គម្រោងអគារការិយាល័យកណ្តាលថ្មី របស់ធនាគារ ហត្ថា គ្រោងនឹងបញ្ចប់ឆាប់ៗ ដែលជាសក្ខីភាពនៃការប្តេជ្ញាចិត្តដ៏រឹងមំាក្នុងបេសកកម្មរបស់ខ្លួននៅប្រទេសកម្ពុជា

August 22, 2024

ភ្នំពេញ ថ្ងៃទី១៦ ខែសីហា ឆ្នាំ២០២៤៖ ធនាគារ ហត្ថា ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG សម្តែងនូវមោទនភាពចំពោះគម្រោងអគារការិយាល័យកណ្តាលថ្មីរបស់ខ្លួនដែលមានកម្ពស់២២ជាន់ ស្ថិតលើមហាវិថីសម្តេចតេជោ (ផ្លូវ៦០ម៉ែត្រ) នៅក្នុងរាជធានីភ្នំពេញ ដែលគ្រោងនឹងបញ្ចប់នាពេលដ៏ខ្លីខាងមុខនេះ។ គម្រោងអគារដ៏លេចត្រដែតនេះ ដែលមានទំហំផ្ទៃក្រឡាប្រមាណ ៤០,០០០ ម៉ែត្រការ៉េ គឺជាសក្ខីភាពនៃការប្តេជ្ញាចិត្តដ៏រឹងមំាក្នុងបេសកកម្មរបស់ខ្លួន ចំពោះប្រទេសកម្ពុជា ព្រមទាំងអតិថិជន ផងដែរ។

គម្រោងអគារការិយាល័យថ្មីនេះ គឺជាផ្នែកដ៏សំខាន់មួយនៃចក្ខុវិស័យយុទ្ធសាស្ត្ររបស់ធនាគារ ហត្ថា។ រចនាបទបែបសហសម័យ រួមជាមួយនឹងគ្រឿងបរិក្ខារដ៏ទំនើបទាន់សម័យ បង្ហាញពីការប្តេជ្ញាចិត្តរបស់ធនាគារក្នុងការបំពេញតម្រូវការដែលមានការវិវត្តឥតឈប់ឈររបស់អតិថិជនដ៏មានតម្លៃរបស់ខ្លួន។ គ្រឿងបរិក្ខារនេះ រួមបញ្ចូលគ្នានូវមុខងារជាច្រើនជាមួយនឹងសោភ័ណភាពដ៏គួរឱ្យទាក់ទាញ ដោយផ្តល់នូវសេវាកម្មអតិថិជនកម្រិតស្តង់ដារខ្ពស់ រួមមានសេវាធនាគារអិចឃ្លូស៊ីវ (exclusive banking services) ការិយាល័យធ្វើការ បន្ទប់ប្រជុំ និងគ្រឿងបរិក្ខារដទៃផ្សេងទៀត។ គម្រោងការិយាល័យដែលត្រូវបានរចនាឡើងយ៉ាងហ្មត់ចត់ទាំងនេះ គឺដើម្បីបង្កើនប្រសិទ្ធភាពប្រតិបត្តិការ ក្នុងគោលដៅបម្រើអតិថិជនឱ្យកាន់តែមានប្រសិទ្ធភាព និងមានភាពរលូន។

លោក មិន សុផា ប្រធាននាយកប្រតិបត្តិ នៃធនាគារ ហត្ថា បានមានប្រសាសន៍ថា “គម្រោងអគារការិយាល័យកណ្តាលថ្មីនេះ មានអត្ថន័យលើសពីការិយាល័យធ្វើការទៅទៀត គឺតំណាងឱ្យការប្តេជ្ញាចិត្តដ៏រឹងមាំរបស់ធនាគារ ចំពោះសហគមន៍របស់យើង និងប្រទេសកម្ពុជាទាំងមូល”។ លោកបានបន្ថែមថា “យើងមានមោទនភាពដែលបានឃើញគម្រោងនេះឈានដល់ដំណាក់កាលបញ្ចប់ចុងក្រោយ ហើយយើងទាំងអស់គ្នាកំពុងទន្ទឹងរង់ចាំការបញ្ចប់គម្រោងអគារការិយាល័យថ្មីនេះ ដើម្បីផ្តល់សេវាកម្មធនាគារនូវកម្រិតស្តង់ដារខ្ពស់ ដល់អតិថិជនរបស់យើង និងសាធារណៈជនទូទៅផងដែរ”។

បន្ថែមពីលើនេះ គម្រោងអគារដែលនឹងជិតបញ្ចប់នាពេលខ្លីខាងមុខនេះ បង្ហាញពីការគាំទ្រឥតងាករេពីធនាគារអាណាព្យាបាលរបស់ខ្លួន ដែលបានដើរតួនាទីយ៉ាងសំខាន់ក្នុងការធ្វើឱ្យសម្រេចបាននូវសមិទ្ធផលដ៏មានអត្ថន័យមួយនេះ រួមជាមួយនឹងការប្តេជ្ញាចិត្តយ៉ាងខ្លាំងក្លាក្នុងការលើកកម្ពស់ស្តង់ដារប្រតិបត្តិការរបស់ធនាគារ បន្ថែមពីលើការពង្រឹងបទពិសោធអតិថិជនឱ្យកាន់តែប្រសើរ។

អំពី ធនាគារ ហត្ថា

ធនាគារ ហត្ថា ជាធនាគារពាណិជ្ជដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាល៣០ឆ្នាំមកហើយ ផ្តល់ជូនសេវាហិរញ្ញវត្ថុយ៉ាងទូលំទូលាយដល់អតិថិជនរបស់ខ្លួន។ គិតត្រឹមដំណាច់ឆ្នាំ២០២៣ ធនាគារ ហត្ថា កំពុងកាន់កាប់តំណែងជាធនាគារពាណិជ្ជធំជាងគេលំដាប់ទី៤ផ្អែកលើការិយាល័យប្រតិបត្តិការរបស់ខ្លួន។ ធនាគារ ហត្ថា ជាក្រុមហ៊ុនបុត្រសម្ព័ន្ធរបស់ ធនាគារ ក្រុងស្រ៊ី ដែលជាសម្ព័ន្ធហិរញ្ញវត្ថុធំបំផុតលំដាប់ទី៥ នៅក្នុងព្រះរាជាណាចក្រថៃឡង់ដ៍ ដែលមានអាយុកាលអាជីវកម្មជាង ៧៨ឆ្នាំ។ ធនាគារ ក្រុងស៊្រី ជាសមាជិកយុទ្ធសាស្ត្រនៃសម្ព័ន្ធហិរញ្ញវត្ថុអន្តរជាតិ MUFG Financial Group ដែលជាសម្ព័ន្ធហិរញ្ញវត្ថុធំជាងគេនៅក្នុងប្រទេសជប៉ុន និងធំបំផុតមួយនៅក្នុងពិភពលោក។

សូមបញ្ជាក់ថាធនាគារ ហត្ថា បានទទួលការវាយតម្លៃជាស្ថាប័នមានស្ថិរភាពហិរញ្ញវត្ថុរឹងមាំ តាមរយៈការរក្សាបាននូវចំណាត់ថ្នាក់ BBB+ អស់រយៈពេល០៦ឆ្នាំ ជាប់គ្នា ពីក្រុមហ៊ុន TRIS Rating ដែលចំណាត់ថ្នាក់នេះសបញ្ជាក់ឱ្យឃើញថា ធនាគារ ហត្ថា មានដំណើរការមុខជំនួញរបស់ខ្លួនប្រកបដោយស្ថិរភាព និងឈរជើងឈានមុខគេនៅក្នុងទីផ្សារហិរញ្ញវត្ថុកម្ពុជា។ បន្ថែមជាងនេះទៀត ធនាគារ ហត្ថា ទទួលបានការគាំទ្រយ៉ាងពេញទំហឹងពីសំណាក់ធនាគារ ក្រុងស្រ៊ី ដែលជាភាគទុនិករបស់ខ្លួន ដែលរួមចំណែកជំរុញឱ្យធនាគារ ហត្ថា មានធនធានគ្រប់គ្រាន់ និងមានភាពរឹងមាំយ៉ាងខ្លាំងផ្នែកហិរញ្ញវត្ថុ ក្នុងប្រតិបត្តិការអាជីវកម្មរបស់ខ្លួន។

កម្ពុជាឈរនៅរៀងទី៦ក្នុងតំបន់អាស៊ានដែលទទួលបានភ្ញៀវទេសចរណ៍អន្តរជាតិច្រើនជាងគេ

August 22, 2024

កម្ពុជាឈរនៅរៀងទី៦ក្នុងតំបន់អាស៊ានដែលទទួលបានភ្ញៀវទេសចរណ៍អន្តរជាតិច្រើនជាងគេ

ដោយ: គង់ លាងហួរ

អន្តរជាតិ: នៅក្នុងរយៈពេល៦ខែដំបូង ដើមឆ្នាំ២០២៤នេះ តំបន់អាស៊ានទាំងមូល ទទួលបានកំណើនភ្ញៀវទេសចរណ៍អន្តរជាតិគួរឱ្យកត់សម្គាល់ បន្ទាប់ពីមានការដាក់ចេញនូវគោលនយោបាយលើកលែងទិដ្ឋាការ។

ប្រទេសថៃបានឈរនៅលេខរៀងទី១ ដោយទទួលបានភ្ញៀវទេសចរណ៍បរទេស ចំនួន១៧,៥លាននាក់ នៅក្នុងឆមាសទីមួយឆ្នាំនេះ។ ការណ៍បានធ្វើឱ្យថៃ ក្លាយជាប្រទេសដែលមានអ្នកទស្សនាច្រើនបំផុត នៅតំបន់អាស៊ាន ដោយសារគោលនយោបាយអំណោយផល។

យោងតាមទិន្នន័យ ពីក្រសួងទេសចរណ៍របស់ម៉ាឡេស៊ីបានឱ្យដឹងថា ប្រទេសម៉ាឡេស៊ី បានជាប់ចំណាត់ថ្នាក់លេខ២ ដោយទទួលបានការមកដល់ របស់អ្នកដំណើរអន្តរជាតិចំនួន១១,៨លាននាក់ កើនឡើងជិត៣០% បើធៀបនឹងឆមាសទី១ដូចគ្នាកាលពីឆ្នាំមុន។

ចំណែក ប្រទេសវៀតណាម ជាប់ចំណាត់ថ្នាក់លេខ៣ ដែលមានភ្ញៀវទេសចរណ៍បរទេស ចូលមកទស្សនាចំនួន៨,៨លាននាក់ កើនឡើង៥៨% តាមពីក្រោយដោយចំនួនអ្នកដំណើរបរទេសទៅកាន់ប្រទេសសិង្ហបុរី ចំនួន៨,២៤លាននាក់ កើនឡើង៣១%។

ប្រទេសឥណ្ឌូនេស៊ី ជាប្រទេសមានសេដ្ឋកិច្ចធំជាងគេបំផុត ក្នុងតំបន់អាស៊ានឈរនៅលេខរៀងទី៥ ដោយមានអ្នកទេសចរណ៍បរទេស ប្រមាណ៦,៤លាននាក់ កើនឡើង២១% ខណៈកម្ពុជា បានឈរនៅចំណាត់ថ្នាក់ទី៦ ដោយទទួលបានភ្ញៀវបរទេសចំនួន៣,១៦លាននាក់។

រីឯ ប្រទេសហ្វីលីពីន បានជាប់ចំណាត់ថ្នាក់លេខ៧ ដោយទទួលបានអ្នកដំណើរបរទេស មានចំនួន២,៩លាននាក់ តាមពីក្រោយដោយប្រទេសឡាវ និងប្រទេសមីយ៉ាន់ម៉ា។ នេះបើយោងតាមការប្រមូលចងក្រងឡើង ដោយសារពត៌មាន Vnexpress។

ទន្ទឹមនឹងលទ្ធផលនេះ ក្រុមអ្នកជំនាញបានលើកឡើងថា ប្រទេសថៃ បានដណ្ដើមតំណែងមកវិញ ក្នុងនាមជាជើងឯកទេសចរណ៍ក្នុងតំបន់ បន្ទាប់ពីបាត់បង់តំណែងនេះ ទៅឱ្យម៉ាឡេស៊ីកាលពីឆ្នាំមុន បន្ទាប់ពីថៃបានប្រកាស លើកលែងទិដ្ឋាការជាអចិន្ត្រៃយ៍ សម្រាប់ភ្ញៀវទេសចរណ៍ចិន៕ប្រភព: Vnexpress៕

អូស្ត្រាលីអនុម័តគម្រោងថាមពលអគ្គិសនីតម្លៃ១៣ពាន់លានដុល្លារតាមខ្សែកាបក្រោមសមុទ្រទៅកាន់សិង្ហបុរី

August 22, 2024

អូស្ត្រាលីអនុម័តគម្រោងថាមពលអគ្គិសនីតម្លៃ១៣ពាន់លានដុល្លារតាមខ្សែកាបក្រោមសមុទ្រទៅកាន់សិង្ហបុរី

ដោយ: គង់ លាងហួរ

អន្តរជាតិ: រដ្ឋាភិបាលអូស្ត្រាលី បានអនុម័តគម្រោងតម្លៃ១៣,៥ពាន់លានដុល្លារអាមេរិក ដើម្បីនាំចេញថាមពលសូឡាពីរោងចក្រនៅភាគខាងជើង របស់ប្រទេសអូស្ត្រាលីទៅកាន់ប្រទេសសិង្ហបុរី តាមរយៈខ្សែកាបក្រោមសមុទ្រ ប្រវែង៤.៣០០គីឡូម៉ែត្រ។

រដ្ឋមន្ត្រីក្រសួងបរិស្ថានលោកស្រី Tanya Plibersek មានប្រសាសន៍ឱ្យដឹងថា គម្រោងតភ្ជាប់ថាមពលអូស្ត្រាលី -អាស៊ី របស់ក្រុមហ៊ុនSun Cable នឹងជួយបំពេញកំណើនតម្រូវការ ថាមពលកកើតឡើងវិញ នៅក្នុងស្រុក និងក្រៅប្រទេស។

តាមរយៈគម្រោង តភ្ជាប់ថាមពលអូស្ត្រាលី-អាស៊ី ក្រុមហ៊ុន Sun Cable មានគោលបំណង ចាប់ផ្តើមផ្គត់ផ្គង់អគ្គិសនីនៅដើមទសវត្សរ៍ឆ្នាំ២០៣០។ នេះបើយោងតាមការចុះផ្សាយដោយសារពត៌មាន The Strait Times។

លោកស្រី Plibersek បានបញ្ជាក់ថា ការអនុម័តនេះភ្ជាប់មកជាមួយលក្ខខណ្ឌដ៏តឹងរ៉ឹង ដើម្បីការពារធម្មជាតិ ហើយគម្រោងទំហំ១២.០០០ហិកតា ត្រូវតែបញ្ចៀសការសាងសង់លើជម្រករបស់សត្វជិតផុតពូជ។

តាមរយៈការអភិវឌ្ឍន៍ចំនួន២ដំណាក់កាល គម្រោងនេះមានគោលដៅ ផ្តល់ថាមពលអគ្គិសនី៤ជីហ្គាវ៉ាត់ ដល់បណ្តាក្រុមហ៊ុនឧស្សាហកម្ម ខ្នាតធំនៅទីក្រុង Darwin។ ក្រុមហ៊ុន Sun Cable គ្រោងបញ្ជូនថាមពល២ជីហ្គាវ៉ាត់បន្ថែមទៀត ទៅកាន់សិង្ហបុរី តាមរយៈខ្សែកាបក្រោមសមុទ្រ។ ការណ៍នេះនឹងផ្គត់ផ្គង់ចំណែក១៥% នៃតម្រូវការអគ្គិសនីសរុបរបស់សិង្ហបុរី។

ការអនុម័តនេះកើតឡើង ស្របពេលរដ្ឋាភិបាលអូស្ត្រាលីកំពុងបង្កើនការវិនិយោគ លើគម្រោងថាមពលកកើតឡើងវិញ ទោះបីជាសម្ព័ន្ធក្រុមគណបក្សប្រឆាំង ស្នើឱ្យសាងសង់រោងចក្រនុយក្លេអ៊ែរ ដើម្បីជំនួសថាមពល ប្រើដោយធ្យូងថ្មនៅឆ្នាំ២០៥០យ៉ាងណាក្តី។

លោក Cameron Garnsworthy នាយកគ្រប់គ្រងក្រុមហ៊ុន Sun Cable បានបញ្ជាក់នៅក្នុងសេចក្តីថ្លែងការណ៍មួយថា “ពេលនេះ ក្រុមហ៊ុន Sun Cable នឹងផ្តោតលើកិច្ចខិតខំប្រឹងប្រែងរបស់ខ្លួន លើដំណាក់កាលបន្ទាប់ នៃការរៀបចំផែនការ ដើម្បីជំរុញគម្រោងឆ្ពោះទៅ រកការសម្រេចចិត្តវិនិយោគ នៅឆ្នាំ២០២៧ ស្របតាមគោលដៅ”។

ក្រុមហ៊ុន Sun Cable បានគូសបញ្ជាក់ថា “ខ្លួនបានពិភាក្សាជាមួយក្រុមនិយតករថាមពល របស់ប្រទេសសិង្ហបុរីលើការដាក់លក្ខខណ្ឌ មុនឈានទៅសាងសង់ ខ្សែកាបក្រោមសមុទ្រ និងពិភាក្សាជាមួយរដ្ឋាភិបាលឥណ្ឌូនេស៊ី លើការកសាងខ្សែកាបឆ្លងកាត់ដែនទឹករបស់ឥណ្ឌូនេស៊ី៕ប្រភព: Reuters៕

តម្លៃប្រេង និងផ្សារហ៊ុននៅតំបន់អាសុីបានធ្លាក់ថ្លៃចុះព្រមគ្នានៅថ្ងៃពុធនេះ

August 21, 2024

តម្លៃប្រេង និងផ្សារហ៊ុននៅតំបន់អាសុីបានធ្លាក់ថ្លៃចុះព្រមគ្នានៅថ្ងៃពុធនេះ

ដោយ: គង់ លាងហួរ

អន្តរជាតិ: តម្លៃប្រេងបានធ្លាក់ចុះនៅថ្ងៃពុធនេះ បន្ទាប់ពីមានការប៉ាន់ប្រមាណថា ស្តុកប្រេងឆៅរបស់សហរដ្ឋអាមេរិកបានកើនឡើងកាលពីសប្តាហ៍មុន និងការរំពឹងទុកថា ភាពតានតឹងនៅតំបន់មជ្ឈិមបូព៌ាបានធូរស្រាល។

តម្លៃប្រេងឆៅ Brent futures បានធ្លាក់ចុះ៩សេនដល់៧៧,១១ដុល្លារក្នុងមួយបារ៉ែល គិតត្រឹមម៉ោងសកល 0001 GMT ខណៈតម្លៃប្រេងឆៅ West Texas Intermediate របស់អាមេរិកបានធ្លាក់ចុះ១០សេនដល់៧៣,០៧ដុល្លារក្នុងមួយបារ៉ែល។

បច្ចុប្បន្ន ទីផ្សារបន្តសម្លឹងឃើញឱកាស១០០ភាគរយ ដែលធនាគារកណ្តាលអាមេរិក(Fed) អាចនឹងបញ្ចុះអត្រាការប្រាក់នៅក្នុងខែកញ្ញាខាងមុខ។ នេះបើយោងតាមការចុះផ្សាយដោយសារពត៌មាន Reuters ដោយផ្អែកលើឧបករណ៍ CME FedWatch។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណដុល្លារអាមេរិក ធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានស្ថិតក្នុងសភាពទ្រឹងនៅព្រឹកថ្ងៃពុធនេះ បន្ទាប់ពីបិទការជួញដូរត្រឹម១០១,៤៤ពិន្ទុកាលពីថ្ងៃអង្គារម្សិលមិញ។

ចំណែក ផ្សារហ៊ុននៅតំបន់អាសុីក៏បានធ្លាក់ថ្លៃចុះផងដែរនៅព្រឹកថ្ងៃពុធនេះ ស្របពេលក្រុមអ្នកវិនិយោគកំពុងរង់ចាំអ៊ុតមើលការចេញផ្សាយទិន្នន័យនៃការស្ទង់មតិលើសន្ទស្សន៍អ្នកគ្រប់គ្រងការបញ្ជាទិញ(PMI)របស់សហរដ្ឋអាមេរិក។

តាមរយៈការជួញដូរនៅលើទីផ្សារ សន្ទស្សន៍ផ្សារហ៊ុននៅតំបន់អាស៊ីរបស់ក្រុមហ៊ុនអាមេរិក MSCI នៅក្រៅប្រទេសជប៉ុន បានធ្លាក់ថ្លៃចុះចំនួន០,៤៣ភាគរយ គិតត្រឹមម៉ោង១០:៤៤នាទីព្រឹក។

ជាមួយគ្នានេះ ផ្សារហ៊ុន Nikkei របស់ប្រទេសជប៉ុនបានធ្លាក់ថ្លៃចុះ០,៦៨ភាគរយ ខណៈពេលដែលសន្ទស្សន៍ផ្សារហ៊ុន Hang Seng របស់ទីក្រុងហុងកុងបានធ្លាក់ថ្លៃចុះប្រមាណ០,៨៩ភាគរយ។

ដោយឡែក សន្ទស្សន៍ផ្សារហ៊ុនបន្ទះឈីបពណ៌ខៀវ CSI300 របស់ប្រទេសចិន បានធ្លាក់ថ្លៃចុះ០,១០ភាគរយ ខណៈដែលសន្ទស្សន៍ផ្សារហ៊ុន shanghai Composite បានធ្លាក់ថ្លៃចុះ០,៣៩ភាគរយ។

រីឯ ផ្សារហ៊ុនរបស់ប្រទេសអូស្ត្រាលី S&P /ASX 200 បានធ្លាក់ថ្លៃចុះ០,២៨ភាគរយ ខណៈពេលដែលសន្ទស្សន៍ផ្សារហ៊ុន KOSPI របស់ប្រទេសកូរ៉េខាងត្បូងបានធ្លាក់ថ្លៃចុះ០,០៦១ភាគរយ៕

តំបន់ទួលគោកនៅតែមានប្រជាប្រិយភាពសម្រាប់ទីផ្សារខុនដូ

August 20, 2024

ដោយៈ និស្ស័យ

ភ្នំពេញៈ ជាតំបន់ដែលរីកចម្រើនលឿន ជាមួយនឹងការអភិវឌ្ឍចម្រុះទាំងលំនៅដ្ឋាន មជ្ឈមណ្ឌលពាណិជ្ជកម្ម និងសេវាកម្មចាំបាច់នានា បានធ្វើឲ្យខ័ណ្ឌទួលគោក នៅតែទាក់ទាញការចាប់អារម្មណ៍ របស់អ្នកទិញខុនដូទាំងខ្មែរ និងបរទេស។

បណ្តុំដោយផ្សារទំនើប ធនាគារ សាលារៀន ភោជនីយដ្ឋានទំនើប និងហេដ្ឋារចនាសម្ព័ន្ឋធំទូលាយ ទួលគោកបានក្លាយជាតំបន់CBD(Center Business Development)យ៉ាងឆាប់រហ័ស។

ជាក់ស្តែង គំរោងខុនដូកំពស់២១ជាន់ TK Laneបាននិងកំពុងសម្រេចបាន នូវវឌ្ឍនភាពក្នុងការលក់ ស្របពេលអតិថិជន បានចាប់ផ្តើមចូលស្នាក់នៅតាំងពីខែមិនា ដើមឆ្នាំ២០២៤នេះ។

លោកហេង ឌីណារិទ្ឋប្រធានផ្នែកទីផ្សារ នៃគម្រោងTK Laneបានមានប្រសាសន៍ឲ្យដឹង កាលពីចុងសប្តាហ៍មុនថា ទីផ្សារខុនដូកាន់តែរសរវើ់ក នៅតំបន់ទួលគោក ដោយសារប្រជាពលរដ្ឋកាន់តែច្រើន ពិសេសជនជាតិខ្មែរ បានយល់ពីតម្លៃនៃការរស់នៅក្នុងខុនដូ ដែលមានភាពងាយស្រួល មានសុខសុវត្ថិភាព មានកន្លែងហត់ប្រាណ ស្ទីម សោណា មានទីតាំងនៅជិតកន្លែងធ្វើការ និងមានភាពឯកជនខ្ពស់ ពិសេសគំរោងខុនដូរបស់យើង ស្ថិតនៅក្បែរផ្សារទំនើប សាលារៀន ធនាគារ និងភោជនីយដ្ឋានល្បីៗជាច្រើន។

លោកបន្តថា “គិតរហូតមកទល់ពេលនេះ ខុនដូTK Laneលក់បាន៦៨ភាគរយហើយ ដោយយើងរំពឹងនឹងបញ្ចប់ការលក់១០០ភាគរយនៅដំណាច់ឆ្នាំនេះ”។ លោកបន្តថា “ជារៀងរាល់ខែល្បឿននៃការលក់របស់យើង សម្រេចបានប្រមាណ១០ភាគរយ ខណៈចំនួនអ្នកស្នាក់នៅបានកើនឡើង និងអ្នកទិញខុនដូរួចបានដាក់ជួលអស់តាមយូនីត ដែលបានបញ្ចប់សម្រាប់អតិថិជន”។

លោកហេង ឌីណារិទ្ឋបានបន្តថា ខុនដូកំពស់៧៥ម៉ែត្រនេះ មានយូនីតស្នាក់នៅចាប់ពីជាន់ទី២ ដល់ជាន់ទី១៩ ជាន់ទី២០ជាជាន់អាងហែលទឹក មានអាងហែលទឹក ស្ទីម សោណា និងជាន់ទី២១ ជាPen House ឬវីឡាលើអាកាស។

លោកបន្តថា “អតិថិជនបានចូលមករស់នៅ ចំនួន១៨០ផ្ទះឬយូនីតហើយ ស្របពេលអតិថិជន ទទួលបានប្លង់កម្មសិទ្ឋឯកជន ក៏បានផ្តល់ជូនអតិថិជន ដែលបានបង់ប្រាក់រួច១០០ភាគរយផងដែរ។

លោកខន គង្គាអគ្គនាយកក្រុមហ៊ុនERA Cambodiaបានចាត់ទុកតំបន់ទួលគោក ជាតំបន់មានសក្តានុពលមួយសម្រាប់ទីផ្សារខុនដូ ក្នុងចំណោមតំបន់សក្តានុពលនានា ដួចជា តំបន់បឹងកេងកង១ តំបន់ជ្រោយចង្វារជាដើម។

លោកបន្តថា “តំបន់ទួលគោក មានអំណោយផលលើការស្នាក់នៅ និងការជួល ដោយសារតំបន់នេះ មានហេដ្ឋារចនា សម្ព័ន្ឋល្អប្រសើរ ជាតំបន់ងាយស្រូលក្នុងការរស់នៅ និងជាតំបន់ជនបរទេសរស់នៅច្រើន”៕

បណ្តាក្រុមហ៊ុនអាកាសចរណ៍របស់លោកខាងលិចប្រកាសកាត់បន្ថយចំនួនជើងហោះហើរទៅកាន់ប្រទេសចិន

August 20, 2024

ដោយ: គង់ លាងហួរ

អន្តរជាតិ: បណ្តាក្រុមហ៊ុនអាកាសចរណ៍ លោកខាងលិចបន្តកាត់បន្ថយជើងហោះហើរ ទៅកាន់ប្រទេសចិន ដោយលើកឡើងពីតម្រូវការតិច និងការចំណាយខ្ពស់ក្នុងការបើកបរជៀសដែនអាកាសរបស់រុស្ស៊ី។

យ៉ាងណាមិញ ការកើនឡើងភាពតានតឹង ផ្នែកភូមិសាស្ត្រនយោបាយរវាងទីក្រុងប៉េកាំង សហរដ្ឋអាមេរិក និងសម្ព័ន្ធមិត្តក៏ជាហេតុផលមួយផ្សេងទៀតផងដែរ។ នេះបើយោងតាមការចុះផ្សាយរបស់កាសែត Financial Times ។

សមត្ថភាពប្រកួតប្រជែង របស់បណ្តាក្រុមហ៊ុនអាកាសចរណ៍ លោកខាងលិចបន្តធ្លាក់ចុះ បើធៀបនឹងសមត្ថភាពក្រុមហ៊ុនអាកាសចរណ៍ចិន ព្រោះក្រុមហ៊ុនចិន នៅតែអាចហោះហើរឆ្លងកាត់ទឹកដីរបស់រុស្ស៊ី។

នៅក្នុងខែសីហានេះ ក្រុមហ៊ុនអាកាសចរណ៍ British Airways បានប្រកាសថា ខ្លួននឹងផ្អាកជើងហោះហើររវាងទីក្រុងឡុងដ៍ និងទីក្រុងប៉េកាំង ចាប់ពីខែតុលាខាងមុខ។ ការសម្រេចចិត្តនេះ កើតឡើងតែប៉ុន្មានសប្តាហ៍ប៉ុណ្ណោះ បន្ទាប់ពីក្រុមហ៊ុន Virgin Atlantic បានបិទផ្លូវហោះហើរតែមួយគត់របស់ខ្លួន ទៅកាន់ទីក្រុងសៀងហៃ។

ក្រុមហ៊ុនអាកាសចរណ៍អូស្ត្រាលី Qantas ក៏បានប្រកាសថា ខ្លួននឹងកាត់បន្ថយចំនួនជើងហោះហើរ នៅលើផ្លូវរវាងទីក្រុងស៊ីដនី និងទីក្រុងសៀងហៃ ដោយសារតែចំនួនយន្តហោះមិនគ្រប់គ្រាន់។

យោងតាមទីភ្នាក់ងារផ្តល់ទិន្នន័យ ធ្វើដំណើរជាសកល OAG បានឱ្យដឹងថា ចំនួនជើងហោះហើរអន្តរជាតិ ពីតំបន់អឺរ៉ុប និងតំបន់អាមេរិកខាងជើង ទៅកាន់ប្រទេសចិនសម្រាប់រដូវក្តៅឆ្នាំ២០២៤ បានដាំក្បាលចុះជាង៦០% បើធៀបនឹងកម្រិតកំពូលក្នុងឆ្នាំ២០១៨។

ចាប់តាំងពីឆ្នាំ២០២០ នៅពេលជំងឺរាតត្បាតបានរីករាលដាលពាសពេញពិភពលោក ចំនួនជើងហោះហើរពីប្រទេសលោកខាងលិច ទៅកាន់ប្រទេសចិន បានចាប់ផ្តើមធ្លាក់ចុះយ៉ាងគំហុក។

នៅឆ្នាំ២០២២ ប្រទេសរុស្ស៊ី បានហាមប្រាមមិនឱ្យក្រុមហ៊ុនអាកាសចរណ៍អាមេរិក និងអឺរ៉ុបហោះហើរពីលើដែនអាកាសរបស់ខ្លួន។ ការណ៍នេះ នាំឱ្យតម្លៃប្រេងឥន្ធនៈកើនឡើង និងជាហេតុផលមួយទៀត ចំពោះការកាត់បន្ថយចំនួនជើងហោះហើរទៅកាន់ចិន។

ក្រុមអ្នកជំនាញ ក៏បានចាត់ទុកការប្រែប្រួល នៃទំនាក់ទំនងរវាងចិនជាមួយអាមេរិក និងអឺរ៉ុបជាកត្តារួមចំណែកផងដែរ។ភាពតានតឹងភូមិសាស្ត្រនយោបាយ បានជះឥទ្ធិពលដោយជៀសមិនរួច ហើយជាលទ្ធផលក្រុមហ៊ុនលោកខាងលិច បានកាត់បន្ថយជើងហោះហើរ ទៅកាន់ទីក្រុងប៉េកាំង៕

ប្រភព: RBC Ukraine

មន្រ្តីជាន់ខ្ពស់រដ្ឋាភិបាលជូបពិភាក្សាការងារជាមួយគណៈប្រតិភូគណៈកម្មាធិការទីក្រុងស៊ែមិន

August 20, 2024

ដោយៈ គង់ សូរិយា

ភ្នំពេញៈ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអនុញ្ញាតជូនគណៈប្រតិភូគណៈកម្មាធិការទីក្រុងស៊ែមិន (Xiamen City) នៃក្រុមប្រឹក្សាសភានយោបាយប្រជាជនចិន ដឹកនាំដោយលោក Wei Keliang ប្រធានគណៈកម្មាធិការ ចូលជួបសម្តែងការគួរសម និងពិភាក្សាការងារ។

នៅក្នុងជំនួបនារសៀលថ្ងៃទី២០ សីហាកន្លងមកនេះ លោកឧត្តមឧបនាយករដ្ឋមន្ត្រី បានសម្តែងការស្វាគមន៍យ៉ាងកក់ក្តៅ និងបានថ្លែងអំណរគុណ ជូនចំពោះរដ្ឋាភិបាល និងប្រជាជនចិន ដែលបានរួមចំណែកជួយ ក្នុងកិច្ចការងារអភិវឌ្ឍន៍សង្គមកម្ពុជា នាពេលកន្លងមក។

លោកបន្តថា ក្នុងរយៈពេល៦៦ឆ្នាំមកនេះ មិត្តភាពជាប្រពៃណីរវាងប្រទេសកម្ពុជា និងចិន ដែលបានត្រួសត្រាយដោយប្រមុខដឹកនាំជំនាន់មុនៗ និងបន្តរក្សាទំនាក់ទំនងយ៉ាងយកចិត្តទុកដាក់ ដោយប្រមុខដឹកនាំបច្ចុប្បន្ន បានជំរុញឱ្យភាគីទាំងពីរ បន្តកិច្ចសហប្រតិបត្តិការ យ៉ាងជិតស្និទ្ធស្ទើគ្រប់វិស័យ ដូចជា សេដ្ឋកិច្ច ពាណិជ្ជកម្ម ការវិនិយោគ វប្បធម៌ ទេសចរណ៍ ព្រមទាំងកិច្ចការថ្នាក់តំបន់ និងថ្នាក់អន្តរជាតិ។

ជាមួយគ្នានេះដែរ លោកប្រធានគណៈកម្មាធិការ បានយកឱកាសនេះជម្រាបជូនអំពី បច្ចុប្បន្នភាពនៃស្ថានភាពសេដ្ឋកិច្ច ពាណិជ្ជកម្ម ការវិនិយោគ និងទេសចរណ៍ របស់ទីក្រុងស៊ែមិនដែលជាទីក្រុងឆ្នេរ និងជាទីតាំងបង្កើត តំបន់សេដ្ឋកិច្ចពិសេសមួយ ក្នុងចំណោមតំបន់សេដ្ឋកិច្ចពិសេស៤ដំបូង របស់ប្រទេសចិន។

លោកបានបង្ហាញនូវសុទិដ្ឋិនិយមខ្ពស់ ចំពោះការចុះហត្ថលេខាស្តីពី ការបង្កើតទំនាក់ទំនងសម្ព័ន្ធមេត្រីភាព រវាងខេត្តព្រះសីហនុ កម្ពុជា និងទីក្រុងស៊ែមិន នៃសាធារណរដ្ឋប្រជាមានិតចិន កាលពីថ្ងៃទី១៩ ខែសីហា ឆ្នាំ២០២៤កន្លងទៅ ដើម្បីឈានទៅបង្កើតទំនាក់ទំនង និងកិច្ចសហប្រតិបត្តិការលើគ្រប់វិស័យ ដោយផ្តោតសំខាន់ ទៅលើការគ្រប់គ្រងតំបន់ឆ្នេរ វិស័យកំពង់ផែ ឧស្សាហកម្ម ពាណិជ្ជកម្ម និងទេសចរណ៍។

លោកឧបនាយករដ្ឋមន្ត្រី បានមានប្រសាសន៍បន្ថែមថា អាស្រ័យដោយ ខេត្តនិងក្រុងទាំងពីរ មានសណ្ឋានភូមិសាស្ត្រស្រដៀងគ្នា ដូច្នេះហើយការផ្សព្វផ្សាយ អំពីសក្តានុពល និងកាលានុវត្តភាពល្អៗ រវាងគ្នានិងគ្នា និងការរៀបចំឱ្យមានវេទិកាផ្គូផ្គងធុរកិច្ច គឺជារឿងដែលប្រពៃបំផុត។

លោកស៊ុន ចាន់ថុល ក៏បានលើកឡើងពីគោលគំនិតនៃកិច្ចសហការបង្កើត តំបន់ពាណិជ្ជកម្មសេរី (Free Trade Zone) ជូនទៅភាគីចិន ដើម្បីបានជាមូលដ្ឋាន យកទៅពិនិត្យលទ្ធភាពផងដែរ៕

Hanoi plans 15 metro lines by 2045 at $55B cost

August 20, 2024

Hanoi aims to add five more rail routes to its existing plan for 10 lines, and to build them by 2045 at an estimated US$55 billion.

It is currently making amendments to the General Plan for the Construction of the Capital City of Hanoi and the Transportation Planning of the Capital City.

According to the existing plan for until 2030, the network will have 10 lines with a total length of 410 km, and the city will add 207 km to it.

Speaking at a meeting last Saturday city deputy chairman Duong Duc Tuan said: “Urban rail is a mass public transport system with high speed and capacity, and the backbone of urban transport infrastructure, especially for Hanoi.”

Acknowledging that rail construction has faced challenges in recent times, with only the Cat Linh – Ha Dong line and the elevated section of the Nhon – Hanoi Railway Station line currently in operation, he said the city aims to complete 10 lines by 2035 with a total length of 418 km at a cost of $37 billion.

After reviewing capital sources, it expects to raise $28 billion from other sources and obtain $8 billion from the government.

Source: Vnexpress

រដ្ឋាភិបាលឥណ្ឌូនេស៊ីបង្កើតក្រុមការងារអន្តរក្រសួងដើម្បីរកដំណោះស្រាយបញ្ចុះតម្លៃសំបុត្រយន្តហោះ

August 20, 2024

ដោយ: គង់ លាងហួរ

អន្តរជាតិ: លោក Sandiaga Salahuddin Uno រដ្ឋមន្ត្រីក្រសួងទេសចរណ៍ និងសេដ្ឋកិច្ចច្នៃប្រឌិតអះអាងថា រដ្ឋាភិបាលឥណ្ឌូនេស៊ី កំពុងខិតខំប្រឹងប្រែង ដើម្បីធ្វើឱ្យសំបុត្រធ្វើដំណើរតាមផ្លូវអាកាស កាន់តែមានតម្លៃសមរម្យ សម្រាប់អ្នកដំណើរ។

រដ្ឋាភិបាលឥណ្ឌូនេស៊ី បានបង្កើតក្រុមការងារអន្តរក្រសួងមួយក្នុងគោលដៅដោះស្រាយ បញ្ចុះតម្លៃសំបុត្រយន្តហោះ។ ក្រុមអ្នកជំនាញរំពឹងថា តម្លៃសំបុត្រយន្តហោះក្នុងស្រុកនឹងថយចុះប្រមាណ១០ភាគរយ នៅត្រឹមខែតុលាខាងមុខ។

ក្រុមការងារអន្តរក្រសួង រួមមាន ក្រសួងសម្របសម្រួលកិច្ចការសេដ្ឋកិច្ច ក្រសួងសម្របសម្រួលកិច្ចការសមុទ្រ និងការវិនិយោគ ក៏ដូចជាក្រសួង និងស្ថាប័នពាក់ព័ន្ធផ្សេងទៀត។

កន្លងមក សមាគមក្រុមហ៊ុនអាកាសចរណ៍ជាតិឥណ្ឌូណេស៊ី (INACA) បានវាយតម្លៃថា អាជីវកម្មអាកាសចរណ៍នៅក្នុងប្រទេសកំពុងជាប់គាំង និងបង្កការខាតបង់។ ជាក់ស្ដែង ថ្វីបើសំបុត្រយន្តហោះមានតម្លៃខ្ពស់ ប៉ុន្តែក្រុមហ៊ុនអាកាសចរណ៍ក្នុងស្រុករកប្រាក់ចំណេញមិនបានច្រើនទេ។

លោក Denon Prawiraatmadja ប្រធានសមាគម INACA បានលើកឡើងថា “ក្រុមហ៊ុនអាកាសចរណ៍ កំពុងប្រឈមនឹងការខាតបង់ ដោយសារតែការចំណាយថ្លៃដើមខ្ពស់។ ការណ៍នេះ បានជំរុញឱ្យក្រុមហ៊ុននានា ដំឡើងតម្លៃសំបុត្រយន្តហោះ”។

លោក Sandiaga បានគូសបញ្ជាក់ថា បញ្ហាទាំងអស់នេះនឹងត្រូវបានលើកមកសិក្សា ដើម្បីធានាថា ឧស្សាហកម្មអាកា សចរណ៍ របស់ប្រទេសឥណ្ឌូនេស៊ី អាចដំណើរការប្រកប ដោយប្រសិទ្ធភាព ដូចគ្នានឹងបណ្តាប្រទេសដទៃទៀត។

លោក Alvin Lie អ្នកសង្កេតការណ៍អាកាសចរណ៍ បានចង្អុលបង្ហាញថា បន្ទុកពន្ធខ្ពស់ពីរដ្ឋាភិបាល និងអាកាសយានដ្ឋាន ជាកត្តាចម្បងដែលរួមចំណែក ដល់ការហក់ឡើងតម្លៃសំបុ ត្រយន្តហោះនៅក្នុងប្រទេសឥណ្ឌូនេស៊ី។

យោងតាមលោក Alvin បានឱ្យដឹងថា តម្លៃសំបុត្រយន្ដហោះសម្រាប់អ្នកដំណើរ បានបូករួមបញ្ចូលទាំងថ្លៃប្រតិបត្តិការ និងការថែទាំអាកាសយានដ្ឋាន ក៏ដូចជាថ្លៃសេវាព្រលានយន្តហោះផងដែរ។ នេះជាហេតុធ្វើឱ្យតម្លៃសំបុត្រ កើនឡើងខ្ពស់។

លោក Alvin បានកត់សម្គាល់បន្ថែមទៀតថា តម្លៃសំបុត្រយន្តហោះ ក៏រួមបញ្ចូលអាករលើតម្លៃបន្ថែម ចំនួន១១ភាគរយផងដែរ។

ទន្ទឹមនឹងនេះ ក្រុមហ៊ុនអាកាសចរណ៍ ត្រូវបង់ពន្ធទាំងនេះនៅពេលទិញប្រេងឥន្ធនៈ ហើយក៏បង់ពន្ធលើការនាំចូលយន្តហោះ និងគ្រឿងបន្លាស់។ នេះជាលទ្ធផល នាំឱ្យមានការយកពន្ធត្រួតគ្នាទ្វេរដង ដែលធ្វើឱ្យតម្លៃសំបុត្រយន្តហោះ ហក់ឡើងខ្ពស់៕

ប្រភព: Vnexpress

Western airlines cut flights to China: Reason revealed

August 20, 2024

Western airlines continue to cut flights to China, citing low demand and high costs associated with avoiding Russian airspace. Other reasons include rising geopolitical tensions between Beijing, the US, and its allies, referencing the Financial Times.

The competitiveness of Western airlines compared to Chinese carriers, which still can fly through Russian territory, continues to decline.

This month, British Airways announced it will suspend flights between London and Beijing starting in October. This decision comes just weeks after British Virgin Atlantic closed its sole route to Shanghai.

Australian airline Qantas has also announced it will reduce the number of flights on the Sydney-Shanghai route due to insufficient aircraft
occupancy.

According to industry data provider OAG, the number of international flights from Europe and North America to China for the summer season of 2024 has decreased by more than 60% compared to the peak in 2018.

Russia’s ban on flights of Western carriers over its airspace
Since 2020, when the COVID-19 pandemic spread globally, the number of Western flights to China began to decline sharply.

In 2022, Russia banned flights by American and European airlines over its territory, leading to increased fuel costs. These now account for 25% to 30% of operational expenses. This reason is one of the primary explanations for the reduction in the number of flights.

Before the pandemic and the Russian ban, China had one of the largest aviation markets in the world. Currently, despite efforts to restore demand, it remains significantly lower than in 2019.

Experts also highlight significant changes in China’s relations with the US and Europe as contributing factors. The geopolitical tensions have inevitably impacted demand and, as a result, reduced flights to Beijing.

Source: RBC Ukraine

1...426427428...3,239 Page 427 of 3,239