ខេត្តព្រះសីហនុទទួលបានការវិនិយោគសរុប៤៤គម្រោង គិតត្រឹមដើមខែឧសភានេះ

ដោយៈ គង់ ហ្វីអូណា

ព្រះសីហនុៈ លោក ឡុង ឌីម៉ង់ អភិបាលរងខេត្តព្រះសីហនុបានថ្លែងថា គិតមកត្រឹមថ្ងៃទី១ ខែឧសភា ឆ្នាំ២០២៤ ខេត្តព្រះសីហនុ ទទួលបានសំណើដែលក្រុមការងារ កម្មវិធីពិសេសជំរុញការវិនិយោគឆ្នាំ២០២៤ សរុបមានចំនួន៤៤គម្រោង។

គម្រោងវិនិយោគនេះ ធ្វើឡើងក្រោយពីអនុវត្តន៍តាមគោលនយោបាយ ដែលរាជរដ្ឋាភិបាលបានដាក់ចេញ កម្មវិធីពិសេសជំរុញការវិនិយោគ ក្នុងខេត្តព្រះសីហនុឆ្នាំ២០២៤ ដោយសម្រេចសម្រួលនីតិវិធី បែបបទ និងកាត់បន្ថយរយៈពេលនៃការស្នើសុំ និងផ្តល់លិខិតសម្រាប់ដំណើរការសាងសង់ក្នុងខេត្តព្រះសីហនុ។

លោក ឡុង ឌីម៉ង់ បានឲ្យដឹងថា សំណើដែលក្រុមការងារកម្មវិធីពិសេសជំរុញការវិនិយោគឆ្នាំ២០២៤ ទទួលបានសរុប៤៤ គម្រោងរួមមាន គម្រោងដែលទទួលបាន “លិខិតឆ្លើយតបជាផ្លូវការ” ចំនួន ១៣គម្រោង, គម្រោងដែលបានឆ្លងកាត់ការប្រជុំពិភាក្សា (ថ្ងៃទី២៩ ខែមេសា ឆ្នាំ២០២៤) និងទទួលបាន “ការឯកភាពជាគោលការណ៍”ចំនួន១៤គម្រោង។គម្រោងដែលបានដាក់ពាក្យស្នើសុំ តែមិនទទួលបានការឯកភាពចំនួន១គម្រោង, គម្រោងដែលនឹងត្រូវចុះពិនិត្យ១៦គម្រោង ដែលក្នុងនោះ៣គម្រោងបានពិនិត្យម្តងហើយ តែត្រូវចុះពិនិត្យ និងវាយតម្លៃម្តងទៀត។

តាមរយៈការអនុវត្តកម្មវិធីពិសេសនេះ ក្រសួងដែនដី នគរូបនីយកម្ម និងសំណង់ បានចាត់មន្ត្រីជំនាញ ចុះធ្វើការត្រួតពិនិត្យ និង បញ្ជាក់គម្រោងប្លង់ស្ថាបត្យកម្ម គម្រោងប្លង់គ្រឿងផ្តុំសំណង់ ការងារសំណង់ និង ការងារត្រួតពិនិត្យគុណភាព និងសុវត្តិភាពសំណង់ ក្នុងករណីម្ចាស់សំណង់គ្មានលិខិត ឬរបាយការណ៍បញ្ជាក់ពីក្រុមហ៊ុនដែលមានអាជ្ញាបណ្ណ។រាជរដ្ឋាភិបាលកម្ពុជា បានប្រកាសដាក់ចេញនូវ “កម្មវិធីពិសេសជំរុញការវិនិយោគ ក្នុងខេត្តព្រះសីហនុ ឆ្នាំ ២០២៤” សំដៅប្រែក្លាយខេត្តព្រះសីហនុ ឱ្យទៅជាខេត្តដឹកមុខ ក្នុងការលើកស្ទួយកំណើនសេដ្ឋកិច្ចកម្ពុជា ក្នុងបរិការណ៍ដែលស្ថានភាពសេដ្ឋកិច្ច ពិភពលោក និង តំបន់កំពុងតែបន្តប្រឈមនិងភាពមិនប្រាកដប្រជាខ្ពស់៕

រដ្ឋមន្រ្តីមកពីក្រសួងបីពិភាក្សាដើម្បីរកដំណោះស្រាយលើបញ្ហាប្រឈម ដើម្បីជម្រុញការអភិវឌ្ឍជនបទ

ដោយៈ គង់ សូរិយា

ភ្នំពេញៈ ក្រសួងកសិកម្ម រុក្ខាប្រមាញ់ និងនេសាទ ក្រសួងធនធានទឹក និងឧតុនិយម និងក្រសួងអភិវឌ្ឍន៍ជនបទ បានបើកកិច្ចប្រជុំត្រីភាគីជាលើកដំបូង ក្នុងការសិក្សាស្វែងយល់បញ្ហារួមគ្នា ដើម្បីពិនិត្យពិភាក្សាដោះស្រាយ បញ្ហាប្រឈមរបស់ប្រជាពលរដ្ឋនៅជនបទ។

កិច្ចប្រជុំលើកដំបូងនេះ ត្រូវបានរៀបចំឡើង នៅទីស្តីការក្រសួងកសិកម្ម កាលពីព្រឹកថ្ងៃទី៦ ខែឧសភា ឆ្នាំ ២០២៤ នេះ ដោយមានការអញើញចូលរួមពីរដ្ឋមន្រ្តីទាំង៣ រួមមាន លោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ។ លោក ថោ ជេដ្ឋា រដ្ឋមន្រ្តីក្រសួងធនធានទឹក និងឧត្តុនិយម និងលោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ។

លោករដ្ឋមន្រ្តីក្រសួងកសិកម្ម បានថ្លែងក្នុងកិច្ចប្រជុំនេះថា នេះគឺជាកិច្ចប្រជុំលើកដំបូង ប៉ុន្តែមិនមែនជាលើកចុងក្រោយនោះទេ ដោយក្រសួងទាំង៣ នឹងបើកកិច្ចប្រជុំជាបន្តបន្ទាប់ រៀងរាល់៣ខែម្តង ទៅតាមការចាំបាច់ណាមួយ ដោយឆ្លាស់វេនគ្នា ទៅតាមក្រសួងនីមួយៗ ដើម្បីធ្វើយ៉ាងណា ឱ្យការសហការគ្នារវាងក្រសួងទាំងបី កាន់តែល្អប្រសើរ មានប្រសិទ្ធភាព ដើម្បីជាផលប្រយោជន៍ដល់ប្រជាពលរដ្ឋនៅតាមជនបទ។ លោកបន្ថែមថា “ការសហការរវាងក្រសួងទាំង៣ គឺមានសារៈសំខាន់ខ្លាំងណាស់ ព្រោះវិស័យអភិវឌ្ឍន៍ជនបទ មានទំនាក់ទំនងច្រើនជាមួយវិស័យកសិកម្ម ដោយសារសេដ្ឋកិច្ចជនបទ ភាគច្រើនគឺអាស្រ័យទៅលើកសិកម្ម”។ លោកបន្តថា “ការធ្វើកសិកម្ម ក៏ពឹងផ្អែកទៅធនធានទឹកដូចគ្នា។ ហេតុនេះហើយ ក្រសួងទាំង៣ គួរតែមានផែនការរួមគ្នា ដើម្បីដាក់មធ្យោបាយ និងធនធានរួមគ្នា ក្នុងជំរុញការអភិវឌ្ឍន៍នៅតំបន់ជនបទ”។

រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ ដោយជំរុញអនុវត្តវិធានការចាំបាច់ ដោះស្រាយបញ្ហាប្រឈមនានា ជូនប្រជាកសិករ និងបង្កើនល្បឿនការអភិវឌ្ឍវិស័យកសិកម្ម សន្តិសុខស្បៀង និងនិរន្តរភាពសំដៅលើកស្ទួយសេដ្ឋកិច្ចគ្រួសារកសិករ និងទ្រទ្រង់កំណើនសេដ្ឋកិច្ច។

ក្នុងកម្មវិធីគោលនយោបាយអាទិភាពទី៥ និងទី៦ សម្រាប់វិស័យកសិកម្ម ត្រូវបានប្រកាសដាក់ឱ្យប្រើប្រាស់ផ្លូវការ កាលពីខែវិច្ឆិកា ឆ្នាំ២០២៣ ក្រោមអធិបតីភាពដ៏ខ្ពស់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា សម្រាប់វិស័យកសិកម្មនេះរួមមានទី១ លើកស្ទួយ និងរក្សាលំនឹងថ្លៃកសិផល តាមរយៈកម្មវិធីហិរញ្ញប្បទាន ទី២ ដាក់ពង្រាយមន្ត្រីកសិកម្មឃុំ-សង្កាត់ និងទី៣ អភិវឌ្ឍន៍សហគមន៍កសិកម្មទំនើប៕

អ្នកជំនាញអន្តរជាតិៈ ទីផ្សារអចលនទ្រព្យកម្ពុជាកំពុងទាក់ទាញ អ្នកវិនិយោគប្រភេទថ្មី

ដោយៈ ស៊ីវ ម៉េង

ភ្នំពេញៈ លោក Peter Guboglo នាយកប្រតិបត្តិនៃទីភ្នាក់ងារ Investor In Property Co., Ltdបានថ្លែងថា ទីផ្សារអចលនទ្រព្យនៅកម្ពុជា ពិសេសខុនដូកំពុងទាក់ទាញអ្នកវិនិយោគប្រភេទថ្មី និងងាកចេញពីការពឹងផ្អែកលើអ្នកធុរកិច្ចចិន។

លោក Guboglo បានមានប្រសាសន៍ដោយសម្តែងសុទិដ្ឋិនិយមថា ការវិនិយោគរបស់ជនជាតិចិន មានតិចនៅលើទីផ្សារខុនដូ បាននាំអោយមានការផ្សព្វផ្សាយ ប្រភេទថ្មីនៃអន្តោប្រវេសន៍ គំនិតផ្តួចផ្តើមទីផ្សារពិភពលោក និងប្រភេទអ្នកវិនិយោគថ្មី ដែលចូលមកក្នុងទីផ្សារខុនដូកម្ពុជា ដែលលោកថាវាជារឿងដ៏អស្ចារ្យ។

លោកបន្តថា “ការធ្វើពិពិធកម្មដែលកំពុង កើតឡើងនាពេលនេះ គឺជាលទ្ធផលវិជ្ជមាន ខណៈដែលលំហូរការវិនិយោគផ្ទាល់ ពីប្រទេសចិនមានសន្ទុះទាប”។លោកបានបន្តថា ហេតុផលទាំងនេះ គឺដោយសារតែកម្ពុជា ប្រឹងប្រែងរកទីផ្សារវិនិយោគថ្មី បន្ថែមពីលើប្រទេសចិន រួមមានការផ្សព្វផ្សាយទៅប្រទេសផ្សេងៗ និងយុទ្ធសាស្ត្រថ្មីៗ។

លោកបញ្ជាក់ទៀតថា ក្នុងអំឡុងពេលនៃការវិនិយោគរបស់ចិនមានកម្រិតខ្ពស់បំផុត មុនពេលមានជំងឺកូវីដ យើងបានឃើញទីផ្សារដែលជាប់គាំងភាគច្រើន ដែលជារឿយៗអ្នកអភិវឌ្ឍន៍គម្រោងភាគច្រើនជាជនជាតិចិន និងភ្នាក់ងារដែលមានទំនាក់ទំនង ជាមួយប្រទេសចិន។ ដូច្នេះហើយ ដើមទុនជាច្រើនដែលបានបណ្តាក់ទុក ក្នុងអំឡុងពេលនោះ មិនបានផ្តល់អត្ថប្រយោជន៍ច្រើន សម្រាប់ទីផ្សារកម្ពុជា និងអ្នកជំនួញដែលពាក់ព័ន្ធនោះទេ។

លោកបន្តថា “លុយបានចរាចរនៅលើទីផ្សារ ក្នុងអំឡុងពេលនោះ ប៉ុន្តែអាជីវកម្មក្នុងស្រុកតិចតួចទទួលបានអត្ថប្រយោជន៍”។ លោកបន្តថា ផ្ទុយមកវិញ ក្រោយជំងឺកូវីដ កម្ពុជាកាន់តែមានភាពចម្រុះជាតិសាសន៍ និងបង្កើតបទពិសោធន៍ និងអ្នកជំនាញកាន់តែច្រើនឡើង សម្រាប់ទីផ្សារអចលនទ្រព្យ និងអាជីវកម្ម ដែលនឹងជំរុញឱ្យមានវដ្តនៃកំណើននេះ។

អ្នកអភិវឌ្ឍន៍ និងភ្នាក់ងារបានទាក់ទាញអ្នកទិញថ្មីៗ ពីបណ្តាប្រទេស ដែលមិនមានពីមុនមក យ៉ាងមានប្រសិទ្ធភាព ក្នុងទិដ្ឋភាពវិនិយោគកម្ពុជា។ទន្ទឹមនឹងនេះរដ្ឋាភិបាលបានជំរុញឱ្យមានពិពិធកម្ម ការវិនិយោគ ទេសចរណ៍ និងអន្តោប្រវេសន៍ តាមរយៈកំណែទម្រង់ជំរុញការវិនិយោគ ដែលគិតត្រឹមឆ្នាំ២០២៤ បានកំពុងបង្ហាញនូវសន្ទុះខ្លាំង។

តាមរយៈបទពិសោធន៍នេះ លោកជឿជាក់ថា ភ្នាក់ងារ អ្នកអភិវឌ្ឍន៍ និងក្រុមហ៊ុនវិនិយោគនៅកម្ពុជា កំពុងសិក្សាប្រកបដោយប្រសិទ្ធភាព ដើម្បីធ្វើការជាមួយពិភពលោកទាំងមូល ដែលនឹងជួយជំរុញឱ្យមានជំនាញ និងវិជ្ជាជីវៈកាន់តែច្រើន។

លោកបានបន្តថា “នេះមានន័យថាកម្ពុជា កំពុងក្លាយជាគោលដៅវិនិយោគ សម្រាប់ពិភពលោកទាំងមូល ដែលមិនមែនពឹងផ្អែកតែលើប្រទេសចិននោះទេ”។ លោកបន្ថែមថា “នេះក៏កំពុងបង្កើតទីផ្សារចម្រុះ និងទីប្រជុំជនកាន់តែច្រើន ជាពិសេសនៅរាជធានីភ្នំពេញ”៕

កម្ពុជាទាក់ទាញរោងចក្រ សហគ្រាសចំនួន៥៥ក្នុងត្រីមាសទី១

ដោយៈ គង់ ហ្វីអូណា
ភ្នំពេញៈ ទោះបីជាស្ថានភាពសេដ្ឋកិច្ចក្នុងតំបន់ និងសកលហាក់នៅមានស្ថានភាពមិនប្រាកដប្រជា កម្ពុជានៅតែជាទិសដៅវិនិយោគដ៏ទាក់ទាញមួយក្នុងតំបន់។
យោងតាមរបាយការណ៍របស់រដ្ឋាភិបាលបានឲ្យដឹងថា គិតត្រឹមដំណាច់ត្រីមាសទី១ ឆ្នាំ២០២៤ រោងចក្រដំណើការមានចំនួន២ ១៧៥ រោងចក្រ កើនឡើងចំនួន១៧៨ រោងចក្រ ស្មើនឹង៨,ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន។ ក្នុងនោះរោងចក្រកើតថ្មីមានចំនួន៥៥ រោងចក្រ កើនឡើងចំនួន១១រោងចក្រ ស្មើនឹង២៥ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន។

របាយការណ៍របស់ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ (MISTI)បានឲ្យដឹងថា គិតត្រឹមដំណាច់ខែមិនា សម្រាប់រោងចក្រទាំងនោះ ទុនវិនិយោគសរុបមានចំនួនជាង ១៩,០៦១.៣ លានដុល្លារអាមេរិក មានការកើនឡើងចំនួនជាង ២,២៧៤.៩ ពាន់លានដុល្លារ ស្មើនឹង១៣,៥៥% ។
របាយការណ៍បានឲ្យដឹងទៀតថា ទុនវិនិយោគក្នុងស្រុកមានចំនួន៤,១០៥.៥ពាន់លានដុល្លារ ស្នើនឹង២១,៥៥% នៃទុនវិនិយោគសរុប។ តែជាយ៉ាងនេះក្តី ក្រសួងពុំបានបញ្ជាក់អំពីចំនួន រោងចក្រកាត់ដេរ វាយនភណ្ឌ និងស្បែកជើងឡើយ។

ក្នុងនោះរោងចក្រធុនធំ ដែលមានប្រភពពីជប៉ុនកំពុងដំណើការមានចំនួន៨១រោងចក្រ ស្មើនឹង៣,៧០% នៃចំនួនរោងចក្រសរុប មានការកើនឡើង ចំនួន២រោងចក្រ ស្មើនឹង២,៥៣% បើធៀបទៅនឹងឆ្នាំ២០២៣ ហើយមានទុនវិនិយោគសរុប ស្មើនឹង៦៤៤,៧៦ពាន់លានដុល្លារ។
លោកហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានថ្លែងក្នុងពិធីសម្ពោធដាក់ឱ្យដំណើការជាផ្លូវការរោងចក្រ ដំឡើងរថយន្តតូយូតាកាលពីថ្ងៃទី២ ខែឧសភាថា កម្ពុជាបន្តសម្រេចបានសមិទ្ធផលជាច្រើន ក្នុងការអភិវឌ្ឍសង្គម-សេដ្ឋកិច្ច តាមរយៈការអនុវត្តប្រកបដោយជោគជ័យ នូវយទ្ធសាស្រ្តត្រីកោណ និងយុទ្ធសាស្រ្តចតុកោណ ទាំងបួនដំណាក់កាល ព្រមទាំងគោលនយោបាយ និងផែនការយុទ្ធសាស្រ្តពាក់ព័ន្ធតាមវិស័យ។

លោកបានថ្លែងថា “សមិទ្ធផលទាំងនេះ បានធ្វើឱ្យកម្ពុជាសម្រេចបានកំណើនសេដ្ឋកិច្ចឥតដាច់ ក្នុងរយៈពេលជាង២ទសវត្សរ៍កន្លងទៅ។ វិស័យឧស្សាហកម្មបានចូលរួមយ៉ាងសំខាន់ ក្នុងការគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា”។
សម្តេចធិបតី នាយករដ្ឋមន្រ្តីកម្ពុជា ហ៊ុន ម៉ាណែត បានថ្លែងនាឱកាស អញ្ជើញជាអធិបតី សម្ពោធដាក់ឱ្យដំណើរការជាផ្លូវការរោងចក្រផ្គុំ និងដំឡើងរថយន្តតូយ៉ូតាថា ក្រោមដំបូលសន្តិភាព ម៉ាក្រូសេដ្ឋកិច្ច និងធនធានមនុស្ស កម្ពុជានឹងបន្តទាក់ទាញវិនិយោគិនមកបណ្តាក់ទុនបន្ថែមទៀត ខណៈរដ្ឋាភិបាលបាននិងកំពុងបង្កលក្ខណៈងាយស្រួលដល់វិនិយោគិន តាមរយៈផ្តល់ការលើកទឹកចិត្តពន្ធ និងការកសាងហេដ្ឋារចនាសម្ព័ន្ធផ្លូវថ្នល់ជាដើម។

សម្តេចបន្តថា “ខ្ញុំសូមគូសបញ្ជាក់ថា ចក្ខុវិស័យរបស់រាជរដ្ឋាភិបាលអាណត្តិទី៧ គឺការជំរុញការប្រែ និងការធ្វើទំនើបកម្មរចនាសម្ព័ន្ធឧស្សាហកម្មនៅកម្ពុជា ឈានទៅឧស្សាហកម្មផ្អែកលើជំនាញ”។សម្តេចបន្តថា “រាជរដ្ឋាភិបាលបានគិតគូរខ្ពស់ ដល់ការវិនិយោគគ្រប់វិស័យអាទិភាព តាមរយៈច្បាប់ស្តីពីការវិនិយោគនៅកម្ពុជា ជាមួយនឹងការដាក់ចេញ ជាបន្តបន្ទាប់នូវគោលនយោបាយ និងផែនការយុទ្ធសាស្រ្តចាំបាច់នានា ដែលមានភាពប្រទាក់ក្រឡា សំដៅបង្កើត និងបង្កើនការងារដែលមានតម្លៃបន្ថែមខ្ពស់”។ សម្តេចធិបតី បានបញ្ជាក់បន្ថែម។
មូលនិធិរូបិយវត្ថុអន្តរជាតិ(IMF) កាលពីចុងខែមេសាបានព្យាករកំណើនសេដ្ឋកិច្ចរបស់កម្ពុជា នៅឆ្នាំ២០២៤ក្នុងអត្រា៦ភាគរយ៕

ទីក្រុងហុងកុងសម្រុកសាងសង់អគារស្នាក់នៅរួម និងផ្ទះបណ្ដោះអាសន្នបន្ថែមទៀត

ដោយ: គង់ លាងហួរ

អន្តរជាតិ: ទីក្រុងហុងកុងបាន និងកំពុងសម្រុកសាងសង់អគារស្នាក់នៅរួម និងផ្ទះបណ្ដោះអាសន្នបន្ថែមទៀត ដើម្បីផ្តល់កន្លែងស្នាក់នៅសម្រាប់យុវជន ដែលត្រូវការពេលវេលាសន្សំប្រាក់ ឬគ្រួសាររង់ចាំទិញលំនៅដ្ឋានសង្គម ដែលមានតម្លៃសមរម្យ។

គិតចាប់តាំងពីខែកុម្ភៈ ឆ្នាំ២០២៤នេះមក ទីក្រុងហុងកុងបានសាងសង់អគារអាផាតម៉ិន បណ្តោះអាសន្នចំនួន១៧.០០០យូនីត ដោយរំពឹងថា នឹងបញ្ចប់រួចរាល់ជាស្ថាពរ នៅត្រឹមខែមីនា ឆ្នាំ២០២៥ខាងមុខ។

គម្រោងនេះគឺជាបណ្តុំអគារលំនៅដ្ឋាន បណ្តោះអាសន្នដំបូង ស្ថិតក្រោមកម្មវិធី Light Public Housing (LPH) ដែលប្រកាសដាក់ចេញដោយរដ្ឋបាលក្រុងហុងកុង ចាប់តាំងពីឆ្នាំ២០២២មកម្ល៉េះ។កម្មវិធី Light Public Housing គឺជាកម្មវិធីសាងសង់អាផាតម៉ិនបណ្ដោះអាសន្ន សម្រាប់ផ្គត់ផ្គង់អតិថិជន ដែលមានឈ្មោះនៅក្នុងបញ្ជីរង់ចាំទិញលំនៅដ្ឋានសង្គម សម្រាប់រយៈពេល៣ឆ្នាំ ឬលើសពីនេះ ដោយផ្តល់អាទិភាពដល់អ្នកដែលមានគ្រួសាររួច។

បច្ចុប្បន្ននេះ ការផ្គត់ផ្គង់ផ្ទះនៅមានកម្រិត។ ដូច្នេះ ជាមធ្យម អ្នកដែលបានចុះឈ្មោះ ទិញលំនៅដ្ឋានសង្គម ត្រូវរង់ចាំរយៈពេលជិត៦ឆ្នាំ។

រដ្ឋបាលក្រុងហុងកុង បានដាក់ចេញគោលដៅសាងសង់ផ្ទះក្រោមកម្មវិធី Light Public Housing នេះ ឱ្យបានប្រហែល៣០.០០០យូនីត នៅត្រឹមឆ្នាំ២០២៨ខាងមុខ។ ចំណែកលំនៅដ្ឋានបណ្តោះអាសន្ន ត្រូវបានសាងសង់ឡើង ក្នុងទម្រង់ជាអាផាតម៉ិន ដែលមានកម្ពស់ទាបៗ។ តួយ៉ាងអតិថិជន ដែលកំពុងរង់ចាំទិញផ្ទះប្រភេទ LPH អាចរស់នៅក្នុងអាផាតម៉ិន បណ្តោះអាសន្នទាំងនេះ នៅក្នុងរយៈពេល២ឆ្នាំ ដោយជួលក្នុងតម្លៃក្រោមទីផ្សារ។ រដ្ឋបាលក្រុងហុងកុង បានវាយតម្លៃថា ការថែទាំ ការសម្អាត និងគ្រឿងបរិក្ខារផ្សេងទៀតសម្រាប់អាផាតម៉ិន បណ្តោះអាសន្នក្នុងមួយយូនីត ត្រូវចំណាយប្រាក់ប្រមាណ១២៨ដុល្លារក្នុងមួយខែ។

ចំណែកឯការចំណាយសរុប នៃការគ្រប់គ្រងអាផាតម៉ិន ទាំង៣០.០០០យូនីត ត្រូវបានគេប៉ាន់ប្រមាណថា មានទំហំទឹកប្រាក់ជិត៥៦២លានដុល្លារ។

ក្រៅពីផ្ទះសង្គម LPH កាលពីឆ្នាំមុន តំបន់រដ្ឋបាលពិសេសហុងកុង ក៏បានដាក់ឱ្យអនុវត្តន៍កម្មវិធីសាងសង់ផ្ទះ ដែលមានគុណភាពល្អ និងមានតម្លៃសមរម្យសម្រាប់យុវជន ក្នុងទម្រង់ជាអគារស្នាក់នៅរួមផងដែរ។

លោក Morgan Chan អតិថិជនវ័យ២៦ឆ្នាំ មានក្តីស្រម៉ៃចង់បានផ្ទះផ្ទាល់ខ្លួន ប៉ុន្តែតម្លៃអចលនទ្រព្យហក់ឡើង ខ្ពស់កប់ពពកបានបង្ខំឱ្យលោកជ្រើសរើសរស់នៅ ក្នុងផ្ទះប្រភេទអគារស្នាក់នៅរួមនេះ។ លោកត្រូវចំណាយប្រាក់ ប្រហែល៤៤៧ដុល្លារក្នុងមួយខែ សម្រាប់បន្ទប់អគារស្នាក់នៅរួម ដែលប្រើប្រាស់សម្ភាររួមជាមួយអ្នករស់នៅជាប់បន្ទប់ជាមួយគ្នា៕ប្រភព:Hong Kong Free Press HKFP៕

Middle East tensions weigh on ASEAN

The escalating conflict in the Middle East is weighing on the Southeast Asian economies amid tensions between Israel and Iran, adding to the economic woes in the ASEAN region which has seen boosted inflationary pressures and heightened uncertainty, analysts said.
Benchmark crude oil prices topped the $90 per barrel threshold on April 5, up nearly $8 a barrel from early March, according to the International Energy Agency.

Tensions have simmered in the region since the Gaza conflict broke out on Oct 7. The situation worsened after Israel bombed an Iranian diplomatic building in Syria on April 1 and Iran launched retaliatory strikes on Israel on April 13.The ongoing tensions in the Middle East threaten to halt — or even reverse — some of the recent progress made in tackling global inflation, the World Bank said last week.

The World Bank estimated that a “moderate conflict-related supply disruption” could raise the average cost of a barrel of Brent crude oil to $92 per barrel.

The worst-case scenario would see global inflation rising by nearly one percentage point this year, it said.

Experts say high oil prices combined with the resilience of the US dollar against Southeast Asian currencies will boost consumer prices, increase interest rates, and dampen business sentiment.

Dio Herdiawan Tobing, head of public policy for Asia at the Amsterdam-based World Benchmarking Alliance, said higher oil prices are hurting member states of the Association of Southeast Asian Nations as they import at least 50 per cent of their crude oil requirements from the Middle East.

He said rising oil prices serve as “a crucial reminder” for ASEAN to boost its development of renewable energy, which could reduce the region’s vulnerability to geopolitical tensions around crude oil.

Josua Pardede, chief economist at Permata Bank in Jakarta, Indonesia, said oil-importing countries like Indonesia may experience increased import-related inflation pressure.

David Gibson-Moore, president and CEO of Gulf Analytica, a business consultancy to international firms and family offices in Dubai, said increased hostilities in the Middle East “would likely push oil prices beyond the critical $100 per barrel mark”.

Pardede said: “Capital outflows from Indonesia’s stock and bond markets are feared to increase” after the tensions between Iran and Israel. Source: The Nation

កម្ពុជាអាចទទួលបានផលចំណេញ៨៨លានដុល្លារពីគំរោង ព្រែកជីកហ្វូណនតេជោ

ដោយៈ គង់ ម៉ាលីនណា

ភ្នំពេញៈ មន្រ្តីជាន់ខ្ពស់កម្ពុជារំពឹងថា នឹងចំណេញថ្លៃដឹកជញ្ជូនបានប្រមាណ៨៨លានដុល្លារក្នុងមួយឆ្នាំ ពីការដឹកជញ្ជូនតាមព្រែកជីកហ្វូណន-តេជោ នៅឆ្នាំ២០៥០ និងឈានដល់៥៧០ លានដុល្លារក្នុងមួយឆ្នាំនៅពេលបន្តទៅមុខទៀត។

លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងបែបនេះ ក្នុងអំឡុងពេលធ្វើបាឋកថាស្តីពី គម្រោងព្រែកជីកហ្វូណន-តេជោ និងកិច្ចខិតខំប្រឹងប្រែងរបស់ក្រុមប្រឹក្សាអភិវឌ្ឍន៍កម្ពុជា ក្នុងការទាក់ទាញការវិនិយោគ និងផែនការ រួមទាំងសមិទ្ធផលសំខាន់ៗរបស់រាជ រដ្ឋាភិបាលអាណត្តិទី៧កាលពីថ្ងៃទី៣ ខែមេសា ឆ្នាំ២០២៤។

លោកបានបញ្ជាក់ថា ផ្អែកលើការគណនាEIRR គម្រោងនេះត្រូវបានគេរំពឹងថា នឹងនាំមកនូវអត្ថប្រយោជន៍ជាច្រើន ដល់សេដ្ឋកិច្ចកម្ពុជា ដូចជា អត្រាការងារ ចំណូលថវិកាជាតិបានមកពីពន្ធ នគរូបនីយកម្ម សំណង់ និងអចលនទ្រព្យ។

ទន្ទឹមនឹងនេះ លោកបានគូសបញ្ជាក់បន្ថែម អំពីលទ្ធភាពហិរញ្ញវត្ថុ នៃគម្រោងព្រែកជីកហ្វូណន-តេជោផងដែរ។ លោកបានចង្អុលបង្ហាញថា សម្រាប់គម្រោងទាំងអស់ ក្រសួងសេដ្ឋកិច្ច និងហិរញ្ញវត្ថុ ឬធនាគារពិភពលោក គ្រាន់តែផ្តល់មូលនិធិតែប៉ុណ្ណោះ ប្រសិនបើការគណនា EIRR មានយ៉ាងហោចណាស់១២% ។

ទោះយ៉ាងណាក៏ដោយ សម្រាប់គម្រោងនេះEIRR គឺមានប្រមាណ៣០% ដែលនេះមិនធ្លាប់មានពីមុនមក ដែលជាសក្ខីភាពចំពោះទស្សនវិស័យហិរញ្ញវត្ថុដ៏រឹងមាំរបស់វា។

លោកក៏បានលើកឡើង ពីអត្ថប្រយោជន៍បន្ថែម ដែលនឹងទទួលបានពីគម្រោងព្រែកជីកហ្វូណន-តេជោ រួមមាន ការបង្កើតតំបន់ពាណិជ្ជកម្ម និងមជ្ឈមណ្ឌលដឹកជញ្ជូន ការអភិវឌ្ឍន៍ផ្កាយរណបថ្មី ការពង្រីកតំបន់អភិវឌ្ឍន៍សម្រាប់កសិកម្ម ប្រព័ន្ធធារាសាស្រ្ត វារីវប្បកម្ម និងការចិញ្ចឹមសត្វ និងការអភិវឌ្ឍន៍តំបន់ប៉ូលសេដ្ឋកិច្ចទីបួនរបស់កម្ពុជា។

អត្ថប្រយោជន៍ដ៏ទូលំទូលាយទាំងនេះ បញ្ជាក់ពីសក្តានុពលរបស់គម្រោង ក្នុងការប្រែក្លាយសេដ្ឋកិច្ចកម្ពុជា អោយឈានដល់កម្រិតខ្ពស់មួយផ្សេងទៀត។

គម្រោងព្រែកជីកហ្វូណន-តេជោ គឺជាគម្រោងតភ្ជាប់ផ្លូវទឹករវាងទន្លេទៅកាន់សមុទ្រនៃប្រទេសកម្ពុជា ដែលមានប្រវែងប្រហែល១៨០ គីឡូម៉ែត្រដោយឆ្លងកាត់ខេត្តកណ្តាល តាកែវ កំពត និងកែប។ គម្រោងនេះ ត្រូវបានគេរំពឹងថា នឹងចំណាយថវិការអស់ប្រហែល ១៧០០ លានដុល្លារ ហើយត្រូវបានសិក្សាគម្រោងល្អិតល្អន់រួចហើយ ដោយប្រើរយៈពេលប្រមាណ២៦ខែ៕

Hong Kong housing chief defends HK$4.4 billion operating costs of temporary housing scheme

Hong Kong’s housing minister has defended an estimated HK$4.39 billion price tag for managing 30,000 temporary flats which are planned for the city, saying this would cover maintenance, cleaning, and other amenities.

The units will be part of the Light Public Housing (LPH) scheme, which aims to boost the city’s short-term housing supply by providing prefabricated flats that will be retired after five years of use.

The bureau’s estimate amounts to operational costs of around HK$1,000 per month for each temporary unit.

The scheme, announced in Chief Executive John Lee’s maiden policy address, caters for those waiting for public rental housing and offers flats at a relatively lower cost. Eligible tenants will be able to occupy the units for a fixed term of two years.‘Three in one’ Speaking in the Legislative Council on Thursday, Secretary for Housing Winnie Ho said that the bureau was taking a “three-in-one” approach, whereby the operational costs would include cleaning and security services, maintenance, and other facilities including new transport links.

Ho was addressing lawmaker Vincent Cheng of the Democratic Alliance for the Betterment and Progress of Hong Kong, who voiced concern about the operating costs and whether tenants would have to shoulder them.

She said a new bus stop with four new routes would be built near the LPH project at Siu Lam, as well as a waterfront promenade. “These operational costs will be included in the project,” she said.

According to the bureau’s written response to lawmakers, the operational costs are expected to cover social services and other basic community facilities such as convenience stores, in addition to property management and daily
maintenance.

It also said direct comparison of operational costs was “not suitable,” as LPH units were different from other forms of public housing.

According to government records, the average annual maintenance cost for public rental housing in 2022-23 was HK$5,380, while management costs were HK$6,980 on average. Source: Hong Kong Press HKFP

រមណីយដ្ឋានអង្គរទទួលបានភ្ញៀវទេសចរណ៍អន្តរជាតិជាង៤២ម៉ឺននាក់ក្នុងរយៈពេល៤ខែដើមឆ្នាំនេះ

ដោយៈ គង់ សូរិយា

សៀមរាបៈរបាយការណ៍បានបង្ហាញថា ចំនួនភ្ញៀវទេសចរអន្តរជាតិ មកទស្សនាប្រាសាទអង្គរវត្តដ៏ល្បីល្បាញរបស់កម្ពុជា បានកើនឡើង៤១ ភាគរយ ក្នុងរយៈពេល៤ខែដំបូង នៃឆ្នាំ២០២៤។នេះបើយោងតាមរបាយការណ៍ពីសហគ្រាសរដ្ឋអង្គរនៅថ្ងៃទី៣ ខែឧសភា ឆ្នាំ ២០២៤។

របាយការណ៍បានឱ្យដឹងថា ប្រាសាទអង្គរវត្តទទូលបានភ្ញៀវទេសចរបរទេសចំនួន៤២១,៣៧៩នាក់ ក្នុងអំឡុងពេលខែមករាដល់ខែមេសាឆ្នាំនេះ កើនឡើង៤១ភាគរយ ពីចំនួន ២៩៨,៩៩៨នាក់ ក្នុងរយៈពេលដូចគ្នាកាលពីឆ្នាំមុន។

របាយការណ៍បានបន្ថែមថា ប្រាក់ចំណូលពីការលក់សំបុត្ររបស់រមណីដ្ឋានបុរាណអង្គរ មានចំនួន ១៩,៩ លានដុល្លារ កើនឡើង ៤២ភាគរយ ពី ១៤លានដុល្លារ ក្នុងរយៈពេលដូចគ្នាកាលពីឆ្នាំមុន។

របាយការណ៍បានឱ្យដឹងថា ប្រទេសចិនគឺជាប្រភពភ្ញៀវទេសចរអន្តរជាតិដ៏សំខាន់បំផុតទីប្រាំ មកកាន់រមណីដ្ឋានបុរាណអង្គរ បន្ទាប់ពីសហរដ្ឋអាមេរិក ចក្រភពអង់គ្លេស បារាំង និងកូរ៉េខាងត្បូង។

របាយការណ៍បានបន្ថែមថា ភ្ញៀវទេសចរណ៍ចិនចំនួន ២៨,១៧២ នាក់ បានមកទស្សនាឧទ្យានអង្គរ កើនឡើង ៥៣ភាគរយ ពីចំនួន ១៨,៤៣៧នាក់។

ស្ថិតនៅភាគពាយ័ព្យនៃខេត្តសៀមរាប ឧទ្យានបុរាណអង្គរដែលមានទំហំ ៤០១ គីឡូម៉ែត្រការ៉េ ដែលមានប្រាសាទបុរាណចំនួន៩១ ដែលត្រូវបានសាងសង់ពីសតវត្សទី៩ ដល់សតវត្សទី១៣។

ប្រាសាទអង្គរវត្តដែលត្រូវបានចុះក្នុងបញ្ជីបេតិកភណ្ឌពិភពលោករបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ក្នុងឆ្នាំ១៩៩២ គឺជាគោលដៅទេសចរណ៍ដ៏ពេញនិយមបំផុតនៅក្នុងប្រទេសកម្ពុជា។

កម្ពុជាបានដាក់ចេញនូវយុទ្ធនាការ «ទស្សនាខេត្តសៀមរាបឆ្នាំ២០២៤» ឆ្នាំផ្លាស់ប្តូរប្រជាជនកម្ពុជា-ចិនឆ្នាំ២០២៤ និងឆ្នាំទេសចរណ៍កម្ពុជា-ឥណ្ឌា ក្នុងគោលបំណងស្តារវិស័យទេសចរណ៍ឡើងវិញ។

លោកនាយករដ្ឋមន្ត្រី ហ៊ុន ម៉ាណែត បានមានប្រសាសន៍នៅក្នុងសន្ទរកថា ក្នុងពិធីបើកយុទ្ធនាការ “ទស្សនាខេត្តសៀមរាប ឆ្នាំ២០២៤” ក្នុងខែមីនា ថា “គំនិតផ្តួចផ្តើមទាំងនេះនឹងផ្តល់ការជំរុញដល់វិស័យទេសចរណ៍ ទាក់ទាញភ្ញៀវទេសចរបរទេសកាន់តែច្រើនមកកម្ពុជាជាទូទៅ និងមកទស្សនាប្រាសាទអង្គរវត្ត ជាពិសេស”។

លោកបានមានប្រសាសន៍ថា អាកាសយានដ្ឋានអន្តរជាតិសៀមរាបអង្គរដែលវិនិយោគដោយចិន ដែលបានបើកដំណើរការជាផ្លូវការកាលពីខែវិច្ឆិកាឆ្នាំមុន កំពុងក្លាយជាមេដែកដ៏មានសក្តានុពលក្នុងការទាក់ទាញភ្ញៀវទេសចរអន្តរជាតិមកទស្សនាប្រាសាទអង្គរវត្ត។

ជាមួយនឹងផ្លូវរត់ប្រវែង ៣៦០០ ម៉ែត្រ អាកាសយានដ្ឋានអន្តរជាតិកម្រិត 4E បច្ចុប្បន្នគឺជាអាកាសយានដ្ឋានដ៏ធំបំផុតរបស់ព្រះរាជាណាចក្រ និងជាច្រកអន្តរជាតិដ៏សំខាន់ទៅកាន់ប្រាសាទអង្គរវត្ត។ Xinhua

រថភ្លើងដឹកទំនិញតភ្ជាប់ពីប្រទេសចិន ទៅកាន់តំបន់អាស៊ាន បានបើកដាក់ឱ្យប្រើប្រាស់ជាផ្លូវការ

ដោយ: គង់ លាងហួរ
អន្តរជាតិ: រថភ្លើងដឹកទំនិញដំបូងបង្អស់ចិន-ឡាវ-ថៃ-ម៉ាឡេស៊ី បានចេញដំណើរពីទីក្រុង Chengdu ក្នុងខេត្ត Sichuan ភាគនិរតីនៃប្រទេសចិនកាលពីពេលថ្មីៗនេះ ដែលជាសមិទ្ធិផលដ៏សំខាន់មួយសម្រាប់ការតភ្ជាប់នៅក្នុងតំបន់។

រថភ្លើងនេះបានដឹកកុងតឺន័រផ្ទុកម៉ូនីទ័រ LCD ចំនួន៣០ និងរថយន្តថាមពលថ្មី ដោយធ្វើដំណើរតាមបណ្តោយខ្សែរថភ្លើងចិន-ឡាវ។ បន្ទាប់មក រថភ្លើងនេះធ្វើដំណើរតាមរយៈបណ្តាញផ្លូវដែកតភ្ជាប់រវាងប្រទេសឡាវ និងថៃ មុនពេលចូលទៅដល់ប្រទេសម៉ាឡេស៊ី។

រថភ្លើងនេះត្រូវចំណាយពេល៥ថ្ងៃដើម្បីធ្វើដំណើរទៅដល់ប្រទេសថៃ និងចំណាយពេល៨ថ្ងៃទើបទៅដល់ប្រទេសម៉ាឡេស៊ី ដោយកាត់បន្ថយពេលវេលាដឹកជញ្ជូនចំនួនពាក់កណ្តាល បើប្រៀបធៀបទៅនឹងផ្លូវសមុទ្រពីទីក្រុង Qinzhou នៃតំបន់ស្វយ័ត Guangxi Zhuang របស់ប្រទេសចិន។

ក្រុមអ្នកជំនាញបានលើកឡើងថា ផ្លូវរថភ្លើងនេះនឹងពង្រីកបន្ថែមទៀតនូវសេវាផ្លូវដែកឡាវ-ចិន ដែលការណ៍នេះនឹងជួយជំរុញទំនាក់ទំនងសេដ្ឋកិច្ច និងពាណិជ្ជកម្មរវាងប្រទេសចិន ប្រទេសឡាវ ប្រទេសថៃ និងប្រទេសម៉ាឡេស៊ី។

ម្យ៉ាងទៀត ផ្លូវរថភ្លើងនេះក៏នឹងជួយពន្លឿនការអភិវឌ្ឍន៍បណ្តាញផ្លូវដែកក្នុងតំបន់ ដោយផ្តល់នូវការគាំទ្រថ្មីសម្រាប់អន្តរកម្មសេដ្ឋកិច្ច និងកំណើនសេដ្ឋកិច្ចរវាងខេត្ត Sichuan ភាគនិរតីនៃប្រទេសចិន និងតំបន់អាស៊ាន។

នៅមុននេះបន្តិច ប្រទេសចិន និងថៃបានតភ្ជាប់បណ្តាញផ្លូវដែកជាមួយគ្នា តាមរយៈខ្សែផ្លូវដែកឡាវ-ចិន ដើម្បីជួយកាត់បន្ថយពេលវេលាដឹកជញ្ជូនពីប្រទេសថៃទៅកាន់ភាគនិរតីនៃប្រទេសចិន មកនៅត្រឹមរយៈពេល១ថ្ងៃទៅ២ថ្ងៃ ជំនួសឱ្យការដឹកជញ្ជូនតាមសមុទ្រ ដែលត្រូវចំណាយពេល១សប្តាហ៍៕ប្រភព: VNA៕