ដោយ ម៉ាណេត
ភ្នំពេញ៖ ការវិនិយោគសំណង់នៅក្នុងវិស័យអចលនទ្រព្យបានឈានដល់ជាង ១,៣៦ ពាន់លានដុល្លារនៅក្នុងត្រីមាសទី ១ ដែលមានការកើនឡើងយ៉ាងខ្លាំងពីរយៈពេលមុន ខណៈកាលពីឆ្នាំមុនការវិនិយោគ និងគម្រោងសាងសង់អនុម័តដោយរដ្ឋាភិបាលហាក់ដូចជាមាននិន្នាការយឺត។
ការប៉ាន់ប្រមាណលើការវិនិយោគក្នុងត្រីមាសទី ១ នេះ ទំនងជាអាចឈានដល់ចំនួន ១,៨ ពាន់លានដុល្លារពោលគឺកើនឡើង ៩៣ភាគយ បើធៀបនឹងក្នុងត្រីមាស១កាលពីឆ្នាំមុន។ ក្រសួងរៀបចំដែនដីនគរូបនីយកម្មនិងសំណង់បានបន្ថយការអនុម័តគម្រោងសាងសង់នៅចុងឆ្នាំមុន។
អ្នកខ្លះក្នុងវិស័យនេះបារម្ភថាសញ្ញានេះបង្ហាញពីនិន្នាការធ្លាក់ចុះក្នុងការការអភិវឌ្ឍន៍ដោយសារតែការផ្គត់ផ្គង់លើសតម្រូវការនៃអគារខុនដូដែលរំពឹងទុកនៅក្នុងរដ្ឋធានីភ្នំពេញ។
ទោះជាយ៉ាងណាក៏ដោយក្រុមអ្នកវិភាគហាក់ចាប់អារម្មណ៍ពីសម្ពាធធ្លាក់ចុះណាមួយទៅលើតម្លៃខុនដូយូនីតទេ ហើយបញ្ជាក់ថាទីផ្សារនៅតែបង្ហាញភាពរឹងមាំ។
លោក James Hodge នាយករងក្រុមហ៊ុន CBRE Cambodia បានថ្លែងថា ៖«រហូតមកដល់ពេលនេះយើងនៅតែបន្តមើលឃើញការលក់ល្អក្នុងគម្រោងជាច្រើន និងការលក់គម្រោងដែលទើបចាប់ផ្តើមបានកំណត់គោលដៅបានយ៉ាងល្អ»។
លោក ថ្លែងថា ៖«មិនមានសកម្មភាពធ្លាក់ចុះគួរអោយកត់សម្គាល់ចាប់តាំងពីឆ្នាំមុនមកម្ល៉េះដោយសារតែជំហរទីផ្សារនៅតែមានច្រើនដែលវាស្ថិតនៅចំណុចល្អដូចកាលពីមុន។
អ្នកដទៃទៀតនៅក្នុងវិស័យនេះបានព្រមានថា ការវិនិយោគ និងការអនុញ្ញាតការសាងសង់តែមួយមិនមែនជាការចង្អុលបង្ហាញពីស្ថានភាពទូទៅរបស់ទីផ្សារទេ។
លោកច្រឹក សុខនីម នាយកប្រតិបត្តិក្រុមហ៊ុន Century 21 Mekong បានមានប្រសាសន៍ថា ៖«ការអនុម័តពីក្រសួងគឺជាជំហានដំបូង។ គ្រាន់តែសម្លឹងមើលអត្រាការអនុម័តគម្រោងមិនគ្រប់គ្រាន់ទេ យើងត្រូវតែពិនិត្យមើលថាតើគម្រោងកំពុងត្រូវបានអនុវត្តយ៉ាងពេញលេញដែរឬទេ»។
កត្តាផ្សេងទៀតអាចមានឥទ្ធិពលលើការអនុម័តរបស់រដ្ឋាភិបាល។ អ្នកឈានជើងចូលថ្មីៗជាច្រើនដែលព្យាយាមចូលរួមក្នុងវិស័យនេះប្រហែលជាមិនមានបទពិសោធក្នុងឆ្លើយតបនិងការអនុម័តនោះទេ។
លោក សុខនីម បានបន្ថែមថា ៖«វាអាស្រ័យទៅលើអ្នកអភិវឌ្ឍន៍ម្នាក់ៗដើម្បីឆ្លើយតបនិងទាមទាររបស់រដ្ឋាភិបាល។ អ្នកអភិវឌ្ឍន៍ជាច្រើនដែលមិនមានបទពិសោធដែលប្រហែលជាលើកទី១ របស់ពួកគេ និងមានការលំបាកក្នុងការអនុវត្តតាមជំហាននីមួយៗដើម្បីទទួលបានការអនុញ្ញាតសាងសង់ និងមិនបំពេញតាមបទដ្ឋានរបស់ក្រសួងពាក់ព័ន្ធដើម្បីទទួលបានអនុម័តគម្រោងទាំងនោះ»។
