កម្ពុជា ឥណ្ឌូនេស៊ីគ្រោងចុះMOUជម្រុញជើងហោះហើរបន្ថែម

       ដោយៈ គង់ សូរិយា

       ភ្នំពេញៈ ប្រមុខ​ការទូត​កម្ពុជា និង​ឥណ្ឌូណេស៊ី បាន​ឯកភាព​គ្នា​ពន្លឿន​ ការ​ចុះ​អនុស្សរណៈ ​នៃ​ការ​យោគយល់​គ្នា (MoU) ស្ដីពី​ពាណិជ្ជកម្ម​អង្ករ ព្រមទាំង​ឯកភាព​គ្នា​ជំរុញ​ឱ្យ​មាន​ជើង​ហោះហើរ​ត្រង់​បន្ថែម​ទៀត ​រវាង​ទីក្រុង​ទេសចរណ៍​នៃ​ប្រទេស​ទាំងពីរ។

ការ​ឯកភាព​គ្នា​នេះ​ធ្វើឡើង​ ក្នុង​កិច្ច​ប្រជុំ​លើក​ទី៥​នៃ​គណៈកម្មការ​ចម្រុះ ​សម្រាប់​កិច្ច​សហប្រតិបត្តិការ​ទ្វេភាគី(JCBC) កម្ពុជា-ឥណ្ឌូណេស៊ី នា​ថ្ងៃទី២១ សីហា នៅ​រាជធានី​ភ្នំពេញ។

លោក សុខ ចិន្តាសោភា ​ឧបនាយករដ្ឋមន្ត្រី និង​ជា​រដ្ឋមន្ត្រីការបរទេស និង​សហប្រតិបត្តិការ​អន្តរជាតិ​កម្ពុជា បាន​ធ្វើជា​សហ​ប្រធាន​កិច្ចប្រជុំ​នេះ ​ជាមួយ​លោកស្រី Retno Marsudi រដ្ឋមន្ត្រី​ការបរទេស​ឥណ្ឌូណេស៊ី។

ក្រសួង​ការបរទេស​បញ្ជាក់ ​ក្នុង​សេចក្ដី​ប្រកាស​ព័ត៌មាន​ថ្ងៃ​ទី​២២ សីហា ថា “រដ្ឋមន្ត្រី​ទាំងពីរ​កត់សម្គាល់ ​ដោយ​ការ​ពេញចិត្ត​ ចំពោះ​ការ​បន្ត​កើន​ឡើង ​នៃ​ទំហំ​ពាណិជ្ជកម្ម​ទ្វេរភាគី ​ដែល​បាន​កើន​ឡើង​ ដល់​លើស១ពាន់​លាន​ដុល្លារ​អាមេរិក​ ក្នុង​ឆ្នាំ​២០២៣ និង​បាន​ឯកភាព​ពន្លឿន​ការ​ពិភាក្សា​លើ MoU ស្ដីពី​ពាណិជ្ជកម្ម​អង្ករ”។

ក្រសួង​បន្ត​ថា ក្នុង​គោលបំណង​ពង្រឹង​ការ​តភ្ជាប់ និង​សម្រួ​ល​ការ​ផ្លាស់ប្ដូរ​សេដ្ឋកិច្ច និង​វប្បធម៌ ភាគី​ទាំងពីរ​បាន​ឯកភាព​ជំរុញ​ឱ្យ​មាន​ជើង​ហោះហើរ​ ត្រង់​បន្ថែម​ទៀត​រវាង​ទីក្រុង​ទេស​ចរណ៍​នៃ​ប្រទេស​ទាំងពីរ»។

លោក សុខ ចិន្តាសោភា និង​លោកស្រី Marsudi ​ក៏​បាន​ឯកភាព​ជំរុញ​ឱ្យ​បញ្ចប់​ការ​ពិភាក្សា MoU ស្ដីពី​កិច្ច​សហប្រតិបត្តិការ​វប្បធម៌, បន្ត​ឡើង​វិញ​ នូវ​កិច្ច​សហប្រតិបត្តិការ ​សម្ព័ន្ធ​មេត្រីភាព​រវាង​ខេត្ត​សៀមរាប និង​ខេត្ត​ជ្វា​កណ្ដាល និង​បង្កើត​ទំនាក់ទំនង​ខេត្ត-ក្រុង​សម្ព័ន្ធ​មេត្រីភាព ​រវាង​រាជធានី​ភ្នំពេញ និង​កោះ​សូម៉ាត្រា​ខាង​លិច។

រដ្ឋមន្ត្រី​ទាំងពីរ បាន​លើកឡើង​អំពី​សារៈសំខាន់ ​នៃ​សន្តិសុខ​ស្បៀង និង​បាន​បញ្ជាក់​ពី​ការ​ប្ដេជ្ញា​ចិត្ត ​ក្នុង​ការ​ពន្លឿន​ការ​អនុវត្ត MoU ស្ដីពី​កិច្ច​សហប្រតិបត្តិការ​កសិកម្ម ដែល​បាន​ចុះ​ហត្ថលេខា​កាល​ពី​ខែ​កញ្ញា ឆ្នាំ២០២៣ និង​ការ​ចុះ​ហត្ថលេខា​លើ MoU ស្ដីពី​កិច្ច​សហប្រតិបត្តិការ​ សហគ្រាស​ធុន​តូច និង​មធ្យម។

ភាគី​ទាំងពីរ​បាន​ឯកភាព​គ្នា ​ក្នុង​ការ​ពង្រីក​កិច្ច​សហប្រតិ​បត្តិការ ​រវាង​ក្រុមប្រឹក្សា​អភិវឌ្ឍន៍​កម្ពុជា​ និង​ក្រសួង​វិនិយោគ​ឥណ្ឌូណេស៊ី និង​បាន​ប្រកាស​ស្វាគមន៍ ​គោលបំណង​របស់​ក្រុមហ៊ុន​ឥណ្ឌូណេស៊ីPerum BULOG ក្នុង​ការ​វិនិយោគ​នៅ​កម្ពុជា​លើ​វិស័យ​កសិកម្ម ដូចជា​ម៉ាស៊ីន​កិនស្រូវ និង​ឃ្លាំង។

ក្នុង​រយៈ​ពេល​៧​ខែ​ដំបូង​ក្នុង​ឆ្នាំ​២០២៤ ពី​ខែ​មករា ដល់​ខែ​កក្កដា ​ទំហំ​ពាណិជ្ជកម្ម​រវាង​កម្ពុជា និង​ឥណ្ឌូណេស៊ី ​មានទឹកប្រាក់​ជាង​៦៦៤លាន​ដុល្លារ ធ្លាក់ចុះ១​ភាគរយ។ ក្នុង​នោះ​ ការ​នាំចេញ​ មាន​ជាង​៦២​លាន​ដុល្លារ កើន​១៥៥ភាគរយ ខណៈ​ការ​នាំចូល​​មាន​ជាង​៦០១​លាន​ដុល្លារ ធ្លាក់ចុះ៦,៩​ភាគរយ បើ​ធៀប​រយៈពេល​ដូចគ្នា​ក្នុង​ឆ្នាំ​២០២៣។ នេះ​បើ​យោង​តាម​របា​យ​ការណ៍​អគ្គ​នាយកដ្ឋាន​គយ និង​រដ្ឋាករ​កម្ពុជា៕

តើដីធ្លីនៅតំបន់អគាររដ្ឋាភិបាលក្នុងទីក្រុងគូឡាឡាំពួរមានតម្លៃបែបណា?

ដោយ: គង់ លាងហួរ

អន្តរជាតិ: យោងតាមក្រុមអ្នកជំនាញ អចលនទ្រព្យបានឱ្យដឹងថា ដីនៅតំបន់ Duta enclaveនៅក្នុងទីក្រុងគូឡាឡាំពួរ ទំហំ១០៦,៧២ហិកតា មានតម្លៃមិនលើសពី៦ពាន់លានរីងហ្គីត(ប្រហែល១,៣៧ពាន់លានដុល្លារ)។

អ្នកវិភាគអចលនទ្រព្យជើងចាស់ លោក Sr. Samuel Tan បានប៉ាន់ប្រមាណដី នៅតំបន់ខាងលើ មានតម្លៃចន្លោះពី៥ពាន់លានរីងហ្គីត ទៅ៦ពាន់លានរីងហ្គីត ឬមានតម្លៃជាមធ្យមប្រហែល៥០០រីងហ្គីតមួយហ្វីតការ៉េ (psf) ។

អ្នកជំនាញបញ្ជាក់ថា “ការវាយតម្លៃនេះ បានគិតគូរពីទីតាំ​ង និងតម្លៃដីដែលអាចប្រៀបធៀបបាន នៅជិតគម្រោងអភិវឌ្ឍន៍ខុនដូ KL Metropolis ។ ដីទំហំជាង៩ហិកតានៅក្នុង និងជុំវិញគម្រោងនេះ មានតម្លៃជាមធ្យមចំនួន១៧៦,៦៣ដុល្លារ ក្នុងមួយហ្វីតការ៉េ។

បច្ចុប្បន្ន តំបន់ Duta enclave មានអគាររដ្ឋាភិបាលជាច្រើន រួមមាន វិទ្យាស្ថានសុចរិតភាពម៉ាឡេស៊ី(IIM) បណ្ណសារជាតិ តុលាការ ច្បាប់សាសនាអ៊ីស្លាម(Kuala Lumpur Syariah Court) អគារក្រុមប្រឹក្សាភិបាលចំណូលក្នុងស្រុក បណ្ឌិតសភាគណៈកម្មការ ប្រឆាំងអំពើពុករលួយម៉ាឡេស៊ី (MACA) និងពហុកីឡ​ដ្ឋានជាតិជាដើម។

ដើមឡើយ រដ្ឋាភិបាលម៉ាឡេស៊ី បានទិញដីនៅទីនោះជាលើកដំបូងក្នុងឆ្នាំ១៩៥៦ ក្នុងទំហំទឹកប្រាក់ចំនួន១,៣លានរីងហ្គីត ក្រោមអនុក្រឹត្យស្តីពី ការទិញដីនៅពេលនោះ ក្នុងគោលបំណងអភិវឌ្ឍន៍តំបន់Duta enclave ជាតំបន់ការទូត។

ទោះជាយ៉ាងណាក្តី ក្រុមហ៊ុន Semantan Estate ជាម្ចាស់ដើមរបស់ដីនេះ ក្នុងឆ្នាំ១៩៥២បានជំទាស់ នឹងការទិញយកនេះ។ ក្នុងឆ្នាំ២០០៩ តុលាការជាន់ខ្ពស់ បានកាត់ក្តីថារដ្ឋាភិបាល បានរំលោភបំពានលើដី ហើយការសម្រេចនេះ ត្រូវបានតម្កល់ដោយសាលាឧទ្ធរណ៍ និងតុលាការសហព័ន្ធក្នុងឆ្នាំ២០១២។

ទោះជាយ៉ាងណាក្តី នៅថ្ងៃទី៨ ខែសីហាឆ្នាំ២០២៤ រដ្ឋាភិបាលបានប្តឹងឧទ្ធរណ៍ប្រឆាំង នឹងការសម្រេចចិត្តរបស់តុលាកា​រជាន់ខ្ពស់ ដែលបញ្ជាឱ្យផ្ទេរដីនៅតំបន់នោះ ត្រឡប់ទៅឱ្យក្រុមហ៊ុន Semantan Estateវិញ៕ប្រភព:NST Online៕

តើសង្គ្រាមពាណិជ្ជកម្មរវាងចិន និងលោកខាងលិចនឹងជះផលប៉ះពាល់លើសេដ្ឋកិច្ចអាស៊ីបែបណា?

ដោយ: គង់ លាងហួរ

អន្តរជាតិ: របាយការណ៍ស្តីពីបច្ចុប្បន្នភាព សេដ្ឋកិច្ចអាស៊ី-ប៉ាស៊ីហ្វិកព្រមានថា ការកើនឡើងភាពតានតឹងផ្នែកពាណិជ្ជកម្ម និងភូមិសាស្ត្រនយោបាយ នឹងបង្កហានិភ័យយ៉ាងធ្ងន់ធ្ងរដល់ខ្សែសង្វាក់តម្លៃក្នុងតំបន់ និងជះផលប៉ះពាល់ដល់ការនាំចេញ ការងារ និងប្រាក់ចំណូលកម្មករ។

យោងតាមបច្ចុប្បន្នភាពសេដ្ឋកិច្ច ចេញផ្សាយដោយគណៈកម្មការសេដ្ឋកិច្ច និងសង្គមរបស់អង្គការសហប្រជាជាតិសម្រាប់តំបន់អាស៊ី- ប៉ាស៊ីហ្វិក បានចង្អុលបង្ហាញថា ការដាក់ពន្ធនាពេលថ្មីៗនេះ ដោយសហភាពអឺរ៉ុប និងសហរដ្ឋអាមេរិកលើរថយន្តអគ្គិសនីរបស់ចិន នឹងកាត់ផ្តាច់ទំនាក់ទំនងបច្ចេកវិទ្យាចិន-អាមេរិកកាន់តែស៊ីជម្រៅ។

ជាមួយគ្នានេះ បណ្តាប្រទេសមួយចំនួន នៅតំបន់អាស៊ានក៏បានប្រកាស ដាក់ពន្ធលើការនាំចូលផលិតផលចិន ដែលមានតម្លៃទាបទាំងអស់។ ការណ៍នឹងនាំឱ្យមានភាពតានតឹង និងការបែកបាក់បន្ថែមទៀត នៅក្នុងពាណិជ្ជកម្មពិភពលោក។

របាយការណ៍របស់អង្គការ សហប្រជាជាតិអះអាងថា ហានិភ័យ ចំពោះអតិផរណានៅតែមាន ដោយសារភាពតានតឹងផ្នែកភូមិសាស្ត្រនយោបាយ អាចជំរុញឱ្យតម្លៃអាហារ ថាមពល និងតម្លៃដឹកជញ្ជូនអន្តរជាតិ កើនឡើងជាថ្មីម្តងទៀត។

របាយការណ៍បច្ចុប្បន្នភាព សេដ្ឋកិច្ចខាងលើបានបន្តថា ទស្សនវិស័យរយៈពេលខ្លី ចង្អុលទៅកាន់សុទិដ្ឋិនិយម ប៉ុន្តែក៏មិនប្រាកដថា ជោគជ័យពេញលេញ១០០ភាគរយ(Cautious Optimism)។

ដំណើរការសេដ្ឋកិច្ចរបស់តំបន់អាស៊ី -ប៉ាស៊ីហ្វិកនៅក្នុងឆមាសទី២ ឆ្នាំ២០២៤ ត្រូវបានស្ថាប័នUN រំពឹងទុកថា នឹងមានស្ថិរភាព ផ្អែកលើលក្ខខណ្ឌនៃការអភិវឌ្ឍន៍ អំណោយផលនៅក្នុងបណ្តាប្រទេសមានសេដ្ឋកិច្ចជឿនលឿនធំៗ។

ចំណែក អត្រាអតិផរណានៅក្នុងតំបន់ ក៏កំពុងស្ថិតនៅលើផ្លូវ ឆ្ពោះទៅរកការធ្លាក់ចុះបន្ថែមទៀត។ ការណ៍នេះនឹងអនុញ្ញា​តឱ្យធនាគារកណ្តាលនានា ក្នុងតំបន់អាចបន្ទន់ជំហរគោលនយោបាយរូបិយវត្ថុ ដើម្បីស្តារវិស័យហិរញ្ញវត្ថុសាធារណៈឡើងវិញ៕ប្រភព:Dawn. Com៕

ក្រុមហ៊ុនអន្តរជាតិមួយវាយតម្លៃ និងផ្តល់អនុសាសន៍ទាក់ទងគំរោងព្រែកជីកហ្វូណនតេជោ

       ដោយៈ គង់ សូរិយា

       ភ្នំពេញៈ ក្រុមហ៊ុនវាយតម្លៃអចលនទ្រព្យឯករាជ្យCBRE Cambodia បានធ្វើការវាយតម្លៃ ពីផលប្រយោជន៍សេដ្ឋកិច្ច និងអត្ថប្រយោជន៍ដទៃទៀត កើ់តចេញពីគំរោងព្រែកជីកហ្វូណនតេជោ។

យោងតាមរបាយការណ៍វាយតម្លៃរបស់CBRE ដែលបានចេញផ្សាយកាលពីថ្ងៃទី២២ សីហាបានបង្ហាញថា ព្រែកជីកហ្វូណនតេជោ ជាគម្រោងផ្លូវទឹកប្រវត្តិសាស្ត្រ សម្រាប់ប្រទេសកម្ពុជា ដោយតភ្ជាប់ពីកំពង់ផែស្វយ័តក្រុងភ្នំពេញតាមដងទន្លេមេគង្គ ទៅកាន់កំពង់ផែស្វយ័តក្រុងព្រះសីហនុ មានទីតាំងនៅឈូងសមុទ្រថៃ។

ផ្លូវទឹកនេះ​នឹង​ហូរឆ្លងកាត់​ខេត្ត​ចំនួន​៤ រួមមាន ខេត្ត​កណ្តាល ខេត្តតាកែវ ខេត្តកំពត និង​ខេត្តកែប។ នៅក្នុងគម្រោង​នេះ​ រួម​មាន​ការ​សាង​សង់​ទំនប់​ចំនួន៣ និង​ស្ពានចំនួន១១ខ្សែ។ ព្រែកជីកនេះ មានទទឹងប្រវែង១០០ម៉ែត្រ និងជម្រៅ៥,៤ម៉ែត្រ និងមានសមត្ថភាពផ្ទុកនាវាធំៗ។

ការវាយតម្លៃដដែលបានបង្ហាញថា ព្រែកជីកនេះ កំពុងត្រូវបានអភិវឌ្ឍន៍ឡើង ក្រោមកិច្ចសន្យា​ទម្រង់BOT (សាងសង់-ប្រតិបត្តិការ-ផ្ទេរ)។ កំណាត់ផ្លូវទឹកប្រវែង២១គីឡូម៉ែត្រដំបូង នឹងគ្រប់គ្រង ដោយកំពង់ផែស្វយ័តភ្នំពេញ (PPAP) កំពង់ផែស្វយ័តក្រុងព្រះសីហនុ (PAS) និងក្រុមហ៊ុនក្នុងស្រុក Oversea Cambodian Investment Corporation (OCIC)។

កំណាត់ផ្លូវទឹកបន្ទាប់ ប្រវែង១៥៩គីឡូ​ម៉ែត្រនឹងជាការវិនិយោគរួមគ្នា ដោយកំពង់ផែស្វយ័តទាំង២ និងក្រុមហ៊ុនសាជីវកម្មថ្នល់ និងស្ពានចិន (CRBC) ។

នៅពេលសាងសង់បញ្ចប់រួចរាល់ ព្រែកជីកហ្វូណនតេជោនឹងបង្កើនសមត្ថភាព នៃការដឹកជញ្ជូនតាមផ្លូវទឹក របស់កម្ពុជា ដោយកាត់បន្ថយការពឹងផ្អែកខ្លាំង នាពេលបច្ចុប្បន្នលើកំពង់ផែរបស់ប្រទេសវៀតណាម។

រដ្ឋាភិបាលកម្ពុជាបានគូស ​បញ្ជាក់ពីការព្យាករណ៍ថា ព្រែ​កជីកនេះ នឹងរកប្រាក់ចំណូលបានចំនួន៨៨លានដុល្លារ ក្នុងឆ្នាំដំបូង ដោយរំពឹងថា នឹងកើនឡើងដល់៥៧០លានដុល្លារ ក្នុងមួយឆ្នាំនៅឆ្នាំ២០៥០។ ការព្យាករណ៍ ក៏បានគូសរំលេចអំពីផលចំណេញសេដ្ឋកិច្ច ត្រឡប់មកវិញពីការវិនិយោគលើព្រែកជីកហ្វូណនតេជោ (IRR) ចាប់ពី២០% ទៅ៣១%។

ចំនួននេះមានកម្រិតខ្ពស់ជាង មធ្យមភាគ១២% ពីគម្រោងហេដ្ឋារចនាសម្ព័ន្ធនានា។

យោងតាមក្រុមប្រឹក្សាអភិវឌ្ឍន៍កម្ពុជា(CDC) បានឱ្យដឹងថា បច្ចុប្បន្ន ទំនិញរបស់កម្ពុជាចំនួន៦៧% ត្រូវបានដឹកជញ្ជូនតាមកំពង់ផែស្វយ័តក្រុងព្រះសីហនុ ខណៈទំនិញចំនួន៣៣% ទៀ​តត្រូវដឹកជញ្ជូនតាមកំពង់ផែ Cai Mep របស់ប្រទេសវៀតណាម តាមដងទន្លេមេគង្គ។

នៅពេលព្រែកជីកបើកដាក់ឱ្យប្រើប្រាស់ ទំនិញកម្ពុជាត្រូវដឹកជញ្ជូនតាមកំពង់ផែ Cai Mep ត្រូវបានគេរំពឹងថា នឹងថយចុះមកនៅត្រឹម១០%។

គម្រោងព្រែកជីកនេះ ក៏មានគោលបំណងកាត់បន្ថយចម្ងា​យធ្វើដំណើរ និងកាត់បន្ថយថ្លៃដើមពី១.០៨៩ដុល្លារ មកនៅសល់ត្រឹម៩៣៤ដុល្លារអាមេរិក ក្នុងមួយTEU បើធៀបការដឹកជញ្ជូនរវាងកំពង់ផែ Cai Mep និងកំពង់ផែស្វយ័តក្រុងព្រះសីហនុ។

ជាមួយគ្នានេះ ក្រុមហ៊ុនប្រឹក្សាអចលនទ្រព្យ CBRE Cambodia ជឿជាក់ថា ព្រែកជីកនឹងផ្តល់ផលចំណេញ ផ្នែកសេដ្ឋ​កិច្ចភ្លាមៗ និងបង្កើនជម្រើស សម្រាប់ការដឹកជញ្ជូនទំនិញរបស់កម្ពុជា។

CBRE អះអាងថា គម្រោងនេះចូលរួមចំណែកយ៉ាងសំខាន់ដល់សេដ្ឋកិច្ចកម្ពុជា ដោយចាក់បញ្ចូលសាច់ប្រាក់ប្រមាណ១,៧ពាន់លានដុល្លារ ក្នុងរយៈពេល៤ឆ្នាំ ឬស្មើនឹងចំណែកចំនួន៤២%នៃលំហូរ FDI របស់កម្ពុជាក្នុងឆ្នាំ២០២៣។

លើសពីនេះ ក្នុងរយៈពេលវែង ព្រែកជីកហ្វូណន-តេជោមានសារៈសំខាន់យ៉ាងធំធេង ក្នុងឯករាជ្យភាពពាណិជ្ជកម្ម បន្ថែម ពីលើផលប្រយោជន៍សេដ្ឋកិច្ច។ ព្រែកជីកនេះ ក៏ផ្តល់ឱ្យកម្ពុជា នូវច្រកចូលដោយផ្ទាល់ និងចម្ងាយខ្លីជាងមុនទៅកាន់កំពង់ផែសមុទ្រ ក្នុងខេត្តកំពត និងកំពង់ផែក្រុងព្រះសីហនុ និងជួយពង្រឹងតួនាទី យុទ្ធសាស្ត្ររបស់កម្ពុជា ជាមជ្ឈមណ្ឌលដឹកជញ្ជូន បង្កើនភ័ស្តុភារ និងការប្រកួតប្រជែងពាណិជ្ជកម្ម ក្នុងតំបន់ និងផ្តល់អត្ថប្រយោជន៍ដល់វិស័យឧស្សាហកម្ម។

ដើម្បីអាចដើរតួនាទីយ៉ាងសំខាន់ ក្នុងវិស័យភស្តុភារក្នុងតំបន់ ក្រុមហ៊ុន CBRE  បានផ្តល់អនុសាន៍ថា កម្ពុជាចាំបាច់ត្រូវបន្តអភិវឌ្ឍន៍ បណ្តាញហេដ្ឋារចនាសម្ព័ន្ធយុទ្ធសាស្ត្រ ក្នុងរយៈពេលមធ្យម និងរយៈពេលវែង។ ការស្ថាបនាព្រែកជីកហ្វូណនតេជោបង្ហាញ ពីការប្តេជ្ញាចិត្តរបស់កម្ពុជា ក្នុងការធ្វើឱ្យប្រសើរឡើង នូវសន្ទស្សន៍នៃការអនុវត្តន៍ភ័ស្តុភារ (LPI) ដោយសារបច្ចុប្បន្ន ការដឹកជញ្ជូនរបស់កម្ពុជា នៅមានសភាពយឺតយ៉ាវបើធៀបនឹងប្រទេសផ្សេងទៀតក្នុងតំបន់។

កម្ពុជាបាននិងកំពុងអភិវឌ្ឍន៍ ផ្លូវល្បឿនលឿនចំនួន៣ខ្សែ ដើម្បីតភ្ជាប់តំបន់សេដ្ឋកិច្ចសំខាន់ៗ រួមមាន ផ្លូវល្បឿនលឿនភ្នំពេញ-ព្រះសីហនុ  ផ្លូវល្បឿនលឿនភ្នំពេញ-បាវិត និងផ្លូវល្បឿនលឿនភ្នំពេញ -សៀមរាប- ប៉ោយប៉ែត។

រដ្ឋាភិបាលក៏កំពុងរៀបចំផែនការមេ គ្រប់ជ្រុងជ្រោយលើប្រព័ន្ធដឹកជញ្ជូន និងភស្តុភារអន្តរកម្មកម្ពុជាឆ្នាំ ២០២៣-២០៣៣ ដោយត្រូវការទុនវិនិយោគជាង៣៦ពាន់លានដុល្លារ។

ទន្ទឹមនឹងនេះ គម្រោងខ្នាតយក្សក្នុងតំបន់ ដូចជា គំនិតផ្តួចផ្តើមខ្សែក្រវ៉ាត់ និងផ្លូវរបស់ប្រទេសចិន និងគម្រោង Land Bridge តម្លៃរាប់ពាន់់លានដុល្លារ របស់ប្រទេសថៃ ក៏នឹងជះឥទ្ធិពលយ៉ាងខ្លាំង ដល់ការដឹកជញ្ជូនរបស់កម្ពុជាផងដែរ៕

Chief Bank Awards Scholarships to Employees for University Education, Strengthening Community Development

In a significant demonstration of its commitment to both professional growth and community development, Chief Bank has awarded scholarships to over twenty employees across whole branches of the bank. This Corporate Social Responsibility (CSR) initiative is not just about enhancing the skills of its workforce, but also about giving back to the broader Cambodian community. By investing in the education of its employees, Chief Bank is contributing to the country’s social and economic development, helping to build a more knowledgeable and skilled workforce that benefits all of society.

The scholarships have been awarded to employees pursuing degrees in a wide range of disciplines, including Finance, Business Administration, Accounting, Law, Information Technology, Hospitality, Risk Management, and ACCA, in both undergraduate and graduate programs at local and international universities currently. These employees are enrolled in reputable institutions such as the Royal University of Law and Economics (RULE), National University of Management (NUM), University of Economics and Finance (UEF), Beltei University, CamEd Business School, Build Bright University (BBU), Harvard University and University of Oxford.

Empowering Employees, Uplifting Communities

Chief Bank’s CEO, Dr. Soeung Morarith, emphasized the importance of this CSR initiative, stating that “at Chief Bank, we believe that our employees are human capital, most valuable assets and everything. By investing in their education, we are not only enhancing their individual career prospects but also contributing to the fast development of their families and communities; education is the key.

The impact of Chief Bank’s scholarship program extends far beyond the individual recipients. By empowering its employees with good education to bring value proposition, the bank is enabling them to bring back valuable knowledge and skills to their beloved communities. As these employees advance in their careers, they are better equipped to make impactful changes and meaningful contributions to both the banking sector and their local communities, heartedly contributing to fostering economic growth and social development.

Building a Stronger Future for the Bank

Chief Bank offers a comprehensive range of banking services to corporate, SME, and individual clients. The bank is dedicated to delivering exceptional service and innovative financial solutions, with a strong focus on supporting the development of its employees and their communities as a core part of its business strategy.

More importantly, the scholarship program reflects Chief Bank’s deep commitment to giving back to the Cambodian community. By helping to educate the next generation of high professionalism and ethic works, the bank is playing a crucial role in building a stronger, more prosperous future for the country they are investing. This CSR project serves as a powerful example of how private sector initiatives can contribute to the social and economic development of Cambodia, showcasing Chief Bank’s role as a responsible corporate citizen dedicated to the betterment of society.

📩 [email protected]

🌎 https://www.chiefbank.com.kh

ធនាគារ ឈីហ្វ បង្ហាញអំពីការប្តេជ្ញាចិត្តដ៏មោះមុតរបស់ខ្លួន ក្នុងការបង្កើនជំនាញវិជ្ជាជីវៈ និងអភិវឌ្ឍសហគមន៍ ក្នុងនោះធនាគារ ឈីហ្វ បានផ្តល់អាហារូបករណ៍​ដល់បុគ្គលិក​លើសពីម្ភៃនាក់ នៅគ្រប់សាខាទាំងអស់របស់ធនាគារ ឈីហ្វ។ គំនិតផ្តួចផ្តើមកម្មវិធីទំនួលខុសត្រូវសង្គម (CSR) នេះ មិនមែនគ្រាន់តែជាការលើកកម្ពស់​ជំនាញក្នុងការងារប៉ុណ្ណោះទេ ប៉ុន្តែក៏បានរួមចំណែកជួយដល់សហគមន៍វិញផងដែរ។ ការវិនិយោគលើការអប់រំរបស់បុគ្គលិកនេះ ធនាគារ ឈីហ្វ កំពុងចូលរួមចំណែកយ៉ាងសំខាន់ក្នុងការអភិវឌ្ឍសង្គម និងសេដ្ឋកិច្ច តាមរយៈការបង្កើនចំណេះដឹង និងជំនាញ​បន្ថែមទៀតដល់បុគ្គលិក។

អាហារូបករណ៍នេះត្រូវបានផ្តល់ជូន​ដល់បុគ្គលិកដែលកំពុងបន្តការ​សិក្សានៅលើមុខជំនាញជាច្រើនដូចជា ផ្នែកហិរញ្ញវត្ថុ ការគ្រប់គ្រងពាណិជ្ជកម្ម គណនេយ្យ ច្បាប់ ព័ត៌មានវិទ្យា បដិសណ្ឋារកិច្ច ការគ្រប់គ្រងហានិភ័យ និងផ្នែកគណនេយ្យករជំនាញ (ACCA) ដែលរួមមានថ្នាក់បរិញ្ញាបត្រ និងក្រោយបរិញ្ញាបត្រនៅសាកលវិទ្យាល័យក្នុងស្រុក និងអន្តរជាតិ។ ចំពោះបុគ្គលិកដែលទទួលបានអាហារូបករណ៍បានសិក្សានៅក្នុងសាកលវិទ្យាល័យល្បីៗជាច្រើនដូចជា សាកលវិទ្យាល័យភូមិន្ទ​នីតិសាស្ត្រ និងវិទ្យាសាស្ត្រសេដ្ឋកិច្ច (RULE), សាកលវិទ្យាល័យជាតិគ្រប់គ្រង (NUM), សាកលវិទ្យាល័យសេដ្ឋកិច្ច និងហិរញ្ញវត្ថុ (UEF), សាកលវិទ្យាល័យប៊ែលធី, វិទ្យាស្ថាន CamEd, សាកលវិទ្យាល័យ បៀលប្រាយ (BBU), សាកលវិទ្យាល័យ Harvard និងសាកលវិទ្យាល័យ Oxford ជាដើម។

ពង្រឹងសមត្ថភាពបុគ្គលិក និងលើកកម្ពស់សហគមន៍

បណ្ឌិត សឿង ម៉ូរ៉ារិទ្ធ ជាប្រធាននាយកប្រតិបត្តិនៃធនាគារ ឈីហ្វ បានសង្កត់ធ្ងន់លើសារៈ​សំខាន់នៃគំនិតផ្តួចផ្តើមកម្មវិធីទំនួលខុសត្រូវសង្គមនេះ ដោយ​គួសបញ្ជាក់ថា៖ «នៅធនាគារ ឈីហ្វ យើងជឿជាក់ថា បុគ្គលិករបស់យើងគឺជាធនធានមនុស្សដ៏សំខាន់ ជាទ្រព្យដ៏មានតម្លៃបំផុត និងជាអ្វីៗគ្រប់យ៉ាង។ តាមរយៈការវិនិយោគ​លើការសិក្សានេះ យើងមិនត្រឹមតែលើកកម្ពស់ដល់​អាជីពនាពេលអនាគតរបស់បុគ្គលិកប៉ុណ្ណោះទេ ប៉ុន្តែថែមទាំងចូលរួមចំណែក​ជួយ​ដល់គ្រួសារ និងសហគមន៍របស់ពួកគាត់ផងដែរ។ ការសិក្សាអប់រំគឺពិតជាមានសារសំខាន់។

លទ្ធផលដែលទទួលបានពីអាហារូបករណ៍នេះ គឺមិនត្រឹមតែផ្តល់អត្ថប្រយោជន៍ដល់បុគ្គលប៉ុណ្ណោះទេ តែតាមរយៈការពង្រឹងសមត្ថភាពបុគ្គលិក​ជាមួយនឹងចំណេះដឹងល្អៗ ធនាគារកំពុងផ្តល់លទ្ធភាព​ឱ្យពួកគាត់នាំយកចំណេះដឹង និងជំនាញមកជួយដល់​សហគមន៍របស់ខ្លួនវិញ​។ នៅពេលបុគ្គលិកកាន់តែមានភាពរីកចម្រើននៅក្នុងអាជីពរបស់ខ្លួន នោះពួកគាត់នឹងជួយផ្លាស់ប្ដូរ និងរួមចំណែកបានកាន់តែមានប្រសិទ្ធភាពទាំងក្នុង​វិស័យធនាគារ សហគមន៍  ហើយព្រមទាំងជំរុញកំណើនសេដ្ឋកិច្ច និងការអភិវឌ្ឍសង្គម។

កសាងអនាគតកាន់តែរឹងមាំសម្រាប់ធនាគារ

ធនាគារ ឈីហ្វ ផ្តល់ជូនផលិតផល និងសេវាកម្មធនាគារយ៉ាងទូលំទូលាយទៅដល់សាជីវកម្ម សហគ្រាសធុនតូច និងមធ្យម និងបុគ្គល។ ធនាគារបានប្តេជ្ញាចិត្តក្នុងការផ្តល់​ជូននូវសេវាកម្មពិសេស និងដំណោះស្រាយហិរញ្ញវត្ថុប្រកបដោយភាពច្នៃប្រឌិត ដោយផ្តោត​សំខាន់ក្នុងការជួយគាំទ្រដល់ការអភិវឌ្ឍបុគ្គលិក និងសហគមន៍ដែលជាស្នូល​ដ៏សំខាន់នៃយុទ្ធសាស្រ្តអាជីវកម្ម។

មិនតែប៉ុណ្ណោះ កម្មវិធីផ្តល់អាហារូបករណ៍នេះ ឆ្លុះបញ្ចាំងអំពីការប្តេជ្ញាចិត្ត​យ៉ាងមោះ​មុតរបស់ធនាគារ ឈីហ្វ ក្នុងការរួមចំណែកជួយត្រឡប់ទៅដល់សហគមន៍វិញ។ តាមរយៈការអប់រំដល់មនុស្សជំនាន់ក្រោយ​ដែលមានជំនាញវិជ្ជាជីវៈ និងក្រមសីលធម៌ ធនាគារ ឈីហ្វ កំពុងដើរតួនាទីយ៉ាងសំខាន់ក្នុងការកសាងអនាគតដ៏រឹងមាំសម្រាប់ប្រទេសដែលម្ចាស់ភាគហ៊ុនកំពុងវិនិយោគប្រកបដោយវិបុលភាព​។ កម្មវិធីទំនួលខុសត្រូវសង្គមនេះ គឺជាឧទាហរណ៍ដ៏មានកិត្យានុភាពមួយ អំពីរបៀបដែលគំនិតផ្តួចផ្តើមនៃ​ស្ថាប័នរបស់​វិស័យឯកជនអាចចូលរួមចំណែកក្នុងការអភិវឌ្ឍសង្គម និងសេដ្ឋកិច្ចរបស់ប្រទេសកម្ពុជា ហើយបង្ហាញពីតួនាទីរបស់ធនាគារ ឈីហ្វ ក្នុងនាមជាធនាគារដែលមានទំនួលខុសត្រូវ ​ដើម្បីរួមចំណែកធ្វើឱ្យសង្គមជាតិកាន់តែប្រសើរ៕

📩 [email protected]

🌎 https://www.chiefbank.com.kh

Turkish Airlines Outlines Network Priorities

Turkish Airlines has updated its route development priorities, outlining 25 cities globally that it intends to add to its network.

The Star Alliance member has released its latest list of future destinations, which includes eight international points in Europe, four in the Americas, nine in the Middle East and Africa, and two in the Asia-Pacific region.

Two domestic points in Turkey are also included.
Among the destinations listed is Atyrau, a city in western Kazakhstan on the Caspian Sea. Turkish Airlines currently serves four destinations in Kazakhstan, flying up to double-daily to Almaty, daily to Astana and 2X-weekly to both Aktau and Turkistan.

Should the carrier launch a route to Atyrau Airport (GUW), it would become GUW’s second connection to Istanbul Airport alongside Air Astana’s 3X-weekly service.

Other European routes offered from GUW include Air Astana’s flights to Amsterdam; Antalya, Turkey; and Kutaisi, Georgia. Russia’s Aeroflot also operates to the city from Moscow Sheremetyevo.

Turkish Airlines’ list of other future destinations includes other seven international points in Europe—namely Bergen, Norway; Glasgow, Scotland; Iasi and Timisoara, Romania; Katowice, Poland; Nantes, France; and Newcastle, England—alongside domestic points Bayburt and Yozgat in Turkey.

In the Middle East and Africa, the Star Alliance member is eyeing flights to Abha, Saudi Arabia; Aswan, Egypt; Brazzaville, Republic of the Congo; Hargeisa, Somaliland; Lome, Togo; Port Sudan, Sudan; Salalah, Oman; and Windhoek, Namibia.

Two points in the Asia-Pacific region have been earmarked
as future destinations—to Phnom Penh, Cambodia; and Sydney, Australia—as well as four in the Americas region to Lima, Peru; Orlando, U.S.; Rio de Janeiro, Brazil; and Santiago, Chile.

Turkish Airlines has already said it intends to add Santiago “based on market conditions” and could make Sydney its second destination in Australia before the end of the year. Speaking at the Farnborough Airshow in July, Chairman Ahmet Bolat told Aviation Week that the carrier will either increase frequencies to Melbourne or add a new route to Sydney.

“We will grow in Australia,” Bolat said. “Maybe in two years we’ll have daily flights to both Melbourne and Sydney, but later this year we’ll either increase the frequency of Melbourne or add Sydney. We are still debating.”

Source: Aviation Week

ក្រុមហ៊ុនERA Cambodia  ចុះហត្ថលេខាលក់ផ្តាច់មុខសម្រាប់គំរោងខុនដូ Picasso Sky Gemme

       ដោយៈ គង់ សូរិយា

       ភ្នំពេញៈ ក្រុមហ៊ុនERA Cambodiaបានទទួលសិទ្ឋលក់ផ្តាច់

មុខគំរោង Picasso Sky Gemme ដែលអភិវឌ្ឍន៍ដោយក្រុមហ៊ុន Titan Stone Real Estate។

ពិធីចុះហត្ថលេខាលើកិច្ចព្រមព្រៀង ភាពជាដៃគូសហការវាងក្រុមហ៊ុនទាំងពីរ បានធ្វើឡើងនៅសណ្ឋាគារសុខា កាលពីថ្ងៃទី២២ សីហាកន្លងមកនេះ។

យោងតាមបណ្តាញទំនាក់ទំនងសង្គម របស់ក្រុមហ៊ុនERA Cambodia បានលើកឡើងថា ពិតជាមានកិត្តិយស និងសេចក្តីសោមនស្សរីករាយ ក្នុងការក្លាយដៃគូរសហការលក់ផ្ដាច់មុខអគារខុនដូ Picasso Sky Gemme ។

Picasso Sky Gemme នឹងនាំមកនូវការរស់នៅដែលប្រកបទៅដោយគុណភាព ប្រណិតភាព និងភាពស៊ីវិល័យ។

ក្លាយជាម្ចាស់យូនីតដំបូងគេរបស់ Picasso Sky Gemme ជាមួយនឹងតម្លៃ និងការផ្តល់ជូនពិសេសៗ។

MOU Signing Ceremony between ERA Cambodia and Titan Stone Real Estate on August 22, 2024! 🤝😍

ERA Cambodia is honored and pleased to be an exclusive partnership of Picasso Sky Gemme!

Picasso Sky Gemme redefines the skyline, blending art and architecture to create a masterpiece in the heart of the city.

ដំណឹងល្អៈ សម្តេចធិបតីប្រកាសឲ្យម្ចាស់អាជីវកម្មខ្នាតតូចមិនចាំបាច់បង់ពន្ឋ

       ដោយៈ គង់ សួរិយា

       ភ្នំពេញៈ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានប្រកាសឲ្យម្ចាស់អាជីវម្មខ្នាតតូច ដែលមានចំណូលត្រឹម​២៥០លានរៀល មិនចាំបាច់បង់ពន្ឋ និងចុះបញ្ជីរប៉ាតង់អ្វីទាំងអស់។

សម្តេចបានមានប្រសាសន៍បែបនេះ ក្នុងងសារពិសេសកាលពីថ្ងៃទី២ សីហាថា ប្រកាសឲ្យខ្លី គឺម្ចាស់អាជីវកម្មដែលមានចំណូលត្រឹម២៥០លានរៀល មិនមានកាតព្វកិច្ចបង់ពន្ឋ អ្វីទាំងអស់ មិនចាំបាច់ចុះបញ្ជីរប៉ាតង់ និងប្រកាសពន្ឋអ្វីទាំងអស់។

សម្តេចបានបញ្ជាក់ទៀតថា បងប្អូនអាជីវករដែលមានចំណូលដុល ត្រឹម២៥០លានរៀល ចាត់ទុកជាអាជីវម្មប្រភេទមីក្រូ៕

រដ្ឋមន្រ្តីក្រសួងបួនជួបជាមួយនាយកADBប្រចាំកម្ពុជាលើកឡើងពីកិច្ចសហប្រតិបត្តិការបន្ត

       ដោយៈ គង់ សូរិយា

       ភ្នំពេញៈ រដ្ឋមន្រ្តីមកពីក្រសួងចំនួន៤ បានជួបពិភាក្សាការងារ និងលើកទិសដៅពង្រីក កិច្ចសហប្រតិបត្តិការបន្តជាមួ​យធនាគារអភិវឌ្ឍន៍អាស៊ីប្រចាំកម្ពុជា។

ក្នុងជំនួបដែលដឹកនាំ ដោយលោកឧបនាយករដ្ឋមន្រ្តីហង់ ជួនណារ៉ុន រដ្ឋមន្រ្តី រដ្ឋមន្រ្តីក្រសួងអប់រំ យុវជន និងកីឡា មានការអញ្ជើញចូលរួមពីលោកប៉េង ពោធិ៍នា រដ្ឋមន្រ្តីក្រសួងសាធា​រណការ និងដឹកជញ្ជូន និងលោកស្រី រាឆែល ថមសន់ (Rachel Thompson) នាយិកាប្រតិបត្តិ នៃក្រុមប្រឹក្សាធនាគារអភិវឌ្ឍន៍អាស៊ី ដោយមានការអញ្ជើញចូលរួមពី រដ្ឋមន្រ្តីក្រសួងធនធានទឹក និងឧតុនិយម។ រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុនិងមន្រ្តីពាក់ព័ន្ឋជាច្រើនទៀត។

គោលដៅចម្បងនៃជំនួបនេះ ដើម្បីពិនិត្យ និងពិភាក្សាលើវឌ្ឍនភាព នៃកិច្ចសហប្រតិបត្តិការ ដែលមានស្រាប់រវាងកម្ពុជា និងADB ក៏ដូចជា ទិសដៅការងារបន្ត សំដៅចូលរួមចំណែក ដល់កំណើនសេដ្ឋកិច្ចកម្ពុជា។

ថ្លែងក្នុងជំនួបនេះ លោកប៉េង ពោធិ៍នា បានវាយតម្លៃខ្ពស់ចំពោះវឌ្ឍនភាព នៃកិច្ចសហប្រតិបត្តិការរវាងក្រសួងសាធារ​ណការ និងដឹកជញ្ជូន និងធនាគារអភិវឌ្ឍន៍អាស៊ី នាពេលកន្លងមក និងបានជម្រាបជូនអំពីចក្ខុវិស័យ របស់រាជរដ្ឋាភិបាលកម្ពុជា សម្រាប់វិស័យសាធារណការ និងដឹកជញ្ជូន តាមរយៈ ផែនការមេគ្រប់ជ្រុងជ្រាយស្តីពី ប្រព័ន្ធដឹកជញ្ជូនអន្តរមធ្យោ​បា​យ និងភស្តុភារកម្មកម្ពុជា ២០២៣-២០៣៣។

ផែនការនេះ សំដៅជំរុញកសាងហេដ្ឋារចនាសម្ព័ន្ធរូបវន្ត និងអរូបវន្ត ឆ្ពោះទៅរកការអភិវឌ្ឍប្រព័ន្ធ ដឹកជញ្ជូនអន្តរមធ្យោ​បាយ មានការតភ្ជាប់ខ្ពស់ និងភាពប្រទាក់ក្រឡាទាំងផ្ទៃក្នុងប្រទេស និងជាមួយតំបន់ ដែលនឹងបន្តរួមចំណែកជំរុញ និងទ្រទ្រង់កំណើនសេដ្ឋកិច្ចជាតិ ព្រមទាំងបំពេញសេចក្តីត្រូវការសង្គម-សេដ្ឋកិច្ចប្រកប ដោយចីរភាព និងបរិយាប័ន្ន។

ទន្ទឹមនេះ លោករដ្ឋមន្រ្តី ក៏បានស្នើទៅកាន់ភាគីធនាគារអភិវឌ្ឍន៍អាស៊ី ឱ្យបន្តផ្តល់ការគាំទ្រទាំងផ្នែកបច្ចេក និងហិរញ្ញវត្ថុដល់វិស័យសាធារណការ និងដឹកជញ្ជូន ពិសេសគាំទ្រដល់ការអនុវត្តគម្រោងហេដ្ឋារចនាសម្ព័ន្ធ ដែលបានកំណត់ក្នុងផែន​ការមេគ្រប់ជ្រុងជ្រោយ។

ជាការឆ្លើយតប លោកស្រីនាយិកាប្រតិបត្តិ រាឆែល ថមសន់ បានថ្លែងអំណរគុណ និងកោតសរសើរ ចំពោះកិច្ចប្រតិបត្តិការដ៏ល្អប្រសើររវាងADB និងកម្ពុជា និយាយជារួម និងនិយាយដោយឡែករវាង ADB និងក្រសួងសាធារណការ និងដឹកជញ្ជូន ក្នុងវិស័យហេដ្ឋារចនាសម្ព័ន្ធនាពេលកន្លងមក។

បន្ថែមពីនេះ លោកស្រីក៏បានសន្យាថា ធនាគារអភិវឌ្ឍន៍អាស៊ី នឹងបន្តគាំទ្រដល់ការអនុវត្តគម្រោង ក្នុងវិស័យសាធា​រណការ និងដឹកជញ្ជូន ពិសេសគម្រោងអាទិភាព ក្នុងផែនការមេគ្រប់ជ្រុងជ្រោយស្តីពី ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣៕