តើវិស័យអ្វីជាកម្លាំងចលករជម្រុញកំណើនសេដ្ឋកិច្ចអាមេរិកខ្លាំង នៅឆ្នាំ២០២៦នេះ?

ដោយៈ ម៉ាណា

ភ្នំពេញៈ សេដ្ឋកិច្ចសហរដ្ឋអាមេរិកនៅឆ្នាំ២០២៦ កំពុងត្រូវបានគាំទ្រដោយវិស័យជាច្រើន ជាជាងពឹងផ្អែកលើវិស័យតែមួយ។

យោងតាមអ្នកវិភាគ មកពីមូលនិធិរូបិយវត្ថុអន្តរជាតិ ធនាគារពិភពលោក Goldman Sachs និង JPMorgan Chase បានវិភាគលើវិស័យដែលមានអំណាចខ្លាំងបំផុត។

១. បញ្ញាសិប្បនិម្មិត (AI) និងបច្ចេកវិទ្យា

កម្មវិធីAI និងការគណនាលើពពក បន្តទាក់ទាញការវិនិយោគយ៉ាងច្រើន ដោយតម្រូវការសម្រាប់បន្ទះឈីបAI មជ្ឈមណ្ឌលទិន្នន័យ និងAI សហគ្រាសនៅតែខ្លាំង។

ក្រុមហ៊ុនលំដាប់យក្សធំៗរួមមាន NVIDIA, Microsoft, Amazon និងAlphabet កំពុងរីកចម្រើន និងកើបប្រាក់ចំណេញយ៉ាងច្រើន។

២. ក្រុមហ៊ុនផលិតបន្ទះឈីបអេឡិចត្រូនិច

ការផលិតបន្ទះឈីបក្នុងស្រុក បន្តពង្រីកដោយមានការគាំទ្រពីគោលនយោបាយឧស្សាហកម្មរបស់សហរដ្ឋអាមេរិក។

តម្រូវការរបស់វាត្រូវបានជំរុញដោយAI យានយន្តអគ្គិសនី និងគ្រឿងអេឡិចត្រូនិចទំនើប។

៣. ការពារជាតិ និងអវកាស

ការព្រួយបារម្ភអំពីសន្តិសុខសកល កើនឡើងបានធ្វើឱ្យការចំណាយលើការការពារជាតិខ្ពស់។
• ក្រុមហ៊ុនដូចជា Lockheed Martin, RTX និង Northrop Grumman បន្តទទួលបានអត្ថប្រយោជន៍យ៉ាងលើសលុប។

៤. ថែរទាំសុខភាព និងជីវបច្ចេកវិទ្យា

ប្រជាជនវ័យចំណាស់ និងការច្នៃប្រឌិតជាបន្តបន្ទាប់ នៅក្នុងឱសថ និងបច្ចេកវិទ្យាវេជ្ជសាស្ត្រគាំទ្រ ដល់កំណើនស្ថិរភាព។ ការថែរទាំសុខភាពជាទូទៅ ត្រូវបានចាត់ទុកថា ជាវិស័យការពារជាតិក្នុងអំឡុងពេលនៃភាពមិនប្រាកដប្រជាផ្នែកសេដ្ឋកិច្ច។

៥. ថាមពល

សហរដ្ឋអាមេរិកនៅតែជាប្រទេសផលិតប្រេង និងឧស្ម័នធម្មជាតិធំជាងគេបំផុតមួយរបស់ពិភពលោក។ ការវិនិយោគក៏កំពុងកើនឡើងផងដែរ លើថាមពលកកើតឡើងវិញ ហេដ្ឋារចនាសម្ព័ន្ធអគ្គិសនី និងបច្ចេកវិទ្យាថ្ម។

៦. ផលិតកម្មឧស្សាហកម្ម

ការសាងសង់រោងចក្រ គម្រោងហេដ្ឋារចនាសម្ព័ន្ធ និងការរៀបចំខ្សែសង្វាក់ផ្គត់ផ្គង់ឡើងវិញ បន្តគាំទ្រសកម្មភាពផលិតកម្ម។

អ្នកព្យាករណ៍ភាគច្រើនរំពឹងថា បញ្ញាសិប្បនិម្មិត និងហេដ្ឋារចនាសម្ព័ន្ធឌីជីថល នឹងនៅតែជាម៉ាស៊ីនឈានមុខគេ នៃកំណើនសេដ្ឋកិច្ចរបស់សហរដ្ឋអាមេរិក ក្នុងរយៈពេលប៉ុន្មានឆ្នាំខាងមុខ ខណៈដែលវិស័យថែទាំសុខភាព ការពារជាតិ និងផលិតកម្មឧស្សាហកម្មផ្តល់ការគាំទ្ររយៈពេលវែងដែលមានស្ថេរភាពជាងមុន៕

អ្នកបន្តវេនចាប់ផ្តើមស្វែងយល់ពីអរិយធម៌ខ្មែរអាថ៌កំបាំងប្រាសាទបុរាណ

ដោយៈ នាង សំណាង

សៀមរាបៈ ក្រុមយុវជនជំនាន់ក្រោយ បាននិងកំពុងចាប់ផ្តើមសិក្សាស្វែងយល់ពីអរិយធ៌ម ដែលបានបាត់បង់ ដោយស្វែងយល់ពីអាថ៌កំបាំងប្រាសាទបុរាណ។

ការសិក្សាពីប្រវត្តិសិល្បៈ មិនត្រឹមតែជាការទស្សនាទស្សនីយភាពនៃសំណង់បុរាណប៉ុណ្ណោះទេ ប៉ុន្តែវាគឺជាសោគន្លឹះ ដ៏សំខាន់ក្នុងការបើកកកាយអាថ៌កំបាំង និងតម្រុយប្រវត្តិសាស្ត្រ នៃប្រាសាទនានា ដូចជាសម័យកាលនៃការសាងសង់ និងទម្រង់វិវត្តនៃស្ថាបត្យកម្មពីសម័យកាលមួយទៅសម័យកាលមួយ។

លោក អន សុភាព បុរាណវិទូនៃអាជ្ញាធរជាតិអប្សរា បានពន្យល់ថា ក្រៅពីទិន្នន័យអាយុកាល ដែលបានមកពីការធ្វើកំណាយស្រាវជ្រាវតាមបែបបុរាណវិទ្យា ការសិក្សាប្រៀបធៀបទៅលើ “រចនាបថសិល្បៈ” របស់ប្រាសាទនីមួយៗ គឺជាវិធីសាស្ត្រគន្លឹះដែលជួយឱ្យអ្នកស្រាវជ្រាវអាចកំណត់ប្រវត្តិ នៃការសាងសង់របស់ប្រាសាទទាំងនោះបានយ៉ាងច្បាស់លាស់។

លោកបន្តថា “វិវត្តនៃរចនាបថសិល្បៈខ្មែរ ពីមុនសម័យអង្គរដល់សម័យអង្គរ បានបង្ហាត់បង្ហាញនៅក្នុងវគ្គបណ្តុះបណ្តាល នៃកម្មវិធីអប់រំបេតិកភណ្ឌ ជូនដល់សិស្សានុសិស្សនៃវិទ្យាល័យ ហ៊ុន សែន ប្រាសាទបាគង”។ លោកបញ្ជាក់ថា “ផ្អែកលើការសិក្សាកន្លងមក អ្នកជំនាញបានបែងចែករចនាបថសិល្បៈក្នុងសម័យបុរាណជា២ ដំណាក់កាលធំៗរួមមាន១៤ រចនាបថផ្សេងគ្នា”។

រចនាបទទាំងនោះរួមមាន – មុនសម័យអង្គរ (មាន៤រចនាបថ)៖រចនាបថភ្នំដា សំបូរព្រៃគុក ព្រៃក្មេង និងកំពង់ព្រះ។

– សម័យអង្គរ (មាន១០រចនាបថ)៖ រចនាបថគូលែន ព្រះគោ បាខែង កោះកេរ ប្រែរូប បន្ទាយស្រី ឃ្លាំង បាភួន អង្គរវត្តនិងបាយ័ន។

តើហេតុអ្វីបានជាត្រូវបែងចែករចនាបថសិល្បៈ? ពីព្រោះប្រាសាទបុរាណមួយចំនួនធំ ពុំមានបន្សល់ទុកសិលាចារឹក ដើម្បីប្រាប់យើងពីព័ត៌មានទូទៅនោះឡើយ។

តួយ៉ាង ប្រាសាទអង្គរវត្ត ដែលជាកំពូលស្ថាបត្យកម្មដ៏ធំស្កឹមស្កៃ ក៏ពុំមានសិលាចារឹកណាមួយ បញ្ជាក់ផ្ទាល់ពីកាលបរិច្ឆេទនៃការសាងសង់នោះដែរ។ ហេតុនេះហើយ ទើបអ្នកបុរាណវិទ្យាត្រូវប្រើប្រាស់វិធីសាស្ត្រ “សិក្សាប្រៀបធៀប” ដោយផ្អែកលើធាតុផ្សំសំខាន់ៗចំនួន២គឺ៖ ផ្នែកស្ថាបត្យកម្ម និងលម្អស្ថាបត្យកម្ម ដែលពិនិត្យមើលរូបរាងប្លង់ ផ្តែរ ហោជាង សសរពេជ្រ និងសសរផ្អោប និងផ្នែកបដិមាសាស្ត្រ ឬចម្លាក់ ដោយសិក្សាទៅលើទម្រង់ រូបរាង ចរិតលក្ខណៈនៃរូបបដិមា និងរឿងរ៉ាវដែលឆ្លាក់រៀបរាប់នៅលើជញ្ជាំងប្រាសាទ។

ការសិក្សាស្វែងយល់ពីប្រវត្តិសិល្បៈខ្មែរ គឺជារឿងរ៉ាវដ៏មានតម្លៃដែលមិនអាចមើលរំលងបានឡើយ ព្រោះវាជាមត៌កវប្បធម៌ដ៏សម្បូរបែបដែលបានចាក់ឫសយ៉ាងជ្រៅ និងបន្តរស់រានរហូតមកដល់បច្ចុប្បន្ន។

លោក អន សុភាព បានសង្កត់ធ្ងន់ថា ក្នុងនាមជាយុវជនបន្តវេន ជាពិសេសប្អូនៗយុវជន ដែលរស់នៅតំបន់ជុំវិញរមណីយដ្ឋានប្រាសាទបុរាណផ្ទាល់ គឺមានតួនាទីយ៉ាងសំខាន់មិនអាចខ្វះបាន ក្នុងការសិក្សាឈ្វេងយល់ ចូលរួមថែរក្សា និងអភិរក្សមត៌កបេតិកភណ្ឌជាតិដ៏អស្ចារ្យទាំងនេះ ឱ្យបានគង់វង្សស្ថិតស្ថេរជាដរាបរៀងទៅអនាគត៕

គម្រោងសាងសង់ឡើងវិញនូវផ្លូវជាតិលេខ៨ត្រូវបានលើកយកមកសិក្សាលំអិតពីមន្រ្តីជំនាញ និងដៃគូអភិវឌ្ឍន៍

ដោយៈ គង់ ម៉ាណា

ភ្នំពេញៈ ក្រុមមន្រ្តី និងដៃគូអភិវឌ្ឍន៍បានបើកកិច្ចប្រជុំពិនិត្យ និងពិភាក្សាលើ Interim Progress Report នៃគម្រោងផ្លូវជាតិលេខ៨ ជាមួយក្រុមហ៊ុនទីប្រឹក្សាបច្ចេកទេស។

កិច្ចប្រជុំនេះ ដឹកនាំដោយលោកឈួន វិន រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោង បានអញ្ជើញដឹកនាំកិច្ចប្រជុំដោយផ្ទាល់ និងតាមរយៈប្រព័ន្ធវីដេអូពីចម្ងាយ លើវឌ្ឍនភាពការងារគម្រោង និងពិភាក្សាលើ Interim Progress Report នៃគម្រោងផ្លូវជាតិលេខ៨ ជាមួយក្រុមហ៊ុនទីប្រឹក្សាបច្ចេកទេស ដោយមានការអញ្ជើញចូលរួមពីថ្នាក់ដឹកនាំ សមាជិក សមាជិកា គម្រោង តំណាងធនាគារវិនិយោគហេដ្ឋារចនាសម្ព័ន្ធអាស៊ី(AIIB) និងតំណាងក្រុមហ៊ុនទីប្រឹក្សាបច្ចេកទេស។

កិច្ចប្រជុំនេះរៀបចំឡើង ដើម្បីពិនិត្យលើ Interim Progress Report ការប្រមូលធាតុចូលបន្ថែម ការពិនិត្យលើបញ្ហាប្រឈម និងស្វែងរកដំណោះស្រាយរួមគ្នា ដើម្បីពន្លឿនការងារគម្រោងឱ្យបានកាន់តែឆាប់រហ័ស ទាន់ពេលវេលា និងប្រកបដោយប្រសិទ្ធភាព។

បន្ថែមពីនេះ លោករដ្ឋលេខាធិការ បានថ្លែងអំណរគុណតំណាងក្រុមហ៊ុនទីប្រឹក្សាបច្ចេកទេស ដែលបានមករាយការណ៍អំពីវឌ្ឍនភាពនៃការអនុវត្តគម្រោង និងបានផ្តល់នូវធាតុចូល និងចំណុចពិចារណាសំខាន់ៗមួយចំនួន ដែលនឹងចូលរួមចំណែកឱ្យការរៀបចំ គម្រោងនេះកាន់តែមានលក្ខណៈល្អប្រសើរ មានភាពគ្រប់ជ្រុងជ្រោយ ត្រឹមត្រូវតាមលក្ខណៈបច្ចេកទេស សមស្របទៅនឹងបរិបទនៃការវិវឌ្ឍរបស់ប្រទេសនិងតំបន់។

គម្រោងសាងសង់កំណាត់ផ្លូវជាតិលេខ៨ មានចំណុចចាប់ផ្ដើមពីរង្វង់មូលព្រែកតាមាក់ ក្នុងស្រុកខ្សាច់កណ្ដាល ខេត្តកណ្ដាល ភ្ជាប់ទៅចំណុចប្រសព្វផ្លូវជាតិលេខ៧ ស្រុកពញាក្រែក ខេត្តត្បូងឃ្មុំ និងមានផ្លូវខ្នែងលេខ៨៨ ភ្ជាប់ទៅកាន់ព្រំដែនអន្តរជាតិកម្ពុជា-វៀតណាម(ម៉ឺនជ័យ-តឺនណាម) មានប្រវែងសរុប១២៩គីឡូម៉ែត៕

ដំណឹងល្អៈ គំរោងសាងសង់ស្ពានឆ្លងកាត់ទន្លេមេគង្គក្រោមជំនួយជប៉ុនបង្ហាញរូបរាងស្ពានហើយ

ដោយៈ ចំណាន

ភ្នំពេញៈ ក្រុមមន្រ្តីនិងអ្នកជំនាញជប៉ុន បានបើកសិក្ខាសាលាស្ដីពី ការផ្សព្វផ្សាយលើកទី២ លើការសិក្សាគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ១ និងសាងសង់ស្ពានឆ្លងកាត់ទន្លេមេគង្គ។

ព័ត៌មាននេះត្រូវបានលើកឡើង ក្នុងឱកាសលោក ឈឹម ផល្លា ប្រធាននាយកដ្ឋានផ្លូវថ្នល់ តំណាងក្រសួសាធារណការ និងដឹកជញ្ជូន និងលោកឯក ឃុនឌឿន អភិបាលរង រាជធានីភ្នំពេញបានចូលរួមជាសហអធិបតីក្នុងសិក្ខាសាលាស្ដីពី ការផ្សព្វផ្សាយលើកទី២ លើការសិក្សាគម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ១ និងសាងសង់ ស្ពានឆ្លងកាត់ទន្លេមេគង្គ។

សិក្ខាសាលានេះ មានការចូលរួមពីតំណាងទីភ្នាក់ងារសហប្រតិបត្តិការ នៃប្រទេសជប៉ុន (JICA) តំណាងក្រសួងសេដ្ឋកិច្ច និងហិរញ្ញវត្ថុ និងតំណាងមន្ទីរ-អង្គភាពពាក់ព័ន្ធផងដែរ។

គោលបំណង នៃសិក្ខាសាលានេះ គឺដើម្បីលើកឡើងពីលទ្ធផល ដែលក្រុមការងារបានសិក្សាគម្រោងកន្លងមករួមមាន៖ ១). ការវាយតម្លៃ នៃលទ្ធភាពគម្រោង ២). ការរៀបចំរចនាបទបឋម និងការប៉ាន់ស្មានប្រមាណតម្លៃ ៣). ការរៀបចំរបាយការណ៍សិក្សាវាយតម្លៃហេតុប៉ះពាល់បរិស្ថាន (IESIA)។

៤). ការសិក្សារៀបចំផែនការសកម្មភាព ការតាំងទីលំនៅឡើងវិញ (RAP)។ ក្រោយពីបានពិភាក្សា និងផ្លាស់ប្តូរយោបល់យ៉ាងយកចិត្តទុកដាក់លើគ្រប់ទិដ្ឋភាព អង្គសិក្ខាសាលាបានឯកភាព និងគាំទ្រលើការសិក្សាគម្រោង៕

កម្ពុជា ឡាវពិភាក្សាពីការតភ្ជាប់ផ្លូវថ្នល់ ផ្លូវដែក និងបណ្តាញផ្លូវទឹករវាងប្រទេសទាំងពីរ

ដោយៈ ម៉ាលីនណា

ភ្នំពេញៈ មន្រ្តីជាន់ខ្ពស់រដ្ឋាភិបាល បានពិភាក្សាជាមួយភាំគីឡាវ លើប្រព័ន្ធភស្តុភារកម្ម លើការជម្រុញការតភ្ជាប់បណ្តាញផ្លូវថ្នល់ ផ្លូវដែក និងបណ្តាញផ្លូវទឹករវាងប្រទេសទាំងពីរ។

ព័ត៌មាននេះ ត្រូវបានលើកឡើងក្នុងឱកាសលោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) បានទទួលជួបសម្តែងការគួរសម និងពិភាក្សាការងារជាមួយ លោក Sonexay Vannaxay ឯកអគ្គរដ្ឋទូតឡាវ ដែលទើបទទួលបានការតែងតាំងថ្មីប្រចាំកម្ពុជា ក្នុងគោលបំណងពង្រឹង និងពង្រីកទំនាក់ទំនងកិច្ចសហប្រតិបត្តិការទ្វេភាគី ឱ្យកាន់តែរីកចម្រើនទ្វេឡើងថែមទៀត ជាពិសេសលើវិស័យពាណិជ្ជកម្ម វិនិយោគ ការតភ្ជាប់ហេដ្ឋារចនាសម្ព័ន្ធ ថាមពល និងទេសចរណ៍។

ជាកិច្ចចាប់ផ្តើម លោកឯកអគ្គរដ្ឋទូត បានគូសបញ្ជាក់ថា កម្ពុជា និងឡាវ ជាអ្នកជិតខាងល្អដែលមានប្រវត្តិសាស្ត្រ វប្បធម៌ និងប្រពៃណីផ្សារភ្ជាប់គ្នាយ៉ាងជិតស្និទ្ធ ហើយកិច្ចសហប្រតិបត្តិការដ៏ល្អរវាងប្រទេសទាំងពីរ តែងតែត្រូវបានថែរក្សា និងលើកកម្ពស់ជាបន្តបន្ទាប់ពីមួយជំនាន់ទៅមួយជំនាន់។

ជាការឆ្លើយតប លោកឧបនាយករដ្ឋមន្ត្រី បានបង្ហាញនូវជំនឿចិត្តថា អាណត្តិបេសកកម្មការទូតរបស់ឯកឧត្តមនៅកម្ពុជា នឹងដើរតួនាទីជាស្ពានចម្លងដ៏សំខាន់ និងជាកាតាលីករក្នុងការជម្រុញទំនាក់ទំនងទ្វេភាគី ឱ្យកាន់តែមានភាពស្អិតរមួត និងឈានឡើងដល់កម្រិតខ្ពស់ថ្មីមួយទៀត។

ទន្ទឹមនឹងនេះ លោកឯកអគ្គរដ្ឋទូត ក៏បានធ្វើការកត់សម្គាល់ដោយក្តីកោតសរសើរ ចំពោះការអភិវឌ្ឍសេដ្ឋកិច្ច -សង្គមរបស់កម្ពុជា ក្រោមការដឹកនាំ ប្រកបដោយគតិបណ្ឌិតរបស់ប្រមុខរាជរដ្ឋាភិបាល។ ជាក់ស្តែង ឯកឧត្តមបានលើកឡើង នូវចំណាប់អារម្មណ៍យ៉ាងខ្លាំងលើការរីកចម្រើន នៃប្រព័ន្ធហេដ្ឋារចនាសម្ព័ន្ធដឹកជញ្ជូន និងបណ្តាញផ្លូវថ្នល់ខ្វាត់ខ្វែង ដោយលោកបានចែករំលែក នូវបទពិសោធន៍ផ្ទាល់ខ្លួនយ៉ាងរីករាយ ក្នុងការបើកបររថយន្តដោយផ្ទាល់ពីរាជធានីភ្នំពេញ ឆ្ពោះទៅកាន់ខេត្តស្ទឹងត្រែង និងបន្តដំណើរទៅកាន់ទឹកដីប្រវត្តិសាស្ត្រនៃខេត្តសៀមរាប។

តាមរយៈការធ្វើដំណើរផ្ទាល់នេះ លោកឯកអគ្គរដ្ឋទូត បានវាយតម្លៃខ្ពស់ចំពោះគុណភាពផ្លូវថ្នល់ ភាពងាយស្រួល សុវត្ថិភាព និងការតភ្ជាប់ដ៏មានប្រសិទ្ធភាពរវាងរាជធានី និងបណ្តាខេត្តនានា ដែលនេះគឺជាសក្ខីកម្មដ៏រស់រវើកឆ្លុះបញ្ចាំង ពីសមិទ្ធផលពិតប្រាកដ ក្នុងការអភិវឌ្ឍជាតិ។

នៅក្នុងជំនួបនារសៀលនេះ លោកឧបនាយករដ្ឋមន្ត្រី និងលោក ឯកអគ្គរដ្ឋទូត បានពិភាក្សាផ្លាស់ប្តូរទស្សនៈ និងគំនិតយោបល់គន្លឹះសំខាន់ៗ ដែលមានខ្លឹមសារជាអាទិ៍ដូចខាងក្រោម៖ ១. ការតភ្ជាប់ហេដ្ឋារចនាសម្ព័ន្ធ និងភស្តុភារកម្ម៖ ភាគីទាំងពីរបានបង្ហាញឆន្ទៈរួមក្នុងការពិនិត្យលទ្ធភាពជំរុញ និងពន្លឿនការតភ្ជាប់ ប្រព័ន្ធហេដ្ឋារចនាសម្ព័ន្ធរូបវន្ត រួមមាន ផ្លូវថ្នល់ ផ្លូវដែក និងបណ្តាញផ្លូវទឹក ដែលជាសរសៃឈាមសេដ្ឋកិច្ចដ៏សំខាន់ ដោយបានសង្កត់ធ្ងន់លើការសម្របសម្រួល និងការធ្វើសាមញ្ញកម្ម នៃនីតិវិធីដឹកជញ្ជូនឆ្លងកាត់ព្រំដែន ដើម្បីកាត់បន្ថយពេលវេលា និងថ្លៃដើមភស្តុភារកម្ម ដែលជាកត្តាជំរុញដ៏មានឥទ្ធិពលដល់លំហូរពាណិជ្ជកម្មទ្វេភាគី វិស័យទេសចរណ៍ និងការធ្វើដំណើរទៅមកដោយរលូនរបស់ប្រជាជននៃប្រទេសទាំងពីរ។

២. ការលើកកម្ពស់ទំហំពាណិជ្ជកម្ម និងការវិនិយោគទ្វេភាគី៖ ភាគីទាំងពីរ បានពិភាក្សាគ្នាយ៉ាងស៊ីជម្រៅ និងផ្តល់តម្លៃខ្ពស់លើការស្វែងរកកិច្ចសហការរួមគ្នា ដើម្បីបើកទំព័រថ្មីមួយទៀត ក្នុងការជំរុញទំហំពាណិជ្ជកម្ម និងលំហូរវិនិយោគទ្វេភាគី ឱ្យស្របតាមសក្តានុពលជាក់ស្តែងនៃប្រទេសទាំងពីរ។

ក្នុងន័យនេះ ភាគីទាំងពីរបានបង្ហាញឆន្ទៈរួម ក្នុងការបង្កលក្ខណៈងាយស្រួលដល់ធុរជន វិនិយោគិន និងសហគ្រាសនៃប្រទេសទាំងពីរ ក្នុងការស្វែងរកឱកាសវិនិយោគ បង្កើតដៃគូយុទ្ធសាស្ត្រ និងការបង្កើតបណ្តាញទំនាក់ទំនងធុរកិច្ច។

៣. ការអភិវឌ្ឍលើវិស័យថាមពល៖ ភាគីទាំងពីរបានបង្ហាញការយកចិត្តទុកដាក់ខ្ពស់ លើកិច្ចសហប្រតិបត្តិការអភិវឌ្ឍន៍ វិស័យថាមពល ដើម្បីធានាបាននូវសន្តិសុខថាមពល និងការអភិវឌ្ឍប្រកបដោយចីរភាពនៅក្នុងតំបន់ ដោយបានពិភាក្សាលើគម្រោងតភ្ជាប់បណ្តាញអគ្គិសនីអាស៊ាន (ASEAN Power Grid) ដែលជាគំនិតផ្តួចផ្តើមយុទ្ធសាស្ត្រ ក្នុងការរួមចំណែកធ្វើសមាហរណកម្មថាមពល និងការបែងចែកប្រភពថាមពលកកើតឡើងវិញ (Renewable Energy)ឱ្យកាន់តែមានប្រសិទ្ធភាព៕

X Capital Investment Commits to Promoting Cambodia’s Tourism Potential to the Chinese

By MoT

Phnom Penh, X Capital Investment Commits to Promoting Cambodia’s Tourism Potential to the Chinese and International Markets through the Angkor App, Cambodia National Shop, and Angkor Smile Exhibition.

H.E. Huot Hak, Minister of Tourism, received a courtesy call from Mr. Tong David, Director General of X Capital Investment Co., Ltd. and Honorary President of the Cambodia–China Friendship Cooperation Promotion Association, together with his delegation on reviewing the progress of cooperation in promoting Cambodia’s tourism, advancing digital tourism development, and accelerating the implementation of X Capital Investment’s priority projects.

Both sides also exchanged in-depth views on mechanisms to strengthen the promotion of Cambodia as a tourism destination and to attract more Chinese tourists and investors to Cambodia at the Ministry of Tourism.

During the meeting, Mr. Tong David expressed his sincere appreciation to H.E. the Minister for granting the company the opportunity to meet and discuss cooperation. He briefed the Minister on the achievements of X Capital Investment Co., Ltd. and the Association in promoting Cambodia’s tourism potential, particularly through digital tourism initiatives, which are among the company’s priority investment projects supporting the development of Cambodia’s tourism sector. Mr. Tong highlighted the company’s three flagship initiatives: Angkor Smile Exhibition – organizing exhibitions in China to promote Cambodia; Cambodia National Shop – establishing a Cambodian national products store in China; and Angkor App-developing a mobile application to provide tourism information and services to visitors. These initiatives aim to promote the Angkor civilization, Cambodia’s cultural heritage, national products, and tourism potential to Chinese and international audiences through digital technology. He also requested the Ministry of Tourism’s continued support to facilitate the effective implementation and success of these projects.

In response, H.E. the Minister highly appreciated and commended the company and the Association for their active contributions to strengthening the friendship and cooperation between Cambodia and China through the promotion of Cambodia’s culture and tourism. H.E. the Minister further encouraged the company to continue enhancing its digital tourism platforms to make them more efficient and user-friendly. He also requested the company to actively communicate the true situation in Cambodia, emphasizing that the country continues to enjoy peace, stability, security, and safety, fundamental conditions for tourism development and for attracting international tourists and investors. These achievements are made possible under the visionary leadership of Samdech Moha Borvor Thipadei Hun Manet, Prime Minister of the Kingdom of Cambodia, who has identified tourism as a key pillar for driving national economic growth.

It is worth noting that X Capital Investment was established in 2023 with a focus on investment and project development in the fields of culture, tourism, and digital innovation. The company is currently implementing three priority projects: the Angkor Smile Exhibition, Cambodia National Shop, and Angkor App, all of which are designed to promote the Angkor civilization, Cambodia’s cultural heritage, national products, and tourism potential to the Chinese and international markets.

The first Angkor Smile Exhibition, held in Beijing, attracted more than 7,000 visitors and reached over 2 million Chinese audiences through digital promotional campaigns, demonstrating the strong potential to expand Cambodia’s tourism market and enhance the country’s visibility and reputation in China.

តើដីនៅតំបន់ណាខ្លះជុំវិញរាជធានីគួរផ្តោតលើការវិនិយោគដើម្បីបង្កើតផលចំណេញរយៈពេល៥ទៅ១០ឆ្នាំខាងមុខ?

ដោយៈ គង់ សូរិយា

ភ្នំពេញៈ ប្រសិនជាគិតពីផលចំណេញសម្រាប់អនាគត ក្នុងរយៈពេលពី៥ ទៅ១០ឆ្នាំខាងមុខ ឱកាសដីធ្លីដ៏រឹងមាំបំផុតនៅជុំវិញទីក្រុងភ្នំពេញជាទូទៅ គឺជាអ្នកដែលទទួលបានអត្ថប្រយោជន៍ ពីហេដ្ឋារចនាសម្ព័ន្ធដឹកជញ្ជូនថ្មី កំណើនឧស្សាហកម្ម និងការពង្រីកទីក្រុង។

អ្នកជំនាញបានចង្អុលបង្ហាញទីតាំងសំខាន់ៗ ដែលមានសក្តានុពលមួយចំនួនដូចជា

១. ផ្លូវជាតិលេខ៥១

មូលហេតុ ដោយសារសក្តានុពលផ្លូវនេះ ភ្ជាប់ភាគខាងលិចទីក្រុងភ្នំពេញជាមួយតំបន់ឧស្សាហកម្មសំខាន់ៗ។ អត្ថប្រយោជន៍ពីការពង្រីករោងចក្រ ភស្តុភារកម្ម និងតម្រូវការលំនៅដ្ឋាន។ តម្លៃដីធ្លីជាទូទៅទាបជាងតម្លៃដី នៅកណ្តាលទីក្រុងភ្នំពេញ ប៉ុន្តែមានកន្លែងសម្រាប់ការរីកចម្រើន។

វាជាទីតាំងមានឱកាសល្អបំផុតសម្រាប់៖ វិនិយោគិនដែលមានទស្សនវិស័យចន្លោះរយៈពេលពី៥ ទៅ១០ឆ្នាំ។

២. ផ្លូវជាតិលេខ៤១

មូលហេតុ គឺដោយសារផ្លូវនេះ តភ្ជាប់ទីក្រុងភ្នំពេញទៅកាន់ខេត្តកំពត និងច្រករបៀងសេដ្ឋកិច្ចភាគខាងត្បូង។ មានសក្តានុពលលើសួនឧស្សាហកម្ម ឃ្លាំង និងភស្តុភារកម្មកំពុងកើនឡើង។ កំណើនប្រជាជនតាមបណ្តោយច្រករបៀង គាំទ្រដល់តម្រូវការលំនៅដ្ឋាន ដែលផ្តល់ផលល្អបំផុត សម្រាប់ការវិនិយោគដីធ្លីរយៈពេលមធ្យម ទៅរយៈពេលវែង។

៣. ក្រុងតាខ្មៅ

តំបន់នេះមានសក្តានុពលដោយសារមានទីតាំង និងសក្តានុពលនៃការរួមបញ្ចូលកាន់តែខ្លាំងឡើងជាមួយទីក្រុងភ្នំពេញ។ តំបន់នេះកំណើនប្រជាជន និងការតភ្ជាប់ផ្លូវថ្នល់ប្រសើរឡើង កំពុងគាំទ្រដល់ការពង្រីកទីក្រុង។

លើសពីនេះ ទីក្រុងនេះ ក៏មានតម្រូវការសម្រាប់ការអភិវឌ្ឍលំនៅដ្ឋាន និងការប្រើប្រាស់ចម្រុះកំពុងកើនឡើង ដែលល្អបំផុតសម្រាប់ដីលំនៅដ្ឋាន និងដីឡូត៍ពាណិជ្ជកម្ម។

៤. ខ័ណ្ឌកំបូល

សក្តានុពលខ័ណ្ឌបង្កើតថ្មីមួយនេះ មានដោយសារតំបន់ពង្រីកភាគខាងលិចនៃទីក្រុងភ្នំពេញ។ មានទីតាំង នៅជិតការអភិវឌ្ឍឧស្សាហកម្ម និងការកែលម្អការដឹកជញ្ជូន និងគម្រោងលំនៅដ្ឋានថ្មីៗនៅតែបន្តរីករាលដាលចូលទៅក្នុងស្រុក។

ដីនេះមានសក្តានុពលល្អបំផុត សម្រាប់ការកើនឡើងរយៈពេលមធ្យម។

៥. តំបន់អាកាសយានដ្ឋានអន្តរជាតិតេជោ

អាកាសយានដ្ឋានថ្មីត្រូវបានគេរំពឹងថា នឹងជំរុញសណ្ឋាគារ ភស្តុភារ លក់រាយ និងលំនៅដ្ឋានតាមពេលវេលា។ ការវិនិយោគលើហេដ្ឋារចនាសម្ព័ន្ធ ជុំវិញអាកាសយានដ្ឋាន គួរតែបង្កើនតម្រូវការដីធ្លីបន្តិចម្តងៗ។

តំបន់នេះល្អបំផុតសម្រាប់ វិនិយោគិនរយៈពេលវែង ដែលអាចរង់ចាំបានច្រើនឆ្នាំ៕

ក្រុមហ៊ុនធំមួយសន្យាចូលរួមផ្សព្វផ្សាយសក្តានុពលទេសចរណ៍កម្ពុជាទៅកាន់ទីផ្សារចិន និងអន្តរជាតិ តាម Angkor App

ដោយៈ ម៉ាណា

ភ្នំពេញៈ ក្រុមហ៊ុន X Capital Investment បេ្តជា្ញចូលរួមផ្សព្វផ្សាយសក្តានុពលទេសចរណ៍កម្ពុជាទៅកាន់ទីផ្សារចិន និងអន្តរជាតិ តាមរយៈបច្ចេកវិទ្យាឌីជីថល Angkor App ផ្សារទំនិញកម្ពុជា និងការតាំងពិព័រណ៌ Angkor Smile។

ព័ត៌មាននេះត្រូវបានលើកឡើងក្នុងឱកាស លោកហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនលោក Tong David អគ្គនាយកក្រុមហ៊ុន X Capital Investment Co., Ltd. និងជាប្រធានកិត្តិយសសមាគម ជំរុញកិច្ចសហប្រតិបត្តិការមិត្តភាពកម្ពុជា-ចិន ព្រមទាំងសហការី ចូលជួបសម្តែងការគួរសម និងពិភាក្សាការងារអំពីវឌ្ឍនភាពនៃកិច្ចសហប្រតិបត្តិការ លើការផ្សព្វផ្សាយទេសចរណ៍កម្ពុជា ការអភិវឌ្ឍទេសចរណ៍ឌីជីថល និងការជំរុញគម្រោងអាទិភាពរបស់ក្រុមហ៊ុន X Capital Investment ព្រមទាំងផ្លាស់ប្តូរទស្សនៈស៊ីជម្រៅលើយន្តការជំរុញការផ្សព្វផ្សាយ គោលដៅទេសចរណ៍កម្ពុជា ការទាក់ទាញភ្ញៀវទេសចរ និងវិនិយោគិនចិនមកកម្ពុជា នៅទីស្តីការក្រសួងទេសចរណ៍។

ក្នុងឱកាសនៃជំនួបនេះ លោក Tong David បានរាយការណ៍អំពីលទ្ធផលនៃការងាររបស់ក្រុមហ៊ុន X Capital Investment Co., Ltd. និងសមាគមលើការចូលរួមផ្សព្វផ្សាយ សក្តានុពលទេសចរណ៍កម្ពុជា ជាពិសេសការអនុវត្តគម្រោងពាក់ព័ន្ធ នឹងវិស័យទេសចរណ៍ឌីជីថល ជាគម្រោងអាទិភាពរបស់ក្រុមហ៊ុន X Capital Investment ក្នុងការចូលរួមគាំទ្រការអភិវឌ្ឍវិស័យទេសចរណ៍កម្ពុជា តាមរយៈគម្រោងសំខាន់ៗ ចំនួន៣ រួមមាន ការរៀបចំពិព័រណ៍ផ្សព្វផ្សាយកម្ពុជានៅប្រទេសចិន (Angkor Smile Exhibition) ការបង្កើតហាងទំនិញជាតិកម្ពុជានៅប្រទេសចិន (Cambodia National Shop) និងការអភិវឌ្ឍកម្មវិធីទូរស័ព្ទAngkor App ដើម្បីផ្តល់ព័ត៌មាន និងសេវាកម្មដល់ភ្ញៀវទេសចរ ដែលមានគោលបំណងផ្សព្វផ្សាយអរិយធម៌អង្គរ បេតិកភណ្ឌវប្បធម៌ ផលិតផលជាតិ និងសក្តានុពលទេសចរណ៍កម្ពុជាទៅកាន់ទីផ្សារចិន និងអន្តរជាតិ តាមរយៈបច្ចេកវិទ្យាឌីជីថល ព្រមទាំងបានស្នើសុំការគាំទ្រពីក្រសួងទេសចរណ៍ ដើម្បីជំរុញការអនុវត្តគម្រោងទាំងនេះឱ្យកាន់តែមានប្រសិទ្ធភាព និងទទួលបានជោគជ័យ។

ជាកិច្ចឆ្លើយតប លោករដ្ឋមន្ត្រី បានកោតសរសើរ និងបានលើកទឹកចិត្តឱ្យបន្តជំរុញ ការអភិវឌ្ឍកម្មវិធីទេសចរណ៍ឌីជីថល ឱ្យកាន់តែមានប្រសិទ្ធភាព និងងាយស្រួលដល់អ្នកប្រើប្រាស់ ព្រមទាំងស្នើខាងភាគីក្រុមហ៊ុនបន្តផ្សព្វផ្សាយ ពីស្ថានភាពជាក់ស្តែងនៅកម្ពុជា ដែលបន្តរក្សាបាននូវសន្តិភាព ស្ថិរភាព សន្តិសុខ និងសុវត្ថិភាព ដែលជាមូលដ្ឋានដ៏រឹងមាំ សម្រាប់ការអភិវឌ្ឍវិស័យទេសចរណ៍ និងការទាក់ទាញភ្ញៀវទេសចរ និងវិនិយោគិនអន្តរជាតិ។

ក្រុមហ៊ុន X Capital Investment ត្រូវបានបង្កើតឡើងក្នុងឆ្នាំ២០២៣ ដោយផ្តោតលើការវិនិយោគ និងអភិវឌ្ឍគម្រោងលើវិស័យវប្បធម៌ ទេសចរណ៍ និងឌីជីថល ដែលបច្ចុប្បន្ន ក្រុមហ៊ុនកំពុងអនុវត្តគម្រោងអាទិភាពចំនួន៣ រួមមាន Angkor Smile Exhibition, Cambodia National Shop និង Angkor App ដែលមានគោលបំណងផ្សព្វផ្សាយអរិយធម៌អង្គរ បេតិកភណ្ឌវប្បធម៌ ផលិតផលជាតិ និងសក្តានុពលទេសចរណ៍កម្ពុជាទៅកាន់ទីផ្សារចិន និងអន្តរជាតិ៕

ក្រសួងមហាផ្ទៃពិភាក្សាពីការបង្កើតភូមិ និងកែសម្រួលព្រំប្រទល់រដ្ឋបាលរាជធានីភ្នំពេញ

ដោយៈ គង់ សូរិយា

ភ្នំពេញៈ រដ្ឋលេខាធិការក្រសួងមហាផ្ទៃ ដឹកនាំដោយលោកប៊ុន ហុន អញ្ជើញដឹកនាំកិច្ចប្រជុំពិភាក្សាអំពីការបង្កើតភូមិ និងការកែសម្រួលព្រំប្រទល់រដ្ឋបាលរបស់រដ្ឋបាលរាជធានីភ្នំពេញ។

ព័ត៌មាននេះត្រូវបានប្រកាសឲ្យដឹង ក្នុងកិច្ចប្រជុំនៅព្រឹកថ្ងៃទី៧ កក្កដានេះ។

កិច្ចប្រជុំនេះ មានការអញ្ជើញចូលរួមពី ឯកឧត្តម អគ្គនាយក អគ្គនាយករង ប្រធាន-អនុប្រធាននាយកដ្ឋានកិច្ចការ រដ្ឋបាលរាជធានី ខណ្ឌ និងខេត្ត និងអភិបាលរងនៃគណៈអភិបាលរាជធានី នាយករដ្ឋបាលសាលារាជធានី អភិបាលខណ្ឌ ចៅសង្កាត់ ព្រមទាំងមន្រ្តីជំនាញពាក់ព័ន្ធជាច្រើនរូប។

តាមទិន្ន័យប៉ាន់ស្មានបានបង្ហាញថា រាជធានីភ្នំពេញបច្ចុប្បន្នមានខ័ណ្ឌសរុបចំនួន១៤ មានផ្ទៃដីទំហំ៥៦៧គីឡូម៉ែត្រការ៉េ និងមានប្រជាពលរដ្ឋរស់នៅប្រមាណ៣លាននាក់៕

កម្ពុជាពង្រឹងធនធានមនុស្ស “មេបញ្ជាការផែកម្រិត១ លើការដឹកជញ្ជូនផ្លូវទឹក ផ្លូវសមុទ្រ និងកំពង់ផែ”

ដោយៈ ម៉ាណា

ភ្នំពេញៈ ក្រសួងសាធារណការ និងដឹកជញ្ជូនបានរៀបចំវគ្គបណ្តុះបណ្តាល “មេបញ្ជាការផែកម្រិត១” ដើម្បីពង្រឹងចំណេះដឹង និងជំនាញបន្ថែមជូនដល់មន្ត្រីរាជការ នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ។

វគ្គបណ្តុះបណ្តាលនេះ ធ្វើឡើងក្រោមអធិបតីភាព លោកម៉ក់ ស៊ីដេត អនុរដ្ឋលេខាធិការ ក្រសួងសាធារណការ និងដឹកជញ្ជូន។

វគ្គបណ្តុះបណ្តាលនេះ រៀបចំឡើងក្នុងគោលបំណងពង្រឹងចំណេះដឹង និងជំនាញបន្ថែមជូនដល់មន្ត្រីរាជការ នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ សរុបចំនួន៣៦រូប។

វគ្គសិក្សានេះ ធ្វើបទបង្ហាញដោយគ្រូឧទ្ទេសនាមចំនួន៥រូប អញ្ជើញមកពីអគ្គនាយកដ្ឋាន និងកំពង់ផែស្វយ័តភ្នំពេញ ក្រោមកិច្ចសម្របសម្រួលដោយ លោក ញ៉ែម សារវង្ស អគ្គនាយករង។ ទន្ទឹមនឹងការសិក្សាទ្រឹស្តីនៅក្នុងថ្នាក់រៀន សិក្ខាកាមក៏នឹងមានឱកាសចុះកម្មសិក្សាស្វែងយល់ការងារអនុវត្តជាក់ស្តែង នៅទីតាំងកំពង់ផែផ្ទាល់ផងដែរ៕