ក្រុមហ៊ុនអាកាសចរណ៍Vietnam Airlines សម្រេចបញ្ឈរជើងយន្តហោះAirbus ចំនួន១១គ្រឿង

ដោយ: គង់ លាងហួរ

ហាណូយ: អ្នកជំនាញមួយរូបលើកឡើងថា បញ្ហាកង្វះខាតយន្តហោះ នៅក្នុងប្រទេសវៀតណាម នឹងបន្តអូសបន្លាយដល់ដំណាច់ចុងឆ្នាំ២០២៥ខាងមុខ ដោយសារម៉ាស៊ីនយន្តហោះរាប់ពាន់គ្រឿង កំពុងត្រូវបានជួសជុលឡើងវិញ នៅជុំវិញពិភពលោក។

ទាក់ទងនឹងបញ្ហាប្រឈមខាងលើ លោក Le Hong Ha នាយកប្រតិបត្តិ ក្រុមហ៊ុនអាកាសចរណ៍ Vietnam Airlines បានមានប្រសាសន៍ឱ្យដឹងថា ក្រុមហ៊ុនរបស់លោកបានបញ្ឈរជើងយន្តហោះ Airbus A321neo ចំនួន១១គ្រឿង ដោយសារតែបញ្ហាគ្រឿងម៉ាស៊ីន។

ម៉ាស៊ីនប្រហែល៣.៥០០គ្រឿង ត្រូវបានប្រមូលចូលទៅក្នុងឃ្លាំងវិញនៅទូទាំងពិភពលោក ហើយការជួសជុលត្រូវចំណាយពេលជាមធ្យមចាប់ពី៩០ថ្ងៃដល់៣០០ថ្ងៃ។

ម៉ាស៊ីនមួយចំនួននៅក្នុងយន្តហោះ ដែលមានតួខ្លួនធំ ដូចជាយន្តហោះ Airbus A350 និងយន្តហោះ Boeing B787 បានជួបប្រទះបញ្ហាបច្ចេកទេស ខណៈក្រុមហ៊ុនVietnam Airlines ក៏បានប្រើប្រាស់យន្តហោះទាំង២ប្រភេទនេះផងដែរ។

ម្យ៉ាងទៀត ការផ្គតផ្គង់យន្តហោះថ្មីរបស់ក្រុមហ៊ុន Airbus និងក្រុមហ៊ុន Boeing អាចនឹងត្រូវបានពន្យារពេលដល់ឆ្នាំ២០៣០ ឬឆ្នាំ២០៣១ខាងមុខ។ នេះបើយោងតាមការដកស្រង់ចុះផ្សាយដោយកាសែត Vnexpress។

អាស្រ័យហេតុនេះ ក្រុមហ៊ុនអាកាសចរណ៍ Vietnam Airlines គ្រោងនឹងលុបចោលផែនការលក់យន្តហោះ Airbus A321neoចំនួន៦គ្រឿង បន្ទាប់ពីបានអនុម័តកាលពីឆ្នាំមុន។ ប៉ុន្តែ​នៅក្នុង​រយៈពេល​វែង ក្រុមហ៊ុននៅ​តែ​ពិចារណា​ទិញ​យន្តហោះ​មានតួ​ខ្លួន តូច​ចំនួន៥០គ្រឿង​ក្រោយ​ឆ្នាំ២០៣០។

លើសពីនេះ ម្ចាស់ភាគហ៊ុនមួយរូបបានសាកសួរថា “តើក្រុមហ៊ុន Vietnam Airlines គ្រោងទិញយន្តហោះរបស់ក្រុមហ៊ុន Comac ផលិតនៅក្នុងប្រទេសចិនឬយ៉ាងណា?”។

ជុំវិញសំណួរនេះ លោក Le Hong Ha បានឆ្លើយតបថា ក្រុមហ៊ុនចិន Comac កំពុងស្នើសុំអាជ្ញាប័ណ្ណ ដើម្បីបើកដំណើរការយន្តហោះ C919 របស់ខ្លួននៅទូទាំងពិភពលោក ហើយក្រុមហ៊ុនអាកាសចរណ៍ Vietnam Airlines របស់យើងកំពុងតាមដានដំណើរការនេះ៕ប្រភព: Vnexpress ៕

វិស័យលក់រាយតាមផ្លូវក្នុងទីក្រុងនៅប្រទេសឥណ្ឌាកំពុងរីកចម្រើនយ៉ាងឆាប់រហ័ស

ដោយ: គង់ លាងហួរ

អន្តរជាតិ: ជាមួយប្រវត្តិសាស្រ្តដ៏សម្បូរបែប និងការរីកចម្រើន នៃកំណើនសេដ្ឋកិច្ចនាពេលបច្ចុប្បន្ន ការលក់រាយរបស់ហាងផ្សារទំនើប នៅតាមដងផ្លូវធំៗកំពុង ដើរតួនាទីកាន់ តែធំក្នុងបរិយាកាសទីក្រុងរបស់ប្រទេសឥណ្ឌា។

ទន្ទឹមនឹងការរីកដុះដាល នៃវិស័យអចលនទ្រព្យនៅប្រទេ សឥណ្ឌា ការលក់រាយតាមដងផ្លូវ បានក្លាយជាកត្តាសំខាន់ដែ លជំរុញឱ្យសេដ្ឋកិច្ចមានសភាពរសរវើក និងថាមពលក្នុងទីក្រុង។

ជាមួយគ្នានេះ រដ្ឋាភិបាលឥណ្ឌា បានផ្តោតលើការអភិវឌ្ឍន៍ទីក្រុងឆ្លាតវៃ និងការផ្តួចផ្តើមគំនិត ក្នុងការធ្វើឱ្យប្រសើរឡើងនូវហេដ្ឋារចនាសម្ព័ន្ធ ដើម្បីផ្តល់នូវបរិយាកាសអំណោយផលដល់កំណើននៃការលក់រាយ។

យោងតាមក្រុមហ៊ុនប្រឹក្សាអចលនទ្រព្យ Cushman & Wakefield បានឱ្យដឹងថា ការបើកហាងលក់ទំនិញ ឬផ្សារទំនើបក្នុងប្រទេសឥណ្ឌា រំពឹងកើនឡើងយ៉ាងគំហុក ក្នុងរយៈពេលប៉ុន្មានឆ្នាំខាងមុខ ដោយសារបណ្តាអ្នកអភិវឌ្ឍន៍ គ្រោងបង្កើតគម្រោងខ្នាតធំ សំដៅទាញយកសក្តានុពល ពីល្បឿនសេដ្ឋកិច្ចរបស់ឥណ្ឌា។

នៅក្នុងទីក្រុងកំពូលទាំង៨របស់ប្រទេសឥណ្ឌា ការលក់រាយនៅតាមផ្លូវធំៗ គ្របដណ្តប់ចំណែកប្រហែល៤៥% នៃការជួលទីតាំងលក់រាយប្រណីតទាំងអស់ បន្ទាប់មកផ្សារទំនើបមានចំណែក៤០%។ នេះបើយោងតាមរបាយការណ៍ថ្មីរបស់ក្រុមហ៊ុន CBRE។

ក្នុងនោះ តំបន់ផ្សារ Khan Market ក្នុងទីក្រុង Delhi បានជាប់ចំណាត់ថ្នាក់ ជាទីតាំងលក់រាយថ្លៃបំផុតទី២២ នៅទូទាំងពិភពលោក ដោយការជួលប្រចាំខែ មានតម្លៃចំនួន១.៥០០រូពី(ប្រ​ហែ​​ល១៧,៨៧ដុល្លារ)ក្នុងមួយហ្វីតការ៉េ ឬស្មើនឹង១៩២,៣៥ដុល្លារក្នុងមួយម៉ែត្រការ៉េ។

ហាងលក់រាយនៅតាមដងផ្លូវ Brigade Road នៅទីក្រុង Bengaluru មានភាពល្បីល្បាញទូទាំងពិភពលោក ក្នុងការទាក់ទាញភ្ញៀវទេសចរណ៍ជាច្រើន តាមរយៈការច្របាច់បញ្ចូលគ្នារវាងការលក់រាយលំដាប់ខ្ពស់ និងតំបន់ពាណិជ្ជកម្មប្រកប​ដោ​យភាពច្នៃប្រឌិត។

យោងតាមរបាយការណ៍ របស់ក្រុមហ៊ុនប្រឹក្សាអចលនទ្រព្យ JLL India លើកឡើងថា ហាងលក់រាយនៅតាមដងផ្លូវធំនៅក្នុងទីតាំងលេចធ្លោ មានកំណើននៃការជួលកាន់តែច្រើន និងអត្រាទំនេរទាប បើធៀបទៅនឹងផ្សារទំនើបប្រពៃណី។

យោងតាមការសិក្សាពីមុនដោយក្រុមហ៊ុន Cushman & Wakefield បង្ហាញថា ប្រទេសឥណ្ឌា ហាងលក់រាយតាមដងផ្លូវត្រឹមតែ១៣,២លានហ្វីតការ៉េប៉ុណ្ណោះ បើធៀបនឹងផ្សារទំនើបសរុបចំនួន៩៣លានហ្វីតការ៉េ។ ទោះបីជាមានភាពខុសប្លែកគ្នាបែបនេះក្តី ក៏អ្នកប្រើប្រាស់ចំណាយប្រាក់ទិញ ទំនិញនៅតាមផ្លូវខ្ពស់ជាងនៅតាមផ្សារទំនើប៕ប្រភព: financial express៕

លើសពីពិសេស! ក្នុងឱកាសពិធីបុណ្យភ្ជុំបិណ្ឌប្រពៃណីខ្មែរនេះ លោកអ្នកនឹងទទួលយកឱកាសចំណេញផ្ទួនៗមិនធ្លាប់មានជាមួយការផ្តល់ជូនយ៉ាងពិសេសដូចជា៖

💸បង់ត្រឹមតែ 0.83%ក្នុងមួយខែ

🎁ថែមជូនការកាត់ប្លង់រឹង LMAP ដោយឥតគិតថ្លៃ

✍️ប្រម៉ូសិនដ៏អស្ចារ្យនេះចាប់ពីថ្ងៃ18 ខែកញ្ញា រហូតដល់ថ្ងៃទី3 ខែតុលា ឆ្នាំ2024!

.

📌ចាប់ផ្តើមនូវការរស់នៅបែបថ្មីជាមួយនឹង បុរី វិមានសំណាង 🏡 ទីតាំង៖ https://bit.ly/3rBzGAQ &ទំនាក់ទំនងលេខទូរស័ព្ទ៖ 𝟎𝟏𝟏 𝟔𝟐 𝟔𝟕𝟖𝟗

មន្រ្តីជាន់ខ្ពស់កម្ពុជានឹងទៅគោះទ្វារអ្នកវិនិយោគនៅអាមេរិកនាចុងខែកញ្ញានេះ

​ដោយៈ គង់ ម៉ាលីនណា

​ភ្នំពេញៈ លោកស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជានឹងដឹកនាំគណៈប្រតិភូទៅគោះទ្វារអ្នកវិនិយោគនៅអាមេរិក។

​លោកបានថ្លែងបែបនេះ ក្នុងពេលអនុញ្ញាតជូន លោកស្រី Bridgette L. Walker ភារធារីស្ថានទូតសហរដ្ឋអាមេរិក ប្រចាំព្រះរាជាណាចក្រកម្ពុជា និងសហការី ចូលជួបសម្ដែងការគួរសម និងពិភាក្សាការងារ។

ជាកិច្ចចាប់ផ្ដើម លោកឧបនាយករដ្ឋមន្ត្រី បានបង្ហាញការស្វាគមន៍យ៉ាងកក់ក្ដៅ ជូនដល់គណៈប្រតិភូនៃស្ថានទូតសហរដ្ឋអាមេរិកប្រចាំកម្ពុជា និងសម្តែងនូវអំណរគុណ ដល់សហរដ្ឋអាម៉េរិក និងក្រុមហ៊ុនដែលបានដាក់ទុនវិនិយោគ នៅកម្ពុជានាពេលកន្លងមក។

ជាក់ស្ដែង មានក្រុមហ៊ុនធំៗ របស់សហរដ្ឋអាមេរិកមួយចំនួន ដែលទទួលបានជោគជ័យ លើការវិនិយោគនៅកម្ពុជា ដូចជា ក្រុមហ៊ុនផលិតភេសជ្ជៈ Coca Cola ក្នុងតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ និងក្រុមហ៊ុន RMA Automotive (Cambodia) Co., Ltd ដែលដំឡើងរថយន្តម៉ាក FORD ក្នុងខេត្តពោធិ៍សាត់ជាដើម។

លោកឧបនាយករដ្ឋមន្ត្រីបានបន្ថែមថា លោកចង់ឃើញឱ្យបានកាន់តែច្រើនថែមទៀត នូវការវិនិយោគពីសហរដ្ឋអាមេរិក និងសហគមអឺរ៉ុបនៅកម្ពុជា។ ជាមួយគ្នានេះ លោកឧបនា​យករដ្ឋមន្ត្រី ក៏បានជម្រាបជូន លោកស្រីភារធារី អំពីគម្រោងបេសកកម្មគោះទ្វារវិនិយោគិន នៅសហរដ្ឋអាម៉េរិករបស់ក្រុមប្រឹក្សាអភិវឌ្ឍន៍កម្ពុជា នៅក្នុងខែកញ្ញា ឆ្នាំ២០២៤នេះ សំដៅផ្សព្វផ្សាយ ពីបរិយាកាសវិនិយោគនៅកម្ពុជា និងស្វែងរកការបណ្ដាក់ទុនពីក្រុមហ៊ុនអាមេរិកមកកម្ពុជាផងដែរ។

ក្រោមកិច្ចសម្របសម្រួលវិនិយោគ របស់រាជរដ្ឋាភិបាលកម្ពុជា ដែលមានក្រុមប្រឹក្សាអភិវឌ្ឍន៍កម្ពុជា ជាសេនាធិការច្រកចេញចូលតែមួយ និងភាពបើកទូលាយរបស់កម្ពុជាជូនដល់វិនិយោគិនបរទេស លោកឧបនាយករដ្ឋមន្រ្តី រំពឹងថាការវិនិយោគ ដោយផ្ទាល់ពីសហរដ្ឋអាម៉េរិក នឹងមានការកើនឡើងនាពេលអនាគត។

ទន្ទឹមនឹងនេះ ជាការឆ្លើយតបទៅកាន់លោកស្រី Bridgette L. Walker ដែលបានសាកសួរអំពីវិស័យជាគោលដៅ ដែលរាជរដ្ឋាភិបាលព្យាយាមទាក់ទាញការវិនិយោគបន្ថែម លោកឧបនាយករដ្ឋមន្ត្រី ក៏បានលើកបង្ហាញអំពីវិស័យគន្លឹះ រួមមានជាអាទិ៍ វិស័យយានយន្ត គ្រឿងបង្គុំអេឡិចត្រូនិក និងវិស័យកសិឧស្សាហកម្ម ជាដើម ដែលសុទ្ធសឹងជាវិស័យនឹងបង្កើនតម្លៃបន្ថែមដល់សេដ្ឋកិច្ចកម្ពុជា។

លោកស្រីភារធារី បានបង្ហាញនូវសុទិដ្ឋិនិយម អំពីកិច្ចខិត​ខំរបស់កម្ពុជា ក្នុងការទាក់ទាញវិនិយោគិន និងជូនពរជូនដល់ក្រុមប្រឹក្សាអភិវឌ្ឍន៍កម្ពុជា ឱ្យទទួលបានជោគជ័យក្នុងការបេសកកម្មការងារ ក្នុងសហរដ្ឋអាមេរិកនាពេលខាងមុខ។ បន្ថែ​មពីនេះ ចំពោះទំនាក់ទំនងទ្វេភាគី លោកស្រីរំពឹងថាកម្ពុជានិងសហរដ្ឋអាម៉េរិក នឹងរួមគ្នាបន្តកិច្ចសហប្រតិបត្តិការនានាបន្ថែមទៀត ដើម្បីពង្រឹង និងពង្រីក ទំនាក់ទំនងឱ្យបានកាន់តែល្អប្រសើរថែមមួយកម្រិតទៀត ដែលនឹងរួមចំណែកគាំទ្រដល់ការអភិវឌ្ឍសេដ្ឋកិច្ច និងសង្គមកម្ពុជា៕

ប្រជាពលរដ្ឋ អាជីវករ និងអ្នកធុរកិច្ចសំណូមពរឲ្យរដ្ឋាភិបាល កសាងផ្លូវ “ក៥” ជាសសៃឈាមដ៏សំខាន់នៃក្រុងប៉ោយប៉ែត

ដោយៈ គង់ សូរិយា

​ភ្នំពេញៈ ជាអតីតៈផ្លូវកសាងក្នុងជំនាន់ ផ្លូវ“ក៥” បានជាប់ស្លាកស្នាម សម័យសាធារណៈរដ្ឋប្រជាមានិត្យកម្ពុជា ដែលបច្ចុប្ប​ន្នផ្លូវដ៏មានសារៈសំខាន់នេះ បានក្លាយជាផ្នែកដ៏សំខាន់មួយ នៃការលើកកំពស់ជីវភាព និងផ្តល់វិបុលភាពដល់ប្រជាពលរដ្ឋក្រុងប៉ោយប៉ែត នៃខេត្តបន្ទាយមានជ័យ។

​ផ្លូវនេះ ស្ថិតនៅស្របជាមួយនឹងខ្សែក្រវ៉ាត់ ព្រំដែនកម្ពុជា ថៃ ដែលមានចម្ងាយប្រមាណ៥គីឡូម៉ែត្រ គិតពីក្រុងប៉ោយប៉ែតទៅកាន់ច្រកអូរនាង ក្នុងទឹកដីខេត្តបន្ទាយមានជ័យ ប៉ុន្តែគួរឲ្យសោកស្តាយផ្លូវនេះ មិនទទួលបានការយកចិត្តទុកដាក់ ពីអាជ្ញាធរ​ខេត្ត និងអាជ្ញាធរមូលដ្ឋាននៅឡើយទេ។

​ប្រជាពលរដ្ឋរាប់ពាន់នាក់ រស់នៅតាមបណ្តាភូមិមួយចំនួននៅលើដងផ្លូវ និងផ្លូវបែកខ្នែងដទៃទៀត តែងតែចេញមកធ្វើការ និងប្រកបអាជីវកម្មនៅទីក្រុងប៉ោយប៉ែត ក្នុងតំបន់កាស៊ីណូ និងមួយចំនួនទៀតចេញទៅប្រកបរបរ នៅក្នុងតំបន់ផ្សាររ៉ុងក្លឿ ឬផ្សារថៃ។

​នៅពេលរដូវវស្សាចូលមកដល់ ផ្លូវនេះបែកភក់ និងពិបាកធ្វើដំណើរជាពន់ពេក ដោយដួលម៉ូតូ បង្ករបួសស្នាម និងប្រឡា​ក់សម្លៀកបំពាក់យ៉ាងគួរឲ្យអាណិត។

​ប្រជាពលរដ្ឋ និងអាជីវករ អ្នកជំនួញនានានៅទីក្រុងប៉ោយប៉ែតបានសំណូមពរដល់សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា ឲ្យជួយគិតគួរពីការសាងសង់ផ្លូវ “ក៥” ជាប់ព្រំដែនខ្មែរ ថៃនេះផង ស្របពេលដែលសម្តេចនិងសម្តេចតេជោ ត្រូវបានប្រជាពលរដ្ឋ គាំទ្រយ៉ាងភ្លូកទឹកភ្លូកដី លើការចូលរួមបដិភាគថវិកា កសាងហេដ្ឋារចនាសម្ព័ន្ឋ នៅតំបន់CLVនាភូមិភាគឦសាន្ត។

​អ្នកជំនួញនៅតំបន់នោះបានបន្តថា “ផ្លូវដែលបានកសាងផ្នែកខ្លះបច្ចុប្បន្នជាបេតុង និងផ្លូវកៅស៊ូ ជាការចូលរួមរបស់អ្នកធ្វើអាជីវកម្មកាស៊ីណូនៅទីក្រុងនេះ”។ ក្រុមអ្នកជំនួញដដែលបានបន្តថា អភិបាលក្រុងប៉ោយប៉ែត លោកគាត ហ៊ុល មិនមានសមត្ថភាព ទទួលជំនួយរបស់ធនាគារអភិវឌ្ឍន៍អាស៊ី ដែលផ្តល់កញ្ចប់ជំនួយ សម្រាប់កសាងហេដ្ឋារចនាសម្ព័ន្ឋ នៅទីក្រុងនេះនោះទេ”។

​ប្រជាពលរដ្ឋ អ្នកជំនួញ ម្ចាស់អាជីវកម្មនានាបានលើកឡើងថា ការកសាងផ្លូវ “ក៥”នឹងផ្តល់សារៈប្រយោជន៍ជាច្រើនដូចជា ទី១ ជួយសម្រួលគមនាគមន៍ក្នុងតំបន់ ទី២ ជាការយកបេះដូងប្រជាពលរដ្ឋ របស់រដ្ឋាភិបាលបានយ៉ាងជោគជ័យ ទី៣ លើកកំពស់មុខមាត់ និងទាក់ទាញអ្នកវិនិយោគជាតិ អន្តរជាតិ​មកវិនិយោគនៅក្រុងប៉ោយប៉ែតបន្ថែម។

ទី៥ ការជាជួយការពារដែនអធិបតេយ្យភាព បូរណៈភាពទឹកដីកម្ពុជា ជាមួយប្រទេសថៃបានដោយស្វ័យប្រវត្តិ ព្រោះនៅពេលមានផ្លូវ នឹងមានក្តីសង្ឃឹម នឹងមានប្រជាពលរដ្ឋ ចូលទៅរស់នៅ តំបន់ព្រំដែនជាប់ទឹកដីប្រទេសថៃកាន់តែច្រើន។

ប្រធានសមាគមសហគ្រិន សារព័ត៌មានសេដ្ឋកិច្ចកម្ពុជា(CEMEA) លោកយិន លាងគង់ ដែលបានចុះសិសក្សាស្វែងយល់ពីសក្តានុពល និងបញ្ហាប្រឈមរបស់ក្រុងប៉ោយប៉ែតកាពីពេលថ្មីៗនេះបានឲ្យដឹងថា វាមានភាពសមស្របណាស់ ដែល  រដ្ឋាភិបាល បានដាក់ចេញគោលនយោបាយ សាងសង់ហេដ្ឋារចនាសម្ព័ន្ឋ នៅតំបន់CLV ក៏ដូចជា គួរដល់ពេលសម្លឹងមើលលើបញ្ហានានានៅទូទាំងប្រទេស ដែលប្រមុខរដ្ឋាភិបាលកម្ពុជាគួរគិតគូរបន្ទាន់ និងផ្តល់អាទិភាព។

លោកបន្តថា “ផ្លូវ “ក៥” នៃក្រុងប៉ោយប៉ែត មានសារៈសំខាន់ មិនត្រឹមតែជួយលើកកំពស់សេដ្ឋកិច្ច និងទាក់ទាញការវិនិយោគនោះទេ តែវាក៏រួមចំណែកដល់ការការពារដែនអធិបតេ​យ្យភាព បូរណៈភាពកម្ពុជា ជាមួយប្រទេសថៃផងដែរ”។

លោកយិន លាងគង់បានបន្តថា ទីក្រុងប៉ោយប៉ែតមានឱកាសរីកចម្រើនច្រើន ដោយសារជាខេត្តមានព្រំដែន ជាប់ជាមួ​យប្រទេ​សថៃ មានកាស៊ីណូច្រើន មានតំបន់ឧស្សាហកម្ម ដែលទាក់ទាញអ្នកវិ​និយោគបរទេសកើនឡើង តាមរយៈគោលនយោបាយថៃបូកមួយ ព្រមទាំងលក្ខខ័ណ្ឌអំណោយផលលើវិស័យហេដ្ឋារចនាសម្ព័ន្ឋជាច្រើនទៀតផងដែរ៕

តើអ្នកជំនាញមើលឃើញទីផ្សារអចលនទ្រព្យនៅតំបន់នៃCLVភូមិភាគឦសាន្តមានសភាពបែបណា?

​ដោយៈ ស៊ីវ ម៉េង

​ឦសាន្តៈ ក្រោយការប្រកាសរបស់ប្រមុខរដ្ឋាភិបាល ប្រជាពលរដ្ឋកម្ពុជារាប់សែនាក់ បានចូលរួមបរិច្ចាកថវិកាដោយស្ម័គ្រចិត្តដើម្បីកសាងហេដ្ឋារចនាសម្ព័ន្ឋ នៅតំបន់​CLV ដែលភាគីកម្ពុជា រួមមានខេត្តក្រចេះ ស្ទឹងត្រែង រតនៈគិរី និងខេត្តមណ្ឌលគិរី។

​ងាកចេញពីបញ្ហានយោបាយ យើងទៅមើលស្ថានភាពទីផ្សារអចលនវត្ថុ នៅតំបន់នោះជំនួសវិញ តើអ្នកជំនាញយល់ឃើញបែបណា?។

​អគ្គនាយកក្រុមហ៊ុនអចលនទ្រព្យAdvance លោកប៉ូ អ៊ាវ​គង់ បានមានប្រសាសន៍ឲ្យដឹង តាមបណ្តាញតេឡេក្រាមកា​លពីថ្ងៃទី២ សីហាថា នៅតំបន់ភូមិភាគឦសាន្ត អ្វីដែលជាចលករ គឺទើបកើតមានថ្មីៗ ដែលយើងមិនទាន់ឃើញ មានចំណា​ប់អា  រ​ម្មណ៍ពីអ្នកវិនិយោគក្នុង និងក្រៅស្រុក ចាប់អារ្មណ៍ច្រើននៅឡើយទេ។

លោកបន្តថា “តាមរយៈការចុះវាយតម្លៃថ្មីៗនេះរបស់ខ្ញុំ គឺឃើញមានចលនាដាក់លក់ចេញច្រើន និងចរន្តភ្ញៀវទេសច​រណ៍ទៅកាន់តំបន់នេះ ក៏មិនទា​ន់កើនឡើងផងដែរ”។ លោកបន្ថែ​មថា “ការដែលរដ្ឋាភិបាល លើកទឹកចិត្តឲ្យមានការ​បរិច្ចាក ថវិកាដោយស្ម័គ្រចិត្តនេះ យើងក៏ឃើញមានការចូលរួមចំណែ​កពីប្រជាពលរដ្ឋ តែហាក់មិនទាន់មានបរិមាណទឹកប្រាក់ច្រើននៅឡើយ”។

លោកប៉ូ អ៊ាវគង់បានបន្តថា យើងសង្ឃឹមថាការអភិវឌ្ឍ ហេដ្ឋារចនាសម្ព័ន្ឋនៅតាមព្រំដែន នឹងមានប្រជាពល​រដ្ឋ​ចូលរួមកាន់តែច្រើន ហើយយើងសង្ឃឹមថា រដ្ឋាភិបាលនឹងប្រើប្រាស់ថវិកានេះមានប្រសិទ្ឋភាព ដើម្បីកសាងហេដ្ឋារចនាសម្ព័ន្ឋ នៅប៉ែកឦសាន្ត ដែលអាចជួយជម្រុញការវិនិយោគ និងការអភិ​វឌ្ឍវិស័យទេសចរណ៍ផ្សេងៗផងដែរ។

​ជាមួយគ្នានេះ លោកស៊ា ឆៃលីនអគ្គនាយកក្រុមហ៊ុនឆៃលីន រៀលធីគ្រុបបានមានប្រសាសន៍ថា មុនពេលលេចឡើងនូវបញ្ហាតំបន់CLVរដ្ឋាភិបាលបានដាក់ចេញ គោលនយោ​បា​យ ជម្រុញការអភិវឌ្ឍវិស័យកសិកម្ម ដោយមានការចាប់អារម្ម​ណ៍​ និងមានការទាក់ទាញអ្នកវិនិយោគបណ្តើរៗហើយ។

​លោកបន្តថា កាលពីថ្មីៗនេះ មានក្រុមហ៊ុនចិនមួយចំនួនបានចូលទៅសាងសង់អាគារច្រើន នៅខេត្តមណ្ឌលគិរី និងមានអ្នកចាប់អារម្មណ៍ វិនិយោគបណ្តើរៗផងដែរ ហើយក្រុមហ៊ុនចិនមួយចំនួន បានទៅពីខេត្តព្រះសីហនុ ដើម្បីសិក្សាពីទីផ្សារនៅខេត្តមណ្ឌលគិរីផងដែរ។

​លោកស៊ា ឆៃលីនបានបន្តថា “សម្រាប់តំបន់ភូមិភាគឦ​សាន្ត ខេត្តមណ្ឌលគិរីមានស្ថានភាព និងសក្តានុពលល្អ”។ លោកបន្ថែមថា “កាលពីសប្តាហ៍មុននេះ ខ្ញុំបានទៅកាន់ខេត្តនេះ និងឃើញមានការហូរចូលរបស់អ្នកវិនិយោគចិន ទៅកាន់តំបន់នោះពិតប្រាកដមែន”។

​ចំណែកលោកសិរីវុឌ្ឍី ប្រជាពលរដ្ឋរស់នៅខេត្តមណ្ឌ​ល​គិរី បានមានប្រសាសន៍ឲ្យដឹងផងដែរថា ពិតជាមានលំហូរវិនិយោគចិន វៀតណាម ចូលទៅសាងសង់កាស៊ីណូ នៅតំបន់ដាក់ដាំ នៅចំណុចគីឡូម៉ែត្រទី១៥ និងគីឡូម៉ែត្រទី១៦ បើគិតពីរង្វង់មូលគោព្រៃ។

​លោកបន្តថា “មានប្រជាពលរដ្ឋ ​និងអ្នកវិនិយោគមួយចំនួ​ន បានចូលទៅកាន់ខេត្តច្រើន ប៉ុន្តែខ្ញុំមិនទាន់មានឱកាសជួបប្រាស្រ័យពួកគេនៅឡើយ”។ លោកបន្ថែមថា “តាមខ្ញុំដឹង កាស៊ីណូធំ ​នៅតំបន់ដាក់ដាំ ក្នុងស្រុកអូររាំង ប្រកាសនឹងបើកសម្ភោធនៅពាក់កណ្តាលខែកញ្ញានេះ”។

​លោកសិរីវុឌ្ឍីបានបន្តថា តំបន់កាស៊ីណូបច្ចុប្បន្ន មានចំនួ​នបីកន្លែង ដែលជាការវិនិយោគ របស់អ្នកវិនិយោគចិន និងវៀតណាម។

​យោងតាមផែនការមេ របស់ក្រសួងទេសចរណ៍ឆ្នាំ២០២៣ ២០៣៥បានឲ្យដឹងថា រដ្ឋាភិបាលមានផែនការ កសាងផ្លូវល្បឿ​នលឿនភ្នំពេញ មណ្ឌលគិរី កសាងព្រលានយន្តហោះ កសាងទីក្រុងរណប ជាមួយផែនការទាក់ទាញ ភ្ញៀវទេសចរណ៍ក្នុងស្រុកចំនួន៤លាននាក់ និងភ្ញៀវអន្តរជាតិ៩០ម៉ឺននាក់ទៅទស្សនាខេត្តមណ្ឌលគិរីក្នុងមួយឆ្នាំ។

​អ្នកនាំពាក្យ និងជាអនុរដ្ឋលេខាធិការ នៃរដ្ឋលេខាធិការដ្ឋានអាកាសចរណ៍ស៊ីវិល លោកស៊ីន ចាន់សិរីវុត្ថាបានមានប្រសាសន៍ឲ្យដឹងកាលពីចុងខែសីហា ដោយមិនចង់អត្ថាធិប្បា​យឡើយ តែបានបញ្ជាក់ថា ស្ថានភាពនៃការឈានទៅកសាងព្រលានយន្តហោះ ខេត្តមណ្ឌលគិរី ស្ថិតនៅរយៈពេលវែងឆ្ងាយតទៅទៀត៕

រថភ្លើងលើអាកាសនៅអាកាសយានដ្ឋានអន្តរជាតិទីក្រុងគូឡាឡាំពួរគ្រោងបើកដំណើរការនៅឆ្នាំ២០២៥

ដោយ: គង់ លាងហួរ

អន្តរជាតិ: លោក Anthony Loke រដ្ឋមន្ត្រីក្រសួងដឹកជញ្ជូនម៉ាឡេស៊ីបានអះអាងថា សេវាកម្មរថភ្លើងលើអាកាសនៅអាកា​សយានដ្ឋានអន្តរជាតិ ទីក្រុងគូឡាឡាំពួរ (KLIA) គ្រោងនឹងបើកដំណើរការឡើងវិញ នៅថ្ងៃទី៣១ ខែមករា ឆ្នាំ២០២៥។

លោក​បាន​បន្ត​ថា រថភ្លើង​ចំនួន២គ្រឿង​ ត្រូវបាន​នាំចូលមក​ដល់​ប្រទេស​ម៉ាឡេស៊ី ​កាល​ពី​សប្តាហ៍​មុន ហើយ​កំពុង​ឈា​ន​ដល់​ដំណាក់កាល​ដំឡើង និងបន្តចូលទៅកាន់ដំណាក់កាលត្រួតពិនិត្យ។

លោក​រដ្ឋមន្ត្រីក្រសួងដឹកជញ្ជូន ប្រទេសម៉ាឡេស៊ីបាន​មានប្រសាសន៍ឱ្យដឹង​ថា ការ​ត្រួត​ពិនិត្យ​រថភ្លើងទាំង២គ្រឿងនេះ ​នឹង​ចាប់​ផ្តើម​នៅ​ខែ​តុលាខាងមុខ។  នេះមានន័យថា រថភ្លើងនឹងត្រូវបានតេស្តសាកល្បង ធ្វើដំណើរនៅលើផ្លូវដែកមានស្រាប់”។

ត្រង់ចំណុចនេះ លោក​បាន​គូសបញ្ជាក់ថា​ “ដូច្នេះ​ ខ្ញុំ​សូម​ពន្យល់​អ្នក​ដំណើរ​ និង​សាធារណជន​ឱ្យបានជ្រាបថា​ ប្រសិ​ន​បើ​​ឃើញរថភ្លើង​លើអាកាស​នេះ បើកដំណើរការ​នោះ​គ្រាន់តែជា​ការ​សាកល្បង​ជាមុនសិន ដើម្បី​ធានា​ថា​ អ្វីៗ​ដំណើរការ​ដោយ​រលូន​”។

លោក Anthony Loke បានណែនាដល់ប្រតិបត្តិករអាកាសយានដ្ឋាន Malaysia Airports Holdings (MAHB) ត្រូវតាមដានយ៉ាងដិតដល់នូវដំណើរការ និងការធ្វើតេស្តទាំងអស់ ដោយធានាថា កិច្ចការនេះត្រូវបានអនុវត្តន៍យ៉ាងត្រឹមត្រូវ ដើម្បីបញ្ចៀ​សកុំឱ្យមានការពន្យារពេលបន្ថែមទៀត។

លោកបានបន្តថា “ឆ្នាំ២០២៥ ជាឆ្នាំដ៏សំខាន់សម្រាប់ប្រ​ទេសម៉ាឡេស៊ី ព្រោះយើងនឹងធ្វើជាប្រធាន ប្តូរវេនអាស៊ាន ដោ​យយើងនឹងមានការរៀបចំ កិច្ចប្រជុំកំពូលអន្តរជាតិ ហើយយើងរំពឹងថា រថ​ភ្លើងលើអាកាសនេះនឹងបញ្ចប់រួចរាល់”។

លោក Anthony Loke បានឱ្យដឹងថា ប្រតិបត្តិករអាកាសយានដ្ឋាន MAHB នឹងទទួលបានរថភ្លើងចំនួន៣គ្រឿង។ រថភ្លើងនីមួយៗ អាចផ្ទុកអ្នកដំណើរបានចំនួន២៧០នាក់។ រថភ្លើងទី៣ នឹង​ត្រូវបាននាំចូលមក​ដល់​ក្នុង​ខែ​តុលា ហើយ​ត្រូវ​ប្រើ​ជា​រថភ្លើង​បម្រុង”។

ចំណែក សេវា​រថយន្ត​ក្រុង​ ដែល​បាន​បើកដាក់ឱ្យប្រើប្រា​ស់ជំនួស​ផ្លូវ​រថភ្លើង​ពី​មុន​ នឹង​នៅតែបន្ត​ដំណើរការជា​ជម្រើស​សម្រាប់​ដឹកជញ្ជូនអ្នក​ដំណើរ ដោយសារ​មាន​អ្នក​ដំណើរ​ជាច្រើន​ត្រូវ​ធ្វើដំណើរបន្ត ទៅកាន់តំបន់ផ្សេងទៀត៕ប្រភព: The Strait Times៕

តើលោក Joko Widodo ប្រធានាធិបតីរបស់ឥណ្ឌូនេស៊ីបន្សល់ទុកសមិទិ្ធផលសំខាន់ៗអ្វីខ្លះ?

ដោយ: គង់ លាងហួរ

អន្តរជាតិ: ប្រធានាធិបតីឥណ្ឌូនេស៊ីលោក Joko Widodo បានលើកឡើងពីភាពជោគជ័យផ្នែកសេដ្ឋកិច្ច ការកសាងហេដ្ឋារចនាសម្ព័ន្ធ និងការអភិវឌ្ឍ នៅក្នុងសុន្ទរកថាទៅកាន់ប្រជាជាតិ ជាលើកចុងក្រោយ មុនពេលលោកចុះចេញពីតំណែង។

បន្ទាប់ពីកាន់តំណែង១ទសវត្សរ៍ ជាប្រធានាធិបតីរបស់ប្រទេសមានសេដ្ឋកិច្ចធំ ជាងគេបំផុតនៅតំបន់អាស៊ាន លោក Joko Widodo បានយកចិត្តទុកដាក់ ចំពោះភាពជោគជ័យក្នុងការកសាងផ្លូវ ស្ពាន និងកំពង់ផែទូទាំងប្រទេសឥណ្ឌូនេស៊ី។

លោក​ប្រធានាធិបតី បាន​ថ្លែងប្រាប់​ទៅកាន់សភា​ជាតិ​ឥណ្ឌូនេស៊ីថា​ “យើង​អាច​កសាងមូលដ្ឋានគ្រឹះ​ថ្មី និង​អរិយធម៌ ដោយកសាងចេញពី​តំបន់​ជុំវិញ កសាងចេញពី​ភូមិ និង​កសាងពី​តំបន់​ដាច់ស្រយាល”។

ក្នុងនាមជាថ្នាក់ដឹកនាំកំពូល របស់ប្រទេសឥណ្ឌូនេស៊ី ដែលមានប្រជាជនជាង២៧០លាននាក់ លោក Joko Widodo បានថ្លែងថា ការកាត់បន្ថយភាពក្រីក្រពីអត្រា៦,១% មកនៅក្រោម១% រួមទាំងការដាក់ឱ្យប្រើប្រាស់ប្រព័ន្ធ ថែរទាំសុខភាពជាតិ និងកំណែទម្រង់ក្រមព្រហ្ម ទណ្ឌជាជោគជ័យគួរឱ្យកត់សម្គាល់។

លោក Joko Widodo នឹងចាកចេញពីតំណែង ដោយបន្សល់ទុកកំណត់ត្រា កំណើនសេដ្ឋកិច្ចដ៏រឹងមាំ ប៉ុន្តែលោកក៏កំពុងប្រឈមមុខនឹងការរិះគន់កាន់តែខ្លាំង អំពីទិដ្ឋភាពផ្សេងទៀត រួមមាន ប្រព័ន្ធតុលាការ និងស្ថាប័នប្រឆាំងអំពើពុករលួយ។

កាលពីខែតុលាឆ្នាំមុន តុលាការធម្មនុញ្ញ បានកែប្រែលក្ខ​ខណ្ឌអាយុបេក្ខជន ដោយត្រួសត្រាយផ្លូវឱ្យលោក Gibran Rakabuming Raka វ័យ៣៦ឆ្នាំជាកូនប្រុសច្បងរបស់លោក Joko widodo អាចចូលរួមប្រកួតប្រជែង និងឈ្នះតំណែងជាអនុប្រ​ធា​នាធិបតី។

លោក Gibran រួមជាមួយប្រធានាធិបតី ជាប់ឆ្នោតលោក Prabowo Subianto នឹងត្រូវឡើងកាន់តំណែង ដឹកនាំរដ្ឋាភិបាលថ្មីនៅថ្ងៃទី២០ ខែតុលាខាងមុខ។

ក្នុងអំឡុងពេលថ្លែងបិទសុន្ទរកថា ទៅកាន់សភាជាតិឥណ្ឌូនេស៊ីលោកប្រធានាធិបតី Joko widodo បានសូមទោសដល់ប្រជាជនឥណ្ឌូនេស៊ី ចំពោះចន្លោះប្រហោង ឬការខ្វះខាតណាមួយ ក្នុងអំឡុងពេលកាន់តំណែងរបស់លោក។

លោក​បាន​បញ្ជាក់បន្ថែមថា​ “រយៈពេល១០ឆ្នាំ​ពុំមែន​ជា​រយៈពេល​យូរ​ដើម្បី​ដោះស្រាយ​រាល់​បញ្ហា ​ក្នុង​ប្រទេស​ជាតិ​យើង​នោះ​ទេ​។ ពិតណាស់ ខ្ញុំបានប្រព្រឹត្តកំហុសជាច្រើនដោយជៀសមិនរួច”៕ប្រភព:Bangkok Post៕

ចង់បានផ្ទះចូលរស់នៅភ្លាមៗ នៅផ្លូវជាតិលេខ ៦ A កុំមើលរំលងបុរី ប៉េង ហួត គម្រោងដឹស្ដា មុនីរ៉ាហ៍

បុរី ប៉េង ហួត គម្រោងដឹស្ដា មុនីរ៉ាហ៍ នៅលើផ្លូវជាតិលេខ 6A មិនឆ្ងាយប៉ុន្មានពីស្ពានជ្រោយចង្វា ហើយមានផ្ទះ សាងសង់រួច 100% ដែលអាចឱ្យលោកអ្នកចូលរស់បានត្រឹមតែរយៈពេល 7 ថ្ងៃប៉ុណ្ណោះ។

ផ្ទះដែលលោកអ្នកអាចចូលរស់នៅបានភ្លាមៗនោះគឺជាវីឡាភ្លោះ ដ៏ទាន់សម័យ និងជាផ្ទះដ៏ពេញនិយមមួយរបស់បុរី ប៉េង ហួត។​ វីឡាភ្លោះនេះមានម៉ូតស្រស់ស្អាតដែលយើងអាចមើលទៅហាក់ដូចជាវីឡាទោលមួយអញ្ចឹង ខាងក្រោមនេះជាព័ត៌មានអំពីវីឡាមួយនេះ៖