ដោយៈគង់ សូរិយា

        ខេត្តកែបៈ ការទទួលបានដីលំហែរជាប់មាត់សមុទ្រ ជាការកម្រមួយដែលអ្នកស្វែងរកដីប្រភេទនេះពិបាករក ដោយសារមានតម្លៃថ្លៃ ធៀបជាមួ​យ​ដី​ដទៃទៀត។

ជាក់ស្តែងនៅក្រុងព្រះសីហនុ ដីជាប់មាត់សមុទ្រមានតម្លៃចន្លោះពី២០០០ ទៅ៣០០០ដុល្លារក្នុងមួយម៉ែត្រការ៉េ ស្របពេលដីនៅខេត្តកំពត ដែលមានទីតាំងជាប់មាត់ព្រែកកំពង់បាយ ក្នុងខេត្តកំពតមានតម្លៃមិនក្រោ​ម​ចន្លោះពី៥០០ ទៅ១០០ដុល្លារក្នុងមួយម៉ែត្រការ៉េផងដែរ។

លោកCooler Tanអគ្គនាយកក្រុមហ៊ុនYongsia Real Estate ដែលបាននិងកំពុងអភិវឌ្ឍន៍ដីលំហែរកាយ នៅក្នុងទឹកដីក្រុងកែបបានមានប្រសាសន៍ឲ្យដឹងកាលពីពេលថ្មីៗនេះថា ដីជាប់មាត់សមុទ្រនៅតែជាដី មានតំលៃជាងគេនាពេលអនាគត វាអាចកើនតំលៃដល់ទៅរាប់ពាន់ដុល្លាក្នុងមួយម៉ែត្រការ៉េ នៅពេលតំបន់នោះមានការអភិវឌ្ឈន៍ល្អ។

លោកបន្តថា ប៉ុន្តែបច្ចុប្បន្ននេះ ដីជាប់មាត់សមុទ្រក្នុងក្រុងកែប មានតំលៃធូថ្លៃនៅឡើយ បើអ្នកណាហ៊ានវិនិយោគនៅពេលនេះ អ្នកនោះ នឹងទទួលបានផ្លែផ្កាច្រើននាពេលអនាគត”។ លោកបន្តថា “ដីក្នុងខេត្តកែប ដែលបាន និងកំពុងអភិវឌ្ឍន៍គំរោងឆ្នេរលំហែរ និងបានកែច្នៃជាច្រើន ដើម្បីបង្កើតក្តីសុបិនរបស់អតិថិជន នឹងឡើងថ្លៃខ្ពស់ ដោយអ្នកទិញ នឹងទទួលបានដីលំហែរដ៏ប្រណីត និងមានឱកាសចំណេញខ្ពស់”។

គំរោងឆ្នេរសមុទ្រកោងកាងបាន និងកំពុងអភិវឌ្ឍន៍លើហេដ្ឋារចនាសម្ព័ន្ឋយ៉ាងច្រើន និងប្រកបដោយប្រណីតភាព ដែលបច្ចុប្បន្នក្រុមហ៊ុនYoungsia Real Estateបានអភិវឌ្ឍន៍ ដោយជីកព្រែកសប្បនិម្មិត ពត់ពែនតាមដងព្រែក សាងសង់ស្ពានឈើប្របមាត់សមុទ្រ សម្រាប់ដើរកំសាន្តប្រវែង១០០០ម៉ែត្រ ដាំដើមដូងប្រមាន៥០០ដើម ជាមួយនឹងរូបសំណាក ក្តាមសប្បនិម្មិតជាដើម។

លើសពីនេះ គម្រោងនេះ ក៏ស្ថិតនៅជាប់ឆ្នេរដែលមានខ្សាច់សក្បុរ មានព្រែដើមកោងកាងដ៏ស្រស់បំព្រង ទេសភាពស្រែអំបិល និងជួរភ្នំដ៏វែងអន្លាយផងដែរ ហើយអ្វីកាន់តែពិសេសអ្នកទៅលេងកំសាន្ត និងទិញដីនៅក្នុងគំរោងនេះអាចជិះអូរប័រ ចេញពីគំរោងទៅកាន់សមុទ្រ មើលទិដ្ឋភាពថ្ងៃរះ និងថ្ងៃលិចបានយ៉ាងស្រស់ស្អាតផងដែរ៕

ដោយៈ គង់ សូរិយា

        សៀមរាបៈ កសាងមូលដ្ឋានទេសចរណ៍មួយ លើទឹកដីពោរពេ​ញ​ដោយសក្តានុពល និងអច្ឆរិយៈសម្រាប់ខេត្តសៀមរាប អ្នកអភិវឌ្ឈន៍័គំរោងបំពេញរាជ បាននិងកំពុងសម្រេចតាមក្តីស្រម៉ៃ របស់ប្រជាពលរដ្ឋមូលដ្ឋាន និងភ្ញៀវទេសចរណ៍ជាតិ អន្តរជាតិបណ្តើរៗ។

ដោយមានទំហំដីជាង៣០០ហិកតា គំរោងនេះ បាននិងកំពុងរៀបចំឡើងតាមដំណាក់កាលរបស់ខ្លូន ដោយការលក់ដីលំហែរក្នុងតម្លៃសមរម្យ សាងសង់ទីកន្លែងលំហែរ ដែលមានបឹង មានបឹងងហ្កាឡូ មានសួនច្បារ មានដើមឈើធំៗរាប់រយដើម ដែលមានប្រភេទខុសៗគ្នា សម្រាប់ជាទីតាំងលំហែរកំសាន្តផង និងសម្រាប់សិក្សាស្វែងយល់ពីអ្នករក្ខវិទូវិទ្យាផងដែរ។

ជាមួយផែនការចំពោះមុខ ការអភិវឌ្ឈន៍គំរោង “បំពេញរាជ”បាននិងកំពុងដើរស្រប តាមគោលនយោបាយរបស់រដ្ឋាភិបាល និងគាំទ្រដល់គោលនយោបាយជាតិ លើការលើកកំពស់ជីវភាពប្រជាពលរដ្ឋនៅមូលដ្ឋាន ដែលពួកគេនឹងទទួលបានផលចំណូលពីវិស័យទេសចរណ៍។ ភ្ជាប់នឹងនិស្ស័យស្រលាញ់បាល់ទាត់ អ្នកអភិវឌ្ឈន៍គំរោងបំពេ​ញរាជ លោកម៉េត មករា និងលោកទៀ សុខាបាននិងកំពុងកសាងថ្នាលយុវជន “សៀមរាបយូណាយធីត” ដើម្បីប្រែក្លាយយុវជនទាំងនេះអាចចូលប្រកួត ក្នុងព្រឹត្តិការណ៍អន្តរជាតិធំៗ និងចូលរូមប្រកួតជម្រុះWorld Cupនៅឆ្នាំ២០៣០ផងដែរ។

ការគោរពស្រលាញ់មេដឹកនាំ ពិសេសសម្តេចតេជោហ៊ុន សែននាយករដ្ឋមន្រ្តីនៃកម្ពុជា បានធ្វើឲ្យការដាក់ឈ្មោះគំរោងនេះ ជាការគាំទ្រ ដល់ការដឹកនាំរបស់ប្រមុខរាជរដ្ឋាភិបាលផង ជាការចូលរួមបំពេញរាជឲ្យសម្តេចតេជោ ចូលរួមបំពេញរាជឲ្យលោកបណ្ឌិតហ៊ុន ម៉ាណែត បេក្ខភាពនាយករដ្ឋមន្រ្តីកម្ពុជានាពេលអនាគត។

គំរោងបំពេញរាជ មានទីតាំងស្ថិតនៅទីរួមស្រុកបន្ទាយស្រី ដែលជាស្រុកមានប្រជាប្រិយភាព និងល្បីល្បាញដោយសារប្រាសាទបន្ទា​យស្រី ដែលមានរចនាបទ និងក្បូរក្បាច់រចនាដ៏រសរវើក។គំរោងនេះក៏ទទួលបានការគាំទ្រ និងការចង្អុលបង្ហាញណែនាំផ្ទាល់ពីលោកទៀ សីហាអភិបាលនៃគណៈអភិបាល ខេត្តសៀមរាបផងដែរ៕

ដោយៈ ជេស៊ីកា

        ភ្នំពេញៈ អ្នករៀបចំកម្មវិធីជំនួបអាជីវកម្មលំដាប់អន្តរជាតិ ដែលមានសមាជិកជាសហគ្រិន រហូតដល់ជាង១០,០០០នាក់ បានលើកឡើងពីឱកាសចាប់ផ្តើមអាជីវកម្មនៅកម្ពុជា។

លោកDato Prof Dr Albert Tanស្ថាបនិកនៃក្រុមហ៊ុនAPGបានមានប្រសាសន៍ឲ្យ អគ្គនាយកគេហទំព័រPropertyarea.asia ដឹងក្នុងដំណើរទស្សនកិច្ច នៅទីក្រុងភ្នំពេញក្នុងសប្តាហ៍នេះថា កាលពី១០ឆ្នាំមុន ប្រជាពលរដ្ឋកម្ពុជានៅមានជីវភាពខ្វះខាតច្រើន ពួកគេបានគិតពីបញ្ហាជីវភាព និងខិតខំប្រឹងប្រែងលើកកំពស់ជីវភាពរបស់ពួកគេ។

លោកបន្តថា “ប៉ុន្តែពេលនេះ អ្វីៗបានផ្លាស់ប្តូរ ជីវភាពរបស់ប្រជាជនកម្ពុជាមានភាពប្រសើរឡើង ដែលធ្វើឲ្យវិនិយោគិនអន្តរជាតិសម្លឹងមើលមកកាន់ទីផ្សារនេះ”។ លោកបន្តថា “អ្វីដែលកម្ពុជាខ្វះខាត គឺកម្ពុជាមិនសូវបានផ្សព្វផ្សាយ ពីសក្តានុពលប្រទេសរបស់ខ្លួន ទៅកាន់បរទេស ខណៈដែលប្រទេសជាច្រើន បានផ្សព្វផ្សាយព៌តមានអវិជ្ជមានពីកម្ពុជា”។

លោកDato Prof Dr Albert Tanបានបញ្ជាក់ថា អ្នកវិនិយោគសឹង្ហបុរី តៃវ៉ាន់ និងប្រទេសមួយចំនួនទៀត គិតថាកម្ពុជាមានការចាប់ជំរិត ភេវរកម្ម និងអន្តិសុខជាដើម ជាហេតុធ្វើឲ្យពួកគេមិនសម្រេចចិត្តមកសិក្សាពីឱកាស និងស្វែងរកឱកាសវិនិយោគនៅកម្ពុជា។

លោកបន្តថា “នៅប្រទេសកម្ពុជា មានឱកាសវិនិយោគច្រើនណាស់ មាន​ឱកាសអាជីវកម្មជាច្រើននៅទីនេះ”។ លោកបន្ថែមថា “កម្ពុជាជាប្រទេសកំពុងអភិវឌ្ឍន៍ ជាឱកាសដែលអ្នកវិនិយោគអន្តរជាតិអាចស្វែងរកឱកាស និងផលចំណេញច្រើននៅទីនេះ”។

លោកDato Prof Dr Albert Tan បានពង្រីកក្រុមហ៊ុនAPG ទៅកាន់ប្រទេសស្ទើរទាំងអស់ក្នុងតំបន់អាស៊ាន និងប្រទេសជាច្រើនទៀតដូចជា កូរ៉េ ជប៉ុន ចិន តៃវ៉ាន់ ក្រុងហុងកុង និងប្រទេសមួយចំនួននៅក្នុងសហគមន៍អឺរ៉ុបផងដែរ៕

ដោយៈ ជេស៊ីកា

        ភ្នំពេញៈ បណ្តាអ្នកជំនាញលំដាប់អន្តរជាតិជាច្រើន បានសម្តែងសុទិដ្ឋនិយមពីទីផ្សារអចលនទ្រព្យ នឹងបន្តរីកចម្រើនរយៈពេលវែងបន្តទៀត។

ដោយឆ្លុះបញ្ចាំងពីចក្ខុវិស័យរយៈពេលវែង លោក Edward Lee នាយកប្រតិបត្តិនៃក្រុមហ៊ុនPrince Real Estateបានថ្លែងឲ្យដឹងកាលពីសប្តាហ៍មុនថា “វិស័យអចលនទ្រព្យ នឹងបន្តមានភាពរឹងមាំ ដែលជំរុញដោយបទប្បញ្ញត្តិ នៃការវិនិយោគងាយស្រួល និងគោលនយោបាយ របស់រដ្ឋាភិបាលដ៏អំណោយផល”។
លោកបន្តថា “ទោះ​ជាយ៉ាងណាក៏ដោយ លោកទទួលស្គាល់ថា វានឹងមានបញ្ហាប្រឈមនៅតាមផ្លូវ ប៉ុន្តែជាមួយនឹងការធ្វើផែនការ និងការអនុវត្តគោលនយោ​បាយត្រឹមត្រូវ កត្តាទាំងនេះអាចយកឈ្នះបាន”។

លោកEdward បានទទួលស្គាល់ថា ឥឡូវនេះ ពិតណាស់វានឹងមានបញ្ហាប្រឈម ប៉ុន្តែវាអាចត្រូវបានយកឈ្នះ ស្របតាមគោលន​យោ​បាយរបស់រដ្ឋាភិបាលដ៏ល្អ ក្នុងរយៈពេល៥ទៅ១០ឆ្នាំខាងមុខ”។

លោកបានបន្ថែមថា “ដរាបណាបរិយាកាសធុរកិច្ច ទូទៅនៅតែមានសុខភាពល្អ ដរាបណាអាជីវកម្មថ្មី បន្តចូលទៅកាន់ក្នុងទីផ្សារក្នុងស្រុក ហើយផលិតផលក្នុងស្រុកសរុបបន្តកើនឡើង ខ្ញុំជឿជាក់ថា ទោះបីជាមានការជំរុញខ្ពស់ជាងមុន ចំពោះរូបិយប័ណ្ណប្រាក់រៀលក្នុងស្រុកក៏ដោយ ប៉ុន្តែអ្វីៗទាំងអស់នឹងមិនអីនោះទេ”។

ជាមួយគ្នានេះ លោកបណ្ឌិតBen Li អគ្គនាយកក្រុ​មហ៊ុនUrban Hub ដែលកំពុងវិនិយោគគម្រោងធំមួយ នៅរាជធានីភ្នំពេញ និងគំរោងជាច្រើនទៀត នាពេលអនាគតបានមានប្រសាសន៍ថា “ប្រសិ​នជាអ្នកមានប្រាក់ អ្នកគួរវិនិយោគអចលនទ្រព្យនៅកម្ពុជា”។

លោកអះអាងបែបនេះ ដោយឈរលើមូលដ្ឋានមួយចំនួនដូចជា កក្តាសុខសន្តិភាព ស្ថេរភាពនយោបាយរយៈពេលវែង កំណើនសេដ្ឋកិច្ចដ៏លេចធ្លោ ធៀបនឹងប្រទេសក្នុងតំបន់ អត្រាប្រជាពលរដ្ឋវ័យក្មេងច្រើន និងអត្រាកំណើតមានភាពល្អប្រសើរជាងគេ ធៀបនឹងបណ្តាប្រទេសក្នុងតំបន់អាស៊ាន។

លោកបន្តថា “អាស៊ាន បាននិងកំពុងក្លាយជាតំបន់រីកចម្រើនលឿនជាងគេក្នុងពិភពលោក ហើយប្រទេសកម្ពុជាកំពុងទទួលបានផលប្រយោជន៍ច្រើនផងដែរ”។

ជាមួយគ្នានេះ លោកDato Prof Dr Alber Tanអគ្គនាយកក្រុមហ៊ុនរៀបចំ ជំនួបអាជីវកម្មលំដាប់អ​ន្តរជាតិ ប្រចាំប្រទេសម៉ាឡេស៊ីបានថ្លែងឲ្យដឹងថា មានឱកាសអាជីវកម្មច្រើនណាស់ នៅប្រទេសកម្ពុជា ដែលអ្នកវិនិយោគអន្តរជាតិជាច្រើន នឹងឈានជើងមកកាន់ប្រទេសនេះនាពេលឆាប់ៗខាងមុខ។លោកបន្តថា “ការវិនិយោគអចលនទ្រព្យនៅទីក្រុងភ្នំពេញ ជាឱកាសល្អ សម្រាប់អ្នកធុរកិច្ចអន្តរជាតិ”៕

ហាណូយ: សារព័ត៌មាន Vietnam News បានរាយការណ៍កាលពីថ្ងៃពុធថា ក្រុមហ៊ុនអភិវឌ្ឍន៍អចលនទ្រព្យវៀតណាមជាច្រើនកំពុងលក់បញ្ចុះថ្លៃទ្រព្យសកម្ម ខណៈពួកគេស្ថិតនៅក្រោមភាពតានតឹងផ្នែកសាច់ប្រាក់យ៉ាងធ្ងន់ធ្ងរ ស្របពេលមានស្ថានភាពទីផ្សារជួបការលំបាក។

រដ្ឋមន្ត្រីក្រសួងផែនការ និងវិនិយោគ លោក Nguyen Chi Dung បានថ្លែងប្រាប់កិច្ចប្រជុំសភាកាលពីថ្ងៃអង្គារកន្លងទៅថា “ក្រុមហ៊ុនអចលនទ្រព្យដែលមានកេរ្តិ៍ឈ្មោះខ្ពស់ៗជាច្រើនបានលក់ទ្រព្យសកម្មរបស់ពួកគេទាំងអស់”។លោកបន្តថា “ម្ចាស់ទ្រព្យសកម្មមួយចំនួនរងសម្ពាធយ៉ាងខ្លាំង ហើយវិនិយោគិនបរទេសកំពុងទទួលការបញ្ចុះតម្លៃ៥០ភាគរយ ខណៈដែលយើង បាន ព្រមាន ម្តង ហើយ ម្តង ទៀត អំពី ការ ចូល កាន់កាប់ របស់បរទេស លើក្រុមហ៊ុនក្នុង ស្រុក”។

លោកស្រី Duong Thuy Dung នាយកប្រតិបត្តិនៃក្រុមហ៊ុនអចលនទ្រព្យ CBRE Vietnam បានអះអាងថា “វិនិយោគិនបរទេសបានតាមដានយ៉ាងដិតដល់នូវទីផ្សារមួយរយៈនេះ ហើយពួកគេជាច្រើនបានចាប់ផ្តើមធ្វើសកម្មភាពហើយ”។

ទីផ្សារអចលនទ្រព្យរបស់ប្រទេសវៀតណាមបានដាំក្បាលចុះចាប់តាំងពីឆ្នាំ២០២២ ខណៈដែលអ្នកអភិវឌ្ឍន៍អចលនទ្រព្យត្រូវដោះស្រាយជាមួយនឹងអត្រាការប្រាក់ខ្ពស់ និងការទូទាត់សងបំណុលធំ។នៅឆ្នាំ២០២២ ចំនួនគម្រោងលំនៅដ្ឋានថ្មីបានធ្លាក់ចុះ៩០ភាគរយ គម្រោងអភិវឌ្ឍន៍ដែលមានស្រាប់បានធ្លាក់ចុះពាក់កណ្តាល ហើយគម្រោងអចលនទ្រព្យដែលបានសាងសង់បញ្ចប់បានធ្លាក់ចុះ៨១ភាគរយធៀបនឹងឆ្នាំ២០២១។

ទីផ្សារលំនៅដ្ឋានបានបង្ហាញពីសន្ទុះធ្លាក់ចុះជាបន្តបន្ទាប់នៅក្នុងត្រីមាសទី១ ដោយសារចំនួនប្រតិបត្តិការអចលនទ្រព្យលំនៅដ្ឋានបានធ្លាក់ចុះ៣៩ភាគរយបើធៀបនឹងរយៈពេលដូចគ្នាកាលពីឆ្នាំមុន។នេះបើយោងតាមទីភ្នាក់ងារគ្រប់គ្រងទីផ្សារលំនៅដ្ឋាន និងអចលនទ្រព្យស្ថិតក្រោមក្រសួងសំណង់វៀតណាម។

យោងតាមអាជ្ញាធរ គ្រប់ គ្រង ទីផ្សារ លំនៅឋាន និង អចលន ទ្រព្យ បាន ឱ្យដឹង ថា ប្រទេសវៀតណាមបានកត់ត្រាការធ្លាក់ចុះចំនួន៦៣ភាគរយនៃចំនួនក្រុមហ៊ុនថ្មីៗនៅក្នុងវិស័យអចលនទ្រព្យនៅក្នុងត្រីមាសទី១ ធៀបនឹងឆ្នាំមុន ខណៈដែលការបិទអាជីវកម្មជាអចិន្ត្រៃយ៍ក្នុងវិស័យនេះបានកើនឡើង៣០ភាគរយ  ហើយចំនួនក្រុមហ៊ុនដែលបិទជាបណ្តោះអាសន្នបានកើនឡើង៦១ភាគរយនៅក្នុងអំឡុង ពេល ដូច គ្នា នេះ។

ក្រុមអ្នកជំនាញខាងឧស្សាហកម្មបានអះអាងថា ទីផ្សារអចលនទ្រព្យរបស់ប្រទេសវៀតណាមត្រូវបានគេរំពឹងថា នឹងនៅតែបន្តដាំក្បាលចុះពេញមួយឆ្នាំ២០២៤ខាងមុខ ទោះបីជារដ្ឋាភិបាលបានដាក់ចេញវិធានការស្តារមួយចំនួនហើយយ៉ាងណាក្តី៕