ដោយ វុត្ថា

ភ្នំពេញ៖ តាមការស្ទង់សិក្សាមួយដែលបានចេញផ្សាយ កាលពីថ្ងៃពុធនេះ ដោយស្ថាបត្យកម្មថ្មីទីក្រុងឡុងដ៍ (New London Architecture) ដែលជាវេទិកាឯករាជ្យសម្រាប់ការរៀបចំផែនការទីក្រុងនៅក្នុងទីក្រុងឡុងដ៍ នៃប្រទេសអង់គ្លេសបានបង្ហាញឱ្យដឹងថា ចំនួនអគារខ្ពស់កប់ពពកនៅក្នុងទីក្រុងដ៏ធំមួយនេះ កំពុងតែកើនឡើងយ៉ាងខ្លាំងបើប្រៀបធៀបទៅហ្នឹងបណ្តាប្រទេសមួយចំនួនក្នុងតំបន់អឺរ៉ុប។

របាការណ៍ដដែលបញ្ជាក់ថា ចំនួនអគារខ្ពស់សរុបទាំងអស់មានចំនួន៥១០អាគារ ដែលមានកម្ពស់ចាប់ពី២០ជាន់ឡើង ត្រូវបានគេគ្រោងសាងសង់ និងកំពុងសាងសង់នៅក្នុងទីក្រុងឡុងដ៍របស់ចក្រភពអង់គ្លេស ខណៈអ្នកអភិវឌ្ឍន៍មួយចំនួនមានអារម្មណ៍ថាចង់សាងសង់អាគារនៅតាមបណ្តាជាយក្រុងវិញម្តង។

ការសិក្សាដដែលបានកត់សម្គាល់ថា តួលេខនេះបានកើនឡើង១២ភាគរយធៀបនឹងកាលពីឆ្នាំ២០១៦ ហើយក្នុងចំណោ​មអាគារ៥១០ មានអាគារខ្ពស់ចំនូន១១៥កំពុងសាងសង់នាពេលថ្មីៗនេះ។

ក្នុងទីក្រុងឡុងដ៍ដែលមានអគារខ្ពស់ៗជាច្រើន រួមមាន Spire London នៅតំបន់ Canary Wharf ដែលមានកម្ពស់២៣៥ម៉ែត្រ ដែលនឹងក្លាយជាសំណង់អគារមួយក្នុងចំណោមសំណង់អគារ ដែលមានកំពស់បំផុតរបស់អឺរ៉ុប នៅពេលគំរោងនេះបញ្ចប់ការសាងសង់នៅឆ្នាំ២០២០ខាងមុខនេះ។ ហើយអគារShardមានកម្ពស់៣១០ម៉ែត្រ នៅក្នុងទីក្រុងឡុងនៅតែជាអាគារខ្ពស់ជាងគេនៅអឺរ៉ុបខាងលិច។

ការស្ទង់មតិនេះបានកត់សម្គាល់ផងដែរថា អគារកប់ពពកត្រូវបានគេសាងសង់     ឱ្យស្មើៗគ្នា នៅទីក្រុងឡុងដ៍ដោយសាររចនាសម្ព័ន្ធសំណង់ មានកម្ពស់ខ្ពស់មាននៅក្នុងបន់មួយចំនួនដូចជា តំបន់ Battersea Greenwich Lambeth និង Poplar។

មានតែទីក្រុងចំនួន៧ប៉ុណ្ណោះនៃចក្រភពអង់គ្លេស ដែលមិនមានការសាងសង់អា គារខ្ពស់ៗ ដូចជា ទីក្រុងBexley, Enfield, Havering និងHillingdonជាដើម។

ប្រមាណ៩០ភាគរយនៃអគារខ្ពស់កប់ពពក ដែលនឹងដុះឡើងនាពេលខាងមុខនេះ គឺសម្រាប់ការប្រើប្រាស់ជាលំនៅដ្ឋាន ដែលត្រូវបានគេប៉ាន់ប្រមាណថា នឹងផ្តល់នូវចំនួន ១០៦,០០០យូនីតដាក់ចូលទៅក្នុងទីផ្សារតម្លៃសម្យរបស់ទីក្រុងឡុងដ៍។

លោក Peter Murray ប្រធានស្ថាបត្យកម្មទីក្រុងឡុងដ៍បានឲ្យដឹងថា “ដោយសារចំនួនប្រជាពលរដ្ឋនៅក្នុងទីក្រុងឡុងដ៍បន្តកើនឡើង ហេតុនេះទើបតម្រូវការលំនៅដ្ឋានថ្មីក៏កើនឡើងខ្ពស់”។លោកបន្តថា “តាមទស្សនៈរបស់ខ្ញុំយល់ឃើញ ការសាងសងអគារខ្ពស់ៗនៅកន្លែងដែលត្រឹមត្រូវ គឺជាផ្នែកមួយដោះស្រាយដ៏សមស្រប”៕

ដោយ គង់ សូរិយា

ភ្នំពេញ៖ ឆ្នាំ២០១៨មានអ្វីៗជាច្រើនបានផ្លាស់ប្តូរ និងកំពុងផ្លាស់ប្តូរ ដោយឡែកទីផ្សារខុនដូវិញ អ្នកវិនិយោគបានចាប់យកទីផ្សារថ្មី ដែលផ្តោតលើប្រជាជនមានប្រាក់ចំណូ លមធ្យម។

នាយិកាប្រចាំប្រទេសនៃក្រុមហ៊ុន CBRE Cambodia អ្នកនាងអាន សុធីតាបានថ្លែងឲ្យដឹងតាមទូរស័ព្ទកាលពីម្សិលម៉ិញនេះថា ឆ្នាំ២០១៨នេះទីផ្សារខុនដូបា​នផ្តោតមកកាន់ប្រជាជនមានប្រាក់ចំណូលមធ្យម និងប្រាក់ចំណូលទាប ដោយមានគំ​រោងមួយចំ​នួនបានបើកការដ្ឋានសាងសង់នៅដើមឆ្នាំនេះ ដែលគំរោងខុនដូបែបនេះឆ្លើយតបនឹងតម្រូវការប្រជាពលរដ្ឋក្នុងស្រុក ហើយប្រជាជនក្នុងស្រុកអាចមានលទ្ឋភាពទិញបាន។

ខុនដូដែលមានតម្លៃសមរម្យឆ្នាំនេះ មានដូចជា គំរោងខុនដូ Arakawa ស្ថិតក្នុង​សង្កាត់ទឹកថ្លា ខ័ណ្ឌពោធិសែនជ័យ គំរោង Urban Village ស្ថិតក្នុងសង្កាត់ចក្រអង្រែលើ ខ័ណ្ឌមានជ័យ គំរោងខុនដូL ស្ថិតក្នុងសង្កាត់បឹងទំពុន ខ័ណ្ឌចំការមនជាដើម។

អ្នកនាងអាន សុធីតាបានបន្តថា គំរោងខុនដូដែលផ្តោតលើប្រជាជនមានប្រាក់ចំណូលមធ្យម មានប្រមាណជាង២០០០យូនីត ដែលនឹងបញ្ចប់នៅពេលខាងមុខ ស្រប​ពេលទីផ្សារខុនដូបែបនេះមានភាពល្អប្រសើរ ខណៈខុនដូមានតម្លៃខ្ពស់និងប្រណីតមានការលំបាកក្នុងការលក់ ប៉ុន្តែយ៉ាងណាក៏ដោយខុនដូប្រណីតនៅតែលក់បានដដែល ប៉ុន្តែមានល្បឿនយឺតជាងមុន។

ភាគហ៊ុនិកនៃគំរោងលំនៅដ្ឋានL ភ្នំពេញលោកទុយ ប៊ុ​នដែលបានវិនិយោគខុនដូចំនួន៥គំរោងនៅទីក្រុងភ្នំពេញបានថ្លែងថា ទីផ្សារខុនដូដែលលោកផ្តោត គឺស្ថិតនៅចំតម្រូវការទីផ្សារពិតប្រាកដ ហេតុនេះលោកមិនបារម្ភពីការប្រកួតប្រជែង និងអតិថិជននោះទេ ដោយសារលោកចាប់យកចំណែកអតិថិជនខុសពីគេ។លោកបន្តថា ការលក់ខុនដូរបស់លោកនៅតែទទួលបានជោគជ័យ ទោះបីជាអតិថិជនជនជាតិខ្មែរស្ងប់ស្ងាត់ ប៉ុន្តែអ្នកវិនិយោគចិនជាច្រើនបានទិញគំរោងរបស់លោក។

លោកបន្តថា “ខ្ញុំនៅតែមានសុទិដ្ឋិនិយមពីចំណែកនៃទីផ្សារនេះ ហើយខ្ញុំគិតថាគំ​រោងរបស់ខ្ញុំនឹងបន្តទទួលបានជោគជ័យ”៕

ដោយ វុត្ថា

ភ្នំពេញ៖ រហូតមកដល់ពេលនេះ ការសាងសង់ស្ពានបាឡេឆ្លងកាត់ទន្លេសាបកណ្តាលក្រុងភ្នំពេញ ចេញពីផ្លូវជាតិលេខ ៥ ចំណុចគីឡូម៉ែត្រលេខ៦ ក្នុងខណ្ឌឬស្សីកែវ ទៅកាន់តំបន់អភិវឌ្ឍន៍ជ្រោយចង្វារ ស្ថិតក្នុងសង្កាត់ព្រែកតាសេក ខណ្ឌជ្រោយចង្វារដើម្បីឱ្យឆ្លងកាត់ជាបណ្តោះអាសន្ន ជំនួសស្ពានជ្រោយចង្វារចាស់ ដែលបានបិទចរាចរដើម្បីធ្វើការជួសជុលនោះ សាងសង់សម្រេចបាន ៩០ភាគរយ ហើយ គ្រោងនឹងដាក់អោយដាក់ឪ្យដំណើរបណ្តោះអាសន្នក្នុងពាក់កណ្តាលខែក្រោយនេះ ។

តំណាងកម្មករម្នាក់ដែលកំពុងតភ្ជាប់ដែកស្ពាន សុំមិនបញ្ចេញឈ្មោះ បានរៀបរាប់អោយគេហទំព័រ propertyarea.asia បានអោយដឹងថា កម្មករកំពុងមមាញឹកធ្វើទាំងទាំងថ្ងៃដើម្បីអោយហើយក្នុងអំឡុងខែឧសភា ពោល គឺក្នុងពាក់កណ្តាលខែក្រោយនេះ អោយហើយរួចរាល់ដើម្បីដាក់អោយដាក់ដំណើរការជូនបងប្អូនប្រជាពលរដ្ឋខ្មែរបានធ្វើដំណើរឆ្លងកាត់ ព្រោះថាក្នុងរាជធានីភ្នំពេញនាពេលបច្ចុប្បន្នចរាចរណ៍មមាញឹក ជាពិសេសស្ពានជ្រោយចង្វារទី ១កំពុងធ្វើការជួយជុល ហើយដាក់អោយដំណើរតែស្ពានតែមួយធ្វើអោយមានកកស្ទះជារៀងរាល់ថ្ងៃ។ ចឹងនៅពេលស្ពានបានឡេនេះសាងសង់បញ្ចប់នឹងអាចជួយកាត់បន្ថយការកកស្ទះចរាចរណបានច្រើនជំនួសអោយស្ពានជ្រោយចង្វារចាស់។

លោក ធារ៉ា អ្នកលក់បន្លែតាមម៉ូតូ បានអោយដឹងថា នៅពេលស្ពានបានឡេនេះ សាងសង់រួចហើយនោះ នឹងមានភាពងាយស្រួលសំរាប់លោកក្នុងការដឹងបន្លែរឆ្លងកាត់ទៅលក់នៅត្រើយសង្ខាង និងកាត់បន្ថយពេលវេលាក្នុងការជិះបំវាងផ្លូវឆ្ងាយ និងកកស្ទះចរាចរណ៍។
លោកក៏បានស្នើរដល់រដ្ឋាភិបាលអោយគិតគូបន្ថែមទៅលើការសាងស់ស្ពានអោយបានច្រើនដើម្បីសម្រួលដល់ការកាត់បន្ថយការកកស្ទះចរាចរណ៍ក្នុងរាជធានីភ្នំពេញ និងនៅតាមបណ្តាខេត្តមួយចំនួនទៀត។

ស្ពានបាឡេដែលកំពុងស្ថាបនានេះតាមគម្រោងចំណាយថវិកាចំនួន៥ លានដុល្លារ ស្ពាននេះមានប្រវែង៩២២ម៉ែត្រ ទទឹង២០,៥ម៉ែត្របានចាប់ផ្តើមសាងសង់កាលពីចុងឆ្នាំ២០១៧កន្លងទៅនេះ។ ចិញ្ចើមស្ពានសម្រាប់ថ្មើរជើង មានទទឹង១,២៥ម៉ែត្រសងខាង, កំពស់សរសរស្ពានសំរាបព្យួរខ្សែកាប ធៀបនឹងកំរាលស្ពាន៣៤ម៉ែត្រ សរសរសំរាប់ព្យួរខ្សែកាប មានសរសរចំនួន៤, គន្លងខ្សែយានយន្តទទឹង៣.៧៥ម៉ែត្រ, គន្លងធ្វើចរាចរ២ខ្សែទៅ២ខ្សែមក, កំពស់នាវាចរក្រោមស្ពានអតិបរមា នៅរដូវវស្សា១០.៥ម៉ែត្រ, កំពស់នាវាចរក្រោមស្ពានអប្បរមា នៅរដូវប្រាំង២០.៥ម៉ែត្រ បំពាក់បង្គោលភ្លើងបំភ្លឺ និងដាក់ស្លាកសញ្ញាចរាចរផងដែរ។

ស្ពាននេះ មានតួនាទីសំខាន់ក្នុងការរួមចំណែករំដោះចរាចរលើផ្លូវជាតិលេខ៦ និងផ្លូវជាតិលេខ៥ ក៏ដូចជាច្រកចេញចូលរាជធានីភ្នំពេញ និងជាសមិទ្ធផលថ្មីមួយទៀត ជាចំណងដៃសម្រាប់រាជធានីភ្នំពេញ និងប្រជាពលរដ្ឋដែលបានឆ្លងកាត់ស្ពាន ក៏ដូចបង្កើនសរសៃឈាមសេដ្ឋកិច្ច តភ្ជាប់ពីបណ្តាខេត្ត មករាជធានីភ្នំពេញ និងពីរាជធានីភ្នំពេញ ទៅតាមបណ្តាខេត្តផងដែរ ក្រោមអនុសាសន៍របស់សម្តេចតេជោ ហ៊ុន សែន។

លោក ម៉េត មាសភក្តី អ្នកនាំពាក្យសាលារាជធានីភ្នំពេញ បញ្ជាក់ថា ក្រុមហ៊ុន អូស៊ីអាយស៊ី ដែលអភិវឌ្ឍន៍ទីក្រុងរណបជ្រោយចង្វារ គឺទទួលការសាងសង់ស្ពានបាឡេឆ្លងកាត់ទន្លេសាបនេះ៕

ដោយ វុត្ថា

យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ (MLMUPC)បានបង្ហាញថា មាន គម្រោងសំណងចំនួន ៥៨៦ គម្រោងដែលមានតម្លៃវិនិយោគប្រមាណ ៣៥៦ លានដុល្លារអាមេរិកត្រូវបានអនុម័តក្នុងកំឡុងពេល ២ ខែដំបូងសម្រាប់ឆ្នាំ ២០១៨ នេះ ។ ទោះជាយ៉ាងណាក៏ដោយចំនួននេះគឺជាចំនួនទាបជាងអំឡុងពេលដូចគ្នាកាលពីឆ្នាំមុន។

ក្រុមហ៊ុន CBRE Cambodia បានឱ្យដឹងថាចំនួនគម្រោងសាងសង់សំណង់មានការកើនឡើង តម្លៃដីនៅតាមបណ្តាខណ្ឌសំខាន់ៗក្នុងរាជធានីភ្នំពេញត្រូវបានកើនឡើង ១,២ ភាគរយ បើធៀបនឹងរយៈពេលដូចគ្នាកាលពីឆ្នាំមុនប្រហែល ៤,២ ភាគរយ។

ទាក់ទងនឹងទីផ្សារខុនដូរ របាយការណ៍ដូចគ្នានេះក៏បង្ហាញផងដែរថាក្នុងអំឡុងត្រីមាសទី ១ មានគម្រោងខុនដូចំនួនពីរត្រូវបានចាប់ផ្តើមសម្ពោធដោយគេរំពឹងថាមានចំនួនប្រមាណ ២.២៤៤ យូនីតនៅក្នុងរយៈពេលបីឆ្នាំខាងមុខ។

បើយោងតាមរបាយការណ៍ CBRE ថា ស្របពេលដែលមានការលក់ដេញថ្លៃសម្រាប់ទីផ្សារខុនដូលំដាប់កណ្តាល និងខុនដូលំដាប់ខ្ពស់បានថយចុះ ២%នោះ តម្លៃទីផ្សារលក់ខុនដូដែលមានតំលៃសមរម្យបានកើនឡើងប្រមាណ ៧% ។ ផ្ទុយទៅវិញតម្លៃជួលខុនដូលំដាប់ខ្ពស់និងមធ្យមនៅទីតាំងសំខាន់ៗបានធ្លាក់ចុះ ៣,៨ ភាគរយ។ ។

សរុបមកទីផ្សារអចលនទ្រព្យនៅក្នុងប្រទេសកម្ពុជាក្នុងត្រីមាសទី ១ សម្រាប់ឆ្នាំ ២០១៨ ជាទូទៅមានចលនាវិជ្ជមានក្នុងការទស្សន៍ទាយកំណើន GDP ៦,៩ ។