Country Garden: Forest City positioned to become key biz and investment hub

Forest City in Johor is emerging as a strategic hub for businesses and investors, supported by great air and sea connectivity, and is focused on creating economic growth and sustainability, according to its Chinese developer Country Garden Group.

Country Garden Malaysia and Singapore chief financial officer Kevin Li said it has the potential to become a key hub, blending financial, residential, and eco-friendly initiatives to play a major role in Asean’s future.
“A cornerstone of Forest City’s development is its ambitious vision for a multipurpose hub, branded as an eco island, safe island, financial island, smart island, and duty-free island.

“And just in 2023, we welcomed more than four million tourists into the city,” he added.

Li highlighted that the Forest City Special Financial Zone, which is part of the broader Johor-Singapore Special Economic Zone, offers a tailored environment for financial services.

“This zone targets financial institutions, family offices and investors, with attractive incentives such as tax exemptions for up to 20 years, and relaxed regulatory frameworks,” he said.

He noted that foreign financial institutions can establish branches in Forest City with fewer licensing restrictions, while businesses and investors benefit from incentives such as corporate tax exemptions, relocation cost deductions, and other advantages, fostering an ideal ecosystem for financial growth.

Malaysia’s emphasis on promoting single-family offices is also a major draw, with streamlined setup processes, minimal staffing requirements, and zero corporate tax for family offices, he said.

“Looking ahead, Forest City plans to expand further with land reclamation projects, and the creation of a one-stop service centre for investors,” he added.

Source: Bernama

ក្រុមហ៊ុនអភិវឌ្ឍន៍អចលនទ្រព្យចិន Country Garden ច្រានចោលការលើកឡើងថា ទីក្រុង Forest City ជា “ទីក្រុងខ្មោច”

ដោយ: គង់ លាងហួរ
អន្តរជាតិ: ក្រុមហ៊ុនអភិវឌ្ឍន៍អចលនទ្រព្យចិន Country Garden Group អះអាងថា ទីក្រុង Forest City ស្ថិតក្នុងរដ្ឋ Johor នៃប្រទេសម៉ាឡេសុីកំពុងផុសត្រដែតឡើងជាមជ្ឈមណ្ឌលយុទ្ធសាស្ត្រសម្រាប់អាជីវកម្ម និងអ្នកវិនិយោគ ដែលគាំទ្រដោយការតភ្ជាប់ផ្លូវអាកាស និងសមុទ្រដ៏អស្ចារ្យ។

ក្រុមហ៊ុនបន្តថា ទីក្រុងនេះមានសក្ដានុពលក្នុងការប្រែក្លាយខ្លួនជាមជ្ឈមណ្ឌលដ៏សំខាន់ ដោយច្របាច់រួមបញ្ចូលគ្នានូវគំនិតផ្តួចផ្តើមផ្នែកហិរញ្ញវត្ថុ លំនៅដ្ឋាន និងបរិស្ថាន ដើម្បីដើរតួនាទីយ៉ាងសំខាន់ក្នុងអនាគតរបស់តំបន់អាស៊ាន។

លោក Kevin Li ប្រធានផ្នែកហិរញ្ញវត្ថុនៃក្រុមហ៊ុន Country Garden ប្រចាំនៅប្រទេសម៉ាឡេសុី និងសិង្ហបុរីបានលើកឡើងថា “ចំណុចស្នូលក្នុងការអភិវឌ្ឍន៍ទីក្រុង Forest City ជាចក្ខុវិស័យដ៏មានមហិច្ឆតាក្នុងការប្រែក្លាយដែនដីកោះក្នុងរដ្ឋ Johor ទៅជាមជ្ឈមណ្ឌលពហុគោលបំណង ដូចជាកោះអេកូ កោះសុវត្ថិភាព កោះហិរញ្ញវត្ថុ កោះឆ្លាតវៃ និងកោះដែលមិនមានកាតព្វកិច្ចបង់ពន្ធ”។

លើសពីនេះ លោក Li បានច្រានចោលការលើកឡើងដែលចាត់ទុកថា ទីក្រុង Forest City ជា “ទីក្រុងខ្មោច” ដោយលោកបានសំអាងថា បច្ចុប្បន្ន ទីក្រុងនេះកំពុងមានមនុស្សរស់នៅជាង១០.០០០នាក់។

លោកបានបន្ថែមថា “នៅឆ្នាំ២០២៣ ទីក្រុងរបស់យើងបានស្វាគមន៍ភ្ញៀវទេសចរណ៍ចំនួនជាង៤លាននាក់ចូលមកទស្សនា”។

លោក Li បានគូសបញ្ជាក់ថា “ការប្រែក្លាយទីក្រុង Forest City ទៅជាតំបន់ហិរញ្ញវត្ថុពិសេស(SFZ) និងជាផ្នែកមួយនៃតំបន់សេដ្ឋកិច្ចពិសេសរវាងរដ្ឋ Johor និងប្រទេសសិង្ហបុរី បានផ្តល់នូវបរិយាកាសសមស្របសម្រាប់សេវាកម្មហិរញ្ញវត្ថុ។

លោកបានមានប្រសាសន៍ឱ្យដឹងថា “តំបន់នេះផ្តោតលើការទាក់ទាញស្ថាប័នហិរញ្ញវត្ថុ ការិយាល័យគ្រួសារ និងអ្នកវិនិយោគ ដោយរួមមានការលើកទឹកចិត្តដ៏ទាក់ទាញដូចជាការលើកលែងពន្ធចំនួន២០ឆ្នាំ និងការបន្ធូរបន្ថយក្របខ័ណ្ឌបទប្បញ្ញត្តិច្បាប់ផ្សេងៗ”។

លោកបានកត់សម្គាល់ថា ស្ថាប័នហិរញ្ញវត្ថុបរទេសអាចបង្កើតសាខាក្នុងទីក្រុង Forest City ព្រោះភាពងាយស្រួលក្នុងការទទួលបានអាជ្ញាប័ណ្ណ ខណៈក្រុមអ្នកវិនិយោគអាចទទួលបានអត្ថប្រយោជន៍ពីការលើកទឹកចិត្តនានាដូចជា ការលើកលែងពន្ធសាជីវកម្ម ការកាត់បន្ថយថ្លៃផ្លាស់ប្តូរទីតាំង និងអត្ថប្រយោជន៍ផ្សេងទៀត។

លោកបានបន្ថែមថា “ចំពោះនៅពេលអនាគត ទីក្រុង Forest City នឹងត្រូវបានពង្រីកកាន់តែធំបន្ថែមទៀតតាមរយៈគម្រោងចាក់ដីបំពេញទៅក្នុងសមុទ្រ និងការបង្កើតមជ្ឈមណ្ឌលសេវាកម្មច្រកចេញចូលតែមួយសម្រាប់បណ្តាអ្នកវិនិយោគ”៕ប្រភព:Bernama៕

តើជ័យជម្នះរបស់លោកដូណាល់ត្រាំ ជាដំំណឹងល្អ ឬអាក្រក់សម្រាប់អ្នកវិនិយោគអចលនទ្រព្យនៅសហរដ្ឋអាមេរិក?

ដោយ: គង់ លាងហួរ
អន្តរជាតិ: ក្រុមអ្នកវិភាគបានអះអាងថា ការជាប់ឆ្នោតជាថ្មីរបស់លោកដូ ណាល់ត្រាំ ជាប្រធានាធិបតីអាមេរិកទី៤៧ នាំមកនូវទាំងដំណឹងអាក្រក់ និងដំណឹងល្អសម្រាប់បណ្តាអ្នកវិនិយោគនៅក្នុងទីផ្សារអចលនទ្រព្យអាមេរិកមកពីទូទាំងពិភពលោក។

លោក Liam Bailey អ្នកជំនាញអចលនទ្រព្យនៅក្រុមហ៊ុន Knight Frank បានលើកឡើងថា “ការកាត់បន្ថយពន្ធរបស់លោក ត្រាំចំពោះក្រុមអ្នកមាន និងការប្រកាសដំឡើងពន្ធគយលើគ្រប់មុខទំនិញនាំចូលពីបរទេស នឹងធ្វើឱ្យអត្រាអតិផរណាកើនឡើង។ កត្តានេះអាចនឹងធ្វើឱ្យធនាគារកណ្តាលអាមេរិករក្សាទុកអត្រាការប្រាក់របស់ខ្លួនក្នុងកម្រិតខ្ពស់រយៈពេលវែង”។

លោកបានមានប្រសាសន៍ឱ្យដឹងបន្តថា ការណ៍នេះអាចនាំឱ្យតម្លៃអចលនទ្រព្យកើនឡើងកាន់តែខ្ពស់ ដែលជាដំណឹងល្អសម្រាប់ម្ចាស់ផ្ទះបច្ចុប្បន្ន។ ប៉ុន្តែ នេះជាដំណឹងអាក្រក់ទៅវិញសម្រាប់អ្នកចង់ទិញផ្ទះនាពេលអនាគត។

យ៉ាងណាមិញ លោក Bailey បានគូសបញ្ជាក់ថា “រឿងនេះទំនងជាមិនមានភាពខុសគ្នាខ្លាំងនោះទេ ព្រោះលោកប្រធានាធិបតីបច្ចុប្បន្ន ចូ បៃដិន បានបន្តអនុវត្តន៍គោលនយោបាយភាគច្រើនរបស់លោក ត្រាំ ទាក់ទងនឹងច្បាប់វិនិយោគក្នុងស្រុក។ ដូច្នេះ លោក ត្រាំ ហាក់មិនត្រូវការរឹតបន្តឹងបន្ថែមទៀតនោះទេ”។

ក្នុងរយៈពេល១១ឆ្នាំជាប់ៗគ្នាកន្លងមកនេះ ជនជាតិចិនជាអតិថិជនបរទេសដែលបានទិញលំនៅដ្ឋានច្រើនបំផុតនៅសហរដ្ឋអាមេរិក។

ជនជាតិចិន(រាប់ទាំងចិនដីគោក ចិនហុងកុង និងចិនតៃវ៉ាន់) បានបោះទុនសរុបចំនួន៩,៥ពាន់លានដុល្លារដើម្បីទិញផ្ទះចំនួន៦.០០០យូនីតនៅសហរដ្ឋអាមេរិកក្នុងរយៈពេល១២ខែគិតត្រឹមខែមីនា ឆ្នាំ២០២៤។ នេះបើយោងតាមទិន្នន័យពីសមាគមជាតិនៃអ្នកអចលនទ្រព្យ (NAR)។

លោក Bailey បានបន្តទៀតថា “រដ្ឋបាលរបស់លោក ត្រាំ នឹងធ្វើឱ្យឱនភាពថវិកាជាតិរបស់អាមេរិកកើនឡើងខ្ពស់ ស្របពេលដែលលោកគ្រោងបង្កើនការចំណាយ និងកាត់បន្ថយពន្ធ ហើយការដាក់ពន្ធគយក៏អាចជំរុញអត្រាអតិផរណាឱ្យកម្រើកឡើងវិញផងដែរ”។

លោកបន្ថែមថា បញ្ហានេះនឹងពន្យារពេលការស្ទុះងើបឡើងវិញនៃទីផ្សារលំនៅដ្ឋានរបស់សហរដ្ឋអាមេរិក ខណៈដែលអត្រាការប្រាក់លើកម្ចីទិញផ្ទះនៅតែបន្តកើនឡើង។

លោក Patrick Yip អនុប្រធាន និងជាដៃគូអន្តរជាតិនៅក្រុមហ៊ុន Deloitte China បានលើកឡើងថា ការវិនិយោគលើអចលនទ្រព្យ និងភាគហ៊ុននៅតែមានភាពទាក់ទាញសម្រាប់បុគ្គលទូទៅ និងគ្រួសារជនជាតិចិនដែលមានទ្រព្យសម្បត្តិស្តុកស្តម្ភ។

លោក Yip បានបន្តថា “ខ្ញុំគិតថា មនុស្សមួយចំនួនប្រហែលជាជឿថា នេះជាពេលវេលាដ៏ល្អក្នុងការវិនិយោគនៅសហរដ្ឋអាមេរិក ទាំងផ្នែកអចលនទ្រព្យ ភាគហ៊ុន និងមូលបត្រ ដោយសារអត្រាពន្ធអាចបន្តមានកម្រិតទាប ហើយតម្លៃអចលនទ្រព្យអាចនឹងកើនឡើង”។

លោកបន្ថែមថា ជនបរទេសជាច្រើនសង្ឃឹមថា សហរដ្ឋអាមេរិកនឹងបង្កើតបរិយាកាសវិនិយោគមួយដ៏ទាក់ទាញជាងនេះ។

ម្យា៉ងទៀត ទោះបីជាលោក ត្រាំ បានប្តេជ្ញាថា លោកនឹងដំឡើងពន្ធលើការនាំចូលទំនិញគ្រប់ប្រភេទមកកាន់សហរដ្ឋអាមេរិកយ៉ាងណាក្តី លោក Yip ជឿជាក់ថា “ពុំមានសូចនាករណាមួយដែលចង្អុលបង្ហាញថា អ្នកទិញអចលនទ្រព្យ មិនថា ពួកគេមកពីបរទេសឬក្នុងស្រុក នឹងត្រូវបង់ពន្ធខុសគ្នានោះទេ”៕ប្រភព: SCMP៕

ប្រូម៉ូសិនពិសេសឱកាសព្រះរាជពិធីបុណ្យអុំទូក…អគារពាណិជ្ជកម្ម 3 គម្រោង ផ្ដល់ជូនលក្ខខណ្ឌចំណេញ សម្រាប់អាជីវកម្ម និងវិនិយោគនៅទីក្រុងរណបជ្រោយចង្វារ

ទីក្រុងរណបជ្រោយចង្វារដ៏ធំ “The City of The Future” គឺជាតំបន់កំពុងរីកចម្រើនយ៉ាងឆាប់រហ័ស ដែលប្រមូលផ្ដុំអគារពាណិជ្ជកម្មធំៗ អគារស្ថាប័នរដ្ឋ និងឯកជនជាច្រើន។ ការលូតលាស់នេះបានបង្កើននូវចរន្តសេដ្ឋកិច្ច និងអាជីវកម្មយ៉ាងមមារញឹក។

ឥឡូវនេះ អគារពាណិជ្ជកម្មធំៗ៣ លើដងមហាវិថីOCIC កំពុងផ្តល់ឱកាសដ៏ល្អសម្រាប់ការពង្រីកអាជីវកម្ម និងវិនិយោគ លើផ្ទៃដីអភិវឌ្ឍន៍នៃ ទីក្រុងរណបជ្រោយចង្វារ (Chroy Changvar Satellite City) ដែលមានទំហំជិត ៣០០ ហិកតា កំពុងផ្ដល់លក្ខខណ្ឌចំណេញ សម្រាប់អ្នកជំនួញដែលកំពុងស្វែងរកទីតាំងពាណិជ្ជកម្មនានា ដែលមានសក្តានុពលខ្ពស់ និងងាយស្រួលក្នុងការអភិវឌ្ឍអាជីវកម្មគ្រប់ប្រភេទ៖

១. អគារពាណិជ្ជកម្ម ប៊ី & វី មែនសិន (B & V Mansion)

ជាអគារពាណិជ្ជទំនើបជាងគេក្នុងតំបន់ មាន កម្ពស់ ៩ ជាន់ មានការរចនាស្ថាបត្យកម្មប្រណិត ផ្ដល់នូវលំនៅឋាន និងទីតាំងអាជីវកម្មក្នុងអគារតែមួយ។ លក្ខណៈពិសេសេ គឺ លំហរពាណិជ្ជកម្ម រហូតដល់ ៦ជាន់ សម្រាប់ការបើកអាជីវកម្ម ការិយាល័យ ក្រុមហ៊ុន និងវីឡាលើអាកាស (The Penthouse)៣ ជាន់នៅខាងលើ ដែលផ្ដល់នូវភាពប្រណិត និងទំនើបភាពក្នុងការរស់នៅ។ ជាមួយនឹងចំណតឯកជនក្រោមដី ជណ្តើរយន្តផ្ទាល់ខ្លួន អាងហែលទឹក និងសួនច្បារឯកជនសម្រាប់អាគារនីមួយៗ។ ទំនាក់ទំនងសហការីផ្នែកលក់តាមរយៈ លេខ៖ 011 885 865

សំណង់រួចរាល់ ១០០% ទិញភ្លាម បើកអាជីវកម្មភ្លាម និងរស់នៅបានភ្លាម!

២. អគារពាណិជ្ជកម្ម សុវណ្ណមច្ឆា

ចំណែកឯ អគារពាណិជ្ជកម្មធំទី ២ គឺ អគារពាណិជ្ជកម្មសុវណ្ណមច្ឆា កម្ពស់ ៦ ជាន់ នៅចំកណ្តាលនៃគម្រោងស្ថិតនៅចំរង្វង់មូលសុវណ្ណមច្ឆា តភ្ជាប់ពីស្ពានខ្សែកាបឫស្សីកែវ មកផ្លូវជាតិ 6A ទល់មុខផ្សារទំនើប BigC នៃទីក្រុងរណបជ្រោយចង្វារ ដែលជាទីតាំងពាណិជ្ជកម្មដ៏មានសក្តានុពលនៅចំកណ្តាលទីក្រុងរណប។ ២ជាន់ ខាងលើ នៃអគារនេះមាន ជាម៉ូតវីឡាលើអាកាស (The Penthouse) សម្រាប់ការរស់នៅប្រកបដោយភាពសុវត្ថិភាព ឯកជនភាព និងភាពប្រណិត។ ស្ថាបត្យកម្មល្អឯក នេះរួមបញ្ចូលទាំងការស្នាក់នៅ និងពាណិជ្ជកម្មក្នុងអគារតែមួយ ដែលលំហរពាណិជ្ជកម្មធំរហូតដល់ ៤ ជាន់នៃអគារ។ អគារដែលមានការរចនាសាមញ្ញ អមដោយសួនច្បារពណ៌បៃតង ស្តង់ដារបច្ចេកទេសដ៏ទំនើប ដែលសក្តានុពលសម្រាប់អាជីវកម្មគ្រប់ប្រភេទ។ ទំនាក់ទំនងសហការីផ្នែកលក់តាមរយៈលេខ៖ 011 885 865

៣. អគារពាណិជ្ជកម្ម គម្រោងជ្រោយចង្វារ ហ្គាដិន

អគារពាណិជ្ជកម្មធំទី៣ ស្ថិតនៅក្នុងគម្រោងជ្រោយចង្វារ ហ្គាដិន ជាប្រភេទអគារផ្តោតតែលើ ពាណិជ្ជកម្មទំនើបសុទ្ធតែម្តង មានរហូត ៥ ជាន់ ដែលស្ថិតនៅអមខ្លោងទ្វាធំនៃគម្រោង លើ មហាវិថី OCIC និងមានទីតាំងជិតសាលាជាតិគយ សាកលវិទ្យាល័យធំៗ និងអគាររដ្ឋបាលធំៗ ដែលមានសក្តានុពលខ្ពស់សម្រាប់អាជីវកម្ម។ សំណង់វគ្គ ១ បានរួចរាល់ ហើយកំពុងបន្តសាងសង់វគ្គ ២ ដែលជាប្លុកថ្មីទៀតដើម្បីបំពេញតម្រូវការនៃទីផ្សារបច្ចុប្បន្ន។
ទំនាក់ទំនងសហការីផ្នែកលក់តាមរយៈលេខ៖ 089 822 009 / 093 822 009។

លក្ខខណ្ឌបង់ប្រាក់ដែលងាយស្រួល៖

កក់តិចបំផុតត្រឹមតែ 2% (ផ្ដល់ជូនតាមប្រភេទអគារ)
រំលស់ការប្រាក់ 0% រយៈពេលវែង
កម្ចីឥណទាន អត្រាការប្រាក់ប្រចាំខែទាបបំផុត
កម្ចីឥណទានបានរហូតដល់ 98% នៃតម្លៃអគារ (ផ្ដល់ជូនតាមប្រភេទអគារ)
រយៈពេលកម្ចីបានរហូតដល់ 25 ឆ្នាំ
មិនតម្រូវទ្រព្យបញ្ជាំផ្សេងៗ

សម្រាប់ព័ត៌មានបន្ថែមសូមទំនាក់ទំនងមកកាន់សហការីផ្នែកលក់ តាមរយៈលេខ៖ 011 885 865 / 093 822 009 ឬអញ្ជើញមកកាន់ទីតាំងការិយាល័យផ្នែកលក់គម្រោងជ្រោយចង្វារ ឬតាមរយៈ Link ខាងក្រោម៖

Location Map៖ https://bit.ly/ChroyChangvarSalesCenter

Telegram: https://t.me/chroychangvarsatellitecity

Facebook: https://www.facebook.com/chroychangvarcity

អគារខ្ពស់កប់ពពកលំដាប់ពិភពលោកចំនួន៣នឹងផុសត្រដែតឡើងនៅទសវត្សរ៍ឆ្នាំ២០៣០ខាងមុខ

ដោយ: គង់ លាងហួរ
អន្តរជាតិ: ស្របពេលដែលបច្ចេកវិទ្យារបស់ពិភពលោកកំពុងរីកចម្រើនទៅមុខយ៉ាងលឿនឥតឈប់ឈរ សំណង់អគារអច្ឆរិយៈជាច្រើនបានផុសត្រដែតឡើងពាសពេញផ្ទៃមេឃនៅតាមទីក្រុងធំៗទូទាំងសកលលោក។

គិតមកទល់ពេលបច្ចុប្បន្ន បណ្តាប្រទេសនានា ជាពិសេសប្រទេសនៅតំបន់អារ៉ាប់បាននិងកំពុងប្រណាំងប្រជែងគ្នាក្នុងការសាងសង់អគារខ្ពស់ៗកប់ពពក ដើម្បីដណ្តើមតំណែងជាប្រទេសដែលមានអគារខ្ពស់ជាងគេបំផុតនៅលើពិភពលោក។

ខាងក្រោមនេះជាគម្រោងអគារកប់ពពកចំនួន៣ ដែលនឹងលេចត្រដែតរូបរាងឡើងទៅលើផ្ទៃអាកាសនាទសវត្សរ៍ឆ្នាំ២០៣០ខាងមុខ។

ទី១: អគារ Burj Mubarak Al Kabir

នៅពេលសាងសង់រួចរាល់នៅឆ្នាំ២០៣៥ អគារ Burj Mubarak Al Kabir មិនត្រឹមតែនឹងក្លាយជាអគារខ្ពស់ជាងគេនៅក្នុងប្រទេសគុយវ៉ែតប៉ុណ្ណោះទេ។ ប៉ុន្តែ វាក៏នឹងក្លាយជាអគារខ្ពស់ជាងគេទូទាំងពិភពលោកទាំងមូលផងដែរ។

អគារនេះនឹងមានកម្ពស់សរុបចំនួន១.០០១ម៉ែត្រ ហើយអគារនេះនឹងមានកម្ពស់ខ្ពស់ជាងអគារ Burj Khalifa ចំនួន១៧១ម៉ែត្រ។ បច្ចុប្បន្នអគារ Burj Khalifa ជាអគារខ្ពស់ជាងគេរបស់ពិភពលោកដែលមានកម្ពស់សរុបចំនួន៨៣០ម៉ែត្រ ស្ថិតនៅទីក្រុងឌូបៃ ក្នុងប្រទេសអារ៉ាប់រួម។

ទី២: អគារ Lakhta Centre II

នៅពេលការសាងសង់ត្រូវបានបញ្ចប់នៅឆ្នាំ២០៣០ខាងមុខ អគារ Lakhta Center II ដែលមានទីតាំងនៅក្នុងទីក្រុង St. Petersburg នៃប្រទេសរុស្ស៊ី នឹងក្លាយជាអគារខ្ពស់ជាងគេបំផុតនៅតំបន់អឺរ៉ុប។

នាពេលបច្ចុប្បន្ន អគារ Lakhta Centre ទី១ របស់រុស្សុីជាអគារខ្ពស់ជាងគេនៅទ្វីបអឺរ៉ុបរួចជាស្រេចទៅហើយ ដែលអគារនេះមានកម្ពស់ចំនួន៤៦២ម៉ែត្រ។

គម្រោងអគារ Lakhta Centre ទី២ ឬ“Lakhta Center II”នឹងមានកម្ពស់សរុបចំនួន៧០៣ម៉ែត្រ ដែលជាប្រភេទអគារការិយាល័យ។

ទី៣: អគារ Nexus Tower

គម្រោងអគារកប់ពពក “Nexus Tower” នឹងមានកម្ពស់ចំនួន៥៩៥ម៉ែត្រ។អគារនេះមានទីតាំងស្ថិតនៅក្នុងទីក្រុង Shenzhen ដែលជាមជ្ឈមណ្ឌលនៃតំបន់សេដ្ឋកិច្ចពិសេសរបស់ប្រទេសចិន។

យោងតាមក្រុមស្ថាបត្យកររបស់គម្រោងបានបញ្ជាក់ឱ្យដឹងថា គម្រោងអគារNexus Tower មានប៉មសំខាន់ៗចំនួន៣ ហើយការរចនាបែបនេះមានបំណងអនុញ្ញាតឱ្យមានពន្លឺធម្មជាតិ និងខ្យល់ចេញ-ចូលកាន់តែច្រើន៕ប្រភព: The US Sun៕

មីយ៉ាន់ម៉ាសម្រេចលើកលែងទិដ្ឋាការសម្រាប់ពលរដ្ឋកម្ពុជា និងប្រទេសចំនួន៧ផ្សេងទៀត

ដោយ: គង់ លាងហួរ
អន្តរជាតិ: រដ្ឋាភិបាលយោធារបស់ប្រទេសមីយ៉ាន់ម៉ាបានសម្រេចលើកលែងតម្រូវការស្នើសុំទិដ្ឋាការសម្រាប់ពលរដ្ឋបរទេសមកពីបណ្តាប្រទេសសមាជិកអាស៊ានចំនួន៨ប្រទេស សំដៅជំរុញវិស័យទេសចរណ៍ និងលើកកម្ពស់វប្បធម៌របស់ខ្លួន។

បណ្តាប្រទេសទាំងនោះរួមមានទាំង ប្រទេសកម្ពុជា ប្រ៊ុយណេ សិង្ហបុរី ថៃ ឥណ្ឌូនេស៊ី ឡាវ ហ្វីលីពីន និងប្រទេសវៀតណាម។ការសម្រេចលើកលែងទិដ្ឋាការនេះជាផ្នែកមួយនៃគំនិតផ្តួចផ្តើមជាយុទ្ធសាស្ត្រដើម្បីទាក់ទាញភ្ញៀវទេសចរណ៍កាន់តែច្រើន និងជំរុញសេដ្ឋកិច្ចក្នុងស្រុក។

រដ្ឋាភិបាលយោធាមីយ៉ាន់ម៉ាមានបំណងអនុញ្ញាតឱ្យអ្នកធ្វើដំណើរមានឱកាសបានសិក្សាស្វែងយល់ពីវប្បធម៌ ទីតាំងប្រវត្តិសាស្ត្រ និងទេសភាពនៅមីយ៉ាន់ម៉ាបានយ៉ាងងាយស្រួល។ អ្នកទស្សនាត្រូវការតែលិខិតឆ្លងដែន ដែលមានសុពលភាពយ៉ាងតិចចំនួន៦ខែប៉ុណ្ណោះ។

តាមរយៈគម្រោងលើកលែងទិដ្ឋាការនេះ ពលរដ្ឋនៃប្រទេសសិង្ហបុរី និងប្រទេសវៀតណាមអាចចូលទៅទស្សនាប្រទេសមីយ៉ាន់ម៉ាចំនួន៣០ថ្ងៃ មិនថាក្នុងគោលបំណងទេសចរណ៍ ឬអាជីវកម្ម។ អ្នកដំណើរសិង្ហបុរីអាចចូលនិងចេញពីប្រទេសមីយ៉ាន់ម៉ាតាមរយៈច្រកណាមួយក៏បានមិនថា ច្រកតាមផ្លូវគោក ផ្លូវអាកាស ឬផ្លូវសមុទ្រ។

ចំណែក ភ្ញៀវទេសចរណ៍មកពីប្រទេសប្រ៊ុយណេ កម្ពុជា ឥណ្ឌូនេស៊ី ឡាវ ហ្វីលីពីន និងថៃ អាចចូលទៅទស្សនាប្រទេសមីយ៉ាន់ម៉ាចំនួន១៤ថ្ងៃ ដោយពុំចាំបាច់ស្នើសុំទិដ្ឋាការ។ ប៉ុន្តែ ពួកគេត្រូវតែធ្វើដំណើរចូលមកកាន់មីយ៉ាន់ម៉ា តាមរយៈច្រកចូលដែលបានកំណត់ជាក់លាក់ រួមមានអាកាសយានដ្ឋានអន្តរជាតិក្រុង Yangon អាកាសយានដ្ឋានក្រុងណៃពិដោ ឬអាកាសយានដ្ឋានអន្តរជាតិក្រុង Mandalay។

ចំនួនភ្ញៀវទេសចរណ៍បរទេសចូលទៅកាន់ប្រទេសមីយ៉ាន់ម៉ាបានកើនឡើងប្រមាណ៧៨ភាគរយ កាលពីឆ្នាំ២០២២បើប្រៀបធៀបទៅនឹងឆ្នាំ២០២១ ជាពិសេសលំហូរនៃអ្នកដំណើរមកពីបណ្តាប្រទេសជិតខាង។

ប្រទេសចិនជាប្រភពភ្ញៀវទេសចរណ៍អន្តរជាតិធំបំផុតទី១របស់ប្រទេសមីយ៉ាន់ម៉ា ដែលមានជនជាតិចិនចំនួន៧៤៩.៧១៩នាក់ក្នុងឆ្នាំ២០១៩ តាមពីក្រោយដោយភ្ញៀវទេសចរណ៍ចំនួន២៧៣.១៥៧នាក់មកពីប្រទេសថៃ៕ប្រភព: Travel And Tour World៕

ហេតុអ្វីតម្លៃអាផាតមុិននៅទីក្រុងហាណូយបន្តហក់ឡើងថ្លៃកប់ពពក បើទោះជាការផ្គត់ផ្គង់កើនឡើង?

ដោយ: គង់ លាងហួរ
អន្តរជាតិ: អាផាតមុិនថ្មីចំនួន១៩.០០០យូនីតត្រូវបានចាក់ចូលទៅក្នុងទីផ្សាររបស់ទីក្រុងហាណូយ ប្រទេសវៀតណាម ក្នុងរយៈពេល៩ខែដំបូងនៃឆ្នាំ២០២៤។តួលេខនេះជាចំនួនខ្ពស់បំផុតក្នុងរយៈពេល៥ឆ្នាំ។

ថ្វីបើការផ្គត់ផ្គង់មានការកើនឡើងយ៉ាងណាក្តី ប៉ុន្តែ ចំនួននេះនៅតែមិនគ្រប់គ្រាន់ ហើយក៏មិនអាចជួយឱ្យតម្លៃអាផាតមុិននៅក្នុងទីក្រុងហាណូយស្ថិតនៅថេរបានដែរ។

យោងតាមរបាយការណ៍របស់ក្រុមហ៊ុនប្រឹក្សាអចលនទ្រព្យ CBRE បានឱ្យដឹងថា ការកើនឡើងនៃការផ្គត់ផ្គង់អាផាតមុិននៅឆ្នាំនេះ បានបញ្ចប់បញ្ហានៃការខ្វះខាតលំនៅដ្ឋាននៅក្នុងទីក្រុងហាណូយ ប្រទេសវៀតណាម។

ប៉ុន្តែ អ្នកទិញបានសម្តែងការខកចិត្តយ៉ាងខ្លាំង ដោយសារតម្លៃអាផាតមុិនថ្មីជាមធ្យមបានហក់ឡើង២៦ភាគរយធៀបនឹងឆ្នាំមុនដល់ចំនួន៦៤លានដុង (ប្រហែល២.៥៣០ដុល្លារ) ក្នុងមួយម៉ែត្រការ៉េនៅក្នុងត្រីមាសទី៣។

ក្រុមអ្នកវិភាគអះអាងថា មូលហេតុ ដែលនាំឱ្យតម្លៃអាផាតមុិនបន្តកើនឡើងយ៉ាងគំហុកបែបនេះបណ្តាលមកពី អាផាតមុិនថ្មីភាគច្រើនត្រូវបានប្រមូលផ្តុំនៅក្នុងគម្រោង ដែលសាងសង់ឡើងដោយក្រុមអ្នកអភិវឌ្ឍន៍មួយក្តាប់តូច រួមទាំងកង្វះការប្រកួតប្រជែងក្នុងទីផ្សារ ការកើនឡើងនៃតម្លៃសំណង់ និងការទិញទុកសម្រាប់លក់ចំណេញបន្ត។

លោក Pham Duc Toan នាយកប្រតិបត្តិនៃទីភ្នាក់ងារអចលនទ្រព្យ EZ Property លើកឡើងថា“អាផាតមុិនថ្មីភាគច្រើនត្រូវបានសាងសង់ឡើងនៅក្នុងគម្រោងដែលមានស្រាប់នៅតំបន់ភាគខាងលិច និងភាគខាងកើតនៃរដ្ឋធានីហាណូយ ហើយតម្លៃអាផាតមុិនជាមធ្យមនៅទីនោះមានតម្លៃខ្ពស់រួចទៅហើយ”។

លោកបន្ថែមថា “កង្វះនៃការប្រកួតប្រជែងគ្នានៅក្នុងទីផ្សារបានបណ្តាលឱ្យអ្នកអភិវឌ្ឍន៍ផ្សេងៗមិនទាញទម្លាក់តម្លៃអាផាតមុិនរបស់ពួកគេ”។

ជាមួយគ្នានេះ លោកស្រី Nguyen Hoai An នាយកជាន់ខ្ពស់នៃក្រុមហ៊ុន CBRE Hanoi បានអះអាងថា “ការលក់អាផាតមុិនថ្មីមានសភាពកាក់កបល្អ បើទោះបីជាអាផាតមុិនត្រូវបានដាក់លក់ក្នុងតម្លៃខ្ពស់កប់ពពកយ៉ាងណាក្តី។ហេតុនេះ ពុំមានហេតុផលអ្វី ដែលអ្នកអភិវឌ្ឍន៍ត្រូវសម្រេចចិត្តបញ្ចុះតម្លៃអាផាតមុិនរបស់ពួកគេទេ”។

លោកស្រីបានបន្ថែមថា កំណើននៃតម្រូវការអាផាតមុិនមិនត្រឹមតែបានប្រភពពីតម្រូវការលំនៅដ្ឋានប៉ុណ្ណោះទេ ប៉ុន្តែក៏បានប្រភពពីក្រុមអ្នកវិនិយោគ ដែលស្វែងរកទិញអចលនទ្រព្យដើម្បីគោលដៅវិនិយោគផងដែរ ខណៈការវិនិយោគលើទ្រព្យសកម្មផ្សេងទៀតមិនសូវទទួលបានផលល្អក្នុងឆ្នាំ២០២៤នេះ៕ប្រភព: Vnexpress៕

អ្នកជំនាញអន្តរជាតិបង្ហើបផែនទីចង្អុលបង្ហាញផ្លូវ សម្រាប់ស្តារឡើងវិញនូវវិស័យអចលនទ្រព្យនៅកម្ពុជា

ដោយ: គង់ លាងហួរ
ភ្នំពេញ: លោកបណ្ឌិត Alexander Evengroen នាយកប្រតិបត្តិនៃក្រុមហ៊ុន ASEAN Realtor បានលើកឡើងថា វិស័យអចលនទ្រព្យជាកត្តាជំរុញដ៏មានឥទ្ធិពល ស្របពេលដែលកម្ពុជាកំពុងព្យាយាមជំរុញសន្ទុះសេដ្ឋកិច្ចរបស់ខ្លួនឡើងវិញ ក្រោយរងផលប៉ះពាល់ដោយសារវិបត្តិជំងឺឆ្លងកូវីដ-១៩។

ដោយមានបទពិសោធន៍ជិត៣ទស្សវត្សរ៍ក្នុងវិស័យអចលនទ្រព្យ និងការអភិវឌ្ឍន៍អាជីវកម្មជាយុទ្ធសាស្រ្ត លោកបណ្ឌិត Alexander Evengroen បានអះអាងថា កម្ពុជាត្រូវការស្តារជាបន្ទាន់ និងត្រូវលើកកំពស់វិស័យអចលនទ្រព្យក្នុងស្រុកឱ្យស្ទុះងើបឡើងវិញដល់កម្រិតមុនផ្ទុះការរាតត្បាតនៃជំងឺឆ្លងកូវីដ-១៩។

អ្នកជំនាញអន្តរជាតិរូបនេះបានមានប្រសាសន៍ឱ្យដឹងបន្តថា មាគ៌ាឆ្ពោះទៅរកការស្តារឡើងវិញនូវឧស្សាហកម្មអចលនទ្រព្យនៅកម្ពុជា តម្រូវឱ្យមានការធ្វើផែនការយុទ្ធសាស្រ្ត ការសហការពីរដ្ឋាភិបាល និងទំនុកចិត្ត ហើយតាមរយៈការដាក់ចេញនូវវិធីសាស្រ្តជាដំណាក់កាលៗ យើងអាចធ្វើការរួមគ្នាដើម្បីស្ដារកំណើន និងជំរុញការវិនិយោគបន្ថែមទៀត។

ស្របពេលជាមួយគ្នានេះ ការពង្រឹងទំនុកចិត្តរបស់បណ្តាវិនិយោគិនក្នុងស្រុក និងអន្តរជាតិ ជាតម្រូវការបន្ទាន់បំផុតមួយសម្រាប់វិស័យអចលនវត្ថុនៅកម្ពុជា។

កន្លងមក រាជរដ្ឋាភិបាលកម្ពុជាបានដាក់ចេញគោលនយោបាយលើកទឹកចិត្ត ដូចជាការបន្ធូរបន្ថយពន្ធ និងការសម្រួលដល់ដំណើរការអនុម័តគម្រោងវិនិយោគ សំដៅធ្វើយ៉ាងណាឱ្យប្រទេសកម្ពុជាកាន់តែមានភាពទាក់ទាញចំពោះអ្នកវិនិយោគបរទេស។

លោកបណ្ឌិត Alexander Evengroen អះអាងទៀតថា ការគាំទ្រគោលនយោបាយទាំងនេះជារឿងចាំបាច់ដែលគួរធ្វើ ដើម្បីប្រកួតប្រជែងជាមួយបណ្តាប្រទេសជិតខាង ហើយការបង្កើតក្របខណ្ឌច្បាប់ឱ្យមានភាពច្បាស់លាស់ ដែលអនុញ្ញាតឱ្យជនបរទេសអាចគ្រប់គ្រងកម្មសិទ្ធិអចលនទ្រព្យ និងសិទ្ធិវិនិយោគបរទេស នឹងផ្តល់ការធានានូវទំនុកចិត្តដល់បណ្តាវិនិយោគិនក្នុងស្រុក និងបរទេស។

ម្យ៉ាងទៀត ការលើកកម្ពស់វិជ្ជាជីវៈ និងសមត្ថភាពរបស់ភ្នាក់ងារអចលនទ្រព្យក៏មានសារៈសំខាន់ផងដែរ។ ជាពិសេស ភ្នាក់ងារអចលនទ្រព្យត្រូវចេះចាប់យកបច្ចេកវិទ្យាឌីជីថលនានា ដូចជាការផ្សព្វផ្សាយតាមរយៈប្រព័ន្ធផ្សព្វផ្សាយសង្គមជាដើម ដើម្បីបង្កើតឱកាសកាន់តែច្រើនឱ្យឈានទៅដល់ដៃរបស់អតិថិជន។

អ្នកអភិវឌ្ឍន៍អចលនទ្រព្យនៅកម្ពុជាក៏ត្រូវផ្តល់អាទិភាពដល់គម្រោងសាងសង់លំនៅដ្ឋានតម្លៃសមរម្យ ដើម្បីធ្វើឱ្យវិស័យអចលនទ្រព្យនៅកម្ពុជាមានភាពរីកចម្រើនយ៉ាងពិតប្រាកដ ដោយមានការគាំទ្រមកពីរដ្ឋាភិបាល។

នៅពេលដែលគម្រោងលំនៅដ្ឋានសង្គមមានការកើនឡើង ប្រជាជនកម្ពុជាកាន់តែច្រើននឹងមានលទ្ធភាពទិញផ្ទះ ព្រមទាំងបង្កើតតម្រូវការអចលនទ្រព្យប្រកបដោយនិរន្តរភាព ជំរុញសមធម៌សង្គម និងស្ថិរភាពសេដ្ឋកិច្ច។

ចំណែកឯ ការប្រើប្រាស់ពេលវេលាក៏ជាកត្តាដ៏សំខាន់នៅក្នុងដំណើរនៃការស្តារទីផ្សារអចលនទ្រព្យឡើងវិញផងដែរ។ តួយ៉ាង ការដាក់ចេញគំនិតផ្តួចផ្តើមបែបយុទ្ធសាស្ត្រជាដំណាក់កាលៗនឹងបង្កើតភាពធន់ និងរក្សាបាននូវសន្ទុះនៅក្នុងសេដ្ឋកិច្ចកម្ពុជា។

លោកបណ្ឌិតបានលើកឡើងនូវដំណាក់កាលចំនួន៣នៃការបែងចែកពេលវេលា ដើម្បីស្តារវិស័យអចលនទ្រព្យនៅកម្ពុជាឡើងវិញ។

-ដំណាក់កាលទី១: រយៈពេល៦ខែបន្ទាប់។

ការកែតម្រូវគោលនយោបាយ និងការលើកទឹកចិត្ត៖ រាជរដ្ឋាភិបាលកម្ពុជា និងស្ថាប័នឧស្សាហកម្មនានាគួរតែសហការគ្នាក្នុងការរៀបចំគោលនយោបាយដើម្បីគាំទ្រការវិនិយោគនៅក្នុងទីផ្សារអចលនទ្រព្យ និងសម្រួលដល់ដំណើរការអនុម័តគម្រោង។

-ដំណាក់កាលទី២: រយៈពេលចាប់ពី៦ខែទៅ១៨ខែបន្ទាប់។

ការវិនិយោគលើលំនៅដ្ឋានតម្លៃសមរម្យ៖រដ្ឋាភិបាលគួរតែលើកទឹកចិត្តដល់បណ្តាអ្នកអភិវឌ្ឍន៍អចលនទ្រព្យឱ្យចាប់ផ្តើមសាងសង់គម្រោងលំនៅដ្ឋានតម្លៃសមរម្យ ដោយមានការឧបត្ថម្ភធនមួយផ្នែកពីរដ្ឋាភិបាល។

លើសពីនេះ កម្ពុជាត្រូវតែបង្កើតយុទ្ធនាការផ្សព្វផ្សាយអំពីសក្តានុពលនៃទីផ្សារអចលនទ្រព្យរបស់ខ្លួនទៅកាន់បណ្តាវិនិយោគិនបរទេស ដោយត្រូវសង្កត់ធ្ងន់លើស្ថិរភាព កំណើននៃសក្តានុពល និងគោលនយោបាយគាំទ្ររបស់រដ្ឋាភិបាល។

-ដំណាក់កាលទី៣: រយៈពេលវែង។

ការបង្កើតភាពជាដៃគូសាធារណៈ និងឯកជន (PPPs) ក្នុងរយៈពេលវែងអាចជួយផ្តល់មូលនិធិដល់គម្រោងអចលនទ្រព្យខ្នាតធំ រួមទាំងការអភិវឌ្ឍន៍អគារពាណិជ្ជកម្ម ហេដ្ឋារចនាសម្ព័ន្ធដឹកជញ្ជូន និងទីក្រុងឆ្លាតវៃ ដើម្បីទាក់ទាញអ្នកវិនិយោគ និងបង្កើនតម្រូវការអចលនទ្រព្យ។

ម៉្យាងវិញទៀត ការខិតខំស្តារឡើងវិញនូវឧស្សាហកម្មអចលនទ្រព្យ នឹងទាមទារឱ្យមានកិច្ចសហការគ្នាយ៉ាងស្អិតរមួតរវាងគ្រប់ភាគីពាក់ព័ន្ធទាំងអស់ រួមទាំងរាជរដ្ឋាភិបាលកម្ពុជា បណ្តាអ្នកវិនិយោគឯកជន ក្រុមអ្នកជំនាញអចលនទ្រព្យ និងឧស្សាហកម្មសំណង់។

លោកបណ្ឌិត Alexander Evengroen បានផ្តល់ជាមតិយោបល់ថា “កិច្ចសហការគ្នានេះអាចធ្វើឡើងតាមរយៈការបង្កើតក្រុមប្រឹក្សាផ្តល់យោបល់ផ្នែកអចលនវត្ថុ ដោយប្រមូលផ្តុំក្រុមអ្នកជំនាញអចលនទ្រព្យ តំណាងរដ្ឋាភិបាល និងថ្នាក់ដឹកនាំក្នុងវិស័យឯកជន”។

លោកបណ្ឌិតបានបន្ថែមថា កម្ពុជាអាចបង្កើតវេទិកាមួយដើម្បីពិភាក្សាអំពីបញ្ហាប្រឈម កំណត់ដំណោះស្រាយ និងធ្វើការណែនាំផ្សព្វផ្សាយអំពីគោលនយោបាយផ្សេងៗ។

ជាពិសេស បណ្តាអ្នកអភិវឌ្ឍន៍ក៏គួរតែផ្តោតការវិនិយោគលើគម្រោងអចលនទ្រព្យបៃតង ដូចជាការរៀបចំបច្ចេកទេសសាងសង់ប្រកបដោយនិរន្តរភាព និងការប្រើប្រាស់ថាមពល។ ការអនុវត្តន៍បែបនេះនឹងមិនត្រឹមតែដើរស្របតាមនិន្នាការរបស់ពិភពលោកប៉ុណ្ណោះទេ។ ប៉ុន្តែ ការណ៍នេះថែមទាំងជួយធ្វើឱ្យប្រទេសកម្ពុជាក្លាយជាទិសដៅឆ្ពោះទៅមុខ និងទទួលខុសត្រូវចំពោះបរិស្ថានផងដែរ។

ឧស្សាហកម្មអចលនទ្រព្យនៅកម្ពុជាមានសក្តានុពល និងជាសសរស្តម្ភដ៏សំខាន់នៃកំណើនសេដ្ឋកិច្ចរបស់កម្ពុជា។ វិស័យនេះបានទាក់ទាញចំណាប់អារម្មណ៍របស់បណ្តាអ្នកវិនិយោគអន្តរជាតិ និងបម្រើដល់តម្រូវការរបស់ប្រជាជនកម្ពុជា។

លោកបណ្ឌិត Alexander Evengroen បន្ថែមថា ស្ថានភាពនៃទីផ្សារអចលនទ្រព្យនៅប្រទេសកម្ពុជាអាចវិលត្រលប់ទៅកាន់សភាពមុនពេលផ្ទុះវិបត្តិជំងឺកូវីដ-១៩ ប្រកបដោយភាពធន់ និងមានភាពស្វាហាប់ជាងមុន តាមរយៈការដាក់ចេញនូវគោលនយោបាយដែលមានគោលដៅច្បាស់លាស់ និងការយកចិត្តទុកដាក់ចំពោះទំនុកចិត្តរបស់បណ្តាវិនិយោគិនក្នុងស្រុក និងបរទេស ៕ប្រភព: LinkedIn៕

តម្លៃហាងឆេងមាសបានងើបឡើងថ្លៃនៅថ្ងៃពុធនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃនៅព្រឹកថ្ងៃពុធនេះ បន្ទាប់ពីបានធ្លាក់ថ្លៃចុះដល់កម្រិតទាបបំផុតក្នុងរយៈពេលជិត២ខែកាលពីថ្ងៃអង្គារម្សិលមិញ ខណៈក្រុមអ្នកវិនិយោគកំពុងរង់ចាំអ៊ុតមើលទិន្នន័យសន្ទស្សន៍តម្លៃទំនិញប្រើប្រាស់របស់សហរដ្ឋអាមេរិក (CPI) ដែលគ្រោងចេញផ្សាយនៅម៉ោងសកល 1330 GMT។

តួយ៉ាង តម្លៃមាស Spot Gold បានងើបឡើង០,៣៦ភាគរយដល់២៦០៦,៧០ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,៣១ភាគរយដល់២៦១៤,៥០ដុល្លារក្នុងមួយអោន គិតត្រឹមម៉ោង១០:៣៥នាទីព្រឹក។

គិតត្រឹមពេលបិទការជួញដូរកាលពីថ្ងៃអង្គារម្សិលមិញ តម្លៃមាស Spot Gold បានបិទនៅត្រឹម២៥៩៧,២៧ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៦០៦,៣០ដុល្លារក្នុងមួយអោន។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៥៨,៧ភាគរយ ដែលធនាគារកណ្តាលអាមេរិក(Fed) អាចនឹងទម្លាក់អត្រាការប្រាក់ចំនួន០,២៥ភាគរយបន្ថែមទៀតក្នុងកិច្ចប្រជុំនៅខែធ្នូខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះបន្តិចមកនៅត្រឹម១០៥,៩៦ពិន្ទុនៅព្រឹកថ្ងៃពុធនេះ បន្ទាប់ពីបានបិទការជួញដូរក្នុងរង្វង់១០៦,០២ពិន្ទុកាលពីថ្ងៃអង្គារម្សិលមិញ។

តម្លៃលោហៈធាតុប្រាក់ Spot silver បានងើបឡើង០,៩៨%ដល់៣១,០៦ដុល្លារ ក្នុងមួយអោន ខណៈតម្លៃផ្លាទីនបានងើបឡើង១,១៣%ដល់៩៥៨,៩០ដុល្លារក្នុងមួយអោន ហើយតម្លៃ palladium បានងើបឡើង១,៥%ដល់៩៥៥ដុល្លារក្នុងមួយអោន គិតត្រឹមម៉ោង១០:៣៨នាទីព្រឹក៕

U.S. Multifamily Market Sees First Vacancy Decline in Two+ Years

The U.S. multifamily market is showing signs of recovery as the vacancy rate fell in the third quarter for the first time in more than two years and renter demand outpaced record new supply deliveries, according to CBRE’s latest research.

The multifamily vacancy rate dropped 0.2% quarter-over-quarter to 5.3%, reflecting a diminishing supply pipeline and strong renter demand. These factors are expected to push vacancy down to its long-run average of 5.0% in coming quarters.

Positive net absorption, which measures the change in the number of occupied units, of 153,300 units was one of the strongest third quarters since 1985. Quarterly demand surpassed new completions for the second consecutive quarter, further shrinking the completions-over-demand gap on an annual basis.

Average monthly rents in Q3 2024 rose 0.3% compared with the same period in 2023, reaching $2,203. Rent growth is expected to accelerate as construction completions slow and positive net absorption continues.

A total of 473,300 new units have been delivered over the past four quarters, a record level. However, construction starts have slowed markedly, portending an easing of supply pressure in coming years.

“The first drop in vacant units in more than two years signals a crucial turning point in the multifamily sector. This boost will lead to increased investment activity in 2025 as improving fundamentals continue to drive investor confidence capital deployment,” said Kelli Carhart, leader of Multifamily Capital Markets for CBRE.

Source: CBRE

1...500501502...3,378 Page 501 of 3,378