អ្នកឧកញ៉ាសំ សុខនឿនបង្ហាញផលិតផល KH Haitechសម្រាប់ឈានជើងចូលទីផ្សារកម្ពុជា

ដោយៈ ឆដា

ភ្នំពេញៈ ប្រធានក្រុមប្រឹក្សាភិបាលនៃសម្ព័ន្ឋក្រុមហ៊ុនSAM SN Groupអ្នកឧកញ៉ាសំ សុខនឿន បានបង្ហាញផលិតផលរបស់ក្រុមហ៊ុន KH Haitech ដែលនឹងដាក់ចូលទីផ្សារនាពេលខាងមុខ។

ផលិតផលទាំងនោះ មានដូចជាថេបប្លេត និងម៉ាស៊ីនត្រជាក់កូនខ្មែរប្រេន KH Haitech ។

អ្នកជំនួញដ៏មមាញឹក សំ សុខនឿន បានបង្ហាញឲ្យដឹងពីផលិតផលខ្លះៗហើយ ដោយមានទាំងម៉ាស៊ីនត្រជាក់ និងថេប្លេត មានឈ្មោះថា “KH Haitech Tablet និង KH Haitech Air Conditioner។ នៅមិនទាន់អស់ឡើយ KH Haitech ក៏នៅមានផលិតផលជាច្រើនទៀត ហើយនឹងឃើញស្តង់តាំងបង្ហាញ នៅថ្ងៃ ២៨ ខែមករា ឆ្នាំ ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ (អគារ ABCDE) រៀបចំដោយសភាពាណិជ្ជកម្មកម្ពុជា ក្រោមអធិបតីភាពនាយករដ្ឋមន្ត្រីកម្ពុជាសម្ដេច ហ៊ុន ម៉ាណែត។

អ្នកឧកញ៉ាបណ្ឌិត សំ សុខនឿន ស្ថាបនិក& ប្រធានក្រុមប្រឹក្សាភិបាល ក្រុមហ៊ុន សេម អេសអិន គ្រុប ចូលរួមឧបត្ថម្ភទឹកប្រាក់១៥ ០០០ដុល្លារដល់សភាពាណិជ្ជកម្មកម្ពុជា សម្រាប់ការរៀបចំ “អបអរមហាសន្និបាតបូកសរុបលទ្ធផល ការងារសភាពាណិជ្ជកម្មកម្ពុជាឆ្នាំ ២០២៥ និងលើកទិសដៅការងារឆ្នាំ ២០២៦”។

កម្មវិធីនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅថ្ងៃ ២៨ ខែមករា ឆ្នាំ ២០២៦។

អ្នកឧកញ៉ាដែលមានដើមកំណើត នៅស្រុកក្រូចឆ្មាររូបនេះ បានធ្វើដំណើរទៅក្រៅប្រទេស ដើម្បីស្វែងរកដៃគូជំនួញ។ អ្នកឧកញ៉ា បានបង្ហើបខ្លះបន្ថែមទៀតថា KH Haitech ដែលនឹងឈានដល់ការបង្កើតរោងចក្របង្គំនៅកម្ពុជាតែម្ដង៕

ប៉េង ហួត គ្រុប ចូលរួមឧបត្ថម្ភថវិកាសរុបចំនួន ២លានដុល្លារ សម្រាប់កងទ័ពជួរមុខ និងជនភៀសសឹក

(ភ្នំពេញ)៖ ក្រុមហ៊ុន ប៉េង ហួត គ្រុប ចូលរួមឧបត្ថម្ភថវិកាសរុបចំនួន ២លានដុល្លារ ដោយក្នុងនោះ ១,០០០,០០០ដុល្លារ (១លានដុល្លារ) ដល់កងទ័ពជួរមុខ និង១,០០០,០០០ដុល្លារ (១លានដុល្លារ) ដល់ជនភៀសសឹក តាមរយៈសម្តេចតេជោ ហ៊ុន សែន នាថ្ងៃទី១០ ខែធ្នូ ឆ្នា២០២៥។

ការចូលរួមឧបត្ថម្ភថវិការបស់ ក្រុមហ៊ុន ប៉េង ហួត គ្រុប គឺជាការចូលរួមចំណែកលើកទឹកចិត្ត ដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំ ដើម្បីការពារបូរណភាពទឹកដីនៅតាមបណ្តោយព្រំដែនកម្ពុជា-ថៃ។

ក្នុងស្មារតីខ្មែរជួយខ្មែរ បងប្អូនប្រជាពលរដ្ឋទាំងអស់អាចចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ជាមួយគ្នានេះ យើងខ្ញុំតំណាងថ្នាក់ដឹកនាំ ថ្នាក់គ្រប់គ្រង និងសហការី នៃមហាគ្រួសារ ប៉េង ហួត គ្រុប សូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ និងឈ្នះអស់ខ្មាំងសត្រូវដែលឈ្លានពានទឹកដីរបស់កម្ពុជា៕

លោក ត្រាំ ថានឹងបើកកិច្ចសន្ទនាតាមទូរស័ព្ទជាមួយមេដឹកនាំកម្ពុជា និងថៃ ដើម្បីបញ្ចប់សង្រ្គាម

(វ៉ាស៊ីនតោន)៖ ប្រធានាធិបតីអាមេរិក លោក ដូណាល់ ត្រាំ បាននិយាយថារូបលោកមានគម្រោងហៅទូរស័ព្ទជាមួយមេដឹកនាំកម្ពុជា និងថៃ បន្ទាប់ពីជម្លោះព្រំដែនបានផ្ទុះឡើងសាជាថ្មី។ នេះបើតាមការចេញផ្សាយដោយសារព័ត៌មាន Bloomberg។ ថ្លែងនៅឯព្រឹត្តិការណ៍មួយនៅរដ្ឋ Pennsylvania កាលពីល្ងាចថ្ងៃអង្គារ ទី៩ ខែធ្នូ លោក ត្រាំ បានគូសបញ្ជាក់ដូច្នេះថា «នៅថ្ងៃស្អែក (ថ្ងៃពុធ ម៉ោងនៅសហរដ្ឋអាមេរិក) ខ្ញុំនឹងហៅទូរស័ព្ទជាមួយប្រទេសទាំង២។ ខ្ញុំនឹងបើកកិច្ចពិភាក្សាតាម ទូរស័ព្ទមួយ ហើយបញ្ឈប់សង្រ្គាមមួយរវាងប្រទេស២ដ៏មានឥទ្ធិពលបំផុត»។

ក្រុមហ៊ុនយក្សជប៉ុនមួយគ្រោងវិនិយោគលើទីផ្សារអចលនទ្រព្យផ្នែកឧស្សាហកម្មក្នុងប្រទេសឥណ្ឌូនេសុី

ដោយ: សហសេវិក
អន្តរជាតិ: ក្រុមហ៊ុនយក្សជប៉ុន Mitsubishi Corp. គ្រោងសាងសង់មជ្ឈមណ្ឌលដឹកជញ្ជូនចំនួន២ នៅក្នុងប្រទេសឥណ្ឌូនេស៊ី ដោយរំពឹងថា នឹងចំណាយទុនវិនិយោគសរុបជាង១០ពាន់លានយ៉េន (៦៤,២លានដុល្លារ)។នេះបើយោងតាមការចុះផ្សាយរបស់កាសែត Nikkei Asia។

ក្រុមហ៊ុន Mitsubishi បានទិញដីទំនេរនៅក្នុងសួនឧស្សាហកម្មចំនួន២ នៅក្បែរទីក្រុងហ្សាការតា។ ដីឡូត៍ទាំងនេះពីមុនធ្លាប់ជាកម្មសិទ្ធិរបស់ជនជាតិជប៉ុន។

ការដ្ឋានសាងសង់គ្រោងនឹងចាប់ផ្តើមនៅក្នុងខែឧសភា ឆ្នាំ២០២៦ ដោយរំពឹងថា នឹងបញ្ចប់រួចរាល់នៅខែឧសភា ឆ្នាំ ២០២៧។ ឃ្លាំងទាំងនេះនឹងបម្រើដល់ឧស្សាហកម្មពាណិជ្ជកម្មអេឡិចត្រូនិក និងយានយន្តអគ្គិសនី ដែលកំពុងរីកចម្រើននៅប្រទេសឥណ្ឌូនេស៊ី។

ក្រុមហ៊ុន Mitsubishi នឹងដឹកនាំការរចនា ការសាងសង់ និងការជ្រើសរើសអ្នកជួលឃ្លាំង ដែលនឹងគ្របដណ្តប់លើផ្ទៃដីសរុបចំនួន១១០.០០០ម៉ែត្រការ៉េ។

គិតចាប់តាំងពីឆ្នាំ២០២៣មក ក្រុមហ៊ុន Mitsubishi បានសហការជាមួយដៃគូផ្សេងទៀត ដើម្បីទិញភាគហ៊ុននៅក្នុងគម្រោងសាងសង់ឃ្លាំងចំនួន៣នៅក្នុងប្រទេសឥណ្ឌូនេស៊ី។ ទន្ទឹមនឹងនេះ ក្រុមហ៊ុន Mitsubishi នឹងបញ្ចេញទុនវិនិយោគជាង៩០ភាគរយនៃដើមទុនសរុបដើម្បីសាងសង់មជ្ឈមណ្ឌលដឹកជញ្ជូនថ្មី។

យោងតាមការស្រាវជ្រាវរបស់ស្ថាប័ន Ken Research បង្ហាញថា ទីផ្សារឃ្លាំងរបស់ប្រទេសឥណ្ឌូនេស៊ីត្រូវបានគេរំពឹងថានឹងកើនឡើងដល់ទំហំទឹកប្រាក់ចំនួន៤,២៥ពាន់លានដុល្លារនៅឆ្នាំ២០២៨ កើនឡើងពី២,៨៥ពាន់លានដុល្លារនៅឆ្នាំ២០២៣។

ប្រទេសឥណ្ឌូនេសុីជាទីផ្សារពាណិជ្ជកម្មអេឡិចត្រូនិកធំជាងគេមួយនៅក្នុងចំណោមបណ្តាប្រទេសជាសមាជិកសមាគមប្រជាជាតិអាស៊ីអាគ្នេយ៍ ឬហៅកាត់ថា (អាស៊ាន)។

ទន្ទឹមនឹងនេះ ខ្សែសង្វាក់ផ្គត់ផ្គង់រថយន្តអគ្គិសនីរបស់ឥណ្ឌូនេស៊ីកំពុងរីកចម្រើនជាមួយនឹងការវិនិយោគពីក្រុមហ៊ុន BYD ដែលជាក្រុមហ៊ុនឈានមុខគេលើការផលិតរថយន្តអគ្គិសនីរបស់ប្រទេសចិន និងក្រុមហ៊ុនផលិតផ្សេងទៀត៕ប្រភព: Nikkei Asia៕

ពលរដ្ឋចិនដែលមានទ្រព្យសម្បត្តិស្តុកស្តម្ភបន្តសម្រុកទិញផ្ទះប្រណីតៗនៅទីក្រុងហុងកុង

ដោយ: សហសេវិក
អន្តរជាតិ: ផ្ទះ Penthouse នៅក្នុងគម្រោងអភិវឌ្ឍន៍ Mont Verra របស់ក្រុមហ៊ុន Kerry Properties ក្នុងសង្កាត់ Kowloon Tong ត្រូវបានលក់ចេញក្នុងតម្លៃ២៥០លានដុល្លារហុងកុង (៣២,១លានដុល្លារអាមេរិក) កាលពីខែមុន ខណៈពលរដ្ឋចិនដែលមានទ្រព្យសម្បត្តិស្តុកស្តម្ភបានបន្តសម្រុកទិញផ្ទះប្រណីតៗនៅទីក្រុងហុងកុងក្នុងតម្លៃថោកជាងមុន។

អ្នកទិញមានប្រភពមកពីគ្រួសារមួយក្នុងចំណោមគ្រួសារដែលមានទ្រព្យសម្បត្តិច្រើនជាងគេបំផុតនៅក្នុងខេត្តអានហួយ(Anhui) ដែលជាខេត្តមួយស្ថិតនៅភាគខាងកើតនៃប្រទេសចិន។

យោងតាមកាសែត South China Morning Post បានឱ្យដឹងថា ផ្ទះនេះត្រូវបានលក់ចេញនៅថ្ងៃទី៧ ខែវិច្ឆិកា ហើយបានចុះបញ្ជីជាមួយការិយាល័យចុះបញ្ជីដីធ្លីហុងកុងនៅថ្ងៃទី៥ ខែធ្នូ ក្រោមឈ្មោះរបស់លោក Wu Weidong និងភរិយាឈ្មោះ Pan Junfang ក្នុងទំហំទឹកប្រាក់សរុប២៥០លានដុល្លារហុងកុង។

គ្រួសារ Wu បានកសាងទ្រព្យសម្បត្តិរបស់ខ្លួនតាមរយៈក្រុមហ៊ុនផលិតគ្រឿងបន្លាស់រថយន្ត Wuhu Shunrong Auto Parts ដែលត្រូវបានបង្កើតឡើងក្នុងឆ្នាំ១៩៩៥ មុនពេលពង្រីកខ្លួនទៅកាន់អាជីវកម្មហ្គេមអនឡាញ បន្ទាប់ពីគ្រួសារនេះបានទិញភាគហ៊ុនមួយភាគធំពីក្រុមហ៊ុន 37 Interactive Entertainment Network Technology Group ក្នុងឆ្នាំ២០១៣។

ចាប់តាំងពីពេលនោះមក ក្រុមហ៊ុននេះបានវិវឌ្ឍខ្លួនទៅជាក្រុមហ៊ុនអភិវឌ្ឍន៍ និងប្រតិបត្តិករហ្គេមធំជាងគេបំផុតមួយរបស់ប្រទេសចិន។ ក្រុមគ្រួសារនេះបានលក់ភាគហ៊ុនរបស់ខ្លួនបន្តិចម្តងៗនៅក្នុងក្រុមហ៊ុន 37 Interactive ក្នុងរយៈពេលប៉ុន្មានឆ្នាំថ្មីៗនេះ។ លោក Wu Weidong កាន់កាប់ភាគហ៊ុន១,៩ភាគរយគិតត្រឹមរបាយការណ៍បណ្តោះអាសន្នឆ្នាំ២០២៥ របស់ក្រុមហ៊ុន។

កាលពីខែវិច្ឆិកាដូចគ្នា អ្នកទិញម្នាក់ ដែលមានឈ្មោះដូចគ្នានឹងអ្នកវិនិយោគភាគហ៊ុនជើងចាស់វស្សាលោក Xu Liusheng បានទិញផ្ទះប្រណីតមួយនៅគម្រោង Deep Water Bay ក្នុងទីក្រុងហុងកុង ក្នុងតម្លៃ៣៤២លានដុល្លារហុងកុង៕ប្រភព: SCMP៕

ប្រជាជនកូរ៉េខាងត្បូងកំពុងងាកចេញពីទីផ្សារអចលនទ្រព្យ មកសម្រុកបោះទុនវិនិយោគលើភាគហ៊ុន

ដោយ: សហសេវិក
អន្តរជាតិ: យោងតាមកាសែត Bloomberg បានរាយការណ៍ថា ប្រជាជននៃប្រទេសកូរ៉េខាងត្បូងកំពុងសម្រុកទិញភាគហ៊ុនក្នុងកម្រិតខ្ពស់បំផុតមិនធ្លាប់មាន ខណៈពួកគេដកថយពីទីផ្សារលំនៅឋាន ដែលមានការកើនឡើងយ៉ាងគំហុកនៃតម្លៃផ្ទះ។

យោងតាមសមាគមវិនិយោគហិរញ្ញវត្ថុកូរ៉េ បានឱ្យដឹងថា ចំនួនប្រាក់កម្ចី ដែលប្រជាជនកូរ៉េខាងត្បូងបានខ្ចីដើម្បីវិនិយោគលើភាគហ៊ុនក្នុងស្រុកបានកើនឡើងដល់កម្រិតខ្ពស់បំផុតចំនួន២៦,៨ទ្រីលានវ៉ុន (ប្រមាណ១៨,១៨ពាន់លានដុល្លារអាមេរិក) នៅថ្ងៃទី២០ ខែវិច្ឆិកា។

រដ្ឋាភិបាលកូរ៉េខាងត្បូងកំពុងព្យាយាមលើកទឹកចិត្តជាពិសេសចំពោះប្រជាជនវ័យក្មេងឱ្យងាកទៅវិនិយោគលើភាគហ៊ុនដើម្បីបន្ធូរបន្ថយសម្ពាធលើការកើនឡើងនៃតម្លៃផ្ទះ។

លំនៅឋាននៅទីក្រុងសេអ៊ូលបានហក់ឡើងថ្លៃខ្លាំង ដោយតម្លៃផ្ទះកើនឡើងលឿនជាងប្រាក់ចំណូល។ សមាមាត្រតម្លៃផ្ទះធៀបទៅនឹងប្រាក់ចំណូល (price-to-income ratio) របស់ទីក្រុងសេអ៊ូល បានកើនឡើងជិតទ្វេដងក្នុងរយៈពេលមួយទសវត្សរ៍កន្លងមកនេះ។

ការកើនឡើងនៃចំនួនវិនិយោគិនខ្នាតតូចបានជំរុញឱ្យផ្សារហ៊ុនកូរ៉េខាងត្បូង Kospi ហក់ឡើង៦៨ភាគរយនៅឆ្នាំនេះ ដែលធ្វើឱ្យ Kospi ក្លាយជាទីផ្សារភាគហ៊ុនដែលមានដំណើរការល្អបំផុតមួយក្នុងចំណោមទីផ្សារភាគហ៊ុនធំៗលើសកលលោក។

ប៉ុន្តែ តម្លៃលំនៅឋានរបស់ទីក្រុងសេអ៊ូលនៅតែបន្តកើនឡើង ដែលធ្វើឲ្យធនាគារកណ្តាលកូរ៉េមានការប្រុងប្រយ័ត្នអំពីហានិភ័យហិរញ្ញវត្ថុ និងស្ទាក់ស្ទើរក្នុងការកាត់បន្ថយអត្រាការប្រាក់ ទោះបីជាសេដ្ឋកិច្ចកូរ៉េប្រឈមមុខនឹងសម្ពាធពីអត្រាពន្ធគយខ្ពស់របស់សហរដ្ឋអាមេរិកយ៉ាងណាក្តី។

តម្លៃផ្ទះបានកើនឡើងយ៉ាងឆាប់រហ័ស ដែលធ្វើឱ្យប្រជាជនកូរ៉េខាងត្បូងវ័យក្មេងពុំមានលទ្ធភាពគ្រប់គ្រាន់ដើម្បីទិញផ្ទះ។ បច្ចុប្បន្ន ធនាគារកណ្តាលកូរ៉េកំពុងផ្តោតការយកចិត្តទុកដាក់លើស្ថិរភាពហិរញ្ញវត្ថុជាជាងការជំរុញកំណើនសេដ្ឋកិច្ច៕ប្រភព: Bloomberg៕

ការសិក្សា: ទីក្រុងញូវយ៉កនឹងទទួលបានអាផាតមុិនថ្មីចំនួនជាង១២.០០០យូនីត ពីការបំលែងអគារការិយាល័យចាស់ៗគ្មានអ្នកជួល

ដោយ: សហសេវិក
អន្តរជាតិ: បណ្តាអ្នកអភិវឌ្ឍន៍នៅទីក្រុងញូវយ៉កនៃសហរដ្ឋអាមេរិកគ្រោងប្រែក្លាយអគារការិយាល័យដែលគ្មានអ្នកជួលទៅជាអាផាតមុិនថ្មីជាង១២.០០០យូនីត ដើម្បីរួមចំណែកដោះស្រាយវិបត្តិលំនៅឋានរបស់មជ្ឈមណ្ឌលហិរញ្ញវត្ថុសកលមួយនេះ។

យោងតាមការប៉ាន់ស្មានថ្មីមួយបង្ហាញថា អាផាតមុិនភាគច្រើននឹងត្រូវបានចាប់ផ្តើម ឬបញ្ចប់ការសាងសង់នៅឆ្នាំក្រោយ ហើយអាផាតមុិនជាង៣.០០០យូនីតក្នុងចំណោមនោះនឹងត្រូវបានកំណត់ជាផ្ទះមានតម្លៃសមរម្យជាអចិន្ត្រៃយ៍។

បណ្តាក្រុមហ៊ុនអភិវឌ្ឍន៍អចលនទ្រព្យបានប្រែក្លាយអគារល្បីៗដូចជាទីស្នាក់ការកណ្តាលចាស់របស់ក្រុមហ៊ុន Goldman Sachs Group និងអគារការិយាល័យចាស់របស់ក្រុមហ៊ុន JPMorgan Chase ទៅជាអាផាតមុិនប្រណីត ដោយបានជួយកែប្រែតំបន់ហិរញ្ញវត្ថុនេះទៅជាតំបនលំនៅឋាន។

លោក Dan Garodnick នាយកទទួលបន្ទុកផ្នែករៀបចំផែនការក្រុងញូវយ៉ក បានមានប្រសាសន៍ឱ្យដឹងថា អត្រាការិយាល័យទំនេរនៅទីក្រុងញូវយ៉កមានកម្រិតខ្ពស់ ខណៈអត្រាផ្ទះជួល ដែលនៅទំនេរ មានកម្រិតទាបខ្លាំង។ ដូច្នេះការប្តូរការិយាល័យទៅជាអាផាតមុិនជារឿងសមហេតុផលណាស់។

អគារការិយាល័យប្រមាណ៩០ បានចូលរួមក្នុងកម្មវិធីរបស់អាជ្ញាធរក្រុងញូវយ៉ក ដែលជួយឱ្យម្ចាស់អគារទទួលបានការអនុម័តដើម្បីប្រែក្លាយជាអគារអាផាតមុិនជំនួសវិញ។ ប៉ុន្តែ ដោយសារការជួលការិយាល័យនៅសង្កាត់ Manhattan បានកើនឡើងនៅឆ្នាំនេះ គម្រោងបំលែងអគារអាចប្រឈមមុខនឹងការប្រកួតប្រជែងកាន់តែច្រើន។

យ៉ាងណាមិញ ការបំលែងអគារការិយាល័យទៅជាអគារលំនៅឋានក៏ជួបប្រទះការពិបាកផងដែរ ពីព្រោះអគារការិយាល័យជាច្រើនមានផ្នែកខាងក្នុងងងឹត ប្លង់ជាន់ធំទូលាយ និងត្រូវបំពេញតាមលក្ខខណ្ឌបទប្បញ្ញត្តិជាច្រើន៕ប្រភព: Bloomberg ៕

តើយូនីតខុនដូនៅក្នុងប្រទេសសឹង្ហបុរីមានតម្លៃខ្ពស់បែបណា?

ដោយៈ ចំណាន

សឹង្ហបុរីៈ តម្លៃខុនដូ (អាផាតម៉ិនឯកជន) នៅក្នុងប្រទេសសិង្ហបុរីនាពេលថ្មីៗនេះ មានការហក់ឡើងខ្ពស់ ដោយសារស្ថានភាពបច្ចុប្បន្ន និងរបៀបដែលទីផ្សារមាននិន្នាការ។

១ កម្រិតតម្លៃបច្ចុប្បន្ន (ឆ្នាំ២០២៥)

សម្រាប់ខុនដូឯកជន “ជាមធ្យម” នៅក្នុងប្រទេសសិង្ហបុរី (គ្រប់តំបន់ទាំងអស់រួមបញ្ចូលគ្នា) ទិន្នន័យថ្មីៗបង្ហាញពីតម្លៃលក់ជាមធ្យម ១,៩៩លានដុល្លារសិង្ហបុរី និងតម្លៃមធ្យម១,៧៨ លានដុល្លារសិង្ហបុរីក្នុងមួយយូនីត។

ប្រសិនបើអ្នកក្រឡេកមើលតម្លៃ ក្នុងមួយហ្វីតការ៉េ (psf) ខុនដូនៅក្នុងតំបន់ផ្សេងៗគ្នា នៃទីក្រុងបង្ហាញពីភាពខុសគ្នាយ៉ាងខ្លាំង ប្រហាក់ប្រហែលដូចជា ខុនដូនៅក្នុង “តំបន់កណ្តាលស្នូល” (CCR) និងតំបន់កណ្តាល/តំបន់ល្អបំផុត យូនីទខុនដូ តម្លៃស្ថិតក្នុងចំណោមតម្លៃខ្ពស់បំផុត។

ចំណែកនៅក្នុងតំបន់ជាយក្រុង/តំបន់ខាងក្រៅ (ក្រៅតំបន់កណ្តាលOCR) ខុនដូមានតម្លៃសមរម្យជាង ដោយក្នុងមួយហ្វីតការ៉េជាង CCR។

សម្រាប់យូនីតខុនដូ មានចំនួនពីរបន្ទប់គេងក្នុងឆ្នាំ២០២៥ មានតម្លៃធម្មតាគឺប្រហែល១,២លានដុល្លារសិង្ហបុរី ទៅ២,៥លានដុល្លារសិង្ហបុរី អាស្រ័យលើតំបន់ និងប្រភេទ។

២ និន្នាការថ្មីៗ (២០២៤–២០២៥)

ទីផ្សារលក់បន្តសម្រាប់ខុនដូ ជាទូទៅមានសុខភាពល្អ។ ឧទាហរណ៍ តម្លៃក្នុងខែកុម្ភៈ ឆ្នាំ២០២៤ បានកើនឡើងប្រហែល៥,៨% ធៀបនឹងឆ្នាំមុន (YoY)។

គិតត្រឹមខែមីនា ឆ្នាំ២០២៥ មានការធ្លាក់ចុះបន្តិចបន្តួចបើប្រៀបធៀបទៅនឹងខែមុន(–០,៥%) ប៉ុន្តែវាបានកើនឡើង ៥,១%។

៣ អ្វីដែលជះឥទ្ធិពលដល់ភាពខុសគ្នានៃតម្លៃ

ទីតាំងខុនដូមានសារៈសំខាន់ខ្លាំងណាស់ ដោយខុនដូនៅក្នុងសង្កាត់កណ្តាលក្រុង និងសង្កាត់សំខាន់ៗ យូនីតខុនដូមានតម្លៃថ្លៃជាង ខុនដូនៅតំបន់ជាយក្រុង/ក្រៅ។

តម្រូវការទិញភាគច្រើន គឺមានទាំងពីអ្នកវិនិយោគក្នុងស្រុក និងបរទេស និងការផ្គត់ផ្គង់មានកំណត់ នៃប្រភេទអង្គភាពមួយចំនួន (ជាពិសេសអង្គភាពដែលគួរឱ្យចង់បាន) ជួយជំរុញឱ្យតម្លៃកើនឡើង។

អ្នកទិញជាច្រើនហាក់ដូចជា កំពុងធ្វើតុល្យភាពរវាងការទទួលបាន “បរិយាកាសកណ្តាលទីក្រុង / ភាពងាយស្រួល” (ថ្លៃជាង) ទល់នឹងកន្លែង ដែលមានតម្លៃសមរម្យជាងនៅឆ្ងាយ ជាមួយនឹងតម្លៃសមរម្យ (តំបន់ជាយក្រុង)៕

តើកត្តាអ្វីខ្លះនៅពីក្រោយការរីកចម្រើនដ៏លឿនរបស់ម៉ាឡេស៊ីក្នុងប៉ុន្មានទសវត្សរ៍កន្លងមកនេះ?

ដោយៈ គង់ សូរិយា

ម៉ាឡេស៊ីៈ ហេតុអ្វីបានជាសេដ្ឋកិច្ចរបស់ប្រទេសម៉ាឡេស៊ី មានការរីកចម្រើនយ៉ាងឆាប់រហ័ស ក្នុងប៉ុន្មានទសវត្សរ៍កន្លងមកនេះ? ដែលបានប្រែក្លាយប្រទេសនេះ ជាខ្លាសេដ្ឋកិច្ចមួយនៅតំបន់អាស៊ី។

១. ការផលិត និងការនាំចេញដ៏រឹងមាំ

ប្រទេសម៉ាឡេស៊ី គឺជាប្រទេសផលិតដ៏សំខាន់មួយ នៅអាស៊ីអាគ្នេយ៍នៃ ដែលមានផលិតផលជាច្រើនដូចជា គ្រឿងអេឡិចត្រូនិច (បន្ទះឈីប ស៊ីមីកុងដុកទ័រ)។ គ្រឿងបន្លាស់អគ្គិសនី ប្រេងដូង កៅស៊ូ

ប្រេងកាត និងឧស្ម័ន។

ផលិតផលទាំងនេះ ត្រូវបាននាំចេញទូទាំងពិភពលោក ដែលនាំមកនូវប្រាក់ចំណូលយ៉ាងច្រើន។

២. ការវិនិយោគបរទេស(FDI)

ក្រុមហ៊ុនសកលជាច្រើនវិនិយោគ បាននិងកំពុងធ្វើធុរកិច្ចនៅក្នុងប្រទេសម៉ាឡេស៊ីដោយសារតែកត្តាមួយចំនួនដូចជា

ប្រទេសនេះមានស្ថិរភាពនយោបាយ បើប្រៀបធៀបទៅនឹងប្រទេសជិតខាងមួយចំនួន។
ហេដ្ឋារចនាសម្ព័ន្ធល្អ (ផ្លូវហាយវេ កំពង់ផែ អ៊ីនធឺណិត)។
កម្មករជំនាញ
គោលនយោបាយពន្ធដ៏ទាក់ទាញនៅក្នុងតំបន់សេដ្ឋកិច្ចពិសេស

ការវិនិយោគជាពិសេសកើនឡើងនៅក្នុងបច្ចេកវិទ្យា ការផលិតរថយន្តអគ្គិសនី និងឧស្សាហកម្មស៊ីមីកុងដុកទ័រ។

៣. វិស័យសេវាកម្មកំពុងពង្រីក

វិស័យទេសចរណ៍ ធនាគារ ការថែរទាំសុខភាព និងការអប់រំបានក្លាយជាសសរស្តម្ភដ៏រឹងមាំសម្រាប់ប្រទេសនេះ។

មុនពេលមានជំងឺកូវីដ-១៩ ប្រទេសម៉ាឡេស៊ីមានភ្ញៀវទេសចរមកទស្សនាច្រើនជាងគេបំផុតមួយ នៅក្នុងតំបន់អាស៊ាន ហើយវិស័យទេសចរណ៍កំពុងងើបឡើងវិញម្តងទៀត។

៤. វណ្ណៈកណ្តាលខ្លាំង

ប្រទេសម៉ាឡេស៊ី មានប្រជាជនវណ្ណៈកណ្តាលច្រើន និងកំពុងកើនឡើង។ កត្តានេះមានន័យថា អំណាចនៃការទិញកើនឡើងដោយឆ្លុះបញ្ចាំងតាមរយៈ

មនុស្សកាន់តែច្រើនទិញផ្ទះ
ការដើរទិញឥវ៉ាន់កាន់តែច្រើន
ការចំណាយកាន់តែច្រើនលើសេវាកម្ម

នេះជំរុញសេដ្ឋកិច្ចទៅមុខ។

៥. គោលនយោបាយរបស់រដ្ឋាភិបាលដើម្បីធ្វើទំនើបកម្មសេដ្ឋកិច្ច

ប្រទេសម៉ាឡេស៊ីបានផ្តោតសំខាន់លើ

សេដ្ឋកិច្ចឌីជីថល (ការទូទាត់តាមអេឡិចត្រូនិក ពាណិជ្ជកម្មអេឡិចត្រូនិក)។
ថាមពលកកើតឡើងវិញ។
ឧស្សាហកម្ម ៤.០ (ស្វ័យប្រវត្តិកម្ម រ៉ូបូត)

ទាំងនេះជួយប្រទេសឱ្យរក្សាការប្រកួតប្រជែង។

៦. ការតភ្ជាប់ពាណិជ្ជកម្មកាន់តែប្រសើរ

ប្រទេសម៉ាឡេស៊ីគឺជាផ្នែកមួយ នៃកិច្ចព្រមព្រៀងពាណិជ្ជកម្មសំខាន់ៗដូចជា៖

RCEP (កិច្ចព្រមព្រៀងពាណិជ្ជកម្មធំបំផុតរបស់ពិភពលោក)
CPTPP

កិច្ចព្រមព្រៀងទាំងនេះ ធ្វើឱ្យវាកាន់តែងាយស្រួលសម្រាប់ក្រុមហ៊ុនម៉ាឡេស៊ីក្នុងការលក់ផលិតផលទូទាំងពិភពលោក។

ប្រទេសនេះ មានប្រជាជនជាង៣៤,២លាននាក់ ជាទិន្នន័យឆ្នាំ២០២៥ និងប្រជាជនមានប្រាក់ចំណូល១២,១៤០ដុល្លារអាមេរិក សម្រាប់មនុស្សម្នាក់ក្នុងមួយឆ្នាំ៕

តើដីនៅក្រុងតូក្យូ និងទីក្រុងញូយ៉កមានតម្លៃខ្ពស់កប់ពពកបែបណា?

ដោយៈ ម៉ាលីនណា

អន្តរជាតិៈ តម្លៃដីនៅទីក្រុងតូក្យូ ប្រទេសជប៉ុន ធៀបនឹងទីក្រុងញូវយ៉ក របស់សហរដ្ឋអាមេរិក អាចប្រែប្រួលច្រើនអាស្រ័យលើសង្កាត់ មិនថាវាជាដីពាណិជ្ជកម្ម ឬដីលំនៅដ្ឋាន និងកត្តាផ្សេងៗទៀត។

១ ទីក្រុងតូក្យូ

យោងតាមទិន្នន័យថ្មីៗ (ឆ្នាំ២០២៥) តម្លៃដីជាមធ្យមនៅទូទាំងទីក្រុងតូក្យូគឺប្រហែល១.៣៣៤.៥៥៤យ៉េនក្នុងមួយម៉ែត្រការ៉េសម្រាប់ “ការប្រើប្រាស់ទាំងអស់”។

ចំណែកនៅក្នុងសង្កាត់កណ្តាលទីក្រុងចំនួន២៣ ដីលំនៅដ្ឋានមានតម្លៃជាមធ្យម៧៧១.៦០០ យ៉េន/ម៉ែត្រការ៉េ។

ដីពាណិជ្ជកម្មនៅតំបន់កណ្តាល/តំបន់ដែលមានតម្រូវការខ្ពស់គឺខ្ពស់ជាងច្រើន ដីឡូត៍ “តម្លៃខ្ពស់បំផុត” មួយចំនួននៅក្នុងតំបន់កណ្តាល (សង្កាត់ពាណិជ្ជកម្ម ឬលក់រាយលំដាប់ខ្ពស់) ត្រូវបានគេរាយការណ៍ថាមានតម្លៃខ្ពស់បំផុត(រាប់សិបលានយ៉េនក្នុងមួយម៉ែត្រការ៉េ)។

ទិន្ន័យបានបង្ហាញថា តម្លៃដីនៅទីក្រុងតូក្យូ បានកើនឡើងយ៉ាងខ្លាំងក្នុងឆ្នាំ២០២៥ ដោយដីពាណិជ្ជកម្មបានកើនឡើងប្រហែល ១១,២% និងដីលំនៅដ្ឋានបានកើនឡើងជាមធ្យមប្រហែល៥,៦% (ធៀបនឹងឆ្នាំមុន)។

ប៉ុន្តែមានភាពខុសប្លែកគ្នា យ៉ាងទូលំទូលាយអាស្រ័យលើស្រុក។ សង្កាត់ខាងក្រៅ ឬតំបន់ដែលមិនសូវកណ្តាល មានតម្លៃថោកជាងសង្កាត់សំខាន់ៗ។

នៅកណ្តាលទីក្រុងតូក្យូ ដីធ្លីមានតម្លៃថ្លៃណាស់ ជាពិសេសដីពាណិជ្ជកម្ម។ សូម្បីតែដីលំនៅដ្ឋាននៅក្នុងសង្កាត់សំខាន់ៗ ក៏មានតម្លៃថ្លៃដែរ។ នៅជាយក្រុង ឬនៅតំបន់ដែលមិនសូវកណ្តាល ដីធ្លីមានតម្លៃសមរម្យជាង។

២ ទីក្រុងញូវយ៉ក

ការប៉ាន់ប្រមាណ “តម្លៃដី” នៅក្នុងទីក្រុងញូវយ៉ក គឺពិបាកជាង ទីក្រុងតូក្យូ ពីព្រោះទិន្នន័យភាគច្រើន ដែលមានជាសាធារណៈឆ្លុះបញ្ចាំងពីតម្លៃលក់ ក្នុងមួយអង្គភាពសាងសង់ (ឧទាហរណ៍ អាផាតមិន) ជាជាងដីឆៅ។

យ៉ាងណាក៏ដោយ យើងអាចប្រើតួលេខ និងការវិភាគប្រហាក់ប្រហែលមួយចំនួន ដើម្បីទទួលបានអារម្មណ៍នៃមាត្រដ្ឋាន។

សម្រាប់ដីទំនេរធម្មតាមួយនៅ Manhattan (សង្កាត់ដែលមានដង់ស៊ីតេខ្ពស់បំផុត) ការវិភាគមួយចំនួនបានបង្ហាញថាតម្លៃ “ដីឆៅ” ប្រហែល100 ទៅ200ដុល្លារអាមេរិកក្នុងមួយហ្វីតការ៉េ (នៅពេលកែតម្រូវសម្រាប់សក្តានុពលអភិវឌ្ឍន៍ និងការកំណត់តំបន់)។

ដោយសារ១ហ្វីតការ៉េស្មើ០.០៩២៩ ម៉ែត្រការ៉េ១០០ដុល្លារ/ហ្វីតការ៉េ១០៧៦ដុល្លារ ក្នុងមួយម៉ែត្រការ៉េ និង២០០ដុល្លារ/ហ្វីតការ៉េ ២១៥៣ដុល្លារក្នុងមួយម៉ែត្រការ៉េ។ ទិន្នន័យនេះ ផ្តល់នូវមូលដ្ឋានមិនច្បាស់លាស់ សម្រាប់ដី ប៉ុន្តែតម្លៃជាក់ស្តែងអាស្រ័យយ៉ាងខ្លាំងទៅលើទីតាំងពិតប្រាកដ សិទ្ធិកំណត់តំបន់ សក្តានុពលអគារ ស្ថានភាព។ល។

ប្រសិនជាគណនាតាមវិធីមួយទៀត ដែលមនុស្សវាយតម្លៃដី NYC គឺក្នុងមួយហិចតា។

ឧទាហរណ៍ ប្រភពខ្លះផ្តល់ជួរសម្រាប់ដីមួយហិចតាពេញ នៅ Manhattan ចាប់ពី២០លានដុល្លារ ដល់៩០ លានដុល្លារ (អាស្រ័យលើទីតាំង)។

NYC ដែលត្រូវបានដកស្រង់ជាសាធារណៈភាគច្រើន សំដៅទៅលើតម្លៃលក់អគារ/ផ្ទះ/អាផាតមិន មិនមែនដីឆៅទេ។ ប៉ុន្តែតម្លៃលក់ខ្ពស់ នៅក្នុងសង្កាត់ជាច្រើន ឆ្លុះបញ្ចាំងពីរបៀបដែលកង្វះខាតដីធ្លី និងតម្រូវការជំរុញឱ្យតម្លៃអចលនទ្រព្យកើនឡើង៕

1...808182...3,250 Page 81 of 3,250