ដោយ ម៉ាណេត
ភ្នំពេញៈ មន្រ្តីជំនាញ និងផ្នែកឯកជនក្នុងវិស័យទេសចរណ៍បានអះអាងថា ការដាក់បញ្ចូលទីក្រុងចំនួនចូលក្នុងការប្រកួតប្រជែងទីក្រុងស្អាតកម្រិតអាស៊ាន នឹងចូលរួមលើកកំពស់់បរិស្ថានស្អាត បៃតង និងលើកកំពស់វិស័យទេសចរណ៍ផងដែរ។
ប្រធានមន្ទីទេសចរណ៍ខេត្តកំពត លោកសយ ស៊ីណុលបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២០ ឧសភានេះថា រដ្ឋបាលខេត្តបានបង្កើតគោលនយោបាយទីក្រុងស្អាត និងបៃតងដើម្បីប្រកួតប្រជែងការប្រកួតប្រជែងទីក្រុងស្អាត លោកទីពីររបស់អាស៊ាន។លោកបន្ថែមថា យើងបានចូលរួមប្រឡងពីរដងរួចមកហើយ ជាមួយការប្រកួតប្រជែងទីក្រុងស្អាតនៅថ្នាក់ជាតិ ហើយយើងបានទទួលផ្ការំដួលបីនៅក្នុងការប្រកួតលើកទី២នៃការប្រកួតប្រជែងទីក្រុងស្អាត។
-->
លោកឲ្យដឹងទៀតថា “គណៈកម្មាធិការបានដាក់លក្ខណសម្បត្តិចំនួន៧០ សម្រាប់ការប្រឡងប្រណាំងទីក្រុងស្អាត ហើយទីក្រុងរបស់យើងបានបំពេញតាមលក្ខណៈវិនិច្ឆ័យទាំងអស់ ខណៈដែលមានលក្ខណៈវិនិច្ឆ័យចំនួន១០៨ ដែលបង្កើតឡើងដោយគណៈកម្មាធិការទីក្រុងស្អាតរបស់អាស៊ាន”។លោកបន្ថែមថា “ជាមួយនឹងបទពិសោធដែលយើងមានមន្ទី និងរដ្ឋបាលខេត្ត បានបង្កើតផែនការដើម្បីធ្វើឲ្យទីក្រុងស្អាត និងបៃតងដើម្បីបំពេញតាមលក្ខណៈសម្បត្តិប្រកួតប្រជែងរបស់ទីក្រុងស្អាតរបស់អាស៊ាន”។
លោកស៊ីណុល បានមានប្រសាសន៍ថា “ការប្រកួតប្រជែងនេះមិនត្រឹមតែផ្តោតលើភាពស្អាត និងបៃតងប៉ុណ្ណោះទេ ថែមទាំងសន្តិសុខនិងសុវត្ថិភាព ហើយយើងបន្តពង្រឹងហេដ្ឋារចនាសម្ព័ន្ធ ភាពស្អាត និងបៃតងនៅក្នុងទីក្រុងរបស់យើង”។
នៅឆ្នាំ ២០១៨ ខេត្តកំពតទទួលបានភ្ញៀវទេសចរប្រហែល១,៦លាននាក់ដែលបានមកទស្សនាខេត្តនេះ ហើយក្នុងនោះមាន១០ភាគរយជាអ្នកទេសចរអន្តរជាតិ។
លោក ធួន ស៊ីណាន ប្រធានសមាគមកម្ពុជាអាស៊ីប៉ាស៊ីហ្វិក មានប្រសាសន៍ថា ការប្រកួតប្រជែងទីក្រុងស្អាតរបស់អាស៊ាន នឹងជំរុញទីក្រុងនានាដែលត្រូវបានជ្រើសរើសសម្រាប់ការប្រកួតប្រជែង ដើម្បីផ្លាស់ប្តូរទីក្រុងរបស់ពួកគេទៅជាទីក្រុងស្អាត និងបៃតង។លោកបន្តថា មានទីក្រុងជាច្រើនដូចជាខេត្តសៀមរាប បាត់ដំបង និងមណ្ឌលគិរីដែលអាចទៅប្រកួតប្រជែងហើយខេត្តទាំងនេះ មានសម្រស់ស្រស់ស្អាត និងបៃតង ប៉ុន្តែការជ្រើសរើសទីក្រុងខាងលើ គឺដើម្បីរំលឹកឲ្យអាជ្ញាធរទីក្រុងទាំងនោះ ដើម្បីពង្រឹងភាពស្អាតនិងភាពស្រស់ស្អាតរបស់ពួកគេ។
លោកឲ្យដឹងទៀតថា “នេះគឺជាយុទ្ធសាស្រ្តដ៏ល្អមួយ ដែលរដ្ឋាភិបាលបានជំរុញទីក្រុងនានាដូចជា កំពង់ឆ្នាំង និងតាខ្មៅដែលមិនមានភាពល្បីល្បាញ នៅក្នុងវិស័យទេសចរណ៍ ដើម្បីរៀបចំទីក្រុងរបស់ពួកគេសម្រាប់ការប្រកួតប្រជែងនេះ ហើយមានគោលបំណងបង្ហាញថា ប្រទេសកម្ពុជាមិនត្រឹមតែមានទីក្រុងមួយចំនួនប៉ុណ្ណោះទេ ប៉ុន្តែថែមទាំងទីក្រុងជាច្រើនដែលមានសក្តានុពល សម្រាប់វិស័យទេសចរណ៍”។
កាលពីឆ្នាំមុនកម្ពុជាបានដាក់ចូលទីក្រុងចំនួន៧ ចូលរួមប្រកួតប្រជែងផ្នែកទេសចរណ៍ស្អាតអាស៊ាន – រាជធានីភ្នំពេញ សៀមរាប កំពត កែប ក្រុងព្រះសីហនុបាត់ ដំបង និងកំពង់ចាម។ ទីតាំងទាំងអស់នេះ បានស្ថិតនៅលើកំពូលនៅក្នុងការប្រកួតប្រជែងទីក្រុងស្អាតថ្នាក់ជាតិ។ ជាលទ្ឋផលទីក្រុងបីនៅកម្ពុជាដូច បាត់ដំបង កែប និងសៀមរាបបានទទួលពានរង្វាន់ទេសចរណ៍ទីក្រុងស្អាតអាស៊ាន នៅវេទិកាទេសចរណ៍អាស៊ានឆ្នាំ ២០១៨ ដែលបានប្រារព្ធឡើងនៅឈៀងម៉ៃប្រទេសថៃកាលពីឆ្នាំមុន។
“ក្រុង-ខណ្ឌចំនួន៦ ជាបេក្ខភាពចលនាប្រឡងប្រណាំងទីក្រុងស្អាតអាស៊ានលើកទី២” នៅឆ្នាំ២០១៩នេះ រដ្ឋាភិបាលកម្ពុជា តាមរយៈលិខិតលេខ ១៤៧៥ សជណ.ផក ចុះថ្ងៃទី២៤ ខែធ្នូ ឆ្នាំ២០១៨ គណៈកម្មាធិការជាតិវាយតម្លៃទីក្រុងស្អាត ចេញសេចក្ដីជូនដំណឹង ស្ដីពី “នីតិវិធីវាយតម្លៃនៃចលនាប្រឡប្រណាំង ទីក្រុងទេសចរណ៍ស្អាតអាស៊ាន លើកទី២ សម្រាប់កម្ពុជា” ជូនបេក្ខភាពទីក្រុង-ខណ្ឌបេក្ខភាពឆ្នើមថ្មីចំនួន៦ដែលជាប់ជ័យលាភីទីក្រុងស្អាតថ្នាក់ជាតិ ទទួលបានពិន្ទុខ្ពស់ក្នុងចលនាប្រឡងប្រណាំងទីក្រុងស្អាតលើកទី២ (សុពលភាព ២០១៨-២០២១) ជាបេក្ខភាពក្នុងចលនាប្រឡងប្រណាំងទីក្រុងទេសចរណ៍ស្អាតអាស៊ានលើកទី២ រួមមាន ក្រុងកំពត (ខេត្តកំពត), ខណ្ឌដូនពេញ (រាជធានីភ្នំពេញ), ក្រុងកំពង់ចាម (ខេត្តកំពង់ចាម), ក្រុងពោធិ៍សាត់ (ខេត្តពោធិ៍សាត់), ក្រុងតាខ្មៅ (ខេត្តកណ្តាល), និងក្រុងកំពង់ឆ្នាំង (ខេត្តកំពង់ឆ្នាំង)៕
ការជូនដំណឹងនេះ ដើម្បីឲ្យអាជ្ញាធរខេត្តទាំងនោះ ត្រៀមលក្ខណៈសម្បត្តិឱ្យបានរួចរាល់ និងឈានឆ្ពោះទៅរកជ័យលាភី ក្នុងការប្រឡងប្រណាំងទីក្រុងទេសចរណ៍ស្អាតអាស៊ានលើកទី២ សម្រាប់ឆ្នាំ២០២០-២០២២ ដែលគ្រោងនឹងប្រកាសលទ្ធផលក្នុងឱកាសវេទិកាទេសចរណ៍អាស៊ាន (ATF) នៅប្រទេសប្រ៊ុយណេដារូសាឡឹម នាដើមខែមករា ក្នុងឆ្នាំ២០២០៕
