ដោយវុត្ថា
ប្រទេសចិនៈ ក្រុមហ៊ុនអភិវឌ្ឍន៍អចលនទ្រព្យចិនធំៗចំនួន៣០បានបំបែកកំណត់ត្រារបស់ខ្លួនរកចំណូលប្រចាំឆ្នាំ ដោយទទួលបានចំណូលរហូតដល់១៤.៥៤ពាន់លានដុល្លារសហរដ្ឋអាមេរិក ពីការលក់អចនទ្រព្យកាលពីឆ្នាំ២០១៨កន្លងទៅនេះ។
យោងតាមរបាយការណ៍ស្រាវជ្រាវរបស់ក្រុមហ៊ុនCRIC Research បានឲ្យដឹងថានៅឆ្នាំ២០១៨កន្លងទៅនេះ ការលក់ប្រចាំឆ្នាំបានកើនឡើងដល់១០០ពាន់លានយ័នស្មើនឹង១៤,៥៤ពាន់លានដុល្លារ កើនឡើង៣០% បើប្រៀបធៀបទៅនឹងក្នុងឆ្នាំ២០១៦និង ២០១៧ បានចំនួនត្រឹមតែ១២% និង១៧%។
ក្រុមហ៊ុន Country Garden ទទួលបានប្រាក់ចំណូល៧២៨,៦៩ ពាន់លានយ័នពោលគឺកើនឡើង៣២,៣%ធៀបនឹងឆ្នាំមុន ដែលជាចំណាត់ថ្នាក់ដំបូងបង្អោះចាប់តាំងពីឆ្នាំ២០១៧ ។ ចំណែកកំណើននៃការលក់របស់ក្រុមហ៊ុនVanke និងរបស់ក្រុមហ៊ុន Evergrande ក៏បានកើនឡើង១៤,៥% និង១០%ផងដែរ ដោយទទួលបានចំណូល ៦០៦,៩២ និង៥៥១,១ពាន់លានយ័នជាដើម។
CRICបានព្យាករណ៍ថា ឧស្សាហកម្មអចលនទ្រព្យរបស់ប្រទេសចិន នឹងផ្លាស់ប្តូរពីកំណើនលូតលាស់ខ្ពស់ ដល់កំណើនថេរនៅឆ្នាំ២០១៩ ។ អត្រាកំណើននៃសហគ្រាសអចលនទ្រព្យកំពូលៗចំនួន២០ នឹងមានការលំបាកក្នុងការរក្សាបានចំណូល៤០ភាគរយ ហើយទំនងជានឹងធ្លាក់ចុះវិញរហូតដល់២០% ៣០% ៕
