ដោយៈ គង់ សូរិយា
កោះកុងៈ គំរោងអភិវឌ្ឍន៍ដ៏ធំមួយ ដែលគ្របដណ្តប់លើផ្ទៃដីរាប់ម៉ឺនហិកតា ស្ថិតក្នុងស្រុកតារាសាគរ បាននិងកំពុងអភិវឌ្ឍន៍ទីក្រុងចម្រុះ និងទំនើបមួយនៅខេត្តកោះកុង។
គម្រោងអភិវឌ្ឍន៍ទីក្រុងដ៏ធំនេះ បាននិងកំពុងអភិវឌ្ឍន៍គំរោងជាច្រើនរួមមាន សណ្ឋាគារ ភោជនីយដ្ឋាន ទីលានវាយកូនហ្គោល កំពង់ផែទឹកជ្រៅ លំនៅដ្ឋានបែបលំហែរកាយ និងគំរោងព្រលានយន្តហោះតារាសាគរ ដែលព្រលានយន្តហោះនេះ គ្របដណ្តប់លើផ្ទៃដីទំហំជាង១០០០ហិកតា ផ្សារជាប់មាត់សមុទ្រជាដើម។
លោកLi Meng Chenអគ្គនាយកក្រុមហ៊ុនខូស្ទល ឌីវេឡុបម៉ិន ខូ អ៊ិលធីឌីបានមានប្រសាសន៍ ក្នុងកិច្ចសម្ភាសន៍ជាមួយទូរទស្សន៍ក្នុងស្រុកកាលពីចុងសប្តាហ៍មុនថា យើងបានមកកាន់កម្ពុជា នៅឆ្នាំ២០0៧ ហើយទទួលបានសិទ្ឋអភិវឌ្ឍន៍ឯករាជ្យ នៅក្នុងខេត្តកោះកុង។ នៅខែវិច្ឆិកា ឆ្នាំ២០០៨ យើងបានចុះហត្ថលេខាក្រោមអធិបតីពីលោកស្រីហ្សាង កៅលី រដ្ឋលេខានៃគណបក្សកុំម្មុយនីស្តចិន នៃក្រុងធានជីង សាធារណៈរដ្ឋប្រជាមានិតចិន ជាមួយមន្រ្តីជាន់ខ្ពស់កម្ពុជា ក្រុមហ៊ុនខូស្ទលឌីវេឡុបមិន ខូអ៊ិលធីឌី បានចុះហត្ថលេខាផ្ទេរដីជាមួយរាជរដ្ឋាភិបាលកម្ពុជា។
លោកបន្តថា ក្នុងខែកញ្ញា ឆ្នាំ២០១៥គំរោងផ្តួចផ្តើមខ្សែក្រវ៉ាត់១ ផ្លូវ១របស់ចិន ត្រូវបានជម្រុញសម្តេចតេជោហ៊ុន សែនអតីតនាយករដ្ឋមន្រ្តីនៃកម្ពុជា បានបញ្ចូលគំរោងនេះ ក្នុងកិច្ចសហប្រតិបត្តិការសំខាន់ៗ នៃយុទ្ឋសាស្រ្តខ្សែក្រវ៉ាត់ និងផ្លូវរវាងកម្ពុជា និងចិនដែលបានដាក់ឈ្មោះគំរោងនេះថា “ជាតំបន់ពិសោធន៍ការអភិវឌ្ឍន៍ចម្រុះកម្ពុជា ចិន”។
មកដល់បច្ចុប្បន្នក្រុមហ៊ុន បានវិនិយោគទឹកប្រាក់មានរាប់លានដុល្លារ លើការកសាងផ្លូវថ្នល់ ការសាងសង់គំរោងផ្លូវអាកាស ការសសាងសង់កំពង់ផែ និងហេដ្ឋារចនាសម្ព័ន្ឋចម្រុះ និងគំរោងជាច្រើនទៀត។
លោកLi Meng Chinបានបន្តថា គំរោងសាងសង់ផ្លូវថ្នល់គ្រប់ប្រភេទ មានប្រវែងប្រមាណ៣០០គីឡូម៉ែត្រ ដែលនៅឆ្នាំ២០១៨ ផ្លូវតភ្ជាប់ពីផ្លូវជាតិលេខ៤៨ ទៅកាន់តំបន់តារាសាគរ ដែលមានប្រវែង៦៨គីឡូម៉ែត្រ បានបើកដំណើរការជាផ្លូវការ ដោយតភ្ជាប់ជាមួយផ្លូវល្បឿនលឿនភ្នំពេញ ព្រះសីហនុ ដែលជួយសម្រួលការដឹកជញ្ជូនដ៏សំខាន់។ ដោយឡែកអាកាសយានដ្ឋានខ្នាត4F បានបញ្ចប់ការហោះហើរសាកល្បងកាលពីខែមេសា ឆ្នាំ២០២៣ផងដែរ។
លោកបន្តថា ចំណែកការដឹកជញ្ជូនតាមផ្លូវទឹក យើងមានកំពង់ផែដឹកជញ្ជូនសរុប៣ទីតាំង ដែលបានដាក់ដំណើរការកាលពីខែកញ្ញា ឆ្នាំ២០២៣ផងដែរ ដែលយើងអាចស្វាគមន៍ ការវិនិយោគពីគ្រប់វិស័យ ស្របពេលប្រព័ន្ឋទូរគមនាគមន៍ ទឹកស្អាត អ៊ីនធើណេតបានបញ្ចប់ និងដាក់ឲ្យដំណើរការផងដែរ។
ជាមួយគ្នានេះ ក្រុមហ៊ុនបាននិងកំពុងអិវឌ្ឈន៍បឹង “សុបិនតារា”ដែលជាគំរោងអភិវឌ្ឍន៍ដ៏សំខាន់មួយ ដែលអភិវឌ្ឍន៍លើផ្ទៃដី៤៥០០ហិកតា ដោយអភិវឌ្ឍន៍ទៅជាគំរោងអភិវឌ្ឍន៍បែបវប្បធ៌ម ទេសចរណ៍អន្តរជាតិដ៏ធំ ដែលគ្រោងចំណាយពេល៥ឆ្នាំ និងគំរោងវិស្សមកាលទេសចរណ៍កោះស្តេច ដែលអភិវឌ្ឍន៍លើផ្ទៃដី១៨ម៉ឺនម៉ែត្រការ៉េ និងចំណាយពេលត្រឹម៥នាទីដល់កោះស្តេច។ ចំណែកការអភិវឌ្ឈគំរោងនាពេលអនាគត នឹងមានផ្សារសម្រាប់កំសាន្ត សណ្ឋាគារ និងបង្កើតឲ្យមានតំបន់ទេសចរណ៍មាត់សមុទ្រ ដែលបណ្តុះទៅដោយការញាំ ទិញទំនិញ និងការលេងកំសាន្តផងដែរ។
ក្រៅពីគំរោងអភិវឌ្ឍន៍រមណីយដ្ឋាន លំនៅដ្ឋាន ក្រុមហ៊ុនក៏មានគំរោងអភិវឌ្ឍន៍គៀងកាយ ដែលគ្របដណ្តប់លើផ្ទៃដី១គីឡូម៉ែត្រម៉ែត្រ ដែលអភិវឌ្ឍន៍ទៅជាតំបន់ភស្តុភារកម្មកែច្នៃ តំបន់អភិវឌ្ឍន៍សណ្ឋាគារ ពាណិជ្ជកម្មចម្រុះ និងបង្កើតជាតំបន់ពាណិជ្ជកម្មផងដែរ។
លោកLi Meng Chinបានបន្តថា “គំរោងអភិវឌ្ឍន៍ដ៏ធំនេះ មិនអាចសម្រេចបានជោគជ័យទេ តែយើងផ្តោតលើការលក់ ជួល អចលនទ្រព្យ និងកិច្ចសហការវិនិយោគពីក្រុមហ៊ុនជាតិ និងអន្តរជាតិផងដែរ ដើម្បីសម្រេចនូវគោលដៅរួម”។ លោកបញ្ជាក់ថា “យើងនឹងបន្តស្វែងរកដៃគូវិនិយោគ ដើម្បីចូលរួមអភិវឌ្ឍន៍គំរោងនេះ ហើយយើងនឹងអភិវឌ្ឍន៍សេវាកម្មចាំបាច់ទាំងអស់ សមស្របនឹងតម្រូវការទីក្រុង១នាពេលអនាគត”៕
លោកឧកញ៉ា គឹម ហ៊ាង បន្តថា ចំពោះសំណង់អគារណា ដែលមានសភាពចាស់ទ្រុឌទ្រោម រដ្ឋបាលខេត្តគួរវាយកម្ទេចចោល ដើម្បីយកដីទៅអភិវឌ្ឍន៍ជាសំណង់ថ្មី។ ជាមួយគ្នានេះ លោកបណ្ឌិតស្នើឱ្យរដ្ឋបាលខេត្ត មិនគួរពន្យារពេលដោះស្រាយបញ្ហាអគារជាប់គាំងឡើយ ពីព្រោះអាចធ្វើប៉ះពាល់ដល់ការវិនិយោគនៅក្នុងខេត្ត។
លោកបន្តថា “ការទាក់ទាញវិនិយោគ ដោយមិនរំពឹងតែពីប្រទេសចិននោះទេ ប្រទេសសំខាន់មួយទៀត ដែលកម្ពុជាគួរសម្លឹងមក គឺវិនិយោគិន មកពីបណ្តាប្រទេសអារ៉ាប់ ដែលស្ថិតនៅប៉ែកមជ្ឈឹមប្រទេស”។ លោកបន្តថដា “អារ៉ាប់ជាប្រទេសដែលចាយលុយខ្លាំងជាងគេ ក្នុងអំឡុងឆ្នាំ២០២៣ គឺប្រទេសក្នុងតំបន់អារ៉ាប់ ដែលជាប្រទេសមានលុយច្រើនមហាសាល”។
លោកឧកញ៉ាបណ្ឌិត បានលើកឡើងថា ក្នុងនាមលោកជាអ្នករកស៊ី លោកសូមគាំទ្រទាំងស្រុង ចំពោះវិធានការដែលដាក់ចេញដោយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងការបង្កើតគណៈកម្មការមួយ ដើម្បីជំរុញដល់ការអភិវឌ្ឍ ខេត្តព្រះសីហនុ ឱ្យអាចដំណើរការឡើងវិញ នូវអ្វីដែលបានជាប់គាំងនារយៈពេលប៉ុន្មានឆ្នាំចុងក្រោយនេះ។
ការឧបត្ថម្ភកម្មវិធីនេះ បង្ហាញពីការប្តេជ្ញាចិត្តរបស់ ធនាគារ ហត្ថា ក្នុងការចូលរួមលើកកម្ពស់សុខុមាល និងការអប់រំដល់កុមារ ដើម្បីឱ្យពួកគាត់ក្លាយជាអ្នកបន្តវេន និងជាអ្នកជំនាន់ក្រោយដ៏មានសក្តានុពល។ ធនាគារ ហត្ថា យល់ច្បាស់អំពីសារៈសំខាន់ នៃការផ្តល់ចំណេះដឹង និងជំនាញចាំបាច់ផ្សេងៗដល់យុវជនជំនាន់ក្រោយ ដើម្បីធ្វើការសម្រេចចិត្តផ្នែកហិរញ្ញវត្ថុ នៅក្នុងជីវិតប្រចាំថ្ងៃរបស់ពួកគេឲ្យបានត្រឹមត្រូវ។
លោកឧកញ៉ា ហួត អៀងតុង ប្រធានអគ្គនាយកធនាគារហត្ថា មានប្រសាសន៍ថា “យើងទាំងអស់គ្នាមានសេចក្តីសោមនស្សរីករាយ ក្នុងការចូលរួមគាំទ្រសកម្មភាព និងបេសកម្ម របស់អង្គការរក្សាកុមារ ដែលត្រូវបានបង្កើតឡើងដោយលោកជំទាវបណ្ឌិត ជាសិរី លោកជំទាវបណ្ឌិតអ៊ឹង កន្ថាផាវី និង ឯកឧត្តមបណ្ឌិត សុក ស៊ីផាន់ណា ដើម្បីលើកកម្ពស់សុខុមាលភាព ការអប់រំ និងផលប្រយោជន៍កុមារកម្ពុជាពីគ្រប់ស្រទាប់ វណ្ណៈ។
លោកបញ្ជាក់ថា “យើងជឿជាក់ថា ការលើកកម្ពស់សុខុមាលភាព ការផ្តល់ការអប់រំល្អដល់កុមារ នឹងផ្តល់នូវលទ្ធផលយូរអង្វែងដល់ពួកគាត់ ដែលនឹងធ្វើឱ្យពួកគាត់ក្លាយជាទំពាំងស្នងឬស្សី ប្រកបដោយសក្តានុពល និងមានទំនុកចិត្តខ្ពស់”។
ចំណែកលោកស្រី សុខ វណ្ណសិកា ប្រធានអង្គការរក្សាកុមារ បានសម្តែងនូវមតិអំណរអរគុណដល់ ធនាគារ ហត្ថា ដែលបានចូលរួម ឧបត្ថម្ភប្រាក់ប្រចាំឆ្នាំចំនួន៤០លានរៀល នៅចំពេលដែលអង្គការរក្សាកុមារ ទើបតែបានកែសម្រួលឈ្មោះនិងប្រតិបត្តិការ អោយក្លាយទៅជាអង្គការរក្សាកុមារ ដើម្បីធ្វើប្រតិបត្តិការបន្ថែមដោយផ្ទាល់ និងប្រយោល ក្នុងគោលបំណងបង្កើន និងជម្រុញអំពើសប្បុរសធម៌ក្នុងទម្រង់ជា Philanthropy ដើម្បីជួយកុមារគ្រប់ស្រទាប់វណ្ណះ ដែលត្រូវការតម្ហែទាំសុខភាព និងការអប់រំ ដោយសុទ្ធចិត្ត ក្នុងគោលដៅសម្រេចឱ្យបាននូវវិបុលភាពរបស់កុមារ គ្រួសារ និងសង្គមជាតិ។
លោកឡុង ឌីម៉ង់ និងលោកឯម ភាពអភិបាលរងខេត្តព្រះសីហនុ ចូលរួមកិច្ចប្រជុំពិភាក្សាលើការរៀបចំកិច្ច ដំណើរការរបស់ក្រុមការងារ និង និតីវិធី/បែបបទ ក្នុងការពិនិត្យការស្នើរបស់វិស័យឯកជនក្រោមវិសាលភាពរបស់ “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤” ។
កិច្ចប្រជុំនេះរៀបចំឡើង ក្នុងគោលបំណងសម្រួលនីតិវិធីអោយមានភាពសាមញ្ញ ងាយស្រួល និងកញ្ចប់សេវាពិសេសជូនវិនិយោគិន ដែលមានបំណងមកវិនិយោគនៅខេត្តព្រះសីហនុ។
នេះជាកិច្ចប្រជុំលើកទី១ របស់ក្រុមការងារជំរុញការវិនិយោគខេត្តព្រះសីហនុ។ សមាសភាពទាំងអស់ បានបង្ហាញពីការគាំទ្រ និងការចូលរួមយ៉ាងសកម្ម ក្នុងការសម្របសម្រួលបែបបទវិនិយោគ និងការផ្តល់សេវាពិសេស សម្រាប់សកម្មភាពធុរកិច្ច ក្នុងខេត្តព្រះសីហនុ។
ជាលទ្ធផល ដើម្បីពន្លឿនដល់ការដោះស្រាយ បញ្ហាវិនិយោគក្នុងខេត្តព្រះសីហនុ ក្រុមការងារបាននិងកំពុងរៀបចំទីតាំងការិយាល័យចំនួន២ ក្នុងខេត្តព្រះសីហនុ និងរាជធានីភ្នំពេញ ដែលនឹងបំពេញមុខងារដូចការិយាល័យ ច្រកចេញចូលតែមួយ សម្រាប់វិស័យឯកជនដាក់សំណើ។
