ហេតុអ្វីធនាគារកណ្ដាលជប៉ុនប្រមូលទិញចូលមូលបត្របំណុលរដ្ឋ ជាង១ទ្រីលានដុល្លារ?

ដោយៈ សុខុម

តូក្យូ: ធនាគារកណ្តាលជប៉ុន (BOJ) បានទិញចូលមូលបត្របំណុលរដ្ឋយ៉ាងច្រើន មិនធ្លាប់មានរហូតដល់ទៅជាង១ទ្រីលានដុល្លារ ក្នុងឆ្នាំសារពើពន្ធកន្លងទៅ ខណៈធនាគារនេះព្យាយាមការពារទប់ទល់ នឹងការវាយប្រហាររបស់បណ្ដាវិនិយោគិន មកលើគោលនយោបាយអត្រាដ៏ទាបបំផុតរបស់ខ្លួន។

យោងតាមឯកសាររបស់ធនាគារកណ្ដាលជប៉ុន បានបង្ហាញកាលពីថ្ងៃច័ន្ទ ទី៣ ខែមេសា ថា ការទិញចូលមូលបត្របំណុលរដ្ឋរហូតដល់ទៅ១,០២ទ្រីលានដុល្លារ ក្នុងឆ្នាំសារពើពន្ធគិតត្រឹមខែមីនា ដើមឆ្នាំ២០២៣ នេះបានកើនឡើងជិតទ្វេរដង បើធៀបនឹងមួយឆ្នាំមុននេះ។

លោក Keisuke Tsuruta អ្នកជំនាគខាងយុទ្ធសាស្រ្តប្រាក់ចំណូលថេរនៅក្រុមហ៊ុនមូលបត្រ Mitsubishi UFJ Morgan Stanley Securities លើកឡើងថា “នេះជាចំនួនដ៏ច្រើនសន្ធឹកសន្ធាប់ ស្របពេលធនាគារកណ្តាលទូទាំងពិភពលោក កំពុងរឹតបន្តឹងគោលនយោបាយរូបិយវត្ថុរបស់ខ្លួន”។

អ្នកជំនាញរូបនេះបន្ថែមទៀតថា “វានឹងពឹងផ្អែកលើបរិយាកាសសកល ប៉ុន្តែធនាគារកណ្ដាលជប៉ុន ប្រហែលជាត្រូវចំណាយប្រាក់យ៉ាងច្រើនសន្ធឹកសន្ធាប់ ជាថ្មីម្តងទៀតនៅឆ្នាំនេះ ប្រសិនបើទិន្នផលស្ថិតក្រោមសម្ពាធកើនឡើង ហើយវិនិយោគិននាំគ្នាភ្នាល់ឡើងវិញលើការកែប្រែគោលនយោបាយ របស់ធនាគារកណ្ដាលជប៉ុន”។

ធនាគារកណ្ដាលជប៉ុន បានបង្ខំចិត្តទិញចូលមូលបត្របំណុលរដ្ឋយ៉ាងច្រើនសន្ធឹកសន្ធាប់ ដើម្បីការពារគោលនយោបាយរបស់ខ្លួនលើមូលបត្របំណុលរដ្ឋរយៈពេល១០ឆ្នាំ៕ Reuters៕

តម្លៃមាសធ្លាក់ថ្លៃដោយសារបារម្ភខ្លាចធនាគារកណ្ដាលអាមេរិក ដំឡើងការប្រាក់

ដោយៈ សុខុម

រីយ៉ាដ: មាសបានធ្លាក់ថ្លៃកាលពីថ្ងៃច័ន្ទ ទី៣ ខែមេសា បន្ទាប់ពីអង្គការនៃប្រទេសនាំចេញប្រេង និងសម្ព័ន្ធមិត្តរបស់ខ្លួនដែលហៅកាត់ថា OPEC+ បានប្រកាសកាត់បន្ថយទិន្នផលប្រេង ដ៏គួរឱ្យភ្ញាក់ផ្អើល ដែលបង្កការព្រួយបារម្ភអំពីអតិផរណាហក់ឡើងខ្ពស់ ដែលនាំឱ្យធនាគារកណ្ដាលអាមេរិក (Federal Reserve) ឡើងការប្រាក់បន្ថែមទៀតក្នុងពេលដ៏ខ្លីខាងមុខ។

មាសបានធ្លាក់ថ្លៃ០,៦% មកនៅត្រឹម១.៩៥៦,៨៩ដុល្លារ ក្នុងមួយអោនកាលពីថ្ងៃច័ន្ទ ទី៣ ខែមេសា ដែលជាកម្រិតទាបបំផុតក្នុងពេលមួយសប្ដាហ៍។ ហាងឆេងមាសនៅសហរដ្ឋអាមេរិក បានធ្លាក់ថ្លៃ០,៧%មកនៅត្រឹម១.៩៧១,៣០ដុល្លារ ក្នុងមួយអោន។

លោក Matt Simpson អ្នកវិភាគទីផ្សារជាន់ខ្ពស់ នៅក្រុមហ៊ុនជួញដូរ City Index បានលើកឡើងថា មាសបានធ្លាក់ថ្លៃ “ខណៈបណ្ដាវិនិយោគិន បានថ្លឹងថ្លែងពីភាពទាក់ទាញនៃមាស ដែលជាទ្រព្យសកម្មដ៏មានសុវត្ថិភាព បើធៀបនឹងលទ្ធភាពនៃការដំឡើងអត្រាការប្រាក់ខ្ពស់ជាងសម្រាប់រយៈពេលវែងជាង។ ជាក់ស្ដែង ការព្រួយបារម្ភអំពីអតិផរណា និងអត្រាការប្រាក់ហក់ឡក់ឡើងខ្ពស់ បានធ្វើឱ្យមាសធ្លាក់ថ្លៃ”។

ប្រេងបានហក់ឡើងថ្លៃ បន្ទាប់ពីប្រទេសអារ៉ាប៊ីសាអូឌីត និងបណ្ដាប្រទេសផលិតប្រេងផ្សេងទៀត នៃអង្គការ OPEC+ បានប្រកាសកាត់បន្ថយទិន្នផលប្រេង ដែលវាអាចជាសញ្ញាបង្ហាញថា អតិផរណា នឹងហក់ឡើងទូទាំងពិភពលោក ពោលគឺតែប៉ុន្មានថ្ងៃក្រោយពីការធ្លាក់ចុះថ្លៃទំនិញនៅសហរដ្ឋអាមេរិក បានជំរុញឱ្យទីផ្សារមានសុទិដ្ឋិយមឡើងវិញ។

លោក Matt Simpson បានលើកឡើងបន្ថែមទៀតថា “ពេលនេះ មាសងាយនឹងធ្លាក់ថ្លៃមកនៅត្រឹម១.៩០០ដុល្លារ ក្នុងមួយអោនដោយសារលទ្ធភាព ដែលធនាគារកណ្ដាលអាមេរិក អាចនឹងដំឡើងអត្រាការប្រាក់កាន់តែខ្ពស់បន្ថែមទៀត”៕ Arab News៕

គំរោងដីលំហែរតម្លៃ៧លានដុល្លារអាមេរិកកំពុងលើកកំពស់ សក្តានុពលខេត្តកែប

ដោយៈ គង់ សូរិយា

ភ្នំពេញៈ គំរោងលើកកំពស់ការអភិវឌ្ឍ ស្របតាមគោលនយោបាយរបស់រដ្ឋាភិបាល បាននិងកំពុងលើកកំពស់ ដល់សក្តានុពលដែលមានស្រាប់របស់ខេត្តកែប។

វិនិយោគនៅក្នុងសហគមន៍អូរក្រសារ ជាមួយនឹងការសាងសង់និងរៀបចំហេដ្ឋារចនាសម្ព័ន្ឋដ៏សម្បូរបែប ឆ្នេរសមុទ្រកោងកាងបាននិងកំពុងទាក់ទាញការចាប់អារម្មណ៍ពីភ្ញៀវជាតិ អន្តរជាតិ ដោយសារដីនៅក្នុងគំរោងនេះ មានប្លង់រ៉ឹងត្រឹមត្រូវ ទទួលបានការគាំទ្រពីថ្នាក់ដឹកនាំខេត្ត និងជាគំរោងដែលអភិវឌ្ឍន៍ ប្រកបដោយនិរន្តរភាព ព្រោះគំរោងនេះបានសាងសង់ និងរៀបចំឡើងផ្សារភ្ជាប់នឹងបរិស្ថាន និងលើកកំពស់ដល់ការចូលរួមថែររក្សាបរិស្ថាន។

លោកCooler Tanអគ្គនាយកក្រុមហ៊ុនYoungsia Real Estate ដែលមានជំនាញលើការរៀបចំផែនការ និងទស្សនទាននៃការអភិវឌ្ឈន៍ថ្មី ជាមួយមូលដ្ឋានទុនយ៉ាងរ៉ឹងមាំ បានមានប្រសាសន៍ឲ្យដឹងកាលពីចុងសប្តាហ៍មុនថា ការវិនិយោគរបស់ក្រុមហ៊ុន បាននិងកំពុងដើរតាមលំអាន នៃផែនការមេរបស់ខេត្ត និងបានផ្តោតសំខាន់លើចីរភាពរបស់គំរោង ពិសេសធ្វើឲ្យអ្នកទិញដី ក្នុងគំរោងនេះទទួលបានផលចំណេញខ្ពស់ ព្រោះដីក្នុងសហគមន៍របស់យើង បាននិងកំពុងឡើងថ្លៃ ហើយនឹងកើនតម្លៃកាន់តែខ្ពស់នាពេលអនាគត។

លោកបន្តថា “មូលហេតុនៃកំណើនតម្លៃ ដោយសារខេត្តកែបកាន់តែទាក់ទាញ ដោយសារតម្លៃដីទាប ធៀបនឹងតំបន់ជាប់មាត់សមុទ្រដទៃទៀត”។ លោកបន្តថា “អ្វីដែលយើងផ្តល់ឲ្យអតិថិជន គឺលើសពីអ្វីដែលពួកគាត់ចង់បាន ព្រោះដីលំហែរេរបស់យើង មិនផ្តោតលើព៌តមានទេ តែយើងធ្វើពិត ធ្វើលឿន មិនមិនឲ្យអតិថិជនពិបាកសួរ”។

លោកCooler Tanបាននិងកំពុងរៀបចំ និងបញ្ចប់គំរោងជាច្រើន ដូចជាគំរោងបូកគោលែន១ បូកគោលែន២ បូកគោលែន៣ គំរោងឆ្នេរសមុទ្រកោងកាង ដែលរហូតមកទល់ពេលនេះ ការលក់សម្រេចបានប្រមាណ៧០ភាគរយ។

លើសពីនេះ លោកក៏បាននិងកំពុងអភិវឌ្ឍន៍គំរោង “ឋានសួគ៌លំហែរ” ស្ថិតនៅតាមបណ្តោយផ្លូវលេខ១៣២ ដែលជាតំបន់ប្រជុំដោយរមណីយដ្ឋានល្បីៗជាច្រើនផងដែរ ដូចជា រមណីយដ្ឋានអន្លង់ភ្ញៀវ រមណីយដ្ឋានកំពូលពេជ្រ និងរមណីយដ្ឋានត្រីមាសជាដើម។

ក្រុមហ៊ុនចិនមួយចំនួនចាប់ផ្តើមវិលត្រលប់ទៅវិនិយោគអចលនទ្រព្យនៅក្រុងព្រះសីហនុឡើងវិញ

ដោយៈ ជេស៊ីកា

ព្រះសីហនុៈ ក្រុមហ៊ុនចិនជាច្រើនបាន និងកំពុងស្វែងរកឱកាស និងចាប់ផ្តើមសាងសង់ គំរោងរបស់ពួកគេឡើងវិញ នៅក្រុងព្រះសីហនុ បន្ទាប់ពីពួកគេបានចាកចេញអស់រយៈពេលជាង៣ឆ្នាំ។

ជាក់ស្តែងក្រុមហ៊ុន Honchen(Cambodia) Limited និងLixin Groupបាន និងកំពុងរៀបចំដាក់បង្ហាញផ្ទាំង3Dដ៏ធំ នៅក្នុងគំរោងអភិវឌ្ឍន៍ចម្រុះរបស់ខ្លូន នាក្រុងព្រះសីហនុ នាថ្ងៃទី៨ មេសាខាងមុខនេះ។

ជាមួយគ្នានេះ កាលពីចុងខែមិនាកន្លងមកលោក ជាវ វិជ្ជាក់ អភិបាលរងខេត្តព្រះសីហនុ បានអនុញ្ញាតឱ្យគណៈប្រតិភូ នៃសមា គម HEHEHUI សាធារណរដ្ឋប្រជាមានិតចិន ចូលជួបសម្តែងការគួរសម និងពិភាក្សាការងារ ក្នុងគោលបំណងពង្រឹង និងពង្រីកកិច្ចសហប្រតិបត្តិការ ពាក់ព័ន្ធនិងពាណិជកម្ម សេដ្ឋកិច្ច វិនិយោគ ការទូត និងវប្បធម៌ កម្ពុជា-ចិន។

កាលពីចុងខែមិនាផងដែរ គឺថ្ងៃទី២៨ ខែមីនា ឆ្នាំ២០២៣ លោក ឡុង ឌីម៉ង់ អភិបាលរងខេត្តព្រះសីហនុ បានអញ្ជើញជាវាគ្មិន ក្នុងវេទិកា “កិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគសហគ្រិនកម្ពុជា-ចិន” ដែលបានរៀបចំឡើងដោយក្រសួងពាណិជ្ជកម្មកម្ពុជា ដោយមានកិច្ចសហការពីសមាគម ហឺហឺហួយ (Hehehui) នៃសាធារណរដ្ឋប្រជាមានិតចិន។

តាមរយៈវេទិកានេះ វិនិយោគិនជាច្រើនបានបង្ហាញការចាប់អារម្មណ៍យ៉ាងខ្លាំង ហើយបានចាត់ទុកខេត្តព្រះសីហនុ ជាគោលដៅវិនិយោគមួយនៅកម្ពុជា ដែលនេះជាសញ្ញាយ៉ាងវិជ្ជមានចំពោះសេដ្ឋកិច្ចកម្ពុជា និងខេត្តព្រះសីហនុ និយាយជារួម និងដោយឡែក។

អភិបាលនៃគណៈអភិបាលខេត្តព្រះសីហនុ លោកគួច ចំរើនបានមានប្រសាសន៍ឲ្យដឹងកាលពីពេលថ្មីៗនេះថា អាគារជាប់គាំងចំនួន៨៧នៅក្រុងព្រះសីហនុ បាននិងកំពុងចាប់ផ្តើមសាងសង់ឡើងវិញហើយ ខណៈរដ្ឋាភិបាលបាននិងកំពុងលើកទឹកចិត្ត និងបាននិងកំពុងរៀបចំពន្លឿនផែនការមេ ក្នុងការអភិវឌ្ឍខេត្តព្រះសីហនុ ជាតំបន់សេដ្ឋកិច្ចពហុបំណង៕

ឆ្នាំ២០២៣ ព្រលានយន្តហោះអន្តរជាតិថ្មីចំនួនពីរនឹងដាក់ដំណើរការជាមួយក្តីរំពឹងទាក់ទាញភ្ញៀវទេសចរនិងវិនិយោគិន

ដោយៈ វឌ្ឍនៈ

ភ្នំពេញៈ ឆ្នាំ២០២៣ អាចចាត់ទុកជាឆ្នាំល្អសម្រាប់កម្ពុជា ដែលទទួលបានសមិទ្ធផលថ្មីៗ និងធំៗសម្រាប់ជួយជំរុញដល់សេដ្ឋកិច្ច និងការវិនិយោគពីក្នុង និងក្រៅប្រទេស។

ជាក់ស្ដែង ព្រលានយន្តហោះអន្តរជាតិចំនួនពីរ ដែលប្រើប្រាស់ រយៈពេលសាងសង់ជាយូរមកហើយ នឹងបញ្ចប់នៅក្នុងឆ្នាំនេះ ហើយក៏គ្រោងនឹងដំណើរការនៅក្នុងឆ្នាំនេះផងដែរ។

ព្រលាយន្តហោះអន្តរជាតិសៀមរាបអង្គរ គិតត្រឹមចុងខែមីនា ២០២៣ គឺសម្រេចបានប្រមាណ៩០ភាគរយ ហើយរំពឹងថានឹងដាក់ដំណើរការហោះហើរសាកល្បង នៅអំឡុងពាក់កណ្ដាលខែតុលា ឆ្នាំ ២០២៣ខាងមុខនេះ។

អ្វីដែលពិសេសនោះ គម្រោងព្រលានយន្តហោះអន្តរជាតិមួយនេះ បាននិងកំពុងទាក់ទាញ វិនិយោគិនជាតិនិងអន្តរជាតិជាច្រើន ចូលទៅកាន់ខេត្តសៀមរាប ដើម្បីសិក្សាស្វែងយល់និងស្វែងរកឱកាសវិនិយោគនៅក្នុងខេត្តសៀមរាប។

អ្នកជំនាញនៃវិស័យអចលនទ្រព្យប្រចាំ ខេត្តសៀមរាបលោក សំ សីហា បានមានប្រសាសន៍ថា នៅពេលគម្រោងនេះសាងសង់រួច លោករំពឹងថា វិនិយោគិនបរទេស និងក្នុងស្រុកនឹងអាចចូលមកកាន់ខេត្តសៀមរាបន្ថែម ដើម្បីស្វែងកការវិនិយោគនានា ហើយតាមរយៈព្រលានយន្តហោះអន្តរជាតិនេះដែរ ក៏នឹងទាក់ទាញភ្ញៀវទេសចរបរទេសចូលមកកាន់ខេត្តកាន់តែច្រើន ជាពិសេសក្រោយពីស្ថានភាពសេដ្ឋកិច្ចសកលបានប្រសើរឡើងវិញ ។

យ៉ាងណាក្ដីលោកទទួលស្គាល់ថា ដោយសារតែស្ថានភាពសេដ្ឋកិច្ចសកលកំពុងតែមានបញ្ហា សកម្មភាពវិនិយោគនៅក្នុងខេត្តសៀមរាបពេលនេះ មិនទាន់ជាងមានសកម្មភាព ផុសផុលនៅឡើយទេ ហើយអនាគតសៀមរាប នឹងក្លាយជាតំបន់ទាក់ទាញមួយដ៏សំខាន់និងក្លាយជាគោលដៅវិនិយោគរបស់វិនិយោគិនអន្តរជាតិ ។

គម្រោងព្រលានយន្តហោះមួយទៀត ដែលគ្រោងនឹងដាក់ដំណើរការនៅក្នុងឆ្នាំ ២០២៣នេះ គឺព្រលានយន្តហោះអន្តរជាតិតារាសាគរក្នុងខេត្តកោះកុង ។

ព្រលានយន្តហោះអន្តរជាតិមួយនេះ បានពន្យារពេលហោះហើរសាកល្បងម្ដងហើយម្ដងទៀត ខណៈវាបានសាងសង់រួចរាល់១០០ភាគរយទៅហើយ ។

ប៉ុន្តែបើតាមលោកស្រីមិថុនា ភូថង អភិបាលខេត្តកោះកុងបានបញ្ជាក់ថា ព្រលានយន្តហោះអន្តរជាតិមួយនេះ នឹងដាក់ឱ្យដំណើរការហោះហើរសាកល្បង នៅក្នុងពាក់កណ្ដាលឆ្នាំ ២០២៣នេះ។

នៅពេលព្រលានយន្តហោះអន្តរជាតិមួយនេះ ដាក់ដំណើរការ លោកស្រីអភិបាលក៏បានរំពឹងថា នឹងទាក់ទាញភ្ញៀវទេសចរពីបរទេស ជាពិសេសពីប្រទេសចិន ចូលមកកាន់ខេត្តកោះកុង បន្ថែមទៀត ស្របនឹងខេត្តកោះកុង ក៏បានចងសម្ព័ន្ធភាពជាមួយខេត្តជាច្រើន នៅក្នុងប្រទេសចិន៕

កំណាត់ផ្លូវជាតិលេខ៧៣និងផ្លូវខេត្តចំនួនពីរបានបើកការដ្ឋាន លើកកម្រិត និងថែរទាំ

ដោយៈ គង់ សូរិយា

ភ្នំពេញៈ កំណាត់ផ្លូវជាតិលេខ៧៣ (ប្រធាតុ-កំពង់រាំង) ផ្លូវខេត្ដលេខ៣៧៧ (ក្រុងក្រចេះ-ស្រុកសំបូរ) និង ផ្លូវខេត្ដលេខ៣៧៧A (សណ្តាន់-ស្រុកសំបូរ) នឹងត្រូវប្រារព្ធពិធីបើកការដ្ឋានលើកកម្រិត និងជួសជុលថែទាំ នៅថ្ងៃស្អែកទី៤ ខែមេសា ឆ្នាំ២០២៣នេះ។

ផ្លូវ៣ខ្សែនេះ មានប្រវែងសរុប៩៨,៤០ គីឡូម៉ែត្រ ដែលក្នុងនោះ កំណាត់ផ្លូវជាតិលេខ៧៣ មានប្រវែង៤៩,៨១គីឡូម៉ែត្រ ស្ថិតក្នុងភូមិសាស្រ្តខេត្តត្បូងឃ្មុំ ចាប់ផ្តើមពីគីឡូម៉ែត្រលេខ (០+០០) ផ្លូវបំបែកប្រធាតុ ភូមិប្រធាតុ ឃុំស្រឡប់ ស្រុកត្បូងឃ្មុំ ទៅដល់ស្ពានកំពង់រាំង ឃុំសេដា ស្រុកតំបែរ (ព្រំប្រទល់ខេត្តក្រចេះ) គីឡូម៉ែត្រលេខ (៤៩+៨១២)។

ចំណែកឯ ផ្លូវខេត្តលេខ៣៧៧ មានប្រវែង៣៥គីឡូម៉ែត្រ ចាប់ពីរង្វង់មូលព្រាបស (ក្រុងក្រចេះ) ដល់ស្រុកសំបូរ និងផ្លូវខេត្តលេខ៣៧៧A មានប្រវែង១៣,៦គីឡូម៉ែត្រ ចាប់ពីផ្សារសណ្តាន់ ឃុំសណ្តាន់ ដល់ភូមិសង្គម ឃុំសណ្តាន់ នៃស្រុកសំបូរ ក្រោមឥណទានសម្បទានរបស់ធនាគារពិភពលោក (World Bank)។

ពិធីបើកការដ្ឋាននេះ នឹងមានការអញ្ជើញចូលរួម ជាអធិបតីភាពដ៏ខ្ពង់ខ្ពស់ពីសំណាក់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា -ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕

មន្រ្តីជាន់ខ្ពស់រាជរដ្ឋាភិបាលបានលើកគឡើងពីគុណតម្លៃ នៃអ្នកធុរកិច្ចចិន

ដោយៈ គង់ សូរិយា

ភ្នំពេញៈ មន្រ្តីជាន់ខ្ពស់នៃរាជរដ្ឋាភិបាលកម្ពុជា បានលើកឡើងថា ការវិនិយោគរបស់ក្រុមហ៊ុន និងវិនិយោគិនចិនបានចូលរួមចំណែកយ៉ាងសំខាន់មួយ ក្នុងការជួយលើកកម្ពស់សេដ្ឋកិច្ច និងបង្កើតការងារក្នុងស្រុកដល់ប្រជាពលរដ្ឋ។

លោកឧបនាយករដ្ឋមន្រ្តីយឹម ឆៃលី ជាប្រធានក្រុមប្រឹក្សាស្ដារអភិវឌ្ឍន៍ វិស័យកសិកម្ម និងជនបទ បានថ្លែងក្នុងពិធីបិទវេទិកាកិច្ចសហប្រតិបត្តិការសេដ្ឋកិច្ច “ខ្សែក្រវាត់និងផ្លូវ” នៅរាជធានីភ្នំពេញ និងពិធីសម្ពោធជាផ្លូវការគម្រោង សហគ្រាសរាប់ពាន់ចូលមកកម្ពុជា នៅល្ងាចថ្ងៃទី៣ ខែមេសា ឆ្នាំ២០២៣ថា ការអភិវឌ្ឍសេដ្ឋកិច្ចកម្ពុជា ដែលមានកំណើនប្រមាណ៧% ក្នុង១ឆ្នាំ ជាង២ទសវត្សរ៍កន្លងមកនេះ គឺពិតជា មិនអាចកាត់ផ្តាច់បាន ពីការចូលរួមរបស់ក្រុមហ៊ុន សហគ្រាសចិន ដែលបានមកបណ្តាក់ទុនរកស៊ីនៅកម្ពុជានោះទេ។

លោកបានបញ្ជាក់ថា “ក្រោមការសម្របសម្រួល របស់សភាពាណិជ្ជកម្មចិន-កម្ពុជា និងវត្តមានសមាគមសម្ព័ន្ធសេដ្ឋកិច្ច សហប្រតិបត្តិការសកលខ្សែក្រវាត់និងផ្លូវ នៅកម្ពុជានេះគឺជាកម្លាំងចលករមួយដ៏សំខាន់ ដែលវាដើរតួនាទីមិនត្រឹមតែជាស្ពានចម្លង នៃកិច្ចសហប្រតិ បត្តិការលើវិស័យពាណិជ្ជកម្ម នៃប្រទេសទាំង២ប៉ុណ្ណោះទេ ប៉ុន្តែវាក៏ជាស្ថាប័នតភ្ជាប់នូវវិស័យសេដ្ឋកិច្ច វប្បធម៌ និងសង្គមកិច្ចផងដែរ”។

ជាមួយគ្នានេះ លោក លឹម ហេង អនុប្រធានសភាពាណិជ្ជកម្មកម្ពុជាក៏បានលើកឡើងដែរថា ការវិនិយោគរបស់ប្រទេសចិន ពិតជាបានចូលរួមចំណែក ដល់កំណើនសេដ្ឋកិច្ចកម្ពុជា តាមរយៈការបណ្តាក់ទុនរកស៊ីទៅក្នុងវិស័យនានា មានដូចជាវិស័យកាត់ដេរ និងវាយនភណ្ឌ វិស័យកសិកម្ម និងវិស័យកែច្នៃ វិស័យទេសចរណ៍ វិស័យហិរញ្ញវត្ថុ វិស័យធនធានរ៉ែ និងប្រេងកាតជាដើម។

លោកបានបន្តថា “ប្រទេសកម្ពុជាយើង គឺបានទទួលផលប្រយោជន៍ជាច្រើន ពីការវិនិយោគរបស់ប្រទេសចិន ក្នុងការជំរុញកំណើនសេដ្ឋកិច្ចជាតិ និងបង្កើនការនាំចេញ”។លោកបន្ថែមថា “លើសពីនោះទៅទៀត ភាពស្និទ្ធស្នាលរវាងថ្នាក់ដឹកនាំ នៃប្រទេសទាំង២ ក៏បង្កើតជាទំនុកចិត្តដល់វិនិយោគិន រវាងប្រទេសទាំង២ផងដែរ”។

ប្រទេសចិន បានបន្តឈរលើកំពូលតារាងជាប្រទេស ដែលមានទំហំពាណិជ្ជកម្មទ្វេភាគីជាមួយកម្ពុជា ច្រើនជាងគេក្នុងឆ្នាំ២០២២ កន្លងមក ដោយសម្រេចបានជាង១១,៦៨ ពាន់លានដុល្លារ កើនជាង ៤ ភាគរយបើធៀបនឹងឆ្នាំ២០២១ ខណៈទឹកប្រាក់ដែលចិននាំទំនិញមកកម្ពុជា បានគ្របដណ្តប់រហូតដល់ជិត៩០ភាគរយ នៃទំហំពាណិជ្ជកម្មសរុប។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា៕

China ready to speed up talks with Asean over South China Sea

China is ready to work with Malaysia and other Southeast Asian nations to speed up consultation for a South China Sea code of conduct, Xinhua reported, citing Premier Li Qiang.

Beijing is prepared to collaborate to jointly maintain peace and stability of the area, Li was cited as saying during a meeting with visiting Malaysian Prime Minister Anwar Ibrahim on Saturday.

“Asia is our common home and win-win cooperation is the only right choice,” Li was quoted as saying by Xinhua.

China and the Association of Southeast Asian Nations, known as Asean, have been working for nearly 20 years to establish a code of conduct covering the disputed body of water.

China asserts rights to more than 80% of the South China Sea based on a 1947 map showing vague markings that have since become known as the “nine-dash line”.

Tensions have been rising between the Asian giant and other claimants to the area — the Philippines, Malaysia, Taiwan, Indonesia, Vietnam and Brunei — as Beijing builds out disputed reefs, islands and land formations and militarizes them with ports, runways and other infrastructure.

Last month, China hit back at the US for expanding military access in the Philippines, saying Washington was trying to “encircle and contain” it.

Li also said, according to Xinhua, that China is ready to work with Malaysia and other Southeast Asian countries to actively advance negotiations on the Asean-China Free Trade Area, as well as to jointly implement the Regional Comprehensive Economic Partnership and promote building the East Asia economic community.

Meanwhile, Anwar said both Li and President Xi Jinping have agreed to boost trade relations with Malaysia under the Belt and Road Initiative, including expediting the East Coast Rail Link project, Bernama reported.

Source: Bloomberg

ក្រុមហ៊ុនចិននឹងរៀបចំដាក់បង្ហាញផ្ទាំង3Dធំជាងគេ នៅក្រុងព្រះសីហនុ

ដោយៈ គង់ សួរិយា

ព្រះសីហនុៈ ក្រុមហ៊ុនHonchen(Cambodia) Limited និងLixin Groupបាន និងកំពុងរៀបចំដាក់បង្ហាញផ្ទាំង3Dដ៏ធំ នៅក្នុងគំរោងអភិវឌ្ឍន៍ចម្រុះរបស់ខ្លូន នាក្រុងព្រះសីហនុ។

ផ្ទាំង3Dនេះ ត្រូវបានដាក់បង្ហាញនៅលើអេក្រង់ធំៗ នៅតាមទីក្រុងនានាមិនឈប់ឈរនាប្រទេសចិន។

នេះមិនមែនជាលើកទីមួយទេ ដែល3Dដែលមើលដោយភ្នែកទទេបានការបង្ហាញខ្លួន ជាសាធារណៈនៅក្រុងព្រះសីហនុ។ អេក្រង់ LEDកោង ដូចជានៅប្រទេសចិន សហរដ្ឋអាមេរិក ជប៉ុន កូរ៉េខាងត្បូង ថៃ សិង្ហបូរី និងកន្លែងផ្សេងទៀត ត្រូវបានបញ្ចូលជាកន្លែងទេសចរណ៍ដែលគួរអោយទាក់ទាញ។

ការជជែកទាក់ទងនឹង”3D បាននិងកំពុងក្លាយជាប្រធានបទដ៏ក្តៅគគុក និងពេញនិយមបំផុត។ បទពិសោធន៍នៃការប្រើប្រាស់3D មើលដោយភ្នែកទទេ ដែលមើលទៅដូចជារូបភាពពិត នៅនឹងមុខរបស់យើង។ វាបានធ្វើឱ្យសាធារណជនកាន់តែយល់ច្បាស់ អំពីបច្ចេកវិទ្យាអេក្រង់របស់វា។

មកទល់នឹងពេលបច្ចុប្បន្ននេះ ផ្ទាំង3Dដែលមើលដោយភ្នែកទទេដំបូងបំផុត នឹងមកដល់ក្រុងព្រះសីហនុ ប្រទេសកម្ពុជា ដែលមានទីតាំងនៅគម្រាងPlatinum Coast ជាគម្រោងអចលនទ្រព្យតែមួយគត់នៅខេត្តព្រះសីហនុ ដែលមានទេសភាពសមុទ្រ នៅខាងមុខនិងភ្នំនៅខាងក្រោយ ជាគម្រោងដែលត្រូវបានវិនិយោគរួម ដោយក្រុមហ៊ុនHonchen(Cambodia) Limited និងLixin Group។

គម្រោង ស្ថិតនៅភូមិសាស្ត្រដ៏ល្អឯកនេះ បូករួមជាមួយការដាក់បញ្ចូលភូមិសាស្ត្រនេះ ជាតំបន់អត្តសញ្ញាណ ក្រុងព្រះសីហនុថ្មី នឹងទាក់ទាញភ្ញៀវទេសចរណ៍អន្តរជាតិ មកស្នាក់នៅយ៉ាងច្រើនកុះករនាពេលខាងមុខដ៏ខ្លី។

Platinum Coast នឹងរៀបចំពិធីដាក់ង្ហាញផ្ទាំង3D ដែលមើលដោយភ្នែកទទេ នៅវេលាម៉ោង៣រសៀល ថ្ងៃទី៨ ខែមេសា ដែលស្ថិតនៅខាងត្បូង អាកាសយានដ្ឋានខេត្តព្រះសីហនុ ភាគខាងកើតរង្វង់មូលព្រះសិវៈ។

នៅពេលនោះ ទស្សនិកជនទាំងអស់ អាចទស្សនាទិដ្ឋភាពដោយផ្ទាល់ និងទទួលយកបទពិសោធន៍ នៃការមើលផ្ទាំង3Dដែលមើលដោយភ្នែកទទេដ៏រសរវើក៕

ប្រាក់ចំណូលត្រីមាសទី១របស់ក្រុមហ៊ុនធំៗនៅប្រទេសកូរ៉េ ស្ថិតក្នុងស្ថានភាពដ៏អាក្រក់

ដោយ: គង់ លាងហួរ

សេអ៊ូល: ទស្សនវិស័យនៃប្រាក់ចំណូល ត្រីមាសទី១សម្រាប់ក្រុមហ៊ុនធំៗរបស់កូរ៉េខាងត្បូង រួមទាំងក្រុមហ៊ុនផលិតបន្ទះឈីបឈានមុខគេរបស់ពិភពលោក Samsung Electronics Co. និង SK hynix នៅតែមានភាពស្រពិចស្រពិល ដោយសារតែតម្រូវការសកលធ្លាក់ចុះ។

យោងតាមការព្យាករណ៍ របស់ក្រុមហ៊ុនមូលបត្រដែលចងក្រងដោយកាសែត Yonhap Infomaxបានឱ្យដឹងថា ក្រុមហ៊ុន Samsung Electronics ត្រូវបានគេព្យាករណ៍ថា នឹងទទួលបានប្រាក់ចំណេញប្រតិបត្តិការចំនួន៧២០ពាន់លានវ៉ុន(៥៤៩,៧លានដុល្លារ) នៅក្នុងអំឡុងពេល៣ខែដំបូងនៃឆ្នាំ២០២៣នេះ។ វាកត់សម្គាល់ពីការធ្លាក់ចុះ៩៤,៩ភាគរយ ពីលទ្ធផលត្រីមាសទី១របស់ខ្លួន ចំនួន១៤,១ពាន់ពាន់លានវ៉ុនធៀបនឹងឆ្នាំមុន។

ការលក់របស់ក្រុមហ៊ុន Samsung ក្នុងអំឡុងខែមករាដល់ខែមីនា ត្រូវបានគេព្យាករណ៍ថា នឹងបានធ្លាក់ចុះ១៧,៣ភាគរយ ដល់៦៤,៣ពាន់ពាន់លានវ៉ុន។ ចំណែក ប្រាក់ចំណូលក្រុមហ៊ុន SK hynix ក៏ទំនងជានឹងនៅតែធ្លាក់ចុះ សម្រាប់រយៈពេល២ត្រីមាសជាប់ៗគ្នាផងដែរ។

ក្រុមហ៊ុន SK hynix ហាក់ដូចជាបានកត់ត្រា ខាតបង់ប្រតិបត្តិការចំនួន៣,៨ពាន់ពាន់លានវ៉ុន សម្រាប់ត្រីមាសទី១ ដោយការលក់របស់ខ្លួនបានធ្លាក់ចុះ៦០,១ភាគរយ កាលពីឆ្នាំមុនមកត្រឹម៤,៩ពាន់ពាន់លានវ៉ុន។

ក្រុមហ៊ុន LG Chem ដែលជាក្រុមហ៊ុនផលិតសារធាតុគីមីឈានមុខគេ នៅក្នុងប្រទេសកូរ៉េ ត្រូវបានគេរំពឹងថា នឹងប្រកាសប្រាក់ចំណេញប្រតិបត្តិការ ចំនួន៥៣៥,៥ពាន់លានវ៉ុន ពោលគឺធ្លាក់ចុះ៤៧,៧ភាគរយធៀបនឹងឆ្នាំមុន។

ប្រាក់ចំណេញប្រតិបត្តិការនៅត្រីមាសទី១ របស់ក្រុមហ៊ុន Kumho Petro Chemical ត្រូវបានគេប៉ាន់ប្រមាណថា បានធ្លាក់ចុះ៨១,៨ភាគរយ កាលពីឆ្នាំមុនដល់៨១,៩ពាន់លានវ៉ុន។

ក្រុមហ៊ុន POSCO Holdings ដែលជាក្រុមហ៊ុនផលិតដែកដ៏ធំបំផុតរបស់ប្រទេសកូរ៉េខាងត្បូង ត្រូវបានគេព្យាករណ៍ថា នឹងរាយការណ៍ពីការធ្លាក់ចុះ៧២ភាគរយ មកត្រឹម៦៣២ពាន់លានវ៉ុន។

ទោះជាយ៉ាងនេះក្តី ក្រុមហ៊ុនផលិតរថយន្ត និងក្រុមហ៊ុនផលិតអាគុយ ហាក់ដូចជាទទួលបានផលល្អ ក្នុងត្រីមាសទី១ ដោយសារទីផ្សាររថយន្តអគ្គិសនី កំពុងរីកចម្រើនយ៉ាងឆាប់រហ័ស។

ក្រុមហ៊ុន Hyundai Motor និង Kia ត្រូវបានគេព្យាករណ៍ថា បានកត់ត្រាប្រាក់ចំណេញ ប្រតិបត្តិការចំនួន២,៨ពាន់ពាន់លានវ៉ុន និង២,១ពាន់ពាន់លានវ៉ុន រៀងៗគ្នានៅក្នុងអំឡុងខែមករា ដល់ខែមីនា ពោលគឺកើនឡើង៤៤ភាគរយ និង៣២,៤ភាគរយធៀបនឹងឆ្នាំមុន។

ក្រុមហ៊ុន LG Energy Solution ដែលជាក្រុមហ៊ុនផលិតថ្មអាគុយធំជាងគេរបស់ប្រទេសកូរ៉េ ទំនងជាទទួលបានប្រាក់ចំណេញប្រតិបត្តិការចំនួន៤៩៩,១ពាន់លានវ៉ុន សម្រាប់ត្រីមាសទី១ ពោលគឺកើនជិតទ្វេរដង ធៀបនឹង២៥៨,៩ពាន់លានវ៉ុនកាលពីឆ្នាំមុន៕

1...981982983...3,258 Page 982 of 3,258