អាស៊ាន

ដោយ Donald Lee

បាងកកៈ នាយករដ្ឋមន្រ្តីចិនលោក Li Keqiang បានទៅដល់ទីក្រុងបាងកកសម្រាប់កិច្ចប្រជុំកំពូលអាស៊ាន-ចិនលើកទី២២ នៅចុងសប្តាហ៍នេះ ហើយបានសង្កត់ធ្ងន់ថា ចិនបានប្តេជ្ញាចិត្តក្នុងការអភិវឌ្ឍបណ្តាប្រទេសសមាជិកអាស៊ាន។

លោក Li បានមានប្រសាសន៍ថា ”ចិននៅតែជាដៃគូពាណិជ្ជកម្មកំពូលរបស់អាស៊ានក្នុងរយៈពេល១០ឆ្នាំមកនេះ។ ឆ្នាំនេះអាស៊ាន គឺជាដៃគូពាណិជ្ជកម្មធំទី២របស់ចិន។ កាលពីខែមុន ការធ្វើឱ្យប្រសើរឡើងពិធីសារ នៃកិច្ចព្រមព្រៀងពាណិជ្ជកម្មសេរីអាស៊ាន-ចិនបានចូលជាធរមាន ហើយសន្យាផ្តល់អត្ថប្រយោជន៍ពាណិជ្ជកម្ម កាន់តែច្រើនសម្រាប់អាស៊ាន និងចិន”។

នៅក្នុងកិច្ចប្រជុំដែលបានធ្វើឡើងដោយប្រមុខរដ្ឋចិន និងអាស៊ាន ភាគីទាំងពីរបានឯកភាពគ្នាចាប់ផ្តើមដំណើរការ នៃសេចក្តីប្រកាសរួមស្តីពី ភាពជាដៃគូយុទ្ធសាស្ត្រចិន-អាស៊ានដើម្បីសន្តិភាព និងវិបុលភាព (២០២១-២០២៥) និងបានបង្ហាញឱ្យដឹងថា នៅឆ្នាំក្រោយនឹងមានការចូលរួមផ្នែកសេដ្ឋកិច្ចឌីជីថលជាច្រើន នៃគំនិតផ្តួចផ្តើមរវាងភាគីទាំងទាំងពីរ។

ប្រធានគណៈកម្មការកិច្ចប្រជុំកំពូលអាស៊ានលោក ប្រាយុទ្ធចាន់ អូចាបានមានប្រសាសន៍ថា “យើងមានសេចក្តីរីករាយ ដែលទំនាក់ទំនងសន្ទនាអាស៊ាន-ចិនបន្តមានភាពរឹងមាំមានស្ថេរភាព និងផ្តល់ផលប្រយោជន៍ទៅវិញទៅមក ហើយភាពជាដៃគូយុទ្ធសាស្រ្តរបស់យើងនៅតែមានភាពរឹងមាំ ជាសរសរគ្រឹះសំខាន់នៃសន្តិភាព ស្ថិរភាព វិបុលភាព និងនិរន្តរភាពនៅក្នុងតំបន់របស់យើង”៕ (ប្រភព ASEAN2019)៕

ក្រុមហ៊ុនប្រេងអារ៉ាប់ដែលរកប្រាក់ចំណេញច្រើនបំផុតលើពិភពលោកនឹងដាក់លក់ក្នុងផ្សារហ៊ុនលើកដំបូង

ដោយ Donald Lee

ភ្នំពេញៈ ក្រុមហ៊ុនអារ៉ាប់ប៊ីសាអូឌីត Aramco ដែលជាក្រុមហ៊ុនផលិតប្រេងឆៅធំជាងគេបំផុត និងជាអ្នករកប្រាក់ចំណេញធំជាងគេលើពិភពលោក នឹងបង្ហាញការបោះផ្សាយហ៊ុនលក់ជាសាធារណៈលើកដំបូង នៅលើផ្សារភាគហ៊ុនដែលមានមូលដ្ឋាននៅទីក្រុង Riyadh។

សេចក្តីថ្លែងការណ៍របស់ក្រុមហ៊ុនបានឱ្យដឹងថា “ក្រុមហ៊ុន Aramco ជាក្រុមហ៊ុនប្រេង និងឧស្ម័នរួមបញ្ចូលគ្នាធំជាងគេបំផុតនៅលើពិភពលោក ដែលគ្រប់គ្រងដោយរដ្ឋាភិបាលនៃព្រះរាជាណាចក្រ អារ៉ាប់ប៊ីសាអូឌីតនៅថ្ងៃនេះ ប្រកាសពីចេតនារបស់ខ្លួនក្នុងការបន្តផ្តល់ជូនជាសាធារណៈលើកដំបូងនៅលើផ្សារហ៊ុន Tadawul។

សេចក្តីថ្លែងការណ៍នោះបានបន្ថែមទៀតថា “រដ្ឋាភិបាលមានបំណងលក់ ចំណែកមួយនៃភាគហ៊ុនរបស់ខ្លួន នៅក្នុងប្រទេសអារ៉ាប់ប៊ីសាអូឌីត”។

ឯកសារផ្ទៃក្នុងរបស់ក្រុមហ៊ុន Aramco បានបង្ហាញថា ក្រុមហ៊ុនបានរកប្រាក់ចំណេញសុទ្ធជាង១១១ ពាន់លានដុល្លារក្នុងឆ្នាំ ២០១៨។

នៅឆ្នាំនេះAramco បាននិយាយថា ខ្លួនរកបានប្រាក់ចំណេញសុទ្ធចំនួន៤៦,៩ ពាន់លានដុល្លារនៅឆមាសទីមួយក្នុងឆ្នាំនេះ។

ព្រះអង្គម្ចាស់ម៉ូ Mohammed bin Salman រាជទាយាទនៃប្រទេសអារ៉ាប៊ីសាអ៊ូឌីត បានថ្លែងជាសាធារណៈថា ការវាយតម្លៃរបស់ក្រុមហ៊ុននឹងមានតម្លៃ២ទ្រីកោដិដុល្លារ។

រដ្ឋាភិបាលនឹងផ្តល់ភាគហ៊ុន១ ទៅ៣ភាគរយដល់ក្រុមហ៊ុននេះ។ ក្រុមអ្នកវិភាគរំពឹងថា សូម្បីតែការលក់២ភាគរយនៃក្រុមហ៊ុននេះ អាចរកចំណូលបានដល់ទៅ៤០ពាន់លានដុល្លារ៕ (ប្រភព Saudiaramco)៕

កក់ត្រឹម១០០០ដុល្លារនឹងក្លាយជាម្ចាស់លំនៅដ្ឋានប្រណីតដែលអាចរកស៊ីបាន

ដោយៈ រ៉ាណេត

ភ្នំពេញៈ លោកអ្នកមានប្រាក់ត្រឹម១០០០ដុល្លារតែប៉ុណ្ណោះ ក៏អាចក្លាយជាម្ចាស់ផ្ទះដ៏ស្រស់ស្អាត និងពោរពេញទៅដោយប្រណីតភាព និងអាចប្រកបអាជីវកម្មបាន។នេះជាការផ្តល់ជូនពីបុរី KC ។

បុរី ខេ ស៊ី មានទីតាំងនៅជិតផ្សារព្រែកព្នៅថ្មី ដែលជាបណ្តុំទីតាំងអាជីវកម្ម ហើយអ្នកជាវលំនៅដ្ឋានក្នុងបុរីនេះអាចរកស៊ី ឬជួលបានប្រាក់ដើម្បីអាចវិនិយោគបន្តបានផងដែរ។

ការសាងសង់លំនៅដ្ឋានក្នុងបុរីនេះ កំពុងដំណើរការយ៉ាងសកម្ម ហើយអតិថិជនអាចទៅទស្សនាផ្ទះគំរូបាន ខណៈផ្ទះក្នុងគំរោងនេះនឹងបញ្ចប់នៅឆ្នាំ២០២១ខាងមុខនេះ។

បុរីខេ ស៊ីមានទីតាំងល្អ អំណោយផលដល់ការរស់នៅ និងប្រកអាជីវកម្មគ្រប់ប្រភេទ ដោយសារតែស្ថិតនៅជាប់ផ្លូវធំទំហំ៣០ម៉ែត្រ ជាផ្លូវតភ្ជាប់រវាងផ្លូវជាតិលេខ៥ និងមហាវិថី ឈ្នះ ឈ្នះ នៃទីក្រុងមរតកសម្ដេចតេជោ ឆ្ពោះទៅកាន់ផ្លូវជាតិលេខ៤។

បន្ថែមពីនេះ ទីតាំងរបស់បុរី ខេ ស៊ី មានហ៊ុព័ទ្ធទៅដោយទីប្រជុំជនជាច្រើន ដូចជា ខាងក្រោយមានផ្សារព្រែកព្នៅចាស់ នៅខាងមុខជាប់ផ្លូវ មានផ្សារព្រែកព្នៅ សាលារៀនរដ្ឋ និងឯកជន មណ្ឌលសុខភាព គ្លីនិកឯកជន និងបណ្តាញហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងជាច្រើន។

ចំពោះលក្ខខណ្ឌនៃការក្លាយខ្លួនជាម្ចាស់លំនៅដ្ឋាននៅក្នុងបុរី ខេ ស៊ី គឺមានភាពងាយស្រួលបំផុត ដោយលោកអ្នកគ្រាន់តែមានប្រាក់ដំបូងត្រឹមតែ១០០០ដុល្លារ តែប៉ុណ្ណោះ រួមជាមួយនឹងការបង់បណ្តាក់ក្នុងរូបភាពជាបង់រំលស់ ជាបន្តបន្ទាប់ស្របទៅតាមគោលការណ៍ ដែលបានកំណត់ដោយក្រុមហ៊ុនអភិវឌ្ឍលំនៅដ្ឋានតែប៉ុណ្ណោះ។

នៅក្នុងគម្រោងបុរី KC ត្រូវបានរៀបចំនូវហេដ្ឋារចនាសម្ព័ន្ធ ស្របតាមស្ដង់ដារសំណង់ ដូចជា ផ្លូវបេតុងមេមានទំហំ១២ ម៉ែត្រ ផ្លូវតូចមានទំហំ៨ម៉ែត្រ មានប្រព័ន្ធទឹកស្អាត និងបណ្តាញរំដោះទឹកយ៉ាងត្រឹមត្រូវ និងមានការរៀបចំសាងសង់ជាទីធ្លាសម្រាប់អង្គុយកម្សាន្ត ហាត់ប្រាណសាធារណៈ និងសួនច្បារ ដែលបំពាក់ទៅដោយចង្កៀងអគ្គិសនី LED យ៉ាងភ្លឺច្បាស់ត្រជាក់ភ្នែកផងដែរ។

លំនៅដ្ឋាននៅក្នុង ខេស៊ី ត្រូវបានសាងសង់ឡើងជា៣ប្រភេទ រួមមានប្រភេទ Link House, Shop House និងប្រភេទ Twin Villa ដែលសុទ្ធតែសមស្របទៅនឹងការរស់នៅដែលពោរពេញទៅដោយផាសុកភាពខ្ពស់ទាំងអស់។ ប្រភេទលំនៅដ្ឋាន Link House មានទំហំ ៥ X ៩,៥០ ម៉ែត្រ (Eo, E1) មានបន្ទប់គេងចំនួន២ បន្ទប់ទឹកចំនួន៣ ទីធ្លាក្នុងផ្ទះធំទូលាយ នៅសល់ទីធ្លាខាងមុខ៥ម៉ែត្រ និងខាងក្រោយផ្ទះសល់ ២ម៉ែត្រ ។

ប្រភេទលំនៅដ្ឋាន Shop House មានទំហំ ៥ X ១៥ ម៉ែត្រ ក្នុងនោះរួមមានបន្ទប់គេងចំនួន៤ ទីធ្លាក្នុងផ្ទះធំទូលាយ នៅសល់ទីធ្លាខាងមុខ ៧ម៉ែត្រ និងខាងក្រោយផ្ទះសល់ ៣ម៉ែត្រ។ ប្រភេទលំនៅដ្ឋាន Twin Valla មានទំហំ ៦ X ១២ ម៉ែត្រ មានបន្ទប់គេងចំនួន៤ បន្ទប់ទឹកចំនួន៥ ទីធ្លាក្នុងផ្ទះធំទូលាយ ជាមួយនឹងការរចនាម៉ូដយ៉ាងល្អវិចិត្រ ហើយនៅសល់ទីធ្លាខាងមុខ៥ម៉ែត្រ និងខាងក្រោយផ្ទះសល់ ២ម៉ែត្រ។

សម្រាប់ព័ត៌មានបន្ថែម លោកអ្នកអាចទំនាក់ទំនងបានតាមរយៈទូរស័ព្ទលេខ ៖ ០៨៩ ៧៨៧ ៧២១ / ០៨៧ ៣៦ ៩៥ ៣៦៕

សម្តេចតេជោនឹងអញ្ជើញបើកការដ្ឋានស្ថាបនាផ្លូវចំនួន ៣៤ខ្សែក្នុងខេត្តព្រះសីហនុនាថ្ងៃទី១៦ ខែវិច្ឆិកាខាងមុខនេះ

ដោយ វុត្ថា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញចូលរួមជាអធិបតីបើកការដ្ឋានស្ថាបនាផ្លូវចំនួន ៣៤ខ្សែក្នុងខេត្តព្រះសីហនុ ដែលគ្រោងនឹងប្រារព្ធធ្វើឡើងនាថ្ងៃទី១៦ ខែវិច្ឆិកា ឆ្នាំ២០១៩ ខាងមុខនេះ។

យោងតាមកិច្ចប្រជុំត្រៀមរៀបចំពិធីបើកការដ្ឋានស្ថាបនាផ្លូវចំនួន ៣៤ខ្សែក្នុងខេត្តព្រះសីហនុរវាងលោក គួច ចំរើនអភិបាលខេត្តព្រះសីហនុ និង លោក យូ ស៊ុនឡុង នាយករងខុទ្ទកាល័យសម្តេចអគ្គមហាសេនាបតីតេជោ ហ៊ុន សែនកាលពីចុងសប្តាហ៍ចុងសប្តាហ៍កន្លងមកនេះ បានកំណត់យកថ្ងៃទី ១៦ ខែវិឆ្ឆិកា ឆ្នាំ ២០១៩ នេះ ដើម្បីបើកការដ្ឋានស្ថាបនាផ្លូវចំនួន ៣៤ខ្សែក្នុងខេត្តព្រះសីហនុក្រោមអធិបតីភាពសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា។

លោក គួច ចំរើន អភិបាលខេត្តព្រះសីហនុបានឱ្យដឹងដែរថា ជាមួយគ្នានេះ ក្រុមការងារសម្តេច តេជោសែន នាយករដ្ឋមន្ត្រីកម្ពុជានិងថ្នាក់ដឹកនាំខេត្តព្រះសីហនុ បានចុះពិនិត្យកន្លែងរៀបចំបើកការដ្ឋានស្ថាបនាផ្លូវ៣៤ខ្សែនេះ ដោយបានចាត់ទុកថានេះជាប្រវត្តិសាស្ត្រហើយសម្រាប់កម្ពុជាយើងដែលរដ្ឋាភិបាលបានផ្តល់កញ្ចប់ថវិកាយ៉ាងច្រើនសន្ធឹកក្នុងពេលតែមួយដើម្បីកសាងផ្លូវនៅខេត្តព្រះសីហនុ។

លោក គួច ចំរើន បញ្ជាក់ថា ការស្ថាបនានេះគ្រោងប្រើរយៈពេល៨ខែប៉ុណ្ណោះ ដោយក្រុមហ៊ុនចំនួន៧ ហើយនឹងធ្វើការស្ថាបនាទាំងថ្ងៃទាំងយប់តែម្តង។ ក្នុងដំណាក់កាលសាង់សង់ផ្លូវនេះដែរ កំលុងនគរបាលចរាចរណ៍នៃស្នងការដ្ឋាននគរបាលខេត្តព្រះសីហនុ និងកំលាំងនគរបាលចរាចរណ៍មកពីអគ្គស្នងការដ្ឋាននគរបាលជាតិជាច្រើននាក់ផងដែរ ត្រូវបានដាក់ពង្រាយដើម្បីសម្រួលចរាចរណ៍ក្នុងដំណាក់កាលធ្វើផ្លូវនេះ។

ជាមួយនេះដែរ លោក អភិបាល បានស្នើប្រជាពលទូទៅជាពិសេសអ្នករស់នៅតាមដងផ្លូវទាំ៣៤ខ្សែផ្ទាល់ សូមសហការជាមួយក្រុមការងារស្ថាបនាដើម្បីងាយស្រួលក្នុងការបំពេញការងារ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីពេលកន្លងទៅបានទម្លាក់កញ្ចប់ថវិកាជាតិប្រមាណចំនួន ១០០លានដុល្លារអាមេរិក ដើម្បីស្ថាបនាឡើងវិញនូវហេដ្ឋារចនាសម្ព័ន្ធសំខាន់ៗ នៅក្នុងក្រុងនៃខេត្តព្រះសីហនុ បន្ទាប់ពីទទួលរងនូវការខូចខាតដោយសារទឹកជំនន់។

គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) កាលពីពេលថ្មីៗនេះ បានសម្រេចលើកគម្រោងអភិវឌ្ឍហេដ្ឋារចនាសម្ព័ន្ធ ផ្លូវក្រុងក្នុងខេត្តព្រះសីហនុ សរុបចំនួន ៣៤ខ្សែ ប្រវែង ៨៤៥០៥ ម៉ែត្រ ចែកចេញជាបីប្រភេទ៖ ក. ប្រភេទទី ១៖ មហាវិថីមានចំនួន ៣ខ្សែ ប្រវែងសរុប ២២ ៧៣១ម៉ែត្រ មានទទឹង ៥០ម៉ែត្រ ផ្លូវរថយន្ត ៦ គន្លង ផ្លូវទោចក្រយានយន្ត២គន្លង។ខ. ប្រភេទទី២ វិថីចំនួន១៤ ខ្សែ ប្រវែងសរុប ៤៩ ៩៥៧ ម៉ែត្រ មានទទឹងពី ២០ ម៉ែត្រ ទៅ ៤០ ម៉ែត្រ ផ្លូវរថយន្ត ២ ទៅ ៤ គន្លង ផ្លូវទោចក្រយានយន្ត ២ គន្លង ។ និងខ. ប្រភេទទី ២ ៖ វិថី មានចំនួន ១៤ ខ្សែ ប្រវែងសរុប ៤៩ ៩៥៧ ម៉ែត្រ មានទទឹងពី ២០ ម៉ែត្រ ទៅ ៤០ ម៉ែត្រ ផ្លូវរថយន្ត ២ ទៅ ៤ គន្លង ផ្លូវទោចក្រយានយន្ត២គន្លង។

តាមរយៈក្រសួងរៀបចំដែន នគរូបនីយកម្ម និងសំណង់ រដ្ឋាភិបាលបានសម្រេចធ្វើការស្ថាបនា និងសាងសង់ហេដ្ឋារចនាសម្ព័ន្ធនានា នៅទូទាំងខេត្តព្រះសីហនុ រហូតដល់ចំនួន៣៤ខ្សែ នេះ ក្នុងគោលដៅប្រែក្លាយក្រុងព្រះសីហនុ ឱ្យទៅជាទីក្រុងដ៏ទំនើប ពោរពេញទៅដោយសោភ័ណភាព បរិស្ថានល្អ សម្រាប់ការរស់នៅ ទេសចរណ៍ និងធុរកិច្ច ជាពិសេសធានាបាននូវគុណភាពខ្ពស់ ដែលអាចប្រើប្រាស់បានយូរអង្វែង៕

ក្រុមហ៊ុនសឹង្ហបូរីចូលរួមវិនិយោគសាងសង់ទំនប់វារីអគ្គិសនីកម្លាំង ៨០មេហ្គាវ៉ាត់នៅខេត្តពោធិ៍សាត់

ដោយ ម៉ាណេត

ភ្នំពេញ៖ ក្រុមហ៊ុនសឹង្ហបូរីទិញហ៊ុន ៣៣ភាគរយ និងផ្តល់កម្ចី ២,៥ លានដុល្លារដើម្បីសាងសង់វារីអគ្គិសនី ៨០ មេហ្គាវ៉ាត់នៅខេត្តពោធិ៍សាត់។

ក្រុមហ៊ុនស្វ័យឧស្សាហកម្មដែលចុះបញ្ជីនៅប្រទេសសឹង្ហបូរី ISDN Holdings Limited (ISDN) បានសហការជាមួយក្រុមហ៊ុន eREX Co Ltd ដែលបានចុះបញ្ជីនៅទីក្រុងតូក្យូ និងក្រុមហ៊ុន Asia Energy Power Co Ltd មានមូលដ្ឋាននៅកម្ពុជាដើម្បីសាងសង់វារីអគ្គិសនី ៨០ មេហ្គាវ៉ាត់នៅខេត្តពោធិ៍សាត់កម្ពុជា។

វារីអគ្គិសនីដែលទទួលបានការបញ្ជាក់ និងការធានាពីរដ្ឋាភិបាលក្នុងការទទួលបានសិទ្ធិអាជីវកម្មសម្រាប់ការសាងសង់នេះ ហើយក៏មានសមត្ថភាពផ្ទុកទឹកខ្នាតធំផងដែរ។

សេចក្តីប្រកាសរបស់ក្រុមហ៊ុននៅថ្ងៃនេះ បានបញ្ជាក់ថា ថាមពលដែលបានមកពីរោងចក្រនេះនឹងត្រូវលក់ក្នុងតម្លៃថេរទៅសាជីវកម្មអគ្គិសនីកម្ពុជា (Cambodia Electric Power Corporation)។ក្រុមហ៊ុនបណ្តាក់ទុនរួមគ្នាដែលមានឈ្មោះថា SPHP Co Pte Ltd ត្រូវបានច្រដាប់បញ្ចូលគ្នាដោយក្រុមហ៊ុន ISDN Energy ទទួលបានភាគហ៊ុន ៣៣ ភាគរយ ក្រុមហ៊ុន eREX មានហ៊ុន ៣៤ ភាគរយនិង Asia Energy មានភាគហ៊ុន ៣៣ ភាគរយ។

ក្រុមហ៊ុន ISDN នឹងបញ្ចូលទឹកប្រាក់ចំនួន ៥០០,០០០ ដុល្លារអាមេរិកជាភាគហ៊ុននិង ២,៥ លានដុល្លារទៀតជាប្រាក់កម្ចីម្ចាស់ភាគហ៊ុនក្នុងដំណាក់កាលអភិវឌ្ឍន៍ដំបូងនៃគម្រោង។

នៅចុងបញ្ចប់នៃរយៈពេល ៣៥ ឆ្នាំចាប់ពីការចាប់ផ្តើមប្រតិបត្តិការសម្រាប់គម្រោង ក្រុមហ៊ុន SPHP នឹងផ្ទេរសិទ្ធិប្រតិបត្តិការរបស់គម្រោងទៅសាជីវកម្មអគ្គិសនីកម្ពុជា Cambodia Electric Power Corporation ។

ក្រុមហ៊ុន ISDN បានឱ្យដឹងនៅក្នុងសេចក្តីថ្លែងការណ៍មួយថា “គម្រោងនេះមានសារៈសំខាន់ណាស់ដែលជាគំនិតផ្តួចផ្តើមថ្មីមួយរបស់រដ្ឋាភិបាលកម្ពុជាក្នុងការរៀបចំដើម្បីបន្ធូរបន្ថយលើបណ្តាញអគ្គិសនីរបស់ប្រទេសនេះ”៕ (ប្រភព Businessnewsasia)

សម្ដេចតេជោ ហ៊ុន សែន ស្នើភាគីចិនចំនួន៣ចំណុច ដើម្បីជំរុញការអភិវឌ្ឍនៅកម្ពុជា

ដោយ ៖ រ៉ាណេត

បាងកក ៖ នៅក្នុងការអញ្ជើញចូលរួមនៃកិច្ចប្រជុំកំពូលអាស៊ានលើកទី៣៥ នៅទីក្រុងបាងកក ប្រទេសថៃ សម្ដេចតេជោ ហ៊ុន សែន បានស្នើសុំភាគីខាងប្រទេសចិនឱ្យបន្តការគាំទ្រ និងសហការជាដៃគូវិនិយោគយ៉ាងជិតស្និត ដើម្បីជំរុញការអភិវឌ្ឍនៅកម្ពុជាឱ្យមានភាពល្អប្រសើរបន្ថែមទៀត ។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានជួបពិភាក្សាការងារជាមួយ នាយករដ្ឋមន្ត្រីនៃសាធារណរដ្ឋប្រជាមានិតចិន លោក លី ខឺឈាង (Li Keqiang) ក្នុងឱកាសដែលសម្ដេចអញ្ជើញចូលរួមក្នុងកិច្ចប្រជុំកំពូលអាស៊ានលើកទី៣៥ នៅទីក្រុងបាងកក ប្រទេសថៃ កាលពីរសៀលថ្ងៃទី៣ ខែវិច្ឆិកា ឆ្នាំ២០១៩ ម្សលមិញនេះ ។

ក្នុងជំនួបនេះ នាយករដ្ឋមន្ត្រីនៃប្រទេសទាំងពីរបានធ្វើការជជែកពិភាក្សាទៅលើបញ្ហា០៣ចំណុចសំខាន់ៗរួមមាន៖

ទី១) សម្ដេចតេជោនាយករដ្ឋមន្ត្រីបានស្នើដល់ភាគីចិនក្នុងការគាំទ្រដល់ការអភិវឌ្ឍនៅខេត្តព្រះសីហនុ ដោយសារក្រុមហ៊ុនជាច្រើនរបស់ចិននឹងត្រូវធ្វើការវិនិយោគនៅក្នុងខេត្តព្រះសីហនុ។

ឯកឧត្តមនាយករដ្ឋមន្ត្រីចិន បានគាំទ្រចំពោះគម្រោងនៃការអភិវឌ្ឍន៍នៃខេត្តព្រះសីហនុនេះ ហើយឯកឧត្តមមានប្រសាសន៍ថា ប្រទេសទាំងពីរនឹងធ្វើការពិភាក្សាគ្នា ជាពិសេសលើជំនួយឥតសំណងដើម្បីជួយដល់ការអភិវឌ្ឍនៃខេត្តព្រះសីហនុនេះ។

ទី២) ទាក់ទងនឹងកិច្ចប្រជុំលើកទី៥គណៈកម្មាធិការនៃអន្តររដ្ឋាភិបាលកម្ពុជា-ចិន ដោយសម្ដេចតេជោបានស្នើឱ្យមានជំនួបនេះមុនបំណាច់ឆ្នាំ២០១៩ខាងមុខនេះ ដែលគ្រោងនឹងធ្វើនៅឯខេត្តព្រះសីហនុនោះ។

ឯកឧត្តមនាយករដ្ឋមន្ត្រីចិន បានមានប្រសាសន៍ថា ចិននឹងគាំទ្រក្នុងការរៀបចំនៃកិច្ចប្រជុំនេះដើម្បីពិភាក្សាទាក់ទងនឹងរឿងថវិកានៃប្រទេសទាំងពីរផងដែរ។

ទី៣) ទាក់ទងទៅនឹងកិច្ចប្រជុំអនុតំបន់ដែលមានយន្តការពីរ នោះមានយន្តការនៃកិច្ចសហប្រតិបត្តិការទន្លេឡានឆាង និងទន្លេមេគង្គដែលគ្រោងធ្វើនៅទីក្រុងវៀងច័ន្ទប្រទេសឡាវក្នុងឆ្នាំក្រោយនេះ និងកិច្ចប្រជុំកំពូលអនុតំបន់ទន្លេមេគង្គដែលត្រូវប្រជុំនៅឆ្នាំក្រោយដែរ។ ហើយប្រទេសកម្ពុជា និងចិន នឹងសហការគ្នាដើម្បីឱ្យកិច្ចប្រជុំនេះនៅឆ្នាំក្រោយទទួលបានភាពល្អប្រសើរ ហើយក្រសួងការបរទេសនៃប្រទេសទាំងពីរ នឹងធ្វើកិច្ចការងារនេះជាបណ្តើរៗ។

ក្រៅពីនោះទៀតពាក់ព័ន្ធនៅខេត្តព្រះសីហនុនៅឆ្នាំនេះជាឆ្នាំ ដែលប្រទេសកម្ពុជា និងប្រទេសចិន បានឯកភាពនូវការអនុវត្តកិច្ចសហប្រតិបត្តិការទៅលើច្បាប់ ដែលប្រទេសទាំងពីរបានឯកភាពគ្នា ហើយកន្លងមកបានឯកភាពនិងរួមគ្នាក្នុងការអនុវត្តច្បាប់នៃប្រទេសទាំងពីរផងដែរ៕

តោះស្វែងយល់ពីផែនការ ១៤ចំណុចធំៗនៃគម្រោងអភិវឌ្ឍន៍រាជភ្នំពេញ

ដោយ គង់ សូរិយា

ភ្នំពេញ៖ ប្លង់គោលរាជធានីភ្នំពេញ ដែលត្រូវបានរាជរដ្ឋាភិបាលអនុម័តជាផ្លូវការកាលពីប៉ុន្មានឆ្នាំមុន បានបែកចែករាជធានីចំណាស់នេះជា១៤ តំបន់ខុសៗគ្នា តាមលក្ខណៈប្រជាសាស្រ្ត សេដ្ឋកិច្ច និងកំណើននគរូបនីយកម្ម។

យោងតាមសេចក្តីព្រាងប្លង់គោលរាជធានីភ្នំពេញ ដែល propertyarea.asia សូមលើកយកមកបង្ហាញជាថ្មីបានបង្ហាញថា រដ្ឋាភិបាលបានកំណត់លក្ខណៈវិនិច្ឆ័យលើ១៤ចំណុច ដូចជា ទី១ ទម្រង់សេដ្ឋកិច្ចរាជធានីភ្នំពេញ ទី២ការដឹកជញ្ជូន ទី៣ ទីផ្សារអចលនវត្ថុ ទី៤ ទីផ្សារអចលនទ្រព្យ ទី៥ សង្កាត់មិនរៀបរយ ទី៦ ការកកើតនិងការរីកចំរើនរបស់ទីក្រុងពីឆ្នាំ១៨៥០ ដល់ឆ្នាំ១៩៩៣ ទី៧ លក្ខណៈសម្បត្តិរូបសាស្រ្តនិងតួនាទីលំហក្រុង ទី៨ សន្ទុះនិងបុគ្គលិកលក្ខណៈភ្នំពេ ញ ទី៩ ទេសភាព និងសមាសភាគទីក្រុង ទី១០ កសិកម្មនិងនគរូបនីយកម្ម ទី១១ ហេដ្ឋារចនាសម្ព័ន្ឋទីក្រុង ទី១២ មធ្យោបាយនិងសេវាសាធារណៈ ទី១៣ និន្នាការនិងទស្សនវិស័យនៃនគរូបនីយកម្មភ្នំពេញ និងទី១៤ ទស្សនវិស័យសេដ្ឋកិច្ចសង្គមនិងលំហ។

ប្លង់គោលរាជធានីភ្នំពេញ ត្រូវបានអនុម័តកាលពីឆ្នាំ២០១៥ តាមរយៈអនុក្រិតស្តីពី “ការដាក់ឲ្យអនុវត្តប្លង់គោល ប្រើប្រាស់ដីរាជធានីភ្នំពេញឆ្នាំ២០៣៥”។

យោងតាមមាត្រា២ នៃអនុក្រិតលេខ៧៧ អនបប្រក ចុះថ្ងៃទី៧ មិថុនាឆ្នាំ២០១២ បានកំណត់ថា ប្លង់គោលប្រើប្រាស់ដីថ្នាក់រាជធានី ខេត្ត ក្រុង ស្រុក ខ័ណ្ឌជាផែនការកំណត់ចក្ខុវិស័យនិងយុទ្ឋសាស្រ្តរួម សម្រាប់ការអភិវឌ្ឈផ្នែករូបវ័ន្តហេដ្ឋារចនាសម្ព័ន្ឋ និងគមនាគមន៍សំខាន់ៗ និងធ្វើសមាហរណកម្មថ្នាក់រាជធានី ថ្នាក់ស្រុក ថ្នាក់ខ័ណ្ឌទៅនឹងតំបន់និងថ្នាក់ជាតិ។

អតីតអភិបាលរាជធានីភ្នំពេញ លោកប៉ា សុជាតិវង្សបានថ្លែងថា “គោលដៅប្រើប្រាស់ដីរាជធានីភ្នំពេញឆ្នាំ២០៣៥ ជាឯកសារយុទ្ឋសាស្រ្តបំរើឲ្យមហិច្ឆតារបស់រាជរដ្ឋាភិបាល ក៏ដូចជាសាលារាជធានីភ្នំពេញមានគោលដៅ និងទស្សនវិស័យដល់ឆ្នាំ២០៣៥ ក្នុងការគ្រប់គ្រង និងតំរង់ទិសការអភិវឌ្ឈសេដ្ឋកិច្ច ក្នុងព្រំប្រទល់រដ្ឋបាលរាជធានី និងតំបន់ប្រជុំជនពាក់ព័ន្ឋទាំងទ្បាយនៅជាប់ជុំវិញ ឆ្លើយតបបាននឹងកំនើននៃការវិនិយោគឯកជន និងចំនួនប្រជាជនក្នុងរាជធានី តាមរយៈការតំរង់ទិស និងជំរុញការវិនិយោគសាធារណៈស្របតាមរបបសេដ្ឋកិច្ចទីផ្សារសេរី និងអភិវឌ្ឈន៍តាមបែបប្រជាធិបតេយ្យថ្នាក់ក្រោមជាតិ”។

លោកម៉េង ប៊ុណ្ណារិទ្ឋមន្រ្តីជាន់ខ្ពស់ក្រសួងរៀបចំដែនដី នគរូបនីយកម្មនិងសំណង់បានថ្លែងថា ក្នុងប្លង់គោលនេះបានរៀបចំរាជធានីភ្នំពេញប្រមាណ១៥តំបន់ខុសៗគ្នា ដូចជាតំបន់ពាណិជ្ជកម្ម តំបន់លំនៅដ្ឋាន តំបន់ឧស្សាហកម្ម តំបន់កសិកម្មតំបន់ដែលត្រូវអភិរ័ក្សជាដើម ប៉ុន្តែនៅពេលប្លង់គោលនេះត្រូវសិក្សាលំអិត តំបន់និមួយៗអាចនឹងមានច្រើនជាងនេះ អាស្រ័យលើស្ថានភាពជាក់ស្តែង។

នៅពេលសាកសួរថាតើទីក្រុងភ្នំពេញ នឹងត្រូវពង្រីកបន្ថែមទៀតឬយ៉ាងណាលោកម៉េង ប៊ុណ្ណារិទ្ឋបានថ្លែងថា “នៅពេលនយោបាយកម្ពុជានៅតែមានស្ថិរភាព សេដ្ឋកិច្ចកម្ពុជាបន្តកើនទ្បើង និងមានកំណើននៃការអភិវឌ្ឈ ការពង្រីកក្រុងអាចត្រូវ ពិនិត្យតាមស្ថានភាពជាក់ស្តែងរៀងរាល់៥ឆ្នាំម្តង”។

លោកបន្ថែមថា“ប្លង់របស់យើងអាចមានការលំអៀង ដូច្នេះការពង្រីកទីក្រុងនឹងត្រូវសិក្សាទ្បើងវិញ តាមស្ថានភាពជាក់ស្តែងនៃការរីកចំរើននគរូបនីយកម្ម និងកំណើនប្រជាសាស្រ្ត”។ លោកច្រឹក សុខនីមអគ្គនាយកក្រុមហ៊ុន Century21 Mekong បានថ្លែងថា នេះជាដំណឹងដ៏ល្អ ដែលយើងបានរង់ចាំរាប់ឆ្នាំមកហើយ។

គ្រប់ទីក្រុងធំៗ នៅតាមបណ្តាប្រទេសនៅលើពិភពលោកសុទ្ឋតែមានប្លង់គោល នៅទ្បើយតែកម្ពុជាមិនទាន់មាន។ ដូច្នេះការមានប្លង់គោលជាការប្រសើរណាស់ ព្រោះទី១ អាចបង្ហាញពីរចនាសម្ព័ន្ឋទីក្រុងច្បាស់លាស់ថា ត្រូវសាងសង់អ្វី និងជាការងាយស្រួលដែលយើងបង្ហាញពីប្លង់គោលទីក្រុងរបស់យើងទៅអ្នកវិនិយោគ។

ទី២ អាចដឹងពីតំបន់ណាត្រូវធ្វើអ្វី និងកសាងអាគារកំពស់ប៉ុណ្ណា ទី៣ អាចកាត់បន្ថយការសាងសង់សំណង់អាណាធិបតេយ្យ និងទី៤ អាចកាត់បន្ថយផលរំខាននានាលើការសាងសង់លំនៅដ្ឋាន និងទ្រព្យសម្បត្តិសាធារណៈ៕

CDC អនុម័តទុនវិនិយោគចំនួនជាង ១២០លានដុល្លារអាមេរិក

ដោយ: រ៉ាណេត

ភ្នំពេញៈ រដ្ឋាភិបាលកម្ពុជាតាមរយៈក្រុមប្រឹក្សាអភិវឌ្ឍន៍កម្ពុជា (CDC) បានអនុម័តទុនវិនិយយោគចំនួន១២០,៤លានដុល្លារអាមេរិក លើគម្រោងវិនិយោគចំនួន១៤នៅចុងឆ្នាំ២០១៩នេះ។

យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាបានបង្ហាញថា តាមសំណើសុំវិនិយោគរបស់ក្រុមហ៊ុនគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជាបានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុនចំនួន១៩ធ្វើការវិនិយោគនៅកម្ពុជា ដែលក្រុមហ៊ុនទាំងនោះមាន ដូចជា ទី១– “SUNRISE FASHION (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ ស្រោមខ្នើយ និងស្រោមពូក ដែលមានទីតាំងវិនិយោគស្ថិតនៅផ្លូវជាតិលេខ៣ ភូមិពោធិ៍អង្គ្រង ស្រុកបរសេដ្ឋ ខេត្តកំពង់ស្ពឺ មានទុនវិនិយោគប្រមាណ ៣,៥លានដុល្លារអាមេរិក និងអាចបង្កើតការងារបានចំនួន ១.២៥៥កន្លែង។

២– “YONG LI HUA DEVELOPMENT CO., LTD”គម្រោងបង្កើតរោងចក្រកាត់ដេរសម្លៀកបំពាក់ ស្រោមដៃ មួកនិងកាបូបយួរដៃ ដែលមានទីតាំងវិនិយោគស្ថិតនៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ២,៧លានដុល្លារអាមេរិកនិងអាចបង្កើតការងារបានចំនួន ៨២៨កន្លែង។

៣) “Cordy Intelligent Technology (CAMBODIA) CO.,LTD.”: គម្រោងបង្កើតរោងចក្រផលិតផលិតផលធ្វើអំពីប្លាស្ទិក និងគ្រឿងបន្ទាប់បន្សំរបស់ម៉ូទ័រ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ មានទុនវិនិយោគប្រមាណ ១,១លានដុល្លារអាមេរិក និងអាចបង្កើតការងារបានចំនួន៥៦កន្លែង។

៤) “Zhejiang Hengsen Furniture CO.,LTD.”: គម្រោងបង្កើតរោងចក្រផលិតគ្រឿងសង្ហារឹម មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជីមានទុនវិនិយោគចំនួន១,៥លានដុល្លារអាមេរិក និងអាចបង្កើតការងារបានចំនួន ៦៦៦កន្លែង។

៥) “Great Cabinets (CAMBODIA) CO.,LTD.”: គម្រោងបង្កើតរោងចក្រផលិតផលិតផលទូផ្ទះបាយ មានទីតាំងវិនិយោគស្ថិត នៅក្នុងតំបន់សេដ្ឋកិច្ចពិសេស ក្រុងព្រះសីហនុ មានទុនវិនិយោគចំនួន៣លានដុល្លារអាមេរិក និងអាចបង្កើតការងារបានចំនួន ៤៥កន្លែង។

៦) “Gold Sail (Cambodia) Building Materials Manufacturing CO.,LTD.”: គម្រោងបង្កើតរោងចក្រផលិតទ្វា និងបង្អួចធ្វើអំពីអាលុយមីញ៉ូម មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ មានទុនវិនិយោគចំនួន៣លានដុល្លារអាមេរិក និងអាចបង្កើតការងារបានចំនួន២២កន្លែង។

៧) “Forda (Cambodia) Food CO.,LTD.”: គម្រោងបង្កើតរោងចក្រផលិតដំណាប់ផ្លែឈើ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ មានទុនវិនិយោគចំនួន៦លានដុល្លារអាមេរិក និងអាចបង្កើតការងារបានចំនួន២៥៧កន្លែង។

៨) “Huakang Packaging Technology CO.,LTD.”: គម្រោងបង្កើតរោងចក្រផលិតថង់ផ្លាស្ទិក មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជីមានទុនវិនិយោគចំនួន៩,៥លានដុល្លារអាមេរិក និងអាចបង្កើតការងារបានចំនួន ២៧៤កន្លែង។

៩) “F.P.Z Furniture (Cambodia) CO.,LTD.”: គម្រោងបង្កើតរោងចក្រផលិតគ្រឿងសង្ហារឹម មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជីមានទុនវិនិយោគចំនួន១៥លានដុល្លារអាមេរិក និងអាចបង្កើតការងារបានចំនួន ១.២២៥កន្លែង។

១០– “M.H.K.Y Manufactures CO., LTD” គម្រោងបង្កើតរោងចក្រផ្គុំដំឡើងម៉ូតូ និងម៉ូតូកង់បី ដែលមានទីតាំងវិនិយោគស្ថិតនៅភូមិឫស្សីជ្រោយ ឃុំឫស្សីជ្រោយ ស្រុកមុខកំពូលខេត្តកណ្តាល មានទុនវិនិយោគប្រមាណ ២,២លានដុល្លារអាមេរិក និងអាចបង្កើតការងារបានចំនួន៩១កន្លែង។

១១– “ZHENG MENG Cosmetics CO., LTD” គម្រោងបង្កើតរោងចក្រផលិតគ្រឿងសំអាង ដែលមានទីតាំងវិនិយោគស្ថិតនៅដីឡូតិ៍លេខ៨៦០ ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ២,៤លានដុល្លារអាមេរិក និងអាចបង្កើតការងារបានចំនួន ៦៣កន្លែង។

១២– “BRIDGE INDUSTRY (CAMBODIA) CO., LTD”គម្រោងបង្កើតរោងចក្រផលិតសម្ភារៈបរិក្ខារបម្រើឱ្យ វិស័យសំណង់ ដែលមានទីតាំងវិនិយោគស្ថិតនៅភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ មានទុនវិនិយោគប្រមាណ២,៧លានដុល្លារអាមេរិក និងអាចបង្កើតការងារបានចំនួន ២៧១កន្លែង។

១៣– “HONGFAXIANG INDUSTRIAL CO., LTD”គម្រោងបង្កើតរោងចក្រផលិតកាបូបគ្រប់ប្រភេទ និងគ្រឿងផ្សំកាបូប ដែលមានទីតាំងវិនិយោគស្ថិតនៅភូមិព្រៃគោ ឃុំលំហាចស្រុកអង្គស្នួល ខេត្តកណ្តាល មានទុនវិនិយោគប្រមាណ៣,៩លានដុល្លារអាមេរិក និងអាចបង្កើតការងារបានចំនួន២.៥២៧កន្លែង។

១៤– “HON CHUAN (CAMBODIA) CO., LTD”គម្រោងបង្កើតរោងចក្រផលិតសំបកដបប្លាស្ទីក គំរបដបប្លាស្ទីកនិងផ្លាកសញ្ញាបិទលើដបគ្រប់ប្រភេទ ដែលមានទីតាំងវិនិយោគស្ថិតនៅផ្ទះលេខ៤៤ ផ្លូវជាតិលេខ៤ ក្រុម៥ ភូមិត្រពាំងគល់សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៤,៧លានដុល្លារអាមេរិក និងអាចបង្កើតការងារបានចំនួន ៦៣កន្លែង៕

ចំណេះដឹង! តើការអនុវត្តនីតិវិធីឆ្លងកាត់ មានបែបបទយ៉ាងដូចម្តេច?

ដោយវុត្ថា

ភ្នំពេញៈ ការឆ្លងកាត់គយគឺជានីតិវិធីគយ ដែលអនុញ្ញាតឲ្យដឹកទំនិញពីការិយាល័យគយមួយ ទៅការិយាល័យគយមួយទៀត ក្រោមការត្រួតពិនិត្យរបស់គយដោយព្យួរពន្ធនិងអាករនាំចូល។

ការឆ្លងកាត់មានពីរ (២)ប្រភេទគឺ៖ ការឆ្លងកាត់ជាតិ និងការឆ្លងកាត់អន្តរជាតិ។

ការអនុវត្តនីតិវិធីឆ្លងកាត់ជាតិដូចខាងក្រោម៖

ក.ទំនិញនាំចូលឆ្លងកាត់ទៅផែស្ងួត

• ប្រតិបតិ្តករត្រូវទទួលការអនុញ្ញាតជាមុនពី អគ្គនាយកដ្ឋានគយ និងរដ្ឋាករ(អគរ) ដើម្បីអនុវត្តនីតិវិធីនៃការឆ្លងកាត់គយ។

• ជើងសាគយត្រូវបំពេញប្រតិវេទន៍គយ បំព្រួញនៅការិយាល័យចេញដំណើរ។

• មន្ត្រីគយទទួលបន្ទុកគ្រប់គ្រងនិវេទន៍ប័ណ្ណទំនិញ កាត់កុងតឺន័រចេញពីបញ្ជីស្តុកកុងតឺន័រ។

• កុងតឺន័រអាចត្រូវស្កែននៅការិយាល័យចេញដំណើរឬការិយាល័យគយណាមួយនៅភ្នំពេញ។

• ក្នុងករណីមានភាពមិនប្រក្រតី មន្រ្តីគយមានសមត្ថកិច្ចត្រូវបោះត្រា និងបញ្ជាក់នីតិវិធីគយឆ្លងកាត់ ដោយកំណត់ល័ក្ខខ័ណ្ឌមួយចំនួន ដូចជា តម្រាយផ្លូវស្របច្បាប់និងរយៈពេលឆ្លងកាត់ហើយកិប សៀលគយ។

• ប្រធានការិយាល័យចេញដំណើរចុះហត្ថលេខាបញ្ចប់បែបបទឆ្លងកាត់

• មន្រ្តីគយអនុញ្ញាតឲ្យកុងតឺន័រចេញទៅផែស្ងួត។

ខ.ទំនិញនាំចូលឆ្លងកាត់ទៅតំបន់សេដ្ឋកិច្ចពិសេស

• ប្រតិបតិ្តករត្រូវធ្វើលិខិតស្នើសុំ ទៅការិយាល័យចេញដំណើរដើម្បីដឹកជញ្ជូនទំនិញក្រោមរបបឆ្លងកាត់ជាតិមកតំបន់សេដ្ឋកិច្ចពិសេស។ លិខិតស្នើសុំនេះ ត្រូវមានការបញ្ជាក់ពីតំណាងអគ្គនាយកដ្ឋានគយនិងរដ្ឋាករប្រចាំតំបន់សេដ្ឋកិច្ចពិសេស។

• ជើងសាគយត្រូវបំពេញប្រតិវេទន៍គយបំព្រួញនៅការិយាល័យចេញដំណើរ

• មន្ត្រីគយទទួលបន្ទុកគ្រប់គ្រងនិវេទន៍ប័ណ្ណទំនិញ កាត់កុងតឺន័រចេញពីបញ្ជីស្តុកកុងតឺន័រ។

• ក្នុងករណីពុំមានភាពមិនប្រក្រតី មន្រ្តីគយមានសមត្ថកិច្ចត្រូវបោះត្រា និងបញ្ជាក់នីតិវិធីគយឆ្លងកាត់ ដោយកំណត់ល័ក្ខខ័ណ្ឌមួយចំនួន ដូចជា តម្រាយផ្លូវស្របច្បាប់ និងរយៈពេលឆ្លងកាត់ហើយកិប សៀលគយ។

• ប្រធានការិយាល័យចេញដំណើរចុះហត្ថលេខាបញ្ចប់បែបបទឆ្លងកាត់

• មន្រ្តីគយអនុញ្ញាតឲ្យកុងតឺន័រចេញទៅតំបន់សេដ្ឋកិច្ចពិសេស។

គ.ទំនិញនាំចេញឆ្លងកាត់ទៅមាត់ច្រកចេញ

• មន្ត្រីគយនិងរដ្ឋាករមានសមត្ថកិច្ចប្រចាំការមាត់ច្រកចេញត្រួតពិនិត្យប្រក្រតីភាពនៃសៀលគយលើ មធ្យោបាយដឹកជញ្ជូន ឬកុងតឺន័រឆ្លងកាត់ ដោយផ្ទៀងផ្ទាត់ជាមួយឯកសារឆ្លងកាត់។ ក្នុងករណីយល់ថា ពុំមានភាពមិនប្រក្រតី មន្រ្តីគយកាត់សៀលគយចេញ មុននឹងអនុញ្ញាតឲ្យដឹកជញ្ជូនចេញ។

• មន្ត្រីគយនិងរដ្ឋាករមានសមត្ថកិច្ចប្រចាំការមាត់ច្រក បោះត្រា’បានកាត់សៀលគយរួច” និងចុះហត្ថលេខា លើកំណត់ហេតុរួមស្តីពី ការត្រួតពិនិត្យទំនិញវាយនភ័ណ្ឌនាំចេញ ដែលមានចុះហត្ថលេខារវាងមន្ត្រីគយនិងរដ្ឋាករ នៃសាខាគយនិងរដ្ឋាករនាំចេញ និងម ន្ត្រីកាំកុងត្រូល នៃការិយាល័យកាំកុងត្រូលផែស្ងួត។

ការឆ្លងកាត់អន្តរជាតិ

ការឆ្លងកាត់អន្តរជាតិ គឺជាការដឹកជញ្ជូនទំនិញពីការិយាល័យគយ មាត់ច្រកចូល ចូលទៅក្នុងដែនគយ ឆ្ពោះទៅកាន់ការិយាល័យគយមាត់ច្រកចេញ ចេញទៅក្រៅដែនគយ។ប្រតិបត្តិករត្រូវទទួលការអនុញ្ញាត ពីអគរ ដើម្បីអនុវត្តនីតិវិធីឆ្លងកាត់អន្តរជាតិ និងត្រូវអនុវត្តតាមនីតិវិធីដូចខាងក្រោម៖

ក.នៅមាត់ច្រកចូល

• ជើងសាគយត្រូវបំពេញប្រតិវេទន៍គយ បំព្រួញនៅការិយាល័យចេញដំណើរ។

• មន្រ្តីគយនិងរដ្ឋាករមានសមត្ថកិច្ចត្រូវបំពេញក្នុងផ្នែកA និង C នៃប្រតិវេទន៍គយ។ ក្នុងករណីពុំមានភាពមិនប្រក្រតី មន្រ្តីគយមានសមត្ថកិច្ចត្រូវបោះត្រា និងបញ្ជាក់នីតិវិធីគយឆ្លងកាត់ដោយកំណត់ល័ក្ខខ័ណ្ឌ មួយចំនួនដូចជា តម្រាយផ្លូវស្របច្បាប់និងរយៈពេលឆ្លងកាត់ហើយកិប សៀលគយ។

ខ.នៅមាត់ច្រកចេញ

• ប្រតិបត្តិករនីតិវិធីនៃការឆ្លងកាត់គយ ឬ តំណាងរបស់ខ្លួនបង្ហាញប្រតិវេទន៍គយបំព្រួញ ជូនដល់មន្រ្តីគយនិងរដ្ឋាករមានសមត្ថកិច្ច។

• មន្ត្រីគយនិងរដ្ឋាករមានសមត្ថកិច្ចនាមាត់ច្រកចេញត្រួតពិនិត្យនូវប្រក្រតីភាពនៃត្រា ឬ សៀលគយលើមធ្យោបាយដឹកជញ្ជូន ឬកុងតឺន័រឆ្លងកាត់។ ក្នុងករណីយល់ថាពុំមានភាពមិនប្រក្រតី មន្ត្រីគយ និងរដ្ឋាករ បញ្ជាក់នៅក្នុងផ្នែកD នៃប្រតិវេទន៍គយ រួចកាត់ត្រា ឬ សៀលគយចេញ មុនអនុញ្ញាតឲ្យដឹកជញ្ជូនឆ្លងកាត់ប្រទេសទីបី៕

ក្រុមហ៊ុន Allianz បោះទុនជាង១ពាន់លានអឺរ៉ូលើវិស័យអចលនទ្រព្យនៅតំបន់អាស៊ី

ដោយវុត្ថា

ភ្នំពេញៈ ក្រុមហ៊ុនអចលនទ្រព្យ Alpha Investment Partners (Alpha) និងក្រុមហ៊ុន Allianz Real Estate គ្រោងចុះហត្ថលេខារួមគ្នា លើការវិនិយោគវិស័យចលនទ្រព្យ នៅក្នុងតំបន់អាស៊ីក្នុងទំហំទឹកប្រាក់ប្រមាណ១ពាន់លានអឺរ៉ូ។

យោងតាមលក្ខខណ្ឌ នៃកិច្ចព្រមព្រៀងរបស់ក្រុមហ៊ុនAllianz និង Alpha Asia Macro Trends Fund III ដែលគ្រប់គ្រងដោយក្រុមហ៊ុន Alpha នឹងទទួលបានភាគហ៊ុន ៨៥ភាគរយ នៅក្នុងមជ្ឈមណ្ឌលបច្ចេកវិទ្យា Ronsin ទីក្រុងប៉េកាំង ដែលជាអគារការិយាល័យថ្នាក់ទី១ នៅទីក្រុង Wangjing ទីក្រុងប៉េកាំង។

ក្រុមហ៊ុន ប្រតិបត្តិករ D&J ចិនដែលមានមូលដ្ឋាននៅប្រទេសចិន នឹងរក្សាការប្រាក់១៥ភាគរយ ដែលនៅសេសសល់ក្នុងមជ្ឈមណ្ឌលបច្ចេកវិទ្យា Ronsin ។ សម្រាប់ក្រុមហ៊ុន Allianz ដែលជាវិនិយោគិនម្នាក់ នៅក្នុងមូលនិធិនេះនឹងរក្សាចំណែកភាគហ៊ុន ៦២%នៃការបណ្តាក់ទុនរួមគ្នា។ នៅពេលបញ្ចប់កិច្ចព្រមព្រៀង អគារការិយាល័យនឹងត្រូវសហការគ្នាដោយភាគីទាំងបី។

អគារមជ្ឈមណ្ឌលបច្ចេកវិទ្យា Ronsin ដែលបានបញ្ចប់នៅខែមីនាឆ្នាំ ២០១៨ មានអគារការិយាល័យចំនួន៦ និងកន្លែងលក់រាយចំនួន២។

នាយកប្រតិបត្តិក្រុមហ៊ុន Allianz អាស៊ី – ប៉ាស៊ីហ្វិកលោក Rushabh Desai ឱ្យដឹងថា នេះគឺជាការបន្តយុទ្ធសាស្រ្តវិនិយោគរបស់ ក្រុមហ៊ុន Allianz ក្នុងការបែងចែក ៥០–៦០% នៃអចលនទ្រព្យនៅអាស៊ីប៉ាស៊ីហ្វិករបស់ខ្លួន ទៅកាន់ទីផ្សារដែលមានការរីកចម្រើនលឿនដូចជាចិន និងឥណ្ឌា។ ទីក្រុងប៉េកាំង កំពុងបង្ហាញនូវភាពធន់ទ្រាំខ្លាំង ចំពោះការប្រែប្រួលទីផ្សារ ក្នុងទីផ្សារពិភពលោកនាពេលបច្ចុប្បន្ន”។

លោក Sun Dong Ping នាយកប្រតិបត្តិក្រុមហ៊ុន D&J ចិនបានឱ្យដឹងថា ភាពជាដៃគូនេះ គឺជាការយល់ព្រមដ៏គួរឱ្យកត់សម្គាល់ចំពោះគុណភាព និងតម្លៃនៃទ្រព្យសម្បត្តិទ្រព្យសម្បត្តិគំរូអាជីវកម្ម ដែលបានបង្ហាញឱ្យឃើញ និងសមត្ថភាពគ្រប់គ្រងទ្រព្យសម្បត្តិដ៏រឹងមាំរបស់យើង”។

លោកបន្តថា ក្រុមហ៊ុន D&J ចិនមានសេចក្តីសោមនស្សរីករាយ ដែលបានចូលរួមក្នុងភាពជាដៃគូយុទ្ធសាស្រ្តនេះជាមួយក្រុមហ៊ុន Allianz និង Alpha Investment Partners។ យើងមានមោទនភាពចំពោះមជ្ឈមណ្ឌលបច្ចេកវិទ្យាRonsinដែលបានក្លាយជាទ្រព្យមួយដ៏សំខាន់នៅក្នុងទីផ្សារអនុវ៉ាងជេង។

សម្រាប់ក្រុមហ៊ុន Allianz ការវិនិយោគនេះគឺជាការវិនិយោគលើកទី២ របស់ខ្លួននៅទីក្រុងប៉េកាំង ហើយដែលវាគឺជាអ្នកគ្រប់គ្រងទ្រព្យសម្បត្តិរួម ដោយបានទទួលភាគហ៊ុនចំនួន៩៨% នៅក្នុងអគារការិយាល័យលំដាប់ ZLink នៅ Zhongguancun ក្នុងឆ្នាំ ២០១៨។

ស្របពេលដែលទាំងកិច្ចព្រមព្រៀងវិនិយោគរួមគ្នា និងកិច្ចព្រមព្រៀងលក់និងទិញត្រូវបានបញ្ចប់គេរំពឹងថា ប្រតិបត្តិការនេះ នឹងត្រូវបញ្ចប់នៅចុងឆ្នាំ ២០១៩ ។

កាលពីដើមខែតុលាឆ្នាំ២០១៩ ដៃគូអចលនទ្រព្យ Blackstone បានប្រកាសពីផែនការពង្រីកវត្តមានរបស់ខ្លួននៅអាមេរិក តាមរយៈការទទួលបានទ្រព្យក្នុងតម្លៃ ៥,៩ ពាន់លានដុល្លារ៕