ដោយៈ គង់ ហ្វីអូណា
កំពតៈ ខេត្តកំពត ខេត្តកែប ខេត្តកោះកុង និងខេត្តព្រះសីហនុ នឹងទទួលបានអត្ថប្រយោជន៍ពី កិច្ចសហប្រតិបត្តិការដែលរួមបញ្ចូលទាំងការបណ្តុះបណ្តាលជំនាញ ទៅលើផលិតកម្មបណ្តុះកូនឈើលម្អរ ការតំរង់ទិសទីផ្សារ និងការធ្វើពាណិជ្ជកម្មជាដើម។
ខេត្តឬតំបន់K4 សំដៅដល់ខេត្តកំពត កែប កំពង់សោម និងខេត្តកោះកុង ដែលផ្តើមដោយពាក្យK ហើយត្រូវបានប្រតិបត្តិករក្នុងវិស័យទេសចរណ៍ប្រសិទ្ឋនាមជាតំបន់K4។
ខេត្តទាំង៤នេះ បានគ្របដណ្តប់លើភូមិចំនួន ២១០ ក្នុងនោះ មានភូមិនេសាទចំនួន៩៣ ជាការផ្តល់ឱកាសដល់យុវជនកម្ពុជា ក្នុងការបង្កើនប្រាក់ចំណូល និងជួយដល់ការលើកកម្ពស់ការអភិវឌ្ឍបៃតងនៅក្នុងសហគមន៍។គម្រោងនេះ អនុវត្តដោយអង្គការអេដ អេ អាកស្យុង និងក្រុមហ៊ុនត្រូភីកផ្លែននើរ &លែនស្កេប អ៊ិនធើណេសិនណល ឯ.ក ហើយភាគីទាំពីរ បានចុះហត្ថលេខារួមគ្នា នៅសៀលថ្ងៃទី៤ ខែសីហា ឆ្នាំ២០២៣ ដើម្បីអនុវត្តលើគម្រោង ដែលមានឈ្មោះថា “ការអភិវឌ្ឍន៍បៃតង និងជំនាញបច្ចេកទេសទីផ្សារ នៃផលិតឈើលម្អ នៅតំបន់ឆ្នេរសមុទ្រប្រទេសកម្ពុជា”។
លោកវន សំភាស់ នាយកប្រចាំប្រទេសនៃអង្គការ អេដ អេ អាកស្យុងបានឱ្យដឹងថា តាមរយៈគម្រោងនេះ ប្រជាជន ពិសេសសិស្សានុសិស្ស នៅតាមសាលារៀនចំនួន៦ និងយុវជន នឹងទទួលបានការបណ្តុះបណ្តាល ចំណេះ ជំនាញ លើការបណ្តុះ ដាំ និងបង្កាត់ពូជរុក្ខជាតិលម្អ ដែលមានតម្លៃខ្ពស់នៅក្នុងទីផ្សារផង និងជួយលើកកម្ពស់សោភ័ណ្ឌភាពបរិស្ថានបៃតង នៅក្នុងសាលារៀន និងសហគមន៍ ដែលពួកគេរស់នៅ។
គម្រោងនេះនឹងបង្រៀន ក៏ដូចជា ផ្តល់ទុនសម្រាប់ការទាញយកប្រយោជន៍ពីរុក្ខជាតិឈើលម្អ នៅតាមសាលារៀននិងសហគមន៍នេសាទ ដែលស្ថិតនៅក្នុងគម្រោង។
លោកនាយកប្រចាំប្រទេសរូបនេះ បានបញ្ជាក់ថា គម្រោងនេះ ចាប់ផ្តើមពីខេត្តចំនួន៤នេះទៅ នៅពេលទទួលបានការចាប់អារម្មណ៍ ឬជោគជ័យនៅក្នុងខេត្តទាំងនោះ ក៏ជាជំហានឈានទៅរកខេត្តដទៃបន្តទៀត ហើយសង្ឃឹមថា ជំនាញរបស់យុវជន និងចំណាប់អារម្មណ៍របស់ប្រជាជនកាន់តែច្រើននោះ នៅគ្រប់ផ្លូវ ទីសាធារណៈនឹងមានភាពបៃតងស្រស់បំព្រងជាងមុន។
ជាមួយគ្នានេះ លោក អ៊ុក សុវណ្ណ នាយកគ្រប់គ្រង ក្រុមហ៊ុន ត្រូភីកផ្លែននើរ& លែនស្តេប អ៊ិនធើណេបានមានប្រសាសន៍ឱ្យដឹងថា ក្នុងនាមជាក្រុមហ៊ុនផលិតសួនច្បារ នៅគ្រប់ទីកន្លែង បានចូលរួមក្នុងការបណ្តុះបណ្តាលជំនាញ ដាំដុះឈើដល់សិស្សានុសិស្ស ដើម្បីឱ្យសាលាមានចំណូលបន្ថែម។
កន្លងមកធ្លាប់បាននាំកូនឈើ មកពីក្រៅប្រទេសមិនតិចជាង ៧០ទៅ៨០ម៉ឺនដុល្លារក្នុង១ឆ្នាំៗ ការផ្តល់ចំណេះ ជំនាញដល់យុវជនឱ្យចេះដាំ និងបណ្តុះកូនឈើ ជាការកាត់បន្ថយការនាំចូលកូនឈើពីក្រៅប្រទេស ហើយជាការបង្កើនប្រាក់ ចំណូលសម្រាប់ប្រជាជន។
ក្រៅពីបង្រៀននៅតាមសាលារៀនទាំង៦ ក៏នឹងរកដីប្រជាពលរដ្ឋដែលមានក្នុងតំបន់នោះ ដើម្បីបង្រៀនដល់ពួកគាត់ នៅពេលទទួលបានផល ក្រុមហ៊ុននឹងទិញពីពួកគាត់មកផ្គត់ផ្គង់ទីផ្សារ ដែលកំពុងតែមានតម្រូវការខ្ពស់នៅកម្ពុជា។
កិច្ចព្រមព្រៀងជាដៃគូរវាងភាគីទាំងពីរ ជាមួយនឹងសហហិរញ្ញប្បទានចំនួន១,២៦៨,០០ដុល្លារ នឹងមានរយៈពេលពេញមួយឆ្នាំ។ តាមរយៈភាពជាដៃគូនេះ ក្រុមហ៊ុនTP&L នឹងដើរតួនាទីជាអ្នកជំនាញនៅក្នុងការផ្តល់វគ្គបណ្តុះបណ្តាល ផ្នែកសាកវប្បកម្ម និងសួនច្បារ ដំឡើងផ្ទះសំណាញ់ ដែលភ្ជាប់ជាមួយនឹងប្រព័ន្ធ ធារាសាស្ត្រចំនួន៦ ត្រួតពិនិត្យទីតាំងនៃវឌ្ឍនភាព នៃការសាងសង់ផ្ទះសំណាញ់ នៅក្នុងសាលារៀន ដែលបានជ្រើសរើស និងការផ្ដល់មូលនិធិជាគ្រាប់ពូជ កូនឈើលម្អ ដែលជាការវិនិយោគរួមសម្រាប់សកម្មភាព និងជីវភាពរស់នៅ បរិស្ថានបៃតង តាមតំបន់សហគមន៍ឆ្នេរ និងការអនុវត្តជំនាញជីវិតបៃតងនៅក្នុងសាលារៀននៅកម្ពុជា៕
ខេត្តកោះកុង មានកិច្ចសហប្រតិបត្តិការស៊ីជម្រៅ ជាមួយខេត្តត្រាតរបស់ប្រទេសថៃ ហើយដោយស្ថិតក្រោមការគ្រប់គ្រងរបស់លោកស្រីអភិបាលខេត្ត មិថុនា ភូថង រដ្ឋបាលខេត្តកោះកុងបានរក្សាទំនាក់ទំនងដ៏ល្អជាមួយខេត្តត្រាត ក្នុងវិស័យនានាដូចជាបដិសណ្ឋារកិច្ច និងទេសចរណ៍។
អភិបាលរងខេត្តព្រះសីហនុ លោកឡុង ឌីម៉ង់បានមានប្រសាសន៍ឲ្យដឹងកាលពីសសប្តាហ៍មុនថា បច្ចុប្បន្នរដ្ឋបាលក្រុងព្រះសីហនុ ក៏ដូចជាគណៈកម្មការដោះស្រាយ បញ្ហាអគារជាប់គាំងនៅក្រុងព្រះសីហនុបាននិងកំពុង កំណត់អត្តសញ្ញាណអគារ ជាប់គាំងនិមួយៗ នៅក្នុងទីក្រុងនេះ ដើម្បីរៀបចំដំណោះស្រាយសមស្របណាមួយ តាមស្ថានភាពជាក់ស្តែង។
ថ្មីៗនេះ ក្រុមហ៊ុន Toyota Tsusho Corporation បាននិងកំពុងពង្រីកសកម្មភាព វិនិយោគរបស់ខ្លួនជាបន្តបន្ទាប់ ដែលក្នុងនោះ នឹងបង្កើតគម្រោងវិនិយោគថ្មីមួយទៀត ក្នុងតំបន់សេដ្ឋកិច្ចពិសេស សានកូ ប៉ោយប៉ែត លើមុខសញ្ញាវិនិយោគ ផលិតប្រព័ន្ធខ្សែភ្លើងសម្រាប់រថយន្ត (Automotive Wire Harness) ដែលគ្រោងចាប់ផ្តើមដំណើរការនៅខែឆ្នូ ឆ្នាំ២០២៣ ខាងមុខ និងអាចស្រូបយកកម្លាំងពលកម្មប្រមាណ៨០០កន្លែងបន្ថែមទៀត។បច្ចុប្បន្ន កម្មករនិយោជិតកម្ពុជាមួយចំនួន កំពុងទទួលការបណ្តុះបណ្តាលនៅប្រទេសថៃ៕
លោកស្រីបន្តថា “សកម្មភាពទិញលក់ដីធ្លី នៅតែមាននៅតាមជាយក្រុងភ្នំពេញ ប៉ុន្តែសកម្មភាពជាដុំកំភួន មិនទាន់មានច្រើននៅឡើយទេ”៕
