ដោយ : វុត្ថា

ភ្នំពេញ : សហរដ្ឋអាមេរិកបានបន្តផ្តល់អនុគ្រោះពន្ធ ដល់ប្រទេសអភិវឌ្ឍន៍តិចតួច​ឡើង​វិញ​កាលពីម្សិលមិញ ក្រោយពីប្រទេសនេះ បានធ្វើការត្រួតពិនិត្យឡើងវិញក្នុង​ការផ្តល់ការអនុគ្រោះពន្ធ (GSP) ដល់បណ្តាលប្រទេស ដែលមានការអភិវឌ្ឍតិច​តួច​ដូចជាប្រ​ទេ​សកម្ពុជាជាដើម។

ក្រសួងពាណិជ្ជកម្មនៃប្រទេសកម្ពុជា បានចេញសេចក្តីជូនដំណឹងមួយនៅថ្ងៃទី ២៣ ខែមេសាឆ្នាំ២0១៨ នេះ ថា លោកប្រធានាធិបតីសហរដ្ឋអាមេរិក Donald Trump បានចុះហត្ថលេខាលើច្បាប់ស្តីពី H.R 1625, The Consolidated Appropriation Act 2018 ដើម្បីបន្តឡើងវិញនៃប្រព័ន្ធអនុគ្រោះពន្ធទូទៅ ដោយភ្ជាប់ជាមួយការធ្វើ​ប្រតិកម្មពីថ្ងៃទី១ ខែមករា ឆ្នាំ ២០១៨ ដល់ថ្ងៃទី៣១ ខែធ្នូឆ្នាំ២០២០។

សេចក្តីជូនដំណឹងដដែលបន្តថា ការបន្តឡើងវិញនៃការផ្តល់ប្រព័ន្ធអនុគ្រោះទូទៅនេះ បានចូលជាធរមានកាលពីថ្ងៃទី២២ ខែមេសា ឆ្នាំ២០១៨ ហើយចំពោះប្រទេសដែល​បាន​នាំចូលទៅសហរដ្ឋអាមេរិក គិតចាប់ពីថ្ងៃទី១ ខែមករា ឆ្នាំ២០១៨ អាចស្នើរសុំដក​ប្រាក់ព័ន្ធដែលបង់រួចវិញបាន តាមការជួនដំណឹងរបស់តំណាងពាណិជ្ជកម្ម​សហរដ្ឋ​អាមេរិក (USTR)។

យោងតាមការណែនាំរបស់អង្គភាពគយ និងការពារព្រុំដែនសហរដ្ឋអាមេរិក (U.S. Customs and Border Protection (CBP)) បានបញ្ជាក់ថា រាល់ពាណិជ្ជករទាំង​អស់​ដែលប្រើ Special Program Indicator (SPI) ដូច (“A”= All Developing Beneficiary Countries) នឹងត្រូវទទួលប្រាក់ពន្ធ ដែលត្រូវបានបង់ត្រឡប់មកវិញ​ដោយស្វ័យប្រវត្តិ។ ដោយឡែកចំពោះពាណិជ្ជករ នាំផលិតផលចូលទៅកាន់​សហរដ្ឋអាមេរិក ដែលមិនប្រើ SPI កូដ “A” អាចស្នើរសុំប្រាក់ពន្ធមកវិញបាន​តាមរយៈ US Customs and Border Protection (CBP) ដោយត្រូវដាក់ពាក្ស​ស្នើរសុំដោយខ្លួនឯងអោយបានមុន ថ្ងៃទី ១៩ ខែកញ្ញា ឆ្នាំ ២០១៨។

សូមរំលឹកថា កាលពីកន្លងទៅនេះ រដ្ឋាភិបាលសហរដ្ឋអាមេរិកបានធ្វើការត្រួត​ពិនិត្យ​ឡើងវិញក្នុងការផ្តល់ការអនុគ្រោះពន្ធGSP ដល់បណ្តាលប្រទេស ដែលមានការអភិ​វឌ្ឍតិចតួច ដូចជា ប្រទេសកម្ពុជា លើទំនិញជាច្រើនប្រភេទ រួមមាន ទំនិញស្បែកជើង និងកាបូបជាដើម។

យោងតាមតួលេខរបស់ការិយាល័យស្ថិតិសហរដ្ឋអាមេរិក ដែលបានចេញផ្សាយ​កាលពីខែកក្កដាបានបង្ហាញថា ការនាំចូលរបស់អាមេរិក ក្រោមក្របខណ្ឌការ​អនុគ្រោះ​ពន្ធ GSP មានទំហំទឹកប្រាក់ប្រមាណជាង១៨ពាន់លានដុល្លារអាមេរិក។ ចំណែកការនាំចេញផលិតផលស្បែកជើង និងកាបូបរបស់កម្ពុជា ក្រោមក្របខណ្ឌ​ការអនុគ្រោះពន្ធនេះ ទៅកាន់សហរដ្ឋអាមេរិក មានទំហំទឹកប្រាក់ជាង១៦០លានដុល្លារ៕

ដោយ វុត្ថា

ភ្នំពេញ៖ ទីផ្សារអចលនទ្រព្យប្រទេសថៃ កំពុងស្រួបយកក្រុមហ៊ុនអចលនទ្រព្យជាច្រើនមកពីប្រទេសជប៉ុន ដើម្បីវិនិយោគសាងសង់ខុនដូនៅទីក្រុងបាងកក ជាក់ស្តែងក្រុមហ៊ុនអចលនទ្រព្យដ៏ធំរបស់ប្រទេសជប៉ុន Tokyo Tatemono កំពុងមានមហិច្ឆិតាអភិវឌ្ឍន៍ខុនដូ និងអគារខ្ពស់់ៗក្នុងទីក្រុងនេះ។

យោងតាមការចុះផ្សារពីកាសែត Nikei  Asian Review របស់ជប៉ុនបានរាយការណ៍កាលពីពេលថ្មីៗនេះថា ក្រុមហ៊ុនអភិវឌ្ឍន៍អចលនទ្រព្យ Tokyo Tatemono នឹងបោះទុនចំនួន២៦០លានដុល្លារ ដើម្បីសាងសង់ខុនដូដ៏ទំនើប ក្នុងទីក្រុងបាកករបស់ប្រទេសថៃ។ ក្រុមហ៊ុនដ៏ធំនេះ នឹងចាប់ដៃគូជាមួយក្រុមហ៊ុនថៃ Raimon Land និងចុះហត្ថលេខាសាងសង់អគារខុនដូ កំពស់៣១ជាន់ ដែលមានផ្ទះ១៥០ យូនីត ក្នុងទីក្រុងបាកកក្នុងសង្កាត់ Sukhumvit ។

គម្រោងនៃកិច្ចសហកាគ្នារវាងក្រុមហ៊ុនទាំងពីរ នឹងធ្វើឲ្យក្រុមហ៊ុនទាំងនេះមានលទ្ឋភាពសាងសង់អគារខុនដូមួយទៀត កំពស់៣៦ ជាន់ដែលមានផ្ទះ២៥០យូនីត ក្នុងសង្កាត់ Sathorn ដែលមានសេដ្ឋកិច្ចលូតលាស់ខ្លាំងមួយក្នុងចំណោតំបន់ផ្សេងទៀត។

គម្រោងសាងសង់ទាំងពីរអគារនេះ នឹងត្រូវសាងសង់បញ្ចប់នៅក្នុងឆ្នាំ២០២១។

ក្រៅពីនេះ ក្រុមហ៊ុនអភិវឌ្ឍន៍អចលនទ្រព្យ Tokyo Tatemono កំពុងចូលរួមជាមួយក្រុមហ៊ុនជប៉ុនMitsubishi Estate អភិវឌ្ឍន៍ខុនដូចំនួន១២ ដែលមានផ្ទះចំនួន១២,០០០យូនីត ក្នុងប្រទេសថៃ។ ជាមួយគ្នានោះ ក្រុមហ៊ុន Mitsubishi Estate ក៏មានគម្រោងអភិវឌ្ឍន៍ខុនដូចខំនួន២០ ដែលមានផ្ទះ១៦,០០០យូនីត នៅទូទាំងប្រទេសថៃផងដែរ។

ក្រុមហ៊ុន Nomura Real Estate Development  របស់ជប៉ុន ក៏មានប្រតិបត្តិការសេវាកម្មអាផាតមិននៅក្នុងប្រទេសផងដែរ។

បើនិយាយក្នុងប្រទេសជប៉ុនវិញ ក្រុមហ៊ុន Tokyo Tatemono មានកេរ្តិ៍ឈ្មោះល្បីរន្ទឺ ក្នុងការអភិវឌ្ឍន៍លំនៅដ្ឋានខុនដូ សិ្ថតក្រោមម៉ាក Brillia របស់ខ្លួន។

ការបណ្តាក់ទុនរួមគ្នារវាងក្រុមហ៊ុនថៃ និងក្រុមហ៊ុនបរទេសបានកើនឡើងក្នុងប៉ុន្មានឆ្នាំថ្មីៗនេះនៅក្នុងប្រទេសថៃ។ តម្លៃសរុបនៃគម្រោងJV រវាងក្រុមហ៊ុនអភិវឌ្ឍន៍ជប៉ុន និងថៃនៅក្នុងប្រទេសថៃនេះ បានកើនឡើងដល់២០០ពាន់លានបាត ដែលស្មើរនឹង៦,៤ ពាន់លានដុល្លារ គិតចាប់តាំងពីឆ្នាំ២០១៣ កន្លងមកនេះ៕

ដោយ ដែន ចែងចាំង

ភ្នំពេញ៖ កោះដាច់ មិនមែនដាច់ពីគេពីឯងដូចពីមុនទៀតទេ ប៉ុន្តែបច្ចុប្បន្នដែនដីនេះត្រូវបានរដ្ឋាភិបាល កាត់បញ្ចូលមកស្ថិតក្រោមរដ្ឋបាលក្រុងភ្នំពេញហើយ ដែលធ្វើឲ្យដីធ្លីតំបន់នេះបានឡើងថ្លៃ តែការអភិវឌ្ឍស្ថិតនៅក្នុងដំណើរយឺតៗនៅឡើយ។

ជាទឹកដីពោរពេញដោយជីវជាតិ និងជាតំបន់ត្បាញហូលផាមួងល្បីល្បាញមួយកាលពីប៉ុន្មានឆ្នាំមុន ប៉ុន្តែពេលនេះតំបន់នេះ កំពុងរង់ចាំស្ពានថ្មីដែលតភ្ជាប់ពីតំបន់ព្រែកលាភ ទៅកាន់កោះនេះនាពេលអនាគត។

ចៅសង្កាត់កោះដាច់ លោកប៉ាត់ អ៊ែលបានថ្លែងឲ្យដឹងតាមទូរស័ព្ទកាលពីពេលថ្មីៗនេះថា ប្រជាពលរដ្ឋពិតជាត្រេកអរខ្លាំងណាស់ នៅពេលលឺពីគំរោងសាងសង់ស្ពាន របស់រដ្ឋាភិបាលមកកាន់ដីកោះនេះ ហើយមានប្រជាពលរដ្ឋមួយចំនួន បានដំឡើងថ្លៃដីរបស់ពួកគាត់ខ្លះៗផងដែរ ប៉ុន្តែមិនមានឈ្មួញចុះសាកសួររកទិញដីគគ្រឹកគគ្រេងនោះទេ។លោកបន្តថា តំលៃដី​នៅជាប់ផ្លូវបេតុង នៅលើកោះមានតំលៃចន្លោះពី៤០ ទៅ៨០ដុល្លារ និងនៅតាមផ្លូវលំកបន្តថា តំលៃដី​នៅជាប់ផ្លូវបេតុងនៅលើកោះមានតំលៃចន្លោះពី៤០ទៅ៨០ដុល្លារ និងនៅតាមផ្លូវតូចៗមានតំលៃគ្រឹកគគ្រេងនោះទេ។ិបាលមកកាន់ដីកោះនេះតូចៗមានតំលៃចន្លោះពី១០ ទៅ២០ដុល្លារក្នុងមួយម៉ែត្រការ៉េ។

លោកបន្តថា “នៅកោះដាច់មានដីធំៗច្រើន សម្រាប់លក់ឲ្យតែមានតម្រូវការ ប៉ុន្តែការឡើងថ្លៃដីបច្ចុប្បន្ន ប្រជាជនចេះតែទាមទារខ្លួនឯងប៉ុណ្ណោះ”។លោកបន្តថា “ខ្ញុំ និងប្រជាជនដទៃទៀតនៅលើកោះនេះពិតជាសប្បាយរីករាយ នឹងគំរោងសាងសង់ស្ពានេះ តែមិនដឹងថាការសាងសង់នឹងចាប់ផ្តើមនៅពេលណាទេ”។

សង្កាត់កោះដាក់មានភូមិចំនួន៥ និងមានប្រជាពលរដ្ឋរស់នៅជាង១៣០០០នាក់នាពេលបច្ចុប្បន្ននេះ។

ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Daily Realty Group លោកហៃ រ៉ាវីបានថ្លែងថា ព៌តមានពីការសាងសង់ស្ពានទៅកាន់តំបន់នេះ មានជាយូរមកហើយ ប៉ុន្តែការសាងសង់ពេលណាមិនទាន់ដឹងជាក់លាក់នៅឡើយទេ ហេតុនេះទើបមិនសូវមានតម្រូវការដីធ្លីនៅតំបន់នេះ បើទោះតំបន់នេះមានដីមានជីវជាតិល្អ មានខ្យល់អាកាសល្អ និងមានទន្លេព័ទ្ឋជុំវិញក្តី។

លោកបន្តថា “តំបន់នេះអភិវឌ្ឍន៍លឿន ឬយឺតអាស្រ័យលើស្ពានសាងសង់រួច​នៅពេលណា ប៉ុន្តែខ្ញុំគិតថាតំបន់នេះទាមទាររយៈពេល៥ ទៅ១០ឆ្នាំទៀតទើបមានសកម្មភាពអភិវឌ្ឍន៍ផ្សេងៗ”។លោកបន្តថា “ដីនៅក្បែរៗក្រុងនៅសល់ច្រើននៅឡើយ ហើយការអភិវឌ្ឍនៅតំបន់ក្បែរក្រុងក៏មិនទាន់អស់ដីដែរ ហេតុនេះខ្ញុំគិតថាតំបន់នេះនឹងមិនមានការអភិវឌ្ឍន៍ឆាប់រហ័សទេ”។

លោកអ៊ិន ស៊ីថាអ្នកវិភាគផ្នែកអចលនទ្រព្យឯករាជ្យ ដែលតែងតែជិះកង់កំសាន្តនៅតំបន់កោះដាច់ស្ទើររៀងរាល់សប្តាហ៍បានថ្លែងថា តំបន់កោះដាច់មានតង់ស៊ីតេប្រជាជននៅមានកម្រិត ដីធ្លីភាគច្រើនគេទិញយកអស់ទៅហើយ ដូចនេះតំលៃដីធ្លីនៅតំបន់នេះនឹងមិនកើនតំលៃខ្ពស់លឿននោះទេ បើទោះជាស្ពានសាងសង់រួចក៏​ដោយ។លោកបន្តថា ឧទាហរណ៍ជាក់ស្តែង ពេលសាងសង់ស្ពានព្រែកតាមាក់រួច ក៏ដីតំបន់នៅជុំវិញនោះមិនឡើងថ្លៃ និងមិនមានសកម្មភាពអភិវឌ្ឍន៍អ្វីច្រើននោះទេ ក្រៅពីគំរោងរបស់ក្រុមហ៊ុន SKYLAND បើទោះជាតំបន់នោះមានចម្ងាយត្រឹម២៥គីឡូម៉ែត្រពីរាជធានីក្តី។

លោកបន្តថា “តំបន់នេះប្រសិនជាធ្វើជាតំបន់ឧស្សាហកម្ម ឬពាណិជ្ជកម្មអាច​ប្រឈមមុខនឹងការលំបាក ដោយសារមានការលិចទឹកនៅរដូវវស្សា ហេតុនេះអ្នកអភិវឌ្ឍន៍ត្រូវការពេលវេលាច្រើនសិក្សា និងចាក់ដី ដើម្បីឲ្យខ្ពស់ជាងនីវូទឹកទន្លេនារដូវវស្សា”។លោកបន្តថា“តំបន់នេះជាយោបល់ខ្ញុំ វាស័ក្តិសមជាតំបន់រមណីយដ្ឋាន និង​បឹងហ្កាឡូកំសាន្ត តែបើសាងសង់បុរីបែបលំហែរអាចសមស្រប តែកម្រិតទីផ្សារមិនខ្លាំងនោះទេ”។

ទោះជាយ៉ាងណាលោកអ៊ិន ស៊ីថាពិតជាស្វាគមន៍ចំពោះការសាងសង់ស្ពាន

ភ្ជាប់ទៅកាន់កោះនេះ ព្រោះវានឹងជួយសម្រួលការធ្វើដំណើរ កាត់បន្ថយការចំណាយ​របស់ប្រជាពលរដ្ឋ ព្រោះបច្ចុប្បន្នការឆ្លងសាឡាងទៅកាន់កោះនេះត្រូវចំណាយ៦ពាន់រៀលសម្រាប់ឡាន និង១០០០រៀលសម្រាប់ម៉ូតូ១។

ទោះជាយ៉ាងណាលោកវ៉ន ចាន់ថនអគ្គនាយកក្រុមហ៊ុន Town City Real Estateមានសុទិដ្ឋិនិយមជាងនេះ ដោយលោកបានថ្លែងថា ប្រសិនជាស្ពានសាងសង់ភ្ជាប់ទៅកាន់តំបន់នេះ តំលៃដីពិតជាឡើងថ្លៃមិនខាន ព្រោះជាធម្មតានៅពេលហេដ្ឋារចនាសម្ព័ន្ឋរបស់រដ្ឋាភិបាលសាងសង់ទៅដល់ទីណា ប្រជាពលរដ្ឋនៅតំបន់នោះនឹងទទួលបានផលប្រយោជន៍ ហើយតំបន់នោះនឹងមានការអភិវឌ្ឍ ព្រោះបើធៀបនឹងតំបន់អរិយក្សត្រ តំបន់នេះមានចម្ងាយជិត និងមានភាពអំណោយផលជាង។

លោកបន្តថា “ប្រសិនជាស្ពានសាងសង់រួច តំបន់នេះគួរអភិវឌ្ឍន៍ជាលំនៅដ្ឋាន​លំដាប់ high class និងគួរកែច្នៃឲ្យដូចជាកោះបាលីរឹតតែល្អ ព្រោះតំបន់នេះមាន​ខ្យល់អាកាសល្អ និងមានទន្លេព័ទ្ឋជុំវិញ”។ លោកបន្តថា “សណ្ឋាគារ បឹងហ្កាឡូ ផ្ទះបែបសម្រាកកំសាន្ត ទាំងគេទាំងខ្ញុំនឹងចាប់អារម្មណ៍ទៅរស់នៅតំបន់នេះនាពេល​អនាគត”។

សង្កាត់កោះដាច់ស្ថិតនៅប្របដងទន្លេមេគង្គលើ និងមានចម្ងាយប្រមាណ៥គីឡូម៉ែត្រពីស្ពានជ្រោយចង្វារ។ សង្កាត់កោះដាច់ស្ថិតក្នុងខ័ណ្ឌជ្រោយចង្វារ រាជធានីភ្នំពេញ។

កាលពីដើមខែឧសភាឆ្នាំមុន លោកប៉ា សុជាតិវង្សអតីតអភិបាលរាជធានីភ្នំពេ​ញបាន​ប្រកាសពីគំរោងសាងសង់ស្ពានភ្ជាប់ទៅកាន់សង្កាត់កោះដាច់ និងស្ពានភ្ជាប់ទៅតំបន់​ស្វាយជ្រុំ និងតំបន់អរិយក្សត្រភ្ជាប់មកតំបន់ក្តីតាកុយ ស្ថិតនៅតាមបណ្តោ​យផ្លូវជាតិលេខ១៕