ប្រទេសចិនដាក់ចេញជំហានថ្មីៗ និងបើកចំហវិស័យមួយចំនួន ដើម្បីជំរុញការវិនិយោគឯកជន

ដោយ: គង់ លាងហួរ
ប៉េកាំងៈ ក្រុមអ្នករៀបចំផែនការរដ្ឋចិនបានដាក់ចេញវិធានការនានា ក្នុងគោលដៅលើកកម្ពស់ រួមទាំងលើកទឹកចិត្ត និងជំរុញការវិនិយោគឯកជនក្នុងវិស័យហេដ្ឋារចនាសម្ព័ន្ធមួយចំនួន និងពង្រឹងការគាំទ្រផ្នែកហិរញ្ញវត្ថុសម្រាប់គម្រោងឯកជនផងដែរ។

សេចក្តីប្រកាសចុងក្រោយបំផុតនេះបានធ្វើឡើង ខណៈកាលពីសប្តាហ៍មុនប្រទេសចិនបានប្តេជ្ញាថា ខ្លួននឹងធ្វើឱ្យប្រសើរឡើងនូវវិស័យឯកជន ដោយបានចេញផ្សាយគោលការណ៍ណែនាំដោយបក្សកុម្មុយនិស្ត និងគណៈរដ្ឋមន្ត្រី ។

គណៈកម្មាធិការកំណែទម្រង់ និងអភិវឌ្ឍន៍ជាតិ (NDRC) បានបញ្ជាក់នៅក្នុងសេចក្តីថ្លែងការណ៍មួយថា ខ្លួនមានបំណងទាក់ទាញទុនឯកជនបន្ថែមទៀត ដើម្បីចូលរួមក្នុងការសាងសង់គម្រោងសំខាន់ៗរបស់ប្រទេសជាតិ។NDRC បានអះអាងថា វិស័យជាច្រើនរាប់ចាប់ពីការដឹកជញ្ជូន ទឹក ថាមពលស្អាត ហេដ្ឋារចនាសម្ព័ន្ធថ្មី រហូតដល់ការផលិតកម្រិតខ្ពស់ និងកសិកម្មទំនើប នឹងផ្តល់ឱកាសជូនសម្រាប់អ្នកវិនិយោគឯកជនដើម្បីចូលរួម។

ក្នុងរយៈពេលប៉ុន្មានសប្តាហ៍កន្លងមកនេះ វិនិយោគិនបាននិងកំពុងភ្នាល់គ្នាលើវិធានការជំរុញបន្ថែមទៀត ដើម្បីជំរុញសេដ្ឋកិច្ចចិន ដែលបានចាប់ផ្តើមបាត់បង់សន្ទុះយ៉ាងឆាប់រហ័ស បន្ទាប់ពីការស្ទុះងើបឡើងវិញក្រោយជំងឺកូវីដ-១៩។ ទោះជាយ៉ាងណាក្តីជំហានមួយចំនួនដែលអាជ្ញាធរបានប្រកាស មិនទាន់បានធ្វើឱ្យទីផ្សារទទួលផលវិជ្ជមាននោះទេ។

តាមរយៈសេចក្តីណែនាំដែលបានចេញផ្សាយកាលពីពេលថ្មីៗនេះ ប្រទេសចិនបានអះអាងថា ខ្លួននឹងបង្កើតប្រព័ន្ធ “ភ្លើងចរាចរណ៍” មួយដើម្បីគូសបញ្ជាក់ឱ្យច្បាស់លាស់អំពីវិស័យណាខ្លះ ដែលអ្នកវិនិយោគឯកជនអាចចូលបណ្តាក់ទុនបាន៕

លោកឧកញ៉ានួន រិទ្ឋីលើកឡើងពីបញ្ហាប្រឈម និងវិបត្តិលំហូរសាច់ប្រាក់ក្នុងវិស័យអចលនទ្រព្យ

ដោយ: គង់ លាងហួរ

ភ្នំពេញ: លោកឧកញ៉ា នួន រិទ្ធី ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ Khmer Foundation Appraisal(KFA) បានមានប្រសាសន៍ថា កម្ពុជាទទួលបានជោគជ័យ ក្នុងការរក្សាបាននូវស្ថិរភាពនយោបាយ នៅក្នុងរយៈពេលប៉ុន្មានទសវត្សរ៍ ចុងក្រោយនេះដែលបានបង្កបរិយាកាសល្អប្រសើរ ដល់អ្នកវិនិយោគទាំងក្នុងស្រុក និងក្រៅប្រទេស។

លោកឧកញ៉ាបានបន្តថា ទោះជាយ៉ាងណាក្តី ក៏មានផលប៉ះពាល់មួយចំនួន ទៅលើវិស័យអចលនទ្រព្យផងដែរ ដោយសារតែចរន្តនៃពិភពលោក ដូចជា វិបត្តិជំងឺកូវីដ-១៩ និងសម្ពាធនៃសង្គ្រាមរវាងរុស្ស៊ី និងអ៊ុយក្រែន ដែលធ្វើឱ្យពិភពលោកទាំងមូល មានការរំខាន។

លោកឧកញ៉ានួន រិទ្ឋីបានរំលឹកថា កាលពី១០ឆ្នាំមុន ប្រជាពលរដ្ឋកម្ពុជា បានទៅដកលុយចេញពីធនាគារ និងរៀបចំចាកចេញពីប្រទេស ដោយសារការភ័យខ្លាច អំពីអស្ថិរភាពក្រោយការបោះឆ្នោត តែមកទល់ពេលនេះ យើងមានស្ថិរភាពយ៉ាងពេញលេញ ក្រោយការបោះឆ្នោត។ ដូច្នេះ វិស័យដែលទ្រទ្រង់សេដ្ឋកិច្ចទាំងអស់ មានសញ្ញាវិជ្ជមាន តែសញ្ញាវិជ្ជមានទាំងនោះ អាចត្រូវការរយៈពេល២ឆ្នាំទៀតដើម្បីអាចធ្វើឱ្យវិស័យអចលនទ្រព្យងើបឡើងវិញ។

លោកចង្អុលបង្ហាញទៀតថា ក្រោយរដ្ឋាភិបាលថ្មីត្រូវបានបង្កើតឡើង លោកនឹងមានការគិតគូររិះរកចំណុចថ្មីៗ ដើម្បីស្រូបទាញការវិនិយោគបន្ថែមទៀត។ សង្គ្រាមត្រជាក់ រវាងសហរដ្ឋអាមេរិក និងចិន ក៏នឹងអាចមានភាពស្រាកស្រាន្ត។ ចំណែកសង្គ្រាមរវាងរុស្ស៊ី -អ៊ុយក្រែន ក៏នឹងអាចផុតរលត់ផងដែរ ព្រោះពិភពលោកមិនអាចធ្វើឱ្យសេដ្ឋកិច្ចរបស់ខ្លួនខ្ទេចខ្ទាំ ដោយសារវិបត្តិទាំងអស់នេះទេ។

លោកឧកញ៉ាបញ្ជាក់ថា “វិស័យអចលនទ្រព្យនៅកម្ពុជាមិនមានការជាប់គាំងទេ គ្រាន់តែដើរយឺតប៉ុណ្ណោះ។ ហើយក្នុងមួយរយៈកាលចុងក្រោយនេះ ការទិញលក់ និងតម្រូវការ នៅតែមានចរន្តដំណើរការ ប៉ុន្តែយើងត្រូវមានភាពបត់បែនខ្លះក្នុងការទូទាត់”។

លោកអះអាងទៀតថា “នៅកម្ពុជា យើងមិនទាន់ជួបប្រទះភាពឆ្អែតក្នុងទីផ្សារនៅឡើយនោះទេ។ ដូច្នេះតម្រូវការលំនៅដ្ឋានរបស់ប្រជាពលរដ្ឋនៅតែមាន ប៉ុន្តែអ្វីដែលជាបញ្ហានោះ គឺជាលំហូរសាច់ប្រាក់”។លោកសង្ឃឹមថា “នៅពេលដែលរដ្ឋាភិបាលថ្មីកើតឡើង វិនិយោគិន នឹងសម្រុកចូលមកកម្ពុជា តាមរយៈសមិទ្ធិផលថ្មីៗ ដូចជាព្រលានយន្តហោះសៀមរាប-អង្គរ តំបន់ទេសចរណ៍កោះរ៉ុងដែលនឹងមានយន្តហោះអាចចុះលើទឹក ដែលក្លាយជារំញោចឡើងវិញសម្រាប់ទីផ្សារអចលនទ្រព្យកម្ពុជា”។

លោកឧកញ៉ានួន រិទ្ឋីបានឱ្យដឹងទៀតថា វិស័យអចលនទ្រព្យរបស់យើង បានឈឺជាយូរមកហើយ ចាប់តាំងពីចុងឆ្នាំ២០១៨មកម្ល៉េះ ហើយរដ្ឋាភិបាល ក៏បានផ្លាស់ប្តូរគោលនយោបាយ មួយចំនួនពាក់ព័ន្ធនឹងការវិនិយោគ និងច្បាប់ផ្សេងៗ ថែមទាំងបានបង្កើតច្បាប់វិនិយោគថ្មីផងដែរ។

លោកឧកញ៉ាបង្ហាញក្តីជឿជាក់ថា ផ្នែកដែលអាចងើបឡើងវិញលឿនគឺផ្នែកទេសចរណ៍ ដែលអាចធ្វើឱ្យវិស័យបដិសណ្ឋារកិច្ចរស់ឡើងវិញ។

លោកបញ្ជាក់ថា “យើងមើលឃើញថា មិនមែនមានតែកម្ពុមួយប៉ុណ្ណោះទេ ដែលរងផលប៉ះពាល់ពីវិបត្តិសកលលោក សូម្បីតែប្រទេសវៀតណាម ក៏រងផលប៉ះពាលខ្លាំង ដោយសារវិស័យអចលនទ្រព្យនេះផងដែរ”។

គិតរហូតមកទល់នឹងនេះ កម្ពុជាយើងនៅតែមានស្ថិរភាពក្រោយឆ្លងកាត់វិបត្តិនានា ដូចជា ជំងឺរាតត្បាតកូវីដ-១៩ និងសង្គ្រាមរុស្ស៊ី-អ៊ុយក្រែន ហើយសន្តិសុខផ្ទៃក្នុងរបស់ប្រទេសយើង នៅតែមានស្ថិរភាពក្រោមការដឹកនាំរបស់សម្តេចតេជោ។

យ៉ាងណាមិញ លោកសង្ឃឹមយ៉ាងមុតមាំថា “រដ្ឋាភិបាលថ្មី និងគណរដ្ឋមន្ត្រីថ្មី នឹងអាចកែច្នៃស្ថានភាពនេះ ឱ្យកាន់តែល្អប្រសើរឡើង ព្រោះគណរដ្ឋមន្ត្រីថ្មីនេះ សុទ្ធតែជាបញ្ញវ័ន្ត ហើយពួកគាត់នឹងជួយស្រោចស្រង់វិបត្តិដែលកំពុងកើតឡើងទាំងអស់”៕

ទីផ្សារដីធ្លីនៅខេត្តស្ទឹងត្រែងដាំក្បាលចុះក្នុងចន្លោះពី២០ទៅ ៤០ភាគរយ

ដោយៈ គង់ សូរិយា
ស្ទឹងត្រែងៈ ជាខេត្តមួយ ស្ថិតនៅភូមិភាគឥសាន្តប្រទេស ស្ទឹងត្រែងហាក់ត្រូវបានគេមើលរំលង បើទោះបីជាខេត្តមានធនធានធម្មជាតិជាច្រើនក្តី។

តម្លៃដីធ្លី នៅទីក្រុងស្ទឹងត្រែង និងតំបន់ជុំវិញបានហក់ឡើងខ្ពស់មួយរយៈខ្លី បន្ទាប់ពីព័ត៌មាននៃការសាងសង់ ព្រលានយន្តហោះថ្មីបានផ្ទុះឡើង ស្របតាមអនុសាសន៍ របស់ធនាគារអភិវឌ្ឍន៍អាស៊ី ដែលចង់ប្រែក្លាយ ព្រលានយន្តហោះចាស់ក្នុងខេត្តនេះ ជាព្រលានកម្រិតតំបន់ ដែលងាយតភ្ជាប់ទៅកាន់ប្រទេសថៃ និងប្រទេសឡាវក្បែរគ្នា។

លោកជុំ វិចិត្រភ្នាក់ងារអចលនទ្រព្យឯករាជ្យ ដែលមានដីនៅក្នុងដៃសម្រាប់លក់ប្រមាណ៧០០ទីតាំង នៅក្នុងខេត្តស្ទឹងត្រែងបានមានប្រសាសន៍ឲ្យដឹងកាលពីសប្តាហ៍មុនថា សក្តានុពល ខេត្តស្ទឹងត្រែងហាក់មានកម្រិតនៅឡើយ ដោយតាំងពីប៉ុន្មានឆ្នាំមុនរហូតមកទល់ពេលនេះ ខេត្តមិនសូវទាក់ទាញបាន អ្នកវិនិយោគលំដាប់អន្តរជាតិនោះទេ។

លោកបន្តថា “ការរីកចម្រើនក្នុងខេត្តនេះ ពឹងលើប្រជាជនក្នុងស្រុកប៉ុណ្ណោះ ដែលធ្វើឲ្យមានសកម្មភាពទិញ លក់រប៉េះរប៉ោះខ្លះៗ”។ លោកបន្តថា “បើគិតពីដើមឆ្នាំ រហូតមកទល់ពេលនេះ មិនមានសកម្មភាពទិញ លក់ដីធ្លីនៅក្នុងខេត្តនេះច្រើននោះទេ ហើយតម្លៃដីធ្លី បានដាំក្បាលចុះ ក្នុងរង្វង់២០ទៅ៤០ភាគរយ”។

លោកជុំ វិចិត្របានបន្តថា ប្រសិនជាស្ថានភាពនៅតែបែបនេះ លោកនឹងផ្លាស់ប្តូរទីតាំងរកស៊ី មកកាន់រាជធានីភ្នំពេញជំនួសវិញ ព្រោះការពឹងផ្អែកលើមូលដ្ឋាន និងសក្តានុពលរបស់ខេត្ត នៅមានកម្រិតនៅឡើយ។

រាជរដ្ឋាភិបាល បានជ្រើសរើសខេត្តមណ្ឌលគិរី ជាមូលដ្ឋានស្នូលសម្រាប់ការអភិវឌ្ឈ នៅតំបន់ភូមិភាគឥសាន្ត ដោយសារខេត្តមណ្ឌលគិរី មានសក្តានុពលលើធនធានធម្មជាតិ និងសម្បូរមណីយដ្ឋានទេសចរណ៍ធម្មជាតិច្រើន ធៀបនឹងខេត្តនៅតំបន់នោះ៕

ក្រុមហ៊ុនអាកាសចរណ៍អន្តរជាតិត្រៀមសម្រុកពង្រីកផ្លូវហោះហើរក្នុងតំបន់អាស៊ី

ដោយ: គង់ លាងហួរ
អន្តរជាតិ: យោងតាមសារពត៌មាន VNexpress បានឱ្យដឹងថា ក្រុមហ៊ុនអាកាសចរណ៍នានា នៅតំបន់អាស៊ីអាគ្នេយ៍ កំពុងរៀបចំពង្រីកចំនួនជើងហោះហើរយ៉ាងច្រើន ដោយសារតម្រូវការភ្ញៀវទេសចរណ៍បន្តកើនឡើង។

អាជ្ញាធរទេសចរណ៍នៃប្រទេសថៃ (TAT) មានគោលបំណងទាញយកប្រយោជន៍ពីនិន្នាការនេះ ដោយកំណត់គោលដៅទៅលើទីផ្សារ “CIA” ដែលរួមមានប្រទេសចិន ឥណ្ឌា និងបណ្តាប្រទេសអាស៊ាន។ជាក់ស្តែង ប្រទេសថៃបានដាក់ចេញគោលដៅ ប្រកបដោយមហិច្ឆតា ដើម្បីទាក់ទាញភ្ញៀវទេសចរណ៍អន្តរជាតិ ឱ្យបានចំនួន២៥លាននាក់នៅឆ្នាំនេះ និង៣៥លាននាក់នៅឆ្នាំក្រោយ។

ដើម្បីឆ្លើយតបទៅនឹងតម្រូវការ ដែលកំពុងកើនឡើងនេះ ក្រុមហ៊ុន Thai Lion Air គ្រោងបើកជើងហោះហើរប្រចាំថ្ងៃ ចំនួន៦ឡើងវិញ ពីទីក្រុងបាងកក ទៅកាន់ទីក្រុងនានារបស់ប្រទេសចិន ដូចជាទីក្រុង Guangzhou ទីក្រុង Chengdu និងទីក្រុង Shanghai ។

លើសពីនេះទៀត ពួកគេនឹងចាប់ផ្តើមបើកជើងហោះហើរឡើងវិញ ទៅកាន់ទីក្រុងតូក្យូពីទីក្រុងបាងកក ហើយសកម្មភាពទាំងនេះគ្រោងនឹងចាប់ផ្តើមនៅពាក់កណ្តាលខែសីហានេះ។

លើសពីនោះ ក្រុមហ៊ុន EVA Airways ក៏កំពុងចូលរួមក្នុងសកម្មភាពនេះផងដែរ ដោយមានបំណងលើកកម្ពស់ប្រទេសថៃ ជាគោលដៅទេសចរណ៍កំពូល តាមរយៈបណ្តាញហោះហើរ ដ៏ធំទូលាយរបស់ខ្លួន ដែលគ្របដណ្តប់ទាំងលើតំបន់អាស៊ី អាមេរិកខាងជើង អឺរ៉ុប និងអូស្ត្រាលី។ទន្ទឹមគ្នានេះ ក្រុមហ៊ុន Nok Air កំពុងរៀបចំបើកជើងហោះហើរទៅកាន់ប្រទេសសិង្ហបុរីឡើងវិញ ហើយក្រុមហ៊ុនAir Asia ក៏កំពុងរៀបចំផែនការហោះហើរ ពីទីក្រុងបាងកក ទៅកាន់ទីក្រុង Cebu របស់ប្រទេសហ្វីលីពីនផងដែរ។

បន្ថែមពីនេះ ក្រុមហ៊ុន MYAirline មកពីប្រទេសម៉ាឡេស៊ីក៏កំពុងពិចារណា បើកជើងហោះហើរអន្តរជាតិ ទៅកាន់អាកាសយានដ្ឋានទីក្រុងបាងកក ក៏ដូចជាសេវាកម្មទៅកាន់គោលដៅ ពេញនិយមរបស់ប្រទេសថៃ ដូចជា ខេត្តភូកេត ខេត្តឈៀងម៉ៃ ខេត្តក្រាប៊ី និងកោះសាមុយផងដែរ៕

Japan’s economy to pick up in Q2 despite slowing global demand

TOKYO : Japan’s economy likely grew an annualised 3.1 per cent in April-June to mark a third straight quarter of expansion, according to a Reuters poll, helped by resilience in exports despite slowing global demand.

The increase would follow an annualised 2.7 per cent in the first quarter. On a quarter-on-quarter basis, the economy probably expanded 0.8 per cent.

“The data will show Japan’s economy is recovering moderately with consumption and capital expenditure maintaining momentum,” said Shinichiro Kobayashi, an economist at Mitsubishi UFJ Research & Consulting.

The data would be welcomed by the Bank of Japan which wants a slow but steady phase-out of its massive stimulus programme and took steps last week to allow long-term interest rates to rise more.

External demand likely added
0.9 per cent point to gross domestic product growth in April-June, after shaving off 0.3 per cent point in the first three months of this year, the poll showed.

Capital expenditure is expected to have risen 0.4 per cent after a 1.4 per cent increase and the poll called for private consumption to have edged up 0.1 per cent, slowing from a 0.5 per cent gain.

“Consumption has been recovering, mainly for services industries as the economy has re-opened.

But the recovery may have run its course as rising inflation weighs on real income,” said Ryutaro Kono, chief Japan economist at BNP Paribas.Source: Reuters

សេដ្ឋកិច្ចរបស់ប្រទេសជប៉ុននឹងបន្តកើនឡើងនៅក្នុងត្រីមាសទី២ ទោះជាតម្រូវការពិភពលោកដាំក្បាលចុះ

ដោយ: គង់ លាងហួរ
តូក្យូ: យោងតាមការស្ទង់មតិរបស់សារពត៌មាន Reuters បានឱ្យដឹងថាសេដ្ឋកិច្ចរបស់ប្រទេសជប៉ុនអាចនឹងកើនឡើងក្នុងអត្រាប្រចាំឆ្នាំ៣,១ភាគរយនៅត្រីមាសទី២ ដែលជាការកើនឡើងចំនួន៣ត្រីមាសជាប់ៗគ្នា ដោយសារភាពធន់ក្នុងការនាំចេញ ទោះបីជាតម្រូវការពិភពលោកធ្លាក់ចុះយ៉ាងណាក្តី។

ការកើនឡើងនេះគឺស្របតាមកំណើនសេដ្ឋកិច្ចប្រចាំឆ្នាំ២,៧ភាគរយនៅក្នុងត្រីមាសទីមួយ។ ប៉ុន្តែ បើផ្អែកលើមូលដ្ឋានធៀបនឹងត្រីមាស សេដ្ឋកិច្ចជប៉ុនប្រហែលជាកើនឡើងត្រឹមតែ០,៨ភាគរយប៉ុណ្ណោះនៅក្នុងត្រីមាសទី២។

លោក Shinichiro Kobayashi សេដ្ឋវិទូប្រចាំនៅក្រុមហ៊ុន Mitsubishi UFJ Research & Consulting បានមានប្រសាសន៍ថា “ទិន្នន័យនេះនឹងបង្ហាញថាសេដ្ឋកិច្ចរបស់ប្រទេសជប៉ុនកំពុងងើបឡើងវិញក្នុងកម្រិតមធ្យម រួមជាមួយនឹងសន្ទុះនៃការប្រើប្រាស់ និងការចំណាយមូលធន”។

យោងតាមការស្ទង់មតិបានបង្ហាញថា តម្រូវការខាងក្រៅទំនងជាបានកើនឡើង០,៩ភាគរយក្នុងត្រីមាសទី២ បន្ទាប់ពីបានធ្លាក់ចុះ០,៣ភាគរយក្នុងរយៈពេល៣ខែដំបូងនៃឆ្នាំនេះ។

ការចំណាយមូលធនត្រូវបានគេរំពឹងថានឹងកើនឡើង០,៤ភាគរយក្នុងត្រីមាសទី២ បន្ទាប់ពីកើនឡើង១,៤ភាគរយក្នុងត្រីមាសទី១ ហើយការប្រើប្រាស់ឯកជនអាចកើនឡើង០,១ភាគរយក្នុងត្រីមាសទី២ ពោលគឺថយចុះបើធៀបនឹងកំណើន០,៥ភាគរយក្នុងត្រីមាសទី១។

លោក Ryutaro Kono ប្រធានសេដ្ឋវិទូជប៉ុនប្រចាំនៅក្រុមហ៊ុន BNP Paribas បានលើកឡើងថា “ការប្រើប្រាស់បាននឹងកំពុងស្ទុះងើបឡើងវិញ ជាចម្បងសម្រាប់ឧស្សាហកម្មសេវាកម្ម ស្របពេលដែលដំណើរការសេដ្ឋកិច្ចបានបើកឡើងវិញ”៕

ផ្សារទំនើបតូចៗជាច្រើននៅវៀតណាមបិទទ្វារក្ស័យធន

ដោយៈ តែម សុខុម
ហូជីមិញ: ផ្សារទំនើបតូចៗជាច្រើន នៅក្នុងក្រុងហូជីមិញ ប្រទេសវៀតណាម ត្រូវបានប្រែក្លាយទៅជាអគារការិយាល័យ បន្ទាប់ពីលក់ដូរមិនដាច់ ស្ងាត់ដូចចោរលួចសេះ និងការឡើងថ្លៃឈ្នួលបានរុញច្រានឱ្យអ្នកជួលលក់រាយត្រូវរើចេញគ្មានសល់។

តួយ៉ាងបន្ទាប់ពីម៉ាកយីហោ Miniso បានប្រគល់ឱ្យវិញនូវទីតាំងដែលខ្លួនជួលនៅអគារ ថាវ ឌាន ភាល (Thao Dien Pearl Building) ក្នុងសង្កាត់ធូដុក (Thu Duc) នៃក្រុងហូជីមិញ ផ្សារទំនើបនៅទីនោះក៏ត្រូវបានប្រែក្លាយទៅជាអគារការិយាល័យ ដែលយកថ្លៃឈ្នួលក្នុងតម្លៃសមរម្យ បើធៀបនឹងការិយាល័យកម្រិតB។

យោងតាមសារព័ត៌មាន VN Express ចុះផ្សាយកាលពីថ្ងៃអាទិត្យ ទី៦ សីហា ឱ្យដឹងថា ថ្លៃឈ្នួលប្រចាំខែគឺចន្លោះពី២២ដុល្លារ ទៅ២៤ដុល្លារ ក្នុងមួយម៉ែត្រការ៉េ និងថ្លៃសេវាគ្រប់គ្រង៦ដុល្លារ ក្នុងមួយម៉ែត្រការ៉េ។

ទន្ទឹមនឹងនេះដែរ ថ្លៃឈ្នួលជាមធ្យមនៃការិយាល័យកម្រិត B នៅទីក្រុងហូជីមិញ ក្នុងត្រីមាសទី២ ដើមឆ្នាំនេះគឺស្ថិតក្នុងរង្វង់២៦,១១ដុល្លារ ក្នុងមួយម៉ែត្រការ៉េក្នុងមួយខែ។ នេះបើយោងតាមក្រុមហ៊ុនប្រឹក្សាអចលនទ្រព្យ JLL។

យោងតាមក្រុមហ៊ុនប្រឹក្សាអចលនទ្រព្យ Savills Vietnam ឱ្យដឹងថា ដូចអគារ ថាវ ឌាន ភាល (Thao Dien Pearl) អ៊ីចឹងដែរ អគារមួយចំនួនដែលមានផ្ទៃដីក្រឡា ក្រោម១០.០០០ម៉ែត្រការ៉េ នៅតាមតំបន់ជាយក្រុងហូជីមិញ កាលពីពេលថ្មីៗនេះ បានប្រែក្លាយផ្សារទំនើបលក់រាយទៅជាកន្លែងធ្វើការរួមគ្នា ឬអគារការិយាល័យ៕ VN Express៕

Pita, politics and policies: how the current political impasse is impacting Thailand’s property market

Thailand’s political deadlock is turning potential homebuyers cautious in Southeast Asia’s second-largest economy, posing risks to the property market as some 50,000 flats are likely to be launched this year, analysts say.

“The market is currently slow but quite stable in terms of supply and demand as local buyers are now adopting a more wait-and-see attitude, rather than making a decision,” said Wittaya Dave Apirakviriya, general manager of ThinkOfLiving.com and DDproperty, a unit of proptech group PropertyGuru.

“This is due to the current political situation as we are still in the process of forming a new government.”

Thailand’s political situation is in a bit of flux as Pita Limjaroenrat, the leader of the Move Forward Party that won the most seats in the May election, has been thwarted twice in his attempt to form a government by conservative members of the senate, most of whom have been appointed by the military junta.

In another setback, the Constitutional Court has decided to proceed with two cases against Pita for allegedly violating election rules.

To break the deadlock, Move Forward said it would give way to coalition partner Pheu Thai to try and form the government instead.

It remains to be seen, however, if the less liberal Pheu Thai will be able to convince members of the senate and assume power after parliament cancelled plans to elect a prime minister on Friday and said a new date would be set.

The political impasse is impacting the property market as real estate stakeholders expect the new government to implement measures to boost the market, Wittaya said.

The previous government cut fees for registering mortgages and transferring ownership from this year until the end of 2025. Extending these measures would help the property market, he added. Source: South China morning Post

ក្រុមអ្នកវិនិយោគសឹង្ហបុរីស្វែងរកឱកាសវិនិយោគនៅខេត្តព្រះសីហនុ

ដោយៈ គង់ ហ្វីអូណា
ព្រះសីហនុៈ អភិបាលរងខេត្តព្រះសីហនុ លោកឯម ភាពបានជំនួបជាមួយគណៈប្រតិភូសហព័ន្ធធុរកិច្ចសិង្ហបុរី បំពេញទស្សនកិច្ចសិក្សាស្វែងយល់អំពីសក្តានុពល និងឱកាសវិនិយោគ នៅខេត្តព្រះសីហនុ។

ក្នុងដំណើរទស្សនកិច្ចនាពេលនេះ លោកបានថ្លែងអំណរគុណចំពោះលោក ហ្គារី លីម ប្រធានសហព័ន្ធធុរកិច្ចសិង្ហបុរី និងលោក ម៉ៃ ខិលតាន់ នាយកប្រតិបត្តិក្រុមហ៊ុន Aquarii BD Cambodia ដែលបានសម្របសម្រួល និងដឹកនាំគណៈប្រតិភូសហព័ន្ធធុរកិច្ច សិង្ហបុរី បំពេញទស្សនកិច្ច សិក្សាស្វែងយល់អំពីសក្តានុពល និងឱកាសវិនិយោគ នៅខេត្តព្រះសីហនុ។

លោក ឯម ភាព អភិបាលរងខេត្តបានលើកឡើងថា ខេត្តព្រះសីហនុមានសក្តានុពលរួមមាន ធនធានធម្មជាតិតំបន់ឆ្នេរ ហេដ្ឋារចនាសម្ព័ន្ធផ្លូវថ្នល់ សកម្មភាពទេសចរណ៍ ការគ្រប់គ្រងបរិស្ថាន គម្រោងវិនិយោគនានា ក្នុងខេត្តទ្វេរពាណិជ្ជកម្មដ៏សំខាន់របស់ខេត្ត និងប្រទេសកម្ពុជា។

ខេត្តព្រះសីហនុមានកំពង់ផែអន្តរជាតិ ទឹកជ្រៅក្នុងប្រទេស មានហេដ្ឋារចនាសម្ព័ន្ធផ្លូវទឹក ផ្លូវដែក ផ្លូវគោក ផ្លូវអាកាស និងមានផ្លូវល្បឿនលឿន ជាសរសៃឈាមសេដ្ឋកិច្ចថ្មី នៅភាគនិរតីនៃប្រទេសកម្ពុជា។

ខេត្តព្រះសីហនុ មួយរយៈពេលចុងក្រោយនេះ មានកំណើនសេដ្ឋកិច្ច និងកំណើនប្រជាជន យ៉ាងឆាប់រហ័សស្របជាមួយ នឹងការផ្លាស់ប្ដូរយ៉ាងខ្លាំង ពិសេសលើហេដ្ឋារចនាសម្ព័ន្ធ ហើយវិស័យចម្បងក្នុងការអភិវឌ្ឍន៍ខេត្ត រួមមាន វិស័យឧស្សាហកម្ម ពាណិជ្ជកម្ម ទេសចរណ៍ និងកសិកម្ម ហិរញ្ញវត្ថុអប់រំ និងបណ្ដុះបណ្ដាលវិជ្ជាជីវៈ សំណង់ និងអចលនទ្រព្យ។

លោកក៏បានបញ្ជាក់បន្ថែមថា ដើម្បីអភិវឌ្ឍន៍ខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង ដោយសិក្សាបែងចែកជាតំបន់ លំនៅដ្ឋាន ពាណិជ្ជកម្ម ឧស្សាហកម្ម រដ្ឋបាលទេសចរណ៍ តំបន់សាសនា និងវប្បធម៌ជាដើម ផែនការនេះមានគោលបំណងប្រែក្លាយក្រុងព្រះសីហនុ ទៅជាទីក្រុងប្រកួតប្រជែងសាកលលោក មានភាពរីកចម្រើន និងពហុវប្បធម៌ តាមរយៈការទាក់ទាញវិនិយោគពីបរទេសក៏ដូចជាភ្ញៀវទេសចរណ៍។ អ្នកវិនិយោគអាចពិចារណាលើការវិនិយោគមួយចំនួននៅខេត្តព្រះសីហនុ រួមមាន គម្រោងទីក្រុងឆ្លាតវៃខណៈដែលខេត្តព្រះសីហនុ កំពុងអភិវឌ្ឍហើយជាទីក្រុងឆ្លាតវៃបច្ចុប្បន្នយើង ក៏រកដៃគូទទួលគម្រោងអភិវឌ្ឍន៍ ចំណតឆ្លាតវៃនៅមុខផ្សារលើ ពាក់ព័ន្ធគម្រោងទីក្រុងឆ្លាតវៃ យើងត្រូវការសេវាកម្មជាច្រើនមកជួយទីក្រុងរបស់យើង ទាំងអ្នកជំនាញបច្ចេកវិទ្យាឌីជីថល ការអភិវឌ្ឍន៍ទីក្រុង ទាំងការអនុវត្តគម្រោងអាទិភាព ដូចជា ការគ្រប់គ្រងសំរាមឆ្លាតវៃគម្រោងអប់រំ គម្រោងថែទាំសុខភាព និងប្រព័ន្ធទឹកភ្លើងឆ្លាតវ័យជាដើម។

ក្នុងដំណើរទស្សនកិច្ច នៅខេត្តព្រះសីហនុនាពេលនេះ លោក ហ្គារី លីម ប្រធានសហព័ន្ធធុរកិច្ចសិង្ហបុរី និងលោក ម៉ៃ ខិលតាន់ នាយកប្រតិបត្តិ Aquarii BD Cambodia បានវាយតម្លៃខ្ពស់ចំពោះការដឹកនាំរបស់ខេត្តព្រះសីហនុ ដែលមានការអភិវឌ្ឍយ៉ាងឆាប់រហ័សមិនតែប៉ុណ្ណោះខេត្តព្រះសីហនុ គឺជាខេត្តដែលមានសក្តានុពលជាច្រើន សម្រាប់ទាក់ទាញភ្ញៀវទេសចរណ៍ និងអ្នកវិនិយោគ មកបណ្ដាក់ទុន ហើយចំពោះដំណើរទស្សនកិច្ចនេះ លោកនឹងមានការចាប់អារម្មណ៍ជាច្រើន ចំពោះការធ្វើបទបង្ហាញរបស់ថ្នាក់ដឹកនាំខេត្ត អំពីសក្តានុពល និងការអភិវឌ្ឍរបស់ខេត្តព្រះសីហនុនាពេលបច្ចុប្បន្ន៕

តើភាពជាប់គាំងនយោបាយបច្ចុប្បន្នកំពុងជះឥទ្ធិពលលើទីផ្សារអចលនទ្រព្យរបស់ប្រទេសថៃយ៉ាងដូចម្តេច?

ដោយ: គង់ លាងហួរ
បាងកក: ក្រុមអ្នកវិភាគបានអះអាងថា ភាពជាប់គាំងនយោបា យរបស់ប្រទេសថៃ កំពុងធ្វើឱ្យអ្នកទិញផ្ទះ ដែលមានសក្តានុពលមានការប្រុងប្រយ័ត្ន និងអាចបង្កជាហានិភ័យ ដល់ទីផ្សារអចលនទ្រព្យផងដែរ។

ការវិភាគនេះបានធ្វើឡើង ស្របពេលដែលផ្ទះល្វែងប្រមាណ៥០.០០០យូនីត អាចនឹងបើកដាក់ឱ្យដំណើរការលក់ នៅឆ្នាំ២០២៣នេះ។នេះបើយោងតាមការចុះផ្សាយដោយសារពត៌មាន South China Morning Post នៅថ្ងៃអាទិត្យ ទី៦ ខែសីហា ឆ្នាំ២០២៣។លោក Wittaya Dave Apirakviriya អ្នកគ្រប់គ្រងទូទៅនៃក្រុមហ៊ុន ThinkOfLiving.com and DDproperty បានលើកឡើងថា “បច្ចុប្បន្ន ទីផ្សារមានភាពយឺតយ៉ាវ ប៉ុន្តែវាមានស្ថេរភាពក្នុងលក្ខខណ្ឌនៃការផ្គត់ផ្គង់ និងតម្រូវការ ដោយសារពេលនេះអ្នកទិញ នៅក្នុងស្រុកកំពុងរង់ចាំមើលស្ថានការណ៍ ជាជាងធ្វើការសម្រេចចិត្ត”។លោក Wittaya បានមានប្រសាសន៍បន្តឱ្យដឹងទៀតថា “នេះគឺបណ្តាលមកពីស្ថានការណ៍ នយោបាយថៃបច្ចុប្បន្ន ខណៈយើងកំពុងស្ថិតក្នុងដំណើរការបង្កើតរដ្ឋាភិបាលថ្មី”។

ស្ថានការណ៍នយោបាយរបស់ប្រទេសថៃ ស្ថិតក្នុងភាពប្រែប្រួល ខណៈលោកPita Limjaroenrat មេដឹកនាំគណបក្ស Move Forward ដែលបានឈ្នះអាសនៈច្រើនជាងគេ ក្នុងការបោះឆ្នោតកាលពីខែឧសភា បានបរាជ័យ២ដងរួចមកហើយ ក្នុងការបង្កើតរដ្ឋាភិបាល ដោយសារសមាជិកព្រឹទ្ធសភាភាគច្រើន ជាអ្នកអភិរក្សនិយម និងត្រូវបានតែងតាំងឡើងដោយរបបយោធា។

លើសពីនេះ តុលាការធម្មនុញ្ញថៃ បានសម្រេចបន្តសំណុំរឿងចំនួនពីរប្រឆាំងនឹងលោក Pita ពីបទបំពានច្បាប់បោះឆ្នោត។ លោក Wittaya បានបញ្ជាក់ថា “ភាពជាប់គាំងផ្នែកនយោបាយកំពុងជះឥទ្ធិពលមិនល្អ ដល់ទីផ្សារអចលនទ្រព្យ ខណៈដែលអ្នកពាក់ព័ន្ធក្នុងវិស័យអចលនទ្រព្យរំពឹងថា រដ្ឋាភិបាលថ្មីនឹងអនុវត្តវិធានការដើម្បីជំរុញទីផ្សារ”៕

1...836837838...3,255 Page 837 of 3,255