អ្នកជំនាញ: ជោគជ័យរបស់តំបន់អាស៊ានក្នុងការបើកចំហពាណិជ្ជកម្មកំពុងបើកឱកាសសម្រាប់ក្រុមហ៊ុនអន្តរជាតិ

ដោយ: គង់ លាងហួរ

អន្តរជាតិ: ការខិតខំធ្វើឱ្យប្រសើរឡើង នូវកិច្ចព្រមព្រៀងពាណិជ្ជកម្មសំខាន់ៗរបស់តំបន់អាស៊ាន បានក្លាយជាសក្តានុពលដ៏ធំមួយ សម្រាប់បណ្តាក្រុមហ៊ុនអាជីវកម្មនានា ស្របពេលដែលបទប្បញ្ញត្តិមួយចំនួនមានការផ្លាស់ប្តូរ។

លោក Krisda Phatcharoen ប្រធានផ្នែកធនាគារលក់ដុំ និងជាដៃគូជាមួយធនាគារ HSBC Thailand បានលើកឡើងថា“តំបន់អាស៊ានគឺជាអ្នកឈ្នះ និងអ្នកទទួលបានផលប្រយោជន៍ពីការរៀបចំខ្សែសង្វាក់ផ្គត់ផ្គង់ ពិភពលោកឡើងវិញ”។ លោកបន្ថែមថា “នៅពេលយើងជីកកកាយកាន់តែជ្រៅ យើងច្បាស់ណាស់ថា នាពេលថ្មីៗនេះ លំហូរវិនិយោគផ្ទាល់ពីបរទេស និងក្រុមហ៊ុនអន្តរជាតិ មានសំណាងតិចតួចប៉ុណ្ណោះ”។

ស្របពេលដែលបណ្តាប្រទេស មហាអំណាចធំៗនៅលើពិភពលោក កំពុងដាក់របាំងពាណិជ្ជកម្មលើគ្នា ទៅវិញទៅមក ការប្តេជ្ញាចិត្តរបស់តំបន់អាស៊ាន ក្នុងការបើកចំហពាណិជ្ជកម្ម បានជំរុញឱ្យទំហំនៃការនាំចេញ សរុបរបស់តំបន់នេះកើនឡើងជិត៤០ %ក្នុងរយៈពេល៤ឆ្នាំគិតត្រឹមឆ្នាំ២០២២។

កំណើននេះ ត្រូវបានជំរុញដោយកិច្ចព្រមព្រៀងពាណិជ្ជកម្មសេរីធំៗ ដូចជា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់(RCEP) ដែលគ្របដណ្តប់បណ្តាប្រទេសសមាជិកអាស៊ានទាំង១០ បូករួមទាំងអូស្ត្រាលី នូវែលសេឡង់ ជប៉ុន កូរ៉េខាងត្បូង និងចិន។

ទន្ទឹមនឹងនេះ ការពង្រីកបណ្តាញកិច្ចព្រមព្រៀងពាណិជ្ជកម្មសេរីទ្វេរភាគី (FTAs) ការធ្វើសមាហរណកម្មកាន់តែឆាប់រហ័សនៅក្នុងសមាគមអាស៊ាន កំពុងបង្កើនភាពទាក់ទាញរបស់តំបន់នេះ ទៅកាន់ក្រុមហ៊ុនអន្តរជាតិ និងក្រុមហ៊ុន ដែលកំពុងមានបំណងពង្រីកអាជីវកម្ម។

ទោះជាយ៉ាងណាក្តី អ្នកធុរកិច្ចនៅតំបន់អាស៊ាន និងក្រុមហ៊ុនអន្តរជាតិ ដែលមានវត្តមាននៅក្នុងតំបន់នេះ ត្រូវតែប្រុងប្រយ័ត្ន ចំពោះការកែប្រែបទប្បញ្ញត្តិពាណិជ្ជកម្ម និងវិធានការមិនមែនពន្ធ ដើម្បីធានាថា ពួកគេអាចទាញយកផលប្រយោជន៍ពីសក្តានុពលទាំងនេះ។

លោក Krisda Phatcharoen បញ្ជាក់បន្ថែមថា “អាស៊ានស្ថិតនៅក្នុងចំណុចដ៏ទាក់ទាញមួយ សម្រាប់ខ្សែសង្វាក់ផ្គត់ផ្គង់សកលនាពេលនេះ ដោយសារតែមូលដ្ឋានគ្រឹះ ដ៏រឹងមាំរបស់អាស៊ាន ដូចជា តម្លៃពលកម្មដែលមានលក្ខណៈប្រកួតប្រជែង ធនធានមនុស្សដ៏សម្បូរបែប ភាពជឿនលឿនផ្នែកឌីជីថល និងការបើកទូលាយចំពោះពាណិជ្ជកម្ម និងការវិនិយោគអន្តរជាតិ”៕ប្រភព:Bangkok Post៕

អ្នកឧកញ៉ាលី ឃុនថៃដឹកនាំប្រតិភូធុរកិច្ចទស្សនកិច្ចទៅកាន់ប្រទេសចិន

ដោយៈ គង់ សូរិយា

ប្រទេសចិនៈ អ្នកឧកញ៉ាលី ឃុនថៃ អនុប្រធានសភាពាណិជ្ជកម្មកម្ពុជា និងជាសមាជិកក្រុមប្រឹក្សាធុរកិច្ចអាស៊ីខាងកើតតំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាធុរកិច្ចអាស៊ីខាងកើត បានអញ្ជើញចូលរួមទស្សនកិច្ច ទៅកាន់រោងចក្រផលិតស្ករអាស៊ី ខាងកើត នាប្រទេសចិន។

ដំណើរទស្សនកិច្ចដ៏មានសារៈសំខាន់នេះ មានការចូលរួមពី មន្ត្រីជាន់ខ្ពស់ពីរដ្ឋាភិបាលចិន និងតំណាងមកពីសភាពាណិជ្ជកម្មអាស៊ានទាំង១០ប្រទេស និងធុរជនចិនសរុបប្រមាណ៥០នាក់។

រោងចក្រផលិតស្ករអាស៊ីខាងកើត ជារោងចក្រផលិតស្ករមួយនៅ ស្រុកឆុងជូ ក្រុងណានីង ប្រទេសចិន ដែលសហបង្កើតជាមួយក្រុមហ៊ុន Mitr Phol Group នៅឆ្នាំ១៩៩៣ ដើម្បីផ្គត់ផ្គង់ស្ករ នៅទីក្រុងស្ករបរិមាណ១លានតោន រៀងរាល់ឆ្នាំ សម្រាប់ប្រទេសចិន៕

ក្រុមហ៊ុន URB ប្រកាសសាងសង់តំបន់មួយនៅក្នុងទីក្រុងឌូបៃ ទៅជាទីក្រុងបៃតងខ្នាតយក្ស

ដោយ: គង់ លាងហួរ

អន្តរជាតិ: ផែនការសម្រាប់ការសាងសង់ គម្រោងធំថ្មីមួយ ដែលនឹងធ្វើឱ្យទីក្រុងឌូបៃ នៅប្រទេសអារ៉ាប់រួមក្លាយជា “ទីក្រុងផ្លូវហាយវ៉េបៃតង ធំជាងគេបំផុតរបស់ពិភពលោក” ត្រូវបានដាក់តាំង បង្ហាញដោយក្រុមហ៊ុនខ្នាតយក្សមួយ។

គម្រោងនេះមានឈ្មោះថា “Dubai Green Spine”ដែលត្រូវបានរចនាឡើង ដើម្បីប្រែក្លាយមហាវិថី Sheikh Mohammad Bin Zayed Road នៅក្នុងទីក្រុងឌូបៃ ទៅជាច្រករបៀងបៃតងប្រកបដោយនិរន្តរភាព ដែលមានប្រវែង៦៤គីឡូម៉ែត្រ។

គម្រោងដ៏មានមហិច្ឆតាមួយនេះ គឺស្របតាមផែនការមេអភិវឌ្ឍន៍ទីក្រុង “Dubai ឆ្នាំ២០៤០” ដែលរួមមានការសាងសង់ប្រព័ន្ធរថភ្លើង ដើរដោយថាមពលពន្លឺព្រះអាទិត្យ ដែលតភ្ជាប់សង្កាត់ធំៗជាច្រើន នៅក្នុងទីក្រុងឌូបៃជាមួយតំបន់ភាគឦសាននៃទីក្រុង និងតំបន់ជាយទីក្រុងឌូបៃ។

ទីក្រុងឌូបៃគ្រោងនឹងប្រែក្លាយខ្លួនទៅជា “ទីក្រុងរយៈពេល២០នាទី” ដែលមានន័យថា ប្រជាជនអាចធ្វើដំណើរទៅដល់កន្លែងណាមួយ ដោយថ្មើរជើង ឬដោយការជិះកង់ក្នុងរយៈពេលត្រឹមតែ២០នាទីប៉ុណ្ណោះ។

ជាមួយនឹងដើមទុនវិនិយោគ ចំនួនជាង៩,៨ពាន់លានអាមេរិក នៅក្នុងផែនការនេះ ក៏នឹងរួមមានការដាំដើមឈើជាងមួយលានដើម ព្រមទាំងមានការបង្កើតកសិដ្ឋាន និងសួនច្បារក្នុងទីក្រុង ដើម្បីលើកកម្ពស់ការរស់នៅ ប្រកបដោយនិរន្តរភាព។

ផែនការសម្រាប់ការអភិវឌ្ឍន៍គម្រោងនេះ ត្រូវបានដាក់តាំងបង្ហាញ ដោយក្រុមហ៊ុនរៀបចំផែនការទីក្រុង និងការអភិវឌ្ឍន៍ (URB) ដែលមានមូលដ្ឋាននៅទីក្រុងឌូបៃ។ ប៉ុន្តែរដ្ឋាបាលទីក្រុងឌូបៃ មិនទាន់បានប្រកាសពីគម្រោងនេះ ជាផ្លូវការនៅឡើយនោះទេ។

ក្រុមហ៊ុន URB ធ្លាប់បានប្រកាសពីផែនការដាំដើមកោងកាងចំនួន១០០លានដើម និងផែនការសាងសង់ផ្លូវដើរថ្មើរជើង និងផ្លូវសម្រាប់អ្នកជិះកង់ ប្រវែង៩៣គីឡូម៉ែត្រ ដែលមានឈ្មោះថា “The Loop”។

ក្រុមហ៊ុនប៉ាន់ស្មានថា ប្រសិនបើគម្រោងទាំងនេះត្រូវបានសាងសង់បញ្ចប់រួចរាល់ នោះតំបន់ទីក្រុងបៃតងថ្មីនេះ នឹងជួយកាត់បន្ថយការបំភាយឧស្ម័នកាបូនិក CO2 របស់ទីក្រុងឌូបៃចំនួន១លានតោនក្នុងមួយឆ្នាំ និងអាចប្រមូលផលថាមពលស្អាតបានចំនួន៣០០មេហ្គាវ៉ាត់ និងផ្គត់ផ្គង់ថាមពលដល់ផ្ទះប្រមាណ១៣០.០០០ខ្នង។

ប្រសិនបើគម្រោងត្រូវបានអនុម័ត ក្រុមហ៊ុនរៀបចំផែនការទីក្រុង និងការអភិវឌ្ឍន៍ (URB) ជឿជាក់ថា គម្រោងនេះអាចនឹងត្រូវបានសាងសង់ឡើង ជា៤ដំណាក់កាលផ្សេងៗគ្នា ក្នុង រយៈពេល១០ឆ្នាំ៕ប្រភព: TimeOut៕

រដ្ឋាភិបាលដាក់ចេញគោលនយោបាយជម្រុញការប្រើប្រាស់រថយន្តអគ្គិសនីឲ្យបាន៧៧ម៉ឺនគ្រឿងនៅឆ្នាំ២០៣០

ដោយៈ គង់ សូរិយា

ភ្នំពេញៈ រដ្ឋាភិបាលកម្ពុជាដាក់ចេញ គោលនយោបាយជាតិស្ដីពី ការអភិវឌ្ឍវិស័យយានយន្តអគ្គិសនីឆ្នាំ ២០២៤–២០៣០ ដោយកំណត់គោលដៅប្រើប្រាស់ យានយន្តអគ្គិសនីឲ្យបាន៧៧ម៉ឺនគ្រឿងនៅឆ្នាំ២០៣០។

គោលនយោបាយនេះ ធ្វើឡើងដើម្បីរួមចំណែកដល់ការកាត់បន្ថយផលប៉ះពាល់ទៅលើបរិស្ថាន និងចាប់យកឱកាសថ្មីក្នុងការជំរុញសន្ទុះ នៃការធ្វើពិពិធកម្មមូលដ្ឋានសេដ្ឋកិច្ច។

គោលនយោបាយជាតិ ដែលផ្សព្វផ្សាយនៅថ្ងៃនេះ នៅឆ្នាំ២០៣០ កម្ពុជាមានគោលដៅជំរុញ ការចុះបញ្ជីប្រើប្រាស់រថយន្តអគ្គិសនីឱ្យបាន៣ម៉ឺនគ្រឿង ដែលក្នុងនោះ ២៥,០០០ គ្រឿង ជារថយន្តប្រភេទគ្រួសារឬទេសចរណ៍ និង៥ពាន់គ្រឿងសម្រាប់សកម្មភាពអាជីវកម្ម។

ក្រៅពីនេះ ក៏មានការកំណត់ការប្រើប្រាស់ ទោចក្រយានយន្ត (ម៉ូតូនិងកង់) ឲ្យបាន៧២ម៉ឺនគ្រឿង និងត្រីចក្រយានយន្តអគ្គិសនីសុទ្ធចំនួន២ម៉ឺនគ្រឿង។ សរុបយានយន្តទាំង៣ប្រភេទ គឺ៧៧ម៉ឺនគ្រឿង។

ឯកសារគោលនយោបាយបញ្ជាក់ថា ដោយសារការអភិវ ឌ្ឍ វិស័យយានយន្តអគ្គិសនីនៅកម្ពុជា ស្ថិតនៅក្នុងដំណាក់កាលដំបូង ការកសាងប្រព័ន្ធអេកូឡូស៊ី នៃយានយន្តអគ្គិសនីប្រកបដោយប្រសិទ្ធភាព ការឆ្លើយតបនិងស័ក្តិសិទ្ធិភាព ទាម ទារ ឱ្យមានការយកចិត្តទុកដាក់ខ្ពស់ និងការចូលរួមយ៉ាងសកម្មពីក្រសួង ស្ថាប័នពាក់ព័ន្ធ រួមទាំងវិស័យឯកជន និងផ្តោតលើទិដ្ឋភាពទាំងការផ្គត់ផ្គង់ ការដំឡើង ការចែកចាយ ការប្រើប្រាស់យានយន្តអគ្គិសនី បច្ចេកវិទ្យា និងការកសាងហេដ្ឋារចនាសម្ព័ន្ធគាំទ្រពាក់ព័ន្ធ ជាពិសេសការសាងសង់ស្ថានីយបញ្ចូលថាមពល និងការគ្រប់គ្រងសំណល់ និងផលប៉ះពាល់ដល់បរិស្ថាន។

ឯកសារដដែលបញ្ជាក់ថា តាមរយៈការដាក់ចេញគោលនយោបាយជាតិនេះ រាជរដ្ឋាភិបាលបានបង្ហាញ ពីការប្តេជ្ញាចិត្តនិងជំនឿយ៉ាងមុតមាំ ក្នុងការអភិវឌ្ឍប្រព័ន្ធអេកូឡូស៊ីវិស័យយានយន្តអគ្គិសនីនៅកម្ពុជា សំដៅប្រែក្លាយជាប្រទេសដែលលើកកម្ពស់ការប្រើប្រាស់យានយន្ត អគ្គិសនីនារយៈពេលមធ្យ មនិងវែងខាងមុខ ដើម្បីជំរុញការអភិវឌ្ឍកម្ពុជា ប្រកបដោយចីរភាព ដោយថ្លឹងថ្លែង ទាំងទិដ្ឋភាពសេដ្ឋកិច្ច សង្គម និងបរិស្ថាន។

សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានថ្លែងនៅក្នុងបុព្វកថា នៃគោលនយោបាយជាតិនេះថា វិស័យយានយន្តអគ្គិសនីនៅកម្ពុជា ជាកិច្ចការបន្ទាន់និងចាំបាច់ ដើម្បីត្រៀមខ្លួន ឈោងចាប់យកកាលានុវត្តភាពថ្មីៗ ក្នុងការចូលរួមជំរុញសន្ទុះ នៃការធ្វើពិពិធកម្មមូលដ្ឋានសេដ្ឋកិច្ច ដើម្បីបង្កើតចន្ទល់ថ្មីៗនៃកំណើន និងការធ្វើបរិវត្តកម្មឆ្ពោះទៅរកឧស្សាហកម្មដែលមានតម្លៃបន្ថែមខ្ពស់ជាងមុន ដូចជា ការកែច្នៃ ការផលិតគ្រឿងអេឡិចត្រូនិក ការផ្តុំនិងការដំឡើងយានយន្ត និងឧស្សាហកម្ម ដែលប្រើប្រាស់បច្ចេកវិទ្យា កាន់អឡិចត្រូនិកកាន់តែទំនើប។

សម្តេចបញ្ជាក់ថា “នេះបង្ហាញពីការប្តេជ្ញាចិត្ត របស់រាជរដ្ឋាភិបាល ក្នុងការចូលរួមដោះស្រាយ បញ្ហាការប្រែប្រួលអាកាសធាតុ ជាពិសេសការសម្រេចបាន នូវអព្យាក្រឹតកាបូននៅឆ្នាំ២០៥០”។

យោងតាមលោក ផន រឹម អ្នកនាំពាក្យក្រសួងសាធារណការ និងដឹកជញ្ជូន គិតត្រឹមដំណាច់ខែមិថុនា កម្ពុជាមានយានយន្តអគ្គិសនី ដែលបានចុះបញ្ជីចំនួន២.៩៦៨គ្រឿង ក្នុងនោះរថយន្តមានចំនួន១.៦១៤គ្រឿង ត្រីចក្រយានយន្តចំនួន ៤៤០គ្រឿង និងទោចក្រយានយន្តចំនួន ៩១៤គ្រឿង។

សម្រាប់ការចុះបញ្ជីយានយន្តអគ្គិសនី នៅក្នុងរយៈពេល ៦ខែដំបូងនៃឆ្នាំ២០២៤នេះ រថយន្តអគ្គិសនីបានកើនឡើងរហូតដល់ទៅ៥០៨ភាគរយ ទោចក្រយានយន្តអគ្គិសនី កើនឡើង ៣៨០ភាគរយ ប៉ុន្តែចំនួនត្រីចក្រយានយន្តអគ្គិសនីថយចុះ ២៩ភាគរយ ធៀបទៅនឹង ៦ខែឆ្នាំមុន៕

តើកម្មវិធីទិដ្ឋាការស្នាក់នៅរយៈពេលវែង តាមរយៈការទិញអច លនទ្រព្យរបស់កម្ពុជា និងប្រទេសផ្សេងទៀតខុសគ្នាបែបណា?

ដោយ: គង់ លាងហួរ

អន្តរជាតិ: បណ្តាប្រទេសជាច្រើន នៅលើពិភពលោកបានបង្កើតកម្មវិធីវិនិយោគ ដែលអាចបើកឱកាសឱ្យជនបរទេសទទួលបានសិទ្ធិស្នាក់នៅ ប្រសិនបើពួកគេទិញអចលនទ្រព្យក្នុងប្រទេសរបស់ខ្លួន ក្នុងគោលដៅទាក់ទាញវិនិយោគិនបរទេ ស និងជំរុញកំណើនសេដ្ឋកិច្ច។

ជាមួយគ្នានេះ ជនបរទេសដែលមានទ្រព្យសម្បត្តិចាប់ពី១លានដុល្លារឡើងទៅ (HNIs) កំពុងសម្រុកទិញអចលនទ្រព្យក្នុងគោលបំណងផ្សេងៗដូចជាការវិនិយោគឬការកំសាន្តវិស្សមកាលនៅលើទឹកដីបរទេស។

ខាងក្រោមនេះ ជាបណ្តាប្រទេសទាំង៦ ដែលផ្តល់ការស្នាក់នៅរយៈពេលវែង ដល់ពលរដ្ឋបរទេស ក្រោមកម្មវិធីវិនិយោគអចលនទ្រព្យ។

ទី១: ប្រទេសប្រេស៊ីល

ជនបរទេសអាចស្នាក់នៅអចិន្ត្រៃយ៍ តាមរយៈការទិញអច លនទ្រព្យ ដែលមានតម្លៃប្រមាណ១៨៤.៦២៨ដុល្លារ នៅក្នុងតំបន់ភាគខាងជើង និងតំបន់ភាគឦសាន នៃប្រទេសប្រេស៊ីល។

ទី២: ប្រទេសក្រិក

វិនិយោគិនអាចទទួលបានប័ណ្ណ ស្នាក់នៅរយៈពេល៥ឆ្នាំ ដែលអាចបន្តសុពលភាពជាថ្មី បានដោយគ្មានកាលកំណត់ បន្ទាប់ពីទិញអចលនទ្រព្យ ក្នុងតម្លៃ៥០០.០០០អឺរ៉ូ(ប្រហែល៥៤១.៧៧៦ដុល្លារ) ឬតាមរយៈការវិនិយោគដូចជា ការដាក់ប្រាក់ នៅក្នុងធនាគារណាមួយរបស់ប្រទេសក្រិក ឬទិញសញ្ញាប័ណ្ណ ដែលបោះផ្សាយលក់ដោយរដ្ឋាភិបាលក្រិក។

ទី៣: ប្រទេសកម្ពុជា

ការវិនិយោគលើគម្រោងអចលនទ្រព្យ របស់រដ្ឋាភិបាលតាមរយៈកម្មវិធី Cambodia My Second Home (CM2H) អាចអនុញ្ញាតឱ្យជនបរទេស ទទួលបានប័ណ្ណស្នាក់នៅចំនួន១០ឆ្នាំ។ បន្ទាប់ពីរយៈពេល៥ឆ្នាំ អ្នកវិនិយោគមានសិទ្ធិទទួលបានសញ្ជាតិ តាមរយៈការបោះទុនវិនិយោគ អប្បបរមាចំនួន១០ម៉ឺនដុល្លារ។

ទី៤: ប្រទេស Cyprus

ជនបរទេសត្រូវបោះទុនវិនិយោគ អចលនទ្រព្យក្នុងទំហំទឹកប្រាក់៣០ម៉ឺនអឺរ៉ូ។ ជនជាតិបរទរស អាចស្នាក់នៅអចិន្ត្រៃយ៍ក្នុងប្រទេស Cyprus ប្រសិនបើការវិនិយោគត្រូវបានរក្សាទុក។ ជនបរទេសក៏ត្រូវដាក់ប្រាក់បញ្ញើ នៅធនាគាររយៈពេល៣ឆ្នាំចំនួន៣ម៉ឺនអឺរ៉ូ និងមានប្រាក់ចំណូលប្រចាំឆ្នាំ អប្បបរមាចំនួន៣ម៉ឺនអឺរ៉ូ និងមានកាតព្វកិច្ច ទូទាត់អាករលើតម្លៃបន្ថែម (VAT) ចំនួន១៩% លើតម្លៃអចលនទ្រព្យលក់ចុងក្រោយ។

ទី៥: ប្រទេសអេស្ប៉ាញ

ជនបរទេសត្រូវតែបោះទុនវិនិយោគ លើអចលនទ្រព្យក្នុងទំហំទឹកប្រាក់អប្បបរមាចំនួន៥០ម៉ឺនអឺរ៉ូ ដើម្បីមានសិទ្ធិទទួលបានទិដ្ឋាការស្នាក់នៅ។ ប្រសិនបើការវិនិយោគ ត្រូវបានបន្តរក្សាទុក ប័ណ្ណស្នាក់នៅអាចត្រូវបានបន្តសុពលភាព ជារៀងរាល់៥ឆ្នាំម្តង។

ទី៦៖ ប្រទេសព័រទុយហ្គាល់

វិនិយោគិនអាចទិញអចលនទ្រព្យ គ្រប់ទីកន្លែងក្នុងប្រទេសនេះ ក្នុងតម្លៃ៥០ម៉ឺនអឺរ៉ូ ដើម្បីមានសិទ្ធិទទួលបានកម្មវិធីទិដ្ឋាការមាស របស់ប្រទេសព័រទុយហ្គាល់។ ជាមួយគ្នានេះ វិនិយោគិនអចលនទ្រព្យ ត្រូវបោះទុនវិនិយោគក្នុងទំំហំទឹកប្រាក់អប្បបរមាចំនួន៣៥ម៉ឺនអឺរ៉ូ នៅក្នុងគម្រោងអចលនទ្រព្យលំនៅដ្ឋាន ឬពាណិជ្ជកម្ម៕ប្រភព:CNBC៕

ក្រសួងអភិវឌ្ឍន៍ជនបទគ្រោងរៀបចំគំរោងតេជោភូមិ១០០ជាលើកដំបូងនៅកម្ពុជា

ដោយៈ គង់ សូរិយា

ភ្នំពេញៈ ក្រសួងអភិវឌ្ឍន៍ជនបទ កំពុងតែពិនិត្យមើលគម្រោងតេជោភូមិ១០០ “ TECHO ភូមិ១០០” ដើម្បីស្នើសុំគោលការណ៍ទៅរដ្ឋាភិបាល ដើម្បីយកគម្រោងនេះមកអនុវត្ត ដោយសារតែគម្រោងនេះល្អ ហើយស្របតាមគម្រោងភូមិគំរូរបស់ក្រសួង ដែលកំពុងតែអនុវត្តន៍ ប្រកបដោយជោគជ័យ អស់រយៈពេល១០ឆ្នាំមកហើយ។

ការពិនិត្យមើលគម្រោងតេជោភូមិ១០០ ត្រូវបានធ្វើឡើងក្រោយពីមានជំនួបមួយរវាង រដ្ឋមន្ត្រីក្រសួងអភិវឌ្ឍន៍ជនបទ លោកឆាយ ឫទ្ធិសែន និង លោកសួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្ដរជាតិ និងព័ត៌មាន នៃរដ្ឋសភាស្តីពី អំពីគម្រោងតេជោភូមិ១០០ កាលពីពេលថ្មីៗនេះ។

គម្រោងតេជោភូមិ១០០នេះ ជាគំរូអភិវឌ្ឍន៍ថ្មីមួយ ដែលមានភាពខុសប្លែកពីគេតែមួយគត់ ដែលធ្វើឡើងតាមតម្រូវការ និងសក្តានុពលរបស់ភូមិនីមួយៗ។ ក្នុងគំរោងនេះ មានប្រើប្រាស់វិធីសាស្ត្រអភិវឌ្ឍន៍ជនបទ តាម People-Based Place-Centre (PBPC) ដោយយកវប្បធម៌ និងគំនិត TECHO ជាស្នូល។

វិធីសាស្ត្រអភិវឌ្ឍន៍ជនបទ តាមបែប PBPC សំដៅលើការអភិវឌ្ឍដែលកៀរគរ និងប្រើប្រាស់ សក្តានុពលនៃធនធានក្នុងស្រុក រួមទាំងធនធានធម្មជាតិ និង ធនធានមនុស្ស ជាមូលដ្ឋានគ្រឹះដ៏សំខាន់ ដោយផ្អែកលើផលប្រយោជន៍ របស់ប្រជាជន សក្តានុពលកំណើនសេដ្ឋកិច្ច និងការអភិវឌ្ឍនៅនឹងកន្លែង។

លោក សួស យ៉ារ៉ា មានប្រសាសន៍ថា គម្រោងនេះមានគោលបំណងលើកកម្ពស់ ការអភិវឌ្ឍសហគមន៍ជនបទ តាមរយៈភាពជាអ្នកដឹកនាំមូលដ្ឋាន ប្រកបដោយភាពច្នៃប្រឌិត និងរួមបញ្ចូលគ្នានៅទូទាំង២៥ រាជធានី–ខេត្តនៅកម្ពុជា ក្រោមក្របខ័ណ្ឌការចូលរួម ពីភាគីពាក់ព័ន្ធជាច្រើន និងកម្មវិធីភាពជាដៃគូសាធារណៈ ឯកជន និងប្រជាជន (Public Private People Partnership)។

លោករដ្ឋមន្រ្តីបន្តថា ការបន្ដការអនុវត្តគម្រោងតេជោភូមិ១០០ ជាការចូលរួមចំណែកបន្ថែមទៀត លើការអភិវឌ្ឍភូមិចម្រុះ ការអភិវឌ្ឍភូមិសន្ដិភាព និងការអភិវឌ្ឍភូមិគំរូ ដែលក្រសួងអភិវឌ្ឍន៍ជនបទ បាននិងកំពុងអនុវត្តន៍ នាពេលបច្ចុប្បន្ននេះ។ នេះបើយោងតាម អ្នកនាំពាក្យក្រសួងអភិវឌ្ឍន៍ជនបទ លោក ពិត ករុណា។

លោកបានឱ្យដឹងថា នាពេលបច្ចុប្បន្ននេះ ក្រសួងកំពុងតែពិនិត្យមើលលើគម្រោងនេះ មុននឹងដាក់សំណើរសុំគោលការណ៍ទៅរដ្ឋាភិបាល ដើម្បីយកគម្រោងនេះមកអនុវត្ត។ ការរៀបចំតេជោភូមិ១០០ នេះយ៉ាងហោចណាស់ក៏មាន២ភូមិដែរ ក្នុងខេត្តនីមួយៗ។

លោកបានបញ្ជាក់ថា “អ្វីដែលជាគុណសម្បត្តិ គុណតម្លៃរបស់តេជោភូមិ១០០ មានលក្ខណៈស្របជាមួយនឹងភូមិគំរូ”។

លោករដ្ឋមន្រ្តីនឹងស្នើសុំគោលការណ៍ ឯកភាពពីរដ្ឋាភិបាល ដើម្បីសុំគម្រោងនេះ មកជាគម្រោងរបស់ក្រសួង។ ប៉ុន្តែឥឡូវនេះ កំពុងពិនិត្យមើលគម្រោង និងត្រៀមរៀបចំមើលថា ពេលទទួលបានគម្រោង ត្រូវអនុវត្តន៍យ៉ាងណា ដើម្បីរក្សានូវនិរន្តរភាពរបស់គម្រោងឱ្យបានល្អ ហើយនិងអភិវឌ្ឍន៍ទៅមុខបន្តទៀត។

លោកឆាយ ឬទ្ឋីសែនបានបញ្ជាក់ថា “ចំពោះការងារនេះ មិនបង្អង់រងចាំពេលយូរទេ កំពុងតែរៀបចំទៅហើយ”៕

រដ្ឋមន្រ្តីការងារផ្សព្វផ្សាយកម្មវិធីថ្នាក់ជាតិស្តីពី “ការអនុវត្តរបបសន្តិសុខសង្គម និងកម្មវិធីបណ្តុះបណ្តាលជំនាញជីវៈ”

ដោយៈ ម៉ាលីនណា

កំពង់ឆ្នាំងៈ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ លោកហេង សួរ បានអញ្ជើញផ្សព្វផ្សាយស្តីពី “ការអនុវត្តរបបសន្តិសុខសង្គមផ្នែកថែរទាំសុខភាព តាមរបបភាគទានដោយស្ម័គ្រចិត្ត សម្រាប់អ្នកក្នុងបន្ទុកសាមាជិក ប.ស.ស. ជាមន្ត្រីសាធារណៈ” និង “កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស” ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ” នៅខេត្តកំពង់ឆ្នាំង។

ថ្លែងទៅកាន់អង្គពិធី លោករដ្ឋមន្ត្រី បានគូសបញ្ជាក់ថាការដាក់ចេញនូវកម្មវិធីថ្នាក់ជាតិស្តីពី របបសន្តិសុខសង្គមផ្នែកថែរទាំសុខភាពតាមរបបភាគទាន ដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស. ជាមន្ត្រីសាធារណៈ និងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ គឺជាគោលនយបាយសំខាន់២ ក្នុងចំណោមគោលនយោបាយអាទិភាពទាំង៦ របស់រាជរដ្ឋាភិបាល ដើម្បីជំរុញឱ្យប្រជាពលរដ្ឋទទួលបានការថែទាំសុខភាពកាន់តែប្រសើរ និងមានវិសាលភាពគ្របដណ្តប់យ៉ាងទូលំទូលាយ រួមទាំងការផ្តល់ជំនាញវិជ្ជាជីវៈ ដល់ប្រជាពលរដ្ឋក្នុងគោលបំណង បង្កើតឱ្យពលរដ្ឋមានការងារសមរម្យ និងជីវភាពកាន់តែប្រសើរ។

លោកបញ្ជាក់ថា “មានតែក្នុងអាណត្តិរាជរដ្ឋាភិបាលដែលដឹកនាំដោយសម្តេចតេជោ ហ៊ុន សែន និងសម្តេចធិបតីប៉ុណ្ណោះ ដែលការផ្តល់របបសន្តិសុខសង្គម ដែលមានទាំង៣របប គឺរបបថែទាំសុខភាព របបហានិភ័យការងារ និងរបបសោធននិវត្តន៍ ត្រូវបានផ្តល់ជូនប្រជាពលរដ្ឋ ទាំងមន្ត្រីរាជការ និងពលរដ្ឋក្នុងវិស័យឯកជន”។

បន្ថែមពីនេះ លោករដ្ឋមន្ត្រី បានលើកឡើងពីអត្ថប្រយោជន៍នៃកម្មវិធីបណ្តុះបណ្តាលជំនាញវិជ្ជាជីវៈនិងបច្ចេកទេសដល់យុវជនក្រុមគ្រួសារក្រីក្រនិងងាយរងហានិភ័យដែលនឹងទទួលបានការបណ្តុះបណ្តាលដោយឥតគិតថ្លៃនិងទទួលបានប្រាក់ឧបត្ថមចំនួន២៨ម៉ឺនរៀលក្នុងមួយខែជាមួយនឹងភាពបត់បែននៃកាលវិភាគសិក្សាដែលមានចំនួនរហូតទៅដល់៧វេនហើយរាជរដ្ឋាភិបាលធានាផ្តល់ការងារធ្វើដែលមានប្រាក់ឈ្នួលសមរម្យ។

ដើម្បីឱ្យកម្មវិធីទាំងពីរនេះជោគជ័យ លោកហេង សួរបានលើកទឹកចិត្តដល់មន្ត្រីសាធារណៈ គ្រប់លំដាប់ថ្នាក់ជំរុញការផ្សព្វផ្សាយពីអត្ថប្រយោជន៍ នៃកម្មវិធីទាំងពីរទៅកាន់ប្រជាពលរដ្ឋនៅតាមមូលដ្ឋាន និងគ្រប់មុខសញ្ញាឱ្យបានយល់ពីកម្មវិធីរបស់រាជរដ្ឋាភិបាល ដែលបានដាក់ចេញក្នុងគោលបំណងបង្កើនជីវភាពប្រជាពលរដ្ឋឱ្យកាន់តែប្រសើរ និងកាត់បន្ថយនូវការចំណាយរបស់ប្រជាពលរដ្ឋ ដែលជាការយកចិត្តទុកដាក់ពីប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត៕

ឥណ្ឌាប្រកាសមហិច្ឆិតាជំរុញបង្កើនឧស្សាហកម្មផលិតកប៉ាល់ដឹកជញ្ជូនទំនិញក្នុងស្រុក

ដោយ: គង់ លាងហួរ

អន្តរជាតិ: រដ្ឋាភិបាលឥណ្ឌា របស់លោកនាយករដ្ឋមន្រ្តី Narendra Modi កំពុងរៀបចំគោលនយោបាយសម្រាប់ជំរុញការសាងសង់កប៉ាល់ពាណិជ្ជកម្ម នៅក្នុងប្រទេសរបស់ខ្លួន ដើម្បីកាត់បន្ថយការពឹងផ្អែក លើការបញ្ជាទិញពីបរទេស។

ជាក់ស្តែង រដ្ឋាភិបាលរបស់លោក Modi គ្រោងតម្រូវឱ្យក្រុមហ៊ុនឥណ្ឌា ប្រើប្រាស់តែកប៉ាល់ដឹកជញ្ជូនទំនិញ ដែលផលិតក្នុងស្រុក ទើបអាចចុះឈ្មោះ ដើម្បីធ្វើប្រតិបត្តិការនៅតាមឆ្នេរសមុទ្រ និងផ្លូវទឹកចាប់ពីឆ្នាំ២០៣០ខាងមុខតទៅ។

យោងតាមក្រុមមន្ត្រី និងថ្នាក់ដឹកនាំឧស្សាហកម្មឯកជនបានឱ្យដឹងថា សំណើនេះគឺជាផ្នែកមួយ នៃកិច្ចពិភាក្សាក្នុងសិក្ខាសាលាស្តីពី ការស្តារឡើងវិញនូវឧស្សាហកម្ម សាងសង់កប៉ាល់ឥណ្ឌា នៅទីក្រុងញូវដេលី ដែលរៀបចំឡើងដោយក្រសួងកំពង់ផែ ដឹកជញ្ជូន និងផ្លូវទឹក (MoPSW)។

នៅក្នុងសម័យប្រជុំនោះ ក្រុមមន្ត្រីរដ្ឋាភិបាលឥណ្ឌាកំពូលៗបានសង្កត់ធ្ងន់ អំពីតម្រូវការជាចាំបាច់ ដើម្បីជំរុញធ្វើយ៉ាងណាឱ្យមានការបង្កើនការផលិត និងការប្រើប្រាស់កប៉ាល់ក្នុងស្រុក ដើម្បីដឹកជញ្ជូនទំនិញតាមផ្លូវទឹក។

យោងតាមការប៉ាន់ប្រមាណ របស់ក្រុមហ៊ុនប្រឹក្សាយោបល់ហិរញ្ញវត្ថុ KPMG បានបង្ហាញថា បច្ចុប្បន្ន សមត្ថភាពរបស់ប្រទេសឥណ្ឌា ក្នុងការកសាងកប៉ាល់ ស្ថិតនៅលំដាប់រៀងទី២០នៅលើពិភពលោក ខណៈចំណែករបស់ឥណ្ឌា ក្នុងការកសាងកប៉ាល់ ស្ថិតក្នុងរង្វង់ត្រឹមតែ០,០៦ភាគរយប៉ុណ្ណោះ នៃចំណែកផលិតកម្មសរុបជាសកល។

មន្ត្រីជាន់ខ្ពស់ឥណ្ឌាលើកឡើងថា “ទោះបីជាយើងបានជំរុញខិតខំប្រឹងប្រែង ក្នុងការអភិវឌ្ឍន៍ហេដ្ឋារចនាសម្ព័ន្ធកំពង់ផែ និងផ្លូវទឹកយ៉ាងណាក្តី ប៉ុន្តែយើងនៅតែពឹងផ្អែកលើកប៉ាល់បរទេស ហើយយើងមិនទាន់ក្តោប បានចំណែកដ៏ធំនៃទីផ្សារផលិតកម្មកប៉ាល់ពិភពលោកនៅឡើយទេ”៕ប្រភព: Business Stardard៕

Chinese investors buying up many factories, land on sales as NPLs

The Bangkok Commercial Asset Management (BAM) said on Thursday that many Chinese investors have joined hands with Thai partners to buy plots of land and factories of failed businesses from the debt management agency.

Bundit Anantamongkol, president and CEO of BAM, said the Chinese investors bought land, industrial factories and warehouses put on sale by the BAM this year and most purchases were made in Rayong.

Bundit did not reveal details of the purchases by Chinese investors.

He said the Chinese investors came in to buy a lot of property because the prices have dropped a lot and because they planned to expand their businesses in Thailand in the near future.

Bundit said businesses continued to sell their non-performing loans to BAM. He expected more non-performing assets (NPAs) valued at not more than 3 million baht each to be sold to BAM for resale in the second half of this year.

Bundit said the BAM would also launch a special campaign in the second half to mark its 25th anniversary and almost 3,000 NPAs worth some 5 billion baht would be put on sale.

BAM is a public company in Thailand that specialises in managing distressed assets [investor.bam.co.th]. Established in 1998, it’s under the ownership of Financial Institutions Development Fund (FIDF).

BAM primarily helps financial institutions by taking over bad debts and unwanted properties, and then works to recover their value. BAM also manages and sells real estate properties, including houses, land, and condos.

Bundit said he expected commercial banks and asset management corporations to sell more of their NPAs to BAM in the second half because they were required to meet the regulations of the Bank of Thailand to unload NPAs that have not performed for 12 years.

Bundit added that BAM aimed to sell 7 billion to 8 billion baht worth of NPAs this year.

Currently, BAM manages 24,378 assets with a combined value of 72.958 billion baht, he added.

Source: The nation

រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវគោលបំណងប្រកបដោយការប្ដេជ្ញាចិត្តខ្ពស់សំដៅក្នុងការឈានបញ្ចប់បញ្ហាទឹកជន់លិចរាជធានីភ្នំពេញក្នុងរយៈពេល ៥ឆ្នាំ

រដ្ឋបាលរាជធានីភ្នំពេញ: បានរៀបចំគម្រោងចំនួន ៥០គម្រោង សម្រាប់រយ:ពេល ៥ឆ្នាំ សំដៅបញ្ចប់ និងកាត់បន្ថយបញ្ហាប្រឈមទឹកជំនន់ក្នុងភូមិសាស្ត្ររាជធានីភ្នំពេញ ហើយបច្ចុប្បន្នគម្រោងចំនួន ១៣ បាន និងកំពុងអនុវត្ត ក្នុងតំបន់ដែលងាយរងគ្រោះដោយការលិចលង់ជាងគេ រួមមាន តំបន់ជុំវិញស្ថានីយ៍បូមទឹកលូប្រាំ,តំបន់ជុំវិញស្ថានីយ៍បូមទឹកបឹងទំពុន,តំបន់ជុំវិញស្ថានីបូមទឹកបឹងត្របែក ជាដើម ។ គម្រោងទាំង ១៣នេះ ផ្ដោតលើ គម្រោងពង្រីកស្ថានីយ៍បូមទឹកឱ្យបានធំជាងមុន មានដូចជានៅស្ថានីយ៍លូប្រាំ និងស្ថានីយ៍កប់ស្រូវ គម្រោងសាងសង់សម្រង់កាយសម្រាមនៅបឹងត្របែក ការដាក់លូ បុកស៊ីផាយ និងការស្តារប្រឡាយមេ ជាដើម។

គិតមកដល់ពេលនេះ ការអនុវត្តគម្រោង ១៣ នេះ សម្រេចបាន ៦.៥% ហើយ អាចរំដោះទឹកចេញពីតំបន់បឹងត្របែក បឹងកេងកង ម៉ុងឌីយ៉ាល់ ព្រលានយន្តហោះ បឹងទំពុននិងតំបន់ផ្សារដើមគរ ។

បន្ថែមពីនេះ រដ្ឋបាលរាជធានីភ្នំពេញ ក៏បានត្រៀមបញ្ចេញគ្រឿងចក្រធ្វើការកាយប្រឡាយតាមបណ្តោយផ្លូវជាតិលេខ៣ ឱ្យបានធំទូលាយ និងមិនអនុញ្ញាតឱ្យមានការកាយដាក់លូតូចៗ ខុសស្តង់ដាបច្ចេកទេសឡើយ ដែលវានឹងនាំអោយស្ទះផ្លូវទឹក ដែលបង្កអោយមានការលិចលង់ដោយជំនន់ទឹកភ្លៀង។ រដ្ឋបាលរាជធានីភ្នំពេញរៀបចំខាងក្នុង ក្រសួងធនធានទឹក និងឧតុនិយមរៀបចំខាងក្រៅ ទប់ស្កាត់បរិមាណទឹកហូរចូលរាជធានីតាមទឹកស្ទឹងព្រែកត្នោត ហេីយក៏សូមមានការចូលរួមពីគ្រប់វិស័យពាក់ព័ន្ធ ពិសេសបងប្អូនប្រជាជនយេីងទាំងអស់គ្នា។

1...605606607...3,379 Page 606 of 3,379