ក្រុម​ស្ថាបត្យករ​កំពុង​ចាប់ផ្តើម​រចនា​ប្លង់​ទីក្រុង​នាគរាជ​សម្តេច​តេ​ជោ​យ៉ាងសកម្ម

0

ដោយ៖ គង់ សូរិយា

ភ្នំពេញ៖ បន្ទាប់ពី​ទទួលបាន​ចំណា​ឯកភាព​ពីស​ម្តេច​តេ​ជោ​ហ៊ុន សែន​នាយករដ្ឋមន្ត្រី​កម្ពុជា ក្រុម​វិស្វករ និង​ស្ថាបត្យករល្បីៗកំពុងធ្វើការ​យ៉ាងសកម្ម ដើម្បី​រៀបចំ​នូវ​គំរូ​ស្ថា​ត្យ​កម្ម និង​ស្តង់ដា​នគរូបនីយកម្ម នៃ​ទីក្រុង​នាគរាជ​សម្តេច​តេ​ជោ​ដ៏​ធំ​នេះ។

គេហទំព័រ Propertyarea.asia បាន​ជួប​សម្ភាសន៍​ផ្តាច់មុខ​ជាមួយ​លោក ភឿង សុ​ភ័​ណ្ឌ ស្ថាបត្យករ និង​ជា​រដ្ឋលេខាធិការ​នៃ​ក្រសួង​រៀបចំ​ដែនដី នគរូបនីយកម្ម​និង​សំណង់។

តើ​ទីក្រុង​នាគរាជ​សម្តេច​តេ​ជោ​បាន​វិវត្តន៍​យ៉ាងដូចម្តេច?

ទីក្រុង​នាគរាជ  សម្តេច​តេ​ជោ ដែលមាន​ទំហំ​ជាង៣ម៉ឺន​ហិកតា​នេះ កំពុងស្ថិត​ក្នុងការ​ឌី​សាញ​បញ្ចប់ បន្ទាប់ពី​គំរោង​នេះ​បានដាក់​ឆ្លង​សម្តេច​តេ​ជោ ដែល​សម្តេច​បាន​ឯកភាព​និង​បាន​ឲ្យ​លោក និង​ក្រុមការងារ​រៀបចំ​ឌី​សាញ​លំ​អិតពី​ទីក្រុង​នេះ។ លោក​បន្តថា គំរោង​នេះ​គ្រោង​ចំណាយ​ទឹកប្រាក់៨០ពាន់​លាន​ដុល្លារ​អាមេរិក ដែល​បច្ចុប្បន្ន​មាន​ក្រុមហ៊ុន​ចិន​មួយចំនួន​កំពុង​ចាប់អារម្មណ៍។

រហូតមកទល់​ពេលនេះ មាន​ក្រុមហ៊ុន​ចិន​ពីរ​ឬ​បី ក្នុងចំណោម​គម្រោង​មួយចំនួន៥កំពុង​សិក្សា និង​បង្ហាញ​ពី​ចំណាប់អារម្មណ៍​ក្នុង​ការចូល​រូ​ម​ក្នុង​គម្រោង​សាងសង់​ទីក្រុង​ទំហំ​ជាង៣០,០០០ហិកតា​នេះ។

តើ​លោក​អាច​បញ្ជាក់​ពី​ទីតាំង​ពិតប្រាកដ​របស់​ទីក្រុង​នេះ​បាន​ឬទេ?

ខ្ញុំ​គ្រាន់តែ​អាច​ជម្រាប​ថា ទីក្រុង​នាគរាជ​សម្តេច​តេ​ជោ ស្ថិតនៅ​ប្រប​តាម​ដង​ទន្លេសាប និង​ទន្លេមេគង្គ​នេះ ដែលជា​ធាតុទឹក តំណាង​ឲ្យ​ភាពត្រជាក់ត្រជុំ ហេតុនេះ ទើប​យើង​ជ្រើស​រើសយក​ទីក្រុង​នេះ​នៅ​ជិត​ទន្លេ ដែលមាន​ចំហាយ​ទឹក ហើយ​ត្រូវ​នឹង​ពង្ស​របស​សត្វ​នាគ ដែលជា​សត្វ​ចូលចិត្ត​លេង​ទឹក។

ខ្ញុំ​មិនអាច​ជម្រាប​ពី​ទីតាំង​ជាក់លាក់​ទេ ដើម្បី​កុំ​ឲ្យ​មានការ​ផ្ទុះ​នូវ​តម្លៃ​ដីធ្លី ដែល​ធ្វើ​ឲ្យ​មានការ​លំបាក ក្នុងការ​សាងសង់​ទីក្រុង​នេះ​នាពេល​អនាគត។

វា​ជា​គំរោង​ទីក្រុង​ដ៏​ធំ​និង​ចំណាយ​ទុន​ច្រើន តើ​លោក​រំពឹង​ដូចម្តេច​ពី​ការស្វែងរក​ទុន ដើម្បី​សាងសង់​ទីក្រុង​នេះ?

លោក​សំណូមពរ​ឲ្យ​ចិន​ជួយ​កសាង​ទីក្រុង​នេះ សម្រាប់​មនុស្សជាតិ និង​ជា​មរតក​បន្សល់ទុក​ក្រោម​ការដឹកនាំ​សម្តេច​តេ​ជោ ព្រោះ​កម្ពុជា​ប្រកាន់​នយោបាយ​ចិន​តែមួយ ហេតុនេះ​ចិន​គួរតែ​ជួយ​កម្ពុជា ពិសេស​ជួយ​សម្តេច​តេ​ជោ ដើម្បី​កសាង​ទីក្រុង​នាគរាជ​សម្តេច​តេ​ជោ ដែល​សម្តេច​មាន​ឆ្នាំ​កំណើត​ឆ្នាំរោង ត្រូវ​នឹង​ឆ្នាំ​កំណើត​របស់​សម្តេច​ទៀតផង។

តើ​ហេ​ដ្ឋា​រចនា​ស​ម្ព័​ន្ឋ​ទីក្រុង​នេះ​ត្រូវ​រៀបចំ​ដូចម្តេច?

ហេ​ដ្ឋា​រចនា​ស​ម្ព័​ន្ឋ​ជា​រឿង​សំខាន់​ណាស់ ដែល​ត្រូវមាន​ចក្ខុវិស័យ​គិតគូ​រយៈពេល​វែង ហេតុនេះហើយ​ទើប​ក្រុម​ស្ថាបត្យករ គិតគូ​ពី​ការធ្វើ​យ៉ាងណា​ឲ្យ​ទីក្រុង​នេះ​មិនមាន​ការកកស្ទះ និង​ដោះស្រាយ​បញ្ហា​ចរាចរណ៍​បានយូរ​អង្វែង​រហូតដល់៥០០ឆ្នាំ។

អ្វីដែល​យើង​កំពុង​ធ្វើ គឺ​រក​ទុន​សិន ដើម្បី​យកមក​កសាង​ទីក្រុង​នេះ ព្រោះ  រដ្ឋាភិបាល​អាច​ចូលរួម​បដិភាគ​ប៉ុណ្ណោះ ដើម្បី​កសាង​ទីក្រុង​ដ៏​អ ស្ចា​រ្យ​នេះ​ឡើង។លោក​បន្តថា ទីក្រុង​នេះ​មាន​ផ្លូវគោក ផ្លូវអាកាស ផ្លូវ​ក្រោម​ដី និង​ផ្លូវទឹក៕

LEAVE A REPLY

Please enter your comment!
Please enter your name here