ដោយៈ គង់ សូរិយា

        ភ្នំពេញៈ ទំនាក់ទំនងដែលពូនជ្រុំដោយសម្តេចតេជោហ៊ុន សែនប្រធានព្រឹទ្ឋសភា និងពូនជ្រុំដោយសម្តេចធិបតីហ៊ុន ម៉ាណែតបាននិងកំពុធ្វើឲ្យកម្រិត នៃកិច្ចសហប្រតិបត្តិការកាន់តែជ្រាលជ្រៅ និងកក់ក្តៅ។

កាលពីថ្ងៃទី៦ ខែមិថុនា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែនប្រធានព្រឹទ្ធសភានៃព្រះរាជាណាចក្រកម្ពុជា អនុញ្ញា​តឱ្យ លោកផាក ជុងវុក (Park Jung-wook)  ឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា ចូលជួបសម្ដែងការគួរសម និងពិភាក្សាការងារ។

ក្នុងជំនួបនោះលោកឯកអគ្គរដ្ឋទូត បានសម្តែងនូវការកោតសរ​សើរចំពោះ សម្តេចតេជោ ដែលបានដឹកនាំ ប្រទេសកម្ពុជាជាង៣០ឆ្នាំកន្លងមក នាំមកនូវភាពរីកចម្រើន និងការអភិវឌ្ឍឥតឈប់ឈរ។ នៅក្នុងតួនាទីជាប្រធានព្រឹទ្ធសភា លោកជឿជាក់ថា សម្តេចតេជោ នឹងបន្តដឹកនាំឱ្យមានការរីកចម្រើន សេដ្ឋកិច្ចសង្គមបន្ថែមទៀត សម្រាប់ប្រជាជនកម្ពុជា។

លោកឯកអគ្គរដ្ឋទូត សម្ដែងនូវក្ដីរីករាយថា លោកពិតជាមានកិត្តិយសណាស់ដែលបានអម សម្ដេចធិបតីនាយករដ្ឋមន្រ្តី អញ្ជើញទៅបំពេញទស្សនកិច្ចផ្លូវការលើកទី១ នៅសាធារណរដ្ឋកូរ៉េ។

លោកក៏បានបញ្ជាក់ពីភាពជោគជ័យ នៃដំណើរទស្សនកិច្ចដំបូងទៅកាន់សាធារណរដ្ឋកូរ៉េ របស់សម្តេចធិបតី នាយករដ្ឋមន្រ្តី តាមរយៈលទ្ធផល នៃជំនួបកំពូលរបស់សម្តេចធិបតី ជាមួយលោក Yoon Suk Yeol ប្រធានាធិបតីសាធារណរដ្ឋកូរ៉េ ដោយបានឯកភាពដំឡើងកម្រិតទំនាក់ទំនងទៅជា “ភាពជាដៃគូយុទ្ធសាស្រ្ត”។

លោកអគ្គរដ្ឋទូត បានជម្រាបអំពីកំណើន នៃការវិនិយោគកូរ៉េនៅកម្ពុជា និងកំណើនពាណិជ្ជកម្មទ្វេភាគី តាមរយៈកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP)។

គណៈកម្មាធិការចម្រុះ CKFTA បានរៀបចំកិច្ចប្រជុំលើកទី១ ដោយជោគជ័យ និងបានពិនិត្យគម្រោងនានា ដែលក្នុងនោះក៏មានគម្រោងស្ពានមិត្តភាពកម្ពុជា-កូរ៉េ ដែលជាគម្រោងស្នើដោយសម្តេចតេជោផ្ទាល់ ក្នុងឆ្នាំ២០២២។

សម្តេចតេជោ ប្រធានព្រឹទ្ធសភា “កំណើននៃទំនាក់ទំនងសេដ្ឋកិច្ច និងពាណិជ្ជកម្មជាមួយសាធារណរដ្ឋកូរ៉េ ប្រាកដជានាំមកនូវកំណើ​ននៃទំនាក់ទំនងផ្នែកនយោបាយ”។ សម្តេចបន្ថែមថា “កត្តាសន្តិភាព និងស្ថិរភាពនយោបាយ គឺជាអ្វីដែលអ្នកវិនិយោគត្រូវការ ហើយប្រទេសកម្ពុជា ក្រោមការគិតគូរ និងការលះបង់ធំធេងរបស់សម្តេច ទោះបីជាមានការផ្ទេរអំណាច ទៅឱ្យថ្នាក់ដឹកនាំវ័យក្មេង ក៏ប្រទេសកម្ពុជានៅតែមានសន្តិភាព និងស្ថិរភាពនយោបាយរយៈពេលវែង”។

ជាក់ស្តែង៩ ខែកន្លងមកនេះ ប្រទេសកម្ពុជា មានសន្តិភាព ស្ថិរភាពនយោបាយ និងម៉ាក្រូសេដ្ឋកិច្ច ព្រមទាំងបន្តមានកំណើនសេដ្ឋកិច្ច និងការកើនឡើងនៃការនាំចេញ និងប្រាក់ចំណូល ដែលនាំឱ្យប្រទេសបន្តដំណើរទៅមុខបានជាប្រក្រតី។

សម្តេចតេជោ បានលើកឡើងថា ភាគីទាំងពីរខិតខំអនុវត្តកិច្ចព្រមព្រៀង ដែលមានជាមួយគ្នា ជាពិសេសគឺតាមរយៈការអនុវត្តកិច្ចព្រមព្រៀងពាណិជ្ជកម្មសេរី ដែលនឹងជួយធ្វើឱ្យប្រទេសទាំងពីរកាន់​តែមានជំនឿទុកចិត្តគ្នា និងមានតម្លៃនយោបាយផងដែរ។

សម្ដេចតេជោ បានផ្ដល់អនុសាសន៍ ឱ្យអ្នកវិនិយោគទុនកូរ៉េពិនិត្យលើការបង្កើត នូវតំបន់សេដ្ឋកិច្ចពិសេស របស់ក្រុមហ៊ុនកូរ៉េតាមរូបមន្តមួយបូកនៅកម្ពុជា។ សម្តេច ក៏បានបង្ហើបពីបំណងចូលជួបជា​មួយប្រធានាធិបតីសាធារណរដ្ឋកូរ៉េ ដែលអាចចាត់ទុកថាជាមិត្តចាស់របស់សម្តេច នៅក្នុងដំណើរទស្សនកិច្ច របស់សម្តេចទៅសាធារណរដ្ឋកូរ៉េ នៅខែកញ្ញា ឆ្នាំ២០២៤ខាងមុខ ដើម្បីចូលរួមវេទិកាចំណេះដឹងពិភពលោក (World Knowledge Forum) នៅរដ្ឋធានីសេអ៊ូល និងទទួលសញ្ញាបត្របណ្ឌិតកិត្តិយស ពីសាកលវិទ្យាល័យ Dongguk University Wise នៅទីក្រុង Gyeonju។

សម្ដេចក៏បានរំលឹកផងដែរនូវមេរៀន ដែលកម្ពុជាត្រូវចងចាំនិងកត់ត្រាទុក ចំពោះការជួយរបស់សាធារណរដ្ឋកូរ៉េ នៅពេលដែលពិភពលោក ប្រឈមនឹងជំងឺរាតត្បាតកូវីដ១៩ ។ បណ្ដាប្រទេសនានាបានបិទខ្ទប់ ជាពិសេសបិទការហោះហើរ គឺមានតែសាធារណរដ្ឋកូរ៉េទេ ដែលរក្សាជើងហោះហើរ រវាងភ្នំពេញនិងសាធារណរដ្ឋកូរ៉េ ដែលជាច្រកចេញចូលសម្រាប់កម្ពុជា ក៏ដូចជាសម្រាប់ទំនាក់ទំនងជាមួយបណ្ដាប្រទេសផ្សេងទៀត។

សម្តេចតេជោ បានចាត់ទុកថា សម្ដេចនៅជំពាក់គុណសាធា​រណរដ្ឋកូរ៉េចំពោះការជួយដ៏ធំនេះ ដែលបានអនុញ្ញាតឱ្យកម្ពុជាមានដង្ហើមដកនៅពេលនោះ។ ជាមួយគ្នានេះដែរ សម្ដេចតេជោ ក៏បានថ្លែងអំណរគុណចំពោះជំនួយនានាជា ឥណទានសម្បទាន ជាជំនួយឥតសំណង ដែលសាធារណរដ្ឋកូរ៉េ បានជួយនៅក្នុងវិស័យហេដ្ឋារចនាសម្ព័ន្ធ ការកសាងផ្លូវថ្នល់ ការជួយបណ្តុះបណ្តាលធនធានមនុស្ស នឹងការទទួលយកពលករកម្ពុជា ទៅធ្វើការនៅសាធារណរដ្ឋកូរ៉េជាដើម។

សម្តេចសង្ឃឹមថា សម្តេចនឹងបានឃើញដោយផ្ទាល់ភ្នែកក្នុងពេលឆាប់ៗខាងមុខនូវ ស្ពានមិត្តភាពកម្ពុជា-កូរ៉េ ឆ្លងកាត់ទន្លេពីរនេះ ដែលសម្តេចជាអ្នកស្នើឡើងដោយផ្ទាល់។

សម្ដេចតេជោ ក៏បានលើកឡើងផងដែរថា ប្រទេសយើងទាំងពីរ កម្ពុជា-សាធារណរដ្ឋកូរ៉េ ជាប្រទេសដន្លងនឹងគ្នា ដោយស្ត្រីកម្ពុជាជាច្រើនបានរៀបការ ជាមួយនឹងបុរសជនជាតិកូរ៉េ។ ដូច្នេះ គួរធ្វើយ៉ាងណាឱ្យកូនកាត់កម្ពុជា -កូរ៉េទាំងនោះ អាចចេះទាំង២ភាសា គឺភាសាកម្ពុជា និងភាសាកូរ៉េ ដើម្បីឱ្យគេស្គាល់អត្តសញ្ញាណរបស់គេ។

លោក​ឯកអគ្គរដ្ឋទូត  បានថ្លែងអំណរគុណចំពោះសម្ដេចតេជោ ដែលបានផ្ដល់នូវការចងចាំ និងចំណាប់អារម្មណ៍ជុំវិញទំនាក់ទំនងរវាងប្រទេសទាំងពីរ ជាពិសេសអនុស្សាវរីយ៍នានា របស់សម្ដេចជាមួ​យនឹងប្រធានសភាជាតិ ប្រធានាធិបតី ជាបន្តបន្ទាប់និងឥស្សរជននានានៃសាធារណរដ្ឋកូរ៉េ។

ទាក់ទងនឹងគម្រោងស្ពាន មិត្តភាពកម្ពុជា-កូរ៉េ លោកឯក​អគ្គរដ្ឋទូត បានគោរពជម្រាបជូន សម្ដេចតេជោថា លោកតែងតែតាមដានដំណើរការនេះ យ៉ាងយកចិត្តទុកដាក់ និងបានលើកឡើងថាការរៀបចំសាងសង់ស្ពាននេះ មានដំណើរការទៅរលូន ហើយនឹងចុះបឋម​សិលាចាប់ផ្ដើមសាងសង់ នៅឆ្នាំ២០២៥ខាងមុខនេះ។

លោកឯកអគ្គរដ្ឋទូត បានសម្តែងការរីករាយ ដោយក្រុមមិត្តភាពអន្តរសភាកូរ៉េ-កម្ពុជាត្រូវបានបង្កើតឡើង ហើយដោយទទួលដំណឹងថា សម្ដេចតេជោនឹងអញ្ជើញ ទៅចូលរួមនៅក្នុងវេទិកាចំណេះដឹងពិភពលោក និងទទួលសញ្ញាបត្របណ្ឌិតកិត្តិយស ពីសាកលវិទ្យាល័យ Dongguk University Wise នៅទីក្រុង Gyeonju នៅខែកញ្ញាខាងមុខនេះ៕

ដោយ: គង់ លាងហួរ

បាងកក: ប្រទេសថៃបានទទួលស្វាគមន៍ ថ្នាក់ដឹកនាំប្រតិបត្តិ និងទីភ្នាក់ងារជាង១៥ ដើម្បីជំរុញកិច្ចសហប្រតិបត្តិការ ក្នុងគោលដៅទាក់ទាញភ្ញៀវទេសចរណ៍បរទេស មកកាន់មហាអនុតំបន់មេគង្គឱ្យបានចំនួន៩៥លាននាក់នៅឆ្នាំ២០២៥ខាងមុខ។

អាជ្ញាធរទេសចរណ៍ថៃ(TAT) និងក្រសួងទេសចរណ៍ និងកីឡាថៃ បានរៀបចំធ្វើជាម្ចាស់ផ្ទះ នៃជំនួបរវាងក្រុមមន្ត្រីជាន់ខ្ពស់ និងថ្នាក់ដឹកនាំប្រតិបត្តិមកពីប្រទេសកម្ពុជា ឡាវ និងមីយ៉ាន់ម៉ា នៅឯស្រុក Khao Lak ខេត្ត Phang-nga។

ភ្ញៀវ​ពិសេសទាំង​នោះ​រួម​មានលោក ហ៊ុល សីលា ទីប្រឹក្សា និងជាអគ្គនាយករង នៃអគ្គនាយកដ្ឋានអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ នៃក្រសួងទេសចរណ៍កម្ពុជា លោក Khom Douangchantha អគ្គនាយកនៃនាយកដ្ឋានទីផ្សារទេសចរណ៍ឡាវ និងលោក Maung Maung Kyaw អគ្គនាយកនៃនាយកដ្ឋានសណ្ឋាគារ និងទេសចរណ៍មីយ៉ាន់ម៉ា។

ជាមួយគ្នានេះ លោកស្រី Suvimol Thanasarakij នាយកប្រតិបត្តិការិយាល័យ សម្របសម្រួលទេសចរណ៍មេគង្គ (MTCO) និងថ្នាក់ដឹកនាំប្រតិបត្តិ មកពីបណ្តាក្រុមហ៊ុន និងទីភ្នាក់ងារចំនួន១៥ ផ្សេងទៀតក៏បានអញ្ជើញទៅចូលរួមផងដែរ។

មហាអនុតំបន់មេគង្គគ្របដណ្តប់ បណ្តាប្រទេសសមាជិកចំនួន៦ រួមមាន មីយ៉ាន់ម៉ា កម្ពុជា ឡាវ ចិន (ខេត្តយូណាន និងខេត្តក្វាងស៊ី) រួមទាំងថៃ និងវៀតណាម។ តំបន់ទាំងមូលមានមហិច្ឆិតាទាក់ទាញភ្ញៀវទេសចរណ៍អន្តរជាតិ ឱ្យបានសរុបចំនួន៩៥លាននាក់ នៅឆ្នាំក្រោយ។

លើសពីនេះ ប្រទេសថៃបានរៀបចំពិព័រណ៍ ពាណិជ្ជកម្មទេសច​រណ៍ TTM+ ឆ្នាំ២០២៤ ចាប់ពីថ្ងៃទី៥ ដល់ថ្ងៃទី៧ ខែមិថុនានេះ ដោយក្នុងនោះ ប្រទេសកម្ពុជា ឡាវ និងមីយ៉ាន់ម៉ា ក៏បានរៀបចំស្តង់ដាក់តាំងពិព័រណ៍សក្តានុពលទេសចរណ៍របស់ខ្លួនផងដែរ។

ម្យ៉ាងវិញទៀត វិធីសាស្ត្រកែលម្អផ្លូវដែក ផ្លូវថ្នល់ ផ្លូវអាកាស និងផ្លូវសមុទ្ររវាងប្រទេសថៃ និងបណ្តាប្រទេសក្នុងមហាអនុតំបន់មេគង្គ ក៏ត្រូវបានលើកមកពិភាក្សាគ្នាផងដែរ ដើម្បីបង្កភាពងាយស្រួលក្នុងការរចនាកញ្ចប់ទេសចរណ៍ និងសម្រួលដល់ការធ្វើដំណើរប្រកប​ដោយភាពរលូន៕ប្រភព:The Nation៕

ដោយ: គង់ លាងហួរ
អន្តរជាតិ: បើប្រៀបធៀបនឹងតម្លៃក្នុងពេលបិទការជួញដូរកាលពីថ្ងៃព្រហស្បតិ៍ម្សិលមិញ គេសង្កេតឃើញថា តម្លៃហាងឆេងមាសបានធ្លាក់ថ្លៃចុះមកវិញនៅល្ងាចថ្ងៃសុក្រនេះ បន្ទាប់ពីងើបឡើងថ្លៃតិចតួចកាលពីព្រឹកមិញ។

តួយ៉ាង តម្លៃមាស Spot Gold បានធ្លាក់ចុះ១,៥៣%ដល់២៣៣៩,១៨ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ១,៤១ភាគរយដល់២៣៥៧,២០ដុល្លារ ក្នុងមួយអោន គិតត្រឹមម៉ោង៥:០០នាទីល្ងាច។ ប៉ុន្តែ តម្លៃទាំងនេះអាចប្រែប្រួលទៀត អាស្រ័យលើទិន្នន័យអត្រាអ្នកមានការងារធ្វើរបស់សហរដ្ឋអាមេរិក ដែលគ្រោងចេញផ្សាយនៅថ្ងៃនេះ។

គិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ តម្លៃមាស Spot Gold បានស្ថិតនៅត្រឹម២៣៧៥,៦១ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានស្ថិតនៅត្រឹម២៣៩០,៩០ដុល្លារ ក្នុងមួយអោន។

កំណត់សម្គាល់: តម្លៃមាសបានធ្លាក់ថ្លៃចុះនៅល្ងាចថ្ងៃសុក្រនេះ បើសិនយកទៅប្រៀបធៀបនឹងតម្លៃក្នុងពេលបិទការជួញដូរកាលពីថ្ងៃព្រហស្បតិ៍ម្សិលមិញ៕

ធ្មេចបើកៗ ដល់ពាក់កណ្ដាលឆ្នាំទៀតហើយ!​ សម្រាប់លោកអ្នកដែលកំពុងមានបំណងចង់វិនិយោគ ឬទិញផ្ទះសម្រាប់រស់នៅក្នុងខែមិថុនានា ក៏នឹងមានឱកាសទទួលបានការផ្ដល់ជូនដ៏ចំណេញពីបុរី ប៉េង ហួត ផងដែរ។ ការផ្តល់ជូននេះគឺជា​ប្រម៉ូសិន​ដ៏ធំ​មិនធ្លាប់មាន សម្រាប់ឆ្នាំ២០២៤នេះ គឺប្រូម៉ូសិន Mid-Year Celebration ជាមួយ កញ្ចប់Promotion ទាំង ៦ ​ដ៏ធំសម្បើមខ្លាំងមែនទែន។

ចង់ដឹងទេថាប្រ៉ម៉ូសិនដ៏ពិសេសនេះ មានអ្វីខ្លះ?

✨​ទិញផ្ទះ ទទួលបានឡានអគ្គិសនីដ៏ប្រណិតចុងក្រោយគេ ម៉ាក Toyota BZ4X 01គ្រឿងភ្លាមៗ

✨ ផ្តល់ជូនសេវា Internet ឥតគិតថ្លៃរយៈពេល 5ឆ្នាំ

✨ ទទួលបានសេវាកាត់ប្លង់រឹងដោយឥតគិតថ្លៃ

✨ ប័ណ្ណទឹកប្រាក់ផ្នែកថែមថយសម្រាប់ដេគ័រគ្រឿងសង្ហារិមរហូតដល់ $5,000

✨ ប័ណ្ណទឹកប្រាក់សម្រាប់ការតុបតែងបំពាក់វាំងននគ្រប់បន្ទប់ទាំងអស់រហូតដល់ $3,000

✨ ប័ណ្ណទឹកប្រាក់សម្រាប់ការទិញគ្រឿងអេឡិកត្រូនិកសម្រាប់គ្រប់តម្រូវការរហូតដល់ $3,000

ការផ្ដល់ជូននេះមានសុពលភាពត្រឹមតែដំណាច់ខែមិថុនា ឆ្នាំ២០២៤ នេះប៉ុណ្ណោះ។ បើផុត គឺលែងមានឱកាសចំណេញបែបនេះទៀតហើយ! រួសរាន់ឡើង!

មិនតែប៉ុណ្ណោះ បុរី ប៉េង ហួត នៅមានដំណឹងកាន់តែពិសេសជូនដល់អតិថិជនដែលមានបំណងស្វែងរកគេហដ្ឋានកក់ក្តៅសម្រាប់គ្រួសារលែងបារម្ភរឿងការបង់ប្រាក់ទៀតហើយ។ ជាមួយកម្ចីពីធនាគារដៃគូរបស់បុរី ប៉េង ហួត ដោយអត្រាការប្រាក់ពិសេសមិនធ្លាប់មាន ត្រឹមតែ 3% តែប៉ុណ្ណោះក្នុងមួយឆ្នាំ។ដើម្បីជ្រាបព័ត៌មានកាន់តែច្បាស់ សូមទាក់ទងទៅបុគ្គលិកផ្នែកលក់របស់បុរី ប៉េង ហួត តាមរយៈលេខទូរសព្ទ៖ 016 / 017 596 789 ឬចូលរួមជាមួយ Telegram Channel https://t.me/boreypenghuoth ៕

ដោយៈ គង់ ហ្វីអូណា

        ភ្នំពេញៈ អាកាសយានដ្ឋានអន្តរជាតិតេជោលំដាប់ថ្នាក់ 4F សម្រេចបានការសាងសង់ ដំណាក់កាលទីមួយបានប្រមាណ ៧៥.៨ភាគរយហើយ ដែលគ្រោងនឹងចាប់ផ្តើមបើកប្រតិបត្តិការ នៅឆមាសទី១ ឆ្នាំ២០២៥។

នេះបើតាមការបញ្ជាក់របស់លោកបណ្ឌិត ម៉ៅ ហាវណ្ណាល់ រដ្ឋមន្ដ្រីប្រតិភូអមមនាយករដ្ឋមន្រ្តី ទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល។

ការបញ្ជាក់ឲ្យដឹង​បែបនេះ ធ្វើឡើងក្នុងឱកាសដែលលោកបណ្ឌិត ម៉ៅ ហាវណ្ណាល់ ចូលរួមជាអធិបតីក្នុងកម្មវិធី ដឹកនាំតំណាងក្រុមហ៊ុនអាកាសចរណ៍ជាតិ និងអន្តរជាតិ ព្រមទាំងតំណាងក្រុមហ៊ុនផ្តល់សេវាកម្ម គាំទ្រការដឹកជញ្ជូនតាមផ្លូវអាកាស មកធ្វើទស្សនកិច្ចស្វែងយល់លើការងារសាងសង់ អាកាសយានដ្ឋានអន្តរជាតិតេជោ នៅថ្ងៃទី០៦ ខែមិថុនា ឆ្នាំ២០២៤កន្លងមកនេះ។

ដំណើរទស្សនកិច្ចនេះ ត្រូវបានរៀបចំឡើងជាលើកទី២ ដើម្បីអនុញ្ញាតជូនប្រតិបត្តិករក្រុមហ៊ុនទាំងអស់ ត្រៀមលក្ខណៈរបស់ខ្លួន មកបម្រើការងារ និងផ្តល់សេវាកម្មពាក់ព័ន្ធ នៅពេលអាកាសយានដ្ឋានអន្តរជាតិតេជោ បញ្ចប់ការសាងសង់រួចរាល់ និងចាប់ផ្តើមប្រតិ​បត្តិការតាមការគ្រោងទុក នៅឆមាសទី១ ឆ្នាំ២០២៥ ខាងមុខនេះ។

ដំណើរទស្សនកិច្ចនេះ ក៏មានបំណងផ្តល់ការស្វែងយល់អំពីការវិវឌ្ឍន៍ចុងក្រោយ នៃការសាងសង់សំណង់ដ៏មហិមា និងលំដាប់អន្តរជាតិរបស់កូនខ្មែរ ដែលកើតចេញពីគតិបណ្ឌិត និងការដឹកនាំដ៏ឈ្លាសវៃរបស់ សម្តេចតេជោ ហ៊ុន សែន អតីតនាយករដ្ឋមន្ត្រី និងជាប្រធានព្រឹទ្ធសភា និងការបន្តអនុវត្តគតិបណ្ឌិត ប្រកបដោយស្មារតីប្រុងប្រយ័ត្នខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

ថ្លែងក្នុងពិធីនេះលោកបណ្ឌិត ម៉ៅ ហាវណ្ណាល់ បានបញ្ជាក់ថា”ក្រុមហ៊ុនបានខិតខំប្រឹងប្រែង និងព្យាយាមអស់ពីលទ្ធភាព ដើម្បីសម្រេចការសាងសង់ ឲ្យបានឆាប់តាមផែនការដូចបានគ្រោងទុក”។

លោកបន្ថែមថា “គម្រោងសាងសង់អាកាសយានដ្ឋាន អន្តរជាតិតេជោនៅទីនេះ ក្រោមទឹកប្រាក់វិនិយោគ១៥០០លានដុល្លារ ជាគម្រោងចម្រុះរដ្ឋ និងឯកជន ដែលរដ្ឋលេខាធិការដ្ឋានអាកាសចរណ៍ស៊ីវិល មានភាគហ៊ុនវិនិយោគ១០% នៅក្នុងភាគហ៊ុន១០០ភាគរយ”។

ក្នុងនាមជាម្ចាស់ភាគហ៊ុន ក៏មានមោទនៈភាពក្រៃលែងផងដែរ នៅពេលណាដែល គម្រោងសាងសង់ត្រូវបាន បញ្ចប់តាមផែនការ និងដាក់ដំណើរការប្រកប ដោយប្រាក់ចំណេញ ហើយជួយជំរុញដល់កំណើនដឹកជញ្ជូនតាមផ្លូវអាកាសកម្ពុជា។

ជាមួយគ្នានេះ លោកបណ្ឌិត ម៉ៅ ហាវណ្ណាល់ បានឲ្យដឹងផងដែរថា ចាប់ពីខែមករាដល់ខែមេសា ឆ្នាំ២០២៤ កម្ពុជាបានទទួលអ្នកធ្វើដំណើរ តាមផ្លូវអាកាសជាង២លាននាក់ កើនឡើង២៥% ធៀបនឹងអំឡុងពេល ដូចគ្នានៅឆ្នាំ២០២៣ ដែលមានចំនួនត្រឹមតែជាង១,៦លាននាក់។

តាមរយៈតួលេខនេះ លោកបណ្ឌិត ម៉ៅ ហាវណ្ណាល់ អាចនិយាយជារួមបានថា សកម្មភាពដឹកជញ្ជូនតាមផ្លូវអាកាសនៅកម្ពុជា បានស្ដារឡើងវិញ បន្តិចម្តងៗ បន្ទាប់ពីវិបត្តិជំងឺកូវីដ-១៩ និងកំពុងបោះជំហានទៅមុខ គួរជាទីមោទនៈ។

អាកាសយានដ្ឋានអន្តរជាតិតេជោ ជាប្រភេទ4F គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។ ក្រុមហ៊ុនវិនិយោគ មានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឲ្យធំ និងទំនើបជាងគេនៅតំបន់អាស៊ី។

អ្នកជំនាញអន្តរជាតិមួយរូប ដែលបានទស្សនាព្រលាននេះបានកោតសរសើរចំពោះការរៀបចំឌីសាញ និងសាងសង់ព្រលាននេះ ប៉ុន្តែលោកបានស្នើឲ្យ អ្នកផ្តល់សេវាកម្មនៅព្រលានយន្តហោះអន្តរជាតិតេជោ និងព្រលានយន្កហោះថ្មីខេត្តសៀមរាប ផ្តោតលើការធ្វើការងារដោយបេះដូងឲ្យបានប្រសើរជាងនេះ៕

        ដោយៈ ច្រាយ ចំណាន

        សៀមរាបៈ លោក យុន លីនណា អភិបាលរងខេត្តបានផ្តល់ធុងសំរាមដល់សង្កាត់ស្លក្រាម ដើម្បីចូលរួមអនុវត្តគម្រោងសាកល្បងក្នុងការជំរុញឱ្យប្រើប្រាស់ IoT ដើម្បីពង្រឹងប្រសិទ្ធភាពប្រមូល និងដឹកជញ្ជូនកាកសំណល់។

គម្រោងនេះធ្វើឡើងដោយប្រើកម្មវិធីទូរស័ព្ទ ដែលមានឈ្មោះថា “ សៀមរាបស្អាត និងឆ្លាត (Smart Clean Siem Reap)” ហើយនេះជាជំហានដំបូង ក្នុងការកែប្រែការគ្រប់គ្រងកាកសំណល់ឆ្លាតវៃក្នុងក្រុងសៀមរាប។

លោក អភិបាលរងខេត្តបានបញ្ជាក់ថា ខេត្តសៀមរាបមានការអនុវត្តគម្រោងសាកល្បងចំនួន៨ ដើម្បីសាកល្បងអនុវត្តកិច្ចការទីក្រុងឆ្លាតនានា ហើយក្នុងនោះគម្រោងក៏មានគំនិតផ្ដួចផ្ដើម ទីក្រុងឆ្លាត ដែលមានទីភ្នាក់ងារចៃកាបានចាប់ផ្ដើម គម្រោងទីក្រុងឆ្លាតដែលមានឈ្មោះថា “គម្រោងអនុវត្តវិធីសាស្ត្រទីក្រុងឆ្លាត ដើម្បីដោះស្រាយបញ្ហាទីក្រុងក្នុងខេត្តសៀមរាប ( គម្រោងទីក្រុងឆ្លាត) “ បាននិងកំពុងអនុវត្តតាំងពីឆ្នាំ២០២២ រហូតមកដោយសហការជាមួយរដ្ឋបាលខេត្តសៀមរាប និងដៃគូជាច្រើនទៀត។

ក្នុងចំណោមគម្រោងទាំង៨នោះ មានគម្រោងមួយពាក់ព័ន្ធនឹងកិច្ចការគ្រប់គ្រងកាកសំណល់ គឺ “គម្រោងសាកល្បងប្រមូល និងដឹកជញ្ជូនកាកសំណល់ឆ្លាតវៃ” នៅសង្កាត់ស្លក្រាម ក្រុងសៀមរាបដែលមានភ្ជាប់បច្ចេកវិទ្យាអ៊ីនធ័រណិតនៃវត្ថុ ( Internet of Thing ឬ IoT) ផងដែរ។

ក្នុងឆ្នាំ២០២៣ គម្រោងទីក្រុងឆ្លាតបានធ្វើការសិក្សាបឋមដែលមានឈ្មោះថា “ការអង្កេតពេលវេលា និងសកម្មភាណប្រមូលសំរាម (Time and Motion Survey)” នៅតំបន់គោលដៅនេះដែរ។ ការសិក្សាបឋមនេះមានបំណងពិនិត្យល្បឿនប្រមូល និងសកម្មភាពប្រមូល។ ការអង្កេតនោះធ្វើឲ្យយើងដឹងថា មានកង្វះខាតក្នុងប្រសិទ្ធភាពប្រមូល និងដឹកជញ្ជូនសំរាម។

មូលហេតុដោយសារពលរដ្ឋ ប្រើធុងសំរាមច្រើនខ្នាត ច្រើនទំហំមិនស្មើគ្នា ហើយខ្វះពត៌មានច្បាស់អំពីកាលវិភាគប្រមូល ដែលធ្វើឲ្យប៉ះពាល់ដល់ប្រសិទ្ធភាពគ្រប់គ្រងកាកសំណល់។

ដើម្បីដោះស្រាយបញ្ហានេះ គម្រោងសាកល្បងនេះបានប្រើធុងសំរាមដែលមានទំហំ ខ្នាតដូចគ្នា និងប្រើអ៊ែប សៀមរាបស្អាត និងឆ្លាតរួមបញ្ចូលផង។ ធ្វើបែបនេះពលរដ្ឋទទួលដំណឹង អំពីកាលវិភាគប្រមូលរាល់សប្ដាហ៍ ដើម្បីរៀបចំសំរាមទាន់ពេលវេលា។ ក្រុមហ៊ុនប្រមូលសំរាម ក៏ងាយគ្រប់គ្រងស្ថានភាពប្រមូលសំរាមផងដែរ គឺអាចពិនិត្យស្ថានភាពតាមសមកាល (Real-time) ធ្វើឲ្យមានប្រសិទ្ធភាពជាងមុន។​
ភាគីអនុវត្តសំខាន់ៗមានដូចជា រដ្ឋបាលខេត្តសៀមរាប រដ្ឋបាលក្រុងសៀមរាប មន្ទីរបរិស្ថានខេត្ត អង្គការ GIZ  និង ក្រុមហ៊ុនហ្កាអ៊ីយ៉ា៕