ដោយៈ យិន លាងគង់ស្ថាបនិកPropertyarea.asia

    ភ្នំពេញៈ “កម្ពុជាត្រូវការសន្តិភាព” ពាក្យនេះត្រូវបានបន្លឺឡើងពីមេដឹកនាំកម្ពុជា និងប្រជាពលរដ្ឋខ្មែរស្ទើរគ្រប់រូប ប៉ុន្តែសម្លេងគ្រាប់កាំភ្លើងរបស់ពួកចោរសៀម មិនបានបញ្ចប់ឬបង្អង់នោះឡើយ។

ដែនដីនេះបានប្រឡាក់ដោយឈាម និងទឹកភ្នែកជាថ្មី ដែលកាលពីដើមមក ពសុធាដ៏អភ័ព្វនេះ សុទ្ឋតែបានប្រឡាក់ដោយឈាម និងទឹកភ្នែករបស់មហាបុព្វបុរស និងប្រជាជាតិខ្មែរជាង៧០០ឆ្នាំមកហើ​យ ដោយសារ​ការបែកបាក់ វប្បធ៌មអញនិយមរបស់មេដឹកនាំ និងជាតិសាសន៍ ដែលរងការបំពុលពីមនោគមន៍វិជ្ជារាប់រយឆ្នាំមកនេះ។

សត្រូវនៃប្រវត្តិសាស្រ្ត

    ចាប់តាំងពីបាន​ឯករាជ្យ នៅក្រុងសុខោទ័យនៅឆ្នាំ១២៣០មក ជាតិសាសន៍នេះ បានចិញ្ចឹមចិត្តឈ្លានពានកម្ពុជា រហូតមកទល់ពេលនេះ ហើយមហិច្ឆតានេះនឹងមិនបញ្ចប់ទេ ដរាបណាខ្មែរនៅតែខ្សោយជាងពួកគេ ខ្មែរនៅតែបែកបាក់ ខ្មែរនៅតែអញនិយម។

ការកសាងនូវប្រវត្តិសាស្រ្ត និងអាណាចក្រដ៏ខ្លាំងនៃមេដឹកនាំដែលកាន់លទ្ឋិព្រហ្មមញ្ញសាសនា បានធ្វើឲ្យខ្មែរមិនរងការប្រមាថ និងមាក់ងាយពីសត្រូវណាឡើយ ហើយអរិយធ៌មរបស់ជាតិសាសន៍នេះរះយ៉ាងត្រចះត្រចង់លើពិភពលោក។

ប៉ុន្តែជាអកុសល ការទទួលយកមនោគមន៍វិជ្ជាសាសនាមួយ ដែ​លទាំងអ្នកជឿ និងសាវៈរបស់ពួកគេ​មិនដឹងពីអត្ថន័យនៃធ៌ម បាលី សំង្រ្កឹតមានន័យដូចម្តេចផង (ជំនឿប្រាសចាកការពិចារណា) ការបំពុលមនោគមន៍ពីខាងក្រៅផង បានធ្វើឲ្យខ្មែរទន់ខ្សោយ បែកបាក់ អញនិយម និងរងភាពអាម៉ាស់ជាបន្តបន្ទាប់ រហូតដល់ខេត្តចំនួន៣៧ បានបាត់បង់ទៅប្រទេសជិតខាងមួយនេះ។

ការពឹងផ្អែកពិភពខាងក្រៅ

សង្រ្គាមរយៈពេល៥ថ្ងៃ ចាប់តាំងពីថ្ងៃទី២៤ ដល់២៨ កក្កដា បានផ្តល់មេរៀនដ៏ជូរចត់មួយ សម្រាប់មេដឹកនាំ និងប្រជាជាតិខ្មែរទាំង​មូល ដែលបានដឹងថា ការរំពឹងការជ្រោមជ្រែងពីខាងក្រៅ មិនប្រសើរជាងពឹងខ្លួនឯងទេ។

ការលេចឡើងនូវវត្តមាន លោកប្រធានាធិបតីអាមេរិក ដូណាល់ ត្រាំ ដែលបានឈឺឆ្អាលចំពោះការបញ្ចប់សង្រ្គាមកម្ពុជា ថៃ ការខិតខំរបស់ប្រធានអាស៊ានអាន់វ៉ា អ៊ីប្រាហ៊ីម ដែលជានាយករដ្ឋមន្រ្តីម៉ាឡេស៊ី និងមេដឹកនាំមួយចំនួនទៀត បានធ្វើឲ្យសង្រ្គាមរយៈពេល៥ថ្ងៃនេះបានបញ្ចប់ជាមួយសោកនាដកម្ម និងទឹកភ្នែកបន្តហូរក្រោមភ្លៀងរលឹមជារៀងរាល់ថ្ងៃ។

វត្តមានអ្នកសារព័ត៌មានល្បីឈ្មោះ ពីសេតវិមាន លោក Michael B.Alfaro, Gary Franchi និងអ្នកសារព័ត៌មានដែលមានជំនាញវិជ្ជាជីវៈ និងក្រមសីលធ៌មជាច្រើនទៀត បានធ្វើឲ្យប្រជាជាតិនៅលើពិភពលោក ដឹងច្បាស់ថា “អ្នកណាជាអ្នកបង្ករឿងពិតប្រាកដ”។

ទោះជាស្នូគ្រាប់កាំភ្លើងបានបញ្ចប់ក្តី ប៉ុន្តែមហិច្ឆតាឈ្លានពានរបស់ពួកសៀមមិនបានបញ្ចប់ទេ ពួកគេនៅតែប្រើប្រាស់មធ្យោបាយដទៃទៀត តាមរយៈការចាប់ទាហានខ្មែរ១៨នាក់ មិនទាន់ដោះលែងនាពេលនេះ និងបានឈ្លានពានកម្ពុជាតាមរយៈរូបភាពផ្សេង ដោយប្រើប្រាស់លួសបន្លា និងទាហានព័ទ្ឋយកផ្ទះ និងភូមិប្រជាពលរដ្ឋនៅភូមិជោគជ័យ និងភូមិមួយចំនួនទៀត នៅក្នុងខេត្តបន្ទាយមានជ័យ។

ការរួបរួមជាធ្លុងមួយ

ទន្ទឹមនឹងដំណក់ទឹកភ្នែក ឈាមក្រហមក្រាលពាសពេញសមរភូមិ កុមារមិនបានចូលសាលា ប្រជាពលរដ្ឋមិនមានកន្លែងសំរាកត្រឹមត្រូវនាសមរភូមិមុខ ទឹកចិត្តប្រជាពលរដ្ឋពីសមរភូមិក្រោយ បានពុះកញ្រ្ជោលឡើង ដើម្បីគាំទ្រ និងលើកទឹកចិត្តដល់វីរយុទ្ឋជន នៅសមរភូមិមុខ ជាសារមួយបង្ហាញនូវស្មារតីនៃសាមគ្គីភាពជាតិ និងទឹកចិត្តជាតិនិយមដ៏ពុះពោរ ហើយស្មេរសង្ឃឹមថា ទឹកចិត្តជាតិនិយម និងស្នេហាជាតិនេះ នឹងបន្តស្ថិតក្នុងបេះដូងកូនខ្មែរជាអមតៈ។

រឿងល្អៗជាច្រើនបានកើតឡើង ដែលជាមេរៀនគួរតែរៀនសូត្រ ចងចាំ និងរក្សាឲ្យបាន ទី១ ទឹកចិត្តជាតិនិយមបានរីកពេញបេះដូងប្រជាជាតិខ្មែរ ទី២ តម្លៃវីរយុទ្ឋជននៅសមរភូមិមុខ ត្រូវបានលើកដម្កើង ទី៣ យុវជនជំនាន់ក្រោយបានឃើញអ្វីជាសង្រ្គាម និងអ្វីដែលជា”តម្លៃសន្តិភាព” ទី៤ បង្ហាញពីវីរៈភាពរបស់មេដឹកនាំជាតិ ដែលមិនរត់ចោលប្រជាជន ទោះក្នុងកាលៈទេសៈណាក៏ដោយ ទី៥ អ្នកណាជាមិត្ត អ្នកណាគ្រាន់តែសម្តែងជាមួយកម្ពុជា ទី៦ តើសហគមន៍អន្តរជាតិនឹងនៅជាមួយអ្នកណា ពេលមានសង្រ្គាមនេះ តើពួកគេថ្កោលទោសអ្នកឈ្លានពានឬទេ? ឬនៅស្ងៀមស្ងាត់ ដើម្បីការពារផលប្រយោជន៍របស់ពួកគេ?។

ភ្នំពេញ ថ្ងៃទី២៨ ខែសីហា​ ឆ្នាំ២០២៥៖ ធនាគារ ហត្ថា ដែលជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG បានរៀបចំ កម្មវិធីដើម្បីផ្តល់ការឧបត្ថម្ភថវិការប្រចាំឆ្នាំចំនួន៤០លានរៀលដល់អង្គការរក្សាកុមារជាលើកទី០២នៅ

ធនាគារ ហត្ថា ថៅវើ ដែលស្ថិតនៅតាមបណ្តោយមហាវិថី សម្តេចហ៊ុនសែន (ផ្លូវ ៦០ម៉ែត្រ)  ក្រោមការ អញ្ជើញចូលរួមពីលោក មិន សុផា ប្រធាននាយកប្រតិបត្តិនៃធនាគារ ហត្ថា និងលោកស្រី សុខ វណ្ណសិកា ប្រធានអង្គការរក្សាកុមារ ព្រមទាំងគណៈគ្រប់គ្រងជាន់ខ្ពស់មួយចំនួនទៀត។

ការឧបត្ថម្ភប្រាក់ចំនួន៤០លានរៀលជាលើកទី០២គឺបានបង្ហាញពីការប្តេជ្ញាចិត្តរបស់ ធនាគារ ហត្ថា ក្នុងការចូលរួម ជួយទ្រទ្រង់សកម្មភាព និងបេសកកម្ម លើកកម្ពស់សុខមាលភាព ការអប់រំ និងផលប្រយោជន៍ កុមារកម្ពុជា គ្រប់ស្រទាប់វណ្ណៈរបស់អង្គការរក្សាកុមារ ដើម្បីឱ្យពួកគាត់ក្លាយជាអ្នកបន្តវេន និងជាអ្នកជំនាន់ក្រោយ ដ៏មាន សក្តានុពល។

លោក មិន​ សុផា  ប្រធាននាយកប្រតិបតិ្តនៃធនាគារ ហត្ថា មានប្រសាសន៍ថា៖ “ យើងទាំងអស់គ្នាពិតជាមាន សេចក្តីរីករាយណាស់ ដែលបានចូលរួមគាំទ្រសកម្មភាព និងបេសកកម្មរបស់អង្គការរក្សាកុមារ ដើម្បីលើក កម្ពស់សុខមាលភាព ការអប់រំ និងផលប្រយោជន៍កុមារកម្ពុជា“។ លោកបានបន្ថែមថា “ នេះជាលើកទី០២​ដែល ធនាគារ ហត្ថា បានចូលរួមធ្វើការបរិច្ចាគដល់អង្គការរក្សាកុមារ ហើយយើងសង្ឈឹមថា យើងអាចបន្តគាំទ្រដល់ សកម្មភាព និងបេសកកម្មនៅឆ្នាំបន្តបន្ទាប់ទៅមុខទៀត “​ ។

លោកស្រី សុខ វណ្ណសិកា ប្រធានអង្គការរក្សាកុមារ បានសម្តែងនូវមតិអំណរអរគុណដល់ ធនាគារ ហត្ថា ដែលបានចូលរួម ឧបត្ថម្ភប្រាក់ប្រចាំឆ្នាំចំនួន ៤០ លានរៀល នៅចំពេលដែលអង្គការរក្សាកុមារ ទើបតែ បានកែសម្រួលឈ្មោះនិងប្រតិបត្តិការ អោយក្លាយទៅជាអង្គការរក្សាកុមារ ដើម្បីធ្វើប្រតិបត្តិការបន្ថែម ដោយផ្ទាល់ និងប្រយោល ក្នុងគោលបំណងបង្កើននិងជម្រុញអំពើសប្បុរសធម៌ក្នុងទម្រង់ជា Philanthropy ដើម្បីជួយកុមារ គ្រប់ស្រទាប់វណ្ណះ ដែលត្រូវការតម្ហែទាំសុខភាព និងការអប់រំ ដោយសុទ្ធចិត្ត ក្នុងគោលដៅសម្រេច ឱ្យបាន នូវវិបុលភាពរបស់កុមារ គ្រួសារ និងសង្គមជាតិ។

អំពី ធនាគារ ហត្ថា

ធនាគារ ហត្ថា ជា​ធនាគារពាណិជ្ជ ដែល​មាន​វត្ត​មាននៅ​ក្នុង​ព្រះរាជាណាចក្រ​កម្ពុជា​អស់​រយៈកាល​ជាង ៣០​ឆ្នាំ​មក​ហើយ ដែល​បាន​ផ្តល់​ជូន​សេវា​ហិរញ្ញវត្ថុ​យ៉ាង​ទូលំទូលាយ ដល់​អតិថិជន​របស់​ខ្លួន ដែល​រួ​មាន​អតិថិជន​ជា​លក្ខណៈ​បុគ្គល សហគ្រាស​ខ្នាត​តូច និង​មធ្យម (SME) ព្រមទាំង​ស្ថាប័ន​សា​អាជីវកម្ម​ធំ​ៗ​ជា​ច្រើន​ទៀត​ ។ ធនាគារ ហត្ថា គឺជា​សមាជិក​របស់ MUFG ដែល​ជា​សម្ព័ន្ធ​ហិរញ្ញវត្ថុ​ធំ​មួយ របស់​ប្រទេស​ជប៉ុន ដែល​មាន​សាខា​ប្រហែល ២000 ទីតាំង ស្ថិត​នៅ​ក្នុង​ទីផ្សារ​ជាង ៤០ ក្នុង​ពិភពលោក​ ។ សម្ព័ន្ធ​ក្រុមហ៊ុន​ផ្តល់​សេវាកម្ម​ហិរញ្ញវត្ថុ MUFG បានការ​ចុះបញ្ជី​នៅ​លើ​ផ្សារ​ហ៊ុន (Tokyo Stock Exchange), ណា​ហ្គូ​យ៉ា (Nagoya Stock Exchange) និង​ញូយ៉ក (New York Stock Exchange) ដោយ​មាន​តម្លៃ​ទីផ្សារ​រហូត​ដល់ ២៤.២៧ កោដិ​យាន់ និង​ប្រាក់​ចំណេញ​សុទ្ធ​ចំនួន ១.៥៩១,១ ពាន់​លាន​យាន់ នៅ​ត្រឹម​ចុងខែ​មីនា ឆ្នាំ ២០២៥​ ៕

អំពី អង្គការមូលនិធិរក្សាកុមារ

អង្គការរក្សាកុមារ ជាអង្គការក្នុងស្រុកផ្តួចផ្តើមឡើងដោយស្ថាបនិកខ្មែរ រួមមានលោកជំទាវបណ្ឌិត ជា សិរី លោកជំទាវបណ្ឌិត អឹង កន្ថាផាវី និង ឯកឧត្តមបណ្ឌិត សុក ស៊ីផាន់ណា។ អង្គការរក្សាកុមារមានបេសកកម្ម លើកកម្ពស់សុខុមាលភាព ការអប់រំ និងផលប្រយោជន៍កុមារ   កម្ពុជាពីគ្រប់ស្រទាប់វណ្ណៈ។