ដោយ: គង់ លាងហួរ
អន្តរជាតិ: ប្រទេសអូស្ត្រាលី​នៅតែបន្ត​ជា​គោលដៅ​​ដ៏ពេញនិយមសម្រាប់​ក្រុមអ្នក​ជំនាញ​ ពលករ​តាម​រដូវ​កាល​ ឬហៅថា “Seasonal Worker” និង​យុវជន​វ័យ​ក្មេង​ ដែល​ផ្សងព្រេងដើម្បីស្វែងរក​ឱកាស​ការងារ​ និង​បទពិសោធន៍​ថ្មីៗ។

នៅឆ្នាំ២០២៥នេះ រដ្ឋាភិបាលអូស្ត្រាលីបានធ្វើការផ្លាស់ប្តូរគោលនយោបាយ និងសិទ្ធិទទួលបានប្រភេទទិដ្ឋាការការងារជាច្រើន។ ការណ៍នេះបានឆ្លុះបញ្ចាំងឱ្យឃើញពីការយកចិត្តទុកដាក់របស់រដ្ឋាភិបាលអូស្ត្រាលី ក្នុងការដោះស្រាយបញ្ហាកង្វះកម្លាំងពលកម្ម ជំរុញកំណើនសេដ្ឋកិច្ច និងការធានាសំណងសមរម្យសម្រាប់ពលករបរទេស។

ខាងក្រោមនេះ ជាគោលនយោបាយទិដ្ឋាការថ្មីចំនួន៥ ដែលជាធាតុចូលយ៉ាងសំខាន់សម្រាប់អ្នកកំពុងស្វែងរកឱកាសការងារធ្វើនៅក្នុងប្រទេសអូស្ត្រាលីសម្រាប់ឆ្នាំ២០២៥៖

ទី១: ការធ្វើឱ្យប្រសើរឡើងនូវប្រព័ន្ធតេស្តពិន្ទុដើម្បីស្វែងរកជនចំណាកស្រុក ដែលមានជំនាញច្បាស់លាស់។

ការដាក់ឱ្យប្រើប្រាស់ប្រព័ន្ធតេស្តពិន្ទុថ្មីដើម្បីជ្រើសរើសជនចំណាកស្រុក ដែលមានជំនាញ ជាការផ្លាស់ប្តូរដ៏សំខាន់មួយនៃកម្មវិធីគោលនយោបាយរបស់រដ្ឋាភិបាលអូស្ត្រាលី។

ប្រទេសអូស្ត្រាលីបានដាក់ចេញកំណែទម្រង់លើប្រព័ន្ធតេស្តពិន្ទុ នៅក្នុងកម្មវិធីជនចំណាកស្រុកអចិន្ត្រៃយ៍ ដោយផ្អែកលើកត្តានានាដូចជាការអប់រំ ជំនាញភាសាអង់គ្លេស មុខរបរ និងអាយុ ដើម្បីសម្របនឹងកំណើនសេដ្ឋកិច្ចរយៈពេលវែងរបស់ប្រទេសអូស្ត្រាលី។

ទី២: ការដាក់ឱ្យប្រើប្រាស់បញ្ជីមុខរបរជំនាញស្នូល (CSOL)។

បញ្ជីមុខរបរជំនាញស្នូល ឬ Core occupation list (CSOL) ជាបញ្ជីមុខរបរ ដែលមានតម្រូវការចាំបាច់នៅក្នុងប្រទេសអូស្ត្រាលី។ បញ្ជីនេះត្រូវបានបង្កើតឡើងក្នុងគោលបំណង ដើម្បីបញ្ជាក់អំពីតម្រូវការទីផ្សារការងារនាពេលអនាគត ដោយផ្តល់មុខរបរចំនួន៤៥៦ប្រភេទ។

ទី៣: កម្មវិធីផ្តល់ទិដ្ឋាការ “Skills in Demand Visa”។

រដ្ឋាភិបាលអូស្ត្រាលីបានលុបចោលកម្មវិធីទិដ្ឋាការកង្វះជំនាញបណ្តោះអាសន្ន ឬ “Temporary Skill Shortage”ដោយដាក់ជំនួសមកវិញនូវកម្មវិធីផ្តល់ទិដ្ឋាការ “Skills in Demand Visa”។

ទិដ្ឋាការនេះនឹងអនុញ្ញាតឱ្យពលករបរទេស ដែលមានជំនាញតាមតម្រូវការទទួលបានសិទ្ធិស្នាក់នៅអចិន្ត្រៃយ៍ក្នុងប្រទេសអូស្ត្រាលី ដោយមានការធានាឧបត្ថម្ភពីសំណាក់ថៅកែ ឬនិយោជក។

ទី៤: ការដំឡើងកម្រិតប្រាក់បៀវត្សរ៍ដល់ពលករជំនាញបណ្តោះអាសន្ន (TSMIT)។

កម្រិតប្រាក់បៀវត្សរ៍អប្បបរមាប្រចាំឆ្នាំសម្រាប់ពលករជំនាញបណ្តោះអាសន្ន ឬ “Temporary Skilled Migration Income Threshold” (TSMIT) ត្រូវបានដំឡើងពីចំនួន៥៣.៩០០ដុល្លារ ទៅ៧០.០០០ដុល្លារ។

និងទី៥: ការកំណត់កូតាសិស្ស-និស្សិតអន្តរជាតិសម្រាប់ឆ្នាំ២០២៥។

រដ្ឋាភិបាលអូស្ត្រាលីបានប្រកាសអំពីផែនការថ្នាក់ជាតិស្តីពីការកំណត់ចំនួនកូតានិស្សិតអន្តរជាតិថ្មីសម្រាប់កម្មវិធីសិក្សាក្នុងឆ្នាំ២០២៥ ដែលបានចាប់ផ្តើមពីថ្ងៃទី១ ខែមករានេះ។ រដ្ឋាភិបាលអូស្ត្រាលីក៏កំពុងព្យាយាមកាត់បន្ថយចំនួននិស្សិតអន្តរជាតិនៅតាមគ្រឹះស្ថានសិក្សារបស់ខ្លួនដើម្បីរក្សាតុល្យភាព។

ប្រទេសអូស្រ្តាលីក៏បានប្រកាសដំឡើងថ្លៃសេវាផ្តល់ទិដ្ឋាការសម្រាប់និស្សិតបរទេស ដែលជាចំណាត់ការថ្មីមួយរបស់រដ្ឋាភិបាល ដើម្បីទប់ស្កាត់លំហូរជនអន្ដោប្រវេសន៍ ដែលបានបង្កើនសម្ពាធលើទីផ្សារលំនៅដ្ឋានរួចទៅហើយ។

តម្លៃសេវាធ្វើទិដ្ឋាការសម្រាប់សិស្សបរទេសត្រូវបានដំឡើងដល់ចំនួន១.៦០០ដុល្លារអូស្រ្តាលី ឬស្មើនឹង១.០៦៨ដុល្លារអាមេរិក ខណៈកាលពីមុន សេវាធ្វើទិដ្ឋាការសម្រាប់សិស្សបរទេសមានតម្លៃត្រឹមតែ៧១០ដុល្លារអូស្រ្តាលី ឬស្មើនឹង៤៧៣ដុល្លារអាមេរិកប៉ុណ្ណោះ។

ចំណែក អ្នកកាន់ទិដ្ឋាការទេសចរណ៍ និងនិស្សិត ដែលមានទិដ្ឋាការបញ្ចប់ការសិក្សាបណ្តោះអាសន្ន ត្រូវបានហាមឃាត់ពីការស្នើសុំទិដ្ឋាការបន្ត។

រដ្ឋាភិបាលអូស្រ្តាលី ក៏កំពុងរឹតបន្តឹងច្បាប់ផ្តល់ទិដ្ឋាការ ឱ្យនិស្សិតបរទេសបន្តស្នាក់នៅអូស្ត្រាលីផងដែរ បន្ទាប់ពីចំនួនសិស្សដែលមានទិដ្ឋាការបណ្តោះអាសន្នស្រាប់ ក្នុងឆ្នាំសិក្សា២០២២-២០២៣ បានកើនឡើងជាង​៣០ភាគរយ៕ប្រភព: LinkedIn៕

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃព្រហស្បតិ៍នេះ ខណៈទិន្នន័យបង្ហាញថា តម្លៃទំនិញប្រើប្រាស់នៅសហរដ្ឋអាមេរិកបានកើនឡើង២,៩ភាគរយ ក្នុងឆ្នាំ២០២៤កន្លងទៅ។ តួលេខកំណើននេះមានការថយចុះបើធៀបនឹងកំណើនចំនួន៤,១ភាគរយ ក្នុងឆ្នាំ២០២៣។

តួយ៉ាង តម្លៃមាស Spot Gold បានងើបឡើង០,០៥ភាគរយដល់២.៦៩៧ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,២៧ភាគរយដល់២.៧២៥ដុល្លារក្នុងមួយអោនគិតត្រឹមម៉ោង១០:៣៨នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួនជាង៩៧,៣ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី២៩ ខែមករានេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានស្ថិតក្នុងសភាពទ្រឹងនៅព្រឹកថ្ងៃព្រហស្បតិ៍នេះ បន្ទាប់ពីបានបិទការជួញដូរត្រឹម១០៩,០៩ពិន្ទុកាលពីថ្ងៃពុធម្សិលមិញ។

ចំណែក តម្លៃលោហៈធាតុប្រាក់ Spot silver បានងើបឡើង០,៣១ភាគរយដល់៣១,៦៣ដុល្លារក្នុងមួយអោន ខណៈតម្លៃផ្លាទីនបានងើបឡើង០,២៦ភាគរយដល់៩៤៨ដុល្លារក្នុងមួយអោន ហើយតម្លៃ palladium បានធ្លាក់ចុះ០,២២ភាគរយដល់៩៧០ដុល្លារក្នុងមួយអោនគិតត្រឹមម៉ោង១០:៤០នាទីព្រឹក៕

ដោយៈ គង់ សូរិយា

    ភ្នំពេញៈ សម្តេចតេជោក្នុងនាមជាស្ថាបនិកសន្តិភាព នៅកម្ពុជា បានលើកឡើងនូវការវិភាគ ទាក់ទងនឹងសង្រ្គាមរវាងរុស្ស៊ី និងអ៊ុយក្រែន និងការបញ្ចប់សង្រ្គាមនេះ។

សម្តេចតេជោបានសរសេរលើបណ្តាញ ទំនាក់ទំនងសង្គមរបស់ខ្លួនកាលពីថ្ងៃទី១៥ មករា ឆ្នាំ២០២៥ថា ក្រោយលោកត្រាំឈ្នះឆ្នោត និងមុនពេលលោកត្រាំ ចូលកាន់សេតវិមានថ្ងៃ២០ មករា ២០២៥ខាងមុខនេះ មានការលើកឡើងនូវយោបល់ជាច្រើន ទាក់ទងជាមួយជាមួយសង្គ្រាមនៅអ៊ុយក្រែន ដែលលោកត្រាំ គាំទ្រឲ្យមានចរចាសន្តិភាព។ ថ្មីៗនេះប្រមុខណាតូ បាននិយាយថា (អ៊ុយក្រែនមិនទាន់រឹងមាំគ្រប់គ្រាន់ដើម្បីចរចាសន្តិភាពជាមួយរុស្ស៊ីទេ)។ ចំណុចនេះខ្ញុំប្រាកដជាយល់ច្បាស់ថា ប្រមុខ NATO ចង់សំដៅលើសភាពការណ៍លើសមរភូមិយោធា ដែលអ៊ុយក្រែនកំពុងចាញ់ប្រៀប។

សម្តេចតេជោបានលើកជាសំណួរថា តើត្រូវរង់ចាំឲ្យអ៊ុយក្រែន មានប្រៀបលើសមរភូមិយោធាសិនចាំចរចា ឬត្រូវចាប់ផ្តើមចរចាក្នុងស្ថានភាពវាយផងចរចាផង?។

សម្តេចបញ្ជាក់ថា “សម្រាប់ខ្ញុំ ប្រសិនរង់ចាំយកប្រៀបលើសមរភូមិទើបចរចា ត្រូវរង់ចាំរាប់សិបឆ្នាំទៀត ដែលជាការអូសបន្លាយការស្លាប់ និងការឈឺចាប់របស់ប្រជាជនតែប៉ុណ្ណោះ”។ សម្តេចបន្ថែមថា “គ្មានពេលដែលអ៊ុយក្រែន យកប្រៀបលើសមរភូមិយោធាបានទេកុំថាឡើយអ៊ុយក្រែននៅម្នាក់ឯង ទោះអ៊ុយក្រែនចូលជាសមាជិក NATO ឬជាសមាជិក EU ថែមទៀតក៏សភាពការណ៍វានៅតែប៉ុណ្ណឹង”។

ការជាក់ស្តែងរយៈពេលកន្លងមកនេះ កម្លាំង NATO និង EU ក៏ដូចជា អាមេរិកបានចូលរួមប្រយុទ្ធរួចទៅហើយ តាមរយៈការផ្តល់អាវុធគ្រប់ប្រភេទ ហិរញ្ញវត្ថុនិងភស្តុភារ ក៏ដូចជានយោបាយ និងការទូត ដើម្បីប្រយុទ្ធជាមួយរុស្ស៊ី តែសភាពការណ៍កាន់តែអាក្រក់ មិនគ្រាន់តែនៅអ៊ុយក្រែនប៉ុណ្ណោះទេ ថែមទាំងនៅអឺរ៉ុបខ្លួនឯង និងពិភពលោកដោយសារអាវុធទណ្ឌកម្មសេដ្ឋកិច្ចលើរុស្ស៊ី។

នយោបាយទណ្ឌកម្មនេះ ប្រៀបដូចជា (ច្របាច់ករុស្ស៊ី លៀនអណ្តាតអឺរ៉ុបខ្លួនឯង)។

សម្តេចបានរំលេចថា “បទពិសោធន៍ដែលកម្ពុជាបានឆ្លងកាត់ គឺចរចាកាន់តែឆាប់កាន់តែល្អ ទោះចរចាផងវាយផង ក៏គ្រាន់បើជាងការវាយគ្នាតែមួយមុខ។  មិត្តភក្តិ​បរទេសគួរលើកទឹកចិត្ត ឲ្យចរចាជាជាងរារាំងការចរចា និងលើកទឹកចិត្តឲ្យប្រយុទ្ធគ្នាគ្មានទីបញ្ចប់”។ សម្តេចបន្តថា “បទពិសោធន៍របស់កម្ពុជា គឺការរកសន្តិភាពនិងរក្សាសន្តិភាព គឺស្ថិតលើកម្ពុជាខ្លួនឯង ព្រោះបរទេសមិនអាចមកសម្រេចជំនួសខ្លួនបានឡើយ។ ខ្ញុំគិតថាករណីអ៊ុយក្រែន ក៏ដូចគ្នាគឺមានតែមេដឹកនាំអ៊ុយក្រែនប៉ុណ្ណោះ ទើបអាចសម្រេចចិត្តបានថាតើគួរចរចា ឬមិនចរចាមិនមែនប្រមុខណាតូ ឬប្រទេសផ្សេងឡើយ”៕

After Trump won the election and before Trump entered the White House on January 20, 2025, there were many comments regarding the war in Ukraine that Trump supported peace negotiations.

Recently, the NATO chief said that (now Ukraine is not strong enough for peace talks with Russia). I am sure that the NATO chief meant the situation on the military front, which Ukraine is losing. Should we wait for Ukraine to gain an advantage on the military front before negotiating or should we start negotiating while in a state of war?

For me, if we wait to gain an advantage on the military front before negotiating, we will have to wait for hundreds of years, which will only prolong the death and suffering of the people. There is no time for Ukraine to gain an advantage on the military front, not to mention Ukraine being alone, even if Ukraine becomes a member of NATO or the EU, the situation will remain the same.

In fact, in the past, NATO and EU forces, as well as the US, have already joined the fight by supporting Ukraine with all kinds of weapons, finance and logistics, as well as supporting politically and diplomatically to fight Russia, but the situation has worsened not only in Ukraine, but also in Europe itself and the world due to economic sanctions on Russia. (The sanctions aim to strangle Russia’s neck but they also hurt Europe’s tongue).

The experience that Cambodia has gone through is that the sooner the better. Negotiating while fighting is better than fighting alone. Foreign friends should encourage negotiations rather than hindering negotiations and pushing endless fighting. Cambodia’s experience is that finding and maintaining peace is up to Cambodia itself because foreign countries cannot decide for it. I think the same is true for Ukraine. Only the Ukrainian leader can decide whether to negotiate or not, not the head of NATO or other countries.