ក្រុមហ៊ុនOCICបោះទុនវិនិតយោគរាប់លានដុល្លារសាងសង់សាលាអន្តរជាតិមួយនៅទីក្រុងនរា

ដោយៈ ម៉ាលីនណា

    ភ្នំពេញៈ ក្រុមហ៊ុន Overseas Cambodian Investment Corporation (OCIC) បានប្រកាសបើកដំណើរការសាលាអន្តរជាតិនរា (NIS) ដែលជាសាលាអន្តរជាតិថ្មីមួយ ដែលនឹងស្វាគមន៍សិស្សដំបូងរបស់ខ្លួននៅខែសីហា ឆ្នាំ២០២៦ មុនពេលបើកសាខាថ្មីរបស់ខ្លួននៅក្នុងកោះនរា ក្នុងឆ្នាំ២០២៧។

យោងតាមព័ត៌មានបានបង្ហាញថា សាលាអន្តរជាតិនរាមិនត្រឹមតែផ្ដោតលើការផ្ដល់កម្មវិធីសិក្សា ជាលក្ខណៈអន្តរជាតិប៉ុណ្ណោះទេ ប៉ុន្តែនឹងផ្ដល់ជូនសិស្សានុសិស្សរបស់យើង នូវឱកាសដើម្បីបន្តការសិក្សាតាមប្រព័ន្ធអប់រំភាសាខ្មែរ សម្រាប់ត្រៀមការប្រឡងថ្នាក់ជាតិ។ សាលាក៏នឹងផ្ដល់នូវបរិយាកាសសិក្សាបែបទំនើប រួមជាមួយឱកាសសម្រាប់ការហាត់កីឡា តន្ត្រី ល្ខោន និងភាសានានាលើពិភពលោក គាំទ្រដល់បទពិសោធន៍សិក្សាដែលមានលក្ខណៈទូលំទូលាយ។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

-->

ការអភិវឌ្ឍនៃបរិវេណទីក្រុងនរាថ្មីៗនេះ បានឈានដល់ចំណុចសំខាន់ ជាមួយនឹងពិធីបើកពិធីបញ្ចុះបឋមសិលា នៅថ្ងៃទី១ ខែកុម្ភៈ ឆ្នាំ២០២៦ នៅទីក្រុងនរា ដែលជាការចាប់ផ្តើមនៃការដ្ឋាន សាងសង់ផ្លូវការ។

លោកលឹម គានអានអ្នកគ្រប់គ្រងទីក្រុងនរាបានមានប្រសាសន៍ឲ្យដឹងកាលពីសប្តាហ៍មុនថា សាលាអន្តរជាតិនេះ គ្រោងនឹងបើកនៅឆមាសទី២ ឆ្នាំ២០២៧ បរិវេណសាលាអន្តរជាតិនរា ទំហំ២ហិកតា ត្រូវបានរចនាឡើង ដើម្បីគាំទ្រដល់ការអភិវឌ្ឍន៍សិស្សគ្រប់ផ្នែក នៅក្នុងបរិយាកាសមាត់ទន្លេ ដែលមានសុវត្ថិភាព និងភាពស្ងប់ស្ងាត់។

បរិវេណសាលានឹងផ្តោត ការយកចិត្តទុកដាក់យ៉ាងខ្លាំងទៅលើកីឡា និងសិល្បៈ ជាមួយនឹងកន្លែងលេងកីឡាដ៏ទូលំទូលាយ រួមជាមួយនឹងកន្លែងកម្សាន្ត ច្នៃប្រឌិត និងសម្តែង។

ដើម្បីចាប់ផ្តើមបម្រើដល់ក្រុមគ្រួសារ យ៉ាងឆាប់រហ័ស សាលាអន្តរជាតិនរា​​​ (NIS) នឹងទទួលសិស្សជំនាន់ដំបូង តាមរយៈការបើកដំណើរការសាកល្បង (soft launch) នៅ​ អេលីហ្សេ (កោះពេជ្រ) នៅខែសីហា ឆ្នាំ២០២៦ ចាប់ផ្តើមពីថ្នាក់ទី១ ទៅទី៥ ដើម្បីជាការរៀបចំសម្រាប់ការបើកដំណើរការជាផ្លូវការ របស់សាលាអន្តរជាតិនរានៅពេលបន្ទាប់។

លោកស្រី Shailani Borges នាយិកាសាលាអន្តរជាតិនរា​​ ក្នុងពិធីបើកការសាងសង់ បានមានប្រសាសន៍ថា “សាលាអន្តរជាតិនរា ត្រូវបានសាងសង់ឡើង ដោយមានភាពជឿជាក់ថា ការអប់រំបែបអន្តរជាតិ និងរួមបញ្ចូលនូវប្រព័ន្ធសិក្សាអប់រំខ្មែរ អាចរីកចម្រើនរួមគ្នា បង្កើ​តបរិយាកាស ប្រកបដោយបរិយាបន្ន ដែលកុមារគ្រប់រូបទទួលបានការថែរក្សា មានឱកាសច្នៃប្រឌិត និងទទួលបានភាពជោគជ័យ” ។

ការបើកការដ្ឋានសាងសង់សាលានេះ ធ្វើឡើងក្រោមអធិបតីភាពលោកស្រីបណ្ឌិត លឹម លីណា សាលាអន្តរជាតិនរា ត្រូវបានអភិវឌ្ឍដោយក្រុមហ៊ុន OCIC ដែលមានវត្តមានក្នុងការចូលរួមចំណែកលើកកម្ពស់វិស័យអប់រំនៅកម្ពុជា។

ជាក្រុមហ៊ុនស្ថិតនៅពីក្រោយស្ថាប័នមួយចំនួន រួមមាន សាលាអន្តរជាតិកាណាដាភ្នំពេញ (CIS), សាលាបារាំងអន្តរជាតិភ្នំពេញ​ (EFI) សាលា Aspen Learning Academy និងសាកលវិទ្យាល័យCamTech។ សាលា​អន្តរជាតិនរា កំពុងត្រូវបានអភិវឌ្ឍដោយការសហការជាមួយក្រុមហ៊ុនដៃគូក្នុងស្រុក និងអន្តរជាតិរបស់ក្រុមហ៊ុន OCIC ដែលឆ្លុះបញ្ចាំងពីការប្តេជ្ញាចិត្តរយៈពេលវែងរបស់ខ្លួនចំពោះវិស័យអប់រំ ដែលជាសមាសធាតុសំខាន់នៃការអភិវឌ្ឍជាតិ។

ជាមួយនឹងការសម្ពោធសាលាអន្តរជាតិនរា​ ក្រុមហ៊ុន OCIC បន្តបញ្ចូលការអប់រំ ទៅក្នុងចក្ខុវិស័យសហគមន៍ ដ៏ទូលំទូលាយរបស់ខ្លួន ដោយផ្ដលនូវកន្លែង ដែលគ្រួសារអាចរស់នៅ រៀនសូត្រ និងរីកចម្រើន៕