ភិបាលត្រៀមដីប្រមាណ១.៤០០ហិចតាសម្រាប់អភិវឌ្ឍន៍ ព្រលានយន្តហោះថ្មីនៅខេត្តរតនគីរី

ដោយៈ វឌ្ឍនៈ

ភ្នំពេញៈ រដ្ឋាភិបាលបានត្រៀមដីចំនួន១.៤០០ហិចតាសម្រាប់អភិវឌ្ឍន៍ព្រលានយន្តហោះថ្មីក្នុងខេត្តនេះ នៅពេលអនាគត។

លោកញ៉ែម សំអឿន អភិបាលខេត្តរតនគីរី បានមានប្រសាសន៍នៅក្នុងសន្និសីទសារព័ត៌មានមួយ នៅព្រឹកថ្ងៃទី៤ មេសា ២០២៣ បានឱ្យដឹងថា ព្រលានយន្តហោះថ្មី ដែលរដ្ឋាភិបាលបានត្រៀមដីរួចរាល់ ហើយនោះគឺស្ថិតនៅក្នុងស្រុកលំផាត់ នៃខេត្តរតនគីរី។

លោកបន្តថា “ដីដែលរដ្ឋបានត្រៀម កាលពីមុននោះគឺបានក្លាយជាទីប្រជុំជន កណ្ដាលទីក្រុងទៅហើយ ដូចច្នេះវាមិនអាចសាងសង់ជាព្រលានយន្តហោះបានទេ”។ លោកបន្តថា ទីតាំងព្រលានយន្តហោះ ដែលតត្រូវត្រៀមសាងសង់នាពេលខាងមុខ ត្រូវលើកទៅទីតាំងផ្សេងដែលមានទំហំធំជាង”។

ដោយឡែកទីតាំងចាស់នេះ សម្រាប់ធ្វើជាសួនកម្សាន្តសម្រាប់ពលរដ្ឋក្នុងតំបន់នោះ នឹងត្រូវត្រៀមសាងសង់វិមានឯករាជ្យ ក្នុងខេត្តរតនគីរីផងដែរ ។

លោកអភិបាលខេត្តបានបន្តថា ព្រលានយន្តហោះខេត្តរតនគីរីនេះដែរ គឺបានសិក្សាចប់ហើយ ហើយក៏បានអញ្ជើញមន្ត្រីជំនាញខាងអាកាសចរស៊ីវិល មកពិនិត្យមើលបន្ថែមទៀត ដែលអាចនឹងត្រូវសាងសង់ពេលណាមួយនោះ គឺត្រូវពិនិត្យជាបន្តបន្ទាប់ទៀត។

លោកញ៉ែម សំអឿនបានបន្ថែមថា ទីតាំងត្រៀមសម្រាប់កសាងព្រលានយន្ដហោះថ្មីនេះ គឺស្ថិតនៅចន្លោះរវាងខេត្តមណ្ឌលគីរី ខេត្តស្ទឹងត្រែង ខេត្តក្រចេះ និងខេត្តរតនគីរី ។ ទីតាំងព្រលាយន្ដហោះថ្មីនេះ ជាទីតាំងប្រកបដោយសក្ដានុពលខ្ពស់ ដោយមានចម្ងាយប្រមាណ១០០គីឡូម៉ែត្រ ពីទីរួមខេត្តរតនគិរី។ យ៉ាងណាក្ដី ថ្វីត្បិតតែដីសម្រាប់ត្រៀមសាងសង់ ព្រលានយន្តហោះអន្តរជាតិ នៅក្នុងខេត្តរតនគីរីបានត្រៀមរួចហើយក្ដី តែមកដល់ពេលនេះ នៅតែមិនទាន់មានក្រុមហ៊ុនណា បានដាក់ទុនសម្រាប់អភិវឌ្ឍន៍ គម្រោងព្រលានយន្តហោះនេះនៅឡើយទេ ហើយលោករំពឹងថាក្រោយស្ថានភាពសេដ្ឋកិច្ចបានប្រសើរ នឹងមានក្រុមហ៊ុនចូលទៅកាន់តំបន់នោះ ដើម្បីសិក្សាពីការដាក់ទុនវិនិយោគ ។

លោកអភិបាលខេត្តរតនគិរីបង្ហាញក្ដីរំពឹងថា នៅពេលខេត្តរបស់ខ្លួនមានព្រលានយន្ដហោះថ្មីនោះ នឹងទទួលបានអ្នកវិនិយោគកាន់តែច្រើនបន្ថែមទៀត ហើយជាផ្នែកមួយក្នុងការជួយរុញ កំណើនសេដ្ឋកិច្ចសង្គម សេដ្ឋកិច្ចគ្រួសាររបស់ប្រជាពលរដ្ឋក្នុងមូលដ្ឋាន។

ព្រលានយន្តហោះមួយទៀត នៅខេត្តមណ្ឌលគីរីដែលគ្រោងថានឹងបើកការដ្ឋាននៅចុងឆ្នាំមុន ឬដើមឆ្នាំនេះ បានប្រកាសពន្យារពេលសាងសង់ដោយមិនទាន់កំណត់ ពេលវេលាជាក់លាក់នៅឡើយ ដោយគម្រោងនោះ បានសិក្សាចប់សព្វគ្រប់រួចរាល់ និងរង់ចាំតែអ្នកជំនាញពីខាងចិនចុះមកសិក្សាបន្ថែមប៉ុណ្ណោះ ។

ក្នុងគ្រាដែលព្រលាយន្តហោះមណ្ឌលគីរី បានប្រកាសសាងសង់នោះ សន្ទុះតម្លៃដីធ្លីបានហក់ឡើងមួយប្រាវ ធ្វើឱ្យវិនិយោគិនក្នុងស្រុកជាច្រើនបានចុះទៅដល់ទីនោះ ដើម្បីស្វែងរកទិញដីនៅក្បែរៗព្រលានយន្តហោះ និងច្រកព្រំដេនកម្ពុជាវៀតណាម តែក្រោយមកសកម្មភាពទិញលក់ ក៏បានថមថយទៅវិញ ក្រោយពីការប្រកាសពន្យារពេលសាងសង់ព្រលានយន្តហោះមណ្ឌលគីរី ៕

លោកឧបនាយករដ្ឋមន្រ្តីជា សុផារ៉ានឹងចុះពិនិត្យវឌ្ឍនៈភាពលើការបញ្ចប់ការឈូសឆាយផ្លូវពីខ្នងភ្នំបូកគោ ទៅកាន់ផ្លូវជាតិលេខ៤

ដោយៈ ស៊ីវ ម៉េង

កំពតៈ បន្ទាប់ពីជម្នះឧបសគ្គយ៉ាងយូរ ទីបំផុតផ្លូវតភ្ជាប់ពីចំណុចវាលស្រែ៥០០ នៃខ្នងភ្នំបូកគោ ទៅកាន់ផ្លូវជាតិលេខ៤ឈូសឆាយបញ្ចប់១០០ភាគរយហើយ។

លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់នឹងអញ្ជើញពិនិត្យពីវឌ្ឍនភាព នៃការ សាងសង់ផ្លូវនេះ នៅថ្ងៃទី៨ មេសាខាងមុខនេះ។

អ្នកឧកញ៉ាបណ្ឌិត សុខ គង់ ប្រធានក្រុមហ៊ុនសុខាអូតែលបានអញ្ជើញចុះត្រួតពិនិត្យផ្លូវថ្មី១ខ្សែនេះ ដែលជាផ្លូវដ៏សំខាន់ និងជាផ្លូវប្រវត្តិសាស្រ្ត តភ្ជាប់ឧទ្យានជាតិព្រះមុនីវង្សបូកគោ ឆ្ពោះទៅកាន់ផ្លូវជាតិលេខ៤ មានប្រវែងសរុប៦១គីឡូម៉ែត្រនេះ។

អ្នកឧកញ៉ាសុខ គង់បានប្រើប្រាស់អ្នកជំនាញការជាតិ អន្តរជាតិ ក្នុងការកសាងផ្លូវមួយខ្សែនេះ ដោយប្រើប្រាស់ប្រព័ន្ឋGoogle Mapដើម្បីត្រួសត្រាយតម្រាយផ្លួវនេះ ដែលជាផ្លូវថ្មី ត្រូវសាងសង់ពុះកាត់ភ្នំ ផ្ទាំងថ្មធំៗ អូរ និងជ្រោះផងដែរ។

ផ្លូវថ្មីនេះ នឹងដើរតួនាទីកាន់តែសំខាន់ ក្នុងការលើកកំពស់សេដ្ឋកិច្ចនៅក្នុងខេត្តកំពត ពិសេសជម្រុញការអភិវឌ្ឍទីក្រុងបូកគោ កាន់តែសកម្ម និងរសរវើកថែមទៀត ខណៈរហូតមកទល់ពេលនេះក្រុមហ៊ុនសុខាអូតែល បានចំណាយប្រាក់ចន្លោះពី៤០០ ទៅ៥០០លានដុល្លាររួចហើយ ដើម្បីវិនិយោគនៅទីក្រុងនេះ។

បច្ចុប្បន្នក្រុមហ៊ុនសុខាអូតែល បាននិងកំពុងសាងសង់ពុទ្ឋបដិមាទ្រង់ព្រះភ្នែន កំពស់១០៨ម៉ែត្រ ដែលជាកំពស់ខ្ពស់ជាងគេនៅលើពិភពលោក។

អ្នកឧកញ៉ាសុខ គង់បានមានប្រសាសន៍ឲ្យអគ្គនាយកគេហទំព័រPropertyarea.asiaដឹងកាលពីពេលថ្មីៗនេះថា លោកចង់រួមចំណែកជាមួយរដ្ឋាភិបាល ដើម្បីអភិវឌ្ឍន៍សេដ្ឋកិច្ច សង្គមកម្ពុជា ពិសេសលើកកំពស់សេដ្ឋកិច្ច និងវិស័យទេសចរណ៍នៅខេត្តកំពត ឲ្យមានភាពរីកចម្រើនមួយកម្រិតទៀត។

អ្នកឧកញ៉ាបានបញ្ជាក់ថា “បើខ្ញុំមិនចង់ហត់នឿយ និងចង់ចូលនិវត្តន៍ ហើយដើរកំសាន្តនៅតាមបណ្តាប្រទេសនានា ខ្ញុំមានលុយគ្រប់គ្រាន់សម្រាប់ដើរ ប៉ុន្តែខ្ញុំសុខចិត្តហត់នឿយ ដើម្បីជួយរួមចំណែកអភិវឌ្ឍន៍សេដ្ឋកិច្ចកម្ពុជា”៕

ផ្លូវជាតិថ្មីៗប្រវែងជាង១៣០គីឡូម៉ែត្រពន្យារពេលសាងសង់ដល់ឆ្នាំ ២០២៧ដោយសារបញ្ហាសេដ្ឋកិច្ចនិងវិបត្តិ

ដោយៈ វឌ្ឈនៈ

ភ្នំពេញៈ គម្រោងផ្លូវជាតិតភ្ជាប់ពីអូរជុំខេត្តរតនគីរី ដល់ត្រពាំងគ្រៀលខេត្តស្ទឹងត្រែង ដែលមានប្រវែងប្រមាណជាង១៣០គីឡូម៉ែត្រ បានពន្យារពេលសាងសង់ដល់ឆ្នាំ២០២៧ខាងមុខ។

មូលហេតុនៃការពន្យាពេលនេះ ដោយសារតែកម្ពុជា បានជួបវិបត្តិកូវីដ១៩ និងស្ថានភាពសេដ្ឋកិច្ចសកល មិនទាន់មានភាពប្រាកប្រជានៅឡើយ ។

លោកសាយ សាមាន ប្រធានមន្ទីរសាធារណការ និងដឹកជញ្ជូនខេត្តរតនគីរី បានមានប្រសាសន៍ឲ្យដឹងនាព្រឹកថ្ងៃទី៤ មេសាថា ផ្លូវពីអូរជុំទៅដល់ត្រពាំងគ្រៀល ត្រូវចែកចេញជាពីរកំណាត់គឺពីអូរជុំទៅវ៉ឺនសៃ មានប្រវែងប្រមាណ២៨គីឡូម៉ែត្រ សព្វថ្ងៃនេះ នៅជាផ្លូវដីគ្រួសក្រហមនៅឡើយ ហើយមួយកំណត់ទៀតពីវ៉ឺនសៃ ទៅត្រពាំងគ្រៀលមានប្រវែង១០៤,៤៥គីឡូម៉ែត្រ ដែលផ្លូវនេះនឹងតភ្ជាប់ទៅព្រំប្រទល់កម្ពុជា ឡាវ ។

លោកបន្តថា បើតាមគម្រោងថវិកាជាតិផ្លូវនេះ នឹងចាប់ផ្ដើមអនុវត្តន៍សាងសង់នៅឆ្នាំ២០២៧។ពីមុនផ្លូវនេះ មានគម្រោងថានឹងសាងសង់នៅឆ្នាំ ២០២២កន្លងទៅ ប៉ុន្តែដោយសារស្ថានភាពសេដ្ឋកិច្ច និងការចំណាយរបស់រដ្ឋាភិបាលច្រើន ទៅលើការទប់ស្កាត់កូវីដ១៩បានពន្យារដល់ឆ្នាំ២០២៧។ នេះជាអ្វីដែលរដ្ឋមន្ត្រី ក្រសួងសាធារណការនិងដឹកជញ្ជូន បានបញ្ជាក់ក្នុងរបាយការណ៍ប្រចាំឆ្នាំ ២០២២ ។

ជាការកត់សម្គាល់ទីណា មានការអភិវឌ្ឍហេដ្ឋារចនាសម្ព័ន្ធ តម្លៃអចលនទ្រព្យ ជាពិសេសដីធ្លីនៅតំបន់នោះ តែងតែទទួលបានកំណើនឡើងបន្ថែមទៀត។ ជាក់ស្ដែងតំបន់ដាច់ស្រយាលនៃខេត្តពោធិ៍សាត់ ផ្លូវអន្ទង់អាំង វាលវែង ពីមុនគ្មានអ្នកណានឹកដល់នោះឡើយ តែក្រោយពីរាជរដ្ឋាភិបាល សាងសង់ផ្លូវនេះរួចរាល់ ទាំងភ្ញៀវទេសចរ និងវិនិយោគិនក៏បានទៅដល់ទីនោះ ហើយវិនិយោគិនដីធ្លីក្នុងស្រុកជាច្រើន បានទិញដីត្រៀមរួចជាស្រេច ដើម្បីត្រៀមស្វាគមន៍ដៃគូវិនិយោគមកពីបរទេស មកបណ្ដាក់ទុនវិនិយោគរួមគ្នា អភិវឌ្ឍន៍តំបន់នោះ ឱ្យកាន់តែមានភាពរីកចម្រើនទៅតាមសក្ដានុពល ។

លោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា ការសាងសង់ហេដ្ឋារចនាសម្ព័ន្ធផ្លូវថ្នល់នេះបានផ្ដល់អត្ថប្រយោជន៍ច្រើនណាស់ ដល់សង្គមជាតិ ក្នុងនោះពលរដ្ឋងាយស្រួលធ្វើដំណើរ ហើយក៏ទាក់ទាញទេសចរជាតិ អន្តរជាតិទៅកាន់តំបន់រមណីយដ្ឋានថ្មីៗ និងរមណីយដ្ឋានដែលមានស្រាប់។

លោកបន្តថា មិនតែប៉ុណ្ណោះ ការអភិវឌ្ឍផ្លូវថ្មីៗក៏ដូចជាលើកកម្ពស់ផ្លូវចាស់ៗ ដែលមានស្រាប់ឱ្យមានគុណភាព ក៏ឃើញថាមានការវិនិយោគលើអចលនទ្រព្យ នៅតាមណ្ដោយផ្លូវទាំងនោះផងដែរ។

ក្នុងឆ្នាំ ២០២៣នេះ រាជរដ្ឋាភិបាលបានដាក់ផែនការ អភិវឌ្ឍហេដ្ឋារចនាសម្ព័ន្ធជាច្រើន ដែលគ្រោងនឹងចំណាយថវិការាប់ពាន់លានដុល្លារអាមេរិក ដើម្បីជំរុញកំណើនសេដ្ឋកិច្ចជាតិ ឱ្យកាន់តែរឹងមាំទោះបីជាបច្ចុប្បន្ននេះ ស្ថានភាពសេដ្ឋកិច្ចខាងក្រៅ កំពុងជួបបញ្ហាប្រឈមក្ដី៕

អភិបាលខេត្តព្រះសីហនុពន្យល់ពីការមិនជួសជុលផ្លូវជាតិលេខ៣

ដោយៈ គង់ សូរិយា

ភ្នំពេញៈ អភិបាលនៃគណៈអភិបាលខេត្តព្រះសីហនុ លោកគួច ចំរើនបានពន្យល់ពីការមិនទាន់ជួសជុលផ្លូវជាតិលេខ៣ ខណៈលោកបានអញ្ជើញបើកការដ្ឋាន ជួសជុលផ្លូវខេត្តលេខ១៤៩ ដោយចាក់ក្រាលដីល្បាយថ្មប្រវែង៧០០០ម៉ែត្រ។

ការជួសជុលផ្លូវថ្មីនេះ ស្ថិតក្នុងឃុំសាមគ្គី ស្រុកព្រៃនប់ ខេត្តព្រះសីហនុដោយមានការចូលរួមពីលោក លោកស្រីអភិបាលរងខេត្ត លោកនាយករដ្ឋបាលសាលាខេត្ត អភិបាលស្រុកព្រៃនប់ មេឃុំ និងប្រជាពលរដ្ឋ។

លោកអភិបាលខេត្តបានបញ្ជាក់ថា ហេតុអ្វីបានជាផ្លូវជាតិលេខ៣យើងមិនធ្វើការជួសជុល មិនមែនយើងមិនបានគិតគូរនោះទេ ផ្លូវនេះកន្លងមក ធ្លាប់មានការសាងសង់៣ដងរួមមកហើយ ទី១.សាធារណការ ២.ធ្វើដោយ ADB ៣.ចុងក្រោយធ្វើដោយក្រុមហ៊ុនចិន ដែលគេហៅថា ផ្លូវចិនយំ ព្រោះផ្លូវនេះធ្វើហើយខូចៗ ពេលនេះយើងមានការព្រួយបារម្មណ៍ខ្លាំង ដោយសារតែឡានធំបើកបរ ដឹកជញ្ជូនពី៥០ ទៅ៧០តោន មិនធានាការដឹកជញ្ជូន តភ្ជាប់មកខេត្តមាត់សមុទ្ររបស់យើង។

លោកបន្តថា រាជរដ្ឋាភិបាលកំពុងធ្វើការគិតគូរ ព្រោះយើងបានធ្វើការសម្រេចចិត្តជាច្រើនដង ច្រើនសារវាជួបការលំបាក ចុងក្រោយយើងបានសិក្សាថាតើ យើងធ្វើផ្លូវបែបណា ដើម្បីការប្រើប្រាស់បានយូរ ការសិក្សាបានបញ្ជាក់ថា ធ្វើស្ពានបានកប់ក្នុងដីខួង ជារណ្តៅធ្វើជាស្ពានកប់ក្នុងដីប្រវែង៥គីឡូម៉ែត្រ និង១៣គីឡូទៀតយើងពង្រឹងគ្រឹះតាមលក្ខណៈបច្ចេកទេស ដើម្បីធានាការប្រើប្រាស់បានយូរអង្វែង ឆន្ទះរបស់រាជរដ្ឋាភិបាលនឹងកសាងផ្លូវនេះ ទីពីរយើងរកដៃគូពីចិនក្នុងការគាំទ្រហិរញ្ញវត្ថុ និងបច្ចេកទេសសម្រេចជោគជ័យ បានការព្រមព្រៀងសាងសង់ផ្លូវជាតិលេខ៣នេះ៕

គំនិតផ្តួចផ្តើមរបស់កម្ពុជានៅក្នុងតំបន់ពាណិជ្ជកម្មសេរីត្រូវការដៃគូនានាដើម្បីធានាបាននូវអត្ថប្រយោជន៍

ដោយ: គង់ លាងហួរ

ភ្នំពេញ: គំនិតផ្តួចផ្តើមមួយទាមទារ ឱ្យមានភាពជាដៃគូរវាងតំបន់ពាណិជ្ជកម្មសេរី(FTZ)នៅទូទាំងពិភពលោក ត្រូវបានដាក់ឱ្យដំណើរការនៅឯវេទិកា អភិវឌ្ឍន៍កំពង់ផែសេរីសកល ក្នុងអំឡុងសន្និសីទប្រចាំឆ្នាំរបស់វេទិកា Boao សម្រាប់តំបន់អាស៊ីឆ្នាំ២០២៣។

កំពង់ផែពាណិជ្ជកម្មសេរី Hainan បានចូលរួមជាមួយ FTZs សាកល្បងចំនួន១៩ នៅចិនដីគោក និង FTZs ក្រៅប្រទេសចំនួន៦ រួមទាំងតំបន់ Jebel Ali Free នៅទីក្រុងឌូបៃ ទីក្រុងសេរីអន្តរជាតិ Jeju របស់កូរ៉េខាងត្បូង និងតំបន់សេដ្ឋកិច្ចពិសេស ក្រុងព្រះសីហនុនៅកម្ពុជា។

លោក Li Rongcan ប្រធានគណៈកម្មាធិការ Hainan នៃសន្និសីទប្រឹក្សានយោបាយប្រជាជនចិន បានថ្លែងនៅក្នុងវេទិកាថា “តំបន់ពាណិជ្ជកម្មសេរី គឺជាអ្នកត្រួសត្រាយ ក្នុងការអភិវឌ្ឍន៍ប្រទេស និងតំបន់របស់ពួកគេ ហើយក្នុងការធ្វើឱ្យកិច្ចសហប្រតិបត្តិការ អន្តរជាតិកាន់តែស៊ីជម្រៅ”។

លោកសុខ សុភ័ក្រ្ត រដ្ឋលេខាធិការក្រសួងពាណិជ្ជកម្មកម្ពុជា ជឿជាក់ថា ការវិនិយោគធុរកិច្ច ការកសាងហេដ្ឋារចនាសម្ព័ន្ធ ការអភិវឌ្ឍន៍បច្ចេកវិទ្យា និងការកសាងធនធានមនុស្ស គឺជាកត្តាសំខាន់សម្រាប់ការអភិវឌ្ឍន៍របស់តំបន់ពាណិជ្ជកម្មសេរី FTZ ។

ទន្ទឹមនឹងនេះដែរលោក Li បានអះអាងថា “យើងសង្ឃឹមថា តំបន់ពាណិជ្ជកម្មសេរីនានា អាចធ្វើការរួមគ្នា ដើម្បីរួមចំណែកដល់ការអភិវឌ្ឍន៍ដ៏រឹងមាំ និរន្តរភាព តុល្យភាព និងរួមបញ្ចូលនៃសេដ្ឋកិច្ចពិភពលោកក្នុងយុគសម័យក្រោយជំងឺកូវីដ-១៩”។

ឆ្នាំនេះគឺជាឆ្នាំទី១០ ចាប់តាំងពីមានការបង្កើត តំបន់ពាណិជ្ជកម្មសេរីសាកល្បងនៅក្នុងប្រទេសចិន និងជាឆ្នាំទី៥ ចាប់តាំងពីការប្រកាសកំពង់ផែពាណិជ្ជកម្មសេរី នៅក្នុងខេត្ត Hainan ។

លោក Li បានបន្ថែមថា “រដ្ឋាភិបាលចិនយកចិត្តទុកដាក់យ៉ាងខ្លាំង ចំពោះការកសាងតំបន់ពាណិជ្ជកម្មសេរី និងអនុវត្តយុទ្ធសាស្រ្តនៃការធ្វើឱ្យប្រសើរឡើង នូវតំបន់ពាណិជ្ជកម្មសេរីសាកល្បង”៕

ប្រទេសចិនបើកផ្លូវដឹកទំនិញតាមអាកាសថ្មីភ្ជាប់ប្រេស៊ីល ខណៈទំហំពាណិជ្ជកម្មរវាងប្រទេសទាំងពីរកើនយ៉ាងគំហុក

ដោយៈ សុខុម

ប៉េកាំង: ផ្លូវដឹកទំនិញតាមអាកាសថ្មីមួយ ដែលតភ្ជាប់ទីក្រុងស៊ឹនជិន (Shenzhen) នៃប្រទេសចិន ទៅកាន់ទីក្រុងសៅ ប៉ូឡូ (Sao Paulo) នៃប្រទេសប្រេស៊ីល ត្រូវបានដាក់ឱ្យដំណើរការកាលពីថ្ងៃច័ន្ទ ទី៣ ខែមេសា។

មានការរំពឹងទុកថាវា ខ្សែរថភ្លើងនេះ នឹងជួយជំរុញពាណិជ្ជកម្មអេឡិចត្រូនិក (E-commerce) រវាងប្រទេសទាំងពីរ។

ផ្លូវអាកាសនេះ ត្រូវបានដាក់ឱ្យដំណើរការ ដោយអាកាសយានដ្ឋានអន្តរជាតិ Shenzhen Bao’an និង Cainiao Network ដែលជាបុត្រសម្ព័ន្ធដឹកជញ្ជូននៃក្រុមហ៊ុន E-commerce ខ្នាតយក្សរបស់ចិន Alibaba Group ដោយយន្តហោះBoeing 747 របស់ក្រុមហ៊ុន Atlas Air នឹងផ្ដល់ការដឹកជញ្ជូនទំនិញ២ជើងក្នុងមួយសប្ដាហ៍។

ជើងហោះហើរដំបូងដែលដឹកផលិតផល E-commerce ទម្ងន់១០០តោន បានហោះចេញពីទីក្រុងស៊ឹនជិន កាលពីថ្ងៃអាទិត្យ ចុងសប្ដាហ៍កន្លងទៅ។

យោងតាមអាកាសយានដ្ឋានខាងលើឱ្យដឹងថា ផលិតផលដែលលក់ដោយអាជីវកម្មឆ្លងដែន នៅក្នុងទីក្រុងស៊ឹនជិន និងទីក្រុងនានាជុំវិញក្រុងស៊ឹនជិន អាចប្រគល់ដល់ដៃអ្នកប្រើប្រាស់នៅប្រេស៊ីល “ក្នុងរយៈពេលជាងមួយសប្តាហ៍”។

ចាប់តាំងពីដើមឆ្នាំនេះមក អាកាសយានដ្ឋានអន្តរជាតិ Shenzhen Bao’an បានសហការជាមួយ ក្រុមហ៊ុនអាកាសចរណ៍ និងប្រតិបត្តិករដឹកជញ្ជូននានា ដើម្បីបើកផ្លូវអាកាសឆ្លងដែនថ្មីៗ ដោយការដឹកជញ្ជូនផលិតផល ឆ្លងកាត់ព្រំដែនតាមផ្លូវអាកាសបានកើនឡើង៧០%។

យោងតាមស្ថិតិពីរដ្ឋបាលគយរបស់ចិន បង្ហាញថា ពាណិជ្ជកម្មទ្វេភាគីរវាងប្រទេសចិន និងប្រទេសប្រេស៊ីល បានឈានដល់១៦១,៥ពាន់លានដុល្លារអាមេរិក ក្នុងឆ្នាំ២០២២ ដោយកើនឡើង៤,៩%៕ Xinhua៕

ប័នអន្តរជាតិមួយបានព្យាករណ៍ពីសេដ្ឋកិច្ចកម្ពុជានឹងសម្រេចបានកំណើនរហូតដល់៥,៤ភាគរយក្នុងឆ្នាំនេះ

ដោយ: គង់ លាងហួរ

ភ្នំពេញ: សេដ្ឋកិច្ចរបស់ប្រទេសកម្ពុជាត្រូវបានព្យាករណ៍ថា នឹងកើនឡើង៥,៤ភាគរយនៅឆ្នាំ២០២៣នេះ។ នេះបើយោងតាមរបាយការណ៍របស់អង្គការ សម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (OECD)។

ខណៈពេលដែលការផលិត បានដើរតួនាទីយ៉ាងសំខាន់ ក្នុងការងើបឡើងវិញនៃសេដ្ឋកិច្ច វិស័យទេសចរណ៍ត្រូវបានគេរំពឹងថា នឹងជួយជំរុញដល់កំណើននៅឆ្នាំនេះ ដោយសារការសម្រេចចិត្តរបស់ប្រទេសចិន ក្នុងការបោះបង់ចោលគោលនយោបាយ សូន្យកូវីដរបស់ខ្លួន។

កំណែចាប់ផ្តើមនៃទស្សនវិស័យ សេដ្ឋកិច្ចឆ្នាំ២០២៣សម្រាប់តំបន់អាស៊ីអាគ្នេយ៍ ចិន និងឥណ្ឌា៖ ការងើបឡើងវិញនៃវិស័យទេសចរណ៍ក្រោយជំងឺរាតត្បាត ដែលចេញផ្សាយដោយ OECD បានបង្ហាញថា ការងើបឡើងវិញនៃវិស័យទេសចរណ៍ នឹងបង្កើតការលេចធ្លាយជាវិជ្ជមាន ជំរុញឧស្សាហកម្មម្ហូបអាហារ និងបដិសណ្ឋារកិច្ចផងដែរ ខណៈដែលកិច្ចខិតខំប្រឹងប្រែង កាត់បន្ថយប្រាក់ដុល្លារពីសេដ្ឋកិច្ចកំពុងបន្ត។

ការព្យាករណ៍នេះក៏បានបង្ហាញផងដែរថា សេដ្ឋកិច្ចរបស់កម្ពុជាត្រូវបានគេរំពឹងថា នឹងកើនឡើង០,៨ភាគរយខ្ពស់ជាង អត្រាកំណើនជាមធ្យមនៃផលិតផល ក្នុងស្រុកសរុបពិតប្រាកដ (GDP) ក្នុងចំណោ មរដ្ឋជាសមាជិក នៃសមាគមប្រជាជាតិអាស៊ីអាគ្នេយ៍ (អាស៊ាន) ហើយកំណើន GDP របស់ប្រទេសកម្ពុជាត្រូវបានព្យាករណ៍ថា នឹងកើនឡើងដល់៥,៩ភាគរយនៅឆ្នាំ២០២៤។

ក្នុងនាមជាម្ចាស់ផ្ទះ នៃព្រឹត្តិការណ៍កីឡាអាស៊ីអាគ្នេយ៍ (SEA Games) នាពេលខាងមុខនេះ កម្ពុជាបានត្រៀមខ្លួនជាស្រេច ដើម្បីទទួលបានការជំរុញបន្ថែមទៀតលើវិស័យទេសចរណ៍។

ក្រុមហ៊ុនអាកាសចរណ៍វៀតណាម Bamboo Airways បានចាប់ផ្តើមប្រតិបត្តិការរួចទៅហើយ នៅលើផ្លូវហាណូយ-សៀមរាប ខណៈក្រុមហ៊ុន Bangkok Airways កំពុងដំណើរការពីទីក្រុងភ្នំពេញ។ លើសពីនេះទៀត ជើងហោះហើរពីសិង្ហបុរី និងម៉ាឡេស៊ីត្រូវបានគេរំពឹងថានឹងកើនឡើង ហើយការមកដល់របស់ភ្ញៀវទេសចរ នឹងឈានដល់កម្រិតខ្ពស់ជាងមុនពេលមានជំងឺកូវីដ-១៩។

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម (MoC) បានមានប្រសាសន៍ថា “វិស័យពាណិជ្ជកម្ម និងទេសចរណ៍បានដើរតួនាទីយ៉ាងសំខាន់ ក្នុងការងើបឡើងវិញនៃសេដ្ឋកិច្ច ជាពិសេសក្នុងការអភិវឌ្ឍន៍សេដ្ឋកិច្ច សង្គម ប្រកបដោយបរិយាប័ន្ន ភាពធន់ និងនិរន្តរភាពរបស់កម្ពុជា”៕

Cambodian, Chinese central banks discuss local currency settlement for cross-border trade

Cambodian and Chinese central bank officials have discussed the promotion of local currency settlement for cross-border trade between the two countries, said a statement released by the National Bank of Cambodia (NBC) on Saturday.

The talks were held between NBC’s Deputy Governor Chea Serey and Xuan Changneng, vice governor of the People’s Bank of China, on the sidelines of the Boao Forum for Asia in South China’s Hainan province.

Both officials vowed to strengthen financial cooperation between the two central banks for mutual benefits, the statement said.

“The meeting discussed the promotion of cross-border trade local currency settlement, increasing payment system connectivity and central bank digital currency,” it said.

“The deputy governors welcomed closer cooperation to develop appropriate policies to promote the above-mentioned topics with the objective of increasing payment network resiliency and efficiency to facilitate trade and investment between the two nations,” it added.

According to the statement, Serey joined a roundtable discussion with other central bank governors, policy makers and private sector leaders at the Boao Forum to discuss the topic of “Financial Infrastructure and Services in the Digital Era.”

Source: Xinhua

ធនាគារអភិវឌ្ឍន៍អាស៊ី: សេដ្ឋកិច្ចកម្ពុជានឹងស្ទុះឡើង៥,៥ភាគរយនៅឆ្នាំនេះ និង៦,៦ភាគរយនៅឆ្នាំ២០២៤

ដោយ: គង់ លាងហួរ

ភ្នំពេញ៖ យោងតាមរបាយការណ៍ចេញ ផ្សាយនៅថ្ងៃទី៤ខែមេសាដោយធនាគារអភិវឌ្ឍន៍អាស៊ី (ADB) បានឱ្យដឹងថា សេដ្ឋកិច្ចកម្ពុជាត្រូវបានព្យាករណ៍ថា នឹងកើនឡើងក្នុងអត្រា ៥,៥% ក្នុងឆ្នាំ ២០២៣ និង ៦,០% នៅឆ្នាំ ២០២៤ ដែលជំរុញដោយការងើបឡើងវិញដ៏រុឹងមាំនៃវិស័យទេសចរណ៍ និងកំណើនខ្ពស់ក្នុងវិស័យសេវាកម្ម។

នាយិកាប្រចាំប្រទេសកម្ពុជារបស់ធនាគារ ADB លោកស្រី Jyotsana Varma បានមានប្រសាសន៍ថា “ទោះបីជាតម្រូវការពិភពលោកចុះខ្សោយក៏ដោយ ក៏សេដ្ឋកិច្ចកម្ពុជាមានដំណើរការល្អនៅឆ្នាំ ២០២២ ដែលជំរុញដោយការងើបឡើងវិញនៃវិស័យទេសចរណ៍ដែលកំពុងបន្ត។ ទស្សនវិស័យសេដ្ឋកិច្ចរបស់កម្ពុជាមាន ភាពវិជ្ជមានជាមួយនឹងកំណើនដ៏រឹងមាំ ឱនភាពគណនីចរន្តដែលរួមតូច និងកម្រិតអតិផរណាមធ្យមនៅ
ឆ្នាំ២០២៣”។

យោងតាមទស្សនវិស័យអភិវឌ្ឍន៍អាស៊ី (Asian Development It’ll ឬ ហៅកាត់ថា ADO) ឆ្នាំ២០២៣ បង្ហាញថា វិស័យទេសចរណ៍ត្រូវបានរំពឹងថានឹងកើនឡើង ៧,៣% ក្នុងឆ្នាំ២០២៣ មុនពេលថយបន្តិច មកត្រឹម ៦,៨% នៅឆ្នាំ ២០២៤។ សម្ពាធអតិផរណាត្រូវបានរំពឹងថានឹងធ្លាក់ចុះមកអត្រាជាមធ្យម ៣,០% ក្នុងឆ្នាំ ២០២៣ និង ៤,០% នៅឆ្នាំ ២០២៤។

របាយការណ៍នេះរំលេចថា ទស្សនវិស័យសេដ្ឋកិច្ចកម្ពុជាក៏ជាលទ្ធផលនៃកិច្ចខិតខំប្រឹងប្រែងបន្តបន្ទាប់របស់ប្រទេស ក្នុងការបង្កើនការវិនិយោគបៃតង ដើម្បីទទួល បានសក្តានុពលកំណើនរយៈពេលវែង។

របាយការណ៍ទស្សនវិស័យអភិវឌ្ឍន៍អាស៊ី លើកឡើងថា សេដ្ឋកិច្ចរបស់កម្ពុជាបានកើនឡើង ប្រមាណ ៥,២% ក្នុងឆ្នាំ ២០២២ ជាពិសេសដោយសារកំណើនតម្រូវការខាងក្រៅលើផលិតផល និងសេវាកម្មទេសចរណ៍របស់កម្ពុជា ដែលជំរុញឡើងវិញនូវតម្រូវការអាហារ និងកន្លែងស្នាក់នៅ និងកំណើន អនុវិស័យពាណិជ្ជកម្ម ការដឹកជញ្ជូន និងទំនាក់ទំនងក្នុងស្រុក ជាមួយនឹងភាពប្រសើរឡើងនៃទំនុកចិត្ត។

ក្នុងការធ្វើដំណើរ និងការលុបចោលការរឹតបន្តឹងការធ្វើដំណើរ ការមកដល់នៃភ្ញៀវអន្តរជាតិបានស្ទុះងើបឡើងវិញយ៉ាងខ្លាំងដល់ប្រហែល ២,៣ លាននាក់ក្នុងឆ្នាំ ២០២២ ពីមូលដ្ឋានទាបប្រហែល ២០០.០០០ កាលពីឆ្នាំ ២០២១ ខណៈកំណើននៃវិស័យកសិកម្មបានធ្លាក់ចុះនៅឆ្នាំ ២០២២ ដោយសារតែតម្លៃប្រេង
ឥន្ធនៈ និង វត្ថុធាតុដើមសម្រាប់វិស័យកសិកម្មផ្សេងទៀត។

កំណើននៃការនាំចេញសម្លៀកបំពាក់ ស្បែកជើង និងទំនិញធ្វើដំណើរត្រូវបានព្យាករណ៍ថានឹងធ្លាក់ចុះ ដោយសារតែតម្រូវការខាងក្រៅចុះខ្សោយនៅក្នុងសហរដ្ឋអាមេរិកនិងអឺរ៉ុប ដែលជាទិសដៅនាំចេញដ៏សំខាន់។

ទោះជាយ៉ាងណាក៏ដោយ វិស័យឧស្សាហកម្មនៅតែបន្តទទួលបានអត្ថប្រយោជន៍ពីកំណែទម្រង់ គោលនយោបាយរួមទាំងច្បាប់វិនិយោគឆ្នាំ២០២១ ដែលបានបង្កើតសេវាកម្មច្រកចេញចូលតែមួយ សម្រាប់អ្នកវិនិយោគ និងពីកិច្ចព្រមព្រៀងពាណិជ្ជកម្មថ្មីៗ។

ផលិតផលឧស្សាហកម្មត្រូវបានរំពឹងថានឹងកើនឡើង ៥,៨% ក្នុងឆ្នាំ ២០២៣ មុននឹងហក់ឡើងដល់ ៧,៨% នៅឆ្នាំ ២០២៤។ កំណើនវិស័យសំណង់ត្រូវបានរំពឹងថានឹងនៅតែមានយឺតយ៉ាវ។ វិស័យកសិកម្មត្រូវបានព្យាករណ៍ថានឹងកើនឡើង ១,១% នៅឆ្នាំនេះ និង ១,២% ក្នុងឆ្នាំ ២០២៤ ដែលជំរុញដោយទិន្នផលដំណាំសម្រាប់ការនាំចេញ។

លោកស្រី Jyotsana Varma បានបន្ថែមថា “ហានិភ័យដែលអាចធ្វើឱ្យប្រែប្រួលទស្សនវិស័យនេះ រួមមានកំណើនខ្សោយនៅសហរដ្ឋអាមេរិកនិងអឺរ៉ុប កម្រិតខ្ពស់នៃបំណុលឯកជន កំណើនតិចជាងការរំពឹងទុកនៃការមកដល់នៃភ្ញៀវទេសចរ និងការវិនិយោគផ្ទាល់ពីបរទេសពីសាធារណៈរដ្ឋប្រជាមានិតចិន តម្លៃថាមពលខ្ពស់ និងព្រឹត្តិការណ៍អាកាសធាតុអាក្រក់ដែលប៉ះពាល់ដល់ផលិតភាពកសិកម្ម”។

ធនាគារ ADB កំពុងអនុវត្តគម្រោងវិនិយោគចំនួន ២,៤ ពាន់លានដុល្លារ ក្នុងប្រទេសកម្ពុជា ជាមួយប្រាក់កម្ចីប្រចាំឆ្នាំជាមធ្យមជាង៣៥០លានដុល្លារ ចាប់ពីឆ្នាំ ២០១៦ ដល់ឆ្នាំ២០២២។

ធនាគារអភិវឌ្ឍន៍អាស៊ី ប្តេជ្ញាថានឹងសម្រេចឱ្យបាននូវ វិបុលភាព បរិយាប័ន្ន ភាពធន់ និងនិរន្តរភាព ក្នុងតំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បីលុបបំបាត់ភាពក្រីក្រខ្លាំង។

ដោយបង្កើតឡើងនៅឆ្នាំ១៩៦៦ ធនាគារនេះត្រូវបានគ្រប់គ្រងដោយសមាជិកចំនួន ៦៨ ប្រទេស ដែលក្នុងនោះមាន៤៩ប្រទេសមានប្រភពមកពីតំបន់ខាងលើនេះ៕

BOJ bought record $1 trln JGBs last year to defend ultra-low rate policy

TOKYO : The Bank of Japan (BOJ) purchased a record $1 trillion of Japanese government bonds (JGBs) last fiscal year, as it tried to fend off investors’ attack on its ultra-low rate policy.

The central bank’s outright purchases of JGBs rose to an all-time high of 135.989 trillion yen ($1.02 trillion) in the year through March, almost double the amount a year earlier, a BOJ filing showed on Monday.

“This is an extraordinary amount when global central banks are tightening their monetary policy,” said Keisuke Tsuruta, fixed income strategist at Mitsubishi UFJ Morgan Stanley Securities.

“It will depend on the global environment, but the BOJ may have to spend massive amounts again this year if yields come under upward pressure and investors revive their bets on the BOJ’s policy change.”

The massive bond buying distorted the JGB market by artificially suppressing part of the yield curve and causing illiquidity as the BOJ’s ownership of benchmark bonds ballooned.

The BOJ, which remains an outlier in a global wave of monetary tightening by central banks, was forced into massive bond buying to defend its policy cap on the 10-year Japanese government bond yield .

With the country’s inflation already exceeding the BOJ’s 2 per cent target and wages at major firms on the rise, investors bet that the BOJ’s yield curve control (YCC) policy, which is uses to steer the benchmark 10-year JGB yield, would not be sustainable.

Speculation for a BOJ policy change accelerated in December after the central bank caught investors by surprise in widening the trading band of the 10-year JGBs to 0.5 per cent from 0.25 per cent.

In a sign that the BOJ may continue aggressive bond buying, the central bank on Friday raised the maximum size of its planned Japanese government bond (JGB) purchases for all maturities over the next three months.

In the previous fiscal year, the central bank made purchases of 72.87 trillion yen in JGBs.

($1=133.4700 yen)

(Additional reporting by Rocky Swift; Editing by Subhranshu Sahu and Jacqueline Wong)

1...980981982...3,258 Page 981 of 3,258