Siem Reap on Tripadvisor’s 2025 List of Best Destinations

Siem Reap has been named one of the 2025 best destinations by Tripadvisor while Phnom Penh was included in its Trending Destination category.

Siem Reap ranks 14th on its Travelers’ Choice Awards Best of the Best list where Angkor Wat is described as one of the largest religious complexes in the world and, along with the 12th century Angkor Thom royal city, the main reason to visit Siem Reap.

“Get a lesson in national history at the Cambodian Cultural Village, and a lesson in bargaining at the Angkor Night Market, a bonanza of shopping stalls, food vendors, and bars,” Tripadvisor writes on its platform.

The city of London in Great Britain ranks first on the list, followed by Indonesia’s island Bali and the city of Dubai in the United Arab Emirates.

According to Tripadvisor, which is a U.S. company that operates online travel agencies and comparison-shopping websites, the Best of the Best list celebrates the highest level of excellence in travel and is awarded to those who receive a high volume of above-and-beyond reviews and opinions over a 12-month period. Out of our 8 million listings, fewer than 1 percent achieve this milestone, Tripadvisor states.

Siem Reap also ranks 10th on Tripadvisor’s list of Culture Destinations, which celebrate the destinations with vibrant arts scenes and rich heritage that are inspiring travelers throughout the world, Tripadvisor writes.

Phnom Penh ranks 17th in its Trending Destinations category with a description stating that “budget-minded travelers will appreciate Phnom Penh’s reasonably priced hotel rooms.”

Tourists can also explore “the city’s temples, palaces, and the remnants of its French colonial history,” Tripadvisor says at its site. “Just outside the city, the The Killing Fields (Choeung Ek) are a reminder of Cambodia’s tragic past—a somber contrast to the booming city of today.”

Source: Trip advisor

លំហូរប្រាក់កម្ចីចូលក្នុងគម្រោងអចលនទ្រព្យជាប់គាំងនៅប្រទេសចិនកើនឡើងដល់ទំហំទឹកប្រាក់៦៩៥ពាន់លានដុល្លារ

ដោយ: គង់ លាងហួរ
ប៉េកាំង: រដ្ឋបាលនិយតកម្មហិរញ្ញវត្ថុជាតិនៃប្រទេសចិន (NFRA) បានប្រកាសឱ្យដឹងថា ចំនួនប្រាក់កម្ចី ដែលត្រូវបានអនុម័តសម្រាប់គម្រោងអចលនទ្រព្យ“បញ្ជីស” របស់ប្រទេសចិនបានកើនឡើងដល់ទំហំទឹកប្រាក់លើសពី៥ទ្រីលានយ័ន(ប្រហែល៦៩៥,៥ពាន់លានដុល្លារអាមេរិក)។

ស្ថាប័ន NFRA បានគូសបញ្ជាក់ទៀតថា ហានិភ័យនៃបណ្តាស្ថាប័នហិរញ្ញវត្ថុខ្នាតតូច និងមធ្យមរបស់ប្រទេសចិនត្រូវបានកាត់បន្ថយយ៉ាងខ្លាំង ហើយយន្តការ “បញ្ជីស” មានប្រសិទ្ធភាព។

កិច្ចខិតខំប្រឹងប្រែងនឹងត្រូវបានធ្វើឡើងដើម្បីពន្លឿនការធ្វើកំណែទម្រង់ និងការកាត់បន្ថយហានិភ័យនៃបណ្តាគ្រឹះស្ថានហិរញ្ញវត្ថុខ្នាតតូច និងមធ្យម និងដើម្បីជួយដល់ស្ថាប័នដែលមានហានិភ័យខ្ពស់។

រដ្ឋបាលនិយតកម្មហិរញ្ញវត្ថុជាតិនៃប្រទេសចិន (NFRA) ក៏បានអះអាងផងដែរពីការប្តេជ្ញាចិត្តក្នុងការពង្រីកយន្តការ“បញ្ជីស” និងបង្កើនប្រសិទ្ធភាពរបស់យន្តការនេះ និងបង្កើតគំរូអភិវឌ្ឍន៍ថ្មីនៃវិស័យអចលនទ្រព្យក្នុងស្រុក។

យន្តការ “បញ្ជីស” ត្រូវបានចាប់ផ្តើមអនុវត្តន៍នៅក្នុងខែមករា ឆ្នាំ២០២៤ ខណៈអាជ្ញាធរមូលដ្ឋានកំពុងលើកទឹកចិត្តឱ្យស្ថាប័នហិរញ្ញវត្ថុនានាផ្តល់ការគាំទ្រផ្នែកហិរញ្ញវត្ថុដល់គម្រោងអចលនទ្រព្យដែលមានលក្ខណៈសម្បត្តិគ្រប់គ្រាន់។

យន្តការ “បញ្ជីស”នេះត្រូវបានបង្កើតឡើងនៅក្នុងគោលបំណងដើម្បីធានាឱ្យបាននូវការសាងសង់បញ្ចប់គម្រោងលំនៅដ្ឋានដែលមិនទាន់រួចរាល់ ដើម្បីអាចប្រគល់ជូនអ្នកទិញ។

យន្តការនេះក៏បានក្លាយជាផ្នែកមួយនៃកិច្ចខិតខំប្រឹងប្រែងរបស់ប្រទេសចិនក្នុងការស្តារឱ្យវិស័យអចលនទ្រព្យមានស្ថិរភាពឡើងវិញផងដែរ និងជំរុញទំនុកចិត្ត បន្ទាប់ពីរងគ្រោះដោយសារបញ្ហាបំណុលរបស់បណ្តាក្រុមហ៊ុនអភិវឌ្ឍន៍អចលនទ្រព្យ។

រដ្ឋាភិបាលចិនបានលើកឡើងថា ការធានាការប្រគល់ផ្ទះជាកិច្ចការសំខាន់មួយក្នុងការលើកកម្ពស់ការអភិវឌ្ឍន៍ទីផ្សារអចលនទ្រព្យប្រកបដោយស្ថិរភាព និងសុខភាពល្អ ហើយនេះជាសកម្មភាពជាក់ស្តែងមួយ ដែលប្រកាន់ខ្ជាប់នូវទស្សនវិជ្ជានៃការអភិវឌ្ឍន៍ ដោយផ្តោតការយកចិត្តទុកដាក់ទៅលើប្រជាជន និងឆ្លើយតបនឹងកង្វល់របស់សាធារណជន។

លើសពីនេះ យន្តការ “បញ្ជីស”ក៏ជាវិធានការយ៉ាងរឹងមាំមួយក្នុងការការពារ និងដោះស្រាយហានិភ័យអចលនទ្រព្យ ព្រមទាំងដើម្បីលើកកម្ពស់ស្ថិរភាព និងជំរុញការងើបឡើងវិញនៃទីផ្សារអចលនទ្រព្យ៕ប្រភព: Xinhua ៕

តើកម្ពុជាមានតំបន់សេដ្ឋកិច្ចពិសេសកើនដល់ប៉ុន្មានទីតាំងហើយ?

ដោយៈ និស្ស័យ

ភ្នំពេញៈ តំបន់សេដ្ឋកិច្ចពិសេស បាននិងកំពុងបន្តដើរតួនាទីសំខាន់ក្នុងការទាក់ទាញការវិនិយោគ លើវិស័យឧស្សាហកម្មមកកាន់កម្ពុជា។

យោងតាមរបាយការណ៍ របស់ក្រុមប្រឹក្សាអភិវឌ្ឍន៍កម្ពុជាបានបង្ហាញក្នុងពិធីមួយ នៅខេត្តស្វាយរៀង កាលពីចុងសប្តាហ៍មុនថា តំបន់សេដ្ឋកិច្ចពិសេស នៅតែបន្តដើរតួនាទីយ៉ាងសំខាន់ ក្នុងការទាក់ទាញ ការវិនិយោគនៅកម្ពុជា ដែលរហូតមកទល់ពេលបច្ចុប្បន្ន កម្ពុជាមានតំបន់សេដ្ឋកិច្ចពិសេសសរុបចំនួន៥២តំបន់ ដែលកំពុងដំណើរការមានចំនួន២៨តំបន់ ដោយបានស្រូបយកគម្រោងវិនិយោគប្រមាណ៨៣៥គម្រោង ក្នុងទំហំទឹកប្រាក់វិនិយោគជាង១១,៧ពាន់លានដុល្លារអាមេរិក និងបានផ្តល់ការងារជូនបងប្អូនកម្មករនិយោជិតប្រមាណជាង១៩,៥ម៉ឺនកន្លែង។

ដោយឡែក នៅក្នុងខេត្តស្វាយរៀង មានតំបន់សេដ្ឋកិច្ចពិសេសចំនួន១២ ដែលកំពុងដំណើរការ ហើយបានស្រូបទាញគម្រោងវិនិយោគប្រមាណ២៨០គម្រោង ក្នុងទុនវិនិយោគប្រមាណ៣ពាន់លាន ដុល្លារអាមេរិក និងបានផ្តល់ការងារជូនបងប្អូនកម្មករ និយោជិតប្រមាណ៩៨,០០០កន្លែង។

សម្រាប់តំបន់សេដ្ឋកិច្ចពិសេស ស៊ីនបាវិត បានស្រូបយកគម្រោងវិនិយោគចំនួន១១គម្រោង ហើយវិស័យដែលគួរឱ្យកត់សម្គាល់នោះគឺការផលិតសំបកកង់យានយន្ត ដែលជាឧស្សាហកម្មមួយថ្មី និងប្រើប្រាស់បច្ចេកវិទ្យាខ្ពស់មិនធ្លាប់មាននៅកម្ពុជា។ ក្នុងចំណោមគម្រោងវិនិយោគផលិតសំបកកង់យានយន្តចំនួន៦ ដែលមានវត្តមាននៅកម្ពុជា ក្នុងនោះមានគម្រោងវិនិយោគ ផលិតសំបកកង់យានយន្តចំនួន២ ដែលបោះទីតាំងវិនិយោគ នៅក្នុងតំបន់សេដ្ឋកិច្ចពិសេសនេះ ក្នុងនោះមានគម្រោងវិនិយោគមួយ ដែលយើងកំពុងចូលរួមអបអរសាទរពិធីបើកការដ្ឋានសាងសង់រោងចក្ររបស់ក្រុមហ៊ុន វ៉ាន់លី ថាយអឺ (ខេមបូឌា) ឯ.ក WANLI TIRE (CAMBODIA) CO., LTD. នាពេលនេះ៕

សមាគមCVEAបង្កើតគណៈកម្មការដើម្បីទទួលស្វាគមន៍អ្នកវិនិយោគអន្តរជាតិ

ដោយៈ គង់ សូរិយា

ភ្នំពេញៈ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA)បានសម្រេចបង្កើតគណៈកម្មការមួយ ដើម្បីធ្វើការផ្សព្វផ្សាយ និងចាប់ដៃគូជាមួយអ្នកធុរកិច្ចអន្តរជាតិ ដែលចង់ចូលមកវិនិយោគក្នុងវិស័យសំំណង់ និងអចលនទ្រព្យ។

លោកស៊ា ឆៃលីន ដែលទើបត្រូវបានតែងតាំងជាអនុប្រធានសមាគមនេះ បាននិងកំពុងរៀបចំដឹកនាំគណៈកម្មការនេះ ដោយលោកបានមានប្រសាសន៍ឲ្យដឹង កាលពីចុងសប្តាហ៍មុនថា លោកបាននិងកំពុងរៀបចំគ្រោងឆ្អឹង និងសមាសភាពមូយចំនួន ដែលត្រូវមានផែនការយុទ្ឋសាស្រ្ត និងគោលដៅច្បាស់លាស់ ដើម្បីជួយដល់វិស័យនេះ និងជួយដល់អ្នកវិនិយោគ ដែលចូលមកប្រទេសកម្ពុជា។

លោកបញ្ជាក់ថា “នៅក្នុងសមាគមយើងមានទម្រង់ការងារ និងក្រុមដែលមានជំនាញច្បាស់លាស់មួយ សម្រាប់វិស័យអចលនទ្រព្យនៅកម្ពុជា”។ លោកបន្តថា “ហេតុនេះ អ្នកវិនិយោគអន្តរជាតិចូលមក មានក្រុមរបស់សមាគមដែលអាចទុកចិត្តបាន ដោយសារយើងមានវិជ្ជាជីវៈ ក្រមសីលធ៌ម និងច្បាស់លាស់លើផ្នែកនិមួយៗ”។

លោកស៊ា ឆៃលីនបានបន្តថា គណៈកម្មការនេះ នឹងធ្វើការជាសេនាធិការជាមួយក្រសួងស្ថាប័នពាក់ព័ន្ឋ ដោយនៅពេលពួកគាត់ទាក់ទាញអ្នកវិនិយោគពីបរទេសមក គឺមានសមាគមដែលមានអ្នកជំនាញ ដើម្បីជួយសម្របសម្រួលក្នុងកិច្ចការងារនេះ។

លោកបន្តថា “អ្នកវិនិយោគបទេស ដែលយើងផ្តោតសំខាន់គឺកូរ៉េ ជប៉ុន តៃវ៉ាន់ ហុងកុង ចិន និងបណ្តាអ្នកធុរកិច្ច មកពីបណ្តាប្រទេសជាសមាជិកអាស៊ាន”៕

លោកឧកញ៉ាបណ្ឌិតគីម ហ៊ាងៈ ការទិញផ្ទះជាការល្អបំផុតដោយសារហេតុផលមួយចំនួន

ដោយៈ ស៊ីវ ម៉េង

ភ្នំពេញៈ ជាអ្នកជំនាញលោកបណ្ឌិត គីម ហ៊ាង ស្ថាបនិកបុរីវិមានសំណាង បានលើកឡើងថា នៅឆ្នាំ២០២៥នេះ គឺជាឆ្នាំដែលល្អបំផុតសម្រាប់ការទិញផ្ទះ ខណៈផ្ទះដែលបានសង់រួចរាល់ជាច្រើន កំពុងនៅសល់នៅក្នុងទីផ្សារ។

លោកបានពន្យល់ថា នៅឆ្នាំ២០២១ ២០២២ និង២០២៣ ចំនួនផ្ទះ ដែលបានសាងសង់រួចរាល់នៅសល់ច្រើន ដែលធ្វើឱ្យម្ចាស់ផ្ទះមួយចំនួនចង់បញ្ចេញលក់ឱ្យអស់។ ទន្ទឹមគ្នានេះ ធនាគារមួយចំនួនក៏អាចនៅសល់លុយ ដែលទទួលបានពីការដាក់ប្រាក់បញ្ញើ កាលពីឆ្នាំ២០២៤ ដែលត្រូវបញ្ចេញឱ្យអ្នកស្វែងរកប្រាក់កម្ចី។ នេះគឺជាឱកាសសម្រាប់អ្នកដែលចង់ទិញផ្ទះ ហើយបង់រំលស់ជាមួយធនាគារ។

លោកបានពន្យល់បន្តថា វាជាឱកាសយ៉ាងម៉េច? គឺធនាគារមួយចំនួន នៅឆ្នាំ២០២៤បានទទួលប្រាក់បញ្ញើច្រើន ដែលត្រូវការបញ្ចេញ រកអ្នកមកខ្ចី។ អ្នកអភិវឌ្ឍន៍លំនៅដ្ឋានដែលសង់ផ្ទះ នៅសល់ផ្ទះ អីចឹងនៅឆ្នាំ២០២៥នេះ អ្នកដែលចង់ទិញ គួរទៅទិញផ្ទះ។

លោកបញ្ជាក់ថា “យុទ្ធសាស្រ្តដែលខ្ញុំប្រាប់ស្រួលទេ គឺនាំគ្នាទៅទិញលើសពីមួយផ្ទះ ដើម្បីអាចចរចាបញ្ចុះតម្លៃ”។

លោកឧកញ៉ាបណ្ឌិតគីម ហ៊ាបបានបន្ថែមថា បច្ចុប្បន្ននេះ ផ្ទះដែលមានតម្លៃ១០ម៉ឺនដុល្លារ ប្រសិនបើចរចាឱ្យបញ្ចុះមក៧ម៉ឺន ឬ៨ម៉ឺន គេនឹងអាចលក់ ព្រោះផ្ទះដែលសង់ហើយ គេមិនចង់ទុកនាំឱ្យខូចនោះទេ ដូច្នេះហើយម្ចាស់នឹងសប្បាយចិត្តលក់ ក្នុងតម្លៃដែលបានបញ្ចុះសមរម្យមួយ។

អ្វីដែលពិសេសជាងនេះទៅទៀតនោះ រដ្ឋាភិបាលក៏ផ្តល់ភាពអនុគ្រោះលើការមិនបង់ពន្ធប្រថាប់ត្រា ចំពោះអ្នកទិញផ្ទះលើកដំបូង ដែលមានតម្លៃក្រោម២០ម៉ឺនដុល្លារ។ ដូច្នេះហើយ បើមិនទិញក្នុងឆ្នាំ២០២៥ទេ គឺគ្មានឆ្នាំណាដែលល្អជាងនេះនោះទេ។ ប្រសិនបើរងចាំ២ទៅ៣ឆ្នាំទៀតបាន អាចនឹងមិនបានតម្លៃល្អ ឬលក្ខខណ្ឌល្អនោះទេ៕

រាជធានីភ្នំពេញ និងខេត្តសៀមរាបជាប់ក្នុងចំណោមគោលដៅទេសចរណ៍ពេញនិយម និងល្អបំផុតទាំង២៥ នៅឆ្នាំនេះ

ដោយ: គង់ លាងហួរ
អន្តរជាតិ: ខេត្តសៀមរាបរបស់ប្រទេសកម្ពុជាបានជាប់ឈ្មោះជាគោលដៅមួយក្នុងចំណោមគោលដៅល្អបំផុតនៅឆ្នាំ២០២៥ របស់គេហទំព័រ Tripadvisor ខណៈរាជធានីភ្នំពេញត្រូវបានបញ្ចូលក្នុងបញ្ជីគោលដៅដែលកំពុងពេញនិយម។

ខេត្តសៀមរាបបានជាប់ចំណាត់ថ្នាក់ទី១៤ ក្នុងចំណោមគោលដៅទេសចរណ៍ចំនួន២៥ នៅក្នុងបញ្ជី “Travelers’Choice Awards Best of the Best” ដែលប្រាសាទអង្គរវត្តត្រូវបានពិពណ៌នាថា ជាប្រាសាទសាសនាដ៏ធំបំផុតមួយក្នុងពិភពលោក រួមជាមួយនឹងទីក្រុងអង្គរធំនាសតវត្សទី១២ ជាហេតុផលចម្បងដែលត្រូវមកទស្សនាខេត្តសៀមរាប។

ទីភ្នាក់ងារ Tripadvisor បានសរសេរនៅលើគេហទំព័ររបស់ខ្លួនថា “ភ្ញៀវទេសចរណ៍ដែលមកទស្សនាខេត្តសៀមរាបអាចទទួលបានមេរៀនប្រវត្តិសាស្ត្រនៅភូមិវប្បធម៌កម្ពុជា និងមេរៀនក្នុងការចរចាតម្លៃទំនិញនៅផ្សាររាត្រីអង្គរ តូបលក់ទំនិញ អាជីវករលក់អាហារ និងបារ”។

ទីក្រុងឡុងដ៍នៃប្រទេសអង់គ្លេសជាប់ចំណាត់ថ្នាក់លេខ១នៅក្នុងបញ្ជីខាងលើ តាមពីក្រោយដោយកោះបាលីរបស់ប្រទេសឥណ្ឌូនេស៊ី និងទីក្រុងឌូបៃក្នុងប្រទេសអេមីរ៉ាត់អារ៉ាប់រួម។

Tripadvisor សរសេរបន្តថា ខេត្តសៀមរាបក៏ជាប់ចំណាត់ថ្នាក់ទី១០ក្នុងបញ្ជីគោលដៅទេសចរណ៍វប្បធម៌ផងដែរ ដោយសារទិដ្ឋភាពសិល្បៈរស់រវើក និងបេតិកភណ្ឌយ៉ាងសំបូរបែប ដែលទាក់ទាញអ្នកធ្វើដំណើរជុំវិញពិភពលោក។

រាជធានីភ្នំពេញជាប់ចំណាត់ថ្នាក់ទី១៧ នៅក្នុងចំណោមគោលដៅទេសចរណ៍ចំនួន២៥ ដែលកំពុងពេញនិយម(Trending)។ ត្រង់ចំណុចនេះ Tripadvisor បានលើកឡើងថា “អ្នកធ្វើដំណើរដែលមានបំណងចំណាយប្រាក់តិចនឹងពេញចិត្តចំពោះបន្ទប់សណ្ឋាគារដែលមានតម្លៃសមរម្យនៅរាជធានីភ្នំពេញ”។

Tripadvisor បានគូសបញ្ជាក់ថា “ភ្ញៀវទេសចរណ៍ក៏អាចស្វែងយល់ពីសំណង់អគារប្រវត្តិសាស្ត្រក្នុងសម័យអាណានិគមបារាំងនៅទីក្រុងភ្នំពេញផងដែរ។ ក្រៅពីនេះ វាលពិឃាតបឹងជើងឯក ជាការរំលឹកពីអតីតកាលដ៏សោកនាដកម្មរបស់កម្ពុជា ខុសផ្ទុយស្រឡះពីទីក្រុង ដែលកំពុងមានការរីកចម្រើននាពេលបច្ចុប្បន្ននេះ”។

កាលពីឆ្នាំ២០២៤កន្លងទៅ ភ្ញៀវទេសចរណ៍បរទេសសរុបចំនួន៦,៧លាននាក់បានធ្វើដំណើរចូលមកទស្សនាប្រទេសកម្ពុជា ដែលភាគច្រើនមានប្រភពមកពីប្រទេសថៃ វៀតណាម ចិន ឡាវ និងសហរដ្ឋអាមេរិក៕ប្រភព: Tripadvisor៕

តម្លៃហាងឆេងមាសបានធ្លាក់ថ្លៃចុះនៅថ្ងៃច័ន្ទនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះក្នុងការជួញដូរនៅព្រឹកថ្ងៃច័ន្ទនេះ បន្ទាប់ពីរបាយការណ៍បង្ហាញថា ទីផ្សារការងាររបស់សហរដ្ឋអាមេរិកបានកើនឡើងដោយមិននឹកស្មានដល់នៅក្នុងខែធ្នូ ឆ្នាំ២០២៤ ដោយអត្រាអ្នកអត់ការងារធ្វើបានធ្លាក់ចុះមកនៅត្រឹមចំនួន៤,១ភាគរយ។

តួយ៉ាង តម្លៃមាស Spot Gold បានធ្លាក់ចុះ០,១៤ភាគរយដល់២៦៨៥,៩២ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,០១ភាគរយដល់២៧១៤,៨០ដុល្លារក្នុងមួយអោនគិតត្រឹមម៉ោង១០:៣៥នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួនជាង៩៧,៣ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី២៩ ខែមករានេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់១០៩,៨៨ពិន្ទុនៅព្រឹកថ្ងៃច័ន្ទនេះ បន្ទាប់ពីបានបិទការជួញដូរត្រឹម១០៩,៦៥ពិន្ទុកាលពីថ្ងៃសុក្រសប្តាហ៍មុន។

ចំណែក តម្លៃលោហៈធាតុប្រាក់ Spot silver បានធ្លាក់ចុះ០,៣៨ភាគរយដល់៣១,១៩ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៥ភាគរយដល់៩៩១,១ដុល្លារក្នុងមួយអោន ហើយតម្លៃ palladium បានធ្លាក់ចុះ០,២ភាគរយដល់៩៦៦,៥ដុល្លារក្នុងមួយអោនគិតត្រឹមម៉ោង១០:៣៨នាទីព្រឹក៕

តើគំរោងហេដ្ឋារចនាសម្ព័ន្ឋធំៗចំនួន១២ ដែលរដ្ឋាភិបាលគ្រោងសាងសង់ស្ថិតនៅទីណាខ្លះ?

ដោយៈ គង់ សូរិយា

ភ្នំពេញៈ អ្នកជំនាញសេដ្ឋកិច្ច និងប្រមុខរដ្ឋាភិបាលសុទ្ឋតែបានផ្តល់សារៈសំខាន់ដល់ការសាងសង់ហេដ្ឋារចនាសម្ព័ន្ឋ ដើម្បីជម្រុញនិងបង្កើនល្បឿនកំណើនសេដ្ឋកិច្ចជាតិ។

ជាក់ស្តែងពីរទសវត្សរ៍ចុងក្រោយនេះ រដ្ឋាភិបាលបានវិនិយោគលើហេដ្ឋារចនាសម្ព័ន្ឋតូចធំ ទូទាំងប្រទេសក្នុងទឹកប្រាក់រាប់ពាន់លានដុល្លារអាមេរិក ក្រោមជំនួយពីដៃគូអភិវឌ្ឍន៍ និងកការវិភាជន៍ថវិការបស់រដ្ឋាភិបាល។

លោក ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានស្នើឲ្យក្រសួងសាធារណការ និងដឹកជញ្ជូនដែលមានលោក ប៉េង ពោធិ៍នា ជារដ្ឋមន្រ្តី ខិតខំពន្លឿននីតិវិធីក្នុងការអនុវត្ត គម្រោងអភិវឌ្ឍហេដ្ឋារចនាសម្ព័ន្ធផ្លូវ-ស្ពានសំខាន់ៗចំនួន១២គម្រោង ដែលជាឥណទានសម្បទាន និងហិរញ្ញប្បទានឥតសំណងពីបណ្តាប្រទេសជាមិត្ត និងដៃគូអភិវឌ្ឍន៍នានា។

ថ្លែងនៅក្នុងពិធីបិទសន្និបាតបូកសរុបលទ្ធផលការងារ របស់ក្រសួងសាធារណការ និងដឹកជញ្ជូនកាលពីពេលថ្មីៗនេះ លោក ស៊ុន ចាន់ថុល បានលើកពីគម្រោងហេដ្ឋារចនាសម្ព័ន្ធផ្លូវ-ស្ពាន សំខាន់ៗទាំង១២ ដែលជាគម្រោងយុទ្ធសាស្រ្តក្នុងការជំរុញនីតិវិធី ធ្វើយ៉ាងណាអាចឈានទៅចុះកិច្ចព្រមព្រៀង បើកការដ្ឋានសាងសង់នាពេលខាងមុខក្នុងនោះរួមមាន៖

ទី១ ផ្លូវជាតិលេខ៥០សេ និងស្ពានឆ្លងកាត់ទន្លេសាបពីខេត្តកំពង់ឆ្នាំងទៅខេត្តកំពង់ធំ។

ទី២ កំណាត់ផ្លូវជាតិលេខ៣ (ត្រពាំងរពៅ-វាលរេញ)។

ទី៣ ផ្លូវជាតិលេខ៥៧(បាត់ដំបង-អូរព្រះ)

ទី៤ កំណាត់ផ្លូវជាតិលេខ៦ (ត្រពាំងធំ-ស្លក្រាម)

ទី៥ -ផ្លូវជាតិលេខ៦៧ (សៀមរាប-អន្លង់វែង-ជាំ/សាដាំ)

ទី៦ -ផ្លូវជាតិលេខ៦៨ (ក្រឡាញ់-អូរស្មាច់)

ទី៧ កំណាត់ផ្លូវជាតិលេខ៧ (រមាត-ត្រពាំងគៀល) (រង់ចាំជំនួយឥតសំណង)

ទី៨ ផ្លូវជាតិលេខ៧០បេ (ទន្លេបិទ-ស្រីសន្ធរ-ព្រែកតាមាក់-ក្រុងអរិយក្សត្រ-ល្វាឯម- ពាមរក៍)

ទី៩ ផ្លូវជាតិលេខ៨ (ព្រែកតាមាក់-ក្រែក)

និងទី១០ ផ្លូវជាតិតភ្ជាប់ពីខេត្តបាត់ដំបងទៅខេត្តសៀមរាប និងស្ពានមិត្តភាពកម្ពុជា-កូរ៉េ។

លើសពីនេះ លោកស៊ុន ចាន់ថុលបានជំរុញកិច្ចសហការរវាងក្រុមការងារបច្ចេកទេស នៃក្រសួងសាធារណការ និង ដឹកជញ្ជូននិងក្រុមហ៊ុនវិនិយោគ រួមទាំងភាគីពាក់ព័ន្ធលើការសិក្សាលម្អិត ដើម្បីឈានទៅការអនុវត្តគម្រោងផ្លូវល្បឿនលឿនភ្នំពេញ -សៀមរាប-ក្រុង ប៉ោយប៉ែត ក្រោមក្របខ័ណ្ឌភាពជាដៃគូរវាងរដ្ឋ និងឯកជន។

ក្នុងចំណោមគម្រោងសំខាន់ៗ ដែលលោកស៊ុន ចាន់ថុល ស្នើឲ្យខិតខំពន្លឿននីតិវិធីទាំង១២គម្រោង លោក ស៊ុន ចាន់ថុល បានលើកយកគម្រោងអាទិភាពទី១ ដែលលោកផ្តល់អនុសាសន៍ដល់ក្រសួងសាធារណការ និងដឹកជញ្ជូនខិតខំសម្រេចឲ្យបាន នៅក្នុងឆ្នាំ២០២៤ គឺគម្រោងសាងសង់ផ្លូវជាតិ ៥០C ដែលប្រើប្រាស់ថវិកាពីរដ្ឋាភិបាលចិន មានប្រវែងប្រមាណ៥៨គីឡូម៉ែត្រ ក្នុងនោះមានស្ពានប្រវែង ៣៣០០ម៉ែត្រ ដែលតភ្ជាប់ពីខេត្តកំពង់ឆ្នាំងទៅខេត្តកំពង់ធំ ដោយត្រូវចរចាតម្លៃជាមួយមិត្តចិន ដើម្បីអាចឈានទៅបើកការដ្ឋានសាងសង់ឲ្យបានឆាប់បំផុត៕

រដ្ឋាភិបាលជប៉ុន និងវិស័យឯកជនកំពុងបោះទុនវិនិយោគក្នុងវិស័យអវកាស ដើម្បីប្រជែងនឹងក្រុមហ៊ុនអាមេរិក SpaceX

ដោយ: គង់ លាងហួរ
អន្តរជាតិ: ក្រុមហ៊ុន Toyota របស់ប្រទេសជប៉ុនកំពុងបណ្តាក់ទុនវិនិយោគ៤៤លានដុល្លារនៅក្នុងក្រុមហ៊ុនរ៉ុក្កែតជប៉ុន Interstellar Technologies ដើម្បីប្រកួតប្រជែងជាមួយក្រុមហ៊ុនយក្ស SpaceX របស់កំពូលមហាសេដ្ឋីពិភពលោក លោក Elon Musk ។

ក្រុមហ៊ុនផលិតរថយន្តមួយនេះមានគោលបំណងជួយដល់ក្រុមហ៊ុនរ៉ុក្កែតជប៉ុន Interstellar Technologies ក្នុងការផលិតរ៉ុក្កែត ដែលមានតម្លៃទាប សំដៅពង្រីកទីផ្សារអវកាសពាណិជ្ជកម្ម។

ការវិនិយោគនេះគូសបញ្ជាក់ឱ្យឃើញអំពីមហិច្ឆិតារបស់រដ្ឋាភិបាលជប៉ុនក្នុងការជំរុញវិស័យអវកាសក្នុងស្រុករបស់ខ្លួន ដែលពិបាកប្រកួតប្រជែងជាមួយក្រុមហ៊ុនយក្ស ដូចជា SpaceX ជាដើម។

ករណីបាញ់បង្ហោះគ្រាប់រ៉ុក្កែតដោយជោគជ័យរបស់ប្រទេសជប៉ុននៅតែមានចំនួនតិចតួច បើប្រៀបធៀបនឹងសហរដ្ឋអាមេរិក និងប្រទេសចិន ដែលបានបាញ់រ៉ុក្កែតរាប់សិបគ្រាប់ ឬចំនួនជាង១០០គ្រាប់ក្នុងមួយឆ្នាំៗ។

ក្រុមហ៊ុនជប៉ុន Interstellar Technologies មានគោលបំណងបាញ់បង្ហោះរ៉ុក្កែតឱ្យបានចំនួន៣០គ្រាប់ក្នុងមួយឆ្នាំៗ នៅដើមទសវត្សរ៍ឆ្នាំ២០៣០។ ប៉ុន្តែ ក្រុមហ៊ុននេះបានទទួលស្គាល់ពីតម្រូវការចាំបាច់លើការផ្លាស់ប្តូររចនាសម្ព័ន្ធនៃឧស្សាហកម្មអវកាសរបស់ប្រទេសជប៉ុន។

ក្រុមហ៊ុន Interstellar Technologies គ្រោងនឹងប្រើប្រាស់ជំនាញផ្នែកផលិតកម្មរបស់ក្រុមហ៊ុន Toyota ដើម្បីជំរុញដំណើរការផលិតគ្រាប់រ៉ុក្កែតប្រកបដោយគុណភាពខ្ពស់ សន្សំសំចៃ និងអាចផ្លាស់ប្ដូរទំហំរ៉ុក្កែតបាន។

រដ្ឋាភិបាលជប៉ុនក៏បានផ្តល់ការគាំទ្រដល់វិស័យនេះផងដែរ ដោយបានបង្កើតមូលនិធិយុទ្ធសាស្រ្តក្នុងទំហំទឹកប្រាក់ចំនួន១ទ្រីលានយ៉េន(ប្រមាណ៦,៣ពាន់លានដុល្លារ)សម្រាប់ជួយក្រុមហ៊ុនទើបចាប់ផ្តើមអាជីវកម្មថ្មី(Startups) ក្រុមហ៊ុនផលិត និងស្ថាប័នស្រាវជ្រាវ ដែលទាក់ទងនឹងលំហអវកាស៕ប្រភព: The Times Of India៕

ទីផ្សារអចលនទ្រព្យរបស់ម៉ាឡេសុី និងសិង្ហបុរីនឹងទទួលផលវិជ្ជមានពីតំបន់សេដ្ឋកិច្ចពិសេសរួមរវាងប្រទេសទាំង២

ដោយ: គង់ លាងហួរ
អន្តរជាតិ: ក្រុមហ៊ុនបច្ចេកវិទ្យាអចលនទ្រព្យ Juwai IQI អះអាងថា តំបន់សេដ្ឋកិច្ចពិសេស Johor-Singapore (JS-SEZ) ត្រូវបានគេរំពឹងថា នឹងផ្លាស់ប្តូរទីផ្សារអចលនទ្រព្យនៅក្នុងប្រទេសម៉ាឡេស៊ី និងសិង្ហបុរី។

លោក Kashif Ansari សហស្ថាបនិក និងជានាយកប្រតិបត្តិក្រុមហ៊ុន Juwai IQI លើកឡើងថា “រដ្ឋ Johor នឹងទទួលបានលំហូរវិនិយោគផ្ទាល់ពីបរទេស (FDI) សកម្មភាពផលិតកម្ម ទេសចរណ៍ និងសកម្មភាពអចលនទ្រព្យ”។

លោកបានបន្តថា កំណើននេះនឹងជះឥទ្ធិពលរាលដាលទៅកាន់ប្រទេសម៉ាឡេស៊ីទាំងមូល ដោយពង្រីកវិសាលភាពអត្ថប្រយោជន៍កាន់តែធំ។

អ្នកជំនាញរូបនេះបានអះអាងថា“នៅក្នុងសេណារីយ៉ូវិជ្ជមាន កំណើនសេដ្ឋកិច្ចរបស់រដ្ឋ Johor នឹងកើនឡើងកាន់តែលឿនជាងមុន។ រដ្ឋនេះនឹងជួយបង្កើនផលទុនជាតិសរុប (GDP) របស់ម៉ាឡេសុីចន្លោះពី០,៥%ទៅ០,៩%ក្នុងរយៈពេលមួយទសវត្សរ៍ក្រោយ”។

លោកបានបញ្ជាក់ថា “នោះមានន័យថា តំបន់សេដ្ឋកិច្ចពិសេសថ្មី អាចចាក់បញ្ចូលទំហំទឹកប្រាក់ចន្លោះពី១០,៨ពាន់លានរីងហ្គីតទៅ១៩,៨ពាន់លានរីងហ្គីត ទៅក្នុងសេដ្ឋកិច្ចជាតិរបស់ប្រទេសម៉ាឡេស៊ីក្នុងរយៈពេល១០ឆ្នាំខាងមុខ”។

ទាក់ទងនឹងវិស័យអចលនទ្រព្យ លោក Kashif បានបញ្ជាក់ថា តំបន់ JS-SEZ នឹងទាក់ទាញក្រុមហ៊ុន និងអ្នកវិនិយោគកាន់តែច្រើនទៅកាន់រដ្ឋ Johor។ ដូច្នេះ ការណ៍នេះនឹងបង្កើនតម្រូវការលំនៅដ្ឋាន ការិយាល័យ ឧស្សាហកម្ម និងភស្តុភារ ព្រមទាំងជំរុញតម្លៃដីធ្លីសម្រាប់ការអភិវឌ្ឍន៍ផងដែរ។

លោកបន្តទៀតថា “នៅពេលដែលលំហូរទំនិញ ប្រជាជន និងអាជីវកម្មរវាង រដ្ឋ Johor និងសិង្ហបុរី ត្រូវបានសម្រួលឱ្យកាន់តែរលូន នោះសេដ្ឋកិច្ចរបស់ប្រទេសទាំងពីរនឹងកើនឡើង”។

លោកបានមានប្រសាសន៍ឱ្យដឹងបន្ថែមថា “បណ្តាក្រុមហ៊ុននានានឹងមិនចាំបាច់ជ្រើសរើសថា តើខ្លួនគួរវិនិយោគនៅប្រទេសម៉ាឡេស៊ី ឬសិង្ហបុរីនោះទេ ពីព្រោះតំបន់ JS-SEZ នឹងផ្តល់ឱ្យក្រុមហ៊ុនទាំងនោះនូវគុណសម្បត្តិរួមគ្នារបស់ប្រទេសទាំងពីរ បូករួមទាំងការលើកទឹកចិត្តបន្ថែម”៕ប្រភព: NST Online៕

1...449450451...3,378 Page 450 of 3,378