ឧកញ៉ាធំៗចាប់ផ្តើមប្រកួតប្រជែងក្នុងវិស័យអចលនទ្រព្យកាន់តែខ្លាំង

ដោយ គង់ សុរិយា
ភ្នំពេញ៖ ឧកញ៉ាធំៗនៅកម្ពុជាជាច្រើនបាននឹងកំពុងចាប់ផ្តើមប្រកួតប្រជែងរកស៊ីក្នុងវិស័យអចលនទ្រព្យកាន់តែខ្លាំង ខណៈវិស័យមួយនេះកំពុងតែរីកចម្រើនខ្លាំង។

ឧកញ៉ាធំៗទាំងនោះ មានដូចជា លោក ឧកញ៉ា លី យ៉ុងផាត់ ដែលបាននឹងកំពុងវិនិយោគលើសាលតាំងពិព័រណ៍ និងសាលមង្គលការដ៏ធំមួយនៅខណ្ឋសែនសុខ រាជធានីភ្នំពេញ ព្រមទាំងបាននឹងកំពុងធ្វើសួនកំសាន្តដែលមានរូបដាយណូស័រក្នុងទុនវិនិយោគ១៧ លានដុល្លារសហរដ្ឋអាមេរិក ជាមួយគ្នោះ លោក ឧកញ៉ា ពុង ឃាវសែ នាយកក្រុមហ៊ុន OCIC ដែលជាអ្នកវិយោគលើវិស័យអចលនទ្រព្យធំមួយដែរនោះ ក៏ចាប់ផ្តើមវិនិយោគលើសួនកម្សាន្តដែលមានរូបដាយណូស័រ និងវិយោគលើគម្រោងខុន និងលំនៅដ្ឋានជាច្រើន។

បន្ថែមពីនេះក៏មានលោក ឧកញ៉ា លី ហ៊ួរ ឧកញ៉ា ហុង ពីវ និងឧកញ៉ាជាច្រើនផ្សេងទៀតក៏បាននឹងកំពុងវិយោគលើវិស័យអចលនទ្រព្យនេះផងដែរ។