ការស្ទង់មតិ: ពលរដ្ឋអាមេរិកាំងបន្តបង្ហាញអារម្មណ៍ល្អប្រសើរឡើងវិញចំពោះបញ្ហាសេដ្ឋកិច្ច

ដោយ: គង់ លាងហួរ

វ៉ាស៊ីនតោន: យោងតាមការចុះផ្សាយ ដោយសារពត៌មាន CNN បានឱ្យដឹងថា បណ្តាអ្នកប្រើប្រាស់នៅសហរដ្ឋអាមេរិក បាននិងកំពុងមានអារម្មណ៍ល្អប្រសើរឡើង នៅក្នុងរដូវក្តៅនេះ ដោយសារអតិផរណាបានបន្តធ្លាក់ចុះ។

អារម្មណ៍របស់អ្នកប្រើប្រាស់ ដែលត្រូវបានតាមដានដោយសាកលវិទ្យាល័យ Michigan បានហក់ឡើង១១% នៅក្នុងខែកក្កដាបើធៀបនឹងខែមិថុនា ដោយឈានដល់កម្រិតខ្ពស់បំផុត ចាប់តាំងពីខែតុលា ឆ្នាំ២០២១។ នេះបើយោងតាមតួលេខចុងក្រោយនៃទិន្នន័យប្រចាំខែ។

តួលេខនេះ ជាលទ្ធផលដ៏ល្អប្រសើរមួយ គិតចាប់ពីខែមិថុនា ឆ្នាំ២០២២ ដែលនៅពេលនោះ អារម្មណ៍របស់អ្នកប្រើប្រាស់បានធ្លាក់ចុះដល់កម្រិតទាបបំផុត នៅលើកំណត់ត្រា ហើយអតិផរណាបានឈានដល់កម្រិតខ្ពស់បំផុត រយៈពេល៤ទសវត្សរ៍ក្នុងរង្វង់៩,១% ។

យោងតាមការចេញផ្សាយមួយបានបង្ហាញថា ការរំពឹងទុករបស់ជនជាតិអាមេរិក សម្រាប់អត្រាអតិផរណានៅឆ្នាំខាងមុខ បានកើនដល់អត្រា៣,៤% ពោលគឺស្ថិតនៅក្រោមកម្រិតខ្ពស់៥,៤% បើធៀបនឹងខែមេសា ឆ្នាំ២០២២។
លោក Joanne Hsu នាយកផ្នែកអង្កេតនៃសាកលវិទ្យាល័យ Michigan បានឱ្យដឹងនៅក្នុងការចេញផ្សាយមួយថា “សរុបមកការហក់ឡើងយ៉ាងខ្លាំង នៃមនោសញ្ចេតនាអ្នកប្រើប្រាស់ គឺបណ្តាលមកពីការបន្តថយចុះនៃអតិផរណា រួមជាមួយនឹងស្ថិរភាពនៅក្នុងទីផ្សារការងារផងដែរ”។

យោងតាមការស្ទាបស្ទង់មតិផ្សេងទៀត ក៏បានឆ្លុះបញ្ចាំងពីការកើនឡើងនូវសុទិដ្ឋិនិយមផងដែរ ដែលមួយផ្នែកបណ្តាលមកពីការធ្លាក់ចុះនៃអតិផរណានាពេលថ្មីៗនេះ។ ចំណែក សន្ទស្សន៍ទំនុកចិត្តអ្នកប្រើប្រាស់ប្រចាំខែ បានកើនឡើងសម្រាប់ខែទី៣ជាប់ៗគ្នា ក្នុងខែកក្កដា។

លើសពីនេះ យោងតាមការស្ទង់មតិទៅលើអ្នកសេដ្ឋកិច្ច និងអ្នកវិភាគ ដែលចេញផ្សាយដោយសមាគមជាតិ សម្រាប់សេដ្ឋកិច្ចធុរកិច្ចនៅសប្តាហ៍នេះបានបង្ហាញផងដែរថា អាជីវកម្មបានរីករាយក្នុងស្ថានភាពសេដ្ឋកិច្ចដែលល្អប្រសើរឡើង ដូចជាការកើនឡើងនៃការលក់ និងប្រាក់ចំណេញ រួមជាមួយនឹងការធ្លាក់ចុះនៃតម្លៃសម្ភារៈជាដើម៕

China’s housing minister urges efforts to strengthen property recovery

BEIJING : China needs more effective implementation measures such as lower home mortgage rates and down payment ratios for first-time home buyers to help spur home purchases, state media quoted a Chinese official as saying.

Speaking at a recent symposium with property developers and construction firms, Ni Hong, minister of housing and urban-rural development, underlined the significance of meeting residents’ essential housing demand and their needs for better living conditions, Xinhua reported late Thursday.

Ni promised efforts to ensure the delivery of presold homes, urging more action across the sector to consolidate the recovery of the property market.

Ni said the ministry has urged building companies and property developers to actively participate in affordable housing projects, the renovation of villages in cities, and public facility construction.

“It is necessary to deepen the structural reform of the housing supply side, strengthen scientific and technological empowerment, improve the quality of housing, and build ‘good houses’ for the people,” he said.Source: reuters

រដ្ឋាភិបាលទទួលស្គាល់ជាផ្លូវការសហគមន៍តំបន់ការពារធម្មជាតិ”តាតៃក្រោម”ក្នុងខេត្តកោះកុង

(ភ្នំពេញ)៖ ក្រោមការសម្របសម្រួលពីគម្រោង «និរន្តរភាពតំបន់ទេសភាព និងទេសចរណ៍ធម្មជាតិកម្ពុជា» សហគមន៍តំបន់ការពារធម្មជាតិ «តាតៃក្រោម» ត្រូវបានទទួលស្គាល់ជាផ្លូវការ ដោយក្រសួងបរិស្ថាន តាមប្រកាសលេ២៩០ ចុះថ្ងៃទី១៩ ខែកក្តដា ឆ្នាំ២០២៣។ នេះបើយោងការចេញផ្សាយដោយទំព័រ Facebook ផ្លូវការរបស់ក្រសួងបរិស្ថាន។

សហគមន៍តំបន់ការពារធម្មជាតិដែលត្រូវបានទទួលស្គាល់នេះ មានទំហំសរុប ៩៧.៣ហិកតា ស្ថិតនៅក្នុងដែនជម្រកសត្វ ពពាមក្រសោប ស្ថិតនៅភូមិអន្លង់វ៉ាក់ និងភូមិកោះអណ្តែត ឃុំតាតៃក្រោម ស្រុកកោះកុង ខេត្តកោះកុង។
ការរៀបចំបង្កើតសហគមន៍តំបន់ការពារធម្មជាតិ «តាតៃក្រោម» នេះមានគោលបំណងបង្កើនការចូលរួមគ្រប់គ្រងប្រើប្រាស់ធនធានធម្មជាតិប្រកបដោយចីរភាព និងរួមចំណែកលើកកម្ពស់ជីវភាពសហគមន៍ មូលដ្ឋានស្របតាមគោលនយោបាយរបស់រាជរដ្ឋាភិបាល។ បន្ថែមលើនេះ ការរៀបចំអភិវឌ្ឍសហគមន៍តំបន់ការពារធម្មជាតិ «តាតៃក្រោម» នឹងត្រូវរៀបចំស្រប់តាមលក្ខន្តិកៈ និងផែនការគ្រប់គ្រងស្របតាមច្បាប់ស្តីពីតំបន់ការពារធម្មជាតិ។

គួរបញ្ជាក់ផងដែរថា គម្រោងនិរន្តរភាពតំបន់ទេសភាព និងទេសចរណ៍ធម្មជាតិកម្ពុជា (CSLEP) ជាគម្រោងរបស់រាជរដ្ឋាភិបាលកម្ពុជា ដែលបាននឹងកំពុងដឹកនាំការអនុវត្តដោយក្រសួងបរិស្ថាន និងក្រសួងអភិវឌ្ឍន៍ជនបទ ក្រោមហិរញ្ញប្បទានរបស់ធនាគារពិភពលោក ហើយមានបំណងធ្វើឱ្យប្រសើរនូវការគ្រប់គ្រងតំបន់ការពារធម្មជាតិ និងជំរុញឱកាសសម្រាប់ការអភិវឌ្ឍទេសចរណ៍ធម្មជាតិ ដើម្បីបង្កើនច្រវ៉ាក់តម្លៃអនុផលព្រៃឈើនៅតំបន់ទេសភាពជួរភ្នំក្រវាញ និងបឹងទន្លេសាប។

នាពេលបច្ចុប្បន្ន គម្រោងនេះ បាននឹងកំពុងជួយគាំទ្រសហគមន៍ធម្មជាតិចំនួន៣០ នៅក្នុងខេត្តគោលដៅទាំង ៧រួមមាន៖ ខេត្តកោះកុង ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តកំពង់ធំ និងខេត្តសៀមរាប៕

ក្រុមហ៊ុន OCIC កំពុងអភិវឌ្ឍគម្រោងបុរីដ៏ធំមួយនៅភាគខាងកើតនៃខេត្តសៀមរាប

ដោយ: គង់ លាងហួរ

សៀមរាប: ខណៈពេលដែលមានការចាប់អារម្មណ៍យ៉ាងខ្លាំងទៅលើការអភិវឌ្ឍបុរី លើទឹកដីអរិយធម៌ ខេត្តសៀមរាប ក្រុមហ៊ុន OCIC បានកំពុងបន្តអភិវឌ្ឍ បុរី ដែលធំជាងគេ លើផ្ទៃដីសរុបប្រមាណ 70 ហិកតា នាភាគខាងកើតនៃខេត្តសៀមរាប ក៏ដូចជាការរួមចំណែកមួយយ៉ាងធំក្នុងការអភិវឌ្ឍលើវិស័យអភិវឌ្ឍលំនៅដ្ឋាន ក្នុងខេត្តសៀមរាប ចាប់ពី បំណាច់ឆ្នាំ 2017 រហូតមកដល់បច្ចុប្បន្ននេះ។ដោយសន្ទុះនៃការគាំទ្រយ៉ាងច្រើនពីសំណាក់អតិថិជន ទើបធ្វើអោយបុរីទេសចរណ៍ទទួលបានភាពជោគជ័យ កេរ្តិ៍ឈ្មោះល្បីល្បាញ និងកំពុងប្រែក្លាយជាសហគមន៍ដែលផ្ដល់នូវភាពស៊ីវីល័យ ងាយស្រួល ផាសុកភាព និងសុភមង្គលសម្រាប់អ្នករស់នៅ ដែលបណ្តុំទៅដោយផ្ទះវីឡាទោល ផ្ទះល្វែងអាជីវកម្ម ទីកន្លែងកម្សាន្ត និងការអប់រំ ដែលជាតម្រូវការចាំបាច់ក្នុងការរស់នៅ នាសតវត្សទី21 នេះ។

ប្លង់មេរបស់បុរីទេសចរណ៍ បានរចនាឡើងពីក្រុមស្ថាបត្យករ ដែលមានជំនាញច្បាស់លាស់ និងបទពិសោធន៍យូរឆ្នាំ ដែលការសិក្សារប្លង់មេនេះផ្ដោតលើការរស់នៅ ផ្សាភ្ជាប់ជីវិតប្រចាំថ្ងៃ និងធម្មជាតិ ដោយសំដៅយ៉ាងណាអោយអ្នកស្នាក់នៅ ទទួលបានអារម្មណ៍ស្រស់ថ្លា ក្នុងការរស់នៅប្រចាំថ្ងៃ ដែលរំលេចនូវ ធម្មជាតិបៃតង នៅបរិវេណ/លម្ហសាធារណៈ ក៏ដូចជាក្នុងលម្ហឯកជននៃលំនៅដ្ឋាននីមួយៗ។លោក ហង់ វិច្ចិដ្ត្រា ប្រធានផ្នែកលក់បុរីទេសចរណ៍ បានលើកឡើងថា “ ផ្ទះរបស់យើង គឺ លើសពីការសាងសង់នៃ បណ្តុំឥដ្ឋ ស៊ីម៉ងត៍ ប៉ុន្តែគ្រប់ម៉ូតផ្ទះ និងលម្ហសាធារណៈនៃគម្រោងរបស់យើង គឺបានផ្ដោតលើ ការផ្សាភ្ជាប់រវាងសំណង់ រួមនឹងបរិស្ថានធម្មជាតិជុំវិញ ក៏ដូចជាការទ្រទ្រង់ និងគាំទ្រដល់សហគមន៍ក្នុងតំបន់ ដោយបង្កើតអោយមានជាសកម្មភាពជួបជុំលក្ខណៈសហគមន៍ កន្លែងកម្សាន្តសម្រាប់កុមារ ផ្សារបន្លែធម្មជាតិចុងសប្តាហ៍ ដែលផ្គត់ផ្គង់ដោយកសិករក្នុងតំបន់ផ្ទាល់។ ក្នុងពេលដ៏ខ្លីខាងមុខនេះ យើងនឹងជម្រុញបន្ថែមសកម្មភាពពាណិជ្ជកម្ម ផ្ដោតលើសិប្បកម្មដែលធ្វើដោយដៃ និងស្នាដៃបង្កើតថ្មី ដែលនឹងផ្ដល់នូវឱកាសទីផ្សារសម្រាប់សិប្បករ និងអ្នកបង្កើតថ្មី។” លោកបានបន្តទៀតថា “ដោយហេតុផលនេះហើយ ទើបយើងមានទំនុកចិត្តថា តាមរយៈគំនិតផ្តួចផ្តើមនេះ វាមិនត្រឹមតែផ្តល់តម្លៃដល់អ្នករស់នៅក្នុងបុរីទេសចរណ៍ ប៉ុណ្ណោះទេ ប៉ុន្តែក៏ផ្តល់គុណតម្លៃសម្រាប់ សហគមន៍បុរីទេសចរណ៍ និងខេត្តសៀមរាបទាំងមូលផងដែរ។”លោក ហង់ វិចិ្ចដ្រ្តា បានបន្ថែមថា “ដើម្បីអបអរការបើកលក់នូវគម្រោងផ្ទះវីឡាកូនកាត់ម៉ូតថ្មី កម្ពស់ 3 ជាន់ដំបូងគេ ក្រុមហ៊ុនបានផ្ដល់នូវការរំលស់ 100% រហូតដល់25 ឆ្នាំ ដោយពុំមានតម្រូវការទ្រព្យបញ្ចាំអ្វីទាំងអស់ លើសពីនេះយើងក៏មាន ការបញ្ចុះតម្លៃពិសេសមិនធ្លាប់មាន សម្រាប់ផ្ទះ 10ខ្នងដំបូងតែប៉ុណ្ណោះ ជាការលើកទឹកចិត្តបន្ថែមដល់អតិថិជនដែលធ្វើការកក់ប្រាក់ក្នុងខែសីហានេះ ក្រុមហ៊ុននឹងផ្ដល់ជូន Promotion អស្ចារ្យ នូវការបង់ប្រាក់ដើមសុទ្ធរហូតដល់ 12 ខែ ”។ ដើម្បីទទួលបាននូវ Promotion នេះសូមទាក់ទងមកកាន់លេខ 077 266 209 ឬ 070 765 222។OCIC គឺជាគម្រោងវិនិយោគចម្រុះឈានមុខគេ ក្នុងប្រទេសកម្ពុជា ដែលកំពុងអភិវឌ្ឍនូវគម្រោងមេសំខាន់ៗ មានដូចជា គម្រោងបុរីទេសចរណ៍ អាកាសយានដ្ឋានអន្តរជាតិតេជោ ទីក្រុងកោះពេជ្រ ទីក្រុងកោះនរា ទីក្រុងរណបជ្រោយចង្វា និងទីក្រុងអូឡាំព្យា និងគម្រោងធំៗដទៃទៀត។

រដ្ឋាភិបាលឡាវគ្រោងបង្កើតច្បាប់ពន្ធដីធ្លីថ្មី ដើម្បីសម្របតាមស្តង់ដារអន្តរជាតិ និងកំណើនសេដ្ឋកិច្ចជាតិ

ដោយ: គង់ លាងហួរ
វៀងច័ន្ទ: លោក Santiphap Phomvihane រដ្ឋមន្ត្រីក្រសួងហិរញ្ញវត្ថុនៃប្រទេសឡាវ បានស្នើសេចក្តីព្រាងច្បាប់ថ្មីមួយ ស្តីពីពន្ធដីធ្លី ក្នុងសម័យប្រជុំសាមញ្ញលើកទី៥ នៃរដ្ឋសភាឡាវ នីតិកាលទី៦ កាលពីថ្ងៃទី៦ ខែកក្កដាកន្លងទៅ។

សេចក្តីព្រាងច្បាប់នេះ រួមមាន៤៨មាត្រា ៤ជំពូក និង៩ផ្នែក ដែលមានគោលបំណងជំនួសឱ្យច្បាប់ប្រមូលពន្ធដីធ្លីចាស់ ដែលបានប្រកាសក្នុងឆ្នាំ២០០០ និងបានកែសម្រួលក្នុងឆ្នាំ២០០៧។

លោក Santiphap បានមានប្រសាសន៍ថា ច្បាប់ចាស់ត្រូវបានប្រើប្រាស់អស់រយៈពេលជាង១៦ឆ្នាំមកហើយ ប៉ុន្តែបច្ចុប្បន្ន ការប្រមូលចំណូលពន្ធដីធ្លីមានកម្រិតទាប មិនស្របនឹងច្បាប់ដែលបានកែសម្រួល និងមានបញ្ហាប្រឈមក្នុងការអនុវត្ត។ លោកបន្តថា ដូច្នេះ យើងត្រូវបង្កើតច្បាប់ថ្មីមួយ ដែលកាន់តែតឹងរ៉ឹង និងមានភាពជាក់លាក់ជាងមុន។សេចក្តីព្រាងច្បាប់ថ្មីនេះផ្តោតជាសំខាន់ទៅលើការកំណត់ការប្រមូលពន្ធដីធ្លីស្របតាមស្តង់ដារអន្តរជាតិ ដោយផ្អែកលើកម្រិតនៃកំណើនសេដ្ឋកិច្ចក្នុងប្រទេសឡាវ (GDP) អត្រាអតិផរណា និងតម្លៃនៃពន្ធដីធ្លីដែលបានបង់នាពេលកន្លងមក។ ច្បាប់នេះនឹងធានាថា ការប្រមូលពន្ធមានតម្លាភាព យុត្តិធម៌ ប្រសិទ្ធភាព និងអាចផ្ទៀងផ្ទាត់បាន។

លោក Santiphap Phomvihane បានបន្ថែមថា ច្បាប់ពន្ធដារថ្មីក៏នឹងបង្កើនចំណូលពន្ធស្របតាមកំណើនសេដ្ឋកិច្ចសង្គម និងធ្វើទំនើបកម្មការប្រមូលពន្ធដីធ្លីប្រកបដោយភាពងាយស្រួល និងមានតម្លាភាព។

ដើម្បីជួយសម្រួលដល់អ្នកជាប់ពន្ធដីធ្លី និងតាមដានអ្នកដែលមិនទាន់បានបង់ពន្ធ ច្បាប់ថ្មីនេះនឹងបង្កើតប្រព័ន្ធគ្រប់គ្រង IT ដើម្បីអនុញ្ញាតឱ្យអ្នកបង់ពន្ធមានភាពងាយស្រួលក្នុងការទទួលបានព័ត៌មាន និងធ្វើការទូទាត់ប្រាក់។

លើសពីនេះទៀត លោក Santiphap ក៏បានពិភាក្សាអំពីអត្ថប្រយោជន៍បន្ថែមមួយចំនួននៃច្បាប់ស្តីពីពន្ធដីធ្លីថ្មី ដែលរដ្ឋសភាឡាវកំពុងពិចារណាក្នុងសម័យប្រជុំបច្ចុប្បន្នផងដែរ៕

ការដោះស្រាយវិវាទ ម្ចាស់គម្រោងនិងម្ចាស់ដីរបស់ក្រុមហ៊ុន ម៉ន ដានី បានឈានដល់ការស្រុះស្រួលនឹងគ្នាហើយ

ដោយៈ ហ្វីអូណា

ភ្នំពេញៈ និយ័តករអាជីវកម្មអចលនវត្ថុ និងបញ្ចាំ (ន.អ.ប.) សូមជម្រាបជូនដំណឹងដល់អតិថិជនទាំងអស់ ដែលបានទិញ លំនៅឋាន និងដីឡូត៍នៅក្នុងតម្រោង២៩ របស់ក្រុមហ៊ុន ម៉ន ដានី រៀល អ៊ីស្ទេត ឯ.ក។

សេចក្តីប្រកាសព៌តមានរបស់ស្ថាប័ននេះបានបញ្ជាក់ថា ក្រោយពីមានការសម្របសម្រួល អស់ជាច្រើនលើកច្រើនសារ របស់ក្រុមការងារដោះស្រាយវិវាទ ម្ចាស់គម្រោងនិងម្ចាស់ដី នឹងឈានដល់ការស្រុះស្រួលសះជានឹងគ្នា ដោយបានទុកពេលឱ្យមេធាវីតំណាង ភាគីទាំងពីររៀបចំនីតិវិធីលំអិត សម្រាប់ដំណើរការអាជីវកម្ម តម្រោងទី២៩ នេះឡើងវិញ។

ក្នុងន័យនេះ ន.អ.ប នឹងជួនដំណឹងសាជាថ្មី យ៉ាងយូរមុនថ្ងៃទី២១ ខែសីហា ឆ្នាំ២០២៣. អំពីការចាប់ផ្ដើមដំណើរការអាជីវកម្មតម្រោងទី២៩ ឡើងវិញ។ ដូច្នេះ សូមអតិថិជនទាំងអស់បន្តរក្សាភាពស្ងប់ស្ងាត់ ទុកពេលឱ្យនិយ័តករធ្វើការ ជាមួយមេធាវីរបស់ភាគីទាំងពីរ និងមិនត្រូវចូលរួមធ្វើបាតុកម្ម តាមការញុះញង់ របស់ជនខិលខូចមួយចំនួនតូចឡើយ៕

ក្រុមអ្នកជំនាញនគរូបនីយកម្មតម្រង់ទិសយកតំបន់រាម និងតំបន់មួយចំនួនជាតំបន់ទីក្រុងថ្មី

ដោយៈ ជេស៊ីកា

ព្រះសីហនុៈ អភិបាលរងខេត្តព្រះសីហនុ លោកឡុង ឌីម៉ង់បានថ្លែងថា ក្រុមអ្នកជំនាញផ្នែកនគរូបនីយកម្ម បានរៀបចំផែនការ និងតំរង់ទិស យកតំបន់រាម និងតំបន់មួយចំនួនទៀតជាទីក្រុងថ្មី។

លោកបានមានប្រសាសន៍ឲ្យដឹង តាមបណ្តាញតេឡេក្រាមកាលពីល្ងាចថ្ងៃទី២៧ កក្កដាថា ក្រៅពីតំបន់រាម អ្នកជំនាញបានចង្អុលបង្ហាញតំបន់ពយម៉ាចូវ តំបន់អូរត្រេះ ជាតំបន់ទីក្រុងថ្មី ប៉ុន្តែមិនមែន រដ្ឋាភិបាលបង្កើតទីក្រុងថ្មីនៅទីនោះទេ វាជាការសិក្សាតំរង់ទិសខាងហ្នុង ហើយរដ្ឋាភិបាលបានវិនិយោគ កសាងហេដ្ឋារចនាសម្ព័ន្ឋនៅតំបន់នោះ។លោកបញ្ជាក់ថា “ការវិនិយោគបាន និងកំពុងបំបែកទៅតំបន់នោះ ហើយគំរោងBay Of Light វាជាផ្នែកមួយនៃការរៀបចំទីក្រុងថ្មីទៅកាន់ទីនោះតាមអ្នកជំនាញ”។ លោកបន្តថា “ប៉ុន្តែវាមិនមែនBay Of Lightជាទីក្រុងថ្មីនៅតំបន់នោះទេ តែជាផ្នែកមួយនៃការចង្អុលបង្ហាញរបស់អ្នកជំនាញ ក្នុងការរៀបចំទីក្រុងថ្មីនៅតំបន់នោះ”។ លោកឡុង ឌីម៉ង់បានបន្តថា នេះគ្រាន់តែជាការចង្អុលបង្ហាញរបស់អ្នកជំនាញផ្នែកនគរូបនីយកម្ម ប៉ុន្តែមិនមែនត្រូវរើសាលាខេត្ត និងមន្ទីរពាក់ព័ន្ឋទៅកាន់តំបន់នោះទេ តែជាការធ្វើឡើងស្របតាមការតំរង់ទិសរបស់អ្នកជំនាញ៕

សេវាកម្មយន្តហោះចុះចតលើទឹកអាចនឹងដាក់ឱ្យដំណើរការនៅចុងឆ្នាំនេះ

ដោយៈ ជេស៊ីកា

ភ្នំពេញៈ មន្ត្រីនាយកដ្ឋានផែនការអភិវឌ្ឍន៍ទេសចរណ៍ នៃក្រសួងទេសចរណ៍ បានប្រាប់ឱ្យដឹងថា នៅចុងឆ្នាំ២០២៣នេះ ក្រុមហ៊ុន Royal Group Samra Seaplane នឹងដាក់ឱ្យដំណើរការសាកល្បងនូវយន្តហោះចុះចតលើផ្ទៃទឹក ប៉ុន្តែមិនទាន់កំណត់ថានឹងចាប់ផ្តើមពីខេត្តណាដំបូងគេនោះឡើយ។

លោក ជួប រតនា ប្រធាននាយកដ្ឋានផែនការអភិវឌ្ឍន៍ទេសចរណ៍បានមានប្រសាសន៍ឲ្យដឹង កាលពីចុងសប្តាហ៍មុនថា បន្ទាប់ពីលោកបានជួបពិភាក្សា ជាមួយតំណាងក្រុមហ៊ុន Samra Seaplane ដើម្បីពិភាក្សា លើកិច្ចសហប្រតិបត្តិការ លើកកម្ពស់សេវាធ្វើដំណើរផ្លូវអាកាសតាមរយៈយន្តហោះចុះចតលើផ្ទៃទឹក។លោកបន្តថា “សេវាធ្វើដំណើរផ្លូវអាកាស តាមរយៈយន្តហោះចុះចតលើផ្ទៃទឹក នឹងផ្តល់នូវភាពងាយស្រួលក្នុងការធ្វើដំណើរ និងចុះចត ដល់គោលដៅទេសចរណ៍ចម្បងៗ នៅតាមបណ្តាកោះឆ្នេរសមុទ្រកម្ពុជា និងខេត្តគោលដៅតំបន់ឦសានជាដើម”។

លោកជួប រតនា បានបញ្ជាក់ថា តាមផែនការ នៅក្នុងរដូវដែលមានភ្ញៀវច្រើន ឬ high season ក្រុមហ៊ុននេះ គ្រោងសាកល្បងដាក់ដំណើរការមួយគ្រឿង ដែលសេវាធ្វើដំណើរផ្លូវអាកាស តាមរយៈយន្តហោះចុះចតលើផ្ទៃទឹកនេះ មានភាពងាយស្រួល ប៉ុន្តែឥឡូវនេះគេកំពុងសិក្សាផ្នែកច្បាប់ ព្រោះច្បាប់យើងក៏មិនទាន់មានការគ្របដណ្តប់អស់លើយន្តហោះហោះលើផ្ទៃទឹកនេះដែរ។ យន្តហោះចុះចតលើផ្ទៃទឹកនេះ អាចផ្ទុកមនុស្សបានប្រមាណ៨ នាក់ ដែលវាជាកម្រិតស្តង់ដាល្អជាងគេមួយ សម្រាប់ការធ្វើដំណើរ ហើយតម្លៃតាមផែនការ ប្រមាណជា២ពាន់ដុល្លារ ក្នុងមួយយន្តហោះនេះ។ លោកបានលើកជាឧទាហរណ៍ថា ឧទាហរណ៍ថា ភ្ញៀវចង់ធ្វើដំណើរពីសៀមរាប ទៅគេងនៅកោះសង្សារ គឺយន្តហោះនេះហោះពីសៀមរាប ទៅចុះចតនៅកោះសង្សារតែម្តង ដែលវាមានភាពងាយស្រួលដែលអាចចុះចតលើផ្ទៃទឹកដូចជាទូកដែរ។លោក ធួន ស៊ីណាន ប្រធានក្រុមប្រឹក្សាភិបាល ក្រុមហ៊ុន IMCT ខូអិលធីឌី និងជាប្រធានសមាគមទេសចរណ៍ អាស៊ីប៉ាស៊ីហ្វិកកម្ពុជា (PATACC) បង្ហាញការគាំទ្រពីសេវាកម្មនេះផងដែរ។លោកបន្តថា “នេះជាអ្វីដែលយើងត្រូវការ ដើម្បីបំពេញបន្ថែមនូវសមត្ថភាព ក្នុងការទទួលភ្ញៀវទេសចរលំដាប់ខ្ពស់។ យើងមានអំណោយផលធម្មជាតិវាមិនគ្រប់គ្រាន់ទេ យើងចាំបាច់មានសេវាកម្មបំពេញបន្ថែម ដើម្បីគាំទ្រទើបគ្រប់តម្លៃនូវការទាក់ទាញភ្ញៀវ”។

កាលពីដើមខែមិថុនា ឆ្នាំ២០២៣ កន្លងទៅនេះ ក្រុមហ៊ុន Seaplane Asia Limited of Hong Kong និង Royal Group of Cambodia បានចុះហត្ថលេខាលើកិច្ចព្រមព្រៀងរួមគ្នាមួយ ដើម្បីចាប់ផ្តើមបើកប្រតិបត្តិការ លើយន្តហោះតាមសមុទ្រ នៅប្រទេសកម្ពុជា។

ប្រធានក្រុមហ៊ុន The Royal Group អ្នកឧកញ៉ាគិត ម៉េងបានលើកឡើងនាពិធីនោះថា លោកមានមោទនភាព ក្នុងការចូលរួមកម្លាំងជាមួយក្រុមហ៊ុន Seaplane Asia និងសូមណែនាំក្រុមហ៊ុន Royal Group Samra Seaplane ដែលជាសេវាអាកាសចរណ៍សមុទ្រលំដាប់ខ្ពស់ដំបូងគេនៅកម្ពុជា។

លោក ដេននីស ខេលឡឺ (Dennis Keller) នាយកប្រតិបត្តិនៃក្រុមហ៊ុន Seaplane Asia Limited បានលើកឡើងដែរថា កម្ពុជាមានសក្ដានុពលយ៉ាងធំធេង សម្រាប់ប្រតិបត្តិការលម្ហែកាយ លើផ្ទៃសមុទ្រ ដោយសារតែភាពស្រស់ ស្អាតធម្មជាតិដ៏អស្ចារ្យ និងសេដ្ឋកិច្ចរីកចម្រើន៕

Indonesia announces 10-year visa policy for foreigners

The Immigration Agency of Indonesia has announced that the “golden visa” policy will be implemented this July for foreign companies and citizens investing in the country.

Silmy Karim, head of the agency, claimed that the policy will benefit the country as visas will be granted selectively.

Companies applying for this visa must invest at least US$50 million in Indonesia, while individuals are required to invest a minimum of $350,000 in government bonds.

Silmy said it is also one of the government’s measures to screen qualified foreign tourists. The “golden visa” is valid for 5-10 years and allows its holder to conduct business and other activities in Indonesia.

Indonesian Tourism and Creative Economy Minister Sandiaga Uno expressed his hope that the “golden visa” will help attract more foreign investment in many fields and make Indonesia a center of sustainable economic growth.

Based on the definition of the Organization for Economic Co-operation and Development (OECD), the golden visa refers to a residence permit scheme through investment, or residency by investment.

This policy is implemented by a country through the mechanism of granting residence permits or citizenship to foreign citizens through investment or paying a certain fee.Source:VNexpress

ក្រុមហ៊ុនចិន Xinyi គ្រោងបោះទុនវិនិយោគ១១,៥ពាន់លានដុល្លារ សាងសង់រោងចក្រនៅឥណ្ឌូនេស៊ី

តែម សុខុម

ហ្សាការតាៈ រដ្ឋមន្ត្រីឥណ្ឌូនេស៊ី មួយរូបបានទម្លាយឱ្យដឹងកាលពីថ្ងៃសុក្រ ទី២៨ កក្កដាថា ក្រុមហ៊ុនផលិតកញ្ចក់ចិន Xinyi Glass Holdings Ltd បានប្តេជ្ញាបោះទុនវិនិយោគ១១,៥ពាន់លានដុល្លារ ដើម្បីសាងសង់រោងចក្រកែច្នៃខ្សាច់ ខ្វត (Quartz) នៅក្នុងប្រទេសឥណ្ឌូនេស៊ី។

លោករដ្ឋមន្ត្រី បាលីល ឡាហាដាលៀ (Bahlil Lahadalia) និយាយថា ក្រុមហ៊ុន Xinyi Glass Holdings Ltd បានចុះអនុស្សរណៈនៃការយោគយល់ (MoU) ជាមួយរដ្ឋាភិបាលឥណ្ឌូនេស៊ី កាលពីថ្ងៃសុក្រ សប្ដាហ៍នេះ។កិច្ចព្រមព្រៀងនេះធ្វើឡើង បន្ទាប់ពីគណៈប្រតិភូដឹកនាំដោយប្រធានាធិបតីឥណ្ឌូនេស៊ី បានធ្វើទស្សនកិច្ចទៅកាន់ទីក្រុងឈឹងទូ (Chengdu) ប្រទេសចិន ក្នុងសប្តាហ៍នេះ។

លោករដ្ឋមន្ត្រី បាលីល បានចេញសេចក្តីថ្លែងការណ៍ថា រោងចក្រថ្មីដែលគ្រោងទុកនឹងសាងសង់នៅលើកោះ រីមប៉ាង (Rimpang) ក្បែរកោះស៊ូម៉ាត្រា (Sumatra) ប្រទេសឥណ្ឌូនេស៊ី ជិតប្រទេសសិង្ហបុរី។

លោកបញ្ជាក់ថា ការវិនិយោគក្នុងទំហំទឹកប្រាក់១១,៥ពាន់លានដុល្លារ នេះគឺជាការវិនិយោគទី២ របស់ក្រុមហ៊ុន Xinyi នៅក្នុងប្រទេសឥណ្ឌូនេស៊ី បន្ទាប់ពីបានបោះទុនវិនិយោគ៧០០លានដុល្លារ កាលពីឆ្នាំមុននៅក្នុងខេត្តជ្វាខាងកើត (East Java)។

លោកលើកឡើងថា ៩៥%នៃទិន្នផលពីរោងចក្រខ្សាច់ Quartz ដែលប្រើសម្រាប់ផលិតកញ្ចក់ នឹងត្រូវនាំចេញ។ទោះជាយ៉ាងណា ពេលទីភ្នាក់ងារព័ត៌មាន Reuters ទាក់ទងទៅដើម្បីសុំការឆ្លើយបំភ្លឺជុំវិញរឿងនេះ ក្រុមហ៊ុន Xinyi មិនបានឆ្លើយតបភ្លាមៗនោះទេ៕ Reuters៕

1...845846847...3,255 Page 846 of 3,255