ដោយស៊ីវ ម៉េង
ភ្នំពេញ : រដ្ឋាភិបាលតាមរយៈក្រសួងរៀបចំដែនដី នគរូបនីយកម្ម និងសំណង់នឹងចេញដាក់ឲ្យប្រើប្រាស់នូវសន្លឹកប័ណ្ណថ្មី ដែលបានដាក់បញ្ចូលQ Code សម្រាប់សម្គាល់អចលនវត្ថុនៅថ្ងៃទី១ មករា ឆ្នាំ២០១៩ខាងមុខនេះ។
យោងតាមលិខិតរបស់ក្រសួងរៀបចំដែនដី នគរូបនីយកម្ម និងសំណង់ដែលមានចុះហត្ថលេខារបស់លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់ ដើម្បីជំរាបជូនថ្នាក់ដឹកនាំមន្ទីររៀបចំដែនដីទូទាំង២៥រាជធានី ខេត្តបានឲ្យដឹងថា មន្ទីរត្រូវបញ្ឈប់ការចុះបញ្ជីរ និងចេញប័ណ្ណកម្មសិទ្ឋកាន់កាប់អចលនវត្ថុ(ប័ណ្ណភោគៈ)សម្រាប់ការចុះបញ្ជីរដាច់ដោយដុំ ហើយត្រូវចុះបញ្ជីរនិងចេញវិញ្ញាបនបត្រសម្គាល់ម្ចាស់អចលនវត្ថុ ចាប់ពីថ្ងៃទី០១ មករា ឆ្នាំ២០១៩ ដោយសន្លឹកប័ណ្ណសម្គាល់អចលនវត្ថុគំរូថ្មី ដែលបានដាក់ឲ្យប្រើប្រាស់តាមប្រកាសលេខ០៨៩ ដនស/ប្រក ចុះថ្ងៃទី២១ ឧសភា ឆ្នាំ២០១៨របស់ក្រសួងរៀបចំដែនដី នគរូបនីយកម្ម និងសំណង់។
លិខិតដដែលបានបន្តថា ចំពោះរៀបនៃការចុះបញ្ជីរ និងចេញវិញ្ញាបនបត្រសម្គាល់ អចលនវត្ថុនេះ ត្រូវអនុវត្តន៍តាមសេចក្តីណែនាំលេខ០០៥ សណន/សដ ចុះថ្ងៃទី១៤ កក្កដា ឆ្នាំ២០១១ ស្តីពីការបំពេញការប្រើប្រាស់ និងការកាន់កាប់ចុះបញ្ជីរដីមានលក្ខណៈដាច់ដោយដុំ អនុលោកតាមអនុក្រិតលេខ៤៨ អនក្រ/បក ចុះថ្ងៃទី៣១ ឧសភា ឆ្នាំ២០១២។
ការចេញប័ណ្ណសម្គាល់ឬវិញ្ញាបនបត្រសម្គាល់ម្ចាស់អចលនវត្ថុថ្មីនេះ មិនមែនមានន័យថា វិញ្ញាបនបត្រចាស់អស់សុពលភាព ឬមិនអាចប្រើប្រាស់បាននោះទេ តែផ្ទុយទៅវិ
ញ វិញ្ញាបនបត្រថ្មីនេះជាការផ្លាស់ប្តូរទម្រង់ និងមានដាក់បញ្ជូលQ Codeដែលងាយស្រួលក្នុងការគ្រប់គ្រង និងកាត់បន្ថយជម្លោះដីធ្លីរបស់ប្រជាពលរដ្ឋ ដែលតែងតែកើតមានជារឿយៗនាពេលកន្លងមក ក៏ដូចជាក្នុងពេលបច្ចុប្បន្ន៕
