កម្ពុជាជ្រើសរើសខេត្តសៀមរាបជាទីក្រុងស្រស់ប្រឹមប្រិយដើម្បីបង្ហាញក្នុងពិព៌ណ ចិន អាស៊ាន

0

ដោយៈ គង់ ម៉ាលីនណា

      ប្រទេសចិនៈ ទីក្រុងសៀមរាប ដ៏ស្រស់ប្រិមប្រិយរួមទាំងសិល្បៈទស្សនីយភាពខ្មែរ ជាច្រើនទម្រង់បាននិងកំពុងបង្ហាញនៅក្នុងពិព៌ណចិន អាស៊ាន នៅទីក្រុងណានីង ប្រទេសចិន។

តំណាងរដ្ឋាភិបាលកម្ពុជា ចូលរួមក្នុងពិព៌ណដ៏ធំនេះ មានការចូលរួមពីលោកឧបនាយករដ្ឋមន្រ្តីវង្សី វិស្សុត រដ្ឋមន្រ្តីទីស្តីការគណៈរដ្ឋមន្រ្តី លោកជំទាវចម និម្មលរដ្ឋមន្រ្តីក្រសួងពាណិ​ជ្ជកម្ម និងមន្រ្តីពាក់ព័ន្ឋជាច្រើនទៀត។

ក្រសួងពាណិជ្ជកម្ម ក្នុងនាមគណៈកម្មការរៀបចំ និងចូលរួមពិព័រណ៍ពិភពលោក និងពិព័រណ៍ពាណិជ្ជកម្មអន្តរជាតិ បានរៀបចំសាងសង់ពន្លាជាតិ (Cambodia National Pavilion) ទំហំ ១៦០ម៉ែត្រការ៉េ ដោយជ្រើសរើសខេត្តសៀមរាប ជាទីក្រុងស្រស់ប្រិមប្រិយ ដើម្បីបង្ហាញអំពីវប្បធម៌ អរិយធម៌ខ្មែរ សេដ្ឋកិច្ច ពាណិជ្ជកម្ម ទេសចរណ៍ និងវិនិយោគ។

ការរចនាពន្លាជាតិកម្ពុជា៖ ក្រុមការងារបានបំផុសគំនិត ដោយជ្រើសរើសយកប្រាសាទនាគព័ន្ធ។ ប្លង់បាតនៃពន្លាជាតិកម្ពុជារួមមាន៖ ១- ច្រកចូល (អមដោយបង្គោលសីមា ចំនួន៦ មានរចនាបទ ពីប្រាសាទចៅសាយទេវតា, ក្លោងទ្វាកណ្តាលគឺជាក្លោងទ្វាប្រាសាទព្រះខ័ណ្ឌ) ២- ការដាក់តាំងផលិតផល (មាន Kiosk Digital Signage ចំនួន២, Product Information Digital Signage ចំនួន៤ និងធ្នើដាក់តាំងផលិតផលកម្ពុជា ចំនួន៨មុខ (គ្រាប់ល្ង, សណ្តែកក្រហម, សណ្តែកខ្មៅ, អំបិល, គ្រាប់ស្វាយចន្ទី, សណ្តែកខៀវ, ម្រេចកំពត, អង្ករផ្កាម្លិះ) អមដោយ Digital Screen សម្រាប់បញ្ចាំងព័ត៌មានផលិតផល និងវីដេអូនានាពាក់ព័ន្ធនឹងឧបករណ៍ភ្លេងខ្មែរ)។

៣- នាគផុសនៅកណ្តាល (ខ្លួននាគធ្វើ Lightbox ដែលមានផ្ទាំងរចនាផ្សព្វផ្សាយពីផលិត ផលសក្តាលនុពលរបស់កម្ពុជា ដែលរួមមាន (អង្ករ, ស្វាយចន្ធី, ម្រេចកំពត, និងស្ករត្នោតកំពង់ស្ពឺ), នៅកណ្តាល នាគ មានរូបសំណាកព្រះលោកេសូរ ជាព្រះពោធិសត្វនៅក្នុងពុទ្ធសាសនាមហាយាន ដែលជាអ្នកសង្រ្គោះសត្វលោក, បាតក្រោមមានជា PVC យក Pattern ជាថ្មប្រាសាទ) និង៤- Alibaba Stage៖ មានរៀបចំជា Banner ទំហំ 2.81m X 1.78m រំលេច សារអបអរសាទរផលិតផលកម្ពុជាចូលទីផ្សារពិភពលោកតាមរយៈថ្នាល Alibaba.com។

បន្ថែមលើនេះ ក្រសួងពាណិជ្ជកម្ម ក៏បានរៀបចំឱ្យមាន មា នការសម្តែងសិល្បៈ ដោយសិល្បៈករ-សិល្បៈការិនី មកពីក្រ សួងវប្បធម៌និងវិចិត្រសិល្បៈ ជាប់ជាប្រចាំជូនភ្ញៀវទស្សនា ដោយប្រភេទសម្តែងមាន១០ របាំ រួមមាន របាំជូនពរ, គោះត្រឡោក, រស្មីដួងច័ន្ទ, ក្រម៉ា, អប្សរា, វិធី (សហសម័យ), ក្ងោកសិល្ប៍, គែន, សែនដាំស្រូវ,  និង ភ្លេចមិនបាន៕

CVEA ប្រជុំលើសំណើរសុំបញ្ចុះតម្លៃសេវាវាយតម្លៃអចលនវត្ថុ

0

ដោយៈ គង់ សូរិយា

      ភ្នំពេញៈ អ្នកជំនាញការវាយតម្លៃ នៃសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA)បានបើកកិច្ចប្រជុំកាលពីសប្តាហ៍មុន ដោយផ្តោតលើសំណើរសុំបញ្ចុះតម្លៃ សេវាកម្មវាយតម្លៃ អចលនទ្រព្យ។

ចំនុចសំខាន់ៗនៃកិច្ចប្រជុំនេះ បានផ្តោតលើចំណុចមួយចំនួនដួចជា ទី១ កិច្ចប្រជុំបានស្វែងយល់ពីលទ្ធភាព នៃការកាត់បន្ថយថ្លៃសេវាវាយតម្លៃបច្ចុប្បន្ន។ ទី២ សមាជិកត្រូវពិភា​ក្សា ជាមួយអ្នកគ្រប់គ្រងក្រុមហ៊ុនរៀងៗខ្លួន ដើម្បីកំណត់ភាគរយបញ្ចុះតម្លៃ ដែលបានស្នើ៣ CVEA នឹងចងក្រងសំណើទាំងនេះ ហើយបញ្ជូនអនុសាសន៍រួមមួយទៅកាន់ RPR សម្រាប់ការអនុម័ត។

ជាមួយញគ្នានេះ អ្នកជំនាញនិងថ្នាក់ដឹកនាំសមាគមនឹងពិភាក្សាទទួលយកចំណើរមួយចំនួនផងដែរ រួមមានទី១ សំណើ​នឹងជូនសមាគមត្រឹមថ្ងៃពុធ ទី២៧ ខែមីនា ឆ្នាំ២០២៤។ សមាគម នឹងគណនាការបញ្ចុះតម្លៃជាមធ្យម រួចដាក់ជូនអ្នកជំនាញវាយតម្លៃ CVEA ដើម្បីពិនិត្យ។ ទី៣ បន្ទាប់ពីការត្រួតពិនិត្យ សំណើនឹងត្រូវដាក់ជូន សម្រាប់ការបោះឆ្នោតនៅក្នុងកិច្ចប្រជុំពីរសប្តាហ៍។

លើសពីនេះអង្គប្រជុំ ក៏បានណែនាំវិធីសាស្រ្តគណនាថ្លៃកម្រៃជើងសារ ដោយប្រើរូបមន្តExcel និងអនុវត្តការបញ្ចុះតម្លៃជាភាគរយ។ គណៈគ្រប់គ្រងបានរំលឹកឡើងវិញ នូវយុទ្ធសាស្ត្របន្ត និងផែនការអនុវត្ត សម្រាប់កាលបរិច្ឆេទចាប់ផ្តើមនៅថ្ងៃទី១ ខែតុលា ឆ្នាំ២០២៤ និងបានធ្វើបទបង្ហាញពីសារៈសំខាន់នៃការផ្តល់តម្លៃបឋម ភាពច្បាស់លាស់ និងត្រឹមត្រូវដែលត្រូវអនុវត្ត៕

រដ្ឋាភិបាលអាមេរិកប្រមូលបានពន្ធចំនួន១,៣ពាន់លានដុល្លារពីបុគ្គលមានទ្រព្យសម្បត្តិស្តុកស្តម្ភ

0

ដោយ: គង់ លាងហួរ
អន្តរជាតិ: រដ្ឋាភិបាលសហរដ្ឋអាមេរិកប្រមូលបានពន្ធចំនួន១,៣ពាន់លានដុល្លារបន្ថែមទៀតពីបុគ្គលមានទ្រព្យសម្បត្តិស្តុកស្តម្ភ តាមរយៈកិច្ចខិតខំប្រឹងប្រែងដើម្បីទប់ស្កាត់ការគេចវេសពន្ធរបស់ក្រុមអ្នកមាននៅក្នុងប្រទេសកំពូលមហាអំណាចសេដ្ឋកិច្ចមួយនេះ។

ទីភ្នាក់ងារសេវាពន្ធអាមេរិក (IRS) និងក្រសួងហិរញ្ញវត្ថុ បានបង្ហើបឱ្យដឹងកាលពីពេលថ្មីៗនេះថា ប្រាក់ចំណូលពន្ធខាងលើត្រូវបានប្រមូលពីបុគ្គលមានទ្រព្យសម្បត្តិស្តុកស្តម្ភ ចាប់ពីដើមខែកញ្ញា ឆ្នាំ២០២៣។

យ៉ាងណាមិញ ក្រុមអ្នកមានទាំងអស់នេះពុំបានចេញសេចក្តីប្រកាស ឬបង់ពន្ធគ្រប់គ្រាន់តាមចំនួនកំណត់នោះទេ។ ប៉ុន្តែ ទំហំប្រាក់ចំណូលពន្ធខាងលើជាលទ្ធផលចុងក្រោយបង្អស់ ក្នុងកិច្ចខិតខំប្រឹងប្រែងដើម្បីទប់ស្កាត់ការក្លែងបន្លំពន្ធនៅសហរដ្ឋអាមេរិក។

យោងតាមទីភ្នាក់ងារ IRS បានឱ្យដឹងទៀតថា ក្នុងរយៈពេលប៉ុន្មានឆ្នាំចុងក្រោយនេះ អាជ្ញាធរអាមេរិកបានរឹតបន្តឹងការធ្វើសវនកម្មចំពោះបុគ្គលមានទ្រព្យសម្បត្តិលើសពី១លានដុល្លារ ឬច្រើនជាងនេះ និងបានរឹតបន្តឹងការធ្វើសវនកម្មចំពោះបុគ្គលជំពាក់ពន្ធលើសពី២៥ម៉ឺនដុល្លារ។

គិតចាប់ពីដំណាច់ចុងឆ្នាំ២០២៣មក ចំនួនជិត៨០ភាគរយ​នៃមហាសេដ្ឋីអាមេរិកចំនួន១.៦០០រូប ដែលមានជាប់ជំពាក់ពន្ធ បានបង់ពន្ធជូនរដ្ឋក្នុងទំហំទឹកប្រាក់ប្រមាណ១,១ពាន់លានដុល្លារ។

លោកស្រី Janet Yellen រដ្ឋមន្ត្រីក្រសួងរតនាគារអាមេរិកបានអះអាងថា ប្រតិបត្តិការនេះត្រូវបានរៀបចំឡើងក្នុងគោលបំណងទប់ស្កាត់ការក្លែងបន្លំពន្ធ ដោយបង្ខំឱ្យបុគ្គលមានប្រាក់ចំណូលខ្ពស់ត្រូវទូទាត់សងប្រាក់ទាំងអស់ ដែលពួកគេបានធ្វើការជំពាក់។

នៅចន្លោះឆ្នាំ២០១០ ដល់ឆ្នាំ២០១៨ អត្រានៃការធ្វើសវនកម្មទៅលើក្រុមអ្នកមានទ្រព្យស្តុកស្តម្ភ បានដាំក្បាលចុះចំនួន៨០ភាគរយ ខណៈអត្រានៃការធ្វើសវនកម្មទៅលើប្រជាជនមានប្រាក់ចំណូលក្រោម២០ម៉ឺនដុល្លារបានកើនឡើង។

នៅឆ្នាំ២០១៩​ ចំនួន១ភាគរយនៃជនជាតិអាមេរិកដែលមានទ្រព្យសម្បត្តិខ្ពស់បំផុត ត្រូវបានគេប៉ាន់ប្រមាណថា បានជំពាក់ពន្ធចំនួន២០ភាគរយ និងទុកឱ្យក្រុមប្រជាជនមានប្រាក់ចំណូលធម្មតាត្រូវទទួលបន្ទុកជំនួស។

លោកស្រី Yellen បានលើកឡើងថា ទីភ្នាក់ងារ IRS បាននិងកំពុងតាមដានលើអ្នកមានទ្រព្យសម្បត្តិស្តុកស្តម្ភចំនួន១២,៥ម៉ឺននាក់ ព្រោះពួកគេពុំបានដាក់ពាក្យបង់ពន្ធក្នុងរយៈពេលជាច្រើនឆ្នាំកន្លងមកនេះ។

គោលនយោបាយ​ពន្ធ​កំពុង​ក្លាយ​ជា​ចំណុចដ៏សំខាន់ ខណៈ​ការ​បោះឆ្នោត​ប្រធានាធិបតី​អាមេរិក​ កាន់តែខិតជិតមកដល់នៅ​ថ្ងៃ​ទី៥ ខែ​វិច្ឆិកាខាងមុខ។

លោកស្រី កាម៉ាឡា ហារីស បេក្ខជនមកពីគណបក្សប្រជាធិបតេយ្យ និងបេក្ខជនមកពីគណបក្សសាធារណរដ្ឋលោក ដូណាល់ ត្រាំ កំពុងព្យាយាមទាក់ទាញចិត្តក្រុមអ្នកបោះឆ្នោត ដោយលើកឡើងពីផែនការកាត់បន្ថយបន្ទុកចំណាយផ្នែកហិរញ្ញវត្ថុរបស់ប្រជាជនអាមេរិក៕ប្រភព:CNN៕

ភាគីថៃប្តេជ្ញាពន្លឿនការចរចាជាមួយកម្ពុជា និងប្រទេសចំនួន៤ផ្សេងទៀតលើការបង្កើតយុទ្ធនាការ “ប្រទេស៦ គោលដៅមួយ”

0

ដោយ: គង់ លាងហួរ
បាងកក: លោក Maris Sangiampongsa រដ្ឋមន្ដ្រីការបរទេសថៃបានគូសបញ្ជាក់ថា រដ្ឋាភិបាលថៃ ក្រោមការដឹកនាំរបស់លោកស្រី ផែថងថាន ស៊ីណាវ៉ាត់ គ្រោងផ្តល់អាទិភាពលើការដោះស្រាយបញ្ហាឆ្លងព្រំដែន។

ជាមួយគ្នានេះ ទីក្រុងបាងកកក៏បានអំពាវនាវស្វែងរកការគាំទ្រពីបណ្តាប្រទេសជិតខាងនៅក្នុងតំបន់ដូចជា កម្ពុជា​ ចិន ឡាវ មីយ៉ាន់ម៉ា និងវៀតណាម ដើម្បីដោះស្រាយបញ្ហារួម។

លោក Maris ក៏បានលើកឡើងពីការបង្កើតទិដ្ឋាការទេសចរណ៍រួមរបស់បណ្តាប្រទេសក្នុងតំបន់ចំនួន ៦ដូចជា កម្ពុជា ឡាវ មីយ៉ាន់ម៉ា វៀតណាម ម៉ាឡេស៊ី និងថៃ។

ជុំវិញបញ្ហានេះ លោករដ្ឋមន្ដ្រីការបរទេសថៃ បានប្តេជ្ញាពន្លឿនកិច្ចចរចាដើម្បីធ្វើឱ្យយុទ្ធនាការ “ប្រទេស៦ គោលដៅមួយ”លេចចេញជារូបរាងឡើងក្នុងពេលឆាប់ៗខាងមុខនេះ។ ការណ៍នេះអាចលើកទឹកចិត្តឱ្យភ្ញៀវទេសចរណ៍ធ្វើដំណើរទៅកម្សាន្តនៅបណ្តាប្រទេសទាំង៦កាន់តែច្រើនបន្ថែមទៀត និងជួយជំរុញសេដ្ឋកិច្ចក្នុងតំបន់។

ជាមួយគ្នានេះ ក្រសួងការបរទេសថៃ បានកោះកិច្ចប្រជុំជាមួយឯកអគ្គរាជទូតកម្ពុជា ឡាវ មីយ៉ាន់ម៉ា និងវៀតណាម ដើម្បីពិភាក្សាអំពីកិច្ចសហប្រតិបត្តិការពហុភាគី ក្នុងគោលបំណងដោះស្រាយបញ្ហាទឹកជំនន់ និងគ្រោះរាំងស្ងួតនៅអាងទន្លេមេគង្គ។

ប្រទេសកម្ពុជា ឡាវ ថៃ មីយ៉ាន់ម៉ា និងវៀតណាម ជាសមាជិកនៃយុទ្ធសាស្ត្រកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ  (ACMECS) ដែលជាអង្គការនយោបាយ សេដ្ឋកិច្ច និងវប្បធម៌។ អង្គការនេះត្រូវបានបង្កើតឡើងក្នុងគោលបំណងបង្រួមគម្លាតផ្នែកសេដ្ឋកិច្ចរវាងបណ្តាប្រទេសជាសមាជិកទាំង៥។

លោក Maris បានគូសបញ្ជាក់ពីការត្រៀមខ្លួនជាស្រេចរបស់ថៃ ក្នុងការដឹកនាំកិច្ចខិតខំប្រឹងប្រែង ដើម្បីការពារ និងដោះស្រាយបញ្ហាទឹកជំនន់ និងគ្រោះរាំងស្ងួតនៅអាងទន្លេមេគង្គក្នុងរយៈពេលវែង ទៅកាន់ឯកអគ្គរាជទូតកម្ពុជា ឡាវ មីយ៉ាន់ម៉ា និងវៀតណាម។

លោកបានលើកឡើងថា ភាគីថៃនឹងប្រើប្រាស់ចំណេះដឹង និងបទពិសោធន៍ក្នុងការគ្រប់គ្រងធនធានទឹកអន្តរជាតិ ក៏ដូចជាបង្កើតកិច្ចសហប្រតិបត្តិការជាមួយអង្គការអន្តរជាតិដូចជា វិទ្យាស្ថានមេគង្គ និងគណៈកម្មការទន្លេមេគង្គដើម្បីធានាការអនុវត្តន៍ប្រកបដោយប្រសិទ្ធភាព។

មន្ដ្រីជាន់ខ្ពស់រូបនេះបានបន្តថា “យើងមានគោលដៅអភិវឌ្ឍន៍ប្រព័ន្ធព្រមានពីគ្រោះមហន្តរាយ ប្រតិបត្តិការបូមខ្សាច់តាមដងទន្លេ និងកសាងតំបន់ស្តុកទឹកជន់លិច ព្រមទាំងហេដ្ឋារចនាសម្ព័ន្ធពាក់ព័ន្ធនៅតាមដងទន្លេមេគង្គ ដើម្បីធានាការគ្រប់គ្រងទឹកប្រកបដោយប្រសិទ្ធភាពនាពេលអនាគត។

លោក Maris បានបន្ថែមថា កិច្ចប្រជុំជាមួយសមាជិកយុទ្ធសាស្ត្រកិច្ចសហប្រតិបត្តិការសេដ្ឋកិច្ចអាយ៉េយ៉ាវ៉ាឌី-ចៅប្រាយ៉ា-មេគង្គ ជាផ្នែកមួយនៃគោលនយោបាយរបស់រដ្ឋាភិបាលថៃ ក្នុងការបង្កើតកិច្ចសហប្រតិបត្តិការអន្តរជាតិជាមួយបណ្តាប្រទេសជាប់អាងទន្លេមេគង្គ ដើម្បីដោះស្រាយស្ថានភាពទឹកជំនន់ដែលកំពុងបង្កផលប៉ះពាល់លើប្រជាជនថៃ និងប្រជាជននៃបណ្តាប្រទេសជិតខាង៕ប្រភព: The Nation៕

សេដ្ឋវិទូជាន់ខ្ពស់មួយរូបអះអាងថា វិបត្តិអចលនទ្រព្យនៅប្រទេសចិនមិនផ្ទុះរាលដាលដល់ពិភពលោកនោះទេ

0

ដោយ: គង់ លាងហួរ
ប៉េកាំង: ទីផ្សារអចលនទ្រព្យរបស់ប្រទេសចិននៅតែជាហានិភ័យដ៏ធំបំផុតចំពោះការសម្រេចបានគោលដៅកំណើនសេដ្ឋកិច្ចចិនក្នុងរង្វង់៥ភាគរយនៅឆ្នាំ២០២៤នេះ ខណៈក្រុមមន្រ្តីបង្កើតគោលនយោបាយចិនហាក់មិនសម្រុកធ្វើការផ្លាស់ប្តូរអ្វីជាដុំកំភួននៅឡើយនោះទេ។

ប៉ុន្តែ ទោះជាយ៉ាងណាលោក Paul Gruenwald ប្រធានសេដ្ឋវិទូសកលនៅក្រុមហ៊ុន S&P Global Ratings បានលើកឡើងថា “ប្រទេសចិនមានទុនបម្រុងសន្សំទុកដើម្បីដោះស្រាបញ្ហានេះ។ វិបត្តិអចលនទ្រព្យចិនមិនជះឥទ្ធិពលរាលដាលទៅកាន់ពិភពលោកខ្លាំងពេកនោះទេ”។

លោកបន្តថា “ដូច្នេះ ពុំមានសម្ពាធពីខាងក្រៅ ឬទីផ្សារ ដើម្បីបង្ខំឱ្យក្រុមមន្រ្តីបង្កើតគោលនយោបាយចិនដោះស្រាយវិបត្តិនេះទាំងប្រញាប់ប្រញាល់នោះទេ។ ពួកគេអាចធ្វើបានអាស្រ័យតាមពេលវេលារបស់ពួកគេ។ប៉ុន្តែ យើងមិនទាន់ធ្លាក់ចុះដល់បាតនៅឡើយទេ”។នេះបើយោងតាមសារពត៌មាន South China Morning Post។

នៅក្នុងខែឧសភា ប្រទេសចិនបានដាក់បង្ហាញនូវវិធានការដើម្បីស្តារស្ថិរភាពនៅក្នុងវិស័យអចលនទ្រព្យ ក្រោយវិស័យនេះបានដាំក្បាលចុះ ចាប់តាំងពីក្រុមហ៊ុន Evergrande Group ខកខានទូទាត់សងបំណុលក្នុងឆ្នាំ២០២១។ ប៉ុន្តែ ក្រុមអ្នកវិភាគជឿជាក់ថា វិបត្តិនេះនៅតែទាមទារឱ្យមានចំណាត់ការដោះស្រាយខ្លាំងជាងនេះបន្ថែមទៀត។

តម្លៃផ្ទះថ្មីជាមធ្យមនៅទូទាំងទីក្រុងចំនួន១០០នៃប្រទេសចិន បានកើនឡើងត្រឹមតែ០,១១ភាគរយនៅក្នុងខែសីហាធៀបនឹងខែកក្កដា។ នេះបើយោងតាមរបាយការណ៍ពីស្ថាប័នជំនាញផ្នែកស្រាវជ្រាវអចលនទ្រព្យ China Index academy៕ប្រភព:SCMP៕

ក្រុមហ៊ុន Trump Organization គ្រោងអភិវឌ្ឍន៍សណ្ឋាគារ និងរមណីយដ្ឋាននៅភាគខាងជើងប្រទេសវៀតណាម

0

ដោយ: គង់ លាងហួរ
អន្តរជាតិ: ក្រុមហ៊ុន Trump Organization របស់អតីតប្រធានាធិបតីអាមេរិកលោក Donald Trump គ្រោងធ្វើការអភិវឌ្ឍន៍សណ្ឋាគារ ទីតាំងលេងកីឡាវាយកូនហ្គោល និងរមណីយដ្ឋានកម្សាន្តនៅភាគខាងជើងប្រទេសវៀតណាម។

ក្រុមអ្នកតំណាង​នៃក្រុមហ៊ុន​របស់លោក Trump បាន​បង្ហាញ​ចំណាប់​អារម្មណ៍​ខាងលើទៅកាន់រដ្ឋបាល​ខេត្ត Hung Yen នៃប្រទេសវៀតណាម នៅ​ក្នុង​កិច្ច​ប្រជុំ​មួយកាល​ពី​ពេល​ថ្មីៗ​នេះ។

លោក Tran Quoc Van ប្រធានរដ្ឋបាល​ខេត្ត Hung Yen បានមានប្រសាសន៍ឱ្យដឹងថា លោកស្វាគមន៍ក្រុមហ៊ុនក្នុងការសិក្សាលទ្ធភាពសម្រាប់ការវិនិយោគដ៏មានសក្តានុពលមួយនេះ។

បច្ចុប្បន្ន ខេត្ត Hung Yen ស្ថិតនៅភាគខាងជើងនៃប្រទេសវៀតណាមកំពុងផ្តោតលើការអភិវឌ្ឍន៍ហេដ្ឋារចនាសម្ព័ន្ធ ជាពិសេសការដឹកជញ្ជូន ឧស្សាហកម្ម និងលំនៅដ្ឋាន។

លោក Nguyen Huu Nghia លេខាគណបក្សកុម្មុយនីសវៀតណាមប្រចាំខេត្តHung Yen បានលើកឡើងថា អាជ្ញាធរមូលដ្ឋាននឹងផ្តល់លក្ខខណ្ឌអំណោយផលក្នុងក្របខ័ណ្ឌច្បាប់ដើម្បីគាំទ្រដល់ក្រុមហ៊ុន Trump Organization ខណៈក្រុមហ៊ុនកំពុងស្វែងរកជម្រើសវិនិយោគ។

កិច្ចប្រជុំខាងលើនេះត្រូវបានរៀបចំឡើងតបតាមសំណើរបស់ក្រុមហ៊ុន Hung Yen Group ជាក្រុមហ៊ុនអចលនទ្រព្យដែលត្រូវបានបង្កើតឡើងក្នុងឆ្នាំ២០២១ ហើយក្នុងនោះក្រុមហ៊ុនអភិវឌ្ឍន៍អចលនទ្រព្យឧស្សាហកម្ម Kinh Bac City ជាម្ចាស់ភាគហ៊ុន។

ក្រុមហ៊ុន Trump Organization បានគ្រប់គ្រង និងអភិវឌ្ឍន៍រមណីយដ្ឋាន និងទីលានវាយកូនហ្គោលជាច្រើននៅសហរដ្ឋអាមេរិក និងបណ្តាប្រទេសមួយចំនួនទៀត រួមមានប្រទេសអារ៉ាប់រួម (UAE) ប្រទេសឥណ្ឌូនេស៊ី ប្រទេសកូរ៉េខាងត្បូង ប្រទេសហ្វីលីពីន និងប្រទេសឥណ្ឌា៕ប្រភព: Vnexpress៕

Forest City SFZ set to boost home sales by 20pct

0

The incentives announced with the launch of the Forest City Special Financial Zone (SFZ) may attract financial businesses and residents that could increase around 20 per cent in home sales during the first year of its launch.

Industry experts opined that a successful model of the SFZ can be a prototype of an ideal financial zone that can be adopted in other parts of the country.

Juwai IQI co-founder and group chief executive officer (CEO) Kashif Ansari said if the incentive packages succeed, Forest City could see higher demand for housing and commercial space and an increase in both residents and property investors.

“In the first year, these incentives might attract a couple of dozen new financial businesses, a few thousand residents, a 20 per cent increase in home sales.

Within five years, you could see hundreds of new businesses, 10,000 or 20,000 new residents, home prices back up higher than the original sales prices, and even plans for new construction being laid,” he told Business Times.

Proactive property investors will be the first movers of Forest City as they seek to purchase property before the prices rise, and with the expectation that they will.

“Other investors will wait and see before they purchase, to make sure that the new incentives in fact herald a rebound in the local property market,” he said.

Source: NST Online

Ascott to open 28 properties in South-east Asia in 2024

0

ASCOTT, the wholly owned lodging business unit of CapitaLand Investment : 9CI +0.34% (CLI), expects to open 28 properties across South-east Asia in 2024.

The group’s expansion comes amid robust growth prospects in the region, where the hotels market is expected to grow at a compound annual growth rate of 5.8 per cent to achieve US$16.4 billion in revenue by 2029, said Ascott on Monday (Sep 23).

It also expects tourist arrivals to achieve pre-pandemic levels by the end of this year.

Wong Kar Ling, chief strategy officer and managing director of South-east Asia for Ascott, said: “Contributing over 30 per cent of our total revenue, this region remains central to Ascott’s global expansion strategy.

She also noted that the group is “on track” to open the 28 properties in the region this year, with 12 already completed.

Additionally, Ascott also announced 28 new signings year-to-date in the region. The new signings will add more than 3,400 units across its various brands, including lyf, Citadines and Oakwood.

Following the new signings, Ascott’s portfolio in the region will amount to more than 360 assets, both operational and in the pipeline. They will also account for more than half of the group’s year-to-date global signings.

Seven of the newly signed properties are part of the Oakwood brand, which will open in Cambodia and expand across several Indonesian cities and Singapore.

Source: Business Times

 

ទីផ្សារលំនៅដ្ឋាន នៅក្នុងទីក្រុង Forest City របស់ប្រទេសម៉ាឡេស៊ីរំពឹងស្ទុះងើបឡើងវិញ

0

ដោយ: គង់ លាងហួរ

អន្តរជាតិ: ការបង្កើតតំបន់ហិរញ្ញវត្ថុពិសេស នៅទីក្រុង Forest City (SFZ) របស់ប្រទេសម៉ាឡេស៊ីជាផ្លូវការ កាលពីថ្ងៃទី២០ ខែកញ្ញា អាចទាក់ទាញក្រុមហ៊ុនហិរញ្ញវត្ថុ និងប្រជាជនក្នុងស្រុក។

ការណ៍នេះ អាចធ្វើឱ្យការលក់ផ្ទះកើនឡើងប្រហែល២០ភាគរយ ក្នុងឆ្នាំដំបូងនៃការចាប់ផ្តើមអនុវត្តន៍។

ក្រុមអ្នកជំនាញយល់ឃើញថា គំរូជោគជ័យនៃការបង្កើតតំបន់ SFZ នៅទីក្រុង Forest City អាចក្លាយជាគំរូនៃតំបន់ហិរញ្ញវត្ថុដ៏ល្អមួយ និងអាចត្រូវបានយកមកអនុវត្តន៍ នៅក្នុងតំបន់ផ្សេងទៀតនៃប្រទេសម៉ាឡេស៊ី។

លោក Kashif Ansari សហស្ថាបនិក និងជានាយកប្រតិបត្តិក្រុមហ៊ុន Juwai IQI បានអះអាងថា ប្រសិនបើកញ្ចប់លើកទឹកចិត្តទទួលបានជោគជ័យ នោះតម្រូវការលំនៅដ្ឋាន និងអគារពាណិជ្ជកម្ម នៅក្នុងទីក្រុងForest City អាចកើនឡើងខ្ពស់ចំពោះទាំងអ្នករស់នៅ និងអ្នកវិនិយោគលើអចលនទ្រព្យ។

លោកបានថ្លែងប្រាប់កាសែត Business Times ថា “ក្នុងរយៈពេល៥ឆ្នាំតទៅមុខ តំបន់ហិរញ្ញវត្ថុពិសេសនេះ អាចទាក់ទាញក្រុមហ៊ុនអាជីវកម្មថ្មីជាច្រើន និងអ្នកចូកមករស់នៅថ្មីប្រមាណ១ម៉ឺន ឬ២នាក់ហេតុនេះ តម្លៃផ្ទះនឹងកើនឡើងខ្ពស់ជាងតម្លៃដាក់លក់ដំបូង ហើយថែមទាំងមានគម្រោង សម្រាប់ការសាងសង់ថ្មីបន្ថែមទៀត”។

បណ្តាអ្នកវិនិយោគអចលនទ្រព្យបែប Proactive គ្រោងនឹងឆក់យកឱកាសនេះដំបូងគេ មុនពេលតម្លៃផ្ទះនៅទីក្រុង Forest City ហក់ឡើងថ្លៃ។ នេះបើយោងតាមការដកស្រង់ចុះផ្សាយដោយសារពត៌មាន New Strait Times។

ចំណែកវិនិយោគិនផ្សេងទៀត គ្រោងនឹងរង់ចាំមើល មុនពេលពួកគេសម្រេចចិត្តទិញ ដើម្បីធ្វើឱ្យប្រាកដថា កញ្ចប់លើកទឹកចិត្តថ្មីនេះ ពិតជាអាចធ្វើឱ្យទីផ្សារអចលនទ្រព្យ ក្នុងទីក្រុង Forest City ស្ទុះងើបឡើងវិញ៕ប្រភព: NST Online៕

សេដ្ឋវិទូ: កម្ពុជាគួរតែធ្វើពិពិធកម្មទីផ្សារនាំចេញបន្ទះសូឡាទៅកាន់តំបន់មជ្ឈិមបូព៌ា និងតំបន់អាហ្វ្រិក

0

ដោយ: គង់ លាងហួរ

អន្តរជាតិ: ភាព​តានតឹង​ផ្នែកពាណិជ្ជកម្ម ​រវាង​សហរដ្ឋអាមេរិកអាមេរិក និង​ប្រទេសចិន ​បាន​ជះ​ឥទ្ធិពល​យ៉ាងខ្លាំងមកលើ​​សេដ្ឋកិច្ច​ក្នុង​តំបន់អាស៊ី ដោយរួមមានទាំងកម្ពុជាផងដែរ។នេះបើយោងតាមកាសែត South China Morning Post។

អស់ជាច្រើនទសវត្សរ៍មកហើយ ដែលកំណើនសេដ្ឋកិច្ចរបស់កម្ពុជា ត្រូវបានជំរុញដោយការនាំចេញ សម្លៀកបំពាក់ និងភ្ញៀវទេសចរណ៍។  ទោះជាយ៉ាងណា ការកើនឡើងយ៉ាងគំហុក នៃការផលិតឧបករណ៍អគ្គិសនី និងអេឡិចត្រូនិក ជាពិសេសបន្ទះស្រូបពន្លឺព្រះអាទិត្យបានលេចចេញមក។

នៅឆ្នាំ២០២២ ការនាំចេញបន្ទះ ស្រូបពន្លឺព្រះអាទិត្យរបស់កម្ពុជាបានកើនឡើងជិត៣ដង ដល់ទំហំទឹកប្រាក់ប្រមាណ១ពាន់លានដុល្លារអាមេរិក លើសពីការនាំចូលឆ្ងាយណាស់ ហើ​យនិន្នាការនេះ បានបន្តកើតមានដល់ឆ្នាំ២០២៣។

ការកើនឡើងនេះបណ្តាលមកពី ការសម្រេចចិត្តរបស់រដ្ឋាភិបាលអាមេរិក ក្នុងខែមិថុនា ឆ្នាំ២០២២ សំដៅធ្វើពិពិធកម្មខ្សែសង្វាក់ផ្គត់ផ្គង់របស់ខ្លួនពីប្រទេសចិន និងលើកលែងពន្ធជាបណ្តោះអាសន្ន លើការនាំចូលបន្ទះ ស្រូបថាមពលពន្លឺព្រះអាទិ​ត្យពីប្រទេសកម្ពុជា ម៉ាឡេស៊ី ថៃ និងវៀតណាម។

ទោះជាយ៉ាងណា ឧស្សាហកម្មនេះ កំពុងប្រឈមមុខនឹងបញ្ហា ខណៈការនាំចេញបន្ទះ ស្រូបពន្លឺព្រះអាទិត្យទៅកាន់សហរដ្ឋអាមេរិក នឹងត្រូវបង់ពន្ធចាប់ពី៥០ភាគរយ ទៅ២៥០ភាគរយ បន្ទាប់ពីការលើកលែងពន្ធ របស់សហរដ្ឋអាមេរិកបានផុតកំណត់នៅក្នុងខែមិថុនាឆ្នាំនេះ។

ការ​នាំ​ចេញ​បន្ទះសូឡារបស់​កម្ពុជា ​បាន​ធ្លាក់​ចុះ​យ៉ាង​គំហុ​កនៅ​ដើម​ឆ្នាំ​២០២៤នេះ ស្រដៀងគ្នានឹង​ការ​ធ្លាក់​ចុះ​ក្នុង​ប្រទេ​ស​ម៉ាឡេស៊ី ថៃ និង​វៀតណាម។ ឧស្សាហកម្មបន្ទះសូឡាក្នុងស្រុករបស់កម្ពុជា ក៏កំពុងជួបប្រទះការលំបាក ដោយសារបញ្ហានៃការផ្គត់ផ្គង់អគ្គិសនី និងការដឹកជញ្ជូនមានតម្លៃខ្ពស់។

បន្ទះស្រូបពន្លឺព្រះអាទិត្យរបស់កម្ពុជា មានតម្លៃខ្ពស់ជាងបណ្តាប្រទេសចំនួន៣ផ្សេងទៀត។ ការណ៍នេះបង្ហាញពីតម្រូវការ ក្នុងការដោះស្រាយបញ្ហាហេដ្ឋារចនាសម្ព័ន្ធ ដើម្បីកាត់បន្ថយការចំណាយ និងរក្សាការប្រកួតប្រជែង។

លោកស្រី Chunyu Yang សេដ្ឋវិទូនៅការិយាល័យស្រាវ​ជ្រាវម៉ាក្រូសេដ្ឋកិច្ចអាស៊ាន+៣ (AMRO) បានលើកឡើងថា នាពេលអនាគត កម្ពុជាគួរតែធ្វើពិពិធកម្ម ទីផ្សារនាំចេញរបស់ខ្លួនពីសហរដ្ឋអាមេរិក ទៅកាន់បណ្តាប្រទេសកំពុងអភិវឌ្ឍន៍នៅតំបន់មជ្ឈិមបូព៌ា និងតំបន់អាហ្វ្រិក ខណៈតំបន់ទាំង២នេះកំពុ​ងផ្លាស់ប្តូរ ទៅប្រើប្រាស់ថាមពលកកើតឡើងវិញ។

សេដ្ឋវិទូរូបនេះបញ្ជាក់បន្ថែមថា ដោយសារតែតម្លៃពលកម្មទាប ការប្រើប្រាស់ប្រាក់ដុល្លារច្រើន កង្វះនៃការគ្រប់គ្រងដើមទុនដ៏តឹងរ៉ឹង និងការលើកទឹកចិត្តក្នុងការវិនិយោគ កម្ពុជានៅតែមានភាពទាក់ទាញ ចំពោះក្រុមហ៊ុននានា ដែលនៅតែបន្តអនុវត្តន៍យុទ្ធសាស្រ្ត “ចិនបូកមួយ”។

ការណ៍នេះ នឹងជំរុញឱ្យមានការរីកចម្រើន បន្ថែមទៀតនៅក្នុងឧស្សាហកម្ម បន្ទះស្រូបពន្លឺព្រះអាទិត្យរបស់កម្ពុជា៕ប្រភព: SCMP៕

1...398399400...3,237Page 399 of 3,237

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71