ដោយៈ គង់ ហ្វីអូណា

        ភ្នំពេញៈ រដ្ឋាភិបាលកម្ពុជា គ្រោងនឹងដាក់ឲ្យអនុវត្តជាផ្លូវការនូវរបបភាគទានស្ម័គ្រចិត្ត ដល់បុគ្គលស្វ័យនិយោន៍ ដែលរកប្រាក់ចំណូ​លដោយខ្លួនឯង (អ្នកប្រកបរបរសេដ្ឋកិច្ចក្រៅប្រព័ន្ធ) និងអ្នកក្នុងបន្ទុ​កសមាជិក ប.ស.ស ដើម្បីទទួលបានរបបសន្តិសុខសង្គមផ្នែកថែទាំសុខភាព និងអត្ថប្រយោជន៍ផ្សេងៗទៀត។
កម្មវិធីនេះ នឹងចាប់ផ្តើមអនុវត្តន៍ចាប់ពីខែវិច្ឆិកា ឆ្នាំ២០២៣ខាងមុខនេះ។

ដើម្បីទទួលបានអត្ថប្រយោជន៍ខាងលើនេះ បុគ្គលស្វ័យនិយោជន៍អាចស្នើសុំចុះបញ្ជីការ នៅបេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ ដោយត្រូវអនុវត្តតាមលក្ខខណ្ឌរួមមាន ទី១ ត្រូវមានមុខរបរមានប្រាក់ចំណូលផ្ទាល់ខ្លួន មិនពាក់ព័ន្ធនិងប្រាក់ឈ្នួល ទី២ ធ្វើការងារ ឬប្រកបរបរអាជីវកម្មផ្ទាល់ខ្លួន ដោយមិនប្រើប្រាស់បុគ្គលិក ទី៣ ត្រូវមានអាយុមិនលើសពី៦០ឆ្នាំ គិតត្រឹមកាលបរិច្ឆេទស្នើចុះបញ្ជីនៅ ប.ស.ស.។

ទី៤ សាមីខ្លួនត្រូវអញ្ជើញមកស្នើសុំធ្វើប័ណ្ណ ប.ស.ស. ដោយផ្ទាល់ និងភ្ជាប់ជាមួយនូវអត្តសញ្ញាណប័ណ្ណ សញ្ជាតិខ្មែរច្បាប់ដើម (មានសុពលភាព) និងតម្រូវឲ្យបង់ថ្លៃចំនួន ១៥ ៦០០រៀល ក្នុង១ខែ ដើម្បីទទួលបានរបបសន្តិសុខសង្គម។

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងា​រ និងបណ្តុះបណ្តាលវិជ្ជាជីវៈ បានបញ្ជាក់ថា ក្រៅពីការផ្តល់របបសន្តិសុខសង្គមខាងលើនេះ យោងតាមអនុក្រឹត្យ២៨០អនក្រ.បក ចុះថ្ងៃទី២៨ ខែសីហា ឆ្នាំ២០២៣ ស្តីពីលក្ខខណ្ឌបែបបទ និងនីតិវិធីនៃការអនុវត្តរបបសន្តិសុខសង្គម ផ្នែកថែរទាំសុខភាពតាមរបបភាគទានដោយស្ម័គ្រចិត្ត រាជរដ្ឋាភិបាលក៏នឹងផ្តល់ជូននូវ ប្រាក់បំណាច់ពេលឈប់សម្រាកពេលមានជំងឺ លើកាវតាលិកអប្បបរមា ដូចដែលរៀបរាប់ខាងលើបន្ថែម។

ក្រៅពីនេះ យោងតាមច្បាប់ស្តីពីរបបសន្តិសុខសង្គម មាត្រា៣៦ និងមាត្រា៥៦ បានចង្អុលឲ្យមានរបបសន្តិសុខសង្គម២គឺ របបសន្តិសុខសង្គម ផ្នែកថែទាំងសុខភាព និងរបបសន្តិសុខសង្គមផ្នែកប្រាក់សោធន ដូចនេះ ទៅថ្ងៃអនាគតច្បាស់ណាស់ បុគ្គលស្វ័យនិយោជន៍ក៏នឹងទទួលបាននូវរបបប្រាក់សោធន ដូចគ្នាទៅនឹងកម្មករ និយោជិត ក៏ដូចជាមន្រ្តីរាជការដូចគ្នាដែរ។

ដោយឡែក យុវជនមកពីគ្រួសារក្រីក្រ និងគ្រួសារងាយរងហានិភ័យ អាយុយ៉ាងតិច១៥ឆ្នាំ និងអាចចុះឈ្មោះតាមឃុំ សង្កាត់ ដែលខ្លួនរស់នៅ ឬនៅគ្រឹះស្ថានអប់រំបណ្តុះបណ្តាលវិជ្ជាជីវៈ ឬតាមប្រព័ន្ធអេឡិចត្រូនិច ដែលមានមុខជំនាញចំនួនប្រមាណជាង៦០ ដូចជា ជំនាញសំណង់ អគ្គិសនី កម្មន្តសាល មេកានិច កសិកម្មនិងកសិឧស្សាហកម្ម ជួសជុលរថយន្ត និងតំឡើងប្រព័ន្ធទឹកជាដើម។ល។

បន្ថែមពីនេះ ចំពោះយុវជនមកពីគ្រួសារក្រីក្រ និងគ្រួសារងាយរងហានិភ័យ នឹងអាចទទួលបានការបណ្ដុះបណ្ដាលជំនាញ ដោយមិនបង់ប្រាក់ថ្លៃ និងទទួលបានប្រាក់ឧបត្ថមុ្ភប្រចាំខែ បន្ថែមទៀតពីរាជរដ្ឋាភិបាលផងដែរ។

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅក្នុងពិធីប្រកាសដាក់ឱ្យដំណើរការជាផ្លូវការ នៃយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ កាលពីថ្ងៃទី១០ ខែតុលាកន្លងទៅបានថ្លែងថា ការជួយប្រជាពលរដ្ឋប្រករបរ និងធ្វើការ​ងារក្នុងវិស័យសេដ្ឋកិច្ចក្រៅប្រព័ន្ធ គឺកាត់បន្ថយភាពក្រីក្រ និងវិសមភាពសង្គម សំដៅលើការជួយប្រជាពលរដ្ឋ ដែលមានជីភាពកម្រិតទាបឱ្យកាន់តែមានជីវភាពខ្ពស់ ដើម្បីបង្ខិតគម្លាតជីវភាព តាមរយៈការជំរុញផលប្រយោជន៍ផ្សេងៗ បានទៅដល់ដៃជនក្រីក្រ និងងាយរងគ្រោះ។

សម្តេចបន្តថា បន្ថែមពីនេះ គឺការពង្រឹងភាពធន់នៃសេដ្ឋកិច្ចសង្គជាតិ ពីព្រោះពលរដ្ឋប្រកបរបរសេដ្ឋកិច្ចក្រៅប្រព័ន្ធ ជាអ្នកងាយរងផលប៉ះពាល់ពីវិបត្តិផ្សេងៗ ដូចជាកូវីដ-១៩ជាដើម ដូច្នេះរដ្ឋត្រូវរកពួកគាត់ឱ្យឃើញ ហើយត្រូវពង្រឹងសមត្ថភាព និងភាពធន់។ សរុបសេចក្ដីមក ការចុះបញ្ជីរបស់ប្រជាពលរដ្ឋ នៅក្នុងសេដ្ឋកិច្ចក្រៅប្រព័ន្ធ គឺដើម្បីរៀបចំផែនការជួយឱ្យបានចំគោលដៅ ចំតម្រូវការ និងទាន់ពេលវេលា។

ក្នុងជំហានដំបូងនៃការអនុវត្តយុទ្ធសាស្រ្តជាតិ ស្ដីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ រាជរដ្ឋាភិបាលបានកំណត់វិស័យ និងប្រភេទអាជីវកម្ម មុខរបរ និងការងារ មានដូចជា ផ្នែកសហគ្រាស ផ្ដល់សេវាកម្មស្នាក់នៅនិងអាហារ  អ្នកបម្រើសេវាកម្មភេសជ្ជៈកំសាន្ត ម៉ាស្សា  ជាងកាត់សក់ អ្នករត់ម៉ូតូឌុប/កង់បី អាជីវករលក់តាមផ្សារ  អ្នកសារព័ត៌មាន  អាជីវករចល័តតាមដងផ្លូវ អ្នកបម្រើសេវាតាមរោងការ និងពលករក្នុងវិស័យកសិកម្ម៕

កាលពីថ្ងៃទី 30 ខែកញ្ញាឆ្នាំ 2023 នេះហាងកាហ្វេត្នោតដែលបង្កើតឡើងដោយកូនខ្មែរដែលភាគច្រើនប្រើប្រាស់ វត្ថុធាតុដើមនៅក្នុងស្រុក មានដូចជាទឹកត្នោត ផ្លែត្នោតខ្ចីស្ករត្នោត ផ្សំជាមួយនឹងកាហ្វេដែលមានរសជាតិដ៏ឈ្ងុយឆ្ងាញ់ បានបើកទ្វារទទួលអតិថិជនរបស់ខ្លួនហើយ។ អ្នកគ្រប់គ្រងទូទៅរបស់ហាងកាហ្វេត្នោត អ្នកស្រី តូច សុផាន បានមានប្រសាសន៍ថា “កាហ្វេត្នោតគឺជាហាងកាហ្វេដែលមានលក្ខណៈប្លែកគេពីបណ្ដាហាងកាហ្វេផ្សេងៗទៀតក្នុងរាជធានីភ្នំពេញ។

កាហ្វេដែលផ្សំឡើងជាមួយនឹងទឹកត្នោត ផ្លែត្នោតខ្ចី និងស្ករត្នោតនេះ ឆ្លងកាត់ការពិសោធន៍ និងការសាកល្បងអស់រយៈពេលយ៉ាងយូរ ប្រកបដោយភាពសម្រិតសម្រាំង គុណភាពយ៉ាងខ្ពស់ មុននឹងសំរេចយកមកដាក់លក់នៅលើទីផ្សារ។ អតិថិជនទូទៅធ្លាប់បានភ្លក់រសជាតិកាហ្វេរសជាតិដើម និងកាហ្វេដែលផ្សំឡើងពីផ្លែរុក្ខជាតិ ឬក៏គ្រាប់ធញ្ញជាតិផ្សេងៗ ប៉ុន្តែ ប្រហែលជាមិនទាន់បានទទួលនូវបទពិសោធន៍ភ្លក់នៅរសជាតិ កាហ្វេដែលផ្សំឡើងពីទឹកត្នោត ពីផ្លែត្នោត និង ពីស្ករត្នោតនោះទេ។ ដូច្នេះហើយទើបហាងកាហ្វេត្នោតខិតខំច្នៃប្រឌិត កម្រិតសម្រាំងបង្កើតឡើងនូវកាហ្វេត្នោតនេះឡើងមក ឆ្លងកាត់តាមរយៈការសាកល្បងនិង ការពិសោធន៍អស់រយៈពេលយ៉ាងយូរ ឃើញថាមានអតិថិជនជាច្រើនបានគាំទ្រនូវ លទ្ធផលកាហ្វេត្នោតនេះ។
ដូច្នេះហើយទើបហាងកាហ្វេត្នោតសម្រេចចិត្តបើកសម្ពោធហាងដាក់លក់នៅផលិតផល កាហ្វេដែលផ្សំឡើងពីផ្លែត្នោតខ្ចី ពីទឹកត្នោត និងស្ករត្នោត ដែលសុទ្ធសឹងជាផលិតផលរបស់ខ្មែរ សុទ្ធសាធតែម្ដង។ គោលបំណងសំខាន់ៗរបស់ហាងកាហ្វេត្នោតក្រៅពី ការចង់បង្កើតនូវកាហ្វេដែលមានរសជាតិថ្មីប្លែកសម្រាប់អតិថិជនរបស់ខ្លួន ហាងកាហ្វេត្នោតក៏មានបំណងដ៏ធំមួយក្នុងការជួយលើកកម្ពស់ ជីវភាពរបស់ប្រជាពលរដ្ឋខ្មែរដែលជាអ្នកប្រកបរបរក្នុងវិស័យកសិកម្ម ក្នុងការឡើងត្នោតឲ្យមានជីវភាពកាន់តែល្អប្រសើរឡើងមួយកម្រិតទៀត”។

អ្នកស្រីបានបន្ថែមទៀតថា “ដោយមានការគាំទ្រពីអតិថិជនរបស់ខ្លួន ហាងកាហ្វេត្នោតបានធ្វើការ កុម្មង់ទិញផ្លែត្នោតខ្ចី ទឹកត្នោត និង ស្ករត្នោត ពីអ្នកផ្គត់ផ្គង់ ពីខេត្តកំពង់ស្ពឺ ខេត្តកំពង់ឆ្នាំង​ និង ខេត្តតាកែវ ក្នុងបរិមាណយ៉ាងច្រើននាពេលកន្លងមកនេះ”។ អ្នកគ្រប់គ្រងទូទៅដែលមានភាពច្នៃប្រឌិតខ្ពស់នេះបានបន្តថែមទៀតថា​ “ពិតណាស់ដើមត្នោតក៏ជាទុក្ខជាតិមួយ ជាអត្តសញ្ញាណជាតិរបស់ប្រទេសកម្ពុជាផងដែរ ហើយដើមត្នោតបានផ្ដល់នូវអត្ថប្រយោជន៍ជាច្រើនមហិមារដល់ប្រជាពលរដ្ឋខ្មែរអស់រយៈពេល កាលដល់យូរលង់ណាស់មកហើយ ប៉ុន្តែមួយរយៈពេលចុងក្រោយនេះប្រជាពលរដ្ឋយើងហាក់បីដូចជាមិនទាន់មានការច្នៃប្រឌិតឬ ឬក៏លើកស្ទួយរុក្ខជាតិដែលមានតម្លៃនេះឲ្យបានច្រើនឡើយ។ ដូច្នេះហើយ ទើបអ្នកស្រីនិងដៃគូវិនិយោគរបស់អ្នកស្រីចាប់ផ្ដើមពិភាក្សារកវិធី ធ្វើយ៉ាងណាដើម្បីលើកកម្ពស់ដើមត្នោតនេះឲ្យមានតម្លៃកាន់តែច្រើននិងមានតម្លៃកាន់តែធំធេងទៀតសម្រាប់ប្រទេសរបស់យើង។ ដូច្នេះសរុបមកហាងកាហ្វេត្នោតមិនត្រឹមតែជាហាងមួយដែលលក់ផលិតផលផ្សំឡើងពីផ្លែត្នោតខ្ចី ទឹកត្នោត ស្ករត្នោត ប៉ុណ្ណោះទេ តែក៏ជាគំនិតមួយដែលមានបំណងលើកស្ទួយនៅអត្តសញ្ញាណរបស់ជាតិ ដែលជាផលិតផលក្នុងស្រុកឲ្យមានភាពកាន់តែល្បីល្បាញទៀតផងដែរ។ សូមបញ្ជាក់ផងដែរថានៅខាងកាហ្វេត្នោតក្រៅពីកាហ្វេដែលផ្សំឡើងពី ទឹកត្នោត ផ្លែត្នោតខ្ចី និងស្ករត្នោត ដែលមានរសជាតិដ៏ឈ្ងុយឆ្ងាញ់និងមានអត្ថប្រយោជន៍ដ៏ច្រើនដល់សុខភាពរបស់អ្នកទទួលទានក៏ដូចជាអតិថិជនរបស់ខ្លួន ហាងកាហ្វេត្នោតក៏មានលក់កាហ្វេដែលមានរសជាតិដើមដែលហៅថាកាហ្វេទូទៅជាច្រើនប្រភេទទៀតផងដែរ។ ហាងកាហ្វេត្នោតមានទីតាំងនៅទល់មុខវិទ្យាស្ថានភាសាបរទេស IFL។

សម្រាប់ការទំនាក់ទំនងទៅហាងឬ សំរាប់កម្មង់ទិញកាហ្វេត្នោត សុំទំនាក់ទំនងតាមទូរសព្ទលេខ 012 396 357/093 217 268 /093 212 568

តែម សុខុម
គូឡាឡាំពួ: នៅពេលប្រធានាធិបតីចិន លោក ស៊ី ជីនភីង ជួបជាមួយក្រុមមេដឹកនាំពិភពលោកជាលើកដំបូងដើម្បីបង្ហាញចក្ខុវិស័យរបស់លោកសម្រាប់ការពង្រីកឥទ្ធិពលរបស់មហាយក្សចិន តាមរយៈបណ្តាញនៃការវិនិយោគលើហេដ្ឋារចនាសម្ព័ន្ធក្នុងឆ្នាំ២០១៧ លោកបានហៅគំនិតផ្ដួចផ្ដើម “ខ្សែក្រវាត់ និងផ្លូវ” (BRI) ថាជា “គម្រោងប្រចាំសតវត្សរ៍”។

ហើយខណៈរដ្ឋបុរសចិន រូបនេះត្រូវថ្លែងបើក “វេទិកាខ្សែក្រវាត់ និងផ្លូវ” (Belt and Road Forum) លើកទី៣ ក្នុងសប្តាហ៍នេះ អនាគតនៃគម្រោងដ៏មហិមារបស់លោកហាក់ស្ថិតក្នុងស្ថានភាពមិនប្រាកដប្រជា។ នេះបើយោងតាមសារព័ត៌មាន The Edge Markets ចុះផ្សាយកាលពីថ្ងៃច័ន្ទ ទី១៦ ខែតុលា។ខណៈគម្រោងនេះទាក់ទាញទុនវិនិយោគបាន១ទ្រីលានដុល្លារអាមេរិក ក្នុងទសវត្សរ៍ដំបូងរបស់ខ្លួន សន្ទុះនៃការវិនិយោគក៏បានធ្លាក់ចុះក្នុងរយៈពេលប៉ុន្មានឆ្នាំចុងក្រោយនេះ។ នេះបើយោងតាមការប៉ាន់ប្រមាណពីមជ្ឈមណ្ឌលហិរញ្ញវត្ថុ និងអភិវឌ្ឍន៍បៃតង (Green Finance & Development Center)។

សកម្មភាពជារួមរបស់ប្រទេសចិន ក្នុងបណ្តាប្រទេសជាសមាជិកគំនិតផ្ដួចផ្ដើម “ខ្សែក្រវាត់ និងផ្លូវ” (BRI) នាពេលនេះបានធ្លាក់ចុះប្រមាណ៤០%ពីកម្រិតកំពូលរបស់ខ្លួនក្នុងឆ្នាំ២០១៨ ខណៈសេដ្ឋកិច្ចធំបំផុតទី២ របស់ពិភពលោកមួយនេះដាំក្បាលចុះ។រដ្ឋាភិបាលក្រុងប៉េកាំង ប្រឈមនឹងការចោទប្រកាន់ថាជាអ្នកផ្តល់ប្រាក់កម្ចីគ្មានទំនួលខុសត្រូវដែលជំរុញឱ្យប្រទេសនានាខកខានក្នុងទូទាត់បំណុលរបស់ខ្លួន។ ទំនាក់ទំនងប្រេះឆាជាមួយសហរដ្ឋអាមេរិក បានធ្វើឱ្យទំនាក់ទំនងជាមួយប្រទេសអ៊ីតាលី ជាសមាជិកតែមួយគត់នៃប្រទេសឧស្សាហកម្មរីកចម្រើនទាំង ៧ (G7) ដែលចូលជាសមាជិក BRI គ្រោងចាកចេញពីគំនិតផ្ដួចផ្ដើម BRI នៅដំណាច់ឆ្នាំនេះ។

មន្ត្រីចិន មួយរូបបានទម្លាយឱ្យដឹងថា គំនិតផ្ដួចផ្ដើម BRI បានគាំងស្ដូកទៅហើយនៅពេលនេះដោយសាររងការវាយប្រហារផ្ទួនៗពីវិបត្តិកូវីដ-១៩ និងបញ្ហាសេដ្ឋកិច្ចរបស់ប្រទេសចិន ខ្លួនឯង។ មន្ត្រីចិន ដែលសុំមិនបញ្ចេញអត្តសញ្ញាណរូបនេះលើកឡើងទៀតថា រដ្ឋាភិបាលក្រុងប៉េកាំង សង្ឃឹមថា កិច្ចប្រជុំកំពូលរំឭកខួបឆ្នាំទី១០ នៃគំនិតផ្ដួចផ្ដើម BRI នឹងធ្វើឱ្យគម្រោងនេះមានភាពរឹងមាំឡើងវិញ។

មន្ត្រីជាន់ខ្ពស់អាមេរិក មួយរូបដ៏ទម្លាយឱ្យដឹងដែរថា សហរដ្ឋអាមេរិក បានធ្វើការវាយតម្លៃថា គំនិតផ្ដួចផ្ដើម BRI កំពុងធ្លាក់ចូលបញ្ហាយ៉ាងជ្រៅ។ មន្ត្រីអាមេរិក រូបនេះនិយាយថា រដ្ឋាភិបាលក្រុងប៉េកាំង ពេលនេះមានដើមទុនតិចជាងមុនសម្រាប់ការផ្ដល់កម្ចី ហើយសម្ពាធកំពុងកើនឡើងដែលបង្ខំឱ្យខ្លួនប្រមូលប្រាក់កម្ចីដែលខ្លួនបានផ្ដល់ដល់ប្រទេសនានាត្រលប់មកវិញ។លោក ស៊ី ជីនភីង នឹងមានឱកាសឆ្លើយតបទៅអ្នករិះគន់លោក នៅពេលក្រុមមេដឹកនាំពិភពលោកទិសខាងត្បូ ង (Global South) ជួបជុំគ្នាក្នុងសប្តាហ៍នេះដើម្បីប្ដេជ្ញាផ្ដល់ការគាំទ្រគំនិតផ្ដួចផ្ដើម BRI ហើយវាជាឱកាសសាកល្បងកម្រិតបញ្ជូនរបស់រដ្ឋាភិបាលក្រុងប៉េកាំង សម្រាប់កិច្ចព្រមព្រៀងថ្មីៗ។

មេដឹកនាំដែលនឹងចូលរួមក្នុងកិច្ចប្រជុំកំពូលនេះរួមមានប្រធានាធិបតីរុស្ស៊ី លោក វ៉្លាឌីមៀ ពូទីន នាយករដ្ឋមន្ត្រីហុងគ្រី លោក Viktor Orban ប្រធានាធិបតីឥណ្ឌូនេស៊ី លោក Joko Widodo ប្រធានាធិបតីអាហ្សង់ទីន លោក Alberto Fernandez និងនាយករដ្ឋមន្ត្រីថៃ លោក Srettha Thavisin ជាដើម៕ The Edge Markets៕

តែម សុខុម

សិង្ហបុរី: ការលក់ផ្ទះឯកជនថ្មីៗប្រចាំខែក្នុងប្រទេសសិង្ហបុរី បានធ្លាក់ចុះដល់កម្រិតទាបបំផុតមិនធ្លាប់មានចាប់តាំងពីខែធ្នូ ឆ្នាំ២០២២។ នេះបើយោងតាមទិន្នន័យសម្រាប់ខែកញ្ញា ដែលចេញផ្សាយដោយអាជ្ញាធរអភិវឌ្ឍន៍ទីក្រុង (URA) កាលពីថ្ងៃច័ន្ទ ទី១៦ ខែតុលា។

ដោយនេះមិនទាន់ទាំងរាប់បញ្ចូលខុនដូ Executive Condominium (ប្រភេទខុនដូសម្រាប់អ្នកមានវណ្ណៈកណ្ដាល) ផ្ទះឯកជនថ្មីៗត្រឹម២១៧យូនីតប៉ុណ្ណោះដែលត្រូវបានលក់ចេញកាលពីខែមុន ដោយធ្លាក់ចុះ៤៤,៩%បើធៀបនឹង៣៩៤យូនីតដែលត្រូវបានលក់ចេញក្នុងខែសីហា។

តួលេខនេះក៏បង្ហាញពីការធ្លាក់ចុះ៧៨%ផងដែរ បើធៀបទៅនឹងផ្ទះចំនួន៩៨៧យូនីតដែលត្រូវបានលក់ចេញក្នុងខែកញ្ញា ឆ្នាំ២០២២។ លើកចុងក្រោយដែលផ្ទះលក់បានតិចបំផុតគឺនៅខែធ្នូ ឆ្នាំ២០២២ ដែលពេលនោះផ្ទះត្រឹមតែ១៧០យូនីតប៉ុណ្ណោះដែលត្រូវបានលក់ចេញ។

ក្រុមអ្នកវិភាគលើកឡើងថា ការធ្លាក់ចុះនូវការលក់ផ្ទះពីរខែជាប់ៗគ្នានេះអាចបណ្ដាលមកពីគ្មានគម្រោងបើកលក់ទ្រង់ទ្រាយធំអំឡុងរយៈពេលនោះ។

ផ្ទះត្រឹមតែ៦៨យូនីតប៉ុណ្ណោះដែលត្រូវបានបើកលក់ក្នុងខែកញ្ញា ដោយធ្លាក់ចុះខ្លាំងបើធៀបនឹងផ្ទះចំនួន៥៩០យូនីតដែលត្រូវបានបើកលក់ក្នុងខែសីហា និងផ្ទះចំនួន២.១៥៦យូនីតដែលត្រូវបានបើកលក់ក្នុងខែកក្កដា៕ CNA៕

នៅក្នុងជំនួបរវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និង លោក វ័ង ប៉ូ (Wang Bo) ប្រធានក្រុមប្រឹក្សាភិបាលក្រុមហ៊ុន China Machinery Engineering Corporation (CMEC) ក្នុងឱកាសដែល សម្ដេចធិបតី អញ្ជើញចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង សាធារណរដ្ឋប្រជាមានិតចិន នាព្រឹកថ្ងៃទី១៧ ខែតុលា ឆ្នាំ២០២៣នេះ លោក Wang Bo បានគោរពជម្រាប សម្ដេចធិបតី ថា ក្នុងរយៈពេល ១០ ឆ្នាំបន្តទៅមុខ ក្រុមហ៊ុន CMEC គ្រោងនឹងសហការវិនិយោគរួមជាមួយក្រុមហ៊ុនកម្ពុជាចំនួនពីរក្នុងទំហំទឹកប្រាក់ប្រមាណ ៣,០០០ លានដុល្លារអាមេរិក លើវិស័យថាមពលហ្គាស នៅកម្ពុជា។ សូមបញ្ជាក់ថា ក្រុមហ៊ុន CMEC ជាបុត្រសម្ព័ន្ធរបស់ក្រុមហ៊ុន SINOMACH ដែលមានជំនាញក្នុងវិស័យទឹកស្អាត, ថាមពល និងហេដ្ឋារចនាសម្ព័ន្ធ ហើយបានធ្វើការវិនិយោគក្នុងគម្រោងជាច្រើននៅកម្ពុជា ៕

🏡លក់ផ្ទះវីឡាស្រស់ស្អាត ក្រុងកំពង់សោម💖
ផ្ទះនៅថ្មីល្អ សំណង់រឹងមាំ រចតនាម៉ូតស្រស់ស្អាត ទាន់សម័យ មានព័ត៌មានលំអិតដូចខាងក្រោម៖
🔹- 1ល្វែង 98,800USD
🔹-ផ្ទះមានទំហំ 4.2*14 (ទំហំដី100ការ៉េ)
🔹-មានបន្ទប់គេង 4
🔹-មានបន្ទប់ទឹក 5
🔹-បន្ទប់ទទួលភ្ញៀវធំទូលាយ 1
🔹-ផ្ទះបាយធំទូលាយ 1
🔹-ទីធ្លាខាងក្រោយផ្ទះសល់ 1.2ម
🔹-ច្រកចំហៀងផ្ទះសល់ 0.8ម
🔹-ទីធ្លាខាងមុខចតឡានបាន 2គ្រឿង
🔹-ផ្លូវបេតុងខាងមុខផ្ទះទំហំ 8ម
🔹-ផ្ទះបែមុខទៅទិសខាងត្បូងឈាងខាងលិច
🔹-ផ្ទះមានប្លង់រឹង QR Code ស៊េរីថ្មី
✨លក្ខខណ្ឌ័ក្នុងការបង់
✔️ បង់ត្រឹមតែ15% ឬក៏ 30% អាចកាន់សោចូលស្នាក់នៅបាន
✔️បង់ជាមួយធនាគារក៏បាន ឬក៏ ជាមួយម្ចាស់ផ្ទាល់ក៏បាន
📍អាស័យដ្ឋាន ភូមិ៥ សង្កាត់លេខ៤ ខណ្ឌព្រះសីហនុ ខេត្តព្រះសីហនុ
(Location:https://maps.app.goo.gl/cKxoeNxN9NNg4Xtw7)
លេខទំនាក់ទំនង :085335255
Telegram https://t.me/oumthavy

ដោយ: គង់ លាងហួរ
បាងកក: ក្រសួងឧស្សាហកម្មថៃកំពុងបង្កើនកិច្ចខិតខំប្រឹងប្រែងដើម្បីបញ្ឈប់ការហូរចូលនៃទំនិញថោកៗ ដែលមិនមានស្តង់ដារចូលទៅក្នុងប្រទេសថៃក្នុងរយៈពេល៦ខែខាងមុខដើម្បីការពារឧស្សាហកម្មក្នុងស្រុក និងអ្នកប្រើប្រាស់។

រដ្ឋមន្ត្រីក្រសួងឧស្សាហកម្មថៃ លោកស្រី Pimphattra Wichaikul បានលើកឡើងថា ចំណាត់ការនេះធ្វើឡើងបន្ទាប់ពីមានរបាយការណ៍ដែលថាផលិតផលទាំងនេះកំពុងប៉ះពាល់ដល់សហគ្រិនថៃនៅក្នុងឧស្សាហកម្មជាច្រើនក៏ដូចជាអ្នកប្រើប្រាស់។

ទោះជាយ៉ាងនេះក្តីលោកស្រីមិនបានបញ្ជាក់លម្អិតថាអ្នកនាំចូលបានទិញទំនិញបែបនេះមកពីប្រទេសណានោះទេដោយនិយាយយ៉ាងទូលំទូលាយថា ទំនិញទាំងនេះមានប្រភពមកពីប្រទេសជិតខាង។ លោកស្រី Pimphattra បានណែនាំឲ្យវិទ្យាស្ថានស្តង់ដារឧស្សាហកម្មថៃ (TISI) សហការជាមួយនាយកដ្ឋានគយ ដើម្បីត្រួតពិនិត្យគុណភាពទំនិញនាំចូល ជាពិសេសទំនិញដែលស្ថិតនៅក្រោមការត្រួតពិនិត្យរបស់ TISI ។

លោកស្រីបានបន្តថា“យើងបានកំណត់គោលដៅដើម្បីលុបបំបាត់ផលិតផលដែលមិនមានស្តង់ដារទាំងអស់ចេញពីទីផ្សារក្នុងស្រុកក្នុងរយៈពេលប្រាំមួយខែ”។

លោក Wanchai Phanomchai អគ្គលេខាធិការស្តីទីនៃវិទ្យាស្ថានស្តង់ដារឧស្សាហកម្មថៃ (TISI) បានបញ្ជាក់ថា មានផលិតផលចំនួន១៤៣ ស្ថិតក្រោមត្រួតពិនិត្យដោយ TISI ដែលនឹងត្រូវបានពិនិត្យ និងបញ្ជាក់ដើម្បីធានាថា ផលិតផលទាំងនោះបានបំពេញតាមស្តង់ដារគុណភាព និងសុវត្ថិភាព។ លោកបន្តថា បន្ថែមពីលើបទប្បញ្ញត្តិតឹងរ៉ឹងលើទំនិញនាំចូល វិទ្យាស្ថានក៏នឹងរឹតបន្តឹងការត្រួតពិនិត្យផលិតផល ទាំងលក់នៅលើទីផ្សារ និងតាមរយៈប្រព័ន្ធអនឡាញផងដែរ។
យោងតាម TISI បានឱ្យដឹងថា អ្នកនាំចូលដែលបន្តនាំយកទំនិញដែលមិនមានស្តង់ដារត្រូវជាប់ពន្ធនាគារអតិបរមាពីរឆ្នាំ និង/ឬត្រូវផាកពិន័យជាទឹកប្រាក់រហូតដល់២លានបាត(ប្រហែល៥៤.៧៧៥ដុល្លារអាមេរិក)។ ចំណែក ពាណិជ្ជករក្នុងស្រុកដែលត្រូវបានគេរកឃើញថាមានកំហុសក្នុងការលក់ទំនិញទាំងនេះអាចប្រឈមមុខនឹងការជាប់ពន្ធនាគាររហូតដល់៦ខែ និង/ឬត្រូវពិន័យជាប្រាក់អតិបរមាចំនួន៥០មុឺនបាត។

កាលពីមុន សហព័ន្ធឧស្សាហកម្មថៃ (FTI) ធ្លាប់បានអំពាវនាវឱ្យអាជ្ញាធរដោះស្រាយការហូរចូលនៃទំនិញមកពីប្រទេសចិន ដែលមានតម្លៃថោក ដើម្បីការពារអាជីវកម្មក្នុងស្រុក ជាពិសេសសហគ្រាសធុនតូច និងមធ្យម (SMEs)។ FTI អះអាងថា សហគ្រាសធុនតូច និងមធ្យមជាច្រើនកំពុងជួបការលំបាកក្នុងការងើបឡើងវិញពីផលប៉ះពាល់នៃជំងឺរាតត្បាត និងកង្វះសាច់ប្រាក់ងាយស្រួល ហើយពួកគេត្រូវការការការពារពីទីផ្សារ ដែលកំពុងពោរពេញទៅដោយទំនិញនាំចូលក្រោមស្តង់ដារ៕

ចិន៖ នារសៀលថ្ងៃទី១៦ ខែតុលា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអនុញ្ញាតឱ្យលោក ចូវ ឡី (Zou Lei) ប្រធានក្រុមប្រឹក្សាភិបាលក្រុមហ៊ុន China Datang Corporation Ltd. ចូលជួបសម្តែងការគួរសម ក្នុងឱកាសនៃការចូលរួមក្នុង “វេទិកាខ្សែក្រវាត់ និងផ្លូវ លើកទី៣” នៅរដ្ឋធានីប៉េកាំង ។

ក្នុងជំនួបនេះ លោកប្រធានក្រុមប្រឹក្សាភិបាលក្រុមហ៊ុន China Datang Corporation Ltd. បានថែ្លងអំណរគុណ សម្តេចធិបតីនាយករដ្ឋមន្ត្រី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី បានចូលជួបសម្តែងការគួរសម ព្រមទាំងបានថ្លែងអំណរគុណផងដែរចំពោះរាជរដ្ឋាភិបាលកម្ពុជា ជាពិសេស សម្តេចអគ្គមហាសេនាបតីតេជោ ហ៊ុន សែន ដែលកន្លងមកបានគាំទ្រដល់ការវិនិយោគរបស់ក្រុមហ៊ុននៅកម្ពុជា លើគម្រោងចំនួនពីរ គឺ (i) គម្រោងវារីអគ្គិសនីអានុភាព ១២០ មេហ្កាវ៉ាត់ និងគម្រោងខ្សែបញ្ជូន និង (ii) អនុស្ថានីយ៍តង់ស្យុងខ្ពស់ ពីភ្នំពេញ-បាត់ដំបង ប្រវែង ២៩០ គីទ្បូម៉ែត្រ ។

ជាមួយគ្នានេះ លោកប្រធានក្រុមប្រឹក្សាភិបាល ក៏បានបង្ហាញនូវជំនឿជឿជាក់លើការដឹកនាំរបស់ សម្តេចធិបតីនាយករដ្ឋមន្ត្រី និងបានប្តេជ្ញាក្នុងការបង្កើនទុនវិនិយោគចំនួន ៦០០ លានដុល្លាអាមេរិកបន្ថែមទៀត លើគម្រោងក្នុងវិស័យថាមពលពន្លឺព្រះអាទិត្យ និងថាមពលខ្យល់ ដើម្បីជាការរួមចំណែកក្នុងការអនុវត្តយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ក្នុងអាណត្តិទី៧ ថ្មីនេះ ។

ជាការឆ្លើយតប សម្តេចធិបតី បានសម្តែងនូវការស្វាគមន៍ និងក្តីរីករាយចំពោះជំនួបពិភាក្សាជាមួយថ្នាក់ដឹកនាំក្រុមហ៊ុន China Datang Corporation Ltd. និងបានថ្លែងអំណរគុណដល់ក្រុមហ៊ុន ដែលកន្លងមកបានបណ្តាក់ទុនវិនិយោគលើគម្រោងក្នុងវិស័យថាមពលនៅព្រះរាជាណាចក្រកម្ពុជា ហើយដែលបានដំណើរការដោយជោគជ័យ ។

ទន្ទឺមនឹងនេះ សម្តេចធិបតី ក៏បានបញ្ជាក់អំពីការគាំទ្រ និងការលើកទឹកចិត្តចំពោះគម្រោងវិយោគផ្សេងទៀតរបស់ក្រុមហ៊ុនក្នុងវិស័យថាមពល នៅប្រទេសកម្ពុជា ជាពិសេសគម្រោងដែលពាក់ព័ន្ធនឹងការផ្ទេរបច្ចេកវិទ្យា និងថាមពលកកើតឡើងវិញ ដោយក្នុងនេះ សម្តេចធិបតី ក៏បានលើកទឹកចិត្តឱ្យក្រុមហ៊ុនផ្តោតការយកចិត្តទុកដាក់លើការវិនិយោគផ្នែកបច្ចេកវិទ្យាថ្មីៗ ដែលអាចជួយពង្រឹងបន្ថែមទៀតដល់ប្រសិទ្ធភាព និងការប្រកួតប្រជែងផ្នែកតម្លៃ ៕

តែម សុខុម
ហាណូយ: ក្រុមអ្នកវិភាគបានព្យាករថា អ្នកវិនិយោគបរទេសនឹងសម្រុកទិញយកភាគហ៊ុន និងច្របាច់បញ្ចូលគ្នាក្នុងវិស័យអចលនទ្រព្យដែលចាប់ផ្តើមនៅចុងឆ្នាំនេះ។

តួយ៉ាងក្រុមហ៊ុនសិង្ហបុរី Keppel Land បានប្រកាសកាលពីខែកក្កដា ថា ខ្លួននឹងទិញយកភាគហ៊ុន៦៥%ក្នុងតម្លៃ៤១,៧លានដុល្លារអាមេរិក នៅក្នុងក្រុមហ៊ុនក្នុងស្រុកមួយដែលគេរំពឹងថានឹងបើកដំណើរការផ្សារទំនើបនៅទីក្រុងហាណូយ ប្រទេសវៀតណាម ក្នុងឆ្នាំ២០២៥។

២ខែមុននេះ ក្រុមហ៊ុន Keppel Land បានទិញយកគម្រោងលំនៅឋានចំនួន២ពីក្រុមហ៊ុនអចលនទ្រព្យ Khang Dien ស្ថិតក្នុងសង្កាត់ Thu Duc City នៃក្រុងហូជីមិញ ក្នុងតម្លៃប្រមាណ១២៣លានដុល្លារអាមេរិក។

ទន្ទឹមនេះក្រុមហ៊ុនម៉ាឡេស៊ី Gamuda បានវិនិយោគប្រមាណ៣០០លានដុល្លារអាមេរិក ដើម្បីទិញយកគម្រោងមួយស្ថិតនៅលើផ្ទៃដី៣,៧ហិកតាពីក្រុមហ៊ុនហ៊ុនអចលនទ្រព្យ Tam Luc Real Estate Joint Stock Company។គម្រោងក្នុងសង្កាត់ Thu Duc City ដែលនឹងមានអគារខ្ពស់ចំនួន៦ជាមួយនឹងផ្ទះជិត២.០០០យូនីតបានជម្នះលើបញ្ហាផ្លូវច្បាប់ដែលខ្លួនកំពុងជួបប្រទះក្នុងឆ្នាំនេះ។

វិស័យទេសចរណ៍ និងអចលនទ្រព្យប្រភេទរីហ្សតក៏ទទួលបានកិច្ចព្រមព្រៀង M&A (ច្របាច់បញ្ចូលគ្នា និងទិញយក) មួយចំនួនផងដែរ។ គម្រោងរីហ្សត Nam Hoi An (Hoiana) ដែលកំពុងស្ថិតក្រោមការសាងសង់ក្នុងខេត្ត Quang Nam ភាគកណ្តាលត្រូវបានទិញយកដោយមហាសេដ្ឋីហុងកុង លោក Henry Cheng ។ ការវិនិយោគសរុបនៃគម្រោងនេះបានឈានដល់៤ពាន់លានដុល្លារអាមេរិក។

នៅពាក់កណ្តាលឆ្នាំ២០២៣ សណ្ឋាគារចំនួន២ក្នុងសង្កាត់លេខ៧ នៃទីក្រុងហូជីមិញ ពោលគឺសណ្ឋាគារផ្កាយ៣ Ibis Saigon South និងសណ្ឋាគារផ្កាយ៤ Capri ក៏ត្រូវបានលក់ចេញដែរ។

ក្រុមហ៊ុនប្រឹក្សាអចលនទ្រព្យអង់គ្លេស JLL និយាយថា “កិច្ចព្រមព្រៀងច្របាញ់បញ្ចូលគ្នា និងទិញយក (M&A) ធំៗកាលពីពេលថ្មីៗនេះបានឆ្លុះបញ្ចាំងពីទំនុកចិត្តរបស់បណ្ដាអ្នកវិនិយោគលើសេដ្ឋកិច្ចរបស់ប្រទេសវៀតណាម ជាទូទៅ ប៉ុន្តែទុកចិត្តជាពិសេសលើទីផ្សារអចលនទ្រព្យ”៕ VN Express៕