ដោយ រតនៈ
ភ្នំពេញ៖ កូនខ្មែរមួយរូបបានបង្ហាញពីកត្យានុភាពជាតិរបស់ខ្លួន នៅលើឆាកអន្តរជាតិ ដោយបានចូលរួមក្នុងកម្មវិធីAsia Pacific Property Awards និងទទួលបានពានរង្វាន់រហូតដល់១០ក្នុងព្រឹត្តិការណ៍លំដាប់អន្តរជាតិ។
ក្រោយពីទទួលបានភាពជោគជ័យ ក្នុងការរក្សាបាននូវពានរង្វាន់ “ក្រុមហ៊ុនអភិវឌ្ឍដែលល្អជាងគេ” ៤ឆ្នាំជាប់ៗគ្នា និងជ័យលាភីពានរង្វាន់៧ផ្សេងទៀត ក្នុងកម្មវិធីប្រកាសពានរង្វាន់អចលនទ្រព្យកម្ពុជាលើកទី៤ កន្លងទៅថ្មីៗនេះ។
ក្រុមហ៊ុនប៉េង ហួត គ្រុប ត្រូវបានជ្រើសតាំងជាបេក្ខភាពតំណាងឲ្យប្រទេសកម្ពុជា បានចូលរួមប្រកួតប្រជែង ក្នុងកម្មវិធីពានរង្វាន់អចលនទ្រព្យអាស៊ីប៉ាស៊ីហ្វិក ក្នុងថ្ងៃទី១៤~១៥ ខែឧសភា ឆ្នាំ២០១៩ នៅសណ្ឋាគារ Bangkok Marriott Marquis Queen’s Park ទីក្រុងបាងកក ដែលរៀបចំឡើងដោយក្រុមហ៊ុន International Property Media ដែលមានមូលដ្ឋាននៅប្រទេសអង់គ្លេស និងដោយមានការចូលរួមពីបណ្តាក្រុមហ៊ុនល្បីៗធំៗពី២៧ប្រទេស។
ក្រុមហ៊ុន ប៉េង ហួត គ្រុប មានមោទនភាពជាថ្មីម្តងទៀតដោយបានទទួលជ័យលាភី ពានរង្វាន់ ចំនួន១០ ដែលក្នុងនោះមាន ។ ពានរង្វាន់ជ័យលាភីលំដាប់ថ្នាក់ប្រទេស ចំនួន២៖ ទី១ ពានរង្វាន់ស្ថាបត្យកម្មឌីហ្សាញពហុលំនៅឋាន គំរោងហ្គ្រេនស្តាផ្លាទីនីម និង២ ពានរង្វាន់ឌីហ្សាញផ្នែកក្នុងអគារ។
សេវាកម្មសាធារណៈ សាលសន្និបាតយូរ៉ូវីល ទទួលបានពានរង្វាន់ជ័យលាភីលំដាប់ផ្កាយ៥ ចំនួន៥ ដូចជា ទី៣ ពានរង្វាន់ឌីហ្សាញផ្នែកក្នុងការិយាល័យលក់ ៤ ពានរង្វាន់ឌីហ្សាញផ្នែកក្នុងក្លឹបហាត់ប្រាណដាយមិន និងយូរ៉ូវីល ទី៥ ពានរង្វាន់ឌីហ្សាញផ្នែកក្នុងផ្ទះគំរូវីឡាឃីង ទី៦ ពានរង្វាន់អភិវឌ្ឍអគារសេវាកម្មសាធារណៈ ព្រះវិហារជ័យមង្គល ទី៧ ពានរង្វាន់អភិវឌ្ឍគំរោងលំនៅឋាននៅកម្ពុជា គំរោងហ្គ្រេនស្តាផ្លាទីនីមពានរង្វាន់ ជ័យលាភីអាស៊ីប៉ាស៊ីហ្វិក ទៅប្រកួតវគ្គផ្តាច់ព្រ័ត្រនៅទីក្រុងឡុងដ៍ប្រទេសអង់គ្លេស ចំនួន៣។
៨) ពានរង្វាន់ឌីហ្សាញផ្នែកក្នុងផ្ទះគំរូវីឡាឃីង ប្រចាំតំបន់អាស៊ីប៉ាស៊ីហ្វិក ៩) ពានរង្វាន់ឌីហ្សាញផ្នែកក្នុងក្លឹបហាត់ប្រាណដាយមិន និងយូរ៉ូវីល ១០) ពានរង្វាន់អភិវឌ្ឍអគារសេវាកម្មសាធារណៈ ព្រះវិហារជ័យមង្គល។
ប៉េងហួត គ្រុបជាក្រុមហ៊ុន កូនខ្មែរសុទ្ធសាធ ដែលធ្វើអោយប្រទេសកម្ពុជាកាន់តែលេចធ្លោលើឆាកអន្តរជាតិ អោយឃើញពីស្នាដៃកូនខ្មែរ មិនចាញ់ប្រទេសក្នងតំបន់អាស៊ីប៉ាស៊ីហ្វិក ក្នុងការប្រកួតប្រជែងគម្រោងអភិវឌ្ឍធំៗ និងការរចនាស្ថាបត្យកម្មដ៏ល្អឥតខ្ចោះ ជាមួយនឹងការទទួលបានជ័យលាភីពានរង្វាន់សរុបចំនួន១០នេះ។
ក្រុមហ៊ុនប៉េង ហួតគ្រុប ទទួលបានពានរង្វាន់ទាំងអស់នេះ ជាសមិទ្ធិផលកើតចេញពីការខិតខំប្រឹងប្រែង ពីថ្នាក់ដឹកនាំថ្នាក់គ្រប់គ្រង បុគ្គលិកគ្រប់ជាន់ថ្នាក់ និងជាពិសេសទៀតនោះ ក៏សូមអរគុណអតិថិជន ដែលតែងតែគាំទ្រ ជារៀងរហូតមក៕
