ដោយ ប៊ី
ភ្នំពេញ៖ ក្រុមហ៊ុន MAN Energy Solutions ដែលជាក្រុមហ៊ុនផលិតគ្រឿងចក្រថាមពល និងផ្នែកមួយនៃក្រុមហ៊ុន Volkswagen Group ដែលនឹងដំឡើងរោងចក្រថាមពលអគ្គិសនី ២០០ មេហ្គាវ៉ាត់នៅរាជភ្នំពេញគ្រោងនឹងចាប់ផ្តើមដំណើរការនៅឆ្នាំ ២០២០។
ក្រុមហ៊ុន MAN Energy Solutions នឹងដំឡើងម៉ាស៊ីនគ្រឿងប្រភេទ 18V51/60DF ក្នុងរោងចក្រថ្មីនេះ។ ម៉ាស៊ីនដែលមានទំហំ ៥១០X៦០០មីលីម៉ែត្រ និងត្រូវបានរចនាដោយប្រើពីឧស្ម័នទៅប្រេងឥន្ធនៈដោយគ្មានល្បឿន។
យោងតាមរបាយការណ៍ក្រុមហ៊ុន MAN Energy Solutions ឲ្យដឹង រោងចក្រថាមពលអគ្គិសនីថ្មីនេះនឹងគ្របដណ្តប់លើតំរូវការអគ្គិសនីដល់ប្រជាជនកម្ពុជារហូតដល់ ៧០,០០នាក់។
គម្រោងនេះនឹងត្រូវបានបង្កើតឡើងដោយក្រុមហ៊ុន China National Heavy Machinery Corp. (CHMC) ហើយនឹងត្រូវបានគ្រប់គ្រង និងដំណើរការដោយអគ្គិសនីកម្ពុជា។លោក Wayne Jones ប្រធានផ្នែកលក់ប្រចាំក្រុមហ៊ុន MAN Energy Solutions បានថ្លែងថា “រោងចក្រនេះនឹងរួមចំណែកយ៉ាងច្រើនដើម្បីធានាការផ្គត់ផ្គង់ថាមពលអគ្គិសនីអាចជឿទុកចិត្តបាននៅកម្ពុជាដោយមិនគិតពីស្ថានភាពអាកាសធាតុ”។
លោកបានបន្ថែមថា “ភាពជឿជាក់ និងភាពបត់បែនគឺជាអ្វីដែលម៉ាស៊ីនរបស់យើងត្រូវបានទទួលស្គាល់ ហើយយើងមានមោទនភាពដែលជាផ្នែកមួយនៃការខិតខំនេះ”។
ក្រុមហ៊ុន Volkswagen Group បានទិញភាគហ៊ុនរបស់ក្រុមហ៊ុន MAN និង Porsche កាលពីឆ្នាំ ២០១២។
កាលពីដើមឆ្នាំ ២០១៩ រាជរដ្ឋាភិបាលបានសម្រេចបង្កើនលទ្ធភាព ផ្គត់ផ្គង់ថាមពលអគ្គិសនីឲ្យដល់ជាង២៨៧០មេហ្គាវ៉ាត់ ដើម្បីឆ្លើយតបទៅនឹងតម្រូវការប្រើប្រាស់របស់ប្រជាពលរដ្ឋ និងកំណើនការពង្រីករោងចក្រសហគ្រាសនៅកម្ពុជា។
យោងតាមតារាងតម្លៃអគ្គិសនីសម្រាប់ឆ្នាំ២០១៩ បានបង្ហាញថា សម្រាប់លំនៅឋានដែលប្រើប្រាស់អគ្គិសនីចាប់ពី១ ដល់ ១០គីឡូវ៉ាត់ម៉ោងក្នុង១ខែ តម្លៃអគ្គិសនីនឹងត្រូវចុះពី៤៨០ រៀលនៅឆ្នាំ២០១៨ មកនៅ៣៨០ រៀលឆ្នាំ ២០១៩ និងឆ្នាំ២០២០ ការប្រើប្រាស់ចាប់ពី១១ដល់៥០ គីឡូវ៉ាត់ក្នុង១ខែ នឹងត្រូវចុះពី៦១០ រៀលនៅឆ្នាំ ២០១៨ ទៅ ៤៨០រៀលនៅឆ្នាំ២០១៩ និងឆ្នាំ២០២០ ខណៈលំនៅឋានដែលប្រើចាប់ពី៥១ដល់២០០ គីឡូវ៉ាត់ក្នុង១ ខែតម្លៃអគ្គិសនីនឹងត្រូវចុះពី៧៧០ រៀលនៅឆ្នាំ២០១៨ ទៅ ៦១០ រៀល៕
អាជ្ញាធរជាតិអប្សរាសង្ឃឹមថា សមិទ្ធផលថ្មីដែលនឹងកើតឡើងឆាប់ៗនេះ នឹងមានការអ្នកគាំទ្រច្រើន ហើយធ្វើឱ្យប្រជាជនក្នុងតំបន់ ក៏ដូចជាទេសចរទទួលបាននូវភាពងាយស្រួល សុវត្ថិភាព និងបង្កើតបទពិសោធន៍ល្អក្នុងការមកទស្សនា ឬឆ្លងកាត់តំបន់រមណីយដ្ឋានអង្គរ៕
