រដ្ឋាភិបាល និងដៃគូអភិវឌ្ឍន៍ត្រៀមរៀបចំសួនកសិឧស្សាហកម្មកម្ពុជា

ដោយៈ ចំណាន

ភ្នំពេញៈ លោកឧបនាយករដ្ឋមន្រ្តីស៊ុន ចាន់ថុល បានអញ្ជើញជា អធិបតីក្នុងជំនួបជាមួយវិនិយោគិន ក្នុងវិស័យកសិឧស្សាហកម្ម និងដៃគូអភិវឌ្ឍន៍ ដើម្បីបង្ហាញអំពីកាលានុវត្តភាពវិនិយោគក្រោម “ក្របខណ្ឌអភិវឌ្ឍន៍សួនកសិឧស្សាហកម្មនៅកម្ពុជា”។

កិច្ចប្រជុំនេះធ្វើឡើង ដើម្បីបង្ហាញអំពីកាលានុវត្តភាពវិនិយោគក្រោម “ក្របខណ្ឌអភិវឌ្ឍន៍សួនកសិឧស្សាហកម្មនៅកម្ពុជា” ក្រោមកិច្ចសហការរៀបចំដោយ ក.អ.ក. រួមជាមួយ ស្ថានទូតអូស្ត្រាលីប្រចាំកម្ពុជា។

“ក្របខណ្ឌអភិវឌ្ឍន៍សួនកសិឧស្សាហកម្មនៅកម្ពុជា”បានទទួលការអនុម័តដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កាលពីថ្ងៃទី២៩ ខែឧសភា ឆ្នាំ២០២៦។ ក្របខ័ណ្ឌនេះត្រូវបានរៀបចំឡើងក្នុងគោលបំណង ពន្លឿនការអភិវឌ្ឍឧស្សាហូបនីយកម្មកសិឧស្សាហកម្ម តាមរយៈការកំណត់គំរូអាជីវកម្ម៖ វិស័យឯកជនជាអ្នកអនុវត្ត ដោយមានការគាំទ្រពីផ្នែករដ្ឋ សំដៅទាក់ទាញការវិនិយោគប្រកប ដោយគុណភាព បង្កើតឱកាសការងារ បង្កើនការកែច្នៃបន្ថែមតម្លៃ និងពង្រឹងសមត្ថភាពប្រកួតប្រជែងក្នុងការនាំចេញ។

ក្នុងកម្មវិធីនេះ លោកឧបនាយករដ្ឋមន្ត្រី បានធ្វើការគូសបញ្ជាក់ពីទិដ្ឋភាពទូទៅនៃ ក្របខ័ណ្ឌអភិវឌ្ឍន៍សួនកសិឧស្សាហកម្ម ដោយបានរំលេចនូវគោលបំណងនៃគោលនយោបាយ លក្ខខណ្ឌតម្រូវសម្រាប់គម្រោង ព្រមទាំងកញ្ចប់លើកទឹកចិត្តបន្ថែម ដែលលើសពីការលើកទឹកចិត្តទូទៅសម្រាប់គម្រោងវិនិយោគ មានលក្ខណៈសម្បត្តិគ្រប់គ្រាន់ ឬហៅថា QIP Plus។

កញ្ចប់លើកទឹកចិត្ត និងវិធានការសម្របសម្រួលពិសេសទាំងនោះ ត្រូវបានរៀបចំឡើងដោយចំពោះ ដើម្បីទាក់ទាញការវិនិយោគលើការបង្កើតសួនឧស្សហកម្មកសិឧស្សាហកម្ម ប្រកបដោយ គុណភាព និងប្រសិទ្ធភាពខ្ពស់។

លោកឧបនាយករដ្ឋមន្ត្រី បានបញ្ជាក់បន្ថែមថា រាជរដ្ឋាភិបាលកម្ពុជាប្តេជ្ញាពង្រឹងសមត្ថភាពប្រកួតប្រជែង និងទាក់ទាញការវិនិយោគ ដើម្បីគាំទ្រដល់កំណើនសេដ្ឋកិច្ច ប្រកបដោយបរិយាបន្ន និងភាពធន់ ព្រមទាំងបង្កើតការងារ និងបង្កើនតម្លៃបន្ថែមក្នុងវិស័យកសិកម្ម។ ក្នុងនោះ ការរៀបចំក្របខ័ណ្ឌអភិវឌ្ឍន៍សួនកសិឧស្សាហកម្ម គឺជាការងារអាទិភាពមួយដែលស្តែងឱ្យឃើញ ពីកិច្ចខិតខំប្រឹងប្រែងរបស់កម្ពុជា ក្នុងការធ្វើទំនើបកម្មសេដ្ឋកិច្ចកសិកម្ម ពង្រឹងខ្សែច្រវាក់តម្លៃ និងបង្កើតបរិយាកាសអំណោយផល សម្រាប់ទាក់ទាញការវិនិយោគ ពីវិស័យឯកជន។

វិស័យកសិកម្មនៅតែជាកម្លាំងចលករសេដ្ឋកិច្ច យ៉ាងសំខាន់ របស់កម្ពុជា ដោយបានផ្តល់ការងារជូនដល់បង ប្អូនប្រជាពលរដ្ឋជាងមួយភាគបី នៃកម្លាំងពលកម្មសរុប និងរកប្រាក់ចំណូលពីការនាំចេញបានជាង៣ពាន់លានដុល្លារអាម៉េរិក ក្នុងរយៈពេល៧ខែដំបូង នៃឆ្នាំ២០២៦។ ផ្អែកលើសក្ដានុពលនេះ ក.អ.ក. បានកំណត់យកឧស្សាហកម្មកែច្នៃកសិផល ជាវិស័យអាទិភាពខ្ពស់សម្រាប់ការវិនិយោគ ហើយវិស័យនេះក៏ជាសសរស្តម្ភដ៏សំខាន់មួយ ក្នុងកិច្ចសហប្រតិបត្តិការអភិវឌ្ឍន៍រវាងអូស្ត្រាលី និងកម្ពុជាផងដែរ។

ប្រទេសអូស្ត្រាលី បានគាំទ្រដល់ការរៀបចំក្របខ័ណ្ឌអភិវឌ្ឍន៍សួនកសិឧស្សាហកម្មនៅកម្ពុជា ចាប់តាំងពីឆ្នាំ២០២២ មកម្ល៉េះ ដោយបានធ្វើការយ៉ាងជិតស្និទ្ធជាមួយ ក.អ.ក. ក្រសួងសេដ្ឋកិច្ចនិងហិរញ្ញវត្ថុ ព្រមទាំងភាគីពាក់ព័ន្ធជាច្រើនមកពីស្ថាប័នរដ្ឋ និងវិស័យឯកជន៕

ឥណ្ឌូនេសុីគ្រោងប្រែក្លាយទីក្រុងហ្សាកាតា និងកោះបាលី ទៅជាមជ្ឈមណ្ឌលហិរញ្ញវត្ថុអន្តរជាតិ

ដោយ: សហសេវិក
អន្តរជាតិ: ថ្មីៗនេះ សភាឥណ្ឌូនេស៊ីបានអនុម័តច្បាប់មួយដើម្បីបង្កើតមជ្ឈមណ្ឌលហិរញ្ញវត្ថុអន្តរជាតិ (IFCs) បន្ទាប់ពីការពិភាក្សារយៈពេល១៨ថ្ងៃប៉ុណ្ណោះ។ លោកប្រធានាធិបតី Prabowo Subianto បានអះអាងថា ទីក្រុងហ្សាកាតា និងកោះបាលី នឹងក្លាយជាទីតាំងដំបូង។

រដ្ឋាភិបាលឥណ្ឌូនេស៊ីមានបំណងទាក់ទាញការវិនិយោគបរទេសចំនួន ២៨,២ ពាន់លានដុល្លារអាមេរិកតាមរយៈ IFCs។ គំនិតផ្តួចផ្តើមនេះគឺជាផ្នែកមួយនៃផែនការរបស់លោក Prabowo ដើម្បីជំរុញកំណើនសេដ្ឋកិច្ចបច្ចុប្បន្នពីប្រហែល ៥% ដល់ ៦% ក្នុងឆ្នាំ ២០២៦-២០២៧ និង ៨% នៅឆ្នាំ ២០២៩។

ទោះជាយ៉ាងណា ក្រុមអ្នកវិភាគបានអះអាងថា ប្រទេសឥណ្ឌូនេស៊ីអាចនឹងពិបាកប្រកួតប្រជែងបានយ៉ាងឆាប់រហ័សជាមួយនឹងមជ្ឈមណ្ឌលហិរញ្ញវត្ថុដែលមានស្រាប់ដូចជា ទីក្រុងឌូបៃ ហុងកុង និងសិង្ហបុរី។

ប្រទេសឥណ្ឌូនេស៊ីត្រូវការភាពប្រាកដប្រជាផ្នែកច្បាប់កាន់តែខ្លាំង គោលនយោបាយដែលមានស្ថិរភាព និងស្ថាប័នគួរឱ្យទុកចិត្ត។ IFC នឹងត្រូវបានត្រួតពិនិត្យដោយក្រុមប្រឹក្សា PFII ដែលនឹងរាយការណ៍ដោយផ្ទាល់ទៅលោក Prabowo។

ប្រទេសឥណ្ឌូនេស៊ីក៏មានគម្រោងបង្កើតភ្នាក់ងារគ្រប់គ្រង តុលាការពាណិជ្ជកម្ម និងមជ្ឈមណ្ឌលអាជ្ញាកណ្តាលអន្តរជាតិផងដែរ។

ដើម្បីទាក់ទាញវិនិយោគិន រដ្ឋាភិបាលមានគម្រោងផ្តល់ការលើកទឹកចិត្តផ្នែកពន្ធសំខាន់ៗ រួមទាំងការលើកលែងពន្ធលើប្រាក់ចំណូលសាជីវកម្មរហូតដល់៥០ឆ្នាំសម្រាប់វិនិយោគិនដែលមានលក្ខណៈសម្បត្តិគ្រប់គ្រាន់ ក៏ដូចជាការលើកលែងពន្ធលើប្រាក់ចំណូលពីបរទេសមួយចំនួន ពន្ធលើតម្លៃបន្ថែម និងពន្ធលើទំនិញប្រណីត។

លោក Prabowo សង្ឃឹមថា IFC នឹងទាក់ទាញការវិនិយោគលើវិស័យធនាគារ ធានារ៉ាប់រង ទីផ្សារមូលធន ទីផ្សារកាបូន បច្ចេកវិទ្យាហិរញ្ញវត្ថុ និងការិយាល័យគ្រួសារ (family office)។ ប្រទេសឥណ្ឌូនេស៊ីក៏មើលឃើញទីក្រុងឌូបៃជាប្រភពវិនិយោគដ៏សំខាន់មួយផងដែរ។

រដ្ឋមន្ត្រីក្រសួងវិនិយោគលោក Rosan Roeslani បានអះអាងថា ការិយាល័យគ្រួសារជាច្រើននៅទីក្រុងឌូបៃមានចំណាប់អារម្មណ៍ក្នុងការបង្កើតវត្តមាននៅក្នុងប្រទេសឥណ្ឌូនេស៊ីខណៈមជ្ឈមណ្ឌលហិរញ្ញវត្ថុអន្តរជាតិឌូបៃ (DIFC) បានគាំទ្រផែនការ IFC របស់ឥណ្ឌូនេស៊ី៕

ទីក្រុងសៀងហៃបន្ធូរបន្ថយការរឹតបន្តឹងបន្ថែមទៀតលើការទិញផ្ទះ ដើម្បីជំរុញទីផ្សារលំនៅឋាន

ដោយ: សហសេវិក
អន្តរជាតិ: ទីក្រុងសៀងហៃរបស់ប្រទេសចិនបានបន្ធូរបន្ថយការរឹតបន្តឹងបន្ថែមទៀតលើការទិញផ្ទះ ដើម្បីគាំទ្រដល់ទីផ្សារអចលនទ្រព្យ បន្ទាប់ពីទីក្រុងប៉េកាំងបានចាត់វិធានការស្រដៀងគ្នានេះ។

ទីក្រុងសៀងហៃបានកាត់បន្ថយតម្រូវការបង់ប្រាក់កក់អប្បបរមាសម្រាប់ការទិញផ្ទះទីពីរពី២០ភាគរយមកត្រឹម១៥ភាគរយ ដោយដាក់នៅកម្រិតដូចគ្នានឹងការទិញផ្ទះលើកដំបូង។

ទីក្រុងសៀងហៃក៏នឹងអនុញ្ញាតឱ្យអ្នកទិញប្រើប្រាស់ប្រាក់ពីមូលនិធិសន្សំ (housing provident fund)របស់ពួកគេ ដើម្បីបង់ប្រាក់កក់សម្រាប់ការទិញផ្ទះថ្មី។ លើសពីនេះ អ្នកទិញផ្ទះដែលទើបសាងសង់ថ្មីនៅតំបន់ជាយក្រុងអាចទទួលបានប្រាក់ឧបត្ថម្ភធនចំនួន ៨០.០០០យ័ន (១១.៨៩៧ ដុល្លារអាមេរិក)។

វិធានការទាំងនេះមានគោលបំណងបង្កើនការលក់ផ្ទះ និងកាត់បន្ថយសម្ពាធហិរញ្ញវត្ថុលើអ្នកទិញ។ វិស័យអចលនទ្រព្យរបស់ប្រទេសចិននៅតែមានភាពទន់ខ្សោយ ហើយបន្តជះឥទ្ធិពលដល់សេដ្ឋកិច្ច។

ការវិនិយោគលើអចលនទ្រព្យបានធ្លាក់ចុះ១៩ភាគរយក្នុងរយៈពេល៧ខែដំបូងនៃឆ្នាំ២០២៦។ ទន្ទឹមនឹងនេះ តម្លៃផ្ទះនៅក្នុងទីក្រុងធំៗចំនួន៤របស់ប្រទេសចិនបានស្ថិតនៅទ្រឹងនៅខែកក្កដា ដែលបញ្ចប់ការងើបឡើងវិញរយៈពេល៤ខែ៕

រដ្ឋបាលខេត្ត និង JICA ពិនិត្យគំរោងដើម្បីបង្កើនភាពទាក់ទាញនៅតាមដងស្ទឹងសៀមរាប

ដោយៈ ចំណាន

សៀមរាបៈ ក្រុមការងាររដ្ឋបាលខេត្តសៀមរាប និងទីភ្នាក់ងារ JICA ព្រមទាំងអង្គភាពពាក់ព័ន្ធ បានចុះពិនិត្យមើលទីតាំងអនុវត្តគម្រោងសាកល្បង នៅមាត់ស្ទឹងសៀមរាប ដើម្បីផ្ទៀងផ្ទាត់លម្អិតអំពីការរៀបចំទីតាំងនេះ នៅមុនពិធីបុណ្យអុំទូកនាពេលខាងមុខនេះ។

នៅថ្ងៃទី២៦ ខែសីហា ឆ្នាំ២០២៦នេះ ក្រុមការងាររដ្ឋបាលខេត្តសៀមរាប និងទីភ្នាក់ងារJICA ព្រមទាំងអង្គភាពពាក់ព័ន្ធ បានចុះពិនិត្យមើលទីតាំងអនុវត្តគម្រោងសាកល្បង នៅមាត់ស្ទឹងសៀមរាប ដើម្បីផ្ទៀងផ្ទាត់លម្អិត អំពីការរៀបចំទីតាំងនេះ នៅមុនពិធីបុណ្យអុំទូកនាពេលខាងមុខនេះ។

គម្រោងនេះមានបំណងបង្កើន ភាពទាក់ទាញនៅតាមដងស្ទឹង ដែលជំរុញឱ្យបងប្អូនប្រជាពលរដ្ឋ ដើរកម្សាន្តបន្ថែមតាមដងស្ទឹង ដោយធ្វើឱ្យតំបន់នេះមានភាពបៃតង និងមានការតុបតែងសួន ដាំរុក្ខជាតិបន្ថែម មានប្រព័ន្ធភ្លើងលម្អ មានផ្ទាំងបង្ហាញឌីជីថលសម្រាប់ផ្ដល់ពត៌មានផ្សេងៗ មានទីតាំងសម្រាប់ថតរូបលេងកម្សាន្ត និងទីតាំងអង្គុយលេងផងដែរ។

នៅក្នុងពេលនេះ រដ្ឋបាលខេត្តសៀមរាប និងទីភ្នាក់ងារ JICA កំពុងពិនិត្យ និងរចនាតំបន់នេះ ដែលលាតសន្ធឹងពីគល់ស្ពានព្រះរាជដំណាក់ ទៅផ្នែកខាងត្បូងប្រវែងមួយរយម៉ែត្រ (១០០ ម)។ នាព្រឹកថ្ងៃទី២៦ ខែសីហា ឆ្នាំ២០២៦ នេះ តំណាងសង្កាត់សាលាកម្រើក ព្រមទាំងរដ្ឋាករទឹកស្វ័យត្ន និងអគ្គីសនីកម្ពុជា ក៏បានចូលរួមចុះពិនិត្យមើលការរចនាលម្អិតនេះផងដែរ។

ក្រុមការងារគម្រោង នឹងពិភាក្សាសម្រេចអំពីចំណុចលម្អិតបន្ថែមទៀតជាមួយរដ្ឋបាលខេត្តសៀមរាប នាពេលឆាប់ៗខាងមុខនេះ៕

Vietravel Corporation, Shows Strong Interest in Cambodia’s Tourism Potential

By MoT

Phnom Penh. Viet Nam’s Leading Tourism Company, Vietravel Corporation, Shows Strong Interest in Cambodia’s Tourism Potential and Expanding Its Tour Packages in Cambodia.

During a working visit to Ho Chi Minh City, Socialist Republic of Viet Nam, leading a high-level delegation from Cambodia’s Ministry of Tourism and the private sector to promote the “Visit Cambodia in the Green Season” campaign, showcase Cambodia’s tourism potential, and strengthen tourism cooperation with regional countries and international partners, H.E. Huot Hak, Minister of Tourism, received a courtesy call from Mr. Nguyễn Quốc Kỳ, Chairman of Vietravel Corporation, and the company’s senior management team.

During the meeting, Mr. Nguyễn Quốc Kỳ briefed the Minister on Vietravel Corporation’s business operations and sought the Minister’s guidance on the company’s new cross-border tour package, “Three Ancient Cities in Three Countries,” while also discussing ways to expand tourism cooperation between the Kingdom of Cambodia and the Socialist Republic of Viet Nam in a more practical, effective, and mutually beneficial manner.

During the productive discussion, Vietravel Corporation expressed its strong interest in Cambodia’s diverse tourism potential and rich tourism resources.

The company also conveyed its intention to strengthen cooperation with Cambodia’s Ministry of Tourism and the Cambodian private sector to promote tourist exchanges, jointly market tourism destinations, and develop collaborative tourism products between the two countries.

In response, H.E. the Minister highly appreciated and thanked Mr. Nguyễn Quốc Kỳ and Vietravel Corporation for their confidence in the leadership of the Royal Government of Cambodia and in Cambodia’s tourism potential as a destination for business expansion and investment. The Minister noted that tourism continues to receive strong policy support from the Royal Government and is recognized as one of Cambodia’s key economic pillars under the wise and visionary leadership of Samdech Moha Borvor Thipadei Hun Manet, Prime Minister of the Kingdom of Cambodia.

As a result of the fruitful meeting, both sides agreed to advance practical cooperation through the preparation of a Memorandum of Understanding (MoU) on tourism cooperation. The MoU will aim to strengthen tourism partnerships, facilitate a high-level familiarization visit by Vietravel’s senior executives to Siem Reap Province and Cambodia’s coastal destinations, and explore new opportunities for tourism development.

Furthermore, both sides exchanged in-depth views on the “Three Ancient Cities in Three Countries” tourism package, linking Huế in Viet Nam, Siem Reap in the Kingdom of Cambodia, and Luang Prabang in Lao PDR. The initiative aims to create an attractive and innovative cross-border tourism product, supported by new air connectivity linking the three ancient cities across the three countries. This new tour package is expected to boost tourist flows among Cambodia, Viet Nam, and Lao PDR, while also attracting visitors from third-country markets and destinations around the world.

ក្រុមហ៊ុនធំមួយរបស់ម៉ាឡេស៊ីគ្រោងវិនិយោគលើការផលិតស្ករ កែច្នៃស្រូវ និងកែច្នៃស្វាយចន្ទីនៅកម្ពុជា

ដោយៈ និស្ស័យ

ភ្នំពេញៈ លោកជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា និងសហការី បានទទួលជួបពិភាក្សាការងារជាមួយគណៈប្រតិភូក្រុមហ៊ុន RENTAS HOLDING SDN. BH. ដឹកនាំដោយ Dato Abdul Halim ប្រធានក្រុមហ៊ុន។

ក្រុមហ៊ុន RENTAS HOLDINGS SDN. BHD. គឺជាក្រុមហ៊ុនឯកជនដែលបានបង្កើត និងចុះបញ្ជីនៅប្រទេសម៉ាឡេស៊ី ក្នុងឆ្នាំ ២០២៥ ដែលមានកម្មវត្ថុអាជីវកម្មផ្តោតសំខាន់ លើការធ្វើពាណិជ្ជកម្ម និងចែកចាយស្ករ ក្នុងទីផ្សារម៉ាឡេស៊ី និងមានគោលបំណងពង្រីកទំនាក់ទំនង និងកិច្ចសហការអន្តរជាតិ។

បន្ទាប់ពីមតិស្វាគមន៍របស់លោកអគ្គលេខាធិការ Dato Abdul Halim បានជម្រាបជូនពីការកត់សម្គាល់ឃើញ នូវភាពរីកចម្រើនយ៉ាងឆាប់រហ័សរបស់កម្ពុជា និងសក្តានុពលខ្ពស់ក្នុងការវិនិយោគ។

ទន្ទឹមនេះ Dato Abdul Halim បានឱ្យដឹងថា គោលបំណងនៃការជួបពិភាក្សានាពេលនេះ គឺដើម្បីទទួលបាននូវព័ត៌មានលម្អិតពាក់ព័ន្ធនឹងបរិស្ថានវិនិយោគ និងកាលានុវត្តភាពវិនិយោគនៅកម្ពុជា ខណៈក្រុមហ៊ុនមានចំណាប់អារម្មណ៍ បណ្តាក់ទុនវិនិយោគលើការផលិតស្ករ កែច្នៃស្រូវ និងកែច្នៃស្វាយចន្ទី។

លោកជា វុទ្ធីបានសម្តែងនូវការគាំទ្រ ចំពោះគម្រោងវិនិយោគរបស់ក្រុមហ៊ុន និងបានជំរុញលើកទឹកចិត្ត ឱ្យក្រុមហ៊ុនគិតគូរវិនិយោគបង្កើតរោងចក្រកែច្នៃស្វាយចន្ទី នៅក្នុងតំបន់សេដ្ឋកិច្ចពិសេសឯកទេសឧស្សាហកម្មកែច្នៃស្វាយចន្ទី ស្ថិតនៅខេត្តកំពង់ធំ ដែលជាគំនិតផ្តួចផ្តើមដ៏ខ្ពង់ខ្ពស់ របស់សម្តេចធិបតីនាយករដ្ឋមន្ត្រី ក្នុងគោលបំណងលើកកម្ពស់ខ្សែច្រវាក់តម្លៃ ឧស្សាហកម្មកែច្នៃស្វាយចន្ទី និងទាញយកអត្ថប្រយោជន៍ជាអតិបរមា ពីឧស្សាហកម្មកែច្នៃស្វាយចន្ទីនេះ។

ជាមួយគ្នានេះ លោកអគ្គលេខាធិការ បានបញ្ជាក់ពីការត្រៀមខ្លួនរបស់គណៈកម្មាធិការវិនិយោគកម្ពុជា ក្នុងការផ្តល់ការគាំទ្រ និងសម្របសម្រួលដល់ក្រុមហ៊ុន ក្នុងករណីក្រុមហ៊ុនសម្រេចបណ្តាក់ទុនវិនិយោគនៅកម្ពុជា និងដាក់ពាក្យស្នើសុំចុះបញ្ជីគម្រោងវិនិយោគ ស្របតាមច្បាប់ និងបទប្បញ្ញត្តិជាធរមាន៕

ក្រុមហ៊ុនទេសចរណ៍ដ៏ធំរបស់វៀតណាមចាប់អារម្មណ៍សក្តានុពលទេសចរណ៍កម្ពុជា

ដោយៈ ចំណាន

ភ្នំពេញៈ ក្រុមហ៊ុនទេសចរណ៍ដ៏ធំ និងនាំមុខគេនៅវៀតណាមជាង៣ទសវត្សរ៍ Vietravel Corporation ចាប់អារម្មណ៍សក្តានុពលទេសចរណ៍កម្ពុជាពង្រីក កញ្ចប់ទស្សនកិច្ចរបស់ខ្លួននៅកម្ពុជា។

ក្នុងឱកាសដឹកនាំប្រតិភូជាន់ខ្ពស់ក្រសួងទេសចរណ៍ និងវិស័យឯកជនកម្ពុជាបំពេញទស្សនកិច្ចការងារ ផ្សព្វផ្សាយសក្តានុពលយុទ្ធនាការ “ទស្សនាកម្ពុជានារដូវកាលបៃតង” ព្រមទាំងលើកកម្ពស់សក្តានុពលទេសចរណ៍កម្ពុជា និងពង្រឹងកិច្ចសហប្រតិបត្តិការទេសចរណ៍ជាមួយបណ្តាប្រទេសក្នុងតំបន់ និងដៃគូអន្តរជាតិនៅទីក្រុងហូជីមិញ សាធារណរដ្ឋសង្គមនិយមវៀតណាម លោកហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនលោក Nguyễn Quốc Kỳ ប្រធានក្រុមហ៊ុន Vietravel Corporation និងសហការីជាថ្នាក់ដឹកនាំជាន់ខ្ពស់ ចូលជួបសម្តែងការគួរសម រាយការណ៍ពីសកម្មភាពអាជីវកម្មក្រុមហ៊ុន និងស្នើសុំអនុសាសន៍ដ៏ខ្ពង់ខ្ពស់ អំពីឯកឧត្តមរដ្ឋមន្រ្តីលើកញ្ចប់ទស្សនកិច្ចថ្មីៗ របស់ខ្លូន “ទីក្រុងបុរាណ៣ ប្រទេស៣” ព្រមទាំងពង្រីកកិច្ចសហប្រតិបត្តិការ ក្នុងវិស័យទេសចរណ៍រវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ឱ្យកាន់តែជាក់ស្តែង ប្រកបដោយប្រសិទ្ធភាព និងផ្តល់ផលប្រយោជន៍ទៅវិញទៅមក។

ក្នុងជំនួបពិភាក្សាប្រកបដោយផ្លែផ្កានេះ ភាគីក្រុមហ៊ុនបានបង្ហាញការចាប់អារម្មណ៍ចំពោះសក្តានុពល និងភាពសម្បូរបែបនៃវិស័យទេសចរណ៍កម្ពុជា ដែលបានជម្រុញឱ្យក្រុមហ៊ុន បង្កើតកិច្ចសហការជាមួយក្រសួងទេសចរណ៍ និងវិស័យឯកជនកម្ពុជា ដើម្បីជំរុញការផ្លាស់ប្តូរភ្ញៀវទេសចរ ការផ្សព្វផ្សាយគោលដៅទេសចរណ៍ និងការអភិវឌ្ឍផលិតផលទេសចរណ៍រួមរវាងប្រទេសទាំងពីរ។

ជាកិច្ចឆ្លើយតប លោករដ្ឋមន្រ្តី បានកោតសរសើរ វាយតម្លៃខ្ពស់ និងថ្លែងអំណរគុណដល់លោកប្រធាន និងក្រុមហ៊ុន ដែលបានជឿទុកចិត្តលើការដឹកនាំ របស់រាជរដ្ឋាភិបាលកម្ពុជា និងសក្តានុពលទេសចរណ៍សម្រាប់ការពង្រីកអាជីវកម្ម និងបណ្តាក់ទុនវិនិយោគរបស់ខ្លួន ស្របពេលដែលវិស័យទេសចរណ៍ ដែលទទួលបាននូវការលើកទឹកចិត្តជាច្រើន និងត្រូវបានចាត់ទុកជា “ជន្ទល់សេដ្ឋកិច្ច” ដោយរាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវ និងប្រកបដោយគតិបណ្ឌិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។

តាមរយៈជំនួបប្រកបដោយផ្លែផ្កា ភាគីទាំងពីរ បានឯកភាពជំរុញកិច្ចសហប្រតិបត្តិការជាក់ស្តែង ដោយគម្រោងចុះ អនុស្សរណៈនៃការយោគយល់គ្នា (MoU)ស្តីពីកិច្ចសហប្រតិបត្តិការ ក្នុងវិស័យទេសចរណ៍ ដើម្បីពង្រឹងភាពជាដៃគូក្នុងវិស័យទេសចរណ៍ ដំណើរស្វែងយល់សក្តានុពលទេសចរណ៍ កម្រិតថ្នាក់ដឹកនាំជាន់ខ្ពស់របស់ក្រុមហ៊ុនមកខេត្តសៀមរាប និងតំបន់ឆ្នេររបស់កម្ពុជា។

ជាងនេះទៅទៀត ភាគីទាំងពីរ បានពិភាក្សាផ្លាស់ប្តូរទស្សនៈស៊ីជម្រៅអំពីកញ្ចប់ទេសចរណ៍ “ទីក្រុងបុរាណ៣ ក្នុងប្រទេស៣” ដោយភ្ជាប់ទីក្រុងវេ (Huế) នៃប្រទេសវៀតណាម ទីក្រុងសៀមរាប នៃព្រះរាជាណាចក្រកម្ពុជា និងទីក្រុងហ្លួងព្រះបាង (Luang Prabang) នៃប្រទេសឡាវ ដើម្បីបង្កើតជាផលិតផលទេសចរណ៍ឆ្លងប្រទេស ប្រកបដោយភាពទាក់ទាញ និងច្នៃប្រឌិតជាមួយជើងហោះហើរថ្មីសម្រាប់ទីក្រុងបុរាណទាំង៣ ក្នុងប្រទេសទាំង៣។

តាមរយៈកញ្ចប់ទស្សនកិច្ចថ្មីនេះ ពិតជាអាចជម្រុញកំណើនភ្ញៀវទេសចររវាងប្រទេសទាំង៣ ប្រទេសទី៣ និងពីគ្រប់ទិសទីនៃពិភពលោក៕

ក្រុង និងស្រុកចំនួន៤នៃខេត្តកណ្តាល មានភាពទាក់ទាញជាងគេលើការវិនិយោគអចលនទ្រព្យ

ដោយៈ គង់ សូរិយា

កណ្តាលៈ ក្រុងតាខ្មៅ ច្រករបៀងកណ្តាលស្ទឹង និងស្រុកកៀនស្វាយ ក្នុងខេត្តកណ្តាល មានមូលដ្ឋានរឹងមាំ និងសក្តានុពលសម្រាប់ឱកាសវិនិយោគក្នុងវិស័យអចលនទ្រព្យ។

១. ក្រុងតាខ្មៅ

ទីក្រុងនេះ មានកំណើនប្រជាជនរឹងមាំ សក្តានុពលផ្នែកភូមិសាស្រ្ត ជាមូលដ្ឋានគ្រឹះដ៏រឹងមាំបំផុតក្នុងរយៈពេលខ្លី ព្រោះវាជាផ្នែកមួយនៃតំបន់ទីប្រជុំជនភ្នំពេញ ខណៈដែលអាកាសយានដ្ឋានអន្តរជាតិតេជោថ្មីពង្រឹងច្រករបៀងភាគខាងត្បូង។

ការវិភាគអចលនទ្រព្យថ្មីៗនេះ ក៏បានកំណត់អត្តសញ្ញាណកណ្តាលស្ទឹង និងតាខ្មៅថា ជាច្រករបៀងភាគខាងត្បូងដ៏ក្តៅគគុកបំផុតមួយ។

យោងតាមទិន្នន័យបច្ចុប្បន្នបង្ហាញថា ក្រុងតាខ្មៅមានចំនួនអចលនទ្រព្យលំនៅដ្ឋាន សម្រាប់លក់ច្រើនជាងគេក្នុងចំណោមតំបន់នានារបស់ខេត្តកណ្តាល ដោយមានបញ្ជីចំនួន118 នៅក្នុងសំណុំទិន្នន័យបច្ចុប្បន្នមួយ បើប្រៀបធៀបទៅនឹង 42 នៅកណ្តាលស្ទឹង និង 41 គម្រោងនៅស្រុកកៀនស្វាយ។

២. ស្រុកកណ្តាលស្ទឹង

ជំនួសឱ្យការទិញអចលនទ្រព្យអភិវឌ្ឍន៍ថ្លៃៗ នៅកណ្តាលតាខ្មៅ អ្នកជំនាញផ្តល់អនុសាសន៍ វិនិយោគលើដីដែលមានផ្លូវចូលល្អ ប៉ុន្តែនៅតែជាការអភិវឌ្ឍដំណាក់កាលដំបូង។

បញ្ជីបច្ចុប្បន្នបង្ហាញពីតម្លៃស្នើសុំមធ្យមខ្ពស់ ជាងនៅកណ្តាលស្ទឹងជាងអង្គស្នួល ដែលបង្ហាញថាទីផ្សារកំពុងបែងចែកទីតាំងទាំងនេះរួចហើយ។

៣. សម្រាប់ការវិនិយោគរយៈពេល៥ទៅ១០ឆ្នាំទៀត

ស្រុកកៀនស្វាយ និងអង្គស្នួល គឺជាជម្រើសដ៏គួរឱ្យចាប់អារម្មណ៍។

ស្រុកកៀនស្វាយ មានការតភ្ជាប់យ៉ាងរឹងមាំ ទៅកាន់រាជធានីភ្នំពេញ និងផ្លូវជាតិលេខ១ ខណៈដែលអង្គស្នួលមានមុំឧស្សាហកម្ម/ភស្តុភារកម្ម។

សម្រាប់ឆ្នាំ2026–27៖ គឺកណ្តាលស្ទឹង និងក្រុងតាខ្មៅខាងក្រៅ
2027–30៖ កៀនស្វាយ / អង្គស្នួល ប៉ុន្តែបើសម្រាប់រយៈពេលវែង ដីដែលគួរវិនិយោគ ឬជ្រើសរើស គួរស្ថិតនៅតាមបណ្តោយផ្លូវធំៗ និងច្រករបៀងហេដ្ឋារចនាសម្ព័ន្ធនាពេលអនាគត៕

កម្ពុជានឹងធ្វើម្ចាស់ផ្ទះមហាសន្និបាតពិភពលោក នៅចុងខែកញ្ញា ខាងមុខនេះ

ដោយៈ ចំណាន

ភ្នំពេញៈ កម្ពុជានឹងធ្វើជាម្ចាស់ផ្ទះ មហាសន្និបាតពិភពលោក (GX Summit 2026) ដែលនឹងត្រូវរៀបចំឡើងចាប់ពីថ្ងៃទី២៣ ដល់ថ្ងៃទី២៨ ខែកញ្ញា ឆ្នាំ២០២៦ នៅរាជធានីភ្នំពេញ និងខេត្តសៀមរាប។

លើសពីនេះ រាជាណាចក្រមួយនេះ ក៏នឹងរៀបចំកិច្ចប្រជុំកំពូលបណ្តាប្រទេសនិយាយភាសាបារាំង (Francophonie) លើកទី២០ ដែលនឹងប្រារព្ធឡើងនៅខែវិច្ឆិកា ឆ្នាំ២០២៦ ព្រមទាំងមានព្រឹត្តិការណ៍អមដូចជា “ភូមិហ្វ្រង់កូហ្វនី” និង “Francotech”។

មហាព្រឹត្តិការណ៍ទាំងពីរនេះ នឹងនាំមកនូវផលប្រយោជន៍ជាតិដ៏ធំសម្បើមមួយទៀត ដែលនឹងលើកកម្ពស់កិត្យានុភាពកម្ពុជា លើឆាកអន្តរជាតិ ដែលនឹងផ្តល់នូវឱកាសបង្ហាញមុខមាត់កម្ពុជា ជាប្រទេសមានសុខសន្តិភាព ស្ថេរភាពនយោបាយ ជាពិសេសអាចទាក់ទាញវិនិយោគិនកាន់តែច្រើនមកកាន់កម្ពុជា៕

អ្នកធុរកិច្ចខេត្តហ៊ូណាន មានបំណងចង់បើកទីផ្សារថ្មីនៅកម្ពុជា

ដោយៈ ចំណាន

ភ្នំពេញៈ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានទទួលជួបសម្តែងការគួរសម និងពិភាក្សាការងារជាមួយ គណៈប្រតិភូ ក្រុមប្រឹក្សាជំរុញពាណិជ្ជកម្មអន្តរជាតិចិន ខេត្តហ៊ូណាន ដឹកនាំដោយលោកDeng Luoxing មន្ត្រីត្រួតពិនិត្យថ្នាក់ទី១ ក្នុងឱកាសដែលគណៈប្រតិភូ អញ្ជើញមកបំពេញទស្សកិច្ចនៅកម្ពុជា។

នៅក្នុងជំនួបនេះ លោក Deng Luoxing បានថ្លែងថា ធុរជនខេត្តហ៊ូណាន មានបំណងចង់បើកទីផ្សារថ្មី ព្រមទាំងស្វែងយល់ និងស្វែងរកឱកាសវិនិយោគបន្ថែមនៅកម្ពុជា ខណៈពេលដែលសមាជិកមួយចំនួននៃគណៈប្រតិភូកំពុងមានវត្តមាន និងសិក្សាស្រាវជ្រាវបរិបទទីផ្សារកម្ពុជានាពេលបច្ចុប្បន្ន។

បន្ថែមពីលើនេះ លោកក៏បានគោរពអញ្ជើញ សភាពាណិជ្ជកម្មកម្ពុជាឱ្យដឹកនាំគណៈប្រតិភូ ចូលរួមក្នុងព្រឹត្តិការណ៍ពិព័រណ៍នៅខេត្តហ៊ូណាន ដែលនឹងប្រព្រឹត្តទៅចាប់ពីថ្ងៃទី២១ ដល់ថ្ងៃទី២៣ ខែតុលា ឆ្នាំ ២០២៦ ខាងមុខនេះ។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានសម្តែងនូវការស្វាគមន៍យ៉ាងកក់ក្តៅ និងបានគូសបញ្ជាក់ពីចំណងមិត្តភាពរវាងប្រទេសទាំងពីរ ដែលត្រូវបានពង្រឹងដោយថ្នាក់ដឹកនាំកម្ពុជាគ្រប់ជំនាន់។

អ្នកឧកញ៉ាបានបន្ថែមថា វិនិយោគិនចិនដែលបានមកវិនិយោគនៅកម្ពុជានាពេលកន្លងមក សុទ្ធសឹងតែទទួលបានជោគជ័យ ហើយធុរជនទាំងអស់នោះជាតឹកតាង និងជាកត្តាទាក់ទាញដ៏សំខាន់ក្នុងការជំរុញគណៈប្រតិភូ និងវិនិយោគិនថ្មីៗបន្ថែមទៀត មកស្វែងរកឱកាសវិនិយោគនៅកម្ពុជា។

ជាការឆ្លើយតបទៅកាន់លោក តេង លួវស៊ីង អ្នកឧកញ៉ាបានទទួលយកការអញ្ជើញចូលរួម ក្នុងព្រឹត្តិការណ៍ពិព័រណ៍ និងពិនិត្យលទ្ធភាពរៀបចំគណៈប្រតិភូ សភាពាណិជ្ជកម្មកម្ពុជាចូលរួមកម្មវិធីនេះ ដើម្បីពង្រឹងទំនាក់ទំនងពាណិជ្ជកម្ម និងបង្កើតភាពជាដៃគូយូរអង្វែងរវាងភាគីទាំងពីរ។

ភាគីទាំងពីរប្តេជ្ញាបន្តនិង ពង្រឹងកិច្ចសហប្រតិបត្តិការបន្ថែមទៀតនាពេលអនាគត ព្រមទាំងការផ្លាស់ប្តូរទស្សនកិច្ច គណៈប្រតិភូទៅវិញទៅមក ដើម្បីជំរុញកំណើនសេដ្ឋកិច្ច នៃប្រទេសទាំងពីរឱ្យកាន់តែរីកចម្រើនបន្ថែមទៀត៕