លោកឧកញ៉ាលី ហួរ៖ វិស័យ៥ជំរុញកំណើនសេដ្ឋកិច្ចកម្ពុជាកើនក្នុងរង្វង់ ៧%

November 20, 2017

ដោយ៖ ដែន ចែងចាំង

ភ្នំពេញ៖ ដឹកនាំប្រតិភូសមាគមអ្នកអភិវឌ្ឍន៍លំនៅដ្ឋានចូលរួមជាមួយពិព៌ណអចលនទ្រព្យនៅប្រទេសថៃ លោកឧកញ៉ាលី ហូរបានលើកឡើងពីបរិយកាកាសនយោបាយល្អនៅកម្ពុជា សំដៅចូលរួមទាក់ទាញអ្នកវិនិយោគមកកាន់កម្ពុជាបន្ថែមទៀត។

លោកឧកញ៉ាលី ហួរប្រធានសមាគមអ្នកអភិវឌ្ឍន៍លំនៅដ្ឋានកម្ពុជាបានថ្លែងថាវិស័យសំខាន់ៗចំនួន៥បាននិងកំពុងជំរុញកំនើនសេដ្ឋកិច្ចកម្ពុជា ដូចជា វិស័យវាយណភ័ណ្ឌ សំណង់ ទេសចរណ៍ ហិរញ្ញវត្ថុ និងវិស័យកសិកម្ម ដែលជាវិស័យស្នូលជួយជំរុញកំនើនសេដ្ឋកិច្ចកម្ពុជា ក្នុងកំនើនជាង៧ភាគរយក្នុងរយៈពេលជាង២ទសវត្សរ៍កន្លងមកនេះ។

លោកឧកញ៉ាលី ហួរកាលពីចុងសប្តាហ៍មុនបានអញ្ជើញចូលរួមពិព៌ណមួយនៅប្រទេសថៃ ដែលមានឈ្មោះថា Smart City Safe City Lighting Fair 2017 ដែលប្រារពធ្វើនៅទីក្រុងបាងកកប្រទេសថៃ។

លោកបន្តថា “ឬសគល់សំខាន់នៃការរីកចម្រើនវិស័យទាំងនេះ ដោយសារកត្តាសុខសន្តិភាព ស្ថិរភាពនយោបាយ ការរីកចម្រើនធនធានមនុស្ស ភាពអំណោយផលនៃទីតាំងភូមិសាស្ត្រ លក្ខខ័ណ្ឌអាកាសធាតុល្អជាដើម។

លោកឧកញ៉ាប្រធានសមាគមអ្នកអភិវឌ្ឍន៍លំនៅដ្ឋានកម្ពុជា បានបន្តថាជម្រាបជូនអ្នកវិនិយោគអន្តរជាតិនាឳកាសនោះទៀតថា ប្រទេសកម្ពុជាត្រូវការអ្នកវិនិយោគពីបរទេសបន្ថែមទៀត ដើម្បីរួមចំណែកដល់ការអភិវឌ្ឍប្រទេសកម្ពុជា ឲ្យបន្តរីកចម្រើនទៅមុខនិងទទួលបានផលចំណេញ ដើម្បីអភិវឌ្ឈន៍សេដ្ឋកិច្ចសង្គមរបស់យើង”៕

Cambodians’ Trends in Living in Condos When Land Prices Boom

November 20, 2017

0

By Kong Soriya

Experts and developers in the field still maintain a confident position that there will be continuous growth in Cambodian real estate, most especially for the condominium market. This is because there is a growing interest in this type of property as a result of continuous increase in land prices.

Kheang Puthy, director of Slek Rith Realty, says that sooner or later the occupancy rate of Cambodians living in condominiums will increase. Where currently, those who purchase units are people who used to live or study abroad, Puthy believes that more and more professionals will be buying or renting out units in the near future. This is from the fact that there is a growing population of middle- to high- income Cambodian Citizens who are affected by the worsening of traffic conditions.

He encourages people to support and be optimistic about the progress of the condo sector. Puthy adds that negativity will only undermine the process of development and may cause the country to fall behind in comparison to neighboring countries that are also rapidly growing in terms of condominium developments. But he warns of a possibility of surplus. If there is an excessive supply, then the government will eventually have to tackle this issue and look for ways to regulate it.

Anthony Ong, CEO of Spring CJW Development, said that “Cambodian citizens remain as a pillar for strong economic growth and real estate in the country.” He added, “We do have confidence and want people to have good living standards.” Spring CJW Development is also an investor in the Axis Residences condominium project which has 566 units located near the Phnom Penh International Airport.

He says they really want to help improve the lives of citizens through offering a good place to live in which is comparable to Singapore. He added that the purpose of their investments in the condo project, Axis Residences, is not just to create a home, but to create a desirable housing project with all the necessary amenities.

Meanwhile, Cheng Kheng, tycoon and CEO of CPL Cambodia Plc, said that living in a condominium is a more civilized and modern way of living because condos can have everything people will need such as parking spaces, shopping malls, gyms, saunas, swimming pools and gardens. Kheng adds that Cambodians feel a difference between landed properties and condominium units where they can live harmoniously in a modern setup.

According to a research report from a Cambodian real estate agent, land in commercial zones in the city varies by location. In Norodom Boulevard, land can cost between $3,500 and $6,000 per square meter. While in Monivong Boulevard, land prices range from $3,000 to $5,500. In Russian Boulevard land can cost anywhere from $1,500 to $3,000 dollars. It’s relatively lower in Mao Tse Tung Boulevard where you’ll only need to spend between $3,000 and $5,000 per square meter. However, in the top 4 residential districts such as ChamkarMon, Daun Penh, 7 Makara and Toul Kork, it will only set you back around $1,500 and $ 4,000 per square meter in investment cost.

Mr. Sarun Rithea, spokesman of the Ministry of Land Management, Urban Planning and Construction, recognizes this difficulty to buy land and build houses, especially in prime areas such as Boeung Keng Kang, Daun Penh and Toul Kork. The increase of land price is due to the land at Delta City becoming a land where investors build high-rise buildings, commercial buildings and condominiums. He said that according to the Municipality of Phnom Penh, land located 20 square kilometers around the city center is also becoming more expensive, but the increase isn’t as drastic as the capital city itself.

He said that, “In Phnom Penh, a number of those who have from 1 to 10 homes are only 10 percent. Those who have a home for themselves are about 20 percent, and a number of those who do not have homes, fixed salary and middle-income (citizens) or above is about 70 percent.” Most of these people without homes have houses with their family and can be redeemed with the bank.

The report of the Ministry of Finance showed that the growth of condos in Cambodia in 2015 reached 15,000 units and this number will continue to rise to 45,000 units in 2018.

While in Phnom Penh, the number of new condominiums has increased, most customers who bought a unit are foreigners, including nationals from China, Taiwan, Malaysia, Singapore, Japan and France. Statistics showed that there are 20 percent of Cambodians who are condominium owners, while another 80 percent are foreigners.

អីចឹងតើ! បានជាគ្រប់គម្រោងរបស់ Chip Mong Land លក់ដាច់ខ្លាំង

November 19, 2017

0

Chip Mong Land ត្រូវបានគេស្គាល់ថា ជាក្រុមហ៊ុនមួយដែលមានកេរ្តិ៍ឈ្មោះល្បីល្បាញលើវិស័យអចលនទ្រព្យ ជាពិសេសលើផ្នែកសាងសង់សំណង់លំនៅដ្ឋានតែម្ដង ដែលនៅក្នុងនោះ រួមមានសំណង់លំនៅដ្ឋានផ្ទះល្វែង លំនៅដ្ឋានបែបអាជីវកម្ម ផ្ទះវីឡាប្រណីត ក៏ដូចជាសំណង់ខុនដូរជាដើម។ បន្ថែមពីនេះ អ្វីដែលជាការគួរអោយកត់សម្គាល់នោះ គឺគ្រប់គម្រោងទាំងអស់ដែលត្រូវបានបង្កើតឡើងដោយក្រុមហ៊ុន Chip Mong Land តែងទទួលបានការគាំទ្រយ៉ាងខ្លាំងពីសំណាក់អតិថិជនជានិច្ច រហូតធ្វើអោយក្រុមហ៊ុនមួយនេះបង្កើតគម្រោងសាងសង់ជាច្រើននៅក្នុងរយ:ពេលមួយដ៏ខ្លី។ តើចង់ដឹងទេថា Chip Mong Land មានវិធីសាស្ត្រ បែបណាខ្លះទើបទទួលបានជោគជ័យលើវិស័យមួយនេះ ?

ខណ:ពេលដែលសេដ្ឋកិច្ចកម្ពុជាមានភាពរីកចម្រើនដែលអាចរក្សាបានអត្រាកំណើនក្នុងរង្វង់7,5ភាគរយជារៀងរាល់ឆ្នាំ បានជំរុញអោយប្រជាពលរដ្ឋមានភាព ងាយស្រួលក្នុងការប្រកបអាជីវកម្ម ក៏ដូចជាមានលទ្ធភាពទទួលបានប្រាក់ចំណូលច្រើនគួរសម។ នៅពេលប្រជាពលរដ្ឋមានជីវភាពធូរធារបានជំរុញអោយអ្នកទាំងនោះប្រាថ្នាភាពសុខស្រួលក្នុងការរស់នៅ ជាពិសេស ការរស់នៅក្នុងលំនៅដ្ឋានដែលមានលក្ខណៈល្អស្អាត និងសមរម្យ។ ប្រការនេះបានជំរុញអោយបណ្ដាអ្នកវិនិយោគចំណាយទុនសាងសង់សំណង់ជាច្រើនទីតាំង ច្រើនរូបភាពសម្រាប់តម្រូវតាមទីផ្សារ ដោយមានចាប់ពីលំនៅដ្ឋានសម្រាប់អ្នកមានចំណូលកម្រិតមធ្យម,ក្រោមមធ្យម អ្នកមានចំណូលកម្រិតខ្ពស់ រហូតដល់កម្រិតអភិជន។

ជាមួយគ្នានេះនៅក្នុងចំណោមក្រុមហ៊ុនវិនិយោកសាងសង់ និងទាំងនោះគេសង្កេតឃើញថា Chip Mong Land បានក្លាយជាក្រុមហ៊ុនមួយដែលមានភាពលេចធ្លោរក្នុងការសាងសង់ ក៏ដូចជាការលក់ ដែលទទួលបានការគាំទ្រពីសំណាក់អតិថិជនជាខ្លាំង។

លោក ច្រឹក វាសនា បច្ចុប្បន្នជាមន្ត្រីរាជការ និងមានគ្រួសារជាអាជីវករនៅផ្សារធំថ្មី ដែលជាអ្នកបានទិញលំនៅដ្ឋានរបស់ក្រុមហ៊ុន Chip Mong Land ក្នុងគម្រោង The Park Land បាននិយាយថា មូលហេតុដែលគាត់សម្រេចចិត្តទិញលំនៅដ្ឋានរបស់ក្រុមហ៊ុន Chip Mong Land ក៏ព្រោះតែលោកជឿជាក់ទៅលើក្រុមហ៊ុន។ លោកថា តាំងមុនរៀងមក លោកមិនធ្លាប់បានឮព័ត៌មានមិនល្អពាក់ព័ន្ធទៅនឹងគុណភាពសំណង់ នោះឡើយ។ ផ្ទុយទៅវិញ គឺគម្រោងលំនៅដ្ឋានត្រូវបានសាងសង់ឡើងយ៉ាងស្រស់ស្អាត ប្រណីតមានគុណភាពស្របតាមស្តង់ដារតនរឹមត្រូវ ហើយថែមទាំងមានតម្លៃសមរម្យដែលសមល្មមទៅនឹងកម្រិតជីវភាព និងចំណូលប្រចាំខែរបស់គ្រួសារលោក។ លោកបញជាក់ថា ការទិញរបស់លោកគឺក្នុវលកខណ្ខបង់រំលស់។

ស្របទៅនឹងការលើកឡើងរបស់អតិថិជនខាងលើនេះ អ្នកជំនាញផ្នែកការសាងសង់របស់ក្រុមហ៊ុន Chip Mong Land បានលើកឡើងថា លក្ខណៈពិសេសរបស់ Chip MongLand គឺមានច្រើន ដែលក្នុងនោះក្រៅពីតម្លៃសមរម្យ កាេរចនាម៉ូដដ៏ស្អាត ទីតាំងយុទ្ធសាស្ត្រល្អ គឺនៅមានចំណុចសំខាន់មួយទៀត នោះគឺគុណភាពជាចម្បង ដែលអាចធានាដល់សុខសុវត្ថិភាព ផាសុកភាព និងសេចក្ដីដល់អ្នករឋ់នៅ ដោយរាប់ចាប់តាំងពីគ្រឹះឡើងទៅដែលជាចំណុចត្រូវផ្តោត និវយកចិត្តទុកដាក់។

លោក ម៉េង គីមឈុន វិស្វករផែនការ បានលើកឡើងថា មុនពេលចាប់ផ្តើមសាងសង់ អ្នកជំនាញបានធ្វើការសិក្សាយ៉ាងយកចិត្តទុកដាក់បំផុត ដោយចាប់តាំងពីការពិនិត្យប្រភេទដី ដោយការខួួងដីយកមកពិនិត្យ ដើម្បីអោយដឹងថា តើបរិវេណដីដែលត្រូវសាងសង់សំណង់ពីលើមានស្រទាប់ដីអីខ្លះ អាចទ្រទ្រង់ទម្ងន់បានប៉ុន្មានតោន និងត្រូវបុកគ្រឹះជម្រៅប៉ុន្មានជាដើម។ លោកបន្តថា បន្ថែមពីនេះនៅពេលបានដឹងពីស្រទាប់ដី និងគណនាដឹងច្បាស់ពីស្ថានភាពទ្រទម្ងន់ ក្រុមហ៊ុនបានប្រើលក្ខណៈពិសេសដោយដាក់មេគុណសុវត្ថិភាពរហូតចំនួន៣ មានន័យថា ប្រសិនបើស្រទាប់ដីត្រូវការបុកគ្រឹះត្រឹមតែទម្ងន់៣០តោន នោះក្រុមហ៊ុននឹងធ្វើការបុកគ្រឹះគុណនឹង៣ ដែលមានទម្ងន់រហូតដល់ទៅ៩០តោន ដើម្បីការពារសុវត្ថិភាពអតិថិជនដែលស្នាក់នៅជាមួយនឹងម៉ាបុកគ្រឹះយ៉ាងទំនើបសម័យចុងក្រោយដោយសង្កត់គ្មានរំញ័រ និងមិនមានសម្លេងរំខានដល់ពលរដ្ឋរស់នៅជិតខាង។

ដោយឡែកលោក ……ដែលជាប្រធានគម្រោងជាន់ខ្ពស់របស់ក្រុមហ៊ុន Chip Mong Land ក៏បានបញ្ជាក់ផងដែរថា គ្រប់ការសាងសង់របស់គម្រោងទាំងអស់សុទ្ធតែសង្កត់ធ្ងន់លើគុណភាព និងសុវត្ថិភាពអតិថិជនជាចម្បង។ លោកថា យើងត្រូវយកចិត្តទុកដាក់ចាប់ពីប្រព័ន្ធរំដោះទឹក ផ្លូវបេតុង ឡើងទៅរហូតដល់តួសំណង់។ លោកបញ្ជាក់ថា ប្រព័ន្ធរំដោះទឹកគឺសំខាន់ គ្មានអ្នកណាសប្បាយចិត្តពេលភ្លៀងទឹកលិចផ្ទះនោះទេ។ មុនពេលធ្វើប្រព័ន្ធលូយើងសិក្សាពីស្ថានភាពដី ធៀបទៅនឹងកម្ពស់ផ្លូវដែលស្ថិតនៅជុំវិញ។ បន្ទាប់ធ្វើការជីក និងបង្ហាប់ដោយថ្មកាត់ស៊ីស ហើយផ្សារលូដោយប្រើតំណរឥដ្ឋតាន់ បិតដោយល្បាយស៊ីម៉ង់ត៍ ដោយឡែកផ្នែកខាងក្នុងក៏ត្រូវបានផ្សារភ្ជាប់តំណរយ៉ងត្រឹមត្រូវដើម្បីការពារកុំអោយមានសំរាម ឬខ្សាច់ហូរច្រោះចូល ។

គួរកត់សម្គាល់ផងដែរថា បច្ចុប្បន្ន ក្រមហ៊ុន Chip Mong Land កំពុងបង្កើនសន្ទុះសាវសង់យ៉ាងខ្លាំង ជាក់ស្ដែវនៅត្រឹមចុងខែនេះនឹងបើកលក់គម្រោងថ្មីមួយទៀតដែលមានឈ្មោះថា The landmark 271 ដែលនៅផ្លូវ271 កែងផ្លូវ 371 ៕

តោះ !មកស្វែងយល់ពីអគារ TAIPEI 101 ខ្ពស់លំដាប់ពិភពលោកស្ថិតនៅកោះតៃវ៉ាន់

November 19, 2017

0

អគារ តៃប៉ិ ១០១ (TAIPEI 101) ដែលកាលពីមុនត្រូវបានគេស្គាល់ថាជាមជ្ឈមណ្ឌលហិរញ្ញវត្ថុតៃប៉ិពិភពលោក (Taipei World Financial Center) គឺជាអគារខ្ពស់មួយស្ថិតនៅក្នុងទីក្រុងតៃប៉ិ កោះតៃវ៉ាន់។ អាគារនេះត្រូវបានគេចាត់ថាជាអគារខ្ពស់ជាងគេបំផុតក្នុងពិភពលោកកាលពីឆ្នាំ២០០៤ ហើយនៅតែបន្តរហូតដល់មានអគារ Burj Khalifa ក្នុងទីក្រុងឌូបៃក្នុងឆ្នាំ២០១០ ។ នៅឆ្នាំ ២០១១ អាគារនេះត្រូវបានគេផ្តល់វិញ្ញាបនបត្រ LEED ដែលជាពានរង្វាន់អគារខ្ពស់បំផុតដែលយោងទៅលើការប្រើប្រាស់ថាមពល និងបរិស្ថាន (LEED) និងក្លាយជាអាគារបៃតងខ្ពស់ជាងគេបំផុតនៅលើពិភពលោក។ អគារនេះមានជណ្តើរយន្តល្បឿនលឿនបំផុតនៅលើពិភពលោកដោយធ្វើដំណើរ៦០,៦ គីឡូម៉ែត្រក្នុងមួយម៉ោងនិងយោងអ្នកដំណើរចាប់ពីជាន់ទី ៥ ដល់ជាន់ទី ៨៩ ក្នុងរយៈពេល ៣៧ វិនាទី។

អគារដែលមានកំពស់ ១០១ ជាន់នេះត្រូវបានចាប់ផ្តើមសាងសង់នៅឆ្នាំ១៩៩៩ ហើយបានបញ្ចប់នៅឆ្នាំ ២០០៤។ អគារនេះបានក្លាយជានិមិត្តរូបនៃកោះតៃវ៉ាន់ក្នុងសម័យទំនើបចាប់តាំងពីការដាក់អោយដំណើរការជាផ្លូវការ។ អគារនេះត្រូវបានគេបង្កើតឡើងជានិមិត្តរូបចំពោះការវិវត្តន៍នៃបច្ចេកវិទ្យាទំនើប និងប្រពៃណីរបស់ជនជាតិអាស៊ី។ ភាពអស្ចារ្យនៃអគារនេះត្រូវបានរចនាឡើងដើម្បីទប់ទល់នឹងព្យុះទីហ្វុងនិងការរញ្ជួយដី។ បន្ថែមពីនេះទៀតក្នុងអគារដ៏ប្រណិតនេះមានផ្សារទំនើបកម្រិត មានហាងរាប់រយ ភោជនីយដ្ឋាន និងក្លឹបកំសាន្តផងដែរ។ អគារ Taipei 101 គឺជាកម្មសិទ្ធិរបស់សាជីវកម្មមជ្ឈមណ្ឌលហិរញ្ញវត្ថុតៃប៉ិ (Taipei Financial Center Corporation) ដែលកាលពីមុនគេដាក់ឈ្មោះអគារនេះថា មជ្ឈមណ្ឌលហិរញ្ញវត្ថុពិភពលោកតៃប៉ិ (Taipei World Financial Center) រហូតដល់ឆ្នាំ ២០០៣ ត្រូវបានគេផ្លាស់ទៅជាអគារ Taipei 101 ។

អគារ Taipei 101 ដែលមាន ១០១ ជាន់ និង៥០៩.២ ម៉ែត្រនេះមិនត្រឹមតែជាអគារខ្ពស់ដំបូងគេនៅលើពិភពលោកនោះទេ ប៉ុន្តែក៏ជាអាគារជាប់ចំណាត់ថ្នាក់អគារខ្ពស់នៅលើពិភពលោក។ ចាប់ពីខែមីនាឆ្នាំ ២០០៤ ដល់ថ្ងៃទី១០ ខែមីនាឆ្នាំ២០១០ រហូតមកដល់ថ្ងៃទី ២៨ ខែកក្កដាឆ្នាំ ២០១១ អគារនេះនៅតែជាអាគារបៃតងធំបំផុតនិងខ្ពស់បំផុតនៅលើពិភពលោក៕

ក្រុមហ៊ុនអចលនទ្រព្យ និងផ្គត់ផ្គង់សម្ភារៈសំណង់ដ៏ធំចិន ឈានជើងចូលទីផ្សារកម្ពុជា

November 18, 2017

0

ភ្នំពេញ៖ ក្រុមហ៊ុនយូតុង អ៊ិនធើណេសិនណល មេធៀរៀលឯកដែលមានមូលដ្ឋាននៅប្រទេសចិន និងជាក្រុមហ៊ុនអចលនទ្រព្យនិងផ្គត់ផ្គង់សម្ភារៈធំនៅប្រទេសចិន បានឈានជើងចូលទីផ្សារកម្ពុជា ខណៈវិស័យសំណង់និងអចលនទ្រព្យកម្ពុជាកំពុងរីកចំរើននៅកម្ពុជា។

តំណាងក្រុមហ៊ុន យូតុង អ៊ិនធើណេសិនណល មេធៀរៀល ឯក បានឲ្យដឹងថា ក្រុមហ៊ុនបានប្រកបអាជីវកម្ម ក្នុងវិស័យសម្ភារៈសំណង់ នៅទីក្រុងសិនជិនប្រទេសចិនប្រមាណជិត២០ឆ្នាំមកហើយ។ បើផ្អែកលើកិត្តិនាម ដ៏ល្អប្រសើររបស់ក្រុមហ៊ុន ព្រមទាំងមានទំនុកចិត្តលើការអភិវឌ្ឍ សេដ្ឋកិច្ចនៅកម្ពុជានាថ្ងៃអនាគត ក្រុមហ៊ុនបានសម្រេចចិត្តមកវិនិយោគនៅកម្ពុជា ដើម្បីនាំចូលនូវផលិតផល និងសម្ភារៈសំណង់គុណភាពល្អបំផុត របស់ប្រទេសចិនមកកាន់ទីផ្សារកម្ពុជា។

ក្រុមហ៊ុន យូតុង អ៊ិនធើណេសិនណល មេធៀរៀល ឯក ទទួលបានសិទ្ធិនាំចូល និងចែកចាយផលិតផលផ្តាច់មុខ តែមួយគត់នៅកម្ពុជាពីក្រុមហ៊ុន HOMSO (Stock code: 300599)។ ក្រុមហ៊ុន HOMSO បង្កើតតាំងពីឆ្នាំ១៩៩៦ ជាក្រុមហ៊ុនផលិតសម្ភារៈសំណង់គីមី បែបថ្មីនៅប្រទេសចិន ផលិតផលរបស់ក្រុមហ៊ុន HOMSOរួមមាន៖ ផលិតផលបរិក្ខារនិងឧបករណ៍បំពង់បង្ហូរទឹកសម្រាប់ការសាងសង់ ឧបករណ៍ប្រើប្រាស់សម្រាប់ជាងភ្លើង បំពង់ការពារខ្សែកាប ខ្សែភ្លើងតង់ស្យុងខ្ពស់សរុប ៦០០ជាងប្រភេទ។ ផលិតផលទាំងនេះត្រូវបានទទួលស្គាល់ និងល្បីល្បាញនៅទីផ្សារប្រទេសចិន ក៏ដូចជាទីផ្សារអន្តរជាតិ នៅប្រទេសថៃ រៀតណាម ម៉ាឡេស៊ី សង្ហឹបុរី សុទ្ធតែមានតំណាងនាំចូល និងចែកចាយ។

លោកបន្តថា “យើងជឿជាក់ថា បច្ចុប្បន្នផលិតផល HOMSO កំពុងតែត្រូវប្រើប្រាស់ក្នុងអគារសំណង់ខ្ពស់ៗនៅប្រទេសកម្ពុជា នឹងបន្តផ្សព្វផ្សាយនិងពង្រីកទីផ្សារ ឲ្យកាន់តែទូលំទូលាយនាពេលអនាគត ផលិតផលក្រុមហ៊ុននឹងក្លាយជាផលិតផលជម្រើសទីមួយ សម្រាប់អតិថិជនកម្ពុជា។

ការបង្កើតក្រុមហ៊ុនថ្មីនេះ បង្ហាញឲ្យឃើញនូវការចាប់ផ្តើមបង្កើតអាជីវកម្មជាលើកទីពីរ។ ការទទួលខុសត្រូវក៏បានកើនឡើងមួយកំរិតដែរ។ ប៉ុន្តែក្រុមហ៊ុនមានជំនឿចិត្តថា សម្រេចតាមគោលដៅដែលបានកំណត់ បន្តការខិតខំប្រកបអាជីវកម្ម ដោយផ្អែកភាពសុចរិតជាគោល ពង្រីកនិងអភិវឌ្ឍន៍ក្រុមហ៊ុនឲ្យកាន់តែរីកចម្រើន ដើម្បីក្រុមហ៊ុនអាចបន្តអភិវឌ្ឍន៍ដោយចរីភាព ចូលរួមចំណែកក្នុងជួយអភិវឌ្ឍន៍សង្គម៕

មជ្ឈមណ្ឌលពាណិជ្ជកម្ម និងលំនៅដ្ឋានដ៏ធំមួយ បើកការិយាល័យលក់នាថ្ងៃនេះ

November 18, 2017

0

ដោយ៖ គង់ សូរិយា

ភ្នំពេញ៖ គំរោងលំនៅដ្ឋាននិងមជ្ឈមណ្ឌលពាណិជ្ជកម្មផាកវេ អ៊ីនវេសមិនបានចាប់ផ្តើមសម្ភោធជាផ្លូវការ ការិយាល័យតាំងបង្ហាញអគារ គំរូខុនដូដ៏ទំនើបដែលមិនធ្លាប់មានពីមុន។

នាយកប្រតិបត្តិនៃក្រុមហ៊ុន ផាកវេ អ៊ិនវេសម៉ិន លោក សួ សុខថេង បានឲ្យដឹងក្នុងពិធីបើកការិយាល័យលក់គំរោងខុនដូខាងលើ នាព្រឹកថ្ងៃទី១៨ ខែវិចិ្ឆកា នេះថា គម្រោងអភិវឌ្ឍន៍នេះ មានអគារចំនួន៣ ដោយអគារទីមួយមាន ២៩ជាន់ អគារទីពីរមាន២៥ជាន់ និងអគារទី៣មានរហូតដល់៣៥ជាន់។ មជ្ឈមណ្ឌលពាណិជ្ជកម្មនេះ មានរួមបញ្ចូលនូវខុនដូចំនួន១៥០០យូនីត ដែលមានទំហំចាប់ពី ៤៥ម៉ែត្រការ៉េ ដល់ ១៣៥ម៉ែត្រការ៉េ។លោកបន្តថា ការវិនិយោគរបស់ក្រុមហ៊ុនលើគំរោងខុនដូទាំងនេះ មិនមែនសម្រាប់រយៈពេលខ្លីនោះទេ ប៉ុន្តែក្រុមហ៊ុនធ្វើការវិនិយោគសម្រាប់រយៈពេលវែង ដោយបានសម្លឹងឃើញអំពីកំណើនយ៉ាងឆាប់រហ័ស នៃប្រជាជនថ្នាក់កណ្តាលរួមជាមួយ និងប្រាក់ចំណូលរបស់ពួកគេដែលកើនឡើងផងដែរ។

លោកបន្តថា “គំរោងនេះមានបំណងផ្លាស់ប្តូរនូវរបៀបរស់នៅប្រចាំថ្ងៃអោយកាន់តែមានភាពប្រសើរឡើង និងប្រកបដោយផាសុកភាព។ លោកបន្តថា “ក្រុមហ៊ុនជឿជាក់ថាចំនួនអ្នករស់នៅក្នុងរាជធានីភ្នំពេញ នឹងកាន់តែមានចំនួនច្រើនឡើងៗ ហើយពួកគេនឹងជ្រើសរើសលំនៅស្ថានដែលនៅជិតទីក្រុង ដើម្បីកាត់បន្ថយពេលវេលាធ្វើដំណើរការកកស្ទះចរាចរ និងកាត់បន្ថយឧបទ្ទវហេតុនៅតាមផ្លូវ។

សម្តេចក្រឡាហោម ស ខេង ឧបនាយករដ្ឋមន្រី្ត និងជារដ្ឋមន្រី្តក្រសួងមហាផ្ទៃបានថ្លែងថា នេះជាសមិទ្ធផលថ្មីមួយទៀតក្នុងរាជធានីភ្នំពេញ លើទីផ្សារវិស័យអចលនវត្ថុនៅកម្ពុជា ដែលជាវិស័យដែលកំពុងពង្រីកខ្លួន និងបានបោះជំហានទៅមុខយ៉ាងឆាប់រហ័សការវិនិយោគដ៏កើនឡើង នៃគម្រោងអចលនវត្ថុរបស់ក្រុមហ៊ុន គឺជាការឆ្លើយតបដ៏សមស្រប ទៅនឹងសភាពវិវត្តន៍ និងសេដ្ឋកិច្ច និងជាកត្តារួមចំណែក ធ្វើឲ្យប្រជាពលរដ្ឋមានជំរើសកាន់តែច្រើនឡើង ក្នុងការទទួលបាននូវលំឋានរស់នៅប្រកបដោយគុណភាព បរិយាកាសល្អ សោភ័ណភាព សុខមាលភាព ជាមួយនឹងតម្លៃកាន់តែប្រកួតប្រជែង ជាពិសេសឆ្លើយតបទៅនឹងកំនើនតម្រូវការនៃប្រណិតភាព សម្រាប់ការរស់នៅតាមបែបទាន់សម័យនាពេលបច្ចុប្បន្ននេះ។

សម្តេចក្រឡាហោមបន្តថា តាមការប៉ាន់ស្មានក្នុងឆ្នាំ ២០១៧នេះ ចំណូលប្រចាំឆ្នាំរបស់ប្រជាពលរដ្ឋម្នាក់ៗ នឹងកើនឡើងរហូតដល់ ១៤៣១ដុល្លារសហរដ្ឋអាមេរិក ដែលនឹងក្លាយទៅជាកម្លាំងចលករមួយ ដ៏សំខាន់ថែមទៀតក្នុងការជំរុញ ដល់ការរីកចំរើនវិស័យសំណង់ និងអចលនវត្ថុនៅកម្ពុជា ។ ការរីកចម្រើននៃវិស័យសំណង់ និងអចលនវត្ថុ បានពឹងផ្អែកមួយផ្នែកធំ ទៅលើវិស័យឯកជន ក្នុងការអនុវត្តន៍នូវគម្រោងវិនិយោគរបស់ខ្លួន ដោយរដ្ឋដើរតួនាទីសម្របសម្រួល តម្រង់ទិស និងការដាក់ចេញនូវគោលនយោបាយ និងយុទ្ធសាស្ត្រ ដើម្បីធានាដល់ដំណើរការអភិវឌ្ឍន៍ប្រកបដោចីរភាព។

សម្តេចបានបន្តទៀតថា “ដើម្បីពង្រឹងវិស័យអចលនវត្ថុនៅកម្ពុជា ឲ្យកាន់តែរឹងម៉ាំថែមទៀតនោះ រាជរដ្ឋាភិបាល ក៏បានយកចិត្តទុកដាក់រៀបចំ កសាងនឹងកែសម្រួលច្បាប់ នីតិវិធី ព្រមទាំងបទបញ្ញាតិ្តពាក់ព័ន្ធផ្សេងៗ ដើម្បីធានានូវនិរន្តរភាព លើវិស័យនេះ នឹងឲ្យស្របតាមបរិបទ នឹងសេដ្ឋកិច្ច និងសកលលោក”៕

បេតិកភ័ណ្ឌអរូបិយចំនួនពីរទៀត នឹងស្នើដាក់បញ្ចូលក្នុងបញ្ជីរបេតិកភ័ណ្ឌអរូបិយនៃមនុស្សជាតិ

November 18, 2017

0

ដោយ៖ ដែន ចែងចាំង

ភ្នំពេញ៖ ភាពសម្បូរបែបនៃសម្បត្តិវប្បធម៌កម្ពុជា មិនទាន់អស់សក្តានុពលក្នុងការបង្ហាញទៅកាន់ឆាកអន្តរជាតិនៅឡើយទេ ជាក់ស្តែងមរតកវប្បធម៌អរូបិយចំនួនពីរទៀត នឹងត្រូវស្នើទៅអង្គការយូណេស្កូ ដើម្បីដាក់បញ្ចូលក្នុងបញ្ជីរសម្បត្តិបេតិកភ័ណ្ឌវប្បធ៌មអរូបិយ។

អ្នកជំនាញផ្នែកវប្បធ៌មជាតិ លោក ហាប់ ទូច អគ្គនាយកបច្ចេកទេសវប្បធម៌ នៃក្រសួងវប្បធម៌ និងវិចិត្រសិល្បៈ បានឲ្យដឹងថា ក្រសួងវប្បធម៌ បានដាក់ល្ខោនខោល និងតម្បាញសូត្រ ស្នើទៅអង្គការយូណេស្កូ ចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ នាពេលខាងមុខនេះ។ បន្ទាប់ពីបានដាក់បញ្ចូលចាប៉ីដងវែងខ្មែរ នៅក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ របស់អង្គការយូណេស្កូ កាលពីថ្ងៃទី៣០ ខែវិចិ្ឆកា ឆ្នាំ២០១៦ ក្រុមបច្ចេកទេសរបស់ក្រសួង បានបន្តសិក្សារៀបចំឯកសារល្ខោនខោល និងតម្បាញសូត្រខ្មែរ បានផ្ញើជូនអង្គការយូណេស្កូ ដើម្បីស្នើសុំចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិផងដែរ។

ក្រសួងបន្តស្រាវជ្រាវនូវទំម្រង់ផ្សេងៗទៀត ដែលយល់ថាជាបេតិកភណ្ឌវប្បធម៌អរូបី ដែលមានលក្ខណៈពិសេស និងកំពុងប្រឈមនឹងការបាត់បង់ ក្រសួងនឹងចាំបាច់ត្រូវតែជួយស្រោចស្រង់មុនគេ ដើម្បីក្រសួងត្រូវស្នើទម្រង់នៃមរតកបេតិកភ័ណ្ឌទាំងអស់នោះ ចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូនោះមុនគេ។

លោក ហាប់ ទូច បានបន្តថា “អ្វីដែលសំខាន់ គឺត្រូវមានការទទួលស្គាល់ជាអន្តរជាតិ ។ ដូច្នេះនៅពេលដែលចុះក្នុងបញ្ជីរហើយ ទម្រង់ទាំងអស់ត្រូវបានទទួលស្គាល់ និងផ្សព្វផ្សាយបានយ៉ាងទូលំទូលាយ មិនមែនតែក្នុងក្របខណ្ឌជាតិនោះទេ គឺមានសមាជិកអង្គការយូណេស្កូ១៩៧ប្រទេសទទួលស្គាល់និងចូលរួមថែររក្សាការពារ។ លោកបន្តថា“ក្រោយពេលចុះទំរង់សិល្បៈបានរួចរាល់ហើយនោះ មរតកវប្បធ៌មទាំងនោះនឹងក្លាយទៅជាសម្បតិ្តរួមមួយរបស់ពិភពលោក។ ដូចនេះពិភពលោកមានតួនាទីជួយដល់ប្រទេសកម្ពុជា ដោយធ្វើយ៉ាងណាអភិរក្ស និងលើកស្ទួយទំរង់ទាំងអស់នោះ។

លក្ខខណ្ឌរបស់អង្គការយូណេស្កូ មិនមែនចុះត្រឹមក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូរួចចប់នោះទេ គឺទាមទារឲ្យក្រសួងមានផែនការសកម្មភាពច្បាស់លាស់ និងត្រូវធ្វើយ៉ាងណាឲ្យទំរង់សិល្បៈមួយនោះអាចរស់ឡើងវិញ (ឧទារហណ៍ ដូចចាប៉ីដងវែង គឺមានផែនការសកម្មភាពសិល្បៈចាប៉ីដងវែង មានផែនការសកម្មភាពចំនួនធំ។ ធ្វើផែនទីវប្បធម៌ពាក់ព័ន្ធទៅនឹងសិល្បៈចាប៉ិដងវែង សិក្សាស្រាវជ្រាវអំពីទំរង់សិល្បៈចាប៉ី រៀបចំការបណ្តុះបណ្តាលក្រៅប្រព័ន្ធជាលក្ខណៈប្រពៃណី និងការបណ្តុះបណ្តាលក្នុងប្រព័ន្ធ បង្កើតមហោស្រពចាប៉ិឲ្យបានញឹកញាប់ ផលិតឧបករណ៍ចាប៉ីជូនយុវជនជាដើម)។ ទាំងអស់នេះ សុទ្ធតែជាយន្តការដើម្បីទ្រទ្រង់ឲ្យសិល្បៈចាប៉ីដងវែង ឲ្យមានស្ថេរភាព និងរីកចំរើនទៅមុខ៕

The real estate sector will continue to strongly move forward

November 18, 2017

0

By Kong Soriya

In early 2016, experts and developers have expressed concern about being able to reach a stalemate in the real estate sector in Cambodia again and as a shadow of fear that ever happened after the crisis and the global economy in early 2008, but if we examine in-depth and view the truth of evolution in this sector, we can say that the construction sector and real estate in Cambodia is going forward ideally.

If it is based on a number of indicators which features scientific facts, we can draw a conclusion with confidence that this sector will continue to grow, with confidence that the market will become stronger. And we can say that it will have a sustainable development in the future.

In the early half of this year, the ADB has classified Cambodia as “a new tiger economy in Asia” because Cambodia maintained economic growth at 7.7 percent over the past two decades. Meanwhile, the World Bank has also considered Cambodia as a country that evolved from a very low income to low middle-income country – showing that Cambodia is out of the eyes of foreigners who still consider it as “a killing field and crisis era.” But it is an indication to the world that “Cambodia has bigger muscles and is more prosperous than before” as a middle-income country that has more purchasing power and is more attractive for investors than ever before.

The country’s potential lies in maintaining the country’s political stability, strong economic growth, long-term macroeconomic stability, social stability, and legal system. These are attractive to investors who have been looking and have poured the investment capital into the country continuously.

In addition, the force of young people aged 30 to 35 years old – approximately 60 percent – is really strong and have enough energy to fill gaps in the economic and social development areas. Growth of income will cause the growth of purchasing power and increase automatically as investors in the construction and real estate sector download market potential of resources which is also increasing in the country.

Investment capital in the construction sector over the past 9 months of this year rose to $7.56 billion, equivalent to a growth of more than 331 percent from the same period last year.

The huge investment capital really made it clear that investors, domestically and internationally, remain confident in the growth of this sector. And they can profit here continuously. If they do not have confidence and they see that their investment would be at risk, they would not decide to invest billions of dollars in the country.

Raising the question again of whether the sector is facing a crisis or not, the short answer is “not true” because, one, if investors do not see the opportunity, they would not invest hundreds of millions of dollars to build a skyscraper in the country. Two, the increase in average income of the citizens will continue to grow, with the forecast of the Ministry of Finance in Cambodia earlier this year showing that the Cambodian people will have the income per capita of about $1,300 in 2016, and GDP will reach $20 billion. Three, maintaining political stability during various political landscapes has no impact to earnings and economic growth of Cambodia.

Meanwhile, the Ministry of Economy and Finance has also found that real estate projects in Cambodia improved the market where risk for middle-income citizens in the sector has been reduced. The pace of credit also eased as well, also reducing the risk of developing a social and economic crisis.

We should also ask what the real concern is for some analysts and investors in this sector? The answers are all acceptable, we need to look at two aspects — one is that developers and investors are worried about slower sales of condominiums, where this burden has fallen on luxury condo investors who rely on foreign investors.

Slow sales and what is causing it are what we need to study. This problem is not caused by internal affairs in Cambodia. It is caused by external factors. Because developed countries have tightened their regulations to prevent the flow of capital to other countries. This is the real reason that luxury condominium purchasing power decreased.

Although, the culture of Cambodia is still warming up to the idea of living in condominiums, the progress of urbanization, urban factors, demographic and social factors, the economy will force citizens to change their way of thinking about condos for the next 5 to 10 years because they will not find housing affordable in the city. They can be found in the suburbs, but they will take more time and they have to spend more on gasoline.

According to a study by Century21 Cambodia in the first half of the year, it found that the number of condominium supply in the market will grow to nearly 40,000 units in 2020.

Based on the studies of the Ministry of Urban Planning and Construction, citizens living in the city increased by 1 percent per year (population between 160,000 to 2,000,000), and Cambodia needs housing of up to 1 million houses until 2030.

So, investing in condos or any other type of housing still remains the right investment to meet the needs of the country.

Why is this the conclusion? Because condos are located near their work places. Condos also provide comfortable services, sanitation, security, gym, and recreation areas on the roof where they can eat, drink, and chat after work. It also allows a balance lifestyle of work and family.

So, if we base it on the stability of the country, economic growth, and the growth of people’s income, as well as the demographic factors – while the government is preparing a policy to push Cambodia to the country with middle-income level in 2030 – it is a really golden opportunity for investors in construction and real estate, at present and in the future, to seize. It is on the right track as a tiger economy, a huge giant, and an overall healthy economy.

គ្រោងបោះទុនខ្ទង់រយលានសង់ខុនដូតម្លៃមធ្យម ៤០០០យូនីតនៅផ្លូវ៦០ម៉ែត្រ

November 18, 2017

0

ដោយ៖ ដួង ចន្ទ្រា

ភ្នំពេញ៖ ក្នុងគោលដៅផ្តល់ភាពស៊ីវិល័យ និងពីចំណេះដឹងនៃការរស់នៅតាមខុនដូនៅកក្រុងភ្នំពេញ ក្រុមហ៊ុន Urban Living Solutions គ្រោងសាងសង់ខុនដូចំនួន៤ពាន់យូនីត នៅតាមបណ្តោយផ្លូវ៦០ម៉ែត្រនៅពេលឆាប់ៗខាងមុខនេះ។

ថ្នាក់ដឹកនាំក្រុមហ៊ុនខាងលើនេះ បានថ្លែងក្នុងលក្ខខ័ណ្ឌមិនបញ្ចេញឈ្មោះដោយសារមិនមានការអនុញ្ញាត្តពីក្រុមហ៊ុនបានឲ្យដឹងថា គំរោងខុនដូនេះស្ថិតនៅលើផ្ទៃដីប្រមាណ៦ហិកតា ស្ថិតក្នុងសង្កាត់ចក្រអង្រែលើ រាជធានីភ្នំពេញ ពោលគឺស្ថិតនៅស្របគ្នានឹងផ្លូវ៦០ម៉ែត្រ និងផ្លូវជាតិលេខ។ គំរោងនេះនឹងចាប់ផ្តើមក្នុងដំណាក់កាលទី១ ជាមួយផ្ទះចំនួន៩០០យូនីត និងជាលំនៅដ្ឋានមានភាពសមរម្យ ដោយផ្ទះនិមួយៗមានតម្លៃត្រឹមជាង៣ម៉ឺនដុល្លារអាមេរិកប៉ុណ្ណោះ។

លោកបន្តថា “អ្នកវិនិយោគគំរោងនេះ មានបំណងផ្តល់នូវជីវិតស៊ីវិល័យ និងបែបបទនៃការរស់នៅខុនដូនៅកម្ពុជាជាលើកតំបូង ទើបក្រុមហ៊ុនវិនិយោគគំរោងមានតម្លៃសមរម្យ ជាមួយនឹងការបំពាក់សេវាកម្មជាច្រើនទៀត។លោកបន្តថា “ក្នុងគំរោងនេះមានសាលប្រជុំសម្រាប់និស្សិត បណ្ណាល័យ ហាងកាហ្វេ ភោជ នីយដ្ឋាន សេវាកម្មកំសាន្ត សេវាកម្មហាត់ប្រាណជាដើម។

តាមផែនការរបស់ Urban Living Solutions ការសាងសង់ខុនដូនេះគ្រោងនឹងចាប់ផ្តើមនៅឆ្នាំ២០១៨ខាងមុខនេះ។

អ្នកនាង អាន សុធីតា នាយិការគ្រប់គ្រងទូទៅនៃក្រុមហ៊ុន CBRE Cambodiaបានថ្លែងថា ការចាប់យកទីផ្សារសម្រាប់ប្រជាជនមានជីវភាពមធ្យម និងក្រោមមធ្យមជារឿងល្អ ព្រោះវាជាមូលដ្ឋានទីផ្សារពិតប្រាកដក្នុងវិស័យនេះ ដោយសារប្រជាជនកក្រុមនេះមានចំនួនច្រើន និងកំពុងកើនឡើងនៅកម្ពុជា។

អ្នកនាងបន្តថា “ពេលផ្តល់ប្រឹក្សាជាមួយអ្នកវិនិយោគ ខ្ញុំតែងតែជំរុញឲ្យពួកគេវិនិយោគលើគំរោងលំនៅដ្ឋានមានតម្លៃសមរម្យ ជាជាងលំនៅដ្ឋានខុនដូតំលៃ ប្រណីត ដែលការលក់មានភាពយឺតយ៉ាវនៅក្នុងទីផ្សារ។

យោងតាមការសិក្សារបស់ក្រុមហ៊ុននេះ CBRE Cambodia បានរកឃើញថា ទីផ្សារខុនដូឆ្នាំនេះមានភាពល្អប្រសើរ ដោយសារការលក់មានកំណើនល្អប្រសើរឡើងវិញ ធៀបរយៈពេលដូចគ្នាកាលពីឆ្នាំមុន៕

តោះទៅស្តាប់យុទ្ឋសាស្ត្រអភិវឌ្ឍន៍អាជីវកម្មស្ត្រីជើងខ្លាំងទាំងបីក្នុងវិស័យអចលនទ្រព្យ

November 18, 2017

0

ភ្នំពេញ៖ ស្ត្រីកម្ពុជា មិនមែនជាស្ត្រីដែលគ្រាន់តែវិលជុំវិញចង្ក្រាននោះទៀតទេ ប៉ុន្តែក្នុងដើមសតវត្សរ៍ទី២១នេះ ស្ត្រីវ័យក្មេងជាច្រើនបានអភិវឌ្ឍន៍ខ្លួនពួកគេ ក្លាយជាអ្នកដឹកនាំតាមស្ថាប័ននានា ពិសេសវិស័យឯកជនក៏កាន់តែលេចវត្តមានស្ត្រីកាន់តែច្រើន ដែលបង្ហាញខ្លួនជាមួយភាពជោគជ័យក្នុងអាជីវកម្មរបស់ពួកគេ។

ស្ត្រីជើងខ្លាំងទាំងបីក្នុងវិស័យអចលនទ្រព្យនៅកម្ពុជា គឺលោកស្រី តាំង ហួរ អគ្គនាយិកកាក្រុមហ៊ុន AMATAK Property Service Co, Ltd អ្នកនាង Grace Rachny Fong នាយិកាប្រតិបត្តិក្រុមហ៊ុន Century21 Cambodia និងអ្នកនាងអាន សុធីតា នាយិកាប្រចាំប្រទេស នៃក្រុមហ៊ុនអចលនទ្រព្យអន្តរជាតិ CBRE Cambodia ពួកគេសុទ្ឋតែមានឆន្ទៈក្នុងការអភិវឌ្ឈន៍ខ្លួន និងក្រុមហ៊ុនរបស់ពួកគេរហូតសម្រេចបាន ជោគជ័យគួរឲ្យមោទនភាព។

លោកស្រីតាំង ហួរ

មានអតីតកាលជាក្មេងដើរទូលនំលក់ ឆ្លងកាត់បទពិសោធន៍ការងាររាប់ជំពូក និងមានមុខជំនួញជាច្រើន ហើយក៏ធ្លាប់បរាជ័យជាច្រើនក្នុងមុខជំនួញផងដែរ ប៉ុន្តែស្ត្រីរូបនេះមិនដែលលះបង់ការតស៊ូនោះឡើយ។ ទីបំផុតស្ត្រីរូបនេះទទួលបានជគជ័យយ៉ាងគួរឲ្យមោទនភាព ក្នុងនាមជាអ្នកដឹកនាំក្រុមហ៊ុនអចលនទ្រព្យ AMATAK Property Service Co, Ltd។

លោកស្រី តាំង ហួរ បានលើកឡើងពីទស្សនវិស័យ និងការដឹកនាំជីវិតរបស់ខ្លួនថា គ្មានជោគជ័យណាកើតឡើង ដោយគ្មានការតស៊ូនោះទេ ហើយគ្មានឆាកជីវិតរ៉ឹងមាំណា មិនឆ្លងកាត់ការលំបាកនោះទេ ទស្សនវិជ្ជានេះ គឺបីដូចជាឆាកជីវិតស្ត្រីរូបនេះផងដែរ។ ពេលនេះលោកស្រីបានមកឈរនៅទីតាំងមួយខ្ពស់ជាងមុខ សកម្មជាងមុន និងមានកិត្តិយសច្រើនជាងមុននៅក្នុងសង្គម។

ការងារធ្វើជំនួញ និងភាពជាភ្នាក់ងារអចលនទ្រព្យ មិនមែនជាការងារសាមញ្ញពេកនោះទេ ហើយក៏មិនងាយទទួលបានជោគជ័យដោយស្រួលឡើយ ព្រោះការងារនេះ ជាការងារត្រូវធ្វើជាមួយអ្នកមានទ្រព្យស្តុកស្តម្ភ និងអ្នកមានអំណាចនៅក្នុងសង្គម ហេតុនេះការកសាងទំនុកចិត្តជារឿងសំខាន់បំផុត។

ប៉ុន្តែការមានផែនការ និងយុទ្ឋសាស្ត្រច្បាស់លាស់ បានធ្វើឲ្យលោកស្រីតាំង ហួរអាចដឹកនាំក្រុមហ៊ុន AMATAK Property Service Co, Ltd បានដោយជោគជ័យ។

លោកស្រីបន្តថា “ខ្ញុំអស់សង្ឃឹម និងតែងតែផ្តល់កំលាំងចិត្តដល់ខ្លួនឯង មិនដែលរុញរាឡើយ ហើយការងារអ្វីក៏ដោយ យើងមិនអាចធ្វើត្រឹមតែដោយក្តីស្រលាញ់នោះទេ តែយើងត្រូវមានភាពប៉ិនប្រសព្វផងដែរ។លោកស្រីបន្តថា“យើងត្រូវមានជំនាញ និងប្រើប្រាស់ទេពកោសល្យរបស់ខ្លួនឲ្យអស់។

លោកស្រីតាំង ហួរមានយុទ្ឋសាស្ត្រនិងគោលដៅរបស់ខ្លួនច្បាស់លាស់ ដោយលោកស្រីបានបញ្ជាក់ថា “ចង់ជោគជ័យក្នុងវិស័យអចលនទ្រព្យ យើងត្រូវដាក់ផែនការឲ្យចំទិសដៅ ចំផលិតផល ចំគំរោងលុយ និងត្រូវនឹងតម្រូវការរបស់អតិថិជន។លោកស្រីបន្តថា “យើងក៏ត្រូវដឹងចិត្តអតិថិជន អាចជួយការងារអតិថិជន និងត្រូវមានភាពស្មោះត្រង់ និងនិយាយអ្វីឲ្យពិត ដើម្បីឲ្យគេផ្តល់ទំនុកចិត្ត។

លោកស្រីបន្តថា “ពេលណាយើងមានអតិថិជនមករកយើង ក្រុមហ៊ុនយើងសម្បូរអតិថិជន មានន័យថាយើងទទួលបានជោគជ័យហើយ..សើច…។

អ្នកនាង Grace Rachny Fong

មានឆាកជីវិតកំសត់មិនចាញ់ លោកស្រីតាំង ហួរឡើយ អ្នកនាង Grace Rachny Fong បច្ចុប្បន្នជានាយិកាប្រតិបត្តិ ក្រុមហ៊ុនអចលនទ្រព្យលំដាប់ពិភពលោក Century21 Cambodia មានអតីតកាលជាក្មេងទូលផ្លែឈើលក់តាមភូមិ ធ្លាប់ញុំាបាយជាមួយអំបិល និងជាក្មេងស្រីមិនចេះនិយាយស្តីម្នាក់ ប៉ុន្តែការអត់ធ្មត់ និងបន្តអភិវឌ្ឍខ្លួនឯង ដោយយកការសិក្សាជាគោលដៅចម្បងក្នុងជីវិត បានធ្វើ ឲ្យស្ត្រីរូបនេះ ក្លាយជាគ្រូបង្វឹកផ្នែកអចលនទ្រព្យអាជីព និងមានការទទួលស្គាល់ជាអន្តរជាតិ ហើយកាលពីពេលថ្មីៗនេះ អ្នកនាង Grace Rachny បានទទួលវិញ្ញាបនបត្រ ទទួលស្គាល់ជាអ្នកជំនាញអចលនទ្រព្យលំដាប់អន្តរជាតិ។

ក្នុងចំណោមបងប្អូន៤នាក់ វាសនាបានបន្សល់តែអ្នកនាងម្នាក់ប៉ុណ្ណោះដែលបានរស់រានបន្ទាប់ពីរបបប៉ុល ពត ហើយបានចាកចេញពីស្រុកកំណើតមកកាន់ក្រុងភ្នំពេញ ជាមួយឪពុកមាក្នុងកំឡុងដើមទសវត្សរ៍ទី៩០ និងបន្តសិក្សានៅទីក្រុង ដែលទើបបើកចំហសេដ្ឋកិច្ចនាពេលនោះ។

ក្នុងរបបប៉ុល ពតក្មេងស្រីរូបនេះរៀនរស់តាមកាលៈទេសៈ ដោយពេលខ្លះមិនមានអ្វីបរិភោគបាយ ក្រៅពីអំបិលឡើយ។

អ្នកនាង Grace Rachny Fong បាននិយាយក្នុងភាពជឿជាក់ថា “ឆ្លងកាត់លំបាកទាំងអស់នោះ បានធ្វើឲ្យខ្ញុំរឹងមាំ និងអាចដោះស្រាយបានគ្រប់បញ្ហាកើតឡើង ទោះបញ្ហានោះលំបាកបែបណាក្តី គឺខ្ញុំតែងអាចរកមធ្យោបាយដោះស្រាយបានជានិច្ច។

អ្នកនាង Grace បានអភិវឌ្ឍន៍ខ្លួនឯងជាមួយនឹងការងារ និងការសិក្សាមិនចេះហត់នឿយ ដោយសារអ្នកនាងយល់ឃើញថា ការសិក្សាតាមរយៈការអានសៀវភៅ សិក្សាពីមនុស្សជំវិញខ្លួន ព្រមទាំងភាពជូចត់ក្នុងជីវិតនាអតីតកាល មិនត្រឹមតែអាចឲ្យ Grace Rachny អាចក្រោកឈរដោយរ៉ឹងមាំដោយខ្លួនឯងប៉ុណ្ណោះទេ ប៉ុន្តែក៏អាចឲ្យស្ត្រីរូបនេះមានឳកាសចែករំលែកចំនេះដឹង បទពិសោធន៍ដល់អ្នកដទៃទៀតបានយ៉ាងច្រើន និងប្រកដដោយទំនុកចិត្តខ្ពស់។

អ្នកនាង Grace Rachny បានផ្តល់ទស្សនរបស់ខ្លួនថា ដើម្បីសម្រេចបានជោគជ័យ យើងត្រូវរៀនសូត្រកុំឈប់ និងមិនត្រូវហត់នឿយនឹងការសិក្សានោះទេ ធ្វើបែបនេះទើបយើងអាចអភិវឌ្ឍន៍ខ្លួនឯងបាន។ អ្នកនាងបន្តថា ក្រៅពីការបណ្តុះបណ្តាល ដោយផ្ទាល់នៅលក្រៅប្រទេស ខ្ញុំចូលចិត្តអានសៀវភៅប្រភេទសៀវភៅលើកទឹកចិត្ត អានកាសែត មើលទូរទស្សន៍ រៀនពីមនុស្សជំវិញខ្លួន។

អ្នកនាងបន្តថា “ស្ត្រីទាំងឡាយចូលប្រឡូកក្នុងសង្គម សិក្សាឲ្យបានច្រើនតាមដែលអាចធ្វើទៅបាន ហើយយកគុណតម្លៃរបស់ខ្លួនជួយដល់សង្គមវិញ។

អ្នកនាងអាន សុធីតា

ឆ្លងកាត់ឆាកជីវិត ជាមួយឪពុកម្តាយមានជីវភាពខ្វះខាត អ្នកនាងអាន សុធីតា នាយិកាប្រចាំប្រទេស នៃក្រុមហ៊ុនអចលនទ្រព្យលំដាប់អន្តរជាតិ CBRE Cambodia ក៏បានឆ្លងកាត់ការលំបាកមិនតិចនោះទេ ដោយពេលមួយនោះអ្នកនាងបានទៅធ្វើការរោងចក្រ ដើម្បីសន្សំលុយរៀននៅមហាវិទ្យាល័យពេលយប់ដោយខ្លួនឯង។

ស្ត្រីវ័យក្មេងរូបនេះ បានរៀនជំនាញផ្នែក Accounting ប៉ុន្តែបែរជាក្លាយជាអ្នកដឹកនាំក្រុមហ៊ុនអចលនទ្រព្យអន្តរជាតិ ដោយសារអ្នកនាងធ្វើការមិនប្រកាន់ខ្លួន មិនគិតពីពេលវេលាឈប់សម្រាក និងតែងតែអភិវឌ្ឍន៍ខ្លួនឯងជាមួយចំនេះដឹងផ្សេងៗ ពិសេសការងារលើវិស័យអចលនវត្ថុនានា។

ចាប់ផ្តើមការងារពីបុគ្គលិកសាមញ្ញ រហូតក្លាយជានាយិកាប្រចាំប្រទេសនៃក្រុមហ៊ុន CBRE Cambodia មិនមែនជាការងាយស្រួលឡើយ តើអ្នកនាងមានវិធីសាស្ត្រអភិវឌ្ឈន៍ខ្លួនឯងយ៉ាងដូចម្តេច?

អ្នកនាងសុធីតាបាននិយាយប្រកបដោយភាពម៉ឺងម៉ាត់ថា “ខ្ញុំតែងតែចាត់ទុកក្រុមហ៊ុនខ្ញុំធ្វើការជាក្រុមហ៊ុនរបស់ខ្លួន និងទទួលខុសត្រូវនូវអ្វីដែលជាកាតព្វកិច្ចដែលត្រូវបំពេញ។អ្នកនាងបន្ថែមថា “ជាមួយគ្នានេះ យើងត្រូវមានភាពស្មោះត្រង់ គោរពក្រមសីលធ៌មវិជ្ជាជីវៈ និងធ្វើការងារដោយទឹកចិត្តចេញពីបេះដូង។

ទោះជាការងាររវល់ និងហត់នឿយបែបណាក៏ដោយ ក៏ស្ត្រីរូបនេះនៅតែបន្តការសិក្សារហូតដល់បច្ចុប្បន្ននេះ ដើម្បីពង្រីកការយល់ដឹង និងអាចជួយពង្រឹងក្រុមហ៊ុនឲ្យកាន់តែទទួលបានជោគជ័យថែមទៀត។

ក្នុងនាមជានាយិកាប្រចាំប្រទេស អ្នកនាងត្រូវមានជំនាញគណនេយ្យ ដើម្បីគ្រប់គ្រងចំណូលចំណាយច្បាស់លាស់ និងត្រឹមត្រូវ ហើយត្រូវមានជំនាញលក់ ដើម្បីធ្វើឲ្យប្រាកដថា ការលក់របស់យើងសម្រេចតាមផែនការ និងជំនាញគ្រប់គ្រងមនុស្ស ដែលអ្នកនាងមានអារម្មណ៍ថា ពិបាកជាងគេ។

អ្នកនាងធីតាបានបន្តថា “ការគ្រប់គ្រងមនុស្ស ខ្ញុំមានអារម្មណ៍ពិបាកជាងគេ ដោយសារក្រុមហ៊ុនមានបុគ្គលិកច្រើននាក់ និងមាន៦ជនជាតិ ដែលត្រូវធ្វើការជាមួយ។អ្នកនាងបន្តថា “ក្នុងតួនាទីជាស្ត្រីខ្មែរម្នាក់ ហើយមានតួនាទីដឹកនាំមនុស្សជាង៤០នាក់ គឺធម្មតាមានអត្តចរិក៤០ប្រភេទ ហេតុនេះយើងត្រូវប្រាកដថា ពួកគេអាចធ្វើការងារជាក្រុមនិងសម្រេចគោលដៅបាន។

វិធីសាស្ត្រដើមម្បីដឹកនាំក្រុមហ៊ុន និងដឹកនាំបុគ្គលិកក្រុមហ៊ុនធ្វើការដោយទទួលខុសត្រូវ និងសម្រចបានតាមផែនការរបស់ពួកគេ មិនមែនជាការងាយឡើយ។

ដំណោះស្រាយបញ្ហានេះ អ្នកនាងធីតាបានលើកឡើងថា “យើងត្រូវរួមចំណែកជោគជ័យ និងលំបាកជាមួយបុគ្គលិក ហើយយើងត្រូវផ្តល់ការងារល្អ និងចំណូលពីការងារសមរម្យសម្រាប់បុគ្គលិក។ អ្នកនាងបន្តថា “លើសពីនេះយើងត្រូវផ្តល់បរិយាកាសការងារល្អ និងពង្រឹងសមត្ថភាពរបស់បុគ្គលិក ដោយផ្តល់ការហ្វឹកហ្វឺនទាំងក្នុងនិងក្រៅប្រទេស”៕