ស្តេចប្រដាល់ Manny Pacquiao គ្រោងសាងសង់មណ្ឌលសុខភាពមួយដ៏ទំនើបមួយនៅស្រុកកំណើតរបស់ខ្លួន

July 20, 2019

ដោយ វុត្ថា

ភ្នំពេញៈ Manny Pacquiao ស្ដេចប្រដាល់លំដាប់កំពូលពិភពគ្រោងសាងសង់មជ្ឈមណ្ឌលសុខភាពដ៏ទំនើលំដាប់ពិភពលោក ដូចសណ្ឋាគារលំដាប់ផ្កាយ សម្រាប់ប្រជាជនរបស់ខ្លួននៅក្នុងទីក្រុង General Santos ដែលជាទីក្រុងកំណើតរបស់ខ្លួន។

ជាស្តេចប្រដាល់ និងជាមហាសេដ្ឋីម្នាក់នៅក្នុងប្រទេសហ្វីលីពីន លោក Many Pacquiao ធ្លាប់បានប្រកាសថា ខ្លួននឹងជួយជ្រោមជ្រែង និងជួយដល់ស្រុកកំណើតរបស់ខ្លួនកាលពីកន្លងមកនេះ តែយ៉ាងណាក៏ដោយគេមិនទាន់ដឹងពីថវិកា ដែលត្រូវចំណាយលើការសាងសង់នូវមណ្ឌលសុខភាពដ៏ទំនើបនេះនៅឡើយទេ។

នៅពេលអ្នកប្រដាល់អាជីពរូបនេះ ជាប់ជាសមាជិកព្រឹទ្ឋសភា លោកបានយកចិត្តទុកដាក់ផ្តោតលើវិស័យសុខភាព សុខភាព និងសុខុមាលភាពរបស់ប្រជាពលរដ្ឋក្នុងទីក្រុង General Santos ហើយក៏បានដាក់ចេញនូវគម្រោងសាងសង់ មជ្ឈមណ្ឌលសុខភាពខ្នាតអន្តរជាតិ សម្រាប់បម្រើសេវាសុខភាពជូនប្រជាជនក្រីក្រក្នុងទីក្រុង General Santos ព្រមទាំងប្រជាជនក្រៅពីទីក្រុងនេះផងដែរ។

តាមរូបភាពដែលគេបានបង្ហោះតាមបណ្ដាញសង្គម Facebook មជ្ឈមណ្ឌលសុខភាព ដែលស្ដេចប្រដាល់ពិភពលោករូបនេះ គ្រោងនឹងសាងសង់នេះ មានឈ្មោះថា Manny Pacquiao Medical Center ដែលនឹងត្រូវចំណាយលុយច្រើន លើគម្រោងមួយនេះ ដោយសារមានការការរចនាប្លងអគារគួរឲ្យទាក់ទាញ ប្រៀបបានទៅនឹងសណ្ឋាគារលំដាក់ផ្កាយ។

Manny Pacquiao គឺជាមនុស្សម្នាក់ ក្នុងចំណោមជនជាតិហ្វីលីពីន២ ទៅ៣នាក់ដែលមានលុយប្រមាណ ៦០.៥លានដុល្លារអាមេរិក ។ កាលពីពេលថ្មីនេះ ស្តេចប្រដាល់ពិភពលោករូបនេះបានប្រកាសឱ្យដឹងថា លោកមានលុយប្រមាណ ៦៧.៤លានដុល្លារអាមេរិក។

ជារឿយៗស្តេចប្រដាល់រូបនេះ តែងតែលើការចំណាយជួយទុក្ខធុរៈ និងដោះស្រាយលើការសាងសង់ផ្ទះជូនប្រជាពលរដ្ឋ ដែលមានស្ថានភាពក្រីក្រជាច្រើនផងដែរ។

មិនត្រឹមតែប៉ុណ្ណោះ ស្តេចប្រដាល់ប្រកួតកម្រចាញរូបនេះ បានប្រកាសលើទំព័រហ្វេសប៊ុកផ្លូវការរបស់លោកថា នឹងសាងសង់ផ្ទះ១ចំនួនខ្នង ដល់ប្រជាជនហ្វីលីពីន ដែលមានជីវភាពទីទល់ក្រីក្រនៃស្រុកកំណើតរបស់លោក។

កីឡាករ Manny Pacquiao នឹងឡើងសង្វៀនម្តងទៀត នៅលើទឹកដីអាមេរិក នៅសប្តាហ៍នេះ ដើម្បីប្រកួតដណ្តើមខ្សែក្រវាត់ទម្ងន់មធ្យម របស់សមាគមប្រដាល់អន្តរជាតិ (WBA) គឺកីឡាករ Keith Thurman។

កីឡាករ Keith Thurman ជាកឡាករប្រដាល់របស់អាមេរិក ដែលមិនទាន់ស្គាល់រសជាតិថាបរាជ័យនៅឡើយទេ ។ ប្រវត្តិប្រកួតរបស់គេ បានចំនួន២៩ដង គឺឈ្នះរហូត ហើយបានផ្ដួលដៃគូឲ្យសន្លប់បានចំនួន២២ដង។

ចំណែកស្តេចប្រដាល់ហ្វីលីពីន Manny Pacquiaoវិញ ប្រវត្តិប្រកួតចុងក្រោយ កាលពីថ្ងៃទី១៩ ខែមករា ឆ្នាំ២០១៩ បានយកឈ្នះលើកីឡាករអាមេរិក Adrien Broner ក្រោយចប់ការប្រកួត១២ទឹក នៅសង្វៀនសហរដ្ឋអាមេរិក។ ស្តេចប្រដាល់ Manny Pacquiao ធ្លាប់ប្រកួតបាន៧០ដង ក្នុងនោះឈ្នះ៦១ដង ហើយផ្តួលដៃគូឲ្យសន្លប់៣៩ដង៕

តំបន់កោះនានានៅតាមដែនសមុទ្រកម្ពុជាកាន់តែបង្ហាញសក្តានុពលក្នុងការអភិវឌ្ឍវិស័យអចលនទ្រព្យ

July 20, 2019

0

ដោយគង់ សូរិយា

ភ្នំពេញៈ អ្នកជំនាញក្នុងវិស័យអចលនទ្រព្យកម្ពុជាបាននិយាយថា សក្តានុពលនៃបណ្តាកោះ ក្នុងដែនសមុទ្រកម្ពុជានឹងអាចធ្វើឱ្យទីផ្សារអចលនទ្រព្យ និងវិស័យទេសចរណ៍មានសន្ទុះឡើងកើនឡើងលឿន ប្រសិនបើក្រុមហ៊ុនវិនិយោគទាំងអស់មានឆន្ទៈពិតប្រាកដក្នុងការអភិវឌ្ឍកោះឱ្យមានភាពទាក់ទាញ។

លោក គីម ហ៊ាង អគ្គនាយកក្រុមហ៊ុន Khmer Real Estate និង Keller Williams បានមានប្រសាសន៍ថា កម្ពុជាគឺជាប្រទេសមួយដែលមានកោះជាច្រើន ស្ថិតនៅក្នុងដែនសមុទ្ររបស់ខ្លួន ប៉ុន្តែរហូតមកដល់ពេលនេះកោះទាំងនោះ ហាក់នៅមិនទាន់មានការអភិវឌ្ឍអ្វីជាដុំកំភួននោះទេ ខណៈមានកោះមួយចំនួន ត្រូវបានរាជរដ្ឋាភិបាលកម្ពុជាផ្តល់អាជ្ញាប័ណ្ណទៅឱ្យក្រុមហ៊ុនឯកជនដើម្បីវិនិយោគរួចហើយ។

លោកបានបន្តថា បើទោះបីជាទទួលបានអាជ្ញាប័ណ្ណ ពីរាជរដ្ឋាភិបាលក៏ដោយ ក៏ក្រុមហ៊ុនវិនិយោគមួយចំនួន រហូតមកដល់ពេលនេះនៅមិនទាន់បានបញ្ចេញ ប្រាក់ច្រើនដើម្បីអភិវឌ្ឍន៍នៅលើកោះនោះទេ ហើយថែមទាំងមានម្ចាស់ក្រុមហ៊ុនអភិវឌ្ឍន៍កោះខ្លះបានលក់បន្តទៅឱ្យឈ្មួញជាបន្តទៀតផង”។

លោកគីម ហ៊ាងមានប្រសាសន៍ថា នៅពេលដែលម្ចាស់ក្រុមហ៊ុនអភិវឌ្ឍន៍កោះបញ្ចេញទុនដើម្បីអភិវឌ្ឍន៍នោះ តំបន់កោះនៅក្នុងដែនសមុទ្រកម្ពុជា នឹងអាចទាក់ទាញភ្ញៀវទេសចរ និងអ្នកវិនិយោគបានកាន់តែច្រើនបន្ថែមទៀត ចំណែកសក្ដានុពលដីនៅទីនោះក៏នឹងឡើងតម្លៃច្រើនដែរ។ ម្ចាស់គម្រោងអភិវឌ្ឍន៍ អាចចាប់ផ្តើមកសាងហេដ្ឋារចនាសម្ព័ន្ធនៅលើកោះ ដើម្បីចាប់យកតម្លៃទីផ្សារអចលនទ្រព្យឡើងខ្ពស់ គឺបន្ទាប់ពីមានផ្លូវថ្នល់ ស្ពាន និងការធ្វើដំណើរមានភាពងាយស្រួល មានផាសុកភាព។

លោកបានលើកសំណូមពរថា “ប្រសិនបើក្រុមហ៊ុន ទទួលបានសិទ្ធិវិនិយោគលើកោះហើយ គេគួរតែធ្វើការអភិវឌ្ឍទៅលើហេដ្ឋារចនាសម្ព័ន្ធ ដូចជា សណ្ឋាគារ ខុនដូ និងមធ្យោបាយធ្វើដំណើរនាំភ្ញៀវដើរកម្សាន្តជុំវិញកោះជាដើម”។

លោកចឹ្រក សុខនីមប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាបា ននិយាយថា ការអភិវឌ្ឍដែលមានផែនការច្បាស់លាស់ នឹងនាំមកនូវសក្តានុពលដល់តំបន់ ហើយនៅពេលអ្នកវិនិយោគបរទេស ចូលមកវិនិយោគវានឹងធ្វើឱ្យកម្ពុជាទទួលបានផលចំណេញច្រើន។

លោកបន្តថា “គម្រោងអភិវឌ្ឍន៍នៅតាមតំបន់កោះ តែងតែងាយទទួលជោគជ័យ ព្រោះធម្មជាតិនៅតំបន់កោះកម្ពុជាគឺមានភាពភាក់ទាញខ្លាំង”។

ប្រទេសកម្ពុជាមានកោះចំនួន64 ក្នុងនោះមានកោះចំនួន54 ស្ថិតនៅក្នុងទឹកដីខេត្តព្រះសីហនុ កោះក្រៅពីនោះស្ថិតនៅក្នុងខេត្តកោះកុង ខេត្តកែប និងខេត្តកំពត ប៉ុន្តែរហូតមកដល់ពេលនេះ កោះចំនួន28 ស្មើនឹងផ្ទៃដីទំហំជាង18ម៉ឺនហិកតា ត្រូវបានរដ្ឋាភិបាលជួលទៅឱ្យក្រុមហ៊ុនឯកជន ដើម្បីធ្វើការវិនិយោគក្លាយទៅជាតំបន់ទាក់ទាញភ្ញៀវទេសចរដ៏ប្រណីត ប៉ុន្តែការអនុវត្តជាក់ស្តែង គេឃើញមានកោះចំនួនតិចប៉ុណ្ណោះ ដែលបានអភិវឌ្ឍជាបណ្តើរៗជាតំបន់ទេសចរណ៍ដូចជា កោះពស់ កោះដែកគោល កោះសង្សារ កោះតាង និងកោះរុងជាដើម។

ប្រធានសមាគមទេសចរណ៍អាស៊ីប៉ាស៊ីហ្វិកប្រចាំកម្ពុជា លោកធួន ស៊ីណានបានមានប្រសាសន៍ថា តំបន់កោះនានាពិសេសបណ្តាកោះនានា នៅក្នុងខេត្តព្រះសីហនុបាននិងកំពុងទាក់ទាញការវិនិយោគ ពិសេសកំនើនភ្ញៀវទេសចរណ៍ជាតិ និងអន្តរជាតិកើនឡើងជាប្រចាំ ដោយសារលំហូរភ្ញៀវបានចាកចេញពីខេត្តព្រះសីហនុ ឆ្ពោះទៅកំសាន្តនៅតាមបណ្តាកោះនានាកាន់តែច្រើន។

លោកបន្តថា “ក្រុងព្រះសីហនុ បាននិងក្លាយជាមជ្ឈមណ្ឌលពាណិជ្ជកម្មពហុបំណង ហេតុនេះភ្ញៀវទេសចរណ៍ជាតិ អន្តរជាតិបានចាកចេញច្រើនពីទីក្រុងនេះ ហើយស្វែងរកការលំហែរនៅតាមបណ្តាកោះនានាកាន់តែច្រើន”។លោកបន្តថា “និន្នាការបែបនេះកំពុងកើតឡើងនៅខេត្តព្រះសីហនុ ដែលធ្វើឲ្យតំបន់កោះនានាកាន់តែរីកចម្រើន និងទាក់ទាញការវិនិយោគកាន់តែច្រើន”៕

អ្នកជំនាញប្រាប់ឱ្យវិភាគទិដ្ឋភាពសង្គមចំនួនបីមុនសម្រេចចិត្តវិនិយោគលើវិស័យអចលនទ្រព្យ

July 20, 2019

0

ដោយៈ រ៉ាណេត

ភ្នំពេញៈ ការចូលខ្លួនមកវិនិយោគក្នុងវិស័យអចលនទ្រព្យ វាមិនមែនជាបញ្ហាចោទ ឬជាពិបាកនោះទេ សំខាន់ឱ្យតែអ្នកចង់ និងមានដើមទុន។ ប៉ុន្តែអ្វីដែលជារឿងពិបាកនោះគឺត្រូវធ្វើយ៉ាងណាដើម្បីមុខជំនួញ ឬការវិនិយោគរបស់អ្នកទទួលបានជោគជ័យ។

លោកង៉ែត ជូអ្នកជំនាញសេដ្ឋកិច្ច និងអចលនទ្រព្យបានលើកឡើងថា មនុស្សស្ទើរគ្រប់រូបនាំគ្នា នាំគ្នាវិនិយោគលើវិស័យអចលនទ្រព្យ តើអនាគតវិស័យនេះនឹងទៅជាយ៉ាងណា? តើអ្នកវិនិយោគគប្បីធ្វើយ៉ាងណា ដើម្បីទទួលបានលទ្ធផលល្អ? ទាំងនេះជាសំណួរល្អដែលខ្ញុំតែងតែឮ? រួមទាំងជាការចោទសួរពីសំណាក់មិត្តភ័ក្ដ ដែលជាបណ្ឌិតសាស្ត្រាចារ្យ នៃសាលកវិទ្យាល័យផងដែរ។

ខ្ញុំសូមជូនជាចម្លើយដូចខាងក្រោម ដើម្បីពិចារណានិងវិភាគទាំងអស់គ្នា ទី១ គប្បីសម្លឹងមើលរយៈពេលវែង និងតម្រូវការជាក់ស្តែង: កម្ពុជាជាប្រទេសកំពុងអភិវឌ្ឍន៍ មានប្រជាជនវ័យក្មេងច្រើន (ប្រហែល២ភាគ៣នៃប្រជាជនសរុបមានអាយុក្រោម៣០ឆ្នាំ) និងមានលំហូរយុវជនចូលក្រុងភ្នំពេញ១ឆ្នាំៗរាប់ម៉ឺននាក់ (ក្នុង១ឆ្នាំៗមានសិស្សប្រលងបាក់ឌុបប្រហែល១០ម៉ឺននាក់ ភាគច្រើនមកបន្តការសិក្សានិងធ្វើការនៅភ្នំពេញ)។

កត្តាទាំងនេះនឹងជំរុញឱ្យបន្តមានតំរូវការលំនៅដ្ឋាន ដ៏សន្ធឹកសន្ធាប់នាពេលអនាគត។ ដូច្នេះបើទោះជាមានវិបត្តិក៏ជាវិបត្តិរយៈពេលខ្លីដែរ។ ក្នុងន័យនេះហើយ អ្នកវិនិយោគគប្បីមានចក្ខុវិស័យវែងឆ្ងាយ ហើយបំភ្លេចចោលនូវកត្តាចៃដន្យទាំងឡាយ ដូចជា ចាំចិនទិញ ចាំមានការអភិវឌ្ឍព្រលានយន្តហោះ។ល។

លោកង៉ែត ជូបានបន្តថា ការវិនិយោគតំបន់ជាយក្រុង ដែលស្ថិតនៅចន្លោះ៣០-៦០គមពីកណ្តាលក្រុងភ្នំពេញ គឺជាការសំរេចចិត្តដ៏ល្អបំផុត ព្រោះតម្លៃដីធ្លីនៅមានតម្លៃទាបហើយការពង្រីកក្រុង ក៏អាចគ្របដណ្តប់ក្នុងរយៈពេលចន្លោះយ៉ាងយូរ១០ ១៥ឆ្នាំខាងមុខ។

ទី២ ធ្វើអ្វីក៏ដោយក៏ត្រូវមានជំនាញច្បាស់លាស់ដែរ: ប្រសិនបើអ្នកពិតជាចង់ក្លាយទៅជាអ្នកវិនិយោគអាជីព ផ្នែកវិស័យអចលនទ្រព្យ អ្នកត្រូវកសាងសមត្ថភាព និងជំនាញឱ្យបានច្បាស់លាស់ និងចាត់ទុកជាមុខរបរជាក់លាក់មួយ។

ការយល់ឃើញថាការវិនិយោគលើវិស័យនេះមានភាពងាយស្រួល និងឆាប់មាននោះមិនពិតទេ។ ការយល់ឃើញដូច្នេះមិនខុសអ្វីពីកសិករ ដែលធ្វើស្រែតាមទម្លាប់ដោយគ្មានបច្ចេកទេសនោះទេ។ ទទួលផលត្រឹមចិញ្ចឹមឆ្នាំង ជួនកាលរដូវកាលខ្លះខាតផងក៏មាន។

ទី៣ បើមិនមានជំនាញច្បាស់លាស់ គប្បីចូលរួមជាមួយក្រុមមនុស្ស ឬទំរង់វិនិយោគ (Investment platform) ដែលមានអ្នកជំនាញច្បាស់លាស់: មនុស្សស្ទើរគ្រប់គ្នាវិនិយោគ ប៉ុន្តែមិនមែនគ្រប់គ្នាសុទ្ធតែមានជំនាញដូចៗគ្នានោះទេ។ ដូច្នេះគប្បីចេះប្រើជំនាញអ្នកដទៃដោយវិនិយោគជាមួយគេ និងយកពេលវេលាមកផ្តោតលើកិច្ចការដែលខ្លួនមានជំនាញច្បាស់លាស់វិញទើបជាការល្អ។

បន្ថែមលើមានជំនាញច្បាស់លាស់ ក្រុមមនុស្ស ឬទំរង់វិនិយោគដែលអ្នកចូលរួម ក៏ត្រូវមានមនុស្សល្អៗដែលមានភាពស្មោះត្រង់ មានអភិបាលកិច្ចល្អ មានគោលការណ៍ និងយុទ្ធសាស្ត្រច្បាស់លាស់។ល៕

ចំណេះដឹង! តើអ្នកណាជាអ្នកត្រូវជាប់បន្ទុកបង់ពន្ធអចលនទ្រព្យ?

July 20, 2019

0

ដោយ វុត្ថា

ភ្នំពេញៈ អ្នកដែលជាប់បន្ទុកបង់ពន្ធ គឺរូបវន្តបុគ្គលឬនីតិបុគ្គល ដែលជាម្ចាស់កម្មសិទ្ធិ ឬជាអ្នកដែលកាន់កាប់អចលនទ្រព្យ ឬអ្នកដែលទទួលប្រយោជន៍ចុងក្រោយនៃអចលនទ្រព្យ (អ្នកទទួលសិទ្ធិប្រើប្រាស់ សិទ្ធិអាស្រ័យផល សិទ្ធិចាត់ចែង និងសិទ្ធិអាស្រ័យនៅចុងក្រោយ)។

ពន្ធអចលនទ្រព្យនេះ ត្រូវបង់នៅតាមសាខាពន្ធដារខេត្ត ឬសាខាពន្ធដារខណ្ឌ (នៅរាជធានីភ្នំពេញ) ដែលអចលនទ្រព្យ ស្ថិតនៅឬបង់តាមប្រព័ន្ធធនាគារ។ ពន្ធនេះត្រូវបង់យ៉ាងយឺតបំផុត ត្រឹមថ្ងៃទី៣០ ខែកញ្ញា នៃឆ្នាំជាប់ពន្ធ។ អ្នកជាប់បន្ទុកបង់ពន្ធ ត្រូវដាក់លិខិតប្រកាសពន្ធ និងធ្វើការគណនា ប្រាក់ពន្ធដោយខ្លួនឯង។

ជារៀងរាល់ឆ្នាំ ម្ចាស់អចលនទ្រព្យគឺមានកាតព្វកិច្ចបង់ពន្ធ លើអចលនទ្រព្យរបស់ខ្លួន។ តាមច្បាប់ម្ចាស់អចលនទ្រព្យត្រូវមកដាក់លិខិតប្រកាសបង់ពន្ធ នៅរដ្ឋបាលសារពើពន្ធ ក៏ប៉ុន្ដែអគ្គនាយកដ្ឋានពន្ធដារ បានធ្វើការកែលម្អនៃការបង់ពន្ធនេះ ជាលំដាប់លំដោយ ហើយកន្លងទៅអគ្គនាយកដ្ឋានពន្ធដារ បានអនុញ្ញាតឲ្យម្ចាស់អចលនទ្រព្យមានឱកាសទៅបង់ពន្ធនៅធនាគារ ដែលបានចុះអនុស្សរណៈជាមួយក្រសួងសេដ្ឋកិច្ច និងហិរញ្ញវត្ថុ ដូចជា ធនាគារអេស៊ីលីដា ធនាគារកាណាឌីយ៉ា ធនាគារវឌ្ឍនៈ ធនាគារកម្ពុជាសាធារណៈ និងធនាគារ ANZ Roya។

ក៏ប៉ុន្ដែប្រសិនបើជាការចុះបញ្ជីដំបូង ម្ចាស់អចលនទ្រព្យត្រូវមកធ្វើការចុះបញ្ជីសារពើពន្ធនៅក្នុងភូមិសាស្ត្រ ដែលអចលនទ្រព្យរបស់ពួកគាត់ស្ថិតនៅ មានន័យថា ដីធ្លី ផ្ទះសម្បែងរបស់ពលរដ្ឋនៅខណ្ឌណា ពួកគាត់ត្រូវមកចុះបញ្ជីសារពើពន្ធនៅសាខាអគ្គនាយកដ្ឋានពន្ធដារស្ថិតនៅនោះ ហើយបន្ទាប់ពីមានទិន្នន័យក្នុងបញ្ជីហើយ ពួកគាត់អាចទៅបង់ពន្ធនៅធនាគារ ដែលបានរៀបរាប់ខាងលើណាមួយក៏បាន ព្រោះមានគល់បញ្ជីស្រាប់៕

ភ្ញៀវទេសចរចិនជាច្រើនបានបង្វែរពីអូស្ត្រាលីមកកម្ពុជា

July 20, 2019

0

ដោយ Donald Lee

ភ្នំពេញៈ ភ្ញៀវទេសចរចិនបានចំណាយប្រាក់ជាង៨ពាន់លានដុល្លារ សម្រាប់ទស្សនកិច្ចទេសចរណ៍នៅអូស្ត្រាលីកាលពីឆ្នាំមុន។ នេះបើយោងតាមរបាយការណ៍ទេសចរណ៍របស់អូស្ត្រាលី។

កាលឆ្នាំមុនចំនួនភ្ញៀវទេសចរចិនជាង៨,៥លាននាក់ បានធ្វើដំណើរទៅកាន់អូស្ត្រាលី។ ចំនួនភ្ញៀវទេសចរចិនមានប្រមាណ ១៥ភាគរយ នៃចំនួនភ្ញៀវទេសចរសរុបរបស់អូស្ត្រាលី ហើយបានចូលរួមចំណែកដល់ការរីកចម្រើនដល់សេដ្ឋកិច្ចប្រទេសនេះ។

ទោះបីជាយ៉ាងណាក៏ដោយ ក្រុមអ្នកវិភាគនៃធនាគារអាមេរិក Merril Lynch បានឲ្យដឹងថា ភ្ញៀវទេសចរចិនកំពុងជ្រើសរើសមកទស្សនាកម្ពុជា ជំនួសឲ្យទិសដៅអូស្ត្រាលីវិញ ដោយចំនួនភ្ញៀវទេសចរចិនមកកម្ពុជាបានកើនឡើងជាង៣៧ភាគរយ នៅក្នុងត្រីមាសទី១ឆ្នាំនេះ បើធៀបនឹងរយៈដូចគ្នាកាលពីឆ្នាំមុន។

ភ្ញៀវទេសចរចិនដែលមកទស្សនាកម្ពុជា មានចំនួន ៨៨៧,០៣៩ នាក់នៅក្នុងរយៈពេល៤ខែដើមឆ្នាំនេះ។ នេះបើយោងតាមរបាយការណ៍របស់ក្រសួងទេសចរណ៍។

លោកថោង ខុន រដ្ឋមន្ត្រីក្រសួងទេសចរបានឲ្យដឹងកាលពីឆ្នាំមុន វិស័យទេសចរណ៍កម្ពុជារកចំណូលបានប្រមាណ៤,៣៥ពាន់លានដុល្លារអាមរិក និងរំពឹងកើនដល់៥ពាន់លានដុល្លារនៅឆ្នាំនេះ៕

ព្រមាន៖ រដ្ឋមន្ត្រីសាធារណៈមិនអនុញ្ញាតឱ្យតបណ្តាញលូចំពោះសំណង់ខុសច្បាប់

July 19, 2019

0

ដោយ នៅ ស៊ីវុត្ថា

ភ្នំពេញៈ រដ្ឋមន្ត្រីក្រសួងសាធារណៈ និងដឹកជញ្ជូនការស្នើឱ្យមានវិធានការចាំបាច់សំដៅទប់ស្កាត់ការរដ្ឋានសំណង់ខុសច្បាប់ ដើម្បីធានាអាយុជីវិតមនុស្ស ទ្រព្យសម្បត្តិ សុវត្ថិភាព និងគុណភាពសំណង់ទូទាំងប្រទេស។

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងធារណៈការ និងដឹកជញ្ជូនបានសរសេរលិខិតមួយផ្ញើទៅកាន់ប្រធានមន្ទីរសាធារណៈការ និងដឹកជញ្ជូណគ្រប់រាជធានី-ខេត្តកាលពីថ្ងៃទី១៨ ខែកក្កដា ឆ្នាំ២០១៩ កន្លងមកនេះបានឱ្យដឹងថា បច្ចុប្បន្ននេះ វិស័យសំណង់មានការរីកលូតលាស់យ៉ាងឆាប់រហ័ស ជាពិសេសនៅតាមទីរួមខេត្ត ទីរួមស្រុក ទីក្រុង និងទីប្រជាជន។

លោកបន្តថា ទោះជាយ៉ាងណាក៏ដោយ ក្រសួងតែងតែសង្កេតឃើញថា មានសំណង់មួយចំនួនមិនមានច្បាប់ និងលិខិតអនុញ្ញាតត្រឹមត្រូវ ចេញដោយក្រសួងស្ថាប័នជំនាញពាក់ព័ន្ធ ហើយបានតភ្ជាប់ចូល និងប្រើប្រាស់បណ្តាញលូសាធារណៈរបស់រាជធានី- ខេត្តដោយមិនមានការត្រួតពិនិត្យលក្ខខណ្ឌបច្ចេកទេស និងនីតិវិធីច្បាប់ឱ្យបានត្រឹមត្រូវឡើយ។

ដើម្បីរួមចំណែកជំរុញ និងពង្រឹងប្រសិទ្ធិភាពក្នុងការគ្រប់គ្រងសំណង់ប្រព័ន្ធលូ និងហេដ្ឋារចនាសម្ព័ន្ធសាធារណៈ និងដើម្បីអនុវត្តនូវវិធានការចាំបាច់សំដៅទប់ស្កាត់ ការដ្ឋានសំណង់ខុសច្បាប់ ធានាអាយុជីវិតមនុស្ស ទ្រព្យសម្បត្តិ សុវត្ថិភាព និងគុណភាពសំណង់ទូទាំងប្រទេស លោករដ្ឋមន្ត្រីបានធ្វើការណែនាំ ដល់ប្រធានមន្ទីរសាធារណការ និងដឹកជញ្ជូន គ្រប់រាជធានី-ខេត្តទាំងអស់ដូចខាងក្រោម ដូចជា ទី១ មិនអនុញ្ញាតឱ្យសំណង់ទាំងអស់ដែលមិនមានច្បាប់ និងលិខិតអនុញ្ញាតត្រឹមត្រូវតភ្ជាប់ចូល និងប្រើប្រាស់បណ្តាញលូសាធារណៈរបស់រាជធានី-ខេត្តឡើយ។

ទី២ ពង្រឹងការតាមដាន និងពិនិត្យមើលឡើងវិញនូវការស្នើសុំតភា្ជប់ និងប្រើប្រាស់បណ្តាញលូសាធារណៈ។ ទី៣ សហការជាមួយរដ្ឋបាលរាជធានី ខេត្ត និងស្ថាប័នពាក់ព័ន្ធ ដើម្បីមានវិធានការចាំបាច់តាមនីតិវិធីច្បាប់ ដល់ជនដែលបានតភ្ជាប់ចូល និងប្រើប្រាស់បណ្តាញលូសាធារណៈរបស់រាជធានី ខេត្តដោយមិនមានច្បាប់អនុញ្ញាតត្រឹមត្រូវ។ ទី៤ អប់រំផ្សព្វផ្សាយ ជូនដំណឹងដល់ប្រជាពលរដ្ឋ ពិសេសម្ចាស់សំណង់គ្រប់ប្រភេទទាំងអស់ឱ្យយល់ដឹងអំពីនីតិវិធីច្បាប់ សម្រាប់ការស្នើសុំតភ្ជាប់ និងប្រើប្រាស់បណ្តាញលូសាធារណៈ និងលិខិតបទដ្ឋានពាក់ព័ន្ធក្នុងវិស័យសំណង់សាធារណៈ និងហេដ្ឋារចនាសម្ព័ន្ធសាធារណៈពិសេសស្នើសុំតភ្ជាប់ និងប្រើប្រាស់បណ្តាញលូសាធារណៈ។

លោកឧបនាយករដ្ឋមន្ត្រីជា សុផារ៉ា រដ្ឋមន្រ្តីក្រសួងរៀបចំដែនដីនគរូបនីយកម្ម និងសំណង់ ស្នើសម្តេចនាយករដ្ឋមន្ត្រី ហ៊ុន សែន ចេញវិធានការចាំបាច់មួយចំនួន ដើម្បីទប់ស្កាត់សំណង់ខុសច្បាប់ ធានាអាយុជីវិតមនុស្ស ទ្រព្យសម្បត្តិ សុវត្ថិភាព និងគុណភាពសំណង់ទូទៅ។

លិខិតចេញនៅថ្ងៃទី២៧ ខែមិថុនា របស់លោកឧបនាយករដ្ឋមន្ត្រី ជា សុផារ៉ា ផ្ញើជូនលោក ហ៊ុន សែន បញ្ជាក់ថា វិធានការដែលលោកចង់អោយអនុវត្តចំពោះការដ្ឋានសំណង់ដែលខុសច្បាប់ទាំងនោះរួមមាន ទី១ ក្រសួងរ៉ែ និងថាមពលអាចចាត់មិនអោយមានការផ្គត់ផ្គង់ថាមពលអគ្គិសនី ក្រសួងឧស្សាហកម្ម និងសិប្បកម្មអាចចាត់មិនអោយផ្គត់ផ្គង់ទឹកស្អាត ក្រសួងសាធារណការ និងដឹកជញ្ជូនមិនត្រូវអនុញ្ញាតអោយតបណ្ដាញលូភ្ជាប់ទៅលូសាធារណៈ ក្រសួងព័ត៌មានអាចបិទមិនអោយមានការផ្សព្វផ្សាយពាណិជ្ជកម្ម ឯស្ថាប័ន និងអង្គភាពផ្សេងទៀតមិនត្រូវផ្ដល់លិខិតអនុញ្ញាតអោយប្រកបអាជីវកម្ម។

លិខិតដដែលបញ្ជាក់ទៀតថាសំណើវិធានការបែបនេះ នឹងត្រូវអនុវត្តចំពោះការដ្ឋានសំណង់សណ្ឋាគារ អគារស្នាក់នៅរួម អគារពាណិជ្ជកម្ម រោងចក្រ សិប្បកម្ម និងសំណង់ផ្សេងៗទៀត ដែលគ្មានច្បាប់អនុញ្ញាត ការសាងសង់ខុសលក្ខណៈបច្ចេកទេស ដោយលើកលែងលំនៅឋានផ្ទាល់របស់ពលរដ្ឋ។

ករណីសំណង់អាគារនៅខេត្តព្រះសីហនុ អាជ្ញាធរបានរកឃើញថាមានសំណង់អគារចំនួន៥ទីតាំងកំពុងសាងសង់ ដោយពុំមានច្បាប់អនុញ្ញាត បន្ទាប់ពីមានករណីបាក់រលំអគារ៧ជាន់នៅក្នុងខេត្តនេះ បណ្ដាលអោយកម្មករសំណង់២៨នាក់ស្លាប់ និង២៦នាក់របួស៕

ក្រុមហ៊ុនទេសចរណ៍ធំមួយរបស់វៀតណាមមួយគ្រោងនឹងធ្វើប្រតិបត្តិការនៅកម្ពុជា

July 19, 2019

0

ដោយ ប៊ី

ភ្នំពេញៈ ក្រុមហ៊ុន I Love Asia Tour មានមូលដ្ឋាននៅប្រទេសវៀតណាម ដែលផ្តល់ជូននូវដំណើរទេសចរណ៍ជិះម៉ូតូ ដែលបើកបរដោយស្រ្តីនៅវៀតណាម និងឡាវ គ្រោងនឹងចូលទីផ្សារកម្ពុជានៅខែក្រោយ។

លោកស្រី Nguyen Thi Huong Lien ស្ថាបនិកក្រុមហ៊ុន បានថ្លែងបាប់សារព័ត៌មានវៀតណាម VNExpress កាលពីម្សិលម៉ិញថា ជាមួយគម្រោងពង្រីកខ្លួននៅប្រទេសឡាវ កម្ពុជា និងអាស៊ី ក្រុមហ៊ុនចង់ពង្រីកគំរូអាជីវកម្មសហគ្រិនស្ត្រីបន្ថែម ដើម្បីផ្តល់ឳកាសស្ត្រីនៅតំបន់អាស៊ី និងបង្កើនតួនាទី និងការចូលរួមចំណែករបស់ពួកគេដល់សង្គម។

បច្ចុប្បន្នក្រុមហ៊ុននេះមាន អ្នកបើកបរស្រី្តៗចំនួន១៥០នាក់ ដែលភាគច្រើនជានិស្សិតសាកលវិទ្យាល័យ ដែលបាននាំភ្ញៀវទេសចរជាង ២,០០០ នាក់ទៅលេងវៀតណាម និងឡាវកាលពីឆ្នាំមុន។

បុគ្គលិករបស់ក្រុមហ៊ុន I Love Asia Tour នៅគ្រប់ផ្នែកទាំងអស់ គឺសុទ្ធតែជាស្ត្រី ដែលមកពីផ្នែក IT បច្ចេកវិទ្យារដ្ឋាបាលកាន់មគ្គុទ្ទេសក៍ទេសចរណ៍។

ស្ថាបនិកខាងលើ បាននិយាយថា “មនុស្សភាគច្រើនគិតថា ជាធម្មតាអ្នកបើកបរជាបុរស ប៉ុន្តែអ្នកបើកបរស្រីៗក៏មានថាមពលខ្លាំងក្លា មានភាពក្លាហាន និងបំណងចង់រៀន។ ពួកគេត្រូវមានសិទ្ធិ និងមានឱកាសរីកចម្រើន”។

លោកស្រី Lien បានចាប់ផ្តើមនូវគំនិតនៃសេវាកម្មទេសចរណ៍ ដោយមានបើកបរស្ត្រីទាំងអស់នៅក្នុងឆ្នាំ២០១៤ជាឆ្នាំទី៣ របស់លោកនៅសកលវិទ្យាល័យភាសាបរទេស Hue។

ជាមួយនឹងទុនវិនិយោគដំបូងត្រឹមតែ២លានដុង (៨៦,៧ ដុល្លារ) ដែលបានសន្សំពីការងារក្រៅម៉ោងលោកស្រី លោកស្រីបង្កើតវេបសាយ និងកម្មវិធីរបស់លោកស្រីដោយខ្លួនឯង។ សហគ្រិនវ័យ២៥ឆ្នាំរូបនេះ បានទាញយកអត្ថប្រយោជន៍ពីការរីកចម្រើននៃបណ្តាញសង្គម ដូចជា ទស្សនាវដ្តី ដើម្បីផ្សព្វផ្សាយដំណើរទេសចរណ៍របស់លោកស្រី។

លោកស្រី Lien បានរួមបញ្ចូលការចាប់ផ្តើមអាជីវកម្មនៅឆ្នាំ២០១៦ និងពង្រីកប្រតិបត្តិការទៅកាន់ទីក្រុងហាណូយហ៊ូ ហូយអាន ទីក្រុងហូជីមិញ និងដាណាង។

នៅពាក់កណ្តាលឆ្នាំ២០១៨ក្រុមហ៊ុននេះ ក៏បានចាប់ផ្តើមផ្តល់សេវាកម្មដូចគ្នានៅក្នុងប្រទេសឡាវ ដោយមានអ្នកបើកបរស្រី្តៗចំនួន១៥នាក់៕

CVEA ចូលរួមទាក់ទាញអ្នកវិនិយោគវិស័យអចលនទ្រព្យពីសហរដ្ឋអាមេរិកមកកាន់កម្ពុជា

July 19, 2019

0

ដោយៈ រ៉ាណេត

ភ្នំពេញ៖ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បាននិងកំពុងព្យាយាមទាក់ទាញការវិនិយោគពីអាមេរិក មកកាន់កម្ពុជាកាន់តែច្រើនថែមទៀត ដើម្បីជំរុញការលើកកំពស់កិច្ចអភិវឌ្ឍន៍សេដ្ឋកិច្ចសង្គម ពិសេសវិស័យអចលនទ្រព្យ។

ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជា លោកច្រឹក សុខនីម បានមានប្រសាសន៍កាលបិព្រឹកថ្ងៃទី១៩ ខែកក្កដា ឆ្នាំ២០១៩នេះថា តាមរយៈកម្មវិធី Global Real Estate and Trade Mission ដែលជាកិច្ចជំនួបរបស់បណ្តាញភ្នាក់ងារអចលនទ្រព្យមកពីរដ្ឋ Chicago សហរដ្ឋអាមេរិក ដែលធ្វើឡើងនៅក្នុងប្រទេសថៃ CVEA បានឡើងធ្វើបទបង្ហាញពីសក្ដានុពល និងឱកាសដ៏ល្អក្នុងការវិនិយោគនៅកម្ពុជា ដើម្បីទាក់ទាញបណ្តាក្រុមហ៊ុននានា នៅសហរដ្ឋអាមេរិកឱ្យចូលមកកាន់កម្ពុជាបន្ថែមទៀត។

លោកបានបន្តទៀតថា “ភាគច្រើននៃអ្នកវិនិយោគមកពីសហរដ្ឋអាមេរិក បានចាប់អារម្មណ៍នៅក្នុងការវិនិយោគនៅក្នុងប្រទេសថៃ ប៉ុន្តែយើងក៏បានព្យាយាមបញ្ជ្រាបព័ត៌មានលម្អិតពីវិស័យអចលនទ្រព្យនៅកម្ពុជាទៅកាន់ពួកគេផងដែរ”។ លោកបានបន្តទៀតថា “ជាឱកាសនៅក្នុងការធ្វើបទបង្ហាញ ខ្ញុំបានលើកឡើងចំនួន៣ចំណុចសំខាន់ៗពីកាលានុវត្តន៍ភាពនៅកម្ពុជា”។

ទី១ ទិដ្ឋភាពទូទៅនៃសក្ដានុពលនៃវិស័យអចលនទ្រព្យនៅកម្ពុជា នាពេលបច្ចុប្បន្ន និងទៅថ្ងៃអនាគត ទី២ ហេតុផលដែលមានបណ្តាក្រុមហ៊ុនអន្តរជាតិជាច្រើនចូលមកវិនិយោគអចលនទ្រព្យនៅកម្ពុជា និងទី៣ គឺបង្ហាញពីបែបផែននៃការវិនិយោគ ក៏ដូចជាការទិញអចលនទ្រព្យនៅកម្ពុជា។

លោកច្រឹក សុខនីមបានបញ្ជាក់ថា ជាលទ្ធផល យើងទទួលបានការចាប់អារម្មណ៍ច្រើនពីបណ្តាអ្នកតំណាងសមាគមភ្នាក់ងារអចលនទ្រព្យនៅរដ្ឋ Chicago សហរដ្ឋអាមេរិក ( Chicago Association of Realtors) ហើយពួកគេនឹងចូលមកសិក្សាបន្ថែមពីឱកាសវិនិយោគនៅកម្ពុជាក្នុងខាងមុខនេះ។

នាយិកាប្រចាំប្រទេសក្រុមហ៊ុនអន្តរជាតិ CBRE Cambodia លោកស្រី អាន សុធីតា បានមានប្រសាសន៍បង្ហាញពីភាពសុទិដ្ឋិនិយម ចំពោះកំណើននៃវត្តមានក្រុមហ៊ុនអន្តរជាតិធំចូលមកកាន់កម្ពុជា។លោកស្រីបន្តទៀតថា “នៅពេលដែលកម្ពុជាមានក្រុមហ៊ុនអចលនទ្រព្យធំៗល្បីៗ ចូលមកកាន់កម្ពុជាកាន់តែច្រើន វាជារឿងកាន់តែល្អចំពោះវិស័យមួយនេះ។ លោកស្រីបានបន្តទៀតថា នៅពេលមានក្រុមហ៊ុនកាន់តែ ការប្រកួតប្រជែងក៏កាន់តែច្រើន ដែលតម្រូវឱ្យក្រុមហ៊ុនដទៃទៀត ស្ថិតនៅក្នុងវិស័យរួមគ្នាប្រឹងប្រែងពង្រឹងសមត្ថភាព។

លោកស្រីបន្តថា “នៅពេលសមត្ថភាពមានកាន់តែខ្លាំង វានឹងជំរុញឱ្យវិស័យអចលន្រទ្យនៅកម្ពុជា កាន់តែផ្តល់ទំនុកចិត្តបណ្តាអ្នកវិនិយោគ”។

នៅក្នុងប្រទេសកម្ពុជានាពេលបច្ចុប្បន្ន ក្រុមហ៊ុនអចលនទ្រព្យជាច្រើន ដែលរាប់ទាំងក្រុមហ៊ុនដែលបានចុះបញ្ជី និងមិនទាន់ចុះបញ្ជី កំពុងមានប្រតិបត្តិការមិនក្រោម៣០០ក្រុមហ៊ុននោះទេ ជាពិសេសក្រុមហ៊ុនផ្នែកសេវាកម្មភ្នាក់ងារ។ នៅក្នុងចំណោមក្រុមហ៊ុនទាំងអស់នេះ ក៏មានវត្តមានក្រុមហ៊ុនអន្តរជាតិលំដាប់ពិភពលោកផងដែរ ដូចជា ក្រុមហ៊ុន Century 21 Cambodia ក្រុមហ៊ុន CBRE Cambodia ក្រុមហ៊ុន Knight Frank ក្រុមហ៊ុន (KW) Keller Williams ក្រុមហ៊ុន ERA ជាដើម៕

ចិនជាអ្នកវិនិយោគគ្រប់វិស័យឈរនៅលំដាប់លេខ១ ក្នុងខេត្តព្រះសីហនុ

July 19, 2019

0

ដោយ វុត្ថា

ភ្នំពេញៈ អភិបាលខេត្តព្រះសីហនុបានឱ្យដឹងថា បច្ចុប្បន្នអ្នកវិនិយោគគិនចិន ស្ថិតក្នុងលំដាប់លេខ១ ដែលមកធ្វើការវិនិយោគ រកស៊ីក្នុងវិស័យឧស្សាហកម្ម ពាណិជ្ជកម្ម ដឹកជញ្ជូន សំណង់ និងទេសចរណ៍។

លោកគួច ចំរើន អភិបាលខេត្តព្រះសីហនុបានឱ្យដឹងនៅក្នុងប្រកាសផ្ទេរ សម្រួលភារកិច្ច និងចូលកាន់តំណែងប្រធានមន្ទីរសាធារណការ និងដឹកជញ្ជូនខេត្តព្រះសីហនុ នៅថ្ងៃទី១៩ ខែកក្កដា ឆ្នាំ ២០១៩ នេះថា ទន្ទឹមនោះកំពង់ផែស្វយ័តក្រុងព្រះសីហនុ ក៏មានការរីកចម្រើនយ៉ាងខ្លាំងគួរឲ្យកត់សម្គាល់ និងកំពុងដើរតួក្នុងការស្តុក ផ្ទេរ និងដឹកជញ្ជូនទំនិញជាកុងតឺន័រចេញ ចូលក្នុងប្រទេសប្រមាណជា៧៣ភាគរយ។

លោកបន្តថា ខេត្តព្រះសីហនុ មានព្រលានយន្តហោះអន្តរជាតិ នាពេលបច្ចុប្បន្ន កំពុងប្រតិបត្តិការមានក្រុមហ៊ុនអាកាសចរណ៍ ចំនួន១៤ក្រុមហ៊ុន ក្នុងស្រុក៥ក្រុមហ៊ុន (មានជើងហោះហើរ ៥ជើងក្នុងមួយថ្ងៃ) នឹងក្រុមហ៊ុនហោះហើរអន្តរជាតិមាន៩ក្រុមហ៊ុន (ហោះហើរ ២៥ជើងក្នុងមួយថ្ងៃ) និងមានការហោះហើរជាអន្តរជាតិទៅកាន់ប្រទេសវៀតណាម ម៉ាឡេស៊ី ថៃ ពិសេសប្រទេសចិនមានរហូត២៥ទីក្រុង។

លោកអភិបាលខេត្តព្រះសីហនុបញ្ជាក់ទៀតថា ប៉ុន្មានឆ្នាំចុងក្រោយនេះ ខេត្តព្រះសីហនុ ទទួលបានការអភិវឌ្ឍន៍យ៉ាងច្រើនសន្ធឹកសន្ធាប់ ពីសំណាក់វិនិយោគិនបរទេស ជាពិសេសវិនិយោគិនចិន ជាហេតុធ្វើឱ្យខេត្តមានការរីកចម្រើនយ៉ាងឆាប់រហ័ស លើគ្រប់វិស័យ។ លោកបន្តថា ភាពរីកចម្រើននេះ បានជំរុញឱ្យមានកំណើនប្រជាពលរដ្ឋមកពីតាមបណ្ដាខេត្ត ក្រុងផ្សេងៗមកធ្វើការ និងប្រកបរបររកស៊ីទៅតាមជំនាញ និងសមត្ថភាពដែលខ្លួនមាន ។

ខេត្តព្រះសីហនុ មានតំបន់សេដ្ឋកិច្ចពិសេសចំនួន៩ ក្នុងនោះ៥កំពុងតែដំណើរការ ដែល មានរោងចក្រ សហគ្រាសតូច ធំសរុបចំនួន២១០កន្លែង សិប្បកម្មចំនួន១.០៣៧កន្លែង និងអាជីវកម្មផ្សេងៗជាច្រើនទៀត បានស្រូបយកកម្លាំងពលកម្មប្រមាណជា ៨១.៤៧៥នាក់ ក្នុងនោះស្រីមានប្រមាណជា៥០ភាគរយ ។

លោកស៊ុន ចាន់ថុល ទេសរដ្ឋមន្ដ្រី ជារដ្ឋមន្ត្រីក្រសួងសាធារណការ និងដឹក ជញ្ជូន បានឱ្យដឹងដែរថាវិស័យសាធារណការ និងដឹកជញ្ជូនជាវិស័យមួយដែលដើរតួយ៉ាងសំខាន់ក្នុងការទ្រទ្រង់ និងអភិវឌ្ឍសេដ្ឋកិច្ចឱ្យមានភាពរឹងមាំ និងនិរន្តរភាព។

លោករដ្ឋមន្ត្រីបន្តថា បើគ្មានហេដ្ឋារចនាសម្ព័ន្ធរឹងមាំ គ្រប់ច្រកល្ហក ប្រទាក់ក្រឡាគ្នាដូចសរសៃរឈាម តភ្ជាប់ពីតំបន់មួយទៅតំបន់មួយទៀតនោះទេ ក៏គ្មានការអភិវឌ្ឍដែរ ជាក់ស្ដែងខេត្តព្រះសីហនុនេះមានទាំងផ្លូវទឹក ផ្លូវគោក ផ្លូវដែក និងផ្លូវអាកាស ដែលធ្វើឱ្យខេត្តនេះជាខេត្តប្រកបដោយសក្ដានុពលមួយ អាចពង្រីកវិសាលភាពរបស់ខ្លួន មិនត្រឹមតែជាខេត្តទេសចរណ៍ប៉ុណ្ណោះទេ តែថែមទាំងជាខេត្តបោះជំហ៊ានទៅជាខេត្តឧស្សាហកម្ម ពាណិជ្ជកម្មដ៏មានសន្ទុះរីកចម្រើន៕

លោកបណ្ឌិតគីម ហ៊ាង៖ អួតជាជំនាញរបស់អ្នកលក់ លក់ជាជំនាញរបស់អ្នកមាន

July 19, 2019

0

ដោយគង់ សូរិយា

ភ្នំពេញៈ ការលក់ដែលគ្មានជំនាញ នឹងលក់មិនដាច់នោះទេ ហេតុនេះតើអ្នកលក់ត្រូវមានជំនាញអ្វី? លោកបណ្ឌិត គីម ហ៊ាង បានថ្លែងថា អួតជាជំនាញរបស់អ្នកលក់ លក់ជាជំនាញរបស់អ្នកមាន ហើយអ្នកលក់ណាក៏ចេះអួតដែរ។

លោកអគ្គនាយកក្រុមហ៊ុន Khmer Real Estate និងជាអ្នកនាំចូល Master Franchise Keller Williams មកកាន់កម្ពុជារូបនេះ បានមានប្រសាសន៍ឲ្យដឹងនាព្រឹកថ្ងៃទី១៩ កក្កដានេះថា អ្នកមាននៅលើពិភពលោក នរណាក៏ដោយក៏ចេះលក់ដែរ ហើយអ្នកលក់ណាក៏ចេះអួតដែរ ព្រោះរាល់ជំនាញទាំងអស់ ជំនាញណាក៏ត្រូវការអ្នកលក់់។

លោកបន្តដោយលើកករណីជាក់ស្តែងមកបញ្ជាក់ថា អ្នកចេះធ្វើកុំព្យូទ័រដ៏ល្អ ធ្វើទូរស័ព្ទដ៏ល្អ ផលិតឡានដ៏ល្អ បើមិនចេះជំនាញលក់ បើមិនចេះអួតលក់មិនដាច់នោះទេ មិនមានលុយទេ ហេតុនេះពួកគេទាល់តែចេះលក់ ហើយអ្នកលក់មួយណាដែលមិនចេះអួត។

ឧទាហរណ៍អ្នកលក់ឡាន អួតឡានខ្លួនមានគុណភាពល្អ ស៊ីសាំងតិច សន្សំសំចៃ អាចបើកបរគ្រប់ស្ថានភាពជាដើម។ គឺល្អគ្រប់យ៉ាង ហើយទាល់តែចេះអួតចឹង ទើបលក់ឡានដាច់។

លោកបណ្ឌិតគីម ហ៊ាងបានបន្តថា “ទាល់តែចេះលក់ ចេះអួត ទើបក្លាយជាអ្នកមាន ហើយបើចេះតែយើង ហើយយើងនៅតែក្នុងផ្ទះ សួរថាតើអ្នកណាដឹង អ្នកណាស្គាល់? នៅពេលគ្មានអ្នកដឹង គ្មានអ្នកស្គាល់គឺលក់មិនដាច់ “ចប់”។

លោកបានលើកជាឧទាហរណ៍ជាក់ស្តែងថា បុគ្គលិកខ្ញុំបានសួរខ្ញុំថា ធ្វើការជាមួយខ្ញុំយូរហើយ នៅតែមិនសូវមានលុយ ខ្ញុំសួរថាតើអ្នកណាប្រើអ្នកខ្លះជារៀងរាល់ថ្ងៃ? គាត់ថា ខ្ញុំប្រើគាត់ច្រើនជាងគេ គឺមេឯងហ្នឹងហើយ ហើយមិនសូវមានអ្នកប្រើផង។ ចម្លើយ គឺអ្នកមិនអាចមានបាននោះទេ ព្រោះអ្នកមិនសូវមានភ្ញៀវប្រើ។ ចឹងមិនអាចមាននោះទេ តែខ្ញុំមួយថ្ងៃមានអ្នកប្រើចង់១០០នាក់ក្នុងមួយថ្ងៃ ចឹងខ្ញុំមានលុយច្រើនជាងប្អូនឯង ដោយសារខ្ញុំមានអ្នកមានប្រើច្រើនជាងប្អូនឯង។

លោកបន្តថា “អ្នកមាន ជាមនុស្សដែល “អ្នកមាន”ប្រើច្រើន ហើយនៅពេលយើងត្រូវបានគេប្រើកាន់តែច្រើន យើងក៏មានលុយកាន់តែច្រើនដែរ។ ពេលគ្មានអ្នកប្រើច្រើន អ្នកក៏គ្មានលុយដែរ”។លោកបន្តថា “អ្នកពូកែលក់មានច្រើនកត្តា គឺមានទេពកោសល្យពីធម្មជាតិ ជាមនុស្សមានឆន្ទៈ និងការគិតវែងឆ្ងាយ ដឹងពីអតិថិជនគោលដៅ និងមើលឃើញពីអនាគត”។

ភាពជាអ្នកលក់ពូកែ គឺរកឃើញពីតម្រូវការរបស់អតិថិជន ឧទាហរណ៍ អ្នកលក់កញ្ចប់ទេសចរណ៍ក្រេបទឹកឃ្មុំ ត្រូវបានថៅកែដាក់ឲ្យលក់ឲ្យបាន១០០គូក្នុងមួយឆ្នាំ តើត្រូវទៅរកអ្នកត្រូវរៀបការនៅឯណា? បុគ្គលិកមិនដឹង ប៉ុន្តែបើពួកគេឆ្លាតវៃ ពួកគេអាចទៅជួបមេភូមិ មេឃុំតាមបណ្តាខ័ណ្ឌ ស្រុកនានា ពួកគេនឹងទទួលបានទិន្នន័យពីចំនួនអ្នករៀបការ ដែលត្រូវមានគោលដៅទៅក្រេបទឹកឃ្មុំ ក្នុងស្រុក ឬនៅបរទេស៕