ការសិក្សាថ្មីរកឃើញស្ថានភាពទីផ្សារអចលនទ្រព្យកម្ពុជាក្នុងឆ្នាំ២០២៥មានសភាពដូចម្តេច?

ដោយ: គង់ លាងហួរ

ភ្នំពេញ: យោងតាមការព្យាករណ៍របស់ក្រុមអ្នកជំនាញបានបង្ហាញថា វិស័យអចលនទ្រព្យនៅកម្ពុជាក្នុងឆ្នាំ២០២៥នេះ នឹងជួបប្រទះលក្ខខណ្ឌស្រដៀងគ្នា ទៅនឹងស្ថានភាពក្នុងឆ្នាំ២០២៤ ដោយតម្លៃអចលនទ្រព្យលំនៅដ្ឋានត្រូវបានគេរំពឹងថា អាចបន្តស្ថិតនៅទ្រឹង។

ទោះជាយ៉ាងណាក្តី ក្រុមអ្នកជំនាញបានសង្កេតឃើញនូវទិដ្ឋភាពវិជ្ជមានមួយចំនួន លើតម្រូវការប្រភេទអចលនទ្រព្យមួយចំនួន ជាពិសេសផ្នែកអចលនទ្រព្យឧស្សាហកម្ម ត្រូវបានគេរំពឹងថា នឹងមានភាពប្រសើរឡើង។

នៅក្នុងព្រឹត្តិការណ៍“Fearless Forecast”ប្រចាំឆ្នាំ២០២៥ ដែលរៀបចំឡើង ដោយក្រុមហ៊ុនប្រឹក្សាអចលនទ្រព្យ CBRE Cambodia នៅថ្ងៃទី១៤ ខែមករា លោកស្រី គឹម គិនកេសា អគ្គនាយិកាក្រុមហ៊ុនCBRE Cambodia បានមានប្រសាសន៍ឱ្យដឹងថា តម្រូវការលំនៅដ្ឋាន អគារការិយាល័យ ផ្សារទំនើប និងមជ្ឈមណ្ឌលពាណិជ្ជកម្ម នឹងបង្ហាញសញ្ញាប្រសើរឡើងជាងមុនបន្តិច។

ទោះជាយ៉ាងណាក្តី លោកស្រីជឿជាក់ថា តម្លៃអចលនទ្រព្យអាចបន្តស្ថិតក្នុងសភាពទ្រឹងដដែល។

អ្នកជំនាញរូបនេះរំពឹងថា ការកើនឡើងនៃតម្រូវការអចលនទ្រព្យនៅក្នុងវិស័យឧស្សាហកម្ម នឹងក្លាយជាទិដ្ឋភាពវិជ្ជមានបំផុត នៃទីផ្សារអចលនទ្រព្យកម្ពុជានៅឆ្នាំនេះ។

លោកស្រីបានថ្លែងក្នុងព្រឹត្តិការណ៍“Fearless Forecast” ថា“ខ្ញុំជឿជាក់ថា ផ្នែកអចលនទ្រព្យឧស្សាហកម្ម នឹងស្ទុះងើបឡើងវិញ មុនផ្នែកផ្សេងទៀត ហើយផ្នែកនេះនឹងមានអនាគតវែងឆ្ងាយ”។លោកស្រីបន្ថែមថា “និន្នាការនេះពុំមែនកើតឡើង តែនៅក្នុងប្រទេសកម្ពុជានោះទេ ប៉ុន្តែវាក៏កើតឡើងនៅតាមបណ្តាប្រទេសជិតខាងដូចជា វៀតណាម ថៃ និងម៉ាឡេស៊ីផងដែរ”។

លោកស្រីបានកត់សម្គាល់ថា លំហូរវិនិយោគផ្ទាល់ពីបរទេសចូលមកកម្ពុជា បានកើនឡើងជាបណ្តើរៗចាប់តាំងពីចុងឆ្នាំ២០២៤ ជាមួយនឹងការកើនឡើង នៃតម្រូវការដីសម្រាប់សាងសង់រោងចក្រ និងតំបន់សេដ្ឋកិច្ចពិសេស។

លោកស្រីបានវាយតម្លៃថា “កំណើននេះបណ្តាលមកពីភាពតានតឹង ដែលកំពុងកើនឡើង រវាងបណ្តាប្រទេសមហាអំណាចសេដ្ឋកិច្ចនៅលើពិភពលោក ជាពិសេសជម្លោះពាណិជ្ជកម្ម រវាងសហរដ្ឋអាមេរិក និងប្រទេសចិន”។

អ្នកឧកញ៉ា សំ សុខនឿន ប្រធានក្រុមហ៊ុន SAM SN Group បានសម្តែងមតិថា ទាំងឆ្នាំ២០២៤ និងឆ្នាំ២០២៥ គេសង្កេតឃើញមានតម្រូវការច្រើន សម្រាប់ផ្នែកអចលនទ្រព្យឧស្សាហកម្ម ដូចជាដីសម្រាប់សាងសង់រោងចក្រ សួនឧស្សាហកម្ម តំបន់សេដ្ឋកិច្ចពិសេស ឬឃ្លាំងជាដើម។

អ្នកឧកញ៉ាបង្ហាញសុទិដ្ឋិនិយមថា “ស្ថានភាពទីផ្សារអចលនទ្រព្យនៅឆ្នាំ២០២៥ អាចមានភាពល្អប្រសើរជាងឆ្នាំ២០២៤ ជាពិសេសទាក់ទងនឹងដីធ្លី សម្រាប់បម្រើដល់ការអភិវឌ្ឍន៍វិស័យឧស្សាហកម្មក្នុងប្រទេសកម្ពុជា”។

ទោះបីជាយ៉ាងណាក្តី ស្ថានភាពទីផ្សារអចលនទ្រព្យលំនៅដ្ឋានអាចនឹងស្ថិតនៅទ្រឹងដដែល ដូចស្ថានភាពកាលពីឆ្នាំ២០២៤កន្លងទៅ ដោយសារតែការផ្គត់ផ្គង់ លើសតម្រូវការនៅតែជាបញ្ហាចម្បង។

អ្នកឧកញ៉ាសំ សុខនឿនបានព្រមានថា “វិស័យអចលនទ្រព្យកម្ពុជានៅឆ្នាំ២០២៥នេះ នឹងមិនទាន់ស្ទុះងើបឡើងវិញ ដល់កម្រិតក្នុងឆ្នាំ២០១៩ នៅឡើយទេ”។

ដើម្បីជួយជំរុញកំណើននៃវិស័យអចលនទ្រព្យ កាលពីថ្ងៃទី៣១ ខែធ្នូ ឆ្នាំ២០២៤ ក្រសួងសេដ្ឋកិច្ច និងហិរញ្ញវត្ថុបានប្រកាសលើកលែង និងអនុគ្រោះពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ សម្រាប់អ្នកទិញលំនៅដ្ឋាន និងផ្ទេរកម្មសិទ្ធិជាលើកដំបូង ដោយអនុវត្តន៍ពេញមួយឆ្នាំ២០២៥។

បទប្បញ្ញត្តិថ្មីនេះ មានគោលបំណងលើកទឹកចិត្ត ដល់ការបង្កើនការទិញផ្ទះ ពីបណ្តាក្រុមហ៊ុនអភិវឌ្ឍន៍នានា រួមទាំងអគារបុរីលំនៅដ្ឋាន ឬខុនដូ។ ទន្ទឹមគ្នានេះ ពលរដ្ឋដែលមានលំនៅដ្ឋានទី២ ឬបន្តបន្ទាប់ក៏ត្រូវទទួលបានការអនុញ្ញាត ឱ្យដកចេញពីមូលដ្ឋានគិតពន្ធប្រថាប់ត្រាលើការផ្ទេរកម្មសិទ្ធិចំនួន៧ម៉ឺនដុល្លារអាមេរិក។

ដោយឡែក ការទិញលំនៅដ្ឋាន ពីក្រុមហ៊ុនអភិវឌ្ឍន៍លំនៅដ្ឋានដែលពុំមានអាជ្ញាប័ណ្ណអាជីវកម្មអភិវឌ្ឍន៍ និងលំនៅដ្ឋានដែលម្ចាស់គម្រោងមានបញ្ហា ឬក្ស័យធន តែត្រូវបានអនុញ្ញាតឱ្យផ្ទេរកម្មសិទ្ធិកាន់កាប់ តាមរយៈយន្តការដោះស្រាយរបស់ក្រសួង ឬស្ថាប័នពាក់ព័ន្ធក៏ត្រូវទទួលបានការលើកលែង និងការអនុគ្រោះពន្ធប្រថាប់ត្រាដូចគ្នាផងដែរ។

ក្រុមជំនាញនៅក្រុមហ៊ុន CBRE Cambodia បានលើកឡើងថា ការលើកទឹកចិត្តដល់អ្នកទិញផ្ទះដំបូង តាមរយៈការលើកលែងពន្ធប្រថាប់ត្រាលើផ្ទះ ដែលមានតម្លៃក្រោម២១មុឺនដុល្លារ ផ្តល់អត្ថប្រយោជន៍ដល់អ្នកទិញ ដោយកាត់បន្ថយថ្លៃដើម និងជំរុញតម្លៃសមរម្យ។

គោលនយោបាយនេះលើកទឹកចិត្ត បុគ្គលកាន់តែច្រើនឱ្យឈានជើងចូលក្នុងទីផ្សារលំនៅដ្ឋាន ផ្តល់ភាពបត់បែនផ្នែកហិរញ្ញវត្ថុ និងសម្របសម្រួលការផ្លាស់ប្តូរ ពីការជួលទៅជាការទិញ។ ការណ៍នេះនឹងជួយជំរុញទីផ្សារលំនៅដ្ឋាន ប្រកបដោយបរិយាបន្ន និងជួយធ្វើឱ្យអត្រាកាន់កាប់ផ្ទះមានស្ថិរភាព។

ក្រុមហ៊ុន CBRE Cambodia អះអាងថា ការលើកទឹកចិត្តនេះនឹងពន្លឿនការផ្ទេរកម្មសិទ្ធិ សំដៅកាត់បន្ថយហានិភ័យនៃជម្លោះ ដែលអាចកើតមាន។ ការលើកលែងពន្ធទាំងនេះ ក៏នឹងផ្តល់ឱកាសដល់អ្នកអភិវឌ្ឍន៍ក្នុងការពន្លឿន កិច្ចខិតខំប្រឹងប្រែងនៅឆ្នាំ២០២៥ ដោយផ្តោតលើអ្នកទិញផ្ទះសម្រាប់គោលបំណងវិនិយោគ៕ប្រភព: CBRE៕

អ្នកស្រាវជ្រាវបង្ហាញសមិទ្ឋផលធំៗរបស់សម្តេតេជោចំនួន៩ចំណុច ក្នុងឱកាសខួប៤០ឆ្នាំនៃការកាន់អំណាចជានាយករដ្ឋមន្រ្តី

ដោយៈ គង់ សូរិយា

ភ្នំពេញៈ ជាអ្នកវិភាគ និងស្រាវជ្រាវ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិកម្ពុជា នៃរាជបណ្ឌិត្យសភាកម្ពុជា បានបង្ហាញអំពី សមិទ្ធផលធំៗចំនួន៩ចំណុចរបស់ សម្តេចតេជោ ហ៊ុន សែនប្រធានព្រឹទ្ធសភា ក្នុងឱកាសខួបទី៤០ឆ្នាំនៃការឡើងកាន់តំណែងជានាយករដ្ឋមន្ត្រី(១៤ មករា ១៩៨៥ – ១៤ មករា ២០២៥)។

លោកបានរៀបរាប់ថា ថ្ងៃនេះជាខួបទី៤០ឆ្នាំនៃការឡើងកាន់តំណែងជានាយករដ្ឋមន្ត្រីរបស់សម្តេចតេជោ ហ៊ុន សែន ដែលបច្ចុប្បន្នជាប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា។

លោកបណ្ឌិតបានបញ្ជាក់ថា ខ្ញុំសូមឡើងនូវចំណុចកត់សម្គាល់នូវសមិទ្ធផលធំៗចំនួន៩ចំណុច ដែលសម្តេចតេជោបានសាងចំពោះប្រជាជាតិកម្ពុជា ដូចជា ទី១- សម្តេចជាអ្នកដឹកនាំចលនាតស៊ូរំដោះប្រទេសចេញ ពីរបបប្រល័យពូជសាសន៍ ប៉ុល ពត ដែលនេះជាការលះបង់ដ៏ធំធេងបំផុតរបស់សម្តេចតេជោ ហ៊ុន សែន ក៏ដូចជាថ្នាក់ដឹកនាំគណបក្សប្រជាជនកម្ពុជា ដែលបានយកអាយុជីវិតជាដើមទុនរំដោះប្រជាជាតិកម្ពុជា ឱ្យចេញផុតពីរបបប្រល័យពូជសាសន៍។

ទី២- សម្តេចតេជោ ហ៊ុន សែន បន្ទាប់ពីរំដោះប្រទេស និងប្រជាជនចេញពីរបបប្រល័យ ពូជសាសន៍ហើយនោះ សម្តេចបានខិតខំសព្វបែបយ៉ាង ដើម្បីទប់ស្កាត់ការវិលត្រឡប់មកវិញ នៃរបបប្រល័យពូជសាសន៍ ដោយដាក់ចេញយុទ្ធសាស្ត្រ និងគោលនយោបាយសំខាន់ៗជាច្រើន ដើម្បីធានាភាពរស់រានមានជីវិតរបស់ប្រជាជាតិកម្ពុជា។

ទី៣- សម្តេចតេជោ ហ៊ុន សែន ចាប់ពីក្រោយថ្ងៃរំដោះ៧ មករា ១៩៧៩ មក គឺសម្តេច បានខិតខំ ប្រឹងប្រែង កសាងស្តារសេដ្ឋកិច្ច ក្នុងស្ថានភាពដៃម្ខាងទប់ស្កាត់ការវិលត្រឡប់មកវិញ នៃរបប ប្រល័យពូជសាសន៍ និងដៃម្ខាងខំប្រឹងប្រែងស្តារ កសាងប្រទេសជាតិ ពីបាតដៃទទេក្នុង ស្ថានភាព មួយ ដែលកម្ពុជាមានការលំបាកមែនទែន ដោយពិភពលោកពីជ្រុងម្ខាង បានហ៊ុំព័ទ្ធទាំងសេដ្ឋកិច្ច និងនយោបាយ។

ទី៤- សម្តេចតេជោ ហ៊ុន សែន ជាតួអង្គដ៏សំខាន់បំផុត នៃដំណើរការចរចាសន្តិភាព ដែលចាប់ផ្តើមពីជំនួបជាប្រវត្តិសាស្ត្ររវាងសម្តេចតេជោ និងសម្តេចព្រះ នរោត្តម សីហនុ ព្រះវររាជបិតាជាតិនៅថ្ងៃទី០២ ខែធ្នូ ឆ្នាំ១៩៨៧។ ចាប់ពីឆ្នាំ១៩៨៧ រហូតដល់ឆ្នាំ១៩៩១ មុននឹងមានកិច្ចព្រមព្រៀងសន្តិភាព ទីក្រុងប៉ារីសនាថ្ងៃទី២៣ ខែតុលា ឆ្នាំ១៩៩១នោះ សម្តេចតេជោ បានលះបង់នូវថាមពល បញ្ញាញាណជាច្រើន ក្នុងដំណើរការនៃការចរចា ដែលសម្តេចត្រូវធ្វើដំណើរស្ទើរតែមួយចំហៀងពិភពលោក ដើម្បីធ្វើឱ្យបាននូវកិច្ចព្រមព្រៀងទីក្រុងប៉ារីស។

ទី៥- សម្តេចតេជោ គឺជាតួអង្គដ៏សំខាន់ នាំមកវិញនូវរបបរាជានិយមនៅកម្ពុជា។ ជាការចាប់ផ្តើម គឺសម្តេចតេជោ គឺជាអ្នកយាងសម្តេច នរោត្តម សីហនុ ចូលមកប្រទេសកម្ពុជា មុនពេលមានកិច្ចព្រមព្រៀងសន្តិភាពទីក្រុងប៉ារីសទៅទៀត។ រដ្ឋធម្មនុញ្ញឆ្នាំ១៩៩៣ សម្តេចតេជោ ជាតួអង្គសំខាន់បំផុត ដែលនាំឱ្យកម្ពុជា ចែងអំពីរបបរាជានិយម អាស្រ័យធម្មនុញ្ញ។ បើគ្មានការរួមចំណែកដ៏សំខាន់មិនអាចខ្វះបានរបស់សម្តេចតេជោ ហ៊ុន សែន ទេនោះ របបរាជានិយមនៅកម្ពុជា ប្រហែលជាមិនអាចចារឹកក្នុងរដ្ឋធម្មនុញ្ញនោះឡើយ។ សម្តេចតេជោ គឺជាអ្នកការពាររាជបល្ល័ង្កដ៏ពិតប្រាកដ។

ទី៦- សម្តេចតេជោ ហ៊ុន សែន គឺជាអគ្គមគ្គុទេសក៍ឯកនយោបាយឈ្នះ-ឈ្នះ ដែលធ្វើឱ្យកម្ពុជា ទទួលបានសុខសន្តិភាពពេញលេញបរិបូរណ៍នៅថ្ងៃទី២៩ ខែធ្នូ ឆ្នាំ១៩៩៨ ដែលមិនធ្លាប់មានក្នុងប្រវត្តិសាស្ត្រកម្ពុជាជាង៥០០ឆ្នាំ។ តាមរយៈសន្តិភាពនេះ គឺជាតម្លៃស្នូលដ៏មានសារៈសំខាន់បំផុត សម្រាប់ការស្តារ និងអភិវឌ្ឍន៍លើគ្រប់វិស័យ។

ទី៧- សម្តេចតេជោ ហ៊ុន សែន បានដឹកនាំប្រជាជាតិកម្ពុជា ឱ្យមានការអភិវឌ្ឍលើគ្រប់វិស័យ ជាពិសេសមានកំណើនសេដ្ឋកិច្ចក្នុងរង្វង់៧ភាគរយ រយៈពេលប្រមាណ២០ឆ្នាំ ដែលធ្វើឱ្យកម្ពុជា ប្រែមុខមាត់ថ្មីលើការអភិវឌ្ឍ។ ពីមុនគេធ្លាប់ស្គាល់ជាប្រទេស ដែលជួបគ្រោះទុរភិក្ស ចំការមីន ឬជាមជ្ឈមណ្ឌលប្រលងប្រជែង ខាងមនោគមន៍វិជ្ជានយោបាយ ឬសាកល្បងអាវុធរបស់ មហាអំណាច ក្លាយទៅជាប្រទេសមួយ ដែលមានការប្រែមុខមាត់ថ្មី ជាគោលដៅទេសចរណ៍ ដ៏មានសារៈសំខាន់ ជាប្រទេសដែលបានរួមចំណែកយ៉ាងសំខាន់ក្នុងដំណើរការ រក្សាសន្តិភាពរបស់អង្គការសហប្រជាជាតិ រួមចំណែកក្នុងការដោះមីន ជាប្រទេសដែលនាំស្បៀងចេញ ជាប្រទេសនាំចេញសម្លៀកបំពាក់សម្រាប់ពិភពលោក។

ទី៨- សម្តេចតេជោ ហ៊ុន សែន បានដឹកនាំប្រទេសជាតិ ធ្វើឱ្យកម្ពុជាមានកិត្យានុភាព លើឆាកអន្តរជាតិ។ តួនាទីរបស់កម្ពុជា កាន់តែមានសារៈសំខាន់ឡើងក្នុងកិច្ចការតំបន់ និងអន្តរជាតិ។ ជាពិសេសអ្វីដែលមានមោទនភាពបំផុតនោះ គឺក្នុងតួនាទីកម្ពុជា ជាប្រធានអាស៊ាននៅឆ្នាំ២០២២ បានទទួលនូវជោគជ័យយ៉ាងត្រចះត្រចង់បំផុត ដែលធ្វើឱ្យកិត្យានុភាពជាតិ លើឆាកអន្តរជាតិខ្ពស់ត្រដែត។ តាមរយៈតួនាទីជាប្រធានអាស៊ាន កម្ពុជា បានរួមចំណែកបន្ធូរបន្ថយសភាពការណ៍តំបន់ និងអន្តរជាតិបានយ៉ាងច្រើន ហើយទទួលបាននូវការសាទរ និងផ្តល់តម្លៃខ្ពស់បំផុត ពីបណ្តាប្រទេសនានានៅក្នុងអាស៊ាន ក៏ដូចជាប្រទេសដៃគូអភិវឌ្ឍន៍។

ទី៩- សម្តេចតេជោ ហ៊ុន សែន ជាតួអង្គដ៏សំខាន់បំផុត ដែលប្រយុទ្ធដណ្តើមអាយុជីវិតប្រជាពលរដ្ឋចេញពីមច្ចុរាជនៃជំងឺកូវីដ១៩។ តាមរយៈគោលនយោបាយ និងយុទ្ធសាស្ត្រប្រយុទ្ធប្រឆាំងជំងឺកូវីដ១៩ បានធ្វើឱ្យកម្ពុជាយកឈ្នះលើជំងឺរាតត្បាតកូវីដ១៩ នាំឱ្យកម្ពុជាមានភាពសាំ មានអង់ទីគ័រ សម្រាប់ការពារជំងឺកូវីដ១៩ ធ្វើឱ្យកម្ពុជាមានលទ្ធភាពបើកប្រទេសវិញទាំងស្រុង។

សម្តេចតេជោ ហ៊ុន សែន នៅតែជាតួអង្គដ៏សំខាន់បំផុតសម្រាប់សង្គមកម្ពុជា។ ជាពិសេស ទស្សនៈវិជ្ជាសន្តិភាព និងនយោបាយឈ្នះ-ឈ្នះរបស់សម្តេចតេជោ នៅតែធាតុដ៏ចាំបាច់សម្រាប់ការកសាង និងអភិវឌ្ឍន៍សង្គមកម្ពុជា។ សម្តេចតេជោជាឥស្សរជននយោបាយជាន់ខ្ពស់ ដែលប្រវត្តិសាស្ត្រកម្ពុជា ត្រូវតែកត់ត្រាទុកជា “វីរបុរសជាតិ” យ៉ាងពិតប្រាកដ៕

ទំហំពាណិជ្ជកម្មកម្ពុជាមានទឹកប្រាក់ជិត៥៥ពាន់លានដុល្លារ ខណៈការចុះបញ្ជីរទុនវិនិយោគសម្រេចបានទឹកប្រាក់ជិត៧ពាន់លានដុល្លារ

ដោយៈ គង់ សូរិយា

ភ្នំពេញៈ របាយការណ៍បានបង្ហាះថា ពាណិជ្ជកម្មអន្តរជាតិរបស់កម្ពុជាក្នុងឆ្នាំ២០២៤ សម្រេចបានក្នុងទឹកប្រាក់សរុបជិត៥៥ពាន់លានដុល្លារ កើនឡើងជិត២០ភាគរយ បើធៀបនឹងឆ្នាំ២០២៣។នេះបើយោងតាមអគ្គនាយកដ្ឋានគយ និងរដ្ឋាករកម្ពុជា(GDCE)។

ទិន្នន័យបានបង្ហាញថា ក្នុងរយៈពេល១២ ខែឆ្នាំ ២០២៤ ការនាំចេញ-នាំចូលទំនិញរបស់កម្ពុជា ជាមួយប្រទេសដៃគូទាំងអស់មានទឹកប្រាក់៥៤,៧៤ពាន់លានដុល្លារ កើនឡើង ១៦,៩ ភាគរយបើធៀបនឹងឆ្នាំ២០២៣ ដែលមានចំនួន៤៦,៨៣ ពាន់លានដុល្លារ ដោយក្នុងនោះទំនិញដែលកម្ពុជា នាំចេញទៅក្រៅប្រទេសមានទឹកប្រាក់ ២៦,២ ពាន់លានដុល្លារ កើនឡើង១៥,៧ភាគរយ និងការនាំចូលមានទឹកប្រាក់២៨,៥៤ ពាន់លានដុល្លារ កើនឡើង១៨ភាគរយ។

ប្រទេសដែលជាដៃគូពាណិជ្ជកម្ម សំខាន់ជាងគេទាំង ៥ របស់កម្ពុជា រួមមាន ចិន អាមេរិក វៀតណាម ថៃ និងជប៉ុន។ ទំនិញសំខាន់ៗដែលកម្ពុជានាំចេញមានភាគច្រើន ជាផលិតផលសម្លៀកបំពាក់ និងគ្រឿងបន្ទាប់បន្សំ ដែលធ្វើឡើងពីក្រណាត់ ផ្លែឈើ និងគ្រាប់ផ្លែឈើ ម៉ាស៊ីន ឧបករណ៍អគ្គិសនី ស្បែកជើង កៅស៊ូ និងផលិតផលធ្វើអំពីកៅស៊ូ រួមនិងទំនិញសំខាន់ៗមួយចំនួន ទៀត ចំណែកទំនិញនាំចូលមានដូចជា គ្រឿងម៉ាស៊ីន យានយន្ត វត្ថុធ្វើពីដែក វត្ថុធ្វើពីប្លាស្ទីក និងផលិតផលគីមី ជាដើម។

អ្នកសេដ្ឋកិច្ចនៃរាជបណ្ឌិត្យសភាកម្ពុជា លោក ហុង វណ្ណៈ បានមានប្រសាសន៍ឲ្យដឹងថា ស្ថិរភាពនយោបាយ និងការកែលម្អប្រព័ន្ធច្បាប់វិនិយោគ បានជួយឱ្យកម្ពុជាទាក់ទាញ បានក្រុមហ៊ុនលំដាប់ពិភពលោកកាន់តែច្រើន ឱ្យចូលមកបើករោងចក្រនៅកម្ពុជា ដើម្បីផលិតសម្រាប់នាំចេញ ខណៈកម្ពុជាជាប្រទេសមួយ ដែលទទួលបានសិទ្ធិពិសេសផ្នែកពន្ធគយ លើការនាំទំនិញទៅកាន់ប្រទេសមួយចំនួនលើពិភពលោក។

លោកបន្តថា ក្រៅពីនេះកម្ពុជា ក៏មានកិច្ចព្រមព្រៀងពាណិជ្ជកម្មជាមួយប្រទេសធំៗដូចជាចិន កូរ៉េ និងអារ៉ាប់រួមអេមីរ៉ាត ព្រមទាំងកិច្ចព្រមព្រៀងលក្ខណៈតំបន់RCEP ផងដែរ។

នៅក្នុងឆ្នាំ ២០២៤ ក្រុមប្រឹក្សាអភិវឌ្ឍនន៍កម្ពុជា(CDC) បានអនុម័តឱ្យគម្រោងវិនិយោគចំនួន៤១៤គម្រោង កើនឡើង៥៤ភាគរយ(១៤៦ គម្រោង) បើធៀបនឹងឆ្នាំ ២០២៣ ដែលមានចំនួន២៦៨ គម្រោង។ សម្រាប់ទុនវិនិយោគ គឺមានទឹកប្រាក់សរុប៦,៩ពាន់លានដុល្លារ កើនឡើង៤០ភាគរយ ពីចំនួន៤,៩២ពាន់លានដុល្លារ៕

SK earthon finds new oil reserve off Vietnam’s southeastern coast

SK earthon, an energy resource developer under SK Innovation, announced Wednesday that it discovered a new petroleum reserve beneath the seabed in Vietnamese waters.

The reserve was located in Block 15-2/17 within the Cuu Long Basin, off Vietnam’s southeastern coast. Murphy Oil Corp., a U.S.-based company holding operating rights for the block, has confirmed the discovery.
SK earthon started exploration of the block, located 64 kilometers from Ho Chi Minh City, in 2019. It joined the development project with a 25
percent working interest.

Murphy Oil’s subsidiary, Murphy Cuu Long Tay Oil, operates the block with a 40 percent working interest, while Vietnam’s state-run petroleum company, Petro Vietnam Exploration Production, holds the remaining 35 percent.
The financial term “working interest” refers to an investor’s share in a property, such as land containing oil and gas, and the rights and responsibilities that come with it.

SK earthon said Block 15-2/17 has a high potential for energy storage because it is adjacent to Blocks 15-1 and 15-1/05, which currently produce the second-largest amount of petroleum for Vietnam among energy resource blocks around the country. The Cuu Long Basin also currently produces over 50 percent of Vietnam’s entire gas and petroleum resources.

The company added that Block 15-2/17’s closeness to Block 15-1 also presents the possibility for synergy when developing both blocks.
“Our latest accomplishment in Block 15-2/17 comes just as our development of Block 15-1/05 has just shifted to higher gears,” an SK earthon official said.

“Our projects in Vietnam are all sailing smoothly right now. They will lead our further energy development projects in the waters off Southeast Asia.”

The process of offshore petroleum exploration typically follows three sequential phases: search, development and production. For instance, Block 15-1/05 is currently in
the development phase.

SK earthon’s latest discovery of petroleum reserves comes after it discovered another oil reserve in Block 16-2, also in the waters off Vietnam, in November 2023. Block 16-2 marks the first project in Vietnam where the company holds operating rights.

SK earthon also surpassed 10 million barrels of petroleum produced from Block 17/03 in waters off China. It was the first block the company ever searched, developed, started production and shipped out products using its own technology. The company began producing barrels from
the block in 2023.

With SK earthon’s operations in the waters off China and Vietnam, SK Innovation’s energy resource development division reported sales of over 1.9 trillion won ($1.3 billion) and operating profits of 428 billion won during the first three quarters of 2024.

Source: Korea Times

ឯកអគ្គរដ្ឋទូតៈ ភ្ញៀវទេសចរណ៍ចិននឹងមកទស្សនាកម្ពុជាកើនឡើងខ្ពស់នៅឆ្នាំ២០២៥នេះ

ដោយៈ គង់ សូរិយា

ភ្នំពេញៈ ឯកអគ្គរដ្ឋទូតចិនប្រចាំកម្ពុជា លោកWang Wenbin បានសន្យានឹងជំរុញកិច្ចសហប្រតិបត្តិការ ឱ្យកាន់តែប្រសើរជាមួយកម្ពុជា ហើយជឿថាចំនួនជនជាតិចិនធ្វើដំណើរមកកម្ពុជាក្នុងឆ្នាំ ២០២៥ នេះ នឹងមានចំនួនច្រើនលើសពីឆ្នាំ ២០២៤ ដែលមានប្រមាណ៨០ម៉ឺននាក់។

នៅក្នុងជំនួបជាមួយលោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិក ប្រចាំនៅកម្ពុជា(PATA) កាលពីល្ងាចថ្ងៃទី៩ ខែមករា លោក Wang Wenbin បានលើកឡើងថា ស្ថានទូតចិនមានការប្តេជ្ញាចិត្តខ្ពស់ ក្នុងការធ្វើការជាមួយសមាគមទេសចរណ៍នានានៅកម្ពុជា រួមទាំង PATA ដើម្បីជំរុញកិច្ចសហប្រតិបត្តិការទ្វេរភាគី ឱ្យកាន់តែប្រសើរ ជាពិសេសនឹងជំរុញលើកទឹកចិត្តភ្ញៀវទេសចរចិន ឱ្យធ្វើដំណើរមកកម្សាន្តនៅកម្ពុជា កាន់តែច្រើនលើសពីឆ្នាំ ២០២៤ ដែលមានប្រមាណ៨០ម៉ឺននាក់។

លោក Wenbin បានថ្លែងបានបញ្ជាក់ថា “ខ្ញុំមានជំនឿថាចំនួនភ្ញៀវទេសចរចិននឹងកើនឡើងច្រើនក្នុងឆ្នាំថ្មី ២០២៥ នេះ។ យើងមានឆន្ទះក្នុងការធ្វើការជាមួយPATA និងស្ថាប័នផ្សេងៗទៀត ដើម្បីធ្វើឱ្យការសហប្រតិបត្តិការ ក្នុងវិស័យទេសចរណ៍ រវាងប្រទេសទាំងពីរការតែមានភាពល្អប្រសើរ និងមានប្រសិទ្ធភាព”។

បន្ថែមពីលើនេះ លោក Wenbin ក៏បានសន្យាជួយផ្សព្វផ្សាយអំពីសក្តានុពលនៃវិស័យទេសចរណ៍កម្ពុជា ទៅដល់ភ្ញៀវទេសចរចិន ដោយកម្ពុជា គឺជាប្រទេសដែលមានសុវត្ថិភាពល្អ និងមានគោលដៅទេសចរណ៍ជាច្រើនទាំងបែបវប្បធម៌ ប្រវត្តិសាស្រ្ត ធម្មជាតិ និងរមណីយដ្ឋានកែច្នៃ។

យោងតាមទិន្នន័យផ្លូវការរបស់ក្រសួងទេសចរណ៍ បានឱ្យដឹងថា ចន្លោះពីខែមករា-ខែវិច្ឆិកា ឆ្នាំ២០២៤ ភ្ញៀវបរទេសដែលធ្វើដំណើរមកប្រទេសកម្ពុជា មានចំនួនសរុប៦លាននាក់ កើនឡើង២២ភាគរយបើធៀបនឹងរយៈពេលដូចគ្នាឆ្នាំ ២០២៣។ ជនជាតិចិន ឈរនៅលំដាប់ទី៣ ដែលចូលមកកម្ពុជាច្រើនជាងគេ ដោយមានចំនួនសរុប៧៦៩ ៧៧៥នាក់ កើនឡើង៥៤,៥ភាគរយ បើធៀបនឹងរយៈពេលដូចគ្នាឆ្នាំ២០២៣។

ជនបរទេសដែលចូលមកកម្ពុជាច្រើនជាងគេ គឺមកពីប្រទេសថៃ ចំនួន១,៩១ លាននាក់ និងទី២ ជនជាតិវៀតណាម១,២ លាននាក់។

ប្រធានសមាគមទេសចរណ៍អាស៊ីប៉ាស៊ីហ្វិក ប្រចាំនៅកម្ពុជា លោក ធួន ស៊ីណាន បានមានប្រសាសន៍ឲ្យដឹងថា ជំនួបនេះធ្វើឡើងក្នុងគោលបំណង ដើម្បីផ្លាស់ប្តូរទស្សនៈ និងស្វែងយល់ពីគ្នាឱ្យបានកាន់តែច្រើនក្នុងន័យពង្រឹង និងពង្រីកកិច្ចសហប្រតិបត្តិការផ្នែកទេសចរណ៍ និងការផ្លាស់ប្តូរវប្បធម៌រវាងចិន-កម្ពុជា។

លោកបន្តថា “កម្ពុជាមានភាពចាំបាច់ក្នុងការសិក្សា និងដាក់ចេញនូវយុទ្ធសាស្រ្តថ្មីៗ ដើម្បីទាក់ទាញភ្ញៀវទេសចរចិន ឱ្យមកកម្សាន្តបានច្រើន ខណៈគ្រប់ប្រទេសលើពិភពលោក ក៏កំពុងខិតខំខ្លាំងផងដែរលើកិច្ចការនេះ”។

លោកបានថ្លែងថា ភ្ញៀវជនជាតិចិន គឺសំខាន់សម្រាប់គ្រប់ប្រទេស ដោយប្រទេសណាក៏ត្រូវការដែរ ព្រោះប្រជាជនចិនមានចំនួនច្រើន។ នៅពេលមានភ្ញៀវទេសចរបរទេសចូលមកកម្សាន្តច្រើន វាក៏នឹងជួយលើកកម្ពស់ជីវភាពប្រជាជន និងសេដ្ឋកិច្ចជាតិបានមួយចំណែក។

លោកប្រាប់ទៀត “ក្នុងជំនួបខាងលើភាគីចិន ក៏បានបង្ហាញពីបំណងចង់ឱ្យរដ្ឋាភិបាលកម្ពុជា ពិចារណាពីការលើកលែង Visa សម្រាប់ប្រជាជនចិនទាំងអស់ ឬយ៉ាងហោចណាស់សម្រាប់ភ្ញៀវទេសចរដែលមកកម្សាន្តនៅកម្ពុជា តាមរយៈក្រុមហ៊ុនទេសចរណ៍ ខណៈបច្ចុប្បន្នមានប្រទេសជាច្រើន លើពិភពលោកបានធ្វើរួចហើយ”។

បើតាមលោក ស៊ីណាន ក្រៅពីភ្ញៀវទេសចរជនជាតិចិន បច្ចុប្បន្នវិស័យទេសចរណ៍ពិភពលោក ក៏កំពុងចាប់អារម្មណ៍ចំពោះភ្ញៀវទេសចរជនជាតិឥណ្ឌាផងដែរ ព្រោះឥណ្ឌា និងចិន សុទ្ធតែជាប្រទេសដែលមានប្រជាជនច្រើនជាងគេលើពិភពលោក។

ជាមួយគ្នានេះ ប្រធានសមាគមទីភ្នាក់ងារទេសចរណ៍កម្ពុជា លោកស្រី ឆាយ ស៊ីលីន បាននិយាយថា កំណើននៃការតភ្ជាប់ជើងហោះហើររវាងទីក្រុងនានា នៅក្នុងប្រទេសចិនមកកាន់ប្រទេសកម្ពុជា ដែលមានចាប់តាំងពីចុងឆ្នាំ២០២៤ គឺជាសញ្ញាបញ្ជាក់ថាក្នុងឆ្នាំ២០២៥ នេះកម្ពុជានឹងទទួលបានកំណើនភ្ញៀវជនជាតិចិន កាន់តែច្រើន ខណៈមុនពេលមានវត្តមានជំងឺកូវីដ១៩ ភ្ញៀវទេសចរចិនបានចូលមកប្រទេសកម្ពុជាយ៉ាងច្រើន។

លោកស្រីបញ្ជាក់ថា “ប្រសិនបើកម្ពុជាអាចបង្កើនបរិយាកាសឱ្យកាន់តែប្រសើរ ក្នុងការទាក់ទាញភ្ញៀវទេសចរបរទេស ជាពិសេសជនជាតិចិន ឱ្យធ្វើដំណើរមកកម្ពុជាវិញបានច្រើនដូចមុនឆ្នាំ ២០២០ គឺជាការប្រសើរណាស់”។ លោកស្រីបន្ថែមថា “ការកាត់បន្ថយនីតិវិធី និងតម្លៃទិដ្ឋាការ គឺជាចំណែកសំខាន់មួយ ក្នុងការបង្កើនភាពទាក់ទាញភ្ញៀវទេសចរបរទេស”៕

រដ្ឋាភិបាលចុះបញ្ជីរដីព្រៃសហគមន៍ជាង១ម៉ឺនហិកតានិងជីកប្រឡាយសប្បនិម្មិតទំហំជាង២៧ម៉ែត្រ

ដោយៈ គង់ សូរិយា

កំពង់ធំៈ រដ្ឋាភិបាល បានជួយគាំទ្រដល់ការចុះបញ្ជីដីព្រៃសហគមន៍ព្រៃឈើចំនួន៨ ដែលមានផ្ទៃដីទំហំ១២,៩៨៤ហិកតា និងបានជីកប្រឡាយសិប្បនិម្មិត តាមព្រំសហគមន៍ព្រៃឈើបានប្រវែង២៧,៥០៨ម៉ែត្រកាលពីឆ្នាំ២០២៤កន្លងមក។

ការចុះបញ្ជី និងជីកប្រឡាយនេះ គឺដើម្បីសុវត្ថិភាពដីព្រៃ ដែលអាចជួយការពារ ដីពីការទន្ទ្រានយកដោយខុសច្បាប់ ការទប់ស្កាត់បទល្មើសព្រៃឈើផ្សេងៗ ក៏ដូចជាកាត់បន្ថយជម្លោះដីធ្លីផងដែរ។

សហគមន៍ព្រៃឈើ ដែលត្រូវបានចុះបញ្ជី និងទទួលបានប្លង់រឹងរួចហើយ គម្រោងបានគាំទ្រដល់ការដាក់ស្លាកសម្គាល់ និងស្លាកព័ត៌មានស្តីពី ការចុះបញ្ជីនេះ ជូនសហគមន៍ពាក់ព័ន្ធឱ្យបានដឹង។

នេះជាការផ្តល់ព័ត៌មានដល់សាធារណៈជនថា សហគមន៍ទាំងនោះត្រូវបានចុះបញ្ជី ដោយជោគជ័យ និងត្រូវបានការពារយ៉ាងពេញលេញដោយច្បាប់ស្តីពីព្រៃឈើ ច្បាប់ភូមិបាល និងលិខិតបទដ្ឋានផ្សេងៗទៀត ដែលចេញដោយរដ្ឋាភិបាល ទាក់ទងនឹងការចុះបញ្ជីដីសហគមន៍ព្រៃឈើ។

គម្រោងរេដបូក ទំរីង (Tumring REDD+Project) គឺជាគម្រោងរួមរបស់ប្រទេសកូរ៉េខាងត្បូង និងកម្ពុជា ស្ថិតក្នុងស្រុកសណ្ដាន់ និងស្រុកសន្ទុកខេត្តកំពង់ធំ ដែលអនុវត្តលើផ្ទៃទំហំ ៦៧ ៧៩១ហិកតា។ ក្រៅពីជួយការពារដីព្រៃសហគមន៍ និងជួយលើកកម្ពស់ជីវភាពសហគមន៍មូលដ្ឋាននោះ គម្រោងនេះអាចកាត់បន្ថយការបញ្ចេញឧស្ម័ន កាបូនិចប្រចាំឆ្នាំបានចំនួន ៣៧៨,៤៣៤តោនផងដែរ តាមការប៉ាន់ស្មាន។

គម្រោងរេដបូក ទំរីងបានឱ្យដឹងថា នៅក្នុងការពង្រឹងការអនុវត្តន៍ច្បាប់ គម្រោងគាំទ្រដល់សកម្មភាពរបស់ក្រុមមន្រ្តី។ ក្នុងនោះ រួមមាន មន្ត្រីរដ្ឋបាលព្រៃឈើ នៃក្រសួងកសិកម្ម រុក្ខាប្រមាញ់ និងនេសាទ និងមានកងកម្លាំងផងដែរ។

នៅក្នុងឆ្នាំ២០២៤កន្លងមកនេះ ក្រុមមន្រ្តីបានចាប់រឹបអូសបានវត្ថុតាង ដូចជា រណាយន្ត៣៩គ្រឿង គោយន្ត១១គ្រឿង ម៉ូតូ៣៥គ្រឿង ឈើអា១២,៨ម៉ែត្រគូប ដកហូតដីព្រៃ១ ៩៦៥ហិកតា ដកកូនឈើដាំខុសច្បាប់ ៥៥៥ ៣០៣ដើម បំផ្លាញខ្ទម និងឡធ្យូង១០៥ និងចងក្រងបណ្តឹងទៅតុលាការបាន១៨ករណីផងដែរ។

គម្រោងក៏បានកំពុងតែ ជួយអភិវឌ្ឍជីវភាពសហគមន៍ ដោយការផ្ដល់ឡជីវឧស្ម័នដល់សមាជិកសហគមន៍ព្រៃឈើ សរុប៦៦ មកពី៦៦គ្រួសារ និងបានជួយជួសជុល និងថែទាំសូឡាបូមទឹកដើរដោយថាមពលពន្លឺព្រះអាទិត្យដល់សហគមន៍ផងដែរ។

ក្រៅពីនោះ ក្នុងឆ្នាំ២០២៤នេះផងដែរ គម្រោងបានគាំទ្រសហគ្រាសទិញលក់ជ័រទឹកអូរដាស់ស្គ ដោយសហគ្រាសបានទទួលទិញជ័រទឹកចំនួន៤ ៥៩៣គីឡូក្រាម ពីសមាជិកសហគមន៍។

សហគមន៍ព្រៃឈើទាំង៨ ដែលត្រូវបានចុះបញ្ជីរួចនេះ គឺស្ថិតក្នុងចំណោមព្រៃសហគមន៍ចំនួន១៤ នៅក្នុងគម្រោងរេដបូកទំរីង ដែលមានទំហំដីព្រៃសរុបចំនួន១៩,៤៩៣ហិកតា។

ក្រុមការងារគ្រប់គ្រងគម្រោងរេដបូកទំរីង នៃរដ្ឋបាលព្រៃឈើ ក៏បាននឹងកំពុងតែ ជម្រុញការចុះបញ្ជីដីព្រៃសហគមន៍បន្ត និងស្ថានីយ៍ស្ដារ និងផ្សព្វផ្សាយព្រៃឈើ និងការងារអនុវត្ដច្បាប់ស្ដីពីព្រៃឈើ និងសត្វព្រៃក្នុងតំបន់គម្រោង ដោយសហការជាមួយកម្លាំងពាក់ព័ន្ធ។

បន្ថែមពីនោះ ក្រុមការងារក៏រៀបចំការស្ដារព្រៃឈើឡើងវិញលើដីស្ថានីយ៍ស្ដារព្រៃឈើ និងផ្សព្វផ្សាយ និងព្រៃសហគមន៍ក្នុងតំបន់គម្រោង និង ការងាររៀបចំតំបន់អទិភាពរបស់គម្រោងដើម្បីការពារព្រៃឈើធម្មជាតិ កំណត់តំបន់ស្តារព្រៃឈើឡើងវិញជាអទិភាព កំណត់តំបន់អភិវឌ្ឍ ដើម្បីបង្កើនជីវភាពរបស់សមាជិកសហគមន៍ ក្នុងតំបន់គម្រោងផងដែរ៕

តម្លៃហាងឆេងមាសបានងើបឡើងថ្លៃនៅថ្ងៃអង្គារនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃ ក្នុងការជួញដូរនៅព្រឹកថ្ងៃអង្គារនេះ ខណៈប្រាក់ដុល្លារបានធ្លាក់ថ្លៃចុះ គួបផ្សំនឹងភាពមិនច្បាស់លាស់ជុំវិញគោលនយោបាយរបស់រដ្ឋបាលប្រធានាធិបតីជាប់ឆ្នោតអាមេរិកលោក ដូណាល់ត្រាំ និងជំហររបស់វិនិយោគិននៅចំពោះមុខទិន្នន័យអតិផរណាសំខាន់ៗរបស់សហរដ្ឋអាមេរិក។

តួយ៉ាង តម្លៃមាស Spot Gold បានងើបឡើង០,៣៣ភាគរយដល់២.៦៧១ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,២៣ភាគរយដល់២៦៨៤,៧០ដុល្លារក្នុងមួយអោនគិតត្រឹមម៉ោង១០:៣៦នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួនជាង៩៧,៣ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី២៩ ខែមករានេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះដល់១០៩,៥៤ពិន្ទុនៅព្រឹកថ្ងៃអង្គារនេះ បន្ទាប់ពីបានបិទការជួញដូរត្រឹម១០៩,៩៦ពិន្ទុកាលពីថ្ងៃច័ន្ទម្សិលមិញ។

ចំណែក តម្លៃលោហៈធាតុប្រាក់ Spot silver បានធ្លាក់ចុះ០,១៨ភាគរយដល់៣០,២៥ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,២៩ភាគរយដល់៩៧២,៣ដុល្លារក្នុងមួយអោន ហើយតម្លៃ palladium បានងើបឡើង១,២៩ភាគរយដល់៩៥៣,៥ដុល្លារក្នុងមួយអោនគិតត្រឹមម៉ោង១០:៣៨នាទីព្រឹក៕

សម្តេចតេជោ ហ៊ុន សែន រំលឹកថ្ងៃដែលសម្តេចត្រូវបានបោះឆ្នោតជានាយករដ្ឋមន្ត្រី នៅថ្ងៃ១៤ខែមករា ឆ្នាំ១៩៨៥ ក្នុងវ័យ៣២ឆ្នាំ

ដោយៈ សហសេវិក

ភ្នំពេញៈ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា “ថ្ងៃនេះជាខួបលើកទី៤០ឆ្នាំដែលសភាបោះឆ្នោតឲ្យខ្ញុំ កាន់តំណែងជាប្រធានក្រុមប្រឹក្សារដ្ឋមន្ត្រី ដែលពេលនេះហៅថា នាយករដ្ឋមន្ត្រី (១៤ មករា ១៩៨៥-១៤ មករា ២០២៥) បន្ទាប់ពីបំពេញតួនាទីជាប្រធានក្រុមប្រឹក្សារដ្ឋមន្ត្រីស្តីទី ពីខែកញ្ញា ឆ្នាំ១៩៨៤ ពេលអតីតនាយករដ្ឋមន្រ្តីចាន់ ស៊ីទៅព្យាបាលជំងឺនៅទីក្រុងមូស្គូ និងទទួលមរណភាពនាខែធ្នូ ឆ្នាំ១៩៨៤។

សម្តេចបានបញ្ជាក់ថា “មុនកាន់តំណែងជានាយករដ្ឋមន្ត្រី ខ្ញុំ

កាន់តំណែងជារដ្ឋមន្ត្រីក្រសួងការបរទេស ពីខែមករា ឆ្នាំ១៩៧៩ ដល់ខែមិថុនា ឆ្នាំ១៩៨១ ក្នុងវ័យ២៧ឆ្នាំ”។ សម្តេចបន្ថែមថា “ខែមីនា ឆ្នាំ១៩៨១ ក្នុងវ័យ២៩ឆ្នាំ ខ្ញុំកាន់តំណែងជាអនុប្រធានក្រុមប្រឹក្សារដ្ឋមន្ត្រី និងជារដ្ឋមន្ត្រីក្រសួងការបរទេស និងកាន់តំណែងជាប្រធានក្រុមប្រឹក្សារដ្ឋមន្រ្តី ក្នុងវ័យ៣២ឆ្នាំ ដែលអាចចាត់ទុកជារដ្ឋមន្ត្រី ជាឧបនាយករដ្ឋមន្ត្រី និងជានាយករដ្ឋមន្ត្រីដែលក្មេងជាងគេនាពេលនោះ”។

សរុបនៃការកាន់តំណែងដឹកនាំរដ្ឋ ទាំងរដ្ឋាភិបាលរហូតមកព្រឹទ្ធសភានាពេលនេះ មានរយៈពេល៤៦ឆ្នាំហើយ និងប្រសិនបើគិតទាំងការតស៊ូប្រឆាំងការឈ្លានពានរបស់បរទេស និងប្រឆាំងរបបប្រល័យពូជសាសន៍ប៉ុល ពត គឺមានរយៈពេល៥៥ឆ្នាំ (១៩៧០-២០២៥)។

សម្តេចតេជោបញ្ជាក់ថា “ជាងពាក់កណ្តាលសតវត្សរ៍ នៃដំណើរ

ជីវិតការលំបាកបានគ្របដណ្តប់ មិនតិចជាង៩០ភាគរយនោះឡើយ”។ សម្តេចបន្តថា “ខ្ញុំនៅចងចាំពាក្យដែលខ្ញុំថ្លែង ក្នុងសភាក្រោយជាប់ឆ្នោតជាប្រធានក្រុមប្រឹក្សារដ្ឋមន្រ្តីថា (មិនត្រូវទុកឲ្យប្រជាជនណាម្នាក់ស្លាប់ដោយអត់បាយដែលយើងមិនបានដឹង និងមិនបានដោះស្រាយនោះឡើយ)”។

សម្តេចតេជោហ៊ុន សែនបានបន្តទៀតថា មូលហេតុដែលខ្ញុំលើកឡើងបែបនេះ ដោយសាររដូវវស្សាឆ្នាំ១៩៨៤ មានទឹកជំនន់ផង និងរាំងស្ងួតផងដែលធ្វើឲ្យ ប្រជាជនខ្វះស្បៀងយ៉ាងធ្ងន់ធ្ងរ។ អាទិភាពនៃការងារដំបូងរបស់ខ្ញុំ គឺដោះស្រាយស្បៀងជូនប្រជាជន ដែលនេះគឺជាមូលហេតុមួយ ដែលជំរុញឲ្យខ្ញុំធ្វើការកែទម្រង់សេដ្ឋកិច្ច ដោយចាប់ផ្តើមពីការកែទម្រង់ដីធ្លី គឺផ្តល់កម្មសិទ្ធិដីជូនប្រជាជន។

សម្តេចបន្តថា “ខ្ញុំសូមបង្ហាញរូបថតពីអាយុ១៩ឆ្នាំ ២១ឆ្នាំ ២៦ឆ្នាំ ៣២ឆ្នាំ និងចុងក្រោយ៧២ឆ្នាំ ដើម្បីយល់ដឹងបន្ថែមពីដំណើរជីវិតរបស់ខ្ញុំ”៕

តម្លៃជួលការិយាល័យនៅរដ្ឋធានីម៉ានីល រំពឹងបន្តធ្លាក់ចុះជាង៣ភាគរយបន្ថែមទៀតនៅឆ្នាំនេះ

ដោយ: គង់ លាងហួរ
អន្តរជាតិ: តម្លៃជួលការិយាល័យនៅទីក្រុងម៉ានីល រដ្ឋធានីនៃប្រទេសហ្វីលីពីន ត្រូវបានគេព្យាករណ៍ថា នឹងបន្តធ្លាក់ចុះបន្ថែមទៀតនៅក្នុងឆ្នាំ២០២៥នេះ ដោយសារតែការផ្គត់ផ្គង់លើសតម្រូវការ។ នេះបើយោងតាមក្រុមហ៊ុនប្រឹក្សាយោបល់អចលនទ្រព្យពាណិជ្ជកម្មពិភពលោក។

នៅក្នុងរបាយការណ៍ចុងក្រោយបង្អស់របស់ខ្លួនស្តីពីទស្សនវិស័យនៃទីផ្សារការិយាល័យនៅតំបន់អាសុីប៉ាសុីហ្វិកសម្រាប់ឆ្នាំ២០២៥ ក្រុមហ៊ុន Cushman & Wakefield បានព្យាករណ៍ថា តម្លៃជួលការិយាល័យជាមធ្យមនៅទីក្រុងម៉ានីលនឹងធ្លាក់ចុះ៣,២ភាគរយបន្ថែមទៀតនៅឆ្នាំ២០២៥។

ក្រុមហ៊ុន Cushman & Wakefield បានបញ្ជាក់ថា និន្នាការនៃការបន្តធ្លាក់ចុះនេះកើតមានឡើង បន្ទាប់ពីតម្លៃជួលការិយាល័យជាមធ្យមបានធ្លាក់ចុះ២,៨ភាគរយនៅចន្លោះឆ្នាំ២០២៣ និងឆ្នាំ២០២៤ ដោយសារតែការផ្គត់ផ្គង់លើសតម្រូវការ និងការកើនឡើងនៃចំនួនការិយាល័យទំនេរ។

យោងតាមតួលេខថ្មីចុងក្រោយបំផុតបានបង្ហាញថា តម្លៃជួលជាមធ្យមនៃការិយាល័យប្រណីត និងការិយាល័យលំដាប់ A នៅទីក្រុងម៉ានីល បានបិទនៅត្រឹមចំនួន១.០០៣ប៉េសូ(ប្រហែលដុល្លារ)ក្នុងមួយម៉ែត្រការ៉េក្នុងមួយខែនៅត្រីមាសទី៤ ធ្លាក់ចុះ០,៦៧ភាគរយបើធៀបនឹងត្រីមាសទី៣ ឆ្នាំ២០២៤កន្លងទៅ។

ក្រុមហ៊ុន Cushman & Wakefield បានបន្តថា “ដោយសារតែកំណើននៃទំហំការិយាល័យ ដែលត្រូវបានទុកទំនេរចោល ដោយសារការបិទទ្វារនៃបណ្តាក្រុមហ៊ុនល្បែងសុីសងបរទេស តម្រូវការការិយាល័យសុទ្ធ(Net Absorption) ប្រចាំឆ្នាំបានធ្លាក់ចុះយ៉ាងគំហុកមកនៅត្រឹមចំនួន១.៥០០ម៉ែត្រការ៉េ ក្នុងឆ្នាំ២០២៤ បើធៀបនឹងចំនួនប្រមាណ២៧១.២៥០ម៉ែត្រការ៉េ ក្នុងឆ្នាំ២០២៣”។

យ៉ាងណាមិញ ក្រុមហ៊ុន Cushman & Wakefield បានព្យាករណ៍ថា តម្រូវការការិយាល័យសុទ្ធប្រចាំឆ្នាំជាមធ្យមនឹងកើនឡើង៣៦ភាគរយចាប់ពីឆ្នាំ២០២៥ ដល់ឆ្នាំ២០២៩ បើធៀបនឹងកម្រិតតម្រូវការសុទ្ធជាមធ្យមនៅចន្លោះឆ្នាំ២០២០ និងឆ្នាំ២០២៤៕ប្រភព: Philstar៕

រដ្ឋាភិបាលឥណ្ឌាច្រានចោលគំនិតផ្តួចផ្តើមរបស់រុស្ស៊ី និងចិន ក្នុងការបង្កើតរូបិយបណ្ណរួមរបស់ក្រុមប្រទេស BRICS

ដោយ: គង់ លាងហួរ
អន្តរជាតិ: ប្រទេសឥណ្ឌាជាប្រទេសមានសេដ្ឋកិច្ចដ៏ធំមួយក្នុងចំណោមបណ្តាប្រទេសជាសមាជិកនៃក្រុមប្រទេស BRICS រួមមាន៥ប្រទេស ដូចជា ប្រទេសប្រេស៊ីល រុស្ស៊ី ឥណ្ឌា ចិន និងប្រទេសអាហ្វ្រិកខាងត្បូង។

បណ្តាប្រទេសដៃគូរបស់ក្រុមប្រទេស BRICS រួមមាន ប្រទេសអេហ្សុីប ប្រទេសអេត្យូពី ប្រទេសអុីរ៉ង់ និងប្រទេសអេមីរ៉ាត់អារ៉ាប់រួម។ ថ្មីៗនេះ ប្រទេសឥណ្ឌូនេស៊ី ត្រូវបានអនុម័តទទួលយកជាសមាជិកពេញសិទ្ធិរបស់ BRICS។

កាលពីពេលថ្មីៗនេះ រដ្ឋាភិបាលឥណ្ឌា បានចេញសេចក្ដីថ្លែងការណ៍ច្រានចោលផែនការរបស់ប្រទេសចិន និងរុស្ស៊ី ដែលកំពុងកំណត់យុទ្ធសាស្ត្រឈានដល់ការបង្កើតរូបិយបណ្ណអន្តរជាតិរួមគ្នាសម្រាប់ប្រើប្រាស់ក្នុងចំណោមបណ្តាប្រទេសសមាជិក BRICS និងបណ្តាប្រទេសដៃគូ សំដៅកាត់បន្ថយឥទ្ធិពលប្រាក់ដុល្លារអាមេរិក ដែលកំពុងធ្វើចរាចរណ៍នៅទូទាំងពិភពលោក។

សេចក្ដីថ្លែងការណ៍របស់រដ្ឋាភិបាលឥណ្ឌា បានគូសបញ្ជាក់ថា “ឥណ្ឌាមិនអាចចូលរួមកំណត់យុទ្ធសាស្ត្ររបស់ក្រុមប្រទេស BRICS ដើម្បីទប់ស្កាត់ ឬកាត់បន្ថយការប្រើប្រាស់ប្រាក់ដុល្លារអាមេរិកនៅលើទីផ្សាររបស់ឥណ្ឌា ទាំងក្នុងប្រទេស និងក្រៅប្រទេសបាននោះទេ ដោយសារក្តីបារម្ភជុំវិញទិដ្ឋភាពនយោបាយផ្នែកហិរញ្ញវត្ថុជាមួយសហរដ្ឋអាមេរិក”។

ទីក្រុងញូវដេលី បានជំទាស់គំនិតផ្ដួចផ្ដើមរបស់ប្រទេសចិន និងរុស្ស៊ី ដែលព្យាយាមកាត់បន្ថយការធ្វើចរាចរណ៍ប្រាក់ដុល្លារអាមេរិកលើទីផ្សារអន្តរជាតិ ខណៈទីក្រុងញូវដេលីវាយតម្លៃថា ការណ៍នេះពុំមានប្រសិទ្ធភាពឡើយ ហើយវាក៏អាចបង្កផលប៉ះពាល់លើតម្លៃទំនិញផ្សេងៗផងដែរ។

លោក S. Jaishankar រដ្ឋមន្ត្រីក្រសួងការបរទេសឥណ្ឌាបានសង្កត់ធ្ងន់ថា ប្រទេសឥណ្ឌាមិនចាប់អារម្មណ៍ក្នុងយុទ្ធសាស្ត្រដណ្ដើមឥទ្ធិពលពីការធ្វើចរាចរណ៍រូបិយបណ្ណថ្មីណាមួយឡើយ។

លោក Jaishankar បានបញ្ជាក់ប្រាប់ទៅកាន់បណ្តាប្រទេសជាសមាជិកក្នុងក្រុមប្រទេស BRICS ថា ទីក្រុងញូវដេលីនៅតែបន្តប្រើប្រាស់រូបិយបណ្ណប្រាក់ដុល្លារអាមេរិក ខណៈសេដ្ឋកិច្ចឥណ្ឌាកំពុងរីកចម្រើនយ៉ាងឆាប់រហ័ស ដោយអាស្រ័យលើការប្រើប្រាស់ប្រព័ន្ធផ្ទេរប្រាក់អេឡិចត្រូនិក Swift code របស់សហរដ្ឋអាមេរិក។

លោកបន្តថា “បណ្តាប្រទេសមួយចំនួនក្នុងសម្ព័ន្ធភាព BRICS កំពុងសាកល្បងកាត់បន្ថយចរាចរណ៍រូបិយបណ្ណប្រាក់ដុល្លារអាមេរិកនៅលើទីផ្សាររបស់ខ្លួនជាមួយដៃគូ។ ប៉ុន្តែ ពួកគេនៅតែមិនអាចបោះបង់ចោលប្រព័ន្ធផ្ទេរប្រាក់ Swift code របស់សហរដ្ឋអាមេរិកបានឡើយ។ ដូច្នេះ ការឈប់ប្រើប្រាស់ប្រាក់ដុល្លារពុំមែនជាគោលនយោបាយយុទ្ធសាស្ត្រសម្រាប់សេដ្ឋកិច្ចឥណ្ឌាទេ”។

ជារួម លោក Jaishankar អះអាងថា ឥណ្ឌាបានសម្រេចដកខ្លួនពីគំនិតផ្តួចផ្តើមប្រឆាំងនឹងការធ្វើចរាចរណ៍ប្រាក់ដុល្លារអាមេរិកលើទីផ្សារអន្តរជាតិ ទោះបីជាមានប្រព័ន្ធចរន្តផ្ទេរប្រាក់ថ្មីណាមួយយ៉ាងណាក្តី ខណៈទីក្រុងញូវដេលីមិនចង់ធ្វើឱ្យសេដ្ឋកិច្ចរបស់ឥណ្ឌា រងផលប៉ះពាល់៕ប្រភព: The Economic Times៕

1...448449450...3,378 Page 449 of 3,378