គម្រោងអគារប្លែកៗខ្ពស់កប់ពពកចំនួន៥នៅលើពិភពលោកត្រូវបានគេបោះបង់ចោល

ដោយ: គង់ លាងហួរ
អន្តរជាតិ: គម្រោងអគារខ្ពស់កប់ពពកមួយចំនួននៅលើពិភពលោកត្រូវបានគេបោះបង់ចោល ដោយសារបញ្ហាលំបាកផ្នែកហិរញ្ញវត្ថុ ឬសង្គម ហើយអគារខ្លះត្រូវបានគេទុកចោលជាស្ថាពរ ខណៈដែលអគារខ្លះទៀតត្រូវបានរុះរើចេញ។

ខាងក្រោមនេះជាអគារខ្ពស់កប់ពពកចំនួន៥ នៅលើពិភពលោក ដែលត្រូវបានគេបោះបង់ចោល៖

ទី១: គម្រោងអគារ Sathorn Unique កម្ពស់១៨៥ម៉ែត្រនៅទីក្រុងបាងកក ប្រទេសថៃ។

អគារនេះត្រូវបានគេស្គាល់ជាទូទៅថា ជា អគារ“Ghost Tower”របស់ប្រទេសថៃ ដែលបានចាប់ផ្ដើមសាងសង់តាំងពីឆ្នាំ១៩៩០។ គម្រោងអគារខុនដូប្រណីតកម្ពស់៤៧ជាន់នេះបានបញ្ចប់ការសាងសង់ត្រឹមតែ៨០ភាគរយប៉ុណ្ណោះ នៅពេលផ្ទុះវិបត្តិហិរញ្ញវត្ថុអាស៊ីកាលពីឆ្នាំ១៩៩៧។

គម្រោងទាំងមូលបានជាប់គាំង ក្រោយពេលលោក Rangsan Torsuwan ស្ថាបត្យករជនជាតិថៃដ៏ល្បីល្បាញដែលទទួលបន្ទុករចនាគម្រោងអគារនេះ ត្រូវបានចាប់ខ្លួន និងចោទប្រកាន់ពីបទរៀបចំផែនការធ្វើឃាតប្រធានតុលាការកំពូលរបស់ប្រទេសថៃ។

ក្រោយមកលោក Rangsan ត្រូវបានរកឃើញថា មានទោសកំហុសនៅក្នុងឆ្នាំ២០០៨ ហើយបន្ទាប់មក រូបលោកត្រូវបានសាលាឧទ្ធរណ៍សម្រេចដោះលែងវិញនៅក្នុងឆ្នាំ២០១០។

ទី២: គម្រោងអគារ Seaport កម្ពស់ជាង២០៤ម៉ែត្រនៅទីក្រុងញូវយ៉ក សហរដ្ឋអាមេរិក។

គម្រោងអគារលំនៅដ្ឋាន Seaport បានប្តេជ្ញានាំមកនូវភាពប្រណីត រួមមានអាងហែលទឹកដែលគ្មានដែនកំណត់ ទិដ្ឋភាពដ៏អស្ចារ្យ និងពិដានកម្ពស់ជាង៣ម៉ែត្រ។ អ្នកទិញបានដាក់ប្រាក់កក់រាប់សែនដុល្លារ។

នៅឆ្នាំ២០១៧ ជាងឈើម្នាក់ ដែលធ្វើការក្នុងគម្រោងអគារតម្លៃ២៧៣លានដុល្លារនេះបានធ្លាក់ពីលើអគារ រហូតបណ្តាលឱ្យបាត់បង់ជីវិត។ បន្ថែមពីលើនោះ ក្រុមហ៊ុនម៉ៅការ និងអ្នកអភិវឌ្ឍន៍គម្រោងនេះបានចាប់ផ្តើមដាក់ការស្តីបន្ទោសគ្នាទៅវិញទៅមក ក្រោយពីអគារនេះបានផ្អៀងងាកទៅខាងឆ្វេង។ ការដ្ឋានសំណង់ត្រូវបានផ្អាកតាំងពីឆ្នាំ២០២០។

ទី៣: គម្រោងអគារ SkyCity កម្ពស់៣៣៥ម៉ែត្រនៅទីក្រុង Mandaluyong ប្រទេសហ្វីលីពីន។

គម្រោងមួយនេះត្រូវបានប្រកាសឡើងនៅឆ្នាំ១៩៩៧។ ប៉ុន្តែ គម្រោងនេះត្រូវបានរំសាយចោលវិញ បន្ទាប់ពីម្ចាស់ផ្ទះនៅក្បែរនោះបានសម្តែងការត្អូញត្អែរ ដោយលើកឡើងនូវហេតុផលជាច្រើន ដូចជា ថា អគារនេះនឹងជះស្រមោលដ៏ធំលើផ្ទះរបស់អ្នករស់នៅក្បែរនោះ។

ដើមឡើយ អ្នកអភិវឌ្ឍន៍បានដាក់ក្តីសង្ឃឹមថា អគារ SkyCity នឹងក្លាយជាអគារខ្ពស់ជាងគេរបស់ប្រទេសហ្វីលីពីន ដែលរួមមានសណ្ឋាគារ ខុនដូ និងបារ។ការតតាំងផ្នែកច្បាប់បានអូសបន្លាយអស់រយៈពេលយ៉ាងយូរ ហើយលំហូរមូលនិធិសម្រាប់គម្រោងដែលមានតម្លៃប្រមាណ៨៥លានដុល្លារបានរីងស្ងួត។

ទី៤: គម្រោងសណ្ឋាគារ Ryugyong កម្ពស់ជិត៣៣០ម៉ែត្រនៅក្នុងទីក្រុងព្យុងយ៉ាង ប្រទេសកូរ៉េខាងជើង។

អគាររាងពីរ៉ាមីតនេះត្រូវបានដាក់រហស្សនាមថា “Hotel of Doom”ដោយសារសណ្ឋាគារទាំងមូលត្រូវបានទុកទំនេរចោល និងសាងសង់មិនទាន់រួចរាល់១០០ភាគរយក្នុងរយៈពេលជាងមួយទសវត្សរ៍កន្លងមកនេះ។

គម្រោងអគារកម្ពស់១០៥ជាន់បានចាប់ផ្តើមនៅឆ្នាំ១៩៨៧ ក្រោមការគ្រប់គ្រងរបស់ប្រធានាធិបតីកូរ៉េខាងជើងលោក Kim Il Sung ដែលជាជីតារបស់លោក Kim Jong Un ។

នៅឆ្នាំ១៩៩២ សេដ្ឋកិច្ចរបស់កូរ៉េខាងជើងបានដាំក្បាលចុះ បន្ទាប់ពីការដួលរលំរបស់សហភាពសូវៀត។ ការណ៍នេះបានធ្វើឱ្យគម្រោងសណ្ឋាគារ Ryugyong ស្ថិតក្នុងភាពជាប់គាំង។

ការសាងសង់បានផ្អាកចាប់តាំងពីពេលនោះមក ហើយគេមិនដឹងច្បាស់ថា សណ្ឋាគារនេះនឹងបើកដំណើរការនៅពេលណានោះទេ។កាលពីឆ្នាំ២០០៨ សារពត៌មាន Reuters បានរាយការណ៍ថា គម្រោងនេះត្រូវការទុនវិនិយោគចំនួន២ពាន់លានដុល្លារដើម្បីបញ្ចប់ការសាងសង់ទាំងស្រុង។

ទី៥: គម្រោងអគារ Goldin Finance 117 កម្ពស់៥៩៦,៥ម៉ែត្រនៅទីក្រុងធានជីន ប្រទេសចិន។

គម្រោងនេះបានចាប់ផ្តើមការដ្ឋានសាងសង់នៅឆ្នាំ២០០៨ រួមមានសណ្ឋាគារ ខុនដូ និងការិយាល័យ។នៅពាក់កណ្តាលទសវត្សរ៍ឆ្នាំ២០១០ ក្រុមហ៊ុន Goldin Group ដែលជាអ្នកអភិវឌ្ឍន៍គម្រោងនេះបានចាប់ផ្តើមជួបប្រទះបញ្ហាហិរញ្ញវត្ថុ។ ការណ៍នេះបាននាំឱ្យគម្រោងអគារ Goldin Finance 117 ស្ថិតក្នុងភាពជាប់គាំងរហូតមកទល់ពេលនេះ។

ទស្សនាវដ្តី Forbes បានរាយការណ៍នៅឆ្នាំ២០២២ ថា គម្រោងនេះត្រូវការទុនវិនិយោគចំនួន១០ពាន់លានដុល្លារដើម្បីបញ្ចប់ការសាងសង់ជាស្ថាពរ៕ប្រភព: Business Insider៕

តើសេដ្ឋកិច្ចអាមេរិកក្នុងរជ្ជកាលលោកDonald Trump នឹងមានភាពប្រសើរជាងរជ្ជកាលលោកJoe Biden?

ដោយៈ ចំណាន

អាមេរិកៈ នៅពេលសួរសំណួរថា តើលោក Donald Trump នឹងធ្វើឱ្យសេដ្ឋកិច្ចអាមេរិកប្រសើរជាង Joe Bidenឬយ៉ាងណា វាអាស្រ័យលើកត្តាមួយចំនួន ដែលបូករួមទាំងគោលនយោបាយសេដ្ឋកិច្ច លក្ខខណ្ឌពិភពលោក និងកិច្ចសហប្រតិបត្តិការសភា។

មើលអតីតកាល

ការអនុវត្តសេដ្ឋកិច្ចក្រោម Trump(2017-2021)

ការកាត់បន្ថយពន្ធ

លោក Donald Trump បានអនុម័តច្បាប់កាត់បន្ថយពន្ធ និងការងារ (TCJA) ក្នុងឆ្នាំ 2017 ដោយកាត់បន្ថយពន្ធសាជីវកម្ម និងអត្រាពន្ធបុគ្គល ដែលជំរុញការវិនិយោគអាជីវកម្ម ប៉ុន្តែថែមទាំងបង្កើនបំណុលជាតិផងដែរ។

កំណើនទីផ្សារភាគហ៊ុន

ទីផ្សារភាគហ៊ុនដំណើរការល្អ អំឡុងពេលលោកកាន់តំណែងជា

ប្រធានាធិបតី ជាពិសេសមុនពេលCOVID-19 មកដល់។

កំណើនការងារ

សេដ្ឋកិច្ចអាមេរិកអំឡុងពេលលោកកាន់ដំណែងលើកដំបូង បានបង្កើតការងារ ប៉ុន្តែក្នុងល្បឿនយឺតជាងក្នុងអំឡុងចុងឆ្នាំរបស់អូបាម៉ា។

គោលនយោបាយពាណិជ្ជកម្ម

ការដាក់ពន្ធគយរបស់គាត់លើប្រទេសចិន និងប្រទេសផ្សេងទៀត បាននាំឱ្យមានភាពតានតឹងពាណិជ្ជកម្ម ដែលប៉ះពាល់ដល់ឧស្សាហកម្មមួយចំនួន ដូចជា កសិកម្ម។

ផលប៉ះពាល់នៃ COVID-19

ជំងឺរាតត្បាតកូវីដ១៩ បានបណ្តាលឱ្យបាត់បង់ការងារយ៉ាងច្រើន និងការធ្លាក់ចុះសេដ្ឋកិច្ចនៅឆ្នាំ២០២០ ទោះបីជាការស្តារឡើងវិញបានចាប់ផ្តើមមុនពេលគាត់ចាកចេញពីតំណែងក៏ដោយ។

ការអនុវត្តសេដ្ឋកិច្ចនៅក្រោម Joe Biden (2021 2025)

ការងើបឡើងវិញក្រោយ COVID-19

សេដ្ឋកិច្ចអាមេរិក បានស្ទុះងើបឡើងវិញយ៉ាងខ្លាំងនៅឆ្នាំ 2021 ជាមួយនឹងកំណើនការងារ និងការពង្រីកផលិតផលក្នុងស្រុកសរុប។

អតិផរណា

អតិផរណាបានកើនឡើងខ្ពស់នៅឆ្នាំ 2021-2023 ដែលបានធ្វើឲ្យប៉ះពាល់ដល់ទំនុកចិត្តរបស់អ្នកប្រើប្រាស់ ទោះបីជាវាបានធូរស្រាលនៅឆ្នាំ 2024 ក៏ដោយ។

ហេដ្ឋារចនាសម្ព័ន្ធ និងការផលិត

លោក Joe Biden បានចុះហត្ថលេខា លើវិក្កយបត្រចំណាយដ៏ធំ ដើម្បីបង្កើនហេដ្ឋារចនាសម្ព័ន្ធ ថាមពលស្អាត និងការផលិត semiconductor ។

ទីផ្សារភាគហ៊ុន និងប្រាក់ឈ្នួល

ទីផ្សារភាគហ៊ុនបានបន្តកើនឡើង ហើយប្រាក់ឈ្នួលពិតប្រាកដបានកើនឡើង នៅពេលដែលអតិផរណាចុះត្រជាក់។

តើអាណត្តិទីពីររបស់ Trump នឹងមានសភាពបែបណាចំពោះសេដ្ឋកិច្ចអាមេរិក?

នៅទីបំផុត លោកDonald Trump បានជាប់ឆ្នោតឡើងវិញជាផ្លូវការ។

នៅពេលឃោសនារកសម្លេងឆ្នោត គាត់បានសន្យាជាច្រើនចំណុចដូចជា។

ការកាត់បន្ថយពន្ធបន្ថែមទៀត ដែលអាចពន្យារការកាត់ពន្ធឆ្នាំ 2017 ដែលនឹងផុតកំណត់នៅឆ្នាំ 2025។
ដាក់ពន្ធលើទំនិញបរទេស រួមទាំងពន្ធគយ 10% ដែលត្រូវបានស្នើឡើង និងកំពុងអនុវត្តន៍លើប្រទេសមួយចំនួន និងបានទទួលប្រតិកម្មតបវិញ។
និយតកម្មនៃឧស្សាហកម្ម ដូចជា ថាមពល និងហិរញ្ញវត្ថុ។
គោលនយោបាយអន្តោប្រវេសន៍តឹងរ៉ឹង ដែលអាចប៉ះពាល់ដល់ទីផ្សារការងារ។

សេចក្តីសន្និដ្ឋាន

ប្រសិនបើអ្នកផ្តល់អាទិភាពលើពន្ធទាប ការដកនិយតកម្ម និងការផ្តោតលើគោលនយោបាយ ដែលងាយស្រួលសម្រាប់អាជីវកម្ម វិធីសាស្រ្តរបស់ Trump ហាក់ដូចជាប្រសើរជាង ប៉ុន្តែប្រសិនបើអ្នកផ្តល់អាទិភាព លើការវិនិយោគលើហេដ្ឋារចនាសម្ព័ន្ធ កម្មវិធីសង្គម និងគោលនយោបាយពាណិជ្ជកម្ម ដែលមានតុល្យភាពជាងមុន វិធីសាស្រ្តរបស់ Biden ប្រហែលជាល្អជាង៕

តើផលចំណេញត្រលប់ពីការវិនិយោគលើអចលនទ្រព្យនៅកម្ពុជានៅតែមានភាពប្រសើរសម្រាប់អនាគត?

ដោយៈ ស៊ីវ ម៉េង

ភ្នំពេញៈ ផលត្រឡប់មកវិញលើការវិនិយោគ(ROI) នៅក្នុងអចលនទ្រព្យកម្ពុជា នៅតែល្អប្រសើរឬយ៉ាងណាសម្រាប់អនាគត?។

វាជាសំណួរដ៏រសើបមួយនៅឡើយ ប៉ុន្តែចម្លើយគឺវាអាស្រ័យលើកត្តាផ្សេងៗ រួមទាំងទីតាំង ប្រភេទអចលនទ្រព្យ និន្នាការទីផ្សារ និងគោលនយោបាយរបស់រដ្ឋាភិបាល។

សូមសាកល្បងសិក្សាស្វែងយល់ ពីចំណុចសំខាន់ៗមួយចំនួនដូចជា…..

អត្ថប្រយោជន៍សក្តានុពល

កំណើនសេដ្ឋកិច្ចខ្ពស់’

ប្រទេសកម្ពុជាបានជួបប្រទះ នូវកំណើនផលទុនជាតិសរុប(GDP) ប្រកបដោយភាពធន់ និងមានរយៈពេលវែងជាប់ៗគ្នាមុនវិបត្តិកូវីដ១៩ ដែលកំនើនផលប្រាក់ចំណូលរបស់ប្រជាពលរដ្ឋ បានគាំទ្រដល់តម្រូវការអចលនទ្រព្យរបស់ប្រទេសនេះ។

រាជរដ្ឋាភិបាលកម្ពុជា បានដាក់ចេញគោលនយោបាយ ច្បាប់បទដ្ឋានគតិយុត្តិជាច្រើន ដើម្បីទាក់ទាញ និងលើកទឹកចិត្តវិនិយោគិនបរទេស ដោយរយៈពេល២០ឆ្នាំចុងក្រោយនេះ ទុនវិនិយោគក្នុងវិស័យសំណង់បានកើនដល់រាប់ពាន់លានដុល្លារ។

ទេសចរណ៍ និងការវិនិយោគបរទេស

នៅតំបន់ដូចជា រាជធានីភ្នំពេញ សៀមរាប និងព្រះសីហនុ ទាក់ទាញភ្ញៀវទេសចរជាតិ អន្តរជាតិ និងអ្នកវិនិយោគ ដោយជំរុញឱ្យតម្លៃអចលនទ្រព្យកើនឡើង ប៉ុន្តែវាបានស្ថិតក្នុងសភាពទ្រឹង នៅពេលជំងឺកូវីដ១៩មកដល់ ហើយវាបានធ្លាក់ចុះនៅពេលវិបត្តិសង្រ្គាមរុស្ស៊ី អ៊ុយក្រែនអូនសបន្លាយ។

តម្លៃអចលនទ្រព្យដែលអាចទទួលយកបាន

បើប្រៀបធៀបទៅនឹងប្រទេសជិតខាង ដូចជា ប្រទេសថៃ និងវៀតណាម ប្រទេសកម្ពុជាផ្តល់តម្លៃអចលនទ្រព្យទាបជាងជាមួយនឹងសក្តានុពលសម្រាប់ការវាយតម្លៃ។

ទោះជាយ៉ាងណា អ្នកជំនាញនិងវិភាគ នៅក្នុងវិស័យនេះបានចោទជាសំណួរថា តើ់កម្ពុជាគួរធៀបតម្លៃអចលនទ្រព្យ ជាមួយប្រទេសជិតខាងដោយរបៀបណា ប្រសិនជាពួកគេភ្លេចគិតពីប្រាក់ចំណូលរបស់មនុស្សម្នាក់ក្នុងមួយឆ្នាំ ធៀបនឹងប្រជាជាតិក្បែរខាងកម្ពុជានោះ?។

តម្លៃជួល និងផលត្រលប់

អចលនទ្រព្យនៅតំបន់ខ្លះ ផ្តល់នូវតម្លៃជួលចន្លោះពី6 ទៅ10% ជាពិសេសសម្រាប់អាផាតម៉ិន និងខុនដូ ស្ថិតនៅក្នុងទីតាំងសំខាន់ៗមួយចំនួនដូចជា ក្នុងខ័ណ្ឌបឹងកេងកង ខ័ណ្ឌចំការមន ខ័ណ្ឌដូនពេញជាដើម។

ប្រតិបត្តិការប្រាក់ដុល្លារអាមេរិក

ដោយសារគោលនយោបាយបើកចំហរ បានធ្វើឲ្យសកម្មភាពទិញ លក់ ក្នុងទីផ្សារអចលនទ្រព្យដំណើរការភាគច្រើន បានប្រើប្រាស់ប្រាក់ដុល្លារ ដោយកាត់បន្ថយហានិភ័យរូបិយប័ណ្ណ សម្រាប់អ្នកវិនិយោគបរទេស។

ការប្រើប្រាស់ប្រាក់ដុល្លារយ៉ាងទូលំទូលាយ បានលើកទឹកចិត្តដល់វិនិយោគិនបរទេសផងដែរ ដោយពួកគេមានទំនុកចិត្ត និងផ្តល់ភាពងាយស្រួលក្នុងការចាយវាយប្រចាំថ្ងៃ។

តំបន់ល្អបំផុតសម្រាប់ការវិនិយោគ

រាជធានីភ្នំពេញ

ជារាជធានីរបស់ប្រទេសនេះ ភ្នំពេញ ជាទីក្រុងដែលមានទីផ្សារជួលច្រើនបំផុត ជាពិសេសនៅតំបន់កណ្តាលដូចជា បឹងកេងកង១ ដូនពេញ និងទន្លេបាសាក់។

សៀមរាប

ទីក្រុងដ៏ល្បីល្បាញនេះ បានរីកចម្រើនដោយសារកំណើនទេសចរណ៍ជាតិ អន្តរជាតិ ដែលបានជម្រុញវិស័យនេះ ឲ្យមានភាពរីកចម្រើនផងដែរ ប៉ុន្តែវាពឹងផ្អែកលើការស្តារសេដ្ឋកិច្ចឡើងវិញ ក្រោយជំងឺរាតត្បាត។

ក្រុងព្រះសីហនុ

វាជាទីក្រុងដ៏រីកចម្រើនលឿនបំផុតមួយនៅកម្ពុជា ក៏ដូចជាតំបន់អាស៊ីអាគ្នេយ៍ ដោយត្រឹមរយៈពេលប្រមាណ៥ឆ្នាំ ទីក្រុងនេះបានទាក់ទាញទុនវិនិយោគប្រមាណ១០ពាន់លានដុល្លារ។

មុខមាត់ទីក្រុងជាប់មាត់សមុទ្រធំជាងគេ ក្នុងចំណោមខេត្តជាប់មាត់សមុទ្រទាំង៤របស់កម្ពុជា បានផ្លាស់ប្តូរមុខមាត់ទាំងស្រុង ជាមួយវត្តមានអាគារខ្ពស់ៗកប់ពពករាប់រយ។

សហគមន៍បុរី និងច្រកទ្វារ

តម្រូវការកើនឡើង សម្រាប់ការរស់នៅជាយក្រុង បាននិងកំពុងធ្វើឲ្យតំបន់នានារីកស្គុសស្គាយនូវសំណង់បុរី ផ្ទះល្វែង និងអាគារពាណិជ្ជកម្ម ដែលទាក់ទាញក្នុងចំណោមអ្នកវិនិយោគក្នុងស្រុក និងជនបរទេសផងដែរ។

អ្នកជំនាញអន្តរជាតិនៅតែមានសុទិដ្ឋិនិយមថា ប្រសិនបើអ្នកជ្រើសរើសទីតាំង និងប្រភេទអចលនទ្រព្យបានត្រឹមត្រូវ អចលនទ្រព្យនៅក្នុងប្រទេសកម្ពុជា អាចផ្តល់នូវROIដ៏ល្អ ជាពិសេសក្នុងរយៈពេលវែង៕

តើប្រធានាធិបតីចិនបានដាក់ចេញយុទ្ឋសាស្រ្តអ្វីខ្លះសម្រាប់កំណើនសេដ្ឋកិច្ចនៅឆ្នាំ២០២៥នេះ?

ដោយៈ គង់ សូរិយា

ប៉េកាំងៈ ប្រធានាធិបតីចិនដ៏មានឥទ្ឋិពល និងមហិច្ឆតា លោកស៊ី ជីនពីង នៅឆ្នាំ២០២៥ បាននិងកំពុងអនុវត្តយុទ្ធសាស្ត្រនយោបាយ និងសេដ្ឋកិច្ចមួយចំនួន ដើម្បីពង្រឹងសេដ្ឋកិច្ចរបស់ខ្លួន។

ការចូលរួមជាមួយអ្នកដឹកនាំវិស័យឯកជន

លោកប្រធានាធិបតី Xi Jinping កាលពីពេលថ្មីៗនេះ បានកោះប្រជុំមួយជាមួយមេដឹកនាំសហគ្រាសឯកជនល្បីៗ រួមទាំង Jack Ma របស់ Alibaba ផងដែរ។

កិច្ចប្រជុំនេះ បង្ហាញពីការគាំទ្ររបស់រដ្ឋាភិបាលជាថ្មី សម្រាប់វិស័យឯកជន ក្នុងគោលបំណងជំរុញការបង្កើតថ្មី និងកំណើនសេដ្ឋកិច្ច។

ស្ថិរភាពគោលនយោបាយ និងការគាំទ្រគោលនយោបាយ

ក្នុងសន្និសីទនេះ លោក Xi Jinping បានសង្កត់ធ្ងន់លើការប្តេជ្ញាចិត្តរបស់រដ្ឋាភិបាល ក្នុងការរក្សាគោលនយោបាយស្ថិរភាពចំពោះសហគ្រាសឯកជន ការធានាការការពារសិទ្ធិស្របច្បាប់របស់ពួកគេ និងលើកទឹកចិត្តពួកគេឱ្យដើរ ស្របតាមគោលដៅអភិវឌ្ឍន៍ជាតិ។

ការលើកកម្ពស់ការប្រើប្រាស់ក្នុងស្រុក

រដ្ឋាភិបាលចិន គ្រោងនឹងបង្កើនប្រាក់ចំណូលរបស់អ្នកស្រុក ដើម្បីជំរុញការចំណាយរបស់អ្នកប្រើប្រាស់។ វិធានការនានា រួមមានការលើកកម្ពស់កំណើនប្រាក់ឈ្នួល ការពង្រីកគ្រោងការណ៍ពាណិជ្ជកម្មទំនិញប្រើប្រាស់ និងការឧបត្ថម្ភធនសម្រាប់ទំនិញឌីជីថល គោលបំណងជំរុញតម្រូវការក្នុងស្រុក ចំពេលមានភាពមិនប្រាកដប្រជានៃសេដ្ឋកិច្ចពិភពលោក។

ផ្តោតលើភាពជឿនលឿនក្នុងឧស្សាហកម្មដែលកំពុងរីកចម្រើន

ប្រទេសចិនកំពុងផ្តោតលើ “សេដ្ឋកិច្ចរយៈកម្ពស់ទាប” ដោយមានការព្យាករណ៍សម្រាប់វិស័យនេះថា នឹងឈានដល់137 ពាន់លានដុល្លារនៅឆ្នាំ 2025 ។

ក្រុមហ៊ុនធំៗ ដូចជា EHang និង Xpeng Aeroht កំពុងឈានមុខគេ ក្នុងការបង្កើតថ្មីក្នុងការដឹកជញ្ជូនយន្តហោះគ្មានមនុស្សបើក និងយន្តហោះទម្លាក់ចុះបញ្ឈរ និងចុះចត (eVTOL) ប្រកបដោយបច្ចេកវិជ្ជាខ្ពស់។

គំនិតផ្តួចផ្តើមទាំងនេះ ឆ្លុះបញ្ចាំងពីវិធីសាស្រ្តយុទ្ធសាស្ត្ររបស់ប្រទេសចិន ក្នុងការជំរុញភាពធន់នឹងសេដ្ឋកិច្ច និងការរីកចម្រើនផ្នែកបច្ចេកវិទ្យានៅឆ្នាំ 2025៕

ក្រុមហ៊ុន ICAP បង្ហាញចំណាប់អារម្មណ៍វិនិយោគនៅកម្ពុជា

នារសៀលថ្ងៃទី១៧ ខែកុម្ភៈ ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យ លោក Zhang Chaomin ប្រធាន និងជាអគ្គនាយកប្រតិបត្តិ នៃក្រុមហ៊ុន Infinite Capital Holding Company (ICAP) ចូលជួបសម្ដែងការគួរសម និងពិភាក្សាការងារនៅវិមានសន្ដិភាព។

ក្នុងឱកាសនៃជំនួប, លោកប្រធានក្រុមហ៊ុនបានគោរពជម្រាបជូនសម្ដេចបវរធិបតីអំពីប្រតិបត្តិការអាជីវកម្ម ក៏ដូចជាកិច្ចសហប្រតិបត្តិការរបស់ក្រុមហ៊ុនជាមួយដៃគូផ្សេងៗ ដោយក្នុងនោះ, ក្រុមហ៊ុនបានផ្ដោតលើការវិនិយោគទៅលើវិស័យការផលិតសម្ភារថ្មី, បច្ចេកវិទ្យាបញ្ញានិមិ្មត (AI), សឺមីកុងឌុចទ័រ (Semiconductor), និងសរសៃកាបូន (Carbon Fiber) ជាដើម។ លោកប្រធានក្រុមហ៊ុនក៏បានគោរពជម្រាបជូនសម្ដេចបវរធិបតីអំពីចំណាប់អារម្មណ៍របស់ក្រុមហ៊ុនក្នុងការស្វែងរកឱកាសវិនិយោគនៅកម្ពុជាលើវិស័យយានយន្ដប្រេីប្រាស់ថាមពលស្អាត (រថយន្តអគ្គិសនី) ក៏ដូចជាការផលិតនូវគ្រឿងបង្គុំរថយន្តអគ្គិសនី។ ការចាប់អារម្មណ៍ក្នុងការស្វែងរកឱកាសវិនិយោគនៅកម្ពុជានាពេលនេះ គឺដោយសារកម្ពុជា មានសុខសន្តិភាពពេញលេញ និងស្ថិរភាព ជាពិសេស ការរក្សាបាននូវកំណើនសេដ្ឋកិច្ចខ្ពស់ និងប្រកបដោយភាពភាពធន់ក្នុងរង្វង់៦% បើទោះបីជាកម្ពុជាទទួលរងនូវផលប៉ះពាល់ដោយសារការរីករាត្បាតពីជំងឺកូវីដ-១៩ ក៏ដូចជាភាពមិនប្រាកដប្រជាខ្ពស់នៃសេដ្ឋកិច្ចពិភពលោកក៏ដោយ។

ជាការឆ្លើយតប, សម្ដេចបវរធិបតីបានសម្តែងនូវសេចក្ដីសោមនស្សរីករាយចំពោះក្រុមហ៊ុនដែលបានបង្ហាញចំណាប់អារម្មណ៍នៅក្នុងការស្វែងរកឱកាសវិនិយោគនៅប្រទេសកម្ពុជា។ សម្ដេចបវរធិបតីក៏បានគូសបញ្ជាក់អំពីសារៈសំខាន់ និងភាពចាំបាច់របស់កម្ពុជានៅក្នុងការលើកទឹកចិត្តដល់បណ្ដាក្រុមហ៊ុនវិនិយោគ ក្នុងការស្វែងរកឱកាសវិនិយោគទៅលើវិស័យផលិតគ្រឿងបង្គុំរថយន្ត ក៏ដូចជាខ្សែច្រវាក់ផ្គត់ផ្គង់នានា ដើម្បីផ្គត់ផ្គង់ទីផ្សារក្នុងស្រុក, តំបន់ និងពិភពលោក។ សម្ដេចបវរធិបតីក៏បានលើកទឹកចិត្តឱ្យក្រុមហ៊ុនបន្តសិក្សាឱ្យបានលម្អិត ក៏ដូចជាបន្តផ្សារភ្ជាប់ទំនាក់ទំនង និងពិភាក្សាជាមួយក្រសួង-ស្ថាប័នពាក់ព័ន្ធកម្ពុជាដើម្បីទទួលបាននូវព័ត៌មានគ្រប់ជ្រុងជ្រោយ ក៏ដូចជាការស្វែងយល់ពីគោលនយោបាយរបស់រាជរដ្ឋាភិបាល ដែលបានដាក់ឱ្យអនុវត្ត សំដៅដល់ការគាំទ្រ ក៏ដូចជាការលើកទឹកចិត្តដល់វិនិយោគិននានានៅក្នុងប្រទេសកម្ពុជា ៕

🌐 Hun Manet (https://www.facebook.com/profile.php?id=100069511484329)
🌐 Samdech Thipadei Hun Manet, Prime Minister (https://www.facebook.com/Dr.Hunmanetofcambodia)of Cambodia (https://www.facebook.com/Dr.Hunmanetofcambodia/posts/pfbid0LmbQiD5QcHYoUaa5j3CwGJa1w5cEYS1hdo8DNogvvBjAqxzRvVj5tovmbGWzX75ol)
🌐 Instagram (https://www.instagram.com/dr.hunmanetofcambodia)
🌐 X(Twitter) (https://twitter.com/dr_hunmanet_pm)
🌐 YouTube (https://www.youtube.com/@Dr.Hunmanetofcambodia)
🌐 Tiktok (https://www.tiktok.com/@dr.hunmanetofcambodia?is_from_webapp=1&sender_device=pc)

#ហនម៉ាណែត #Hunmanet #កមពុជា #cambodia #សនតិភាពនៅកម្ពុជា #Peaceincambodia

គណៈប្រតិភូសភាសហរដ្ឋអាមេរិកគូសបញ្ជាក់អំពីការបន្តធ្វេីការជាមួយរដ្ឋាភិបាលសហរដ្ឋអាមេរិកដេីម្បីជំរុញការពង្រឹងទំនាក់ទំនង និងកិច្ចសហប្រតិបត្តិការក្នុងភាពជាដៃគូរវាអាមេរិក-កម្ពុជា ឱ្យកាន់តែរឹងមាំ

នារសៀលថ្ងៃទី១៧ ខែកុម្ភៈ ឆ្នាំ២០២៥, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យគណៈប្រតិភូសភាសហរដ្ឋអាមេរិក ដែលរួមមានឯកឧត្តម Jimmy Panetta សមាជិកសភាប្រចាំរដ្ឋកាលីហ្វ័រញ៉ា មកពីគណបក្សប្រជាធិបតេយ្យ, ឯកឧត្តម Salud Carbajal សមាជិកសភាប្រចាំរដ្ឋកាលីហ្វ័រញ៉ា មកពីគណបក្សប្រជាធិបតេយ្យ, ឯកឧត្តម Darin Lahood សមាជិកសភាប្រចាំរដ្ឋអ៉ីលីណយ មកពីគណបក្សសាធារណរដ្ឋ និងសហការី ចូលជួបសម្ដែងការគួរសម និងពិភាក្សាការងារនៅវិមានសន្ដិភាព។

ក្នុងឱកាសនៃជំនួប, គណៈប្រតិភូសភាសហរដ្ឋអាមេរិកបានសម្ដែងនូវការកោតសរសើរចំពោះការរីកចម្រើនយ៉ាងឆាប់រហ័សរបស់ព្រះរាជាណាចក្រកម្ពុជា និងបានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការដ៏ល្អរវាងសហរដ្ឋអាមេរិក និងកម្ពុជា។ គណៈប្រតិភូសភាសហរដ្ឋអាមេរិកបានកត់សម្គាល់អំពីទំនាក់ទំនងកាន់តែរឹងមាំរវាងប្រទេសទាំងពីរ ក្នុងរយៈពេលប៉ុន្មានឆ្នាំកន្លងមកនេះ ស្របពេលដែលឆ្នាំនេះក៏ជាខួបទី៧៥ឆ្នាំនៃទំនាក់ទំនងការទូតកម្ពុជា-សហរដ្ឋអាមេរិកផងដែរ។ គណៈប្រតិភូសភាសហរដ្ឋអាមេរិកក៏បានបង្ហាញនូវជំនឿជាក់ថា ក្រោមការដឹកនាំរបស់សម្ដេចបវរធិបតី, កម្ពុជានឹងមានការអភិវឌ្ឍរីកចម្រើនបន្ថែមទៀត។ បន្ថែមពីនេះ, គណៈប្រតិភូសភាសហរដ្ឋអាមេរិកក៏បានគូសបញ្ជាក់អំពីការបន្តធ្វេីការជាមួយរដ្ឋាភិបាលសហរដ្ឋអាមេរិកឱ្យកាន់តែយល់ដឹងច្បាស់អំពីកម្ពុជា ដេីម្បីជំរុញការពង្រឹងទំនាក់ទំនង និងកិច្ចសហប្រតិបត្តិការក្នុងភាពជាដៃគូសហរដ្ឋអាមេរិក-កម្ពុជា ឱ្យកាន់តែរឹងមាំ។

ជាការឆ្លើយតប, សម្ដេចបវរធិបតីបានសម្ដែងនូវការពេញចិត្ត និងវាយតម្លៃខ្ពស់ចំពោះភាពរីកចម្រើននៃទំនាក់ទំនង និងកិច្ចសហប្រតិបត្តិការដ៏ល្អរវាងកម្ពុជា-សហរដ្ឋអាមេរិក និងបានថ្លែងអំណរគុណចំពោះរដ្ឋាភិបាល និងប្រជាជនសហរដ្ឋអាមេរិក ដែលបានចូលរួមគាំទ្រដល់ដំណើរការអភិវឌ្ឍសង្គម-សេដ្ឋកិច្ចកម្ពុជា។ សម្ដេចបវរធិបតីក៏បានគូសបញ្ជាក់ផងដែរថា ដំណើរទស្សនកិច្ចរបស់គណៈប្រតិភូសភាសហរដ្ឋអាមេរិក នាឱកាសនេះ ក៏ដូចជាការផ្លាស់ប្ដូរដំណើរទស្សនកិច្ចជាញឹកញ៉ាប់រវាងមន្ត្រីជាន់ខ្ពស់នៃប្រទេសទាំងពីរនាពេលកន្លងមក នឹងចូលរួមចំណែកបន្ថែមទៀតក្នុងការជំរុញការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែរឹងមាំ និងលេីកកម្ពស់ទំនាក់ទំនងប្រទេសទាំងពីរ ឈានដល់កម្រិតខ្ពស់បន្ថែមទៀត។

សម្ដេចបវរធិបតី និងគណៈប្រតិភូសភាសហរដ្ឋអាមេរិកក៏បានពិភាក្សាពីការពង្រឹង និងពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែល្អប្រសើរ និងរឹងមាំបន្ថែមទៀត លើវិស័យជាច្រើនរួមមាន ជាអាទិ៍៖ វិស័យនយោបាយ, សេដ្ឋកិច្ច, ពាណិជ្ជកម្ម, វិនិយោគ, អប់រំ, សុខាភិបាល, ការពារជាតិនិងសន្តិសុខ និងការបោសសម្អាតមីន ជាដើម៕

#ហនម៉ាណែត #Hunmanet #កមពុជា #cambodia #សនតិភាពនៅកម្ពុជា #Peaceincambodia

Beautiful Cambodia. A Land of Unparalleled Investment Potential in Agriculture, Renewable Energy, and Real Estate

Cambodia is rapidly establishing itself as one of the most dynamic investment destinations in Southeast Asia. With an economy on the rise, an investor-friendly government, and untapped opportunities in key industries, Cambodia presents itself as the ultimate land of potential. Agriculture, renewable energy, and real estate stand out as sectors with immense promise, and global investors are increasingly drawn to this emerging market.

Agriculture remains a foundational pillar of Cambodia’s economy, and its vast potential is now being unlocked through modernization and innovation. The nation boasts fertile land, a favorable climate, and an abundance of water resources, making it ideal for high-yield crops and agribusiness ventures. With a global push towards sustainable food production, Cambodia’s agricultural sector presents opportunities for large-scale farming, organic agriculture, and value-added processing.

Renewable energy is another industry witnessing a meteoric rise. As the world transitions toward sustainable energy sources, Cambodia is taking bold steps to position itself as a leader in green energy. The Cambodia Association of Renewable Energy (CARE), led by Dr. Evengroen, has been at the forefront of introducing cutting-edge solar, wind, and hydroelectric projects. Investors can capitalize on government-backed incentives, abundant natural resources, and a rapidly growing market eager for clean, cost-effective energy solutions.

Real estate development has also reached an inflection point, particularly with the many unfinished projects that can be repurposed for innovative uses. The market is ripe for restructuring, with developers eager to recover capital and reposition assets to align with Cambodia’s rapid urbanization.

Infrastructure development plays a fundamental role in Cambodia’s investment potential. The express road to Sihanoukville is revolutionizing trade and logistics, making it easier than ever for businesses to transport goods efficiently. Additionally, the construction of the new Phnom Penh International Airport and Siem Reap International Airport is set to enhance tourism and business travel, reinforcing Cambodia’s position as a major regional hub. These projects underscore the government’s commitment to creating an environment conducive to large-scale investment and economic prosperity.

One of the most significant reforms in recent years is Cambodia’s effort to establish a fair and transparent tax system. By streamlining taxation policies, the government is creating a balanced structure that benefits both businesses and the general population. These measures not only foster investor confidence but also ensure that economic growth is equitable and sustainable.

Source: LinkedIn

បណ្តាក្រុមហ៊ុនក្នុងវិស័យហិរញ្ញវត្ថុគ្រោងឈានជើងចូលទីផ្សារការិយាល័យនៅទីក្រុងម៉ានីល

ដោយ: គង់ លាងហួរ
អន្តរជាតិ: ក្រុមហ៊ុនផ្តល់សេវាកម្មប្រឹក្សាយោបល់ផ្នែកអចលនទ្រព្យ CBRE បានព្យាករណ៍ថា ទីផ្សារការិយាល័យនៅរដ្ឋធានីម៉ានីលរបស់ប្រទេសហ្វីលីពីននឹងទទួលបានការជួលពីបណ្តាក្រុមហ៊ុនផ្នែកថែទាំសុខភាព និងធនាគារនៅឆ្នាំ២០២៥នេះ។

លោក Jie C. Espinosa អគ្គនាយកនៃក្រុមហ៊ុន CBRE Philippines បានលើកឡើងថា បណ្តាក្រុមហ៊ុន ដែលស្វែងរកជួលការិយាល័យនៅឆ្នាំនេះរួមមានផ្នែកថែទាំសុខភាព ធនាគារ សេវាហិរញ្ញវត្ថុ និងការធានារ៉ាប់រង។

លោក Espinosa បានកត់សម្គាល់ថា “ក្រុមហ៊ុនទាំងនោះគ្រោងជួលការិយាល័យនៅក្នុងទីតាំងដែលមានហានិភ័យទាប និងទីតាំងដែលអំណោយផលល្អសម្រាប់ការចាប់ផ្តើមអាជីវកម្មបានយ៉ាងងាយស្រួល ក្នុងរយៈពេល៤ខែ ទៅ៦ខែខាងមុខ”។

លោក Espinosa បានបន្ថែមថា “ការឈានជើងចូលទីផ្សារការិយាល័យរបស់ហ្វីលីពីនពីសំណាក់បណ្តាក្រុមហ៊ុនថ្មីៗទាំងនេះនឹងជួយកាត់បន្ថយផលប៉ះពាល់ពីការចាកចេញរបស់ក្រុមហ៊ុនប្រតិបត្តិករហ្គេមអនឡាញបរទេស (POGOs) ដែលត្រូវបានហាមឃាត់មិនឱ្យបើកដំណើរការនៅហ្វីលីពីនតទៅទៀត”។

លោកស្រី Samantha Laureola ប្រធានទទួលបន្ទុកផ្នែកស្រាវជ្រាវនៅក្រុមហ៊ុន CBRE Philippines បានគូសបញ្ជាក់ថា ចំនួន៣១ភាគរយនៃទំហំការិយាល័យសរុប ដែលទុកទំនេរចោលនៅទីក្រុងម៉ានីលបណ្តាលមកពីការបិទទ្វារក្រុមហ៊ុនហ្គេមអនឡាញបរទេស៕ប្រភព: Business World៕

Apartment prices in Jakarta to increase by 1-2% by 2027

South Jakarta is expected to see the highest price hikes.

In a recent report, Colliers said the average asking price for strata-title apartments in Jakarta rose by 0.1% QOQ and 0.3% YOY, reaching IDR 35.73 million per sq m.

The highest increments were observed in South Jakarta, driven by numerous ongoing developments in the area.

Here’s more from Colliers:

To make their projects more attractive to potential buyers, developers are introducing a variety of innovative incentives, moving beyond traditional promotions like free furnishing vouchers or additional price discounts.

These include rental guarantees, ‘deal now, pay next year’ systems, and the option to purchase a unit in an under-construction tower while temporarily residing in a completed one.

Looking ahead, several projects have already planned price increases. We anticipate that the most significant price hikes will continue to occur in South Jakarta, driven by the high volume of ongoing projects in the area. By the end of 2027, we expect overall apartment prices in Jakarta to rise by 1-2%.

Source: Real Estate Asia

អ្នកជំនាញអន្តរជាតិលើកឡើងអំពីសក្តានុពលក្នុងវិស័យចំនួន៣ ដែលអំណោយផលសម្រាប់ការវិនិយោគនៅកម្ពុជា

ដោយ: គង់ លាងហួរ
ភ្នំពេញ: ប្រទេសកម្ពុជាកំពុងក្លាយជាគោលដៅទាក់ទាញការវិនិយោគដ៏សំខាន់មួយនៅតំបន់អាស៊ាន ដោយសារការសម្រេចបានកំណើនសេដ្ឋកិច្ចរឹងមាំ ការគាំទ្រពីរដ្ឋាភិបាលកម្ពុជាចំពោះអ្នកវិនិយោគ និងសក្តានុពលដែលមិនទាន់ទាញយកពីឧស្សាហកម្មសំខាន់ៗ។

លោកបណ្ឌិត Alexander Evengroen នាយកប្រតិបត្តិក្រុមហ៊ុនប្រឹក្សាយោបល់ Evengroen Solution Group បានអះអាងថា “វិស័យកសិកម្មនៅតែជាសសរស្តម្ភគ្រឹះនៃសេដ្ឋកិច្ចរបស់កម្ពុជា។ សក្តានុពលដ៏ធំធេងនៃវិស័យនេះកំពុងត្រូវបានទាញយកមកប្រើប្រាស់ តាមរយៈការធ្វើទំនើបកម្ម និងការច្នៃប្រឌិត”។

លោកបណ្ឌិតបន្តថា ប្រទេសកម្ពុជាសម្បូរដីមានជីជាតិ រួមទាំងអាកាសធាតុអំណោយផល និងធនធានទឹកយ៉ាងសម្បូរបែប ដោយផ្តល់នូវភាពអំណោយផលសម្រាប់ការដាំដុះដំណាំ ដែលផ្តល់ទិន្នផលខ្ពស់ និងការបណ្តាក់ទុនលើការកែច្នៃកសិផលសម្រាប់ការនាំចេញទៅកាន់ទីផ្សារអន្តរជាតិ។

ជាមួយគ្នានេះ ថាមពលកកើតឡើងវិញជាឧស្សាហកម្មមួយផ្សេងទៀត ដែលមានសក្តានុពលខ្ពស់នៅកម្ពុជា។ ស្របពេលពិភពលោកកំពុងផ្លាស់ប្តូរឆ្ពោះទៅរកប្រភពថាមពលប្រកបដោយនិរន្តរភាព កម្ពុជាបានចាត់វិធានការយ៉ាងម៉ឺងម៉ាត់ ដើម្បីប្រែក្លាយខ្លួនជាប្រទេសនាំមុខគេលើការប្រើប្រាស់ថាមពលបៃតង។

ក្នុងន័យនេះ លោកបណ្ឌិត Alexander Evengroen បានគូសបញ្ជាក់ថា “វិស័យថាមពលកកើតឡើងវិញនៅកម្ពុជាមិនត្រឹមតែជាឱកាសសេដ្ឋកិច្ចប៉ុណ្ណោះទេ។ ប៉ុន្តែ វិស័យនេះក៏ជាផ្នែកដ៏សំខាន់មួយក្នុងផែនការនិរន្តរភាពរយៈពេលវែងរបស់ប្រទេសកម្ពុជាផងដែរ”។

ចំណែក ការអភិវឌ្ឍន៍ទីផ្សារអចលនទ្រព្យនៅកម្ពុជាបានឈានដល់ចំណុចរបត់មួយ ខណៈគម្រោងអគារជាប់គាំងជាច្រើនអាចយកទៅកែច្នៃឡើងវិញបានប្រកបដោយភាពច្នៃប្រឌិត។

លោកបណ្ឌិត Alexander Evengroen លើកឡើងថា ទីផ្សារអចលនទ្រព្យនៅកម្ពុជាមានសភាពទុំជោរ ដែលទាមទារឱ្យមានការរៀបចំរចនាសម្ព័ន្ធឡើងវិញដើម្បីសម្របខ្លួនទៅនឹងការធ្វើនគរូបនីយកម្មរបស់កម្ពុជាយ៉ាងឆាប់រហ័ស។

ការអភិវឌ្ឍន៍ប្រព័ន្ធហេដ្ឋារចនាសម្ព័ន្ធក៏បានដើរតួនាទីជាមូលដ្ឋានដ៏សំខាន់ក្នុងបង្កើនសក្តានុពលនៃការវិនិយោគនៅប្រទេសកម្ពុជាផងដែរ។

តួយ៉ាង ការដាក់ឱ្យប្រើប្រាស់ផ្លូវល្បឿនលឿនពីរាជធានីភ្នំពេញទៅកាន់ក្រុងព្រះសីហនុ កំពុងធ្វើបដិវត្តន៍ពាណិជ្ជកម្ម និងការដឹកជញ្ជូន ដោយបង្កភាពងាយស្រួលជាងមុនសម្រាប់ការដឹកជញ្ជូនទំនិញប្រកបដោយប្រសិទ្ធភាព។

បន្ថែមពីលើនេះ ការសាងសង់អាកាសយានដ្ឋានអន្តរជាតិតេជោក្រុងតាខ្មៅ និងអាកាសយានដ្ឋានអន្តរជាតិសៀមរាប-អង្គរ នឹងជួយលើកកំពស់វិស័យទេសចរណ៍ និងការធ្វើធុរកិច្ច ដោយពង្រឹងឋានៈរបស់កម្ពុជាក្នុងនាមជាមជ្ឈមណ្ឌលដ៏សំខាន់មួយនៅក្នុងតំបន់។

គម្រោងទាំងនេះសរបញ្ជាក់ឱ្យឃើញពីការប្តេជ្ញាចិត្តរបស់រដ្ឋាភិបាលកម្ពុជាក្នុងការបង្កើតបរិយាកាសអំណោយផលដល់ការវិនិយោគទ្រង់ទ្រាយធំ និងការកសាងវិបុលភាពផ្នែកសេដ្ឋកិច្ច។

លោកបណ្ឌិត Alexander Evengroen បានកត់សម្គាល់ថា “កិច្ចខិតខំប្រឹងប្រែងរបស់រដ្ឋាភិបាលកម្ពុជា ក្នុងការបង្កើតប្រព័ន្ធពន្ធដារប្រកបដោយតម្លាភាព និងយុត្តិធម៌ ជាការធ្វើកំណែទម្រង់ដ៏សំខាន់បំផុតមួយនារយៈពេលប៉ុន្មានឆ្នាំចុងក្រោយនេះ”។

តាមរយៈការកែលម្អគោលនយោបាយ
ពន្ធដារ រដ្ឋាភិបាលកំពុងបង្កើតរចនាសម្ព័ន្ធប្រកបដោយតុល្យភាព ដែលផ្តល់អត្ថប្រយោជន៍ដល់អ្នកធុរកិច្ច និងប្រជាជនទូទៅ។

លោកបណ្ឌិតបន្ថែមថា “វិធានការទាំងនេះមិនត្រឹមតែជំរុញទំនុកចិត្តរបស់វិនិយោគិនប៉ុណ្ណោះទេ។ ប៉ុន្តែ វាថែមទាំងធានាបាននូវកំណើនសេដ្ឋកិច្ចប្រកបដោយសមធម៌ និងនិរន្តរភាពផងដែរ”៕ប្រភព: LinkedIn៕

1...417418419...3,378 Page 418 of 3,378