លោកមហាសេដ្ឋី Jeff Bezos សម្រេចទិញយន្តហោះឯកជនទី៤ក្នុងតម្លៃចំនួន៨០លានដុល្លារអាមេរិក

ដោយ: គង់ លាងហួរ

អន្តរជាតិ: កំពូលមហាសេដ្ឋីដ៏ល្បីឈ្មោះ របស់សហរដ្ឋអាមេរិកលោក Jeff Bezos ត្រូវបានគេរាយការណ៍ថា លោកបានទិញយន្តហោះឯកជនទី៤របស់លោក ក្នុងទំហំទឹកប្រាក់ចំនួន៨០លានដុល្លារអាមេរិកកាលពីពេលថ្មីៗនេះ។

ស្ថាបនិកក្រុមហ៊ុន Amazon រូបនេះបានទិញយន្តហោះឯកជនប្រណីតម៉ាក Gulfstream G700 និងត្រូវបានគេចាត់ទុកថា ជាយន្តហោះឯកជនដ៏ធំ និងទំនើបបំផុតមួយនៅក្នុងពិភពលោក ផលិតឡើងដោយក្រុមហ៊ុន Gulfstream Aerospace។នេះបើយោងតាមសារពត៌មាន ​​Business Insider។

យន្តហោះ Gulfstream G700 អាចហោះហើរក្នុងល្បឿនកំពូលចំនួន៧១០ម៉ាយ (ប្រហែល១.១៤២គីឡូម៉ែត្រ)ក្នុងមួយម៉ោង ឬស្មើនឹង៩២,៥ភាគរយ នៃល្បឿនសំឡេង។

ទិន្នន័យជើងហោះហើរ បោះពុម្ពផ្សាយជាសាធារណៈបានបង្ហាញថា យន្តហោះឯកជនរបស់លោក Bezos បានបើកជើងហោះហើរចំនួន២៨ដងក្នុងរយៈពេល៣៩ថ្ងៃ ដោយបញ្ចេញកាបូនឌីអុកស៊ីតចំនួន២៦៤តោន ឬស្មើនឹង១៧ដងនៃចំនួនកាបូនឌីអុកស៊ីតជាមធ្យម ដែលពលរដ្ឋអាមេរិកបានបញ្ចេញ ក្នុងមួយឆ្នាំ។នេះបើយោងទៅតាមគេហទំព័រ JetSpy។

ទោះជាយ៉ាងណា តំណាងរបស់លោក Bezos បានអះអាងថា យន្តហោះរបស់លោក បានប្រើប្រាស់ឥន្ធនៈអាកាសចរណ៍ប្រកបដោយនិរន្តរភាព ហើយលោក Bezos ក៏បានបង់ថ្លៃប៉ះប៉ូវចំពោះផលប៉ះពាល់បរិស្ថាន ដើម្បីផ្តល់មូលនិធិដល់គម្រោងកាត់បន្ថយការបំពុលឧស្ម័នផ្ទះកញ្ចក់ និងលុបបំបាត់ការបំភាយកាបូនចេញពីការជិះយន្តហោះ និងទូកឯកជនរបស់លោក។

លោក Bezos បានព្យាយាមលាក់បាំង ការទិញយន្តហោះរបស់លោក ពីក្រសែភ្នែករបស់សាធារណៈជន តាមរយៈការប្រើប្រាស់កម្មវិធីរបស់រដ្ឋបាល អាកាសចរណ៍សហព័ន្ធ។

កម្មវិធីនេះអនុញ្ញាត ឱ្យអ្នកទិញអាចរក្សាព័ត៌មានអំពីយន្តហោះរបស់ពួកគេជាលក្ខណៈឯកជន។

កម្មវិធីក៏អនុញ្ញាតឱ្យម្ចាស់យន្តហោះ ប្រើប្រាស់អាសយ​ដ្ឋានបណ្តោះអាសន្ន និងចៃដន្យ ដើម្បីផ្លាស់ប្តូរលេខកំណត់អត្តសញ្ញាណរបស់យន្តហោះ ដើម្បីធ្វើយ៉ាងណាកុំឱ្យសាធារណៈជនទូទៅអាចតាមដានជើងហោះហើរបាន៕ប្រភព:Yahoo៕

As the Middle East frets about conflict, Dubai booms with an influx of anxious wealth

As conflict casts a shadow across the Middle East, people are getting rich in Dubai.

The desert sheikdom’s economy is buzzing with tourism and construction as it positions itself as a safe haven in a region that’s resting on a knife’s edge following the assassination of Hamas leader Ismail Haniyeh in Iran.

“Dubai is in a very unique position. We happen to be the net beneficiary of crisis in the region, for good or bad,” Zhann Jochinke, the chief operating officer of real estate consultancy Property Monitor, told The Associated Press.

Dubai has a long history of indirectly benefiting from crises in the region. When the ultra-wealthy worry about turmoil, the city offers stability, low taxes and a friendly visa system.

The current turmoil has situated Dubai to capitalize once again. Demand is running red hot in Dubai’s real estate market, catapulting glitzy properties to record-breaking valuations. Not even historic flooding in April could dampen the bull market.

State-backed Emaar Properties, whose name is splashed across Dubai’s skyline, announced that its development business made $8.1 billion in sales through the first half of the year, up from $5.2 billion over the same time period last year.

Across the city, valuations for Dubai’s upscale villas have set a new record, increasing around 38% in the second quarter of 2024 compared to last year, according to real estate consultancy ValuStrat.

The average price for a villa — the local term for any freestanding home — exceeded $2.7 million for the first time in a decade. Rises in premium apartments are close behind with locations in Palm Jumeirah, a man-made archipelago jutting out into the Persian Sea, already
surpassing 2014 peaks.

Tariq Shah, the head of sales at Pat & Co., a brokerage firm that deals in high-end properties, said the demand from his clientele seeking to buy has risen exponentially. “The demand for luxury is way above the expectation,” Shah
told the AP.

Meanwhile, Dubai International Airport — the world’s busiest for international travel — saw a record 44.9 million travelers in the first half of this year. Dubai plans to move operations to a nearly $35 billion new airport in the next decade.

“We are heading for a forecast number for the balance of the year of 91.8 million passengers through DXB, which is again another record for us,” Dubai Airports CEO Paul Griffiths told the AP.

Source: AP

China’s C919 edges closer to EU landing as regulators give ‘positive’ feedback

The outlet added that the EU regulator’s representatives provided positive feedback about the aircraft. The visit included sessions inside a full-flight simulator of the Chinese-built competitor to the Airbus A320neo and Boeing 737 Max .

EASA’s representatives also went onboard the C919 to inspect the aircraft, spending hours in the cockpit and cabin.

This was the third and most important stage of EASA’s four-round inspection procedure, where it establishes whether the product conforms to regulatory requirements on everything from the structure to the electrical systems.

While this is a long way from getting the aircraft certified, the ‘positive feedback’ suggests it was a ‘pass’ from EASA. Chinese media is reporting hopes of certification in Europe by 2025, but EASA said earlier this year that the aircraft was ‘too new’ to certify yet.

So far, only the Civil Aviation Administration of China (CAAC) has certified the C919, with the aircraft being largely reserved for flights within China.

The C919 has appeared outside of China, including demonstration flights in Hong Kong in December 2023 and at the Singapore Airshow in February.

Source: SCMP

ទីផ្សារអចលនទ្រព្យនៅទីក្រុងឌូបៃឆក់ឱកាសពីភាពតានតឹងនៅតំបន់មជ្ឈិមបូព៌ា

ដោយ: គង់ លាងហួរ

អន្តរជាតិ: ប្រជាជននៅក្នុងទីក្រុងឌូបៃ ប្រទេសអារ៉ាប់រួម(UAE) កំពុងក្លាយជាអ្នកមានកាន់តែច្រើន ស្របពេលដែលជម្លោះប្រដាប់អាវុធ បានបង្កការព្រួយបារម្ភ នៅទូទាំងតំបន់មជ្ឈិមបូព៌ា។

សេដ្ឋកិច្ចរបស់ប្រទេសវាលខ្សាច់មួយនេះ កំពុងរីកចម្រើនយ៉ាងខ្លាំង តាមរយៈវិស័យទេសចរណ៍ និងសំណង់ ដោយសារទីក្រុងឌូបៃ បានក្លាយជាទីតាំងសុវត្ថិភាព ទោះបីជាមានភាពតានតឹងនៅក្នុងតំបន់ បន្ទាប់ពីមានការធ្វើឃាត លើមេដឹកនាំក្រុមហាម៉ាស់លោក Ismail Haniyeh ក្នុងប្រទេសអ៊ីរ៉ង់។

លោក Zhann Jochinke ប្រធានផ្នែកប្រតិបត្តិនៃក្រុមហ៊ុនប្រឹក្សាអចលនទ្រព្យ Property Monitor បានបញ្ជាក់ប្រាប់សារព័ត៌មាន The Associated Press ថា “ទីក្រុងឌូបៃស្ថិតនៅក្នុងទីតាំងពិសេសតែមួយគត់។ យើងក្លាយជាអ្នកទទួលផល ពីវិបត្តិនៅក្នុងតំបន់”។

ទីក្រុងឌូបៃមានប្រវត្តិដ៏យូរលង់ ក្នុងការទទួលបានអត្ថប្រ​យោជន៍ដោយប្រយោល ចេញពីភាពតានតឹងក្នុងតំបន់។ នៅពេលមហាសេដ្ឋី មានការព្រួយបារម្ភអំពីភាពចលាចល ទីក្រុងឌូបៃបានផ្តល់នូវស្ថេរភាព អត្រាពន្ធទាប និងប្រព័ន្ធទិដ្ឋាការងាយស្រួល។

ជាក់ស្ដែង ភាពចលាចលនាពេលបច្ចុប្បន្ននេះ បានធ្វើឱ្យទីក្រុងឌូបៃ ក្លាយជាអ្នកទទួលផលសារជាថ្មី។ តម្រូវការ​​ក្នុង​ទីផ្សារ​អចលន​ទ្រព្យ​របស់​ទីក្រុង​ឌូបៃ កំពុងពុះកញ្ជ្រោល ទោះបី​ជាមានគ្រោះទឹកជំនន់ដ៏កំណាច កាលពីខែមេសាក៏មិនអាចធ្វើឱ្យទីផ្សារធ្លាក់ចុះ។

ក្រុមហ៊ុនអចលនទ្រព្យគាំទ្រដោយរដ្ឋ Emaar Properties ដែលជាម្ចាស់រអគារកប់ពពក ជាច្រើននៅទីក្រុងឌូបៃ បានប្រ​កា​សថា ក្រុមហ៊ុនរកចំណូលបាន៨,១ពាន់លានដុល្លារ ពីការលក់នៅឆមាសទីមួយឆ្នាំនេះ កើនឡើងពី៥,២ពាន់លានដុល្លារក្នុងរយៈពេលដូចគ្នាកាលពីឆ្នាំមុន។

តម្លៃផ្ទះវីឡាប្រណីត នៅទូទាំងទីក្រុង បានបំបែកកំណត់ត្រាថ្មីមួយ ដោយកើនឡើងប្រហែល៣៨% នៅក្នុងត្រីមាសទីពីរឆ្នាំ២០២៤ បើប្រៀបធៀបនឹងឆ្នាំមុន។ នេះបើយោងតាមក្រុមហ៊ុនប្រឹក្សាអចលនទ្រព្យ ValuStrat ។

តម្លៃវីឡាជាមធ្យម មានកម្រិតលើសពី២,៧លានដុល្លារក្នុងមួយយូនីតជាលើកដំបូង ក្នុងរយៈពេល១ទសវត្សរ៍។បច្ចុ​ប្បន្ន តម្លៃអាផាតម៉ិន នៅតំបន់ប្រជុំកោះសិប្បនិម្មិត Palm Jumeirah បានបំបែកកំណត់ហួសកម្រិតកំពូលក្នុងឆ្នាំ២០១៤។

លោក Tariq Shah ប្រធានផ្នែកលក់នៅក្រុមហ៊ុនឈ្មួញជើងសាផ្នែកអចលនទ្រព្យ Pat & Co.បានអះអាងថា “តម្រូវការពីអតិថិជនរបស់លោក ដែលកំពុងស្វែងរកទិញផ្ទះ បានកើនឡើងយ៉ាងគំហុក ហើយតម្រូវការផ្ទះប្រណីត បានកើនលើសពីការរំពឹងទុក”។

យោងតាមទីភ្នាក់ងារសារព័ត៌មានរដ្ឋ WAM បានឱ្យដឹងថា បណ្តាអ្នកអភិវឌ្ឍន៍ បានសាងសង់ផ្ទះរួចរាល់ ជាង៦.០០០យូនីតនៅឆមាសទី១ឆ្នាំនេះ ហើយត្រូវបានគេរំពឹងថា នឹងបញ្ចប់ការសាងសង់ផ្ទះ ចំនួន២ម៉ឺនយូនីតបន្ថែមទៀត នៅត្រឹមចុងឆ្នាំនេះ។

ទន្ទឹមនឹងនេះ អាកាសយានដ្ឋានអន្តរជាតិឌូបៃ ក្នុងនាមជាអាកាសយានដ្ឋានអន្តរជាតិ ដ៏មមាញឹកបំផុតរបស់ពិភពលោក បានទទួលស្វាគមន៍ អ្នកដំណើរបរទេសចំនួន៤៤,៩លាននាក់នៅក្នុងឆមាសទីមួយឆ្នាំនេះ៕ប្រភព:AP៕

រដ្ឋមន្រ្តីសាធារណការលើកទឹកចិត្តឲ្យការដឹកជញ្ជូនទំនិញធ្វើឡើងតាមផ្លូវដែកកម្ពុជា

​ដោយៈ គង់ សូរិយា

​ភ្នំពេញៈ រដ្ឋមន្ត្រីក្រសួងសាធារណការ និងដឹកជញ្ជូន លោ​កប៉េង ពោធិ៍នា លើកទឹកចិត្តឱ្យប្រជាពលរដ្ឋ ក៏ដូចជាក្រុមហ៊ុននានា ចូលរួមប្រើប្រាស់សេវាដឹកជញ្ជូនទំនិញ និងធ្វើដំណើរតាមផ្លូវដែកកម្ពុជាឱ្យបានជាអតិបរមា។​

​លោកបានលើកឡើងបែបនេះ ដោយសារហេតុផលចំណេ​ញថវិកាជាមួយនឹងតម្លៃទាបក្នុងការដឹកជញ្ជូន និងធ្វើដំណើរ និងស្នើដល់ក្រុមហ៊ុន Royal Railway ធ្វើទំនើបកម្មដោយបំពាក់បរិក្ខារ ឧបករណ៍សុវត្ថិភាពនានា ដើម្បីបង្កើនប្រសិទ្ធភាពដឹកជញ្ជូន ឆ្លើយតបនឹងរបត់ដ៏សំខាន់ ក្នុងការប្រតិបត្តិវិស័យដឹកជញ្ជូនតាមផ្លូវដែក ក៏ដូចជា ដើម្បីលើកស្ទួយវិស័យផ្លូវដែកនៅកម្ពុជា។

លោកបានលើកឡើងបែបនេះ ក្នុងពេលចូលរួមជាអធិបតីក្នុងពិធីសម្ពោធជាផ្លូវការ មជ្ឈមណ្ឌលបទពិសោធន៍ អតិថិជនសែលកាត រ៉ូយ៉ាល់រេលវេ ដែលមានការចូលរួមពី អ្នកឧកញ៉ាគិត ម៉េងប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប (Royal Group)កាលពីចុងសប្តាហ៍មុន។

មជ្ឈមណ្ឌលបទពិសោធអតិថិជនសែលកាត រ៉ូយ៉ាល់រេលវេ នឹងក្លាយជាកន្លែងពហុមុខងារ សម្រាប់បម្រើសេវាអតិថិជន លើផ្នែកទូរគមនាគមន៍ និងសេវាកម្មធនាគារ ដែលអាចទាញសេវាទាំងអស់ មកក្នុងទីតាំងតែមួយ បង្កភាពងាយស្រួលដល់អ្នកប្រើប្រាស់ និងសាធារណជន មានដូចជាហាងកាហ្វេ សេវាកម្មធនាគារ កន្លែងលក់សំបុត្ររថភ្លើង និងសេវាកម្មអតិថិជនយ៉ាងពេញលេញមានដូចជា ទិញស៊ីមកាតeSim និងលេខពិសេ​ស បើកស៊ីមកាតឡើងវិញ ប្តូរកម្មសិទ្ធិស៊ីមកាត ភ្ជាប់សេវាកម្ម ឬ កញ្ចប់ផ្សេងៗ សេវាកម្មអ៊ីនធឺណិតគេហដ្ឋាន និងទូរស័ព្ទទំនើបៗជាច្រើន។

ថ្លែងក្នុងអង្គពិធី លោករដ្ឋមន្រ្តី បានសម្តែងការចូលរួមអបអរសាទរ និងវាយតម្លៃខ្ពស់ ចំពោះក្រុមហ៊ុនរ៉ូយ៉ាល់គ្រុប (Royal Group) ក្នុងពិធីសម្ពោធជាផ្លូវការ មជ្ឈមណ្ឌលបទពិសោធអតិថិជនសែលកាត រ៉ូយ៉ាល់រេលវេ៕

គម្រោងស្តារនិងលើកកម្រិតគុណភាពផ្លូវជាតិលេខ៤ សម្រេចបានជាង៦៦ភាគរយហើយ

      ដោយៈ គង់ សូរិយា

      ភ្នំពេញៈ គម្រោងស្តារ និងលើកកម្រិតគុណភាពផ្លូវជាតិលេខ៤ (ភ្នំពេញ-ព្រះសីហនុ) សម្រេចបានលទ្ធផល (Physical Progress)ចំនួន ៦៦,០៦% គិតត្រឹមដើមខែសីហា ឆ្នាំ២០២៤ គ្រោងបញ្ចប់នៅថ្ងៃទី៣១ ខែធ្នូ ឆ្នាំ២០២៦ខាងមុខនេះ។

យោងតាមការបង្ហោះលើបណ្តាញទំនាក់ទំនងសង្គមរបស់ក្រសួងសាធារណការ និងដឹកជញ្ជូនកាលពីល្ងាចថ្ងៃទី២៣ សីហាបានឲ្យដឹងថា គម្រោងស្តារ និងលើកកម្រិតគុណភាពផ្លូវជាតិលេខ៤ អនុវត្តន៍គម្រោង និងកម្មវិធីហិរញ្ញប្បទានដោយធនាគារពិភពលោក(WB) ចំនួន១១០លានដុល្លារអាមេរិកដោយគ្រោងនឹងអនុវត្តន៍ ចំនួន៨ឆ្នាំ(២០១៨-២០២៦) អនុវត្តន៍ដោយក្រសួងសាធារណការ និងដឹកជញ្ជូន។

ហិរញ្ញប្បទាននេះ មានគោលបំណង សម្រាប់ជួសជុល និងថែទាំផ្លូវជាតិលេខ០៤ ប្រវែង១៩៦,១០គីឡូម៉ែត្រ ដោយពង្រីកតួផ្លូវ ជីកប្រឡាយ និងជួសជុលស្ពានចាស់ សាងសង់ស្ពានថ្មី។

ជាមួយគ្នានេះ គម្រោងក៏នឹងធ្វើបច្ចុប្បន្នភាព ប្រព័ន្ធគ្រប់គ្រ​ងទិន្នន័យផ្លូវថ្នល់ និងបណ្តុះបណ្តាបច្ចេកទេស ដល់ស្ថាប័ន  រដ្ឋ។

កិច្ចព្រមព្រៀងឥណទានសម្បទានបន្ថែម នៃគម្រោងខាងលើ ត្រូវបានចុះហត្ថលេខាកាលពីថ្ងៃទី១២ ខែកក្កដា ឆ្នាំ២០១៨ និងបានចូលជាធរមានកាលពីថ្ងៃទី ០១ ខែតុលា ឆ្នាំ២០១៨។

លោកផែង សុវិជ្ជានោ រដ្ឋលេខាធិការ និងប្រធានគម្រោងស្តារ និងលើកកម្រិតគុណភាពផ្លូវជាតិលេខ៤ បានឱ្យដឹងថា គម្រោងស្តារ និងថែទាំផ្លូវជាតិលេខ៤ សរុបប្រវែង១៩៦,១០គីឡូម៉ែត្ររួមមាន ទីកំណាត់ទី១ គិតចាប់ពីគីឡូម៉ែត្រលេខ១៩+៧០០ ដល់គីឡូម៉ែត្រលេខ៦០+០០០ ក្នុងខេត្តកណ្តាល និងខេត្តកំពង់ស្ពឺ។ ផ្លូវ៤គន្លងមានប្រវែង២៨,៨០គីឡូម៉ែត្រ និងផ្លូវ២គន្លងមានប្រវែង១១,៥០គីឡូម៉ែត្រ ប្រវែងសរុប៤០,៣០គីឡូ​ម៉ែត្រ ។

កំណាត់ទី២ គិតចាប់ពីគីឡូម៉ែត្រលេខ៦០+០០០ ដល់គីឡូម៉ែត្រលេខ១០១+០០០ ក្នុងខេត្តកំពង់ស្ពឺ។ ផ្លូវ៤គន្លងមានប្រវែង២,៦៨គីឡូម៉ែត្រ និងផ្លូវ២គន្លងមានប្រវែង៣៨,៣២គីឡូម៉ែត្រ ប្រវែងសរុប៤១,០០គីឡូម៉ែត្រ ។

កំណាត់ទី៣ គិតចាប់ពីគីឡូម៉ែត្រលេខ១០១+០០០ ដល់គីឡូម៉ែត្រលេខ១៤៣+០០០ ក្នុងខេត្តកំពង់ស្ពឺ និងខេត្តកោះកុង។  ផ្លូវ៤គន្លងមានប្រវែង០,៣០គីឡូម៉ែត្រ និងផ្លូវ២គន្លងមានប្រវែង៤១,៧០គីឡូម៉ែត្រ ប្រវែងសរុប៤២,០០គីឡូម៉ែត្រ។

កំណាត់ទី៤ គិតចាប់ពីគីឡូម៉ែត្រលេខ១៤៣+០០០ ដល់គីឡូម៉ែត្រលេខ១៨៦+០០០ ក្នុងខេត្តកោះកុង និងខេត្តព្រះសីហនុ។ ផ្លូវ៤គន្លងមានប្រវែង០,៩៣គីឡូម៉ែត្រ និងផ្លូវ២គន្លងមានប្រវែង៤២,០៧គីឡូម៉ែត្រ ប្រវែងសរុប៤៣,០០គីឡូម៉ែត្រ ។

កំណាត់ទី៥ គិតចាប់ពីគីឡូម៉ែត្រលេខ១៨៦+០០០ ដល់គីឡូម៉ែត្រលេខ២១៥+៨០០ ក្នុងខេត្តព្រះសីហនុ។ ផ្លូវ៤គន្លងមានប្រវែង៧,៣០គីឡូម៉ែត្រ និងផ្លូវ២គន្លងមានប្រវែង២២,៥០គីឡូម៉ែត្រ ប្រវែងសរុប២៩,៨០គីឡូម៉ែត្រ ។

កំណាត់ទី៦ គិតចាប់ពីគីឡូម៉ែត្រលេខ៤៨+៦៩៥ ដល់គីឡូ​ម៉ែត្រលេខ២០២+៦៨៨ ជួសជុលស្ពានចាស់ចំនួន២៤ លូប្រអប់ចំនួន៨ លូមូលចំនួន៩ និងផ្លាស់ប្តូរគ្រឿងបង្គុំស្ពានចាស់ចំនួន៥ ក្នុងខេត្តកំពង់ស្ពឺ កោះកុង ខេត្តព្រះសីហនុ។

កំណាត់ទី៧ គិតចាប់ពីគីឡូម៉ែត្រលេខ៣៨+០៧៦ ដល់គីឡូម៉ែត្រលេខ២០៤+៩៧៣ សាងសង់ស្ពានថ្មីចំនួន៨ ក្នុងខេត្តកំពង់ស្ពឺ កោះកុង និងខេត្តព្រះសីហនុ៕

យន្តហោះដឹកអ្នកដំណើរចិនC919 អាចទទួលបានការទទួលស្គាល់ពីអឺរ៉ុបនៅឆ្នាំ២០២៥ខាងមុខ

ដោយ: គង់ លាងហួរ

អន្តរជាតិ: យន្តហោះដឹកអ្នកដំណើរចិន ប្រភេទ C919 បានបោះជំហានវិជ្ជមាន កាន់តែខិតជិតទទួលបានការទទួលស្គាល់ ពីទីភ្នាក់ងារសុវត្ថិភាព អាកាសចរណ៍សហភាពអឺរ៉ុប (EASA) បន្ទាប់ពីការត្រួតពិនិត្យដោយក្រុមនិយតករ។

យន្តហោះ C919 ត្រូវបានផលិតឡើង ដោយក្រុមហ៊ុនសាជីវកម្មយន្តហោះពាណិជ្ជកម្ម នៃប្រទេសចិន (COMAC) និងបានចាប់ផ្តើមបើកប្រតិបត្តិការពាណិជ្ជកម្ម នៅក្នុងប្រទេសកំណើតរបស់ខ្លួនរួចមកហើយ។

ប៉ុន្តែក្រុមហ៊ុននៅតែត្រូវការ ការទទួលស្គាល់ពីអន្តរជាតិ ដើម្បីបំពេញមហិច្ឆតារបស់ចិន ក្នុងការក្លាយជាអ្នកប្រកួតប្រជែ ងពិតប្រាកដ ចំពោះក្រុមហ៊ុនលោកខាងលិច រួមមានក្រុមហ៊ុនផលិតយន្តហោះ Airbus និងយន្តហោះ Boeing។

យោងតាមរបាយការណ៍ពីកាសែត South China Morning Post បានឱ្យដឹងថា បន្ទាប់ពីបានចុះត្រួតពិនិត្យនៅទីតាំងផលិតកម្ម ក្នុងទីក្រុងសៀងហៃ ក្រុមនិយតករសហភាពអឺរ៉ុបបានផ្តល់មតិត្រឡប់ (Feedback) ជាវិជ្ជមានអំពីយន្តហោះ C919 ។

ទន្ទឹមនឹងនេះ អាជ្ញាធរអាកាសចរណ៍ស៊ីវិល របស់ប្រទេសចិន កាន់តែមានសុទិដ្ឋិនិយម ចំពោះការទទួលបានវិញ្ញាបនប័ត្រ បញ្ជាក់ពីការទទួលស្គាល់ជាផ្លូវការ និងគ្រោងធ្វើតេស្តសាកល្បងហោះហើរ នៅសហភាពអឺរ៉ុបក្នុងឆ្នាំ២០២៥ខាងមុខ។

ការចុះត្រួតពិនិត្យដោយគណប្រតិភូ របស់ទីភ្នាក់ងារសុវត្ថិភាពអាកាសចរណ៍សហភាពអឺរ៉ុប (EASA) មានគោលបំណងចម្បងដើម្បីធានាថា គ្រប់ផ្នែកទាំងអស់របស់យន្តហោះចិនបានអនុលោមតាម តម្រូវការបទប្បញ្ញត្តិរបស់EU។

យន្តហោះ C919 ជាយន្តហោះដឹកអ្នកដំណើរដំបូងគេដែលត្រូវបានផលិតនៅក្នុងប្រទេសចិន ទោះបីជាគ្រឿងបន្លាស់ជាច្រើន នៅតែត្រូវបាននាំចូលពីបរទេស ដូចជា ក្រុមហ៊ុនផលិតម៉ាស៊ីនយន្តហោះបារាំង-អាមេរិក CFM Internationalយ៉ាងណាក្តី។

យន្តហោះនេះត្រូវបានប្រកាសផលិត ជាលើកដំបូងនៅក្នុងឆ្នាំ២០០៩ និងបានហោះហើរលើកដំបូង នៅទីក្រុងសៀងហៃក្នុងឆ្នាំ២០១៧ បន្ទាប់ពីមានការពន្យារពេលជាច្រើនដង។ ក្នុងឆ្នាំ២០២២ យន្តហោះ C919 ទទួលបានវិញ្ញាបនបត្របញ្ជាក់អំពីប្រភេទពីរដ្ឋបាល អាកាសចរណ៍ស៊ីវិលនៃប្រទេសចិន និងទទួលបានការបញ្ជាទិញ ពីក្រុមហ៊ុនអាកាសចរណ៍ក្នុងស្រុក៕ប្រភព:SCMP៕

ការស្ទង់មតិ: ថ្នាក់ដឹកនាំក្រុមហ៊ុនជប៉ុនចាត់ទុកលោកស្រី Kamala Harris ជាជម្រើសល្អប្រសើរជាងលោក ត្រាំ

ដោយ: គង់ លាងហួរ

អន្តរជាតិ: ក្រុមហ៊ុនជប៉ុនជាច្រើនជឿថា ប្រសិនបើលោកស្រី Kamala Harris ជាប់ឆ្នោតជាប្រធានាធិបតីអាមេរិក នឹងក្លាយជាសញ្ញាវិជ្ជមាន ជាងរដ្ឋបាលរបស់លោក Donald Trump។នេះបើតាមការស្ទង់មតិរបស់សារពត៌មាន Reuters។

លទ្ធផល​នៃ​ការ​បោះឆ្នោត ​ប្រធានាធិបតី​សហរដ្ឋ​អាមេរិក​នៅ​ខែ​វិច្ឆិកា ​កំពុង​ត្រូវ​បាន​បណ្តាប្រទេស​នានា នៅជុំវិញ​ពិភពលោក ​រង់ចាំអ៊ុតមើល​យ៉ាង​យក​ចិត្ត​ទុក​ដាក់។ ក្នុងនោះ ក៏រួមមានទាំងប្រទេសជប៉ុន ជាសម្ព័ន្ធមិត្តជិតស្និទ្ធរបស់ទីក្រុងវ៉ាស៊ីនតោន ដោយមានទាហានអាមេរិក រាប់ម៉ឺននាក់ឈរជើងនៅទីនោះ។

ប៉ុន្តែការធ្វើធុរកិច្ចរបស់ក្រុមហ៊ុន អាជីវកម្មជប៉ុននឹងរងផល​ប៉ះពាល់ ចេញពីសង្រ្គាមពាណិជ្ជកម្មថ្មី រវាងសហរដ្ឋអាមេរិកនិងចិន ដោយសារចិននិងអាមេរិក ជាដៃគូពាណិជ្ជកម្មកំពូលរបស់ជប៉ុន។

ការស្ទង់មតិបង្ហាញថា ក្រុមហ៊ុនជប៉ុនចំនួន៤៣ភាគរយបានលើកឡើងថា ពួកគេពេញចិត្តលោកស្រី Harris ដោយសារយុទ្ធសាស្ត្រសាជីវកម្ម និងផែនការអាជីវកម្មរបស់ពួកគេ ខណៈក្រុមហ៊ុនជប៉ុនចំនួន៨ភាគរយប៉ុណ្ណោះ បានជ្រើសរើសលោក Trump ។

ក្រុមហ៊ុនជប៉ុនចំនួន៤៦ភាគរយបានអះអាងថា បេក្ខជនទាំងពីរនឹងមិនអីទេ ខណៈក្រុមហ៊ុនជប៉ុនចំនួន៣ភាគរយទៀតបង្ហាញមតិថា ពួកគេមិនចូលចិត្តបេក្ខជនទាំងពីរ។

អ្នកគ្រប់គ្រងមួយរូប នៅក្រុមហ៊ុនផលិតកម្មសេរ៉ាមិចមួយកន្លែងនៅក្នុងប្រទេសជប៉ុន បានសរសេរនៅក្នុងប្រអប់បញ្ចេញមតិក្នុងការស្ទង់មតិថា “សង្រ្គាមពាណិជ្ជកម្ម ភាពតានតឹងសេដ្ឋកិច្ច និងការគំរាមកំហែងផ្នែកសន្តិសុខ មានលទ្ធភាពកើតឡើងក្រោមការគ្រប់គ្រងរបស់លោក Trump ដោយបង្ខំឱ្យយើងផ្លាស់ប្តូរយុទ្ធសាស្រ្តអាជីវកម្មរបស់ក្រុមហ៊ុន”។

ទំនាក់ទំនងរបស់ប្រទេសជប៉ុន ជាមួយរដ្ឋបាលលោក Trump ធ្លាប់មានភាពតានតឹង ដោយសារលោកបានទាមទារឱ្យរដ្ឋាភិបាលជប៉ុន បង់ប្រាក់បន្ថែមទៀតចំពោះជំនួយយោធា និងភាពតានតឹងពាណិជ្ជកម្ម។

ទន្ទឹមនឹងនេះ មន្ដ្រីមួយរូបនៅក្នុងក្រុមហ៊ុន ​គីមីជប៉ុនលើកឡើងថា “ប្រសិនបើលោកស្រី Harris ជាប់ឆ្នោតជាប្រធា​នាធិបតីថ្មី នោះយើងរំពឹងទុកថា គោលនយោបាយរបស់រដ្ឋបាលរបស់ប្រធានាធិបតីបច្ចុប្បន្ន នឹងត្រូវបានបន្តអនុវត្តន៍”។

នៅពេលត្រូវបានសាកសួរថា តើការផ្លាស់ប្តូរអ្វីនឹងមានភាពចាំបាច់ នៅក្រោមរដ្ឋបាលលោក Trump ក្រុមហ៊ុនជប៉ុនចំនួន៣៤ភាគរយឆ្លើយថា យុទ្ធសាស្រ្តអត្រាប្តូរប្រាក់បរទេសរបស់ពួកគេ នឹងត្រូវពិនិត្យឡើងវិញ ខណៈក្រុមហ៊ុនជប៉ុនចំនួន២៨ភាគរយបានឆ្លើយថា ខ្សែសង្វាក់ផ្គត់ផ្គង់របស់ពួកគេនឹងត្រូវបានសម្រួលឡើងវិញ ហើយក្រុមហ៊ុនជប៉ុនចំនួន២១ភាគរយទៀតបានឆ្លើយថា ពួកគេនឹងកាត់បន្ថយប្រតិបត្តិការ នៅប្រទេសចិន។

ការស្ទង់មតិនេះ ត្រូវបានបញ្ជូនទៅកាន់ក្រុមហ៊ុនជប៉ុនចំនួន៥០៦ក្រុមហ៊ុន។ ប៉ុន្តែជាលទ្ធផល គេសង្កេតឃើញមានក្រុមហ៊ុនជប៉ុន ចំនួន២៤៣ក្រុមហ៊ុនបានឆ្លើយតប។

ការស្ទង់មតិបានបង្ហាញទៀតថា មិនសំខាន់ថា បេក្ខជនរូបណាជាអ្នកឈ្នះការបោះឆ្នោតនោះទេ ក្រុមហ៊ុនជប៉ុនចំនួន១៣ភាគរយ កំពុងពិចារណាកាត់បន្ថយប្រតិបត្តិការ នៅក្នុងប្រទេសចិន ខណៈក្រុមហ៊ុនចំនួន៣ភាគរយ គ្រោងពង្រីកអាជី​វកម្មនៅចិន ហើយក្រុមហ៊ុនចំនួន៤៧ភាគរយ គ្រោងបន្តរក្សាអាជីវកម្មនៅប្រទេសចិន៕ប្រភព: Reuters៕

គម្រោងវិនិយោគ១នៅខេត្តព្រះសីហនុ គ្រោងបន្ថែមផលិតកម្ម

​ដោយៈ គង់ សូរិយា

​ព្រះសីហនុៈ លោក ឡុង ឌីម៉ង់ អភិបាលរង នៃគណៈអភិបាលខេត្តព្រះសីហនុ និងជាអនុប្រធានអនុគណៈកម្មការវិនិយោគខេត្តព្រះសីហនុ បានអញ្ជើញចូលរួមកិច្ចប្រជុំ​ច្រកចេ​ញ-ចូលតែមួយ ដើម្បីពិនិត្យពិភាក្សាលើសំណើសុំវិនិយោគ របស់បណ្តាក្រុមហ៊ុនមួយចំនួន។

កម្មវិធីនេះធ្វើឡើង ក្រោមអធិបតីភាពលោកជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវ​ឌ្ឍន៍កម្ពុជា(ក.អ.ក) ដោយមានការអញ្ជើញចូលរួម ពីតំណាងក្រសួង ស្ថាប័នពាក់ព័ន្ធ នៅទីស្តីការក្រុមប្រឹក្សាអភិវឌ្ឍន៍កម្ពុជា។

កិច្ចប្រជុំនេះរៀបចំឡើងក្នុងគោលបំណង ដើម្បីបើកកិច្ចពិភាក្សា វាយតម្លៃ ភាពសមស្រប លក្ខណៈសម្បត្តិ និងពិនិត្យលទ្ធភាព នៃគម្រោងវិនិយោគដែលបានដាក់ស្នើមក ក.អ.ក។

ជាលទ្ធផល សំណើសុំបន្ថែមមុខសញ្ញាផលិតកម្ម ពីលើប្រព័ន្ធផលិតកម្ម ដែលមានស្រាប់នេះ ទទួលបានការគាំទ្រទាំងស្រុងពីអង្គប្រជុំទាំងមូល៕

លោកឧកញ៉ាបណ្ឌិតគីម ហ៊ាងកំពុងជ្រើសរើសCEOថ្មីសម្រាប់ក្រុមហ៊ុនKW Cambodia

​ដោយៈ ស៊ីវ ម៉េង

​ភ្នំពេញៈ លោកឧកញ៉ាបណ្ឌិតគីម ហ៊ាងប្រធានKW Cambodiaបានប្រកាសជ្រើសរើស CEO ថ្មីសម្រាប់ក្រុមហ៊ុននេះ ដែលជាអ្នកធ្លាប់សិក្សានៅប្រទេសជឿនលឿន។

​លក្ខខ័ណ្ឌនៃការជ្រើសរើស គឺសម្រាប់បេក្ខជនមានចំណុ​ចសំខាន់ៗដូចជា ទី១ មានសញ្ជាតិខ្មែរ និងធ្លាប់ទទួលការអប់រំនៅប្រទេសជឿនលឿន។ ទី២ អាយុពី៣០ ដល់៤០ឆ្នាំ ចេះភាសាខ្មែរ អង់គ្លេស និងចិន។ ទី៣ មានចំណេះដឹងផ្នែកផ្សារហ៊ុន សេដ្ខកិច្ច និងពាណិជ្ជកម្មអាស៊ាន។

លោកឧកញ៉ាបានបញ្ជាក់ថា CEO របស់ KW Cambodia គឺជាតំណែងធំទីពីរ បន្ទាប់លោក ដោយត្រូវធ្វើការងារច្រើនទាំងក្នុងស្រុក និងក្រៅស្រុក ហើយអត់មានប្រាក់ខែទេ តែអាចទទួ​លបានភាគហ៊ុនផ្លូវការ របស់ KW Cambodia និងផលប្រយោជន៌ជាច្រើនទៀត។

ក្រុមហ៊ុនKW Cambodia មានប្រភពមកពីទីក្រុង Austin រដ្ឋ Texas សហរដ្ឋអាមេរិក ដែលលោកឧកញ៉ា បាននាំចូលមកកម្ពុជា ដើម្បីភ្ជាប់ទំនាក់ទំនងផ្នែកអចលនទ្រព្យ និងពាណិជ្ជកម្មរវាងសហរដ្ឋអាមេរិក និងកម្ពុជា៕